فيروز النسر المصري....ينتفض القلب حبا لها!!

[النسر المصري]

'النسر المصري

تيتا شهد العسوله

افراح وزغاريط ومباركات شبعنا ....لكن فضل اخد من حضرتك احلى هديه لفيروزه......حته بيتين شعر باسمها ....قلتي ايه ياست الكل!!

بس كده يا عمرو.. ولايهمك دي حاجة صغنونة كده عشان فيروزه الأمورة اتمنى انها تعجبك :lol:

نسرايه صغنونة

سبحانك ربي يا الله

أهداني طفلا ما أحلاه

فيروز جاءت إي والله

كم زاد فرحي يا رباه

يا نور عيني فيروزاه

يحفظك ربي جل علاه

*************************

حبيبي بابا كم أهواه

الفرح يرقص في عيناه

يجري يغني لااا ..لااا لاااه ..

يضحك نحوي هاه .. ها .. هاه

سألت ماما ماذا دهاه؟؟

تجيب فرحا زاد مداه

فصرت ابسم حين أراه

بابا حبيبي رعاك الله

أقسم بالله العظيم....أقسم بالله العظيم...أقسم بالله العظيم... إني يا شهد دمعت فرحا بعد قراءتي لقصيدتك الرهيبة في الاحاسيس والجمال والرقه والمشاعر

ووالله لو كنتي امامي لكنت قبلت يدك تجبيلا لما قدمت يداك يا سيدتي

ربنا يبارك فيك وفي يداك الكريمه يارب...وان والله يعجز لساني عن ايجاد كلمات مناسبة لشكرك!!....

الف الف مليون تريليون شكر لك....يا أغلى شهد في الدنيا

[النسر المصري]

الف مبروك يا استاذ عمرو تتربى فى عزك و تكبر و تشوفها عروسة :lol:

ربنا يخليكي ياهبة وانشالله تحضري فرحها!!

[HDarwish]

مبروك يا أخي العزيز ... وحمدا لله على سلامة فيروز ومامتها ....

واهو بالمرة نخلي (جنا وفيروز يلعبوا مع بعض) تحت في ساحة العمارة ...

بس جنا أكبر بشهرين ...

ربنا يخليهالك وتفرح بيها

[م.سامح المصرى]

السلام عليسكم ورحمة الله وبركاتة

بورك لك في المولوده وشكرت الواهب ورزقتها بره

الف الف الف الف مبروك يا باشمهندس ولا اقول بلاش باشمهندس

علشان انتا ما بتحبهاش

تتربى فى عزك يا رب وتخاويها كدة بأخ واخت

وان شاء الله تكون الزرية الصالحة الى حضرتك بتتمناها يا رب

بقول اية ما ادخلش انا فى الصفقة دى انا معايا حاليا خماشر جنية وريع وناوى استثمرهم فى مصر

وحضرتك طبعا عارف الاستثمار فى مصر هااااااااااا

نقول مبروك يا موحموح

[م.سامح المصرى]

نسيت حاجة شعر حضرتك يا استاذة شهد جميل جدا جدا جدا جدا جدا

والأجمل روح حضرتك الجميلة

ربنا يخليكي لينا :lol: mfb:

[الطيار المصرى]

الطيار المصري

لا ياروح عمو النسر...انا مابديش بناتي كده بلوشي....هو انا اقعد اصرف واربي وادفع بلاوي متلتله وفي الآخر تاخدها كده اورديحي!!

بقولك مدفوع فيها خمسه مليار دورار ده غير ان الواد اياد يعني بسم الله ماشاء الله....دكررررر يعني بجد

يابو فيروز 5 مليار زرار ايه بس....

انا الخمسة مليار دول نعملهم في طقمين اسنان تيتانيوم علي بورسالين علي كام طربوش و كوبري....و في أول سنة شغل....

بقولك فكر تاني....و برده اديني رنة أصلي بصراحة داخل بتقلي في الليلة دي....

و تيتا شهد بقي....بيتين شعر من اروع ما يكون....

و الف مبروك مرة تانية و تالتة و عاشرة ي عمنا النسر الكبير الكبييييييير....و تتربي في عزك ان شاء الله

[النسر المصري]

اتش درويش الكبير

ايه حكايه ال.....ربنا يبارك فيك اول حاجة

ايه حكاية تلعب مع جنا...هو حضرتك من سكان الكويت!!!

سموحه ...سماحه.....سمحمح.......

..ألعب في الغيط واترحرح....

ربنا يبارك فيك ياسامح وعقبال ماشوفك كده عريس قد الدونيا!!

الطيار المصري

لا يامعنمي ...اذا كانت الطلعه الواحده بتاعة سيادة وفخامة حضرتك بالمبلغ ده....يبقى انا هاجوزهالك وانا حاطط الشيك ف جيبي...أأأأقصدي وانا حاطط جزمه ف بقي.......!!!

(عقلي الباطن بيقول...انا لو اعرف ان الخلفه بتكسب كده..كنت اتجوزت البت نحمدو بتاعت الجاز من زمان ....وعملت ثروه من وراها)

[حسام يوسف]

ألف ألف ألف مبروك

لقدوم الموديمازيل فيروز

مرسي اوي يا حسام يا كبير الزمالكاويه،،الا قولي هتيجي تهنيني بفيروز وبفوز الاهلي يوم السبت ولا لا

يا ابو فيروز انا ما اتعداش على حق حد

الجنرال موديست اللى مش اى حد

دة حبيبنا كلنا

هوة كبير الزملكاوية

ثانيا الماتش اتلغى يا عم (اتاجل يعنى)

وبرضة بهنيك من كل قلبى لقدوم موديمازيل فيروز عمرو

تتربى فى عزك

وتفرح بيها

وتشوف ولادها

وولاد ولادها

[Modest]

عموووووووووووووووووووووور :D

أنا آسف بجد يا عمرو على التأخير :cry: .. عرفت بالصدفة من ردك في موضوع عمنا أبو محمد

ألف مبروك يا حبي و عقبال ما تشوفها عروسة و تجوّز ولاد ولاد ولاد ولادها bv:-

نيجي للجد بقى

سيبك من إياد زوهيري .. الولد كويس و زي الفل ماقلناش حاجة :wub:

لكن بيني و بينك أبوه يتفات له بلاد :blush2: و هاتتورط يابن الحلال و فيروز بنتنا و ما يرضينيش يبقى حماها زوهيري افندي wst::

نصيحة خد الواد كريم ابني .. يعجبك أوي حريف بلاي ستيشن و جيم بوي و PSP و بيبي فوت كمان .. ده غير أخلاقه العالية الولد من البيت للمدرسة و من المدرسة للبيت .. ما يغركش إنه فتوة في المدرسة و ضرب 4 زمايلُه في الفصل أول امبارح لكن مع فيروز هايكون من ايدها دي لإيدها دي... قول اه بس و انا ألفهولك لفة هدايا و اجيبهولك لغاية البيت :wub:

اسمع كلامي و خد كريم .. عقلك في راسك تعرف خلاصك .. أنا نصحتك و انت حر smk: