هل يوجد شلل فى المنتدى

[الباشمهندس ياسر]

انطسيت الانذار الرابع عقبال عندك

الله ينور يا هبه

انا جاى اهدى النفوس

[الباشمهندس ياسر]

الله ينور يا باشمهندس. :big_boss: ......... انا متفقة مع حضرتك ( و لو انى مش فى شلتك :lol: ليه الشرف طبعا)

انا بشوف كمان اللى بيزود الاحساس بالشللية ، ان ساعات الناس بتكون ملكية اكتر من الملك :king:

و عليكى والله

بس ايه رأيك نعمل شلة ونسميها

friends for ever

زى ايام الجامعه كده

عموما الموضوع مش محتاج كل الدوشة دى

و انا مقصدتش طبعا ان حد يدخل علشان يساعد حد فى اى موضوع لمجرد انهم اصحاب

لكن ممكن تدخل علشان تقول وجهة نظرك اللى هى بالصدفة البحتة متوافقة مع وجهة نظر بقية اصحابك

و اكيد ان الواحد يكون صادق فى كلامه افضل ما يقعد يغنى من بعيد لبعيد

تحيااااااااااتى

[redwany]

اخوانى

انا كتبت الموضوع ده لمجرد الاستفسار ولكن والحمد لله لاقيت الناس اتصافت مع بعض فى هذا الموضوع

وكل واحد وضح وجهة نظره للتانى وياريت كل شويه نفتح موضوع نتصافى فيه بعد مانهدى شويه ونفكر مافيش مانع نقعد نتصافى ونتعاتب

بس ده مايمنعشى اننا نختلف ونقطع بعض

وبعد كده نتصافى

بس نخلى يوم معين فى الاسبوع نراجع افكارنا ونتصافى

شكرا للجميع

[~Heba~]

انطسيت الانذار الرابع عقبال عندك

الله ينور يا هبه

انا جاى اهدى النفوس

:king:

:lol:

وعليك يا باشمهندس

نجيلك فى الافراح

قصدى فى الانذارات

يووه قصدى فى التوقيفات

انت عارف طبعا يا ياسر يا اخويا ان الانذارات دى انا بعتبرهم وسام على صدرى

شوف انا انطسيت اربع انذارات و لسة عايشة تخيييييل....يا جبل ما يهزك ريح :big_boss:

الله يمسيك بالخير يا بابا ابو محمد ربنا يديك طولة العمر و الصحة و تعيش و تدينى الانذار الخامس.....الضربة القاضية يعنى

تم تعديل 21 نوفمبر 2008 بواسطة ~Heba~

[ssmaly]

السؤال جيد هل توجد شللية؟(علشان تكون اوضح) الجواب نعم اكيد نعم (ناس كثيرة سوف تزعل )

تفسير الجواب دى طبيعة البشر اذا كانت تميل لشخص معين ميل عاطفى (يعنى ممكن بدون اقتناع كامل ) فهى تتجاوب معه وتقف بجانبه فى اى رد او او تحاول تخفيف الهجوم عليه لو كان هناك اختلاف واضح فى اراءه

[abaomar]

انطسيت الانذار الرابع عقبال عندك

الله ينور يا هبه

انا جاى اهدى النفوس

:beee:

:beee:

وعليك يا باشمهندس

نجيلك فى الافراح

قصدى فى الانذارات

يووه قصدى فى التوقيفات

انت عارف طبعا يا ياسر يا اخويا ان الانذارات دى انا بعتبرهم وسام على صدرى

شوف انا انطسيت اربع انذارات و لسة عايشة تخيييييل....يا جبل ما يهزك ريح :scooter:

الله يمسيك بالخير يا بابا ابو محمد ربنا يديك طولة العمر و الصحة و تعيش و تدينى الانذار الخامس.....الضربة القاضية يعنى :cry1:

السلام عليكم

الاخت الكريم المهندسه هبه( سوابق ) عفوا قصدى إنذارات .

بمناسبه خروجك من الايقاف بالسلامه و فى إطار الاحتفال بعودتك بالسلامه

اليك هذه ( العصيده ) عفوا القصيده على غرار محمد طه و فرقته الشهيره المستوحاه من تجربتك المحاوراتيه :

.

