الرصيف

[ابو حلاوه]

الحقيقة عندنا عادة و ربنا ما يقطع لحد عادة ان الرصيف بيتغير كل كام شهر الأول بيبقي اسفلت و بعدين يتشال الاسفلت ويحطوا طوب احمر و بعدين يتشال الطوب الاحمر و يتحط طوب اسمنتي