وظائف الى اوروبا ( موضوع كان تم حذفه )

[mmrmms]

السلام عليكم ورحمة الله وبركاتة

لكل من يرغب بالسفر او الهجرة او العمل او العلاج او السياحة نحن شركة رنتيلا نستطيع توفير كل هذا ان شاء الله الدول هيا كالاتى

اوكرانيا- بولندا - هولندا-فنلندا - جمهورية التشيك-المانيا فيزا بيزنس موثقة وعمل وايضا مساعدة رجال الاعمال فى اقامة مشروعات وتصاريح اذون الاستيراد والتصدير وتوفير مساكن واستاجار سيارات فى هذة الدولة وباسعار منافسة

للمراسلة على البريد الاتى

m*******_5@yahoo.com

ra******_fi@yahoo.com

s******eukraine@yahoo.com

التراسل مع السيد\ مصطفى

الاوراق المطلوبة اول 3 صفحات من جواز سفرك

سى فى بالانجليزى اسمك العنوان رفم الهاتف صورتك مؤهلك والوظيفة الحالية

مع اطيب تمنياتنا لكم بالتوفيق والسداد

تم تعديل 11 ديسمبر 2008 بواسطة Scorpion
حذف عناوين بريدية خاصة

[ozoozo]

ارجو من الاداره المراجعه حتي لانكون فريسه للنصايبن

[mmrmms]

ارجو من الاداره المراجعه حتي لانكون فريسه للنصايبن

الاخ الفاضل لية حكمت انى نصاب هل طلبت بيانات الشركة هل تراسلت مع سفارة دولة من الدول المذكورة باسم الشركة وترخيصها وحظروك منا اتمنى المصداقية والعقلانية عند التحدث عن اشخاص خصوصا انك تمس بسمعتنا وانت لاتعرفنا

تحياتى لك

[ozoozo]

سيدي الفاضل المنتدي ليس مكان للاعلانات عن الشركات وادا كان كده انا كمان بعمل رحلات للقمر واللي عايز ممكن يراسلني ويبعتلي صوره الباسبور عشان الجوازات في القمر بيرخمو شويه

[mmrmms]

سيدي الفاضل المنتدي ليس مكان للاعلانات عن الشركات وادا كان كده انا كمان بعمل رحلات للقمر واللي عايز ممكن يراسلني ويبعتلي صوره الباسبور عشان الجوازات في القمر بيرخمو شويه

اشكرك جدا يبدو مستواك الاخلاقى عالى جدا عموما اذا كان الموضوع مخالف لقوانين المنتدى ينحذف وبالنسبة ليك فانت اقل من ان ارد عليك

[osmel33]

السلام عليكم ورحمة الله وبركاتة

لكل من يرغب بالسفر او الهجرة او العمل او العلاج او السياحة نحن شركة رنتيلا نستطيع توفير كل هذا ان شاء الله الدول هيا كالاتى

اوكرانيا- بولندا - هولندا-فنلندا - جمهورية التشيك-المانيا فيزا بيزنس موثقة وعمل وايضا مساعدة رجال الاعمال فى اقامة مشروعات وتصاريح اذون الاستيراد والتصدير وتوفير مساكن واستاجار سيارات فى هذة الدولة وباسعار منافسة

للمراسلة على البريد الاتى

m*******_5@yahoo.com

ra******_fi@yahoo.com

s******eukraine@yahoo.com

التراسل مع السيد\ مصطفى

الاوراق المطلوبة اول 3 صفحات من جواز سفرك

سى فى بالانجليزى اسمك العنوان رفم الهاتف صورتك مؤهلك والوظيفة الحالية

مع اطيب تمنياتنا لكم بالتوفيق والسداد

الأخ الكريم طبعاً أولاً أنا زعلت من إحتداد الحوار بينك وبين الأخ ozoozo لكن فعلاً المشكلة لازم اللى يطلب طلب زى صورة جواز وما شابه لابد أن تكون جهة لها مصداقيتها ويكون الشخص متأكد صور الجواز دى رايحة لمين وهايعمل بيها أيه ومعلش المشكلة التانية أن لما الواحد بيبص على الإميل اللى بيرسل ليه الصور دى ويلاقيها من الميلات المجانية yahoo, hotmail وغيرها بيشك على طول من مصداقية الكلام وكمان وده الأهم أن البلاد اللى انت بتتكلم عليها زى ألمانيا وهولندا تحديداً موضوع التأشيرة مش سهل فيها يعنى أنا خدت فيزة لهولندا لما لقيوا أن جوازى عليه تأشيرة صالحة للولايات المتحدة الأمريكية وكنت نازل عندهم ترانزيت فقولت أقعد شوية أشوف البلد وده علشان تأشيرة أمريكا وعلى الرغم من كده ده هاتقعد فى هولندا ليه وكلام كتير على ما خدتها أما تأشرة ألمانيا فأنا اللى أعرفه عنها أنها أصعب تأشيرة فى دول الإتحاد الأوروبي

فبرجاء ضع موقع الشركة اللى انت بتتكلم عنها وياريت تنوه أنت بتعلن عنها ليه ؟ وطبعاً ده بالرجوع لإدارة المنتدى علشان نشوف ده أصلاً مصرح بيه ولا لأ ؟ وأعتقد أنك لو بتقدم خدمة للمصريين ومالكش غرض خاص فأكيد الإدارة مش هاتمانع طالما الأمر لا يتعدى تقديم خدمة

[capitshino]

الياهو مش مجانى ... الياهو ممكن يكون بفلوس

مافيش حاجة اسمها فيزا المانيا ولا هولندا .... كلها شنجن

ممكن تاخد فيزا هولندا وتدخل الماني

الناس اتغيرت جدا فى المنتدى لدرجة هليت الواحد يبعد عن المشاركة ولكن لم ابعد يوما عن قراته

[nizza la bella]

الاخ الكريم يا ريت نعرف اسم الشركة ومقرة فين ?

ويكون فى تفاصيل ادق

[ozoozo]

طبعا الاخosmell33 وضح ووفي انا قصدي ايه ثانيا الياهو بيكون بفلوس لما بتكون ليه بعض المزايا الاضافيه كانشا الاسم بدون الاندر سكور او اضافه ارقام للاسم فالواضح بانه مجاني ولو كان بفلوس كان عمل لنفسه موقع ارخص واصدق من انه يعمل تلاته ايميلات و بعدين انت طول النهار يتلاقي علي السبام ميل رساله من شركه عالميه كبيره كشيل مثلا عايزين موظفين وفي الاخر تلاقي الميل شيل ات ياهوو فتعرف انه نصب

انا كان بيبقي عتدنا تدريب في اوروبا لمده 3 او 4 ايام تبع الشركه التي اعمل بها ورغم وجود دعوه من الشركه الام ورصيد في البنك والمده 3 ايام كتير جدا بتترفض وبعدين لما الواحد بيطلع عينه من فيزا السعوديه عشان السفاره توافق عليهم فما بالك الشنجن وكمان عمل .....

وبعدين حتي لو شركه فعلا وكلامها صادق فالمنتدي بيقدم خدمات مجانيه للناس اي انه خدمي وليس منتدي للربح فلو كنت هاتديني الفيزا ببلاش اوكي ولو عايز تستفيد من عدد المشتركين في الموقع ممكن تخاطب الاداره وتاجر مساحه اعلانيه ولو كانت فيز اوروبا سهله كده امال الناس اللي بتموت في البحر ايه ماسمعوش عن شركتك .......

وعلي فكره انا عندي وظيفتين في الربع الخالي بمرتب كبير عشان عايزين يحولو الرمال اللي هناك ويحطوها في مكان تاني وفي البدايه هايبتدو باتنين واحد يحفر بالفاس والتاني يشيل بالغلق فمن يجد في نفسه الكفاءه يبعتلي السي في علي brrorrom@brrrorrom .com

شفت انشاء الشركات علي المنتديات مفيش اسهل منها

وبعدين انت مسجل مخصوص عشان تعمل اعلان وتمشي لان مشاركتك الوحيده كانت لكتابه الاعلان

تم تعديل 20 نوفمبر 2008 بواسطة ozoozo

[osmel33]

الأخ mmrmms أوعى تكون بتزعل لكن الناس هنا فيه منهم الكثير عنده خبرة كبيرة بالسفر وفيه نسبة كبيرة منهم مسافرين وبيدخلوا المنتدى من أمريكا وأوروبا والخليج بالتالي انت مش بتكلم ناس صغيرة فلازم الكلام علشان يكون فيه مصداقية وضح اسم الشركة موقعها على الإنترنت وعنوانها وكل شىء يوثق كل الكلام اللى بتقوله وأيه هى الفرص المتاحة للتأشيرات وأيه اللى المفروض يدفع ؟ ومقابل أيه؟

الأخ capitshino الناس ماتغيرتش فى المنتدى وكلهم ناس زى الفل على العكس كمان المنتدى أصبح فعال كتير والناس بتنصح غيرها باللى تقدر عليه

الأخ ozoozo ألا الربع الخالي ده جنب النص المليان ولا ده فى حتة وده فى حتة تانية والوظيفة دى بيقبضوا فيها بالدورار ولا بالمأسوف على شبابه

[عصام]

تم إغلاق الموضوع حيث أنه غير مسموح بوضع إعلانات بالموقع.

الإدارة

[Scorpion]

الزملاء الأعزاء

كانت مداخلة الأخ الفاضل عصام شوقي الأخيرة تعبيرآ عن سباسة محاورات المصريين في التعامل مع تلك النوعية من المواضيع و التي لا تزيد عن كونها مجرد اعلانات قد تكون جادة و قد لا تكون ... فلسنا نحن من نستطيع تقييمها للأسف .. و هذا ما تم التعبير عنه في موضوع "تشهير أم تحذير" الموجود في باب شئون المحاورات .

و لكننا قررنا فتح هذا الموضوع مرة أخري ليس لأننا وثقنا في جدية الإعلان الذي يحتويه .. و لكن لعرض تكملة له .. بمعني المفاوضات التي حدثت لزميل لنا في المحاورات مع مسئول من تلك الشركة و كيف انتهت ....

من جهتنا نثق في جدية ما حدث لأنه بحوزتنا جميع "صور" الرسالات الألكترونية ( e-mail ) المتبادلة بكل الأسماء و أرقام التليفونات و العناوين .... و سنكتفي بعرضها بدون اي تعليق من جانبنا مكتفيين بتعليقات الزميل نفسه ... و ان كنا قررنا اخفاء الأسماء الموجودة نزولآ علي رغبته و أيضآ لعدم التشهير باشخاص قد يكون تم استخدام اسمائهم دون علمهم ....

و الحكم سيكون لكم في النهاية .....

[Scorpion]

السادة مديرين منتدي المحاورات

مقدمه لسيادتكم ************

أما بعد

***************

*******************************************

******************************************

*****************************************

و لاحظوا ان من بين الدول التي أعلنوا عنها هناك ألمانيا و هولندا و مش بس امكانهم تدبير فيزا سليمة لأ و ايجاد عمل كمان

************* و بعتلهم الآتي :

السيد المحترم مصطفي

قريت الإعلان بتاع النت عن توفير وظايف في اوربا , و اعرفكم اني مهتم جدان بهذا العرض

اسمي ***** و انا دلوقتي عايش في **** بس ورقي مضروب و اتمسكت و لازم ارجع مصر قبل 15 ديسمبر

انا معايا دبلوم فني و الأنجليزي بتاعي مش قوي

في الوقت الحالي انا شغال مخزنجي في سوبر ماركت و بعرف اشتغل عالكومبيوتر

فلو صحيح ممكن تعملولي ورق سليم و مش مضروب اقدر اسافر بيه هولندا و الا المانيا انا مستعد ادفع المطلوب بس يكون ورق سليم عشان انا زهقت من الجري

ممكن اعرف العملية دي حتكلفني كام و ايه المطلوب مني من اوراق و خلافه

مع الشكر مقدمآ و ربنا يخليكم

****

الكلام ده كنت كتبته بالليل و تاني يوم الصبح جالي الرد :

السلام عليكم ورحمة الله وبركاتة

بخصوص مساعدتكم فى موضوع تضبيط اوراقكم عندنا استعداد لذلك سواء الى المانيا او هولندا باوراق رسمية وتوفير عمل لكن سوف تكلفك 5000 يورو المطلوب دفع 2500 يورو مقدما وبعد التوثيق ستقوم بسداد ال2500 يورو المتبقيين اتمنى السرعة فى المراسلة حتى نتمكن من اقامة الاجراءات اللازمة لك باسرع وقت ممكن حتى لا تتعرض للترحيل من ****

المطلوب كالاتى

صورة اول 3 صفحات من جواز سفرك

السى فى تبعك مكتوب فية اسمك عنوانك رقم تليفونك صورتك العمل السابق مهارتك ويجب ان يكون بالانجليزية

بعدها سوف اعطيك بيانات التحويل

اتمنى سرعة الرد حتى نتمكن من مساعدتكم باسرع وقت ممكن قبل الترحيل وضمان عدم ترحيلكم

اخوك مصطفى

ملحوظة لن نتقدم باوراقك الى الامن العام فى الدول المذكورة الا بعد دفع ال2500 يورو هذا اثباتا للجدية من طرفكم

تحياتى لك

يا ولاد ايه يا حريفة الجدع لقط نقطة اني حترحل و لعب عليها علي طول

بعتله :

السلام عليكم و رحمة الله و بركاته

الأستاذ المحترم مصطفي

علي فكرة المبلغ كبير فعلان انا باخد مرتب شهري هنا 600 يورو في الشهر و المقدم اللي انتم طالبينه هو تقريبآ كل اللي حوشته الفترة اللي فاتت

ينفع تقبلوه و ال 2500 التانيين ااسطهم من شغلتي في المانيا او هولندا

لو وافقتم قولولي التحويل اعمله ازاي

و بعدين هو مش عدم استأمان لا سمح الله لكن اسف يعني هي ايه الضمانات اللي حتدوهالي انكم قدام المبلغ ده حتوفرولي الورق و الشغل

ده هام هام تاني

انا اخويا قاعد في مصر و عايز يسافر هو برضه فلو الموضوع ينفع تلاقولنا الشغل في حتة واحدة

بس كل واحد يدفع لنفسه. انتم عندكم مكتب في مصر

في انتظار الرد تقبلو فائق تحياتي

****

شوفوا بقي الدرر :

الاخ الفاضل

السلام عليكم ورحمة الله وبركاتة

بامكاننا قبول النصف والنصف الثانلا نقسطة لكن لن نعطيك اوراقك الكاملة الا بسداد المبلغ بالكامل الشىء الثانى اتمنى ان لاتتاخر اكثر من هذا حتى تستطيع اكمال اوراقك بسرعة الضمانات سنعيك بيانات التحويل الاسم العنوان رقم التليفون بيانات الشركة عند التحويل فى حالة حدوث اى شىء بامكانك التوجة الى سفارة اوكرانيا وتشتكى هذا لن يحدث ان شاء الله وسيكون معك وصل من شركة ويسترن يونيون خاص بالتحويل

بالنسبة لاخوك

m*******@yahoo.com

يرجى ان نتحدث معة على المايك من خلال الاميل للسرعة بخصوص موضوعك يجب التحرك باسرع وقت حتى نتجنب اى شىء طارىء فى الاجراءات لاقدر الله

وايضا نتكلم فى موضوع اخوك بالتفصيل

مع اطيب امنياتى لك بالتوفيق

القسم العربى

مصطفى *****

يا ولااااد الأيه دي ايه لحلاوة دي

مش حشوف ورق قبل ماادفع 5000 يورو

و الورقة اللي حتكون في ايدي كوصل باللي دفعته مجرد وصل من ويسترن يونيون

آخد الزومبة اروح اشتكي فين في سفارة أوكرانيا ألستاذ أسمه مصطفي ****مصري و أروح اشتكيه في سفارة أوكرانيا

و بالنسبة ليا و مادمت في ***** فالعملية ماشية بالشكل ده ..

انما أخويا اللي في مصر فوسيلة الإتصال هي الماسنجر !!!!! و مع واحد اسمه ام ام ار ام ام اس !!!!

طيب ركنت الفيل الأبيض في الباركينج و بعتله آخر رسالة دلوقتي :

و عليكم السلام و رحمة الله و بركاته

الأخ المحترم مصطفي

عالبركة.ايه المطلوب مني بالظبت دلوأتي و ازاي اعمل التحويل

في انتظار الرد

[Scorpion]

و آدي الأسماء و ارقام التليفونات

المطلوب الاتى

1- او ثلاث صفحات من جواز السفر تبعك

2- السى فى الخاص بك اسمك عنوانك رقم تليفونك الوظيفة المؤهل صورتك يفضل عنوانك الحالى ورقم تليفونك الحالى حتى نستطيع ارسال الاوراق علية باذن الله تعالى

بيانات التحويل كالاتى

اسم المحول لة ويجب مراعاة الحروف يجب ان يكون بنفس هذا الاسم

ali ********

ukraine kiev

هذا خاص بالويسترن يونيون المطلوب 2500 يورو

اتمنى ارسال بياناتك بسرعة

وياريت اسمك وعنوانك ورقم تليفونك ترسلة لى مع السى فى اليوم

رقم الدكتور على قبل عملية التحويل بحيث تكلمة هو

+38*******

ياريت تكلمة قبل التحويل بحيث يكون عندة علم وياريت ترسلى بياناتك علشان اخاطب الجهات باسرع وقت

ما فيش عنوانين في مصر

رقم التليفون في اوكرانيا

مصريين في اوكرانيا ؟؟؟

[Scorpion]

اتصلت بسفارة اوكرانيا في **** و بعد كام تحويلة من موظف للتاني آخر واحدة قالتلي ان اساسآ هما ما لهمش دعوة بمواضيع مماثلة لكن لتفهمها تأكدت ان مافيش حد بيتعامل مع سفارتهم في **** بيحمل الأسم ده و نصحتني بالأتصال بالشرطة

و بما ان **** مش من الدول المذكورة في اعلان الباشمهندس يبقي هنا ممكن اشرب من البحر .

اتصلت ببواحد صاحبي عايش في ***** و يعز الحاجات دي زي عينيه و طلبت منه انه يتصل بسفارة المانيا اللي علي فركة كعب منه و يديني أخبار و ان كنت اشك انها حتكون مختلفة عن هنا

و بعدين بعتله الرسالة دي :

انا كلمت اخويا و شرحتله المطلوب. بس هو رفض علشان مافيش ضمانات و كمان المبلغ كبير بالنسبة له. هو انتم مالكوش مكتب في مصر. و الا كل التعاملات من اكرانيا

بالنسبة ليا ممكن اعرف بعد ما ابعت ال2500 يورو ايه اللي حيحصل و حتبعتولي الفيزا ازاي

في انتظار الرد لكم الف الف شكر

[Scorpion]

