الحقوني بسرررررعة...

[الطفشان]

بصي يا شعنونة

بعد المكالمة الاخيرة دي

كان لازم تفركشي

الخلاصة: ما حصلش قبول

و مافيش توافق

يبقى خلاص الموضوع منتهي من اساسه

و مافيش اي مجال انه كان ممكن يبقى عريس ملائم

نيجي بقى لحتة جلد الذات

ليه العياط؟

كان نفسي اكون بنت تافهه عشان اعجب

و مين قال البنات التافهة هي بس اللي بتعجب؟

و الا بتعجب كل رجل مثلا؟

انت عايزة تقولي لنفسك انك فيكي حاجة غلط و خلاص؟ هو بالعافية؟

كان نفسي ما كنش اتحملت مسؤولية عشان يكون لييا احلام زي البنات

مش شايف اي علاقة بين المسئولية و احلام البنات اصلا

كان نفسي ماما تكون عايشة عشان تقولي ازااااااي ابقى بنت

طبعا الام شئ هام جدا

لكن مين قال انها كانت هي اللي حتفرق في الموضوع دة؟

انا شايف بكاء على ما فات و لا يمكن ان يعود

و دة شئ لا يفيد اصلا، لانه لا يمكن تغيير الماضي

المستقبل بايدك، لكن الماضي راح

انا بكره نفسي جدا جدا جدا 

بكرهها من كل قلبي

شفتي؟

مش قلت انا كدة؟

جلد للذات

غاوية تعذبي نفسك باي سبب

طب عريس و طلع مش كويس او مش ملائم

تقومي تنفجري في نفسك و خلاص!

من امبارح لدلوقتي بفكر اولع في نفسي ازاي 

انتحر؟؟ ااذي نفسي؟؟ اعيط بس..

و ادي اخرتها!

انا تعبت مني وتعبت من جوازات الصالونات دي اللي زادتن عقد على عقدي

طب يا ريت ابو حلاوة يقرا الكلام دة و يبعت لك على المسنجر هو شايف ايه

لاني حاسس انك اللي بتعقدي نفسك

[فنكوش]

اختى العزيزه

:lol: ضاقت فلما استحكمت حلقاتها فرجت وكنت اظنها لا تفرج

[فنكوش]

اخت العزيزه

كل فوله ولها كيال لاتتعجلى رزقك يمكن ربنا بيخليكى تشوفي ناس غير مناسبين عشان لما ربنا يرزقك بابن الحلال اللى يستاهلك تعرفي فضل الله بس اهم حاجه لا تقنطى من رحمه الله وكونى متاكده ان ربنا هايفرجها قريب جدا

على فكره اوعى حد يضغط عليكى ويقول لك فكرى تانى

اخينا ده عاوز نحاس مش ماس

[se_ Elsyed]

اخت العزيزه

كل فوله ولها كيال 

فول أيه وطعمية أيه يا فنكوش .. بقى أحنا عمالين نقول على شعنونة فاكهة المنتدى وكريز المش عارف أيه تقوم تخليها فول ......

( الوش الموقعاتي بتاع كل مره )

[optimistic]

طالت اصابعي و قصرت عن الضغط على مفاتيح الكيبورد اكثر من مرة

و لعلي اكتب متحرجا الى حد ما .... و ينبع تحرجي من منبعين

1- انني احترم شانا و اعزها معزة انسانية خاصة خالصة ... و الله يعلم

2- انني مازلت اعترك الحياة حتى ليصعب بل ليستحيل ان تجد عندي ما يمكن ان يكون نصيحة::: خصوصا لانسان في مثل عمري و خبراتي:::

لكنني أقول و بمنتهى الايمان بصدق ما اقوله انني اعتقد انك يا شانا ستنعمين بحياة سعيدة جدا ... مع شخص يستحقك و تستحقينه ...

فقط ... يجب عليكي ان تثقي في نفسك ... الكاملة المستقلة الجذابة الرائعة .. كما يجب عليكي ان تعلمي ان لكل منا حياتين و شخصيتين تتقاربان و تتباعدان في نقاط عديدة .. و مرحلة التعارف من أجل الزواج مليئة بتناقضات هاتين الشخصيتين ::: فنقول ما لا نعني و نسكت حيث نحب ان نتكلم . و نندم في كل الاحوال::::فلا تدعي انفعالك يغلب حسن طبعك و لطفه الواضحين ... و لا تتحركي كفأر تجارب يضايقه نور المجهر ... بل تعاملي مع كل محاولة كتجربة جديدة

و لي نصيحة ربما تبدو غريبة .. ضعي قليلا من الغموض زينة في كلامك عند بداية التعارف فهذا يستفز الطرف الاخر(بلطف) كي يظهر ما بعجبته من احاسيس و مبادئ جيدة و سيئة