يا باشمهندسه هبه يامنوره المحاورات ليلتِك فل و زياده

قاعده فى المحاورات و حواليكى الاحباب تلتميه و زياده

ليكى مداخلات و مشاغبات تاعبه المشرفين و زياده

كل ما تنطسى إنذار ترجعى بمداخلات تتعب الدماغ و زياده

و إنذار ورا إنذار و انتى بتنشف دماغك كل يوم و زياده

مره زهيرى و مره لولا و احيانا عصام شوقى و زياده

راجعه من الايقاف بعد شهرين زايده عشرين رطل و زياااااده

يوى ..يوى .. يوى يا عينى

:blush2:

تم تعديل 21 نوفمبر 2008 بواسطة abaomar

[مسافر]

كانت مشاركاتى قليلة لانى كنت بعدت بعدما انطسيت الانذار الرابع عقبال عندك

يبقى شلل ايه اللى اعملها و مع مين

:blush2:

حمدا لله على السلامه ياهندزه

يعني طلعت سوابق

[الباشمهندس ياسر]

انطسيت الانذار الرابع عقبال عندك

الله ينور يا هبه

انا جاى اهدى النفوس

:lol:

:blink:

وعليك يا باشمهندس

نجيلك فى الافراح

قصدى فى الانذارات

يووه قصدى فى التوقيفات

بعييييييييييينك

:lol:

[Alshiekh]

هل يوجد شلل فى المنتدى

وكلمة شلل لو قرأتها بفنح الباء هتكون شلل يعنى عدم الحركه فهل هناك شلل فى المنتدى بمعنى اللى نقوله نعيده؟

وكلمة شلل لو قرأتها بكسر الباء تبقى شلل يعنى مجموعات مع بعض متفقين فى نفس الرأى والفكر ويهاجموا من يعارض افكارهم ويتهموه بانه قارئ غير جيد ولايفهم جيدا وفى كل موضوع تلاقى نفس الشله ونفس الردود...فهل فعلا فيه شلل؟

ارجوا الافاده بنعم ام بلا والتوضيح لماذا نعم ولماذا لا

لست أدرى هل أنا قوى الملاحظة أم أننى أدقق أكثر من اللازم فيما أقرأه

كلمة شلل ليس بها باء مفتوحة أو مكسورة أو حتى متجبسة

هل تقصد فتح الـ " شين " وكسر الـ " شين " ؟

إذا كنت تقصد حرف الـ " شين " ،

فأعتقد أن الاتفاق فى الرأى الصائب لايعتبر نوعا من الشللية ، والشللية دائما ماتكون بين اصحاب الآراء الشاذة لانهم يكونون قلة دائما ، ولذلك يقال شلة المنحرفين ، وشلة المتشددين ، وشلة الانس وهكذا.

أما أصحاب الرأى الحكيم المعتدل فلايمكن وصفهم بالشلة.

[Scorpion]

ما هو يا محمد باشا .. ممكن يعني مثلآ أكون أنا اللي من شلة الأراء الشاذة و في نفس الوقت مقتنع بأني من أصحاب الرأي الحكيم و المعتدل ... مين بقي اللي يقرر ان فلان فكره معتدل و التاني فكره شاذ ده اللي لازم نسيبه لقاريء السطور دايمآ ...

علي العموم وجود"شِلل" فكرية مختلفة و متباينة هي اللي بتدي مذاق للحوار و ده شيء طبيعي جدآ و صحي للغاية ... يكفي فقط ان لا تقرر شلة انها هي اللي صح و الباقي كله غلط ....

و بالمناسبة .. دي تالت مرة في تاريخ اشتراكي بالمحاورات أكتب في موضوع بيدور حول نفس الفكرة ...

تحياتي لجميع "الشِلل" .... و اللي يحبنا ما يضربش نار

:closedeyes:

[الحازم حسن]

شلل رباعي بعيد عنك

[Scorpion]

و للذكري و التاريخ ... و كواحد من المسئولين عن قسم الأرشيف في المحاورات .. اسيبكم تنقنقوا شوية في المواضيع دي ...

:closedeyes:

سنة 2004

و فيه كتب الغائب الحاضر العزيز جدآ طه :

أنا مع التحاور بخشونة .. زي الخشونة في كرة القدم .. خشونة قانونية ...

حيث تكون الكرة هي الهدف وليس اللعيب ....

وآفة التحاور

هي

النفاق و المجاملة

والتحزب ..

والضرب تحت الحزام ...