صاحبي بتاع المانيا اداني الرد السلبي المنتظر بمعني ان في سفارة اوكرانيا هناك مافيش حاجة من الهجص ده و لا حد عرف مين البني آدم ده

في نفس الوقت الجدع كان قلقان ان الزبون حيطير من ايده و بعتلي التالي :

الاخ الفاضل السلام عليكم ورحمة الله وبركاتة

اولا لايوجد لدينا اى فرع مصر ( و النبي خليكم فاكرين الجملة دي ) لسبب بسيط جدا ان المصريين غير مرحب بهم فى اوروبا او الذين ياتون من دول الشرق الاوسط نحن لم نقدم لك المساعدة الالوجودك فى **** ليس اكثر ( مع انه عارف اني قاعد مش شرعي )وبخصوص موضوع اخوك وبحكم علمى بالشركات فى مصر حتى لو تعامل مع مكاتب فانة لايضمن شىء ايضا من اموالة لانة عند ملىء الاستمارة الخاصة بالشركة باى شركة الحاق عمالة بالخارج بها بند خطير وهو ان الاموال التى تدفعها هيا ليست اموال للعقد او للفيزا انما اموال مقابل بحث الشركة لك عن البحث عن عمل وطبعا البحث قد ينجح وقد يفشل يبدو ان اخوك ليس لة خبرة بهذا الموضوع نهائيا الشىء الثانى تاشيرة الكويت =60 الف جنية اى 11 الف دولار تقريبا هل 6000 دولار خسارة فى المانيا او فى هولندا ايهما افضل دولة من دول الاتحاد الاوروبى ام دول يجلد فيها المصريين بخلاف عدم الصدق فى الراتب الموجود بالعقد اكيد انت تسمع عن كل هذا الموضوع وهذا عن طريق مكتب ومرخص من وزارة القوى العاملة والهجرة فاتمنى ان ياخذ فكرة اولا وانا اعتبر ان باب مساعدتة مغلق

بخصوص موضوعك

انت لم ترسل حتى الان لاجواز سفرك ولا السى فى الخاص بك ولا اى شىء ولم ترسل الاموال ولم تتصل على الرقم الشخص الموجود فى اوكرانيا وبالتالى موضوعك يزيد صعوبة مع الوقت اذا جاء يوم 1-ديسمبر ولم تتحرك سامحنى هقولك مش هقدر اساعدك لان الفيزا بتستخرج فى اسبوع كامل هذا اول شىء ثانى شىء ارسالها لك ياخذ 3 ايام وعما تحضر اوراقك من داخل **** ستاخذ وقت مثل التامين وغيرها من صورة لكشف الحساب البنكى حتى لو يرسلوا لك هذا عن طريق dhl الى ***** من داخل مصر

والورقة الاوريجنال ستصل لك عن طريق dhl الخاصة بالفيزا

اتمنى سرعة التجاوب والبدء فى الاجراء فهذا لصالحك انت فقط حتى لا تتعرض للترحيل

تحياتى لك

القسم العربى

مصطفى *****

ملاحيظ عالماشي :

- دلوقتي اخويا ما بقاش ينفع يساعدوه عشان في مصر اومال الأعلان معمول للمصريين اللي في موزمبيق ؟؟ و كانوا عايزينه يتكلم في الماسنجر مع الدكتور ام. ام .اف. اس. ده ليه ناقصهم واحد يلعبوا معاه الدومينو !!

