مساء الفل للسادة المحاورين

[redwany]

السادة المحاورين

اولا مساء الفل

ايه ماتعبتوش من الحوار والجدال

ناس مع السعوديه وناس ضد السعوديه البعض واخد الموضوع جد وبيحرق فى دمه ويقارن ويفكر وفى الاخر كلام

ناس مع السنه وناس ضد وناس حايره بين الاتنين

مساء الفل للجميع

ماتيجى نرتاح يومين من الحوار

ماتيجى نتفق لمدة يومين بس وبعد كده نرجع للحوار

تعالوا نقول قصص جميله وشعر جميل

انا عن نفسى مش هاحاور حد حتى يوم السبت

مساء الفل

[redwany]

ايه لسه بتتحاوروا

مش عايزين ترتاحوا

اريحوا فكركم وضعوا اسلحتكم يومين فقط

[eslam elmasre]

يااستاذ رضوان

اولا مساء الورد والياسمين

المشكله يا رضوان ان الواحد دماغه تعباه شويتين وعشان انام كل يوم لازم اشغل الراديو واسمع ايات من الذكر الحكيم وكمان ممكن اتدبر ايه معينه اجي ايم من النوم اكتب لحسن مالاقيهومش يقوم بعد كده النوم يجي ماتعرفش ازاي

وبعدين انا راجل مثالي

من الشغل للبيت ومن البيت للشغل

لا بعرف اده ولا اده ولا ليا صحاب

نفسي افضي دماغي مره واحده مش عارف زيك كده لما نويت ماتتحاورش لغايه يوم السبت

ربنا يوفقك

سلام

[redwany]

مساء الفل يا استاذ اسلام

انا كان ممكن احاورك فى كلامك واختلف واتفق معاك بس

انا اليومين دول مافيش حوار

وبصراحة مراتى حالفه عليه لانها شايفه ان المحاورات اصبحت درتها

والواحد مننا يا اسلام يا اخويه لازم برضه يسمع كلام مراته

سلام الى المحاوره يوم السبت