وقلة الذوق

سنة 2006

و فيه كتب أستاذ المحاورات الذي لن يغيب عنا أبدآ المرحوم الأفوكاتو نلك السطور :

هذه الظاهرة تتكرر كل عام فى موسم حر الصيف, و الإمتحانات, و التصييف خارج مصر.

كما أن هذا يتصادف أحيانا مع زيادة فى العضوية الجديدة, و غياب من الأعضاء القدامى, ثم يحدث اللقاء و التماس, و بعضه إيجابى, و بعضه سلبى.

و لكن الذى يحدث هوأن يتأقلم الجدد بسرعة مع القدامى, و يصبحون قدامى أكثر من القدامى, اى تظهر منهم كفاءات, و قدرات خلاقة مبدعة, ترفع من مستوى أداء المنتدى.

و يمكن أن نشبه المنتدى بقرية يفد إليها زوار جدد, يعجبون بموقعها و مناخها, و يقرروا الإستيطان.

بعض العناصر المقيمة سترحب فورا بالدم الجديد, و بعض العناصر ستترقب, لكى ترى من الضيوف يستحق الدعوة لغذاء شهى, و صنية كنافة.

فى النهاية, تعود المياة إلى مجاريها, و تعيد الحياة روتينها فى العام التالى, و هذه سنة الحياة.

تقبلوا تحياتى, و مرحبا بكم مرة أخرى, فأنتم شباب مصر, و مستقبلها.

سنة 2007

و فيه كتب الغائب الحاضر العزيز جدآ سقراط :

انا هوضح لسيادتك.

هو مافيش شلل ولا حاجه بس الاعضاء هنا متفاوتين في الاعمار (مثلا المدي العمري من سنه وحتى سبعين سنه).

فمثلاً، لما يكون هناك عضو من مواليد الثمانيات، ويحكي عن مقال قرأه عن حرب اكتوبر او ناصر او السادات او الثوره حتى، وبعدين لعدم خبرته قد يتبنى رأي الكاتب سواء مع او ضد تلك الفتره. فيقوم يرد عليه اعضاء بالفعل عاشوا هذه اللحظات ويكون عمرهم اكبر شويه، ليس للتصحيح ولكن للتوضيح.

هنا يحدث كلاش بين الخبره الحديثه او خبرة الشخص القاريء بدون نقد ، والشخص الذي عاصر بالفعل وشهد الموقف.

مثال اخر:

بعضنا- وانا منهم- بعيداً عن مصر، وحدث احتكاك بالعالم الخارجي، فيقوم عضو من اللي في البلد شاتم بلدنا مصر او شاتم الشعب المصري كله ، فيقوم واحد من الاعضاء غير المتواجدين مثلا في مصر وموضح له الصوره ، وهي ان بلدنا حلوه ولكن اعطي الكفاءه حقها او شيل الوزاره وهكذا.

مثال اخير:

بعض الاعضاء يدخلون المحاورات ورافعين شعلرات مثل(انا شيخ الاسلام ويجب ان نفعل كذا وكذا _ او يهجو عضو فاضل ويصفه بالتخلف او الجهل - او واحد يدخل يحاول يعمل فرقه بيننا كمسلمين واقباط او صعيدي وبحري - او عضو يدخل لإملاء فكر معين عن الاعضاء بغتاته مثلا موضوع الاستمرار من اجل الاذدهار او من اجل الاستحمار ).......... كل هؤلاء الاعضاء انا عن نفسي بقف ضدهم ، ولو ماجوش بالذوق ، فبصراحه ساعات بكشر عن انيابي.

انت نفسك مع الوقت هتلاقي نفسك بتحميني وبتحمي اعضاء المحاورات من اي طوبه بتنحدف او اي عضو داخل يهجو او يملي فكره علينا.

احنا هنا عملين زي البيت، كلنا عايشين فيه، بنحترم بعض وبنحاول ننضفه عشان سمعتنا.

ومتنساش ان بالرغم من العدد الماهول من المنتديات، فإن محاورات المصرين من القمم ، وذلك يرجع لجديه الموضوعات، وتبادل الخبرات ، وكلنا بنحب البلد وبنحاول نناقش مشاكلنا ونشوف لها حلول.

واكبر دليل ان مصر ولاده ، هي انضمام ناس محترمه جداً ومثقفه، وواعيه للمحاورات كل يوم.