- الفيزا بيطلعوها في اسبوع . اسبوع واحد .بتاع الفريكيكو .و هنا اللي معاه الجنسية و يعوز يعزم حد من عيلته ييجي هنا العملية بتاخد بالميت مش اقل من شهر

- لسه عمال يقول الورق الأوريجينال و الدي اتش ال

[Scorpion]

فيه حاجات كتيرة مش مقنعة في كلامك خلتني افكر كتير في الكلام اللي اخويا قاللي عليه ان شكلها كده عملية نصب

اولآ ليه في الأول قلتلي بالنسبة لأخويا ممكن تلاقيله الفيزا و الشغل و لما كتبتلك انه مش مقتنع قوي حكتلي رواية طويلة عريضة في الآخر تقوللي ما تقدرش تساعده. امال الأعلان اللي انا قريته مش كان معمول للمصريين في مصر اساسان تقوم دلوقتي تقول مالناش مكاتب في مصر. و المصريين ما نقدرش نساعدهم و انك ممكن تساعدني انا اكمنني في ****. ايه الهجص ده

و بعدين كل الضمانات بتاعتكم هي وصل الديايتش ايل . يا صلاة النبي . و لو حصل حاجة اروح اشتكيكم فين في سفارة اوكرانيا انهي سفارة يا ستاذ

انا اتصلت بسفارة كروانيا بتاعتك دي هنا و ما حدش يعرف عنكم حاجة

عملت مكالمة للسفارة بتاعت المانيا شرحه

اخص عليكم عالم نصابة و انا اللي داقق عصافير كنت حصدقكم

و آل ايه عايز تساعدني و رئيس القسم العربي

والقسم الخواجاتي

انا دلوقتي اللي حيأدرني ربنا عليه حعمله

و القسم حخليك تشوفه فعلان

روحوا ربنا يخرب بيوتكم و تدفعوا فلوس نصبكم علي ادوية

[Scorpion]

بعد رسالتي الأخيرة اللي بتهمه فيها بالنصب ده كان رده :

انا هرد اعليك بكلمتين

اولا كلامك معى منذ البداية لم يكن مرتب وشعرت انك من محتالى النصب ولله الحمد ظنى كان بمحلة والذى يقبل ان يدخل دولة بطريقة غير شرعية ويفعل خطاء مثل هذا ممكن ان يتنازل عن مبادىء كثيرة فى حياتة خصوصا انك من الاشخصا الذين يساومون على المادة

الشىء الثانى

بخصوص تشهيرك بى كشخص وبموضوع اخوكاولا الحمد لله الذى هدانى لعدم البداء فى اى اجراء لك او لاخوك او لاحد من طرفك لان النتيجة الحتمية التى كانت شركة رانتيلا ستقوم بها هو خصم مبلغ الفيزا تبعك من راتبى وانتمن الاشخاص الذين ياكلون اموال الناس بالباطل

وبخصوص تجريحك فيا

انا مش هقولك هرد ومش هرد واقول فى المتنتدى او مقولش وخصوصا انت اتهمتنى انى نصاب لن اسامحك وحقى معك عند رب العالمين وهذكر بقول الله عز وجل

بسم الله الرحمن الرحيم

ايَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْماً بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ

صدق الله العلى العظيم

السلام على من اتبع الهدى وخشى الرحمن

انا اللي بقيت من محتالي النصب( معناها ايه الأول ) ما علينا رديت عليه طبعآ :

لا يا شيخ . بقي انا اللي كلامي مش مترتب .انا اللي من محتالي النصب

شوف يا حضرة البيه

شوف يا بتاع ربنا

لو انتم مش نصابين فعلان قوللي مقر شركة رانتيلللا بتاعتك ديه فين و ايه ارقام تليفوناتها و فيزة ايه اللي ممكن تجيبوها في اسبوع واحد .

ده لو راجل اعمال ما يقدرش يعملها

حاجة أخيرة لما تشتغلوا الشغلانة دي بلاش تحطوا كلام ربنا في الوسط عشان ده عقابه اشد

الراجل عداه العيب و قزح بعتلي رد لخبطني للحظة :