هذا من جهة .... اما من الجهة الاخرى فاننا عندما نستقل قطارا ثم نتركه (لاي سبب) مرغمين ... لا يجب ان يسبب لنا هذا خوفا من ركوب القطار مثلا ... بل قد تكون الرحلة القادمة انجح ... بل لا بد من ان تكون انجح لانها مزدانة بخبرات سابقة ... و بدايات و افعال لن نكررها لاننا عرفنا الى ماذا ستؤدي

و في النهاية فالرجل اي رجل ... يبحث عن امرأة كما يريد هو .. فان صادفت من لا يجدك مناسبة فليس هذا عيبكما انتما الاثنين ... مجرد انه لا توافق كقطعتين من الاحجار الكريمة تجدينهما معا غير متناسقتين

و لعلك واجدة من تريدين عما قريب

اعلم اني اطلت ... و امللت و لكني يعز علي جدا ان اراكي حزينة

لعلي قد ساهمت في تخفيف حزن اخت عزيزة

[se_ Elsyed]

أوبتي كتب

.. ضعي قليلا من الغموض زينة في كلامك عند بداية التعارف فهذا يستفز الطرف الاخر(بلطف) كي يظهر ما بعجبته من احاسيس و مبادئ جيدة و سيئة

والله برافو عليك يا أوبتي .. الكلمتين دول زي الجون بتاع خالد بيبو أمبارح فى الأسماعيلي ... أرضية برازيلية زاحفة لا تملك أمام روعتها إلا أنك تقول وجون وجون وجون .

شوفتي يا شنشن حتى أوبتي اللى لسه فى الأعدادية قالها لك أهو ... وعلى ما يبدو أنك نسيتي كلامنا قبل كده فى نفس الموضوع عن الذكاء الإجتماعي .. وإن الصراحة المطلقة ليست مطلوبة على طول الخط خاصة مع شخص لسه ماتعرفهوش .. يعني مش فى أول تعارف يا شانا تقعدي تقوليله أنا ما بأفكرش فى الإنجاب إلا بعد خمس سنين والجواز لازم يتم بعد سنتين .

أسأليني أنا يا بنتي عن الرجالة .. اللى تتدلق عليهم يكرهوها ويقولوا أيه ده .. دي أنسانة غريبة قوي

لكن اللى تتمنع وتتقل وتعمل حركات يـــــــــــــا سلام تبقى هي دي فتاة الأحلام .

أنا لا أدعو هنا إلى إستخدام الخداع فى فترة الخطوبة .. ولكن مرة آخرى على الفتاة ان تستخدم ذكاء المرأة المعروف عنها .. ومش أنا اللى هأقولكم ده في أيه يا بنتي نازلة فيكم " إن كيدهن عظيم "

[moody00x]

أسأليني أنا يا بنتي عن الرجالة .. اللى تتدلق عليهم يكرهوها ويقولوا أيه ده .. دي أنسانة غريبة قوي 

لكن اللى تتمنع وتتقل وتعمل حركات يـــــــــــــا سلام تبقى هي دي فتاة الأحلام .

ايه يا عم السيد ...مش كده....كده كشفت أسرارنا الحربية للأعدقاء....

أومال حرب ايه وروميات ايه ده احنا فضلنا نحارب فى 300 صفحة غير الملحق...

وكمان بتدى ألأسرار لمين ....لقائدة الجناح العسكرى ليهم...

رغم إن كلام أوبتى عجبنى بس هن أساتذة ودكاترة فى النقطة دى....وفروا نصايحكو فى النقطة دى..دول جبابرة يابا...مش تقولى خالد بيبو

[se_ Elsyed]

لأ يا مودي .. لحد شعنونة والواحد لازم يعمل باك أوف .... ماتنساش إني دي بنتنا الصغيرة ومن واجبنا ننصحها ... أي نعم أحنا قرصنا عليها جامد فى المعركة التاريخية .. لكن بجد انا ندمان وبأطلب أنها تسامحني ... دول طلعوا أضعف من الضعف يا جدع ...

[ســيد مرزوق]

عزيزتي شعنونة ... في الحقيقة لا أجد ما أضيفه بعد المشاركات الرائعة الصادقة لجميع الأخوة والأخوات هنا ... ولا أستطيع إلا أن أقول لك كلمة واحدة وسامحيني على الأسلوب .....

شدي الســـيفون عليه جامد ..

وعيشي حياتك عادي جدا وطبيعي زي مانتي ... إنتي شخصية هايلة وغير عادية وبنوتة رقيقة غصبا عن اللي مش عاجبه ...

ولا يهمك يا شنشن وراكي هنا في المنتدى رجالة تاكل الظلط المسلوق ..... وأخوات برضه تاكل المهلبية .... ( وش واحد نفسه في البليلة بالقشطة )

شوفي لنا موضوع تاني يا شانا إحنا من غيرك ولا حاجة .

( وش واحد رافع يافطة مكتوب عليها بالروح بالدم نفديك يا شعنونة )