ومتنساش انك انضميت لينا ....... واكيد كنت بتابعنا من زمان.......... ونفس سبب انضمامك، هو نفس سبب بقاء المحاورات إلى الان على القمه.

ارجو ان اكون وضحت الصوره.

تحياتي

سقراط

و ربنا ما يقطعلنا عادة ....

:blink:

[أبو محمد]

لست أدرى هل أنا قوى الملاحظة أم أننى أدقق أكثر من اللازم فيما أقرأه

كلمة شلل ليس بها باء مفتوحة أو مكسورة أو حتى متجبسة

هل تقصد فتح الـ " شين " وكسر الـ " شين " ؟

أنت فعلا قوى الملاحظة يا عزيزى محمد .. ولكنك لا تدقق أكثر من اللازم .. وإلا كنت دققت فى المداخلتين أرقام 17 و18 :lol:

[حسام يوسف]

أصحاب اه

شلة لأ

اتعرفت بناس قمة فى الاحترام على المحاورات

وتليفونات

ومنهم اللى اتقابلنا كمان

انما الشللية من وجهة نظر العبدلله

الاتفاق فى وجهات النظر لا لشيئ الا لان قائل الرأى

صاحبى

أو صديقى

أو لية خاطر عندى

وفى مواقف أخرى

يحدث التعاون السلبى

يعنى الاتفاق

للتضامن مع شخص ما

لا لرأية

بل لشخصة فقط

[redwany]

انا لاحظت لا ان فيه فعلا شلل بكسر الشين مش الباء علشان ماحدش يزعل

فيه ناس عمرهم ما ختلفوا فى كل المواضيع

يمكن علشان انا لسه جديد لاحظت كده....ممكن

او ممكن كل جديد بيتعمل معاه كده...نوع من ندبحله القطة او نوريه العين الحمرا

او من باب اللى مش معانا يبقى ضدنا

ممكن لما ابقى عضو قديم هتزول عندى الفكره ديه...ممكن

تحياتى للجميع

[redwany]

كمان السادة المشرفين بيطبقوا مبدأ الشله مع اى عضو جديد

بمعنى اى عضو جديد يقعدوا ليه على الواحده

ويحذفوا مداخلاته او يدوه انذرات علشان لفظ قاله مع ان نفس اللفظ او افظع ممكن يتقال من عضو قديم وبيعدى

تحياتى

[se_ Elsyed]

كمان السادة المشرفين بيطبقوا مبدأ الشله مع اى عضو جديد

بمعنى اى عضو جديد يقعدوا ليه على الواحده

ويحذفوا مداخلاته او يدوه انذرات علشان لفظ قاله مع ان نفس اللفظ او افظع ممكن يتقال من عضو قديم وبيعدى

تحياتى

قصدك يعني لو عضو جديد وداخل ينصح واحد فبيقوله : ممكن تصرف كذا وكذا .. ولكن لو إنت بقى معفن فممكن تصرف أقل و و و و و

أو لو مداخلة عُبارة عن جثملة واحده لزيمل فاضل بتقول " مصر دي عبارة عن مقلب زبالة "

يبقى كده ما يستحقش إنذار وكده ده لفظ يتساب في موضوع ؟

وياريت لو ما نخرجش عن الموضوع حد من الزملاء الجُدد ييجي هنا ويقول : آه أنا جديد وإنتو مسكتولي عالواحدة وأعطتوني إنذار غير مستحق ... وده تحدي من جميع المُشرفين

[عصام]

يعنى يا استاذ رضوانى .. أنا شايف ان حضرتك كل حصيلتك فى المحاورات من مشاركات عبارة عن 107 مشاركة ..

نصهم هنا

مش شايف انك (واستنادا إلى المعلومة أعلاه) إستعجلت شوية فى فتح موضوع زى دا؟

خصوصا انك ما شاء الله مش سايب حد .. لا أعضاء ولا إدارة؟

وحكمت بعد 107 مداخلة ان الأعضاء عاملين شلل وان الإدارة متحفزة ضد الدنيا كلها وان الموقع غير جدير بالثقة إلخ؟

أنا رأيى تسيبك من الكلام دا لأنه مالوش مردود غير تضييع الوقت وتركز كدا فى كتابة كام موضوع جامدين يستعين بيهم الأعضاء والإدارة فى إقناع حضرتك إننا موقع كويس وابن حلال

مع الوضع فى الاعتبار ان الموضوع قد استنفذ غرضه وأصبح عرضة للإغلاق