قريبا اطلاق موقع المؤسسة على شبكة الانترنت وسارسل لك تراخيص الشركة ايضا

وياريت اكتب كلمة rantala 2000 تعاقد مع اكثر من 500 موقع دعائى

ومؤسسات وايضا بعض شركات استيراد وتصدير فى مصر

مها الشركة المصرية للاستيراد والتصدير

القاهرة **** نهاية احمد عرابى تليفون 02******

وايضا مؤسسة ابن **** للدراسة والخدمات الطلابية

ومؤسسة اليمانى العاملة فى اوكرانيا ولو ترغب ايضا بتليفوناتهم اوكى

وايضا لمزيد من الاستفسار عن شركة رنتيلا ******

سفارة اوكرانيا شارع 83 حى السفارات استاذ ****مدخل على يدك *****

لكن امثالك لايعرفون الطرق الشرعية يعرفون طرق الموت ومراكب الموت

حسبى الله ونعم الوكيل فيك وفى امثالك ولانتشرف بالتعامل معكم

فكتبت له :

و لما جنابكم عندكم الهلمة دي ليه كذبت و قلتلي مالكوش مكاتب في مصر وليه كنت عايزني ابعت الفلوس لأوكرانيا

العب غيرها يا مولانا.

لن نتعامل مع نصابين امثالكك وحسبى الله ونعم الوكيل فيك واشوفك ان شاء الله مترحل من **** بكلابشات قريبا وكلام ربنا فوق دماغك ودماغ اللى جابوك ياواطى ******

طبعآ للحظة اترددت؟؟ الجدع حاطط اسامي و ارقام تليفونات . و حتي لا أترك اي ذرة شك في امكانية وقوعي في خطأ دورت بكل الطرق المرة دي علي اثر للشركة بالأسم الجديد المكتوب بالحروف اللاتينية rantala 2000 .مافيش

مواقع اليكترونية . مافيش .دليل التليفونات الألكتروني الرد دايمآ : لا توجد نتائج مطابقة لعملية البحث.

ما سكتتش. اتصلت بالرقم اللي حطه يرن يرن ما حدش يرد تاني يوم اتصلت الصبح و بالليل يرن يرن ما حدش يرد .

ما سكتش دخلت علي موقع الشركة المصرية للأتصالات و دورت عالنمرة دي لقيت البيانات التالية :

رقم التليفون : *******-02

فئة المحاسبة: منزلي

اسم المشترك : سعديه ********

مدام سعدية بتضرب فيز لأوربا و مش بس كده دي تفاصيل آخر فاتورة ليها :

توجد لديك فاتورة سابقة غير مدفوعة, برجاء سدادها الفاتورة المحلية 01/10/2008

78.36 10.00 85.50

لا يمكن دفعها الآن, يتم الأن تفعيل الغرامة الفاتورة المحلية 01/07/2008

و أنا اللي من محتالي النصب

.

[Scorpion]

للمصداقية بعد البحث و كتابة الأسم بدون مسافات وجدنا ان الشركة المذكورة لها بالفعل موقع الكتروني و فيه يتم عرض نفس الأعلان.

و لكن بعد أن قمنا بالبحث شخصيآ تأكدنا أن رقم التليفون المذكور في رسالة السيد مصصطفي هو بالفعل رقم تليفون منزلي و خاص بسيدة مثلما ذكر العضو الشاكي و بالتحديد تعيش ببشتيل مما لا يجعلنا نفهم العلاقة .

بينما لا توجد اي شركة باسم الشركة المصرية للاستيراد والتصدير.

كان هذا ما تم ارساله لنا حرفيآ ... و ما قمنا به من تعديل لا يمس جوهر المسألة ... و وجدنا ان من واجبنا عرض الأمر عليكم للتفكير قليلآ قبل ان يقرر واحدآ منا استخدام تلك الوسيلة للسفر . فالطريقة واضحة ... و المبلغ المطلوب واضح .. و الضمانات !! واضحة ....

مع تحيات فريق المشرفين

[newcomer]

مجهود جامد جدا...... ربنا يجازيكم خير عليه

لو كل واحد عنده الايجابيه دى ..... كان كل النصابيين قعدوا فى البيت