قررررررب قررب أسهم للبيع

[osmel33]

أخوانى وأخواتى فى المنتدى سؤال هام وبصراحة عشان الموضوع إقتصادى سياسي بس الأصل فيه أنه كوميدى :old: فحطيته فى باب ساعة لقلبك الملقب بدعوة للإبتسام "ألا هى مين إبتسام دى ؟"

وياريت يا ريت

كل واحد يقول وبصراحة لما هاياخد أسهم الحكومة :P هايعمل بيها أيه ، وهابتدى أنا ... جاهزين يا شباب؟

استعنا على الشقا بالله :FN: "طبعاً موضوع كبير"

أول حاجة طبعاً هابيع الأسهم mft: وبعد ما بيع

هاغير عربيتى وهاجيب لاند كروزر GX-R ولا VX-R ولا نخليها X من غير R نشوف الموضوع ده بعدين

تانى حاجة على طول هاشتري فيلا فى الساحل الشمالى ولا أقولكم الساحل الشمالى بقى بيئة أطلع آخد فيلا فى النخيل فى دبي ومعلش نستحمل الحر والزهق شوية

تالت حاجة......

ماتسمعونا صلاة النبي هو فيه أيه أنا شايف الناس مبرقة كده ليه آهههههههه كل ده لما أبيع الأسهم أيه مش مصدقين طب قولوا انتوا هاتعملوا أيه ؟؟؟؟؟؟؟؟؟؟؟؟؟

[osmel33]

أيه أفهم ممن كده ان الناس مش هاتبيع

[مغتربة]

هاحتفظ بيها للذكرى لانى عارفه انى مش هستفيد منها بابيض او اسود :happy: :wub: :wub:

[a m ghazi]

والله لو كان الموضوع في باب الاقتصاد كنت قولت انا هجمع اللي اقدر عليه

ولكن بما انه في باب ابتسام اللي مش عارفين هي مين

يبقي خد عندك بقي

ناوي اشتري طياره خاصه (السعر مش معقول 2.5مليون دولار بس تخيل بس)

واشتري قصر في سويسرا يعني لزوم الصيف

واشتري كمان مزرعه خيل في انجلترا (هما يعني اللي شريين هناك احسن مني )

ومفيش مانع من فيلا محندقه كده في النخيل بتاعه دبي

ولو فاض حاجه بعد ده كله (واكيد هيفيض)

ابقي اشتري اروصه سجاير مستورد وكرت شحن من ابو عشره (يعني لزوم المنظره والرنات )

وطبعا مش هعرف حد بعد كده ما انا خلاص بقي راجل مديونير قد الدنيا وبشرب سجاير مستورد وشاحن كرت بعشره

ايه كفايه كده هننهب

تقبل تحياتي

تم تعديل 20 نوفمبر 2008 بواسطة a m ghazi

[فركيكو]

انا ببيييييييييييييييييع يا باشا تشترى tot::

الاؤؤؤؤؤؤؤؤؤؤؤنا

الادويييييييييي

الاتريييييييييي

و الحمد للة البرادو جاهزة و المفتاح فى الكونتاكت و سخنة نار أودام الشالية الدوبلكس اللى على البحر فى مارينا

و مش ناقص بس الا التفويلة و هما يادوب تقولش حاسبينها ؟

و صلاة النبى أحسن طبعا ( اللهم صلى و سلم علية ) :malta:

و لو عندك حد يشترى من دلوقتى يا أخويا يا osmel33 قولة بس يدينى ميسداية و انا جاهز يا برنس :big_boss:

و صبحلى بقى على الاسهم و مسى على السندات و عقبال عندوكوا !!!!!!!!!!!!!! :110:

[osmel33]

لأخوة الأعزاء اللى هايبيعوا وبالذات الأخ اللى عايز طيارة ده والأخت العزيزة اللى مش ناوية تبيع بس سؤال هاتحتفظى بيها للذكرى فين أنا عرفت فى المطبخ صح ؟ صح جنب البصل والتقلية هاتبقى أيه أسهم بالخلطة

طيب أحنا لازم نحط خطة مدروسة للبيع علشان نحقق مبالغ طائلة :lol: من البيع مش نبيع هدر يعنى وأنا عندى اقتراح أول حاجة نشوف الأسهم دى بتاعة أنهى شركة بالزمبوط وبعدين نروح الشركة دى ونساومهم على السهم وبصلى بقى نديهم السهم ده أبو متيييين جنيه وناخد حقنا ناشف جهاز كمبيوتر طابعة ناخد الواد الساعى رهن بفلوسنا بقى وبعدين نبيع الحاجات اللى هاناخدها دى ونطلب فدية فى الساعى يبقى كده هانجيب أكتر من تمن السهم أبو متييييييين جنيه ده أيه رأيكم دام فضلكم ؟

الأخ أبو طيارة ده اللى هناك :big_boss: ... أيوه أنت ما تبصليش كده :yahoo: بقى ساعادتك عايز تشترى طيارة بالسهم وطيارة حاجة ببلاش كده 2،5 مليون دولار لأ وبتقولى تخيل بس ... لأ بصراحة متخيل ده أن يا راجل لما قولت لاند كروزر الناس كلها برقتلى أمال سعادتك الناس حصلها أيه أقولك أنا بما أن أحنا بس اللى هنا يبقى الباقى نطوا من فوق المنتدى ألا المنتدى ده عالى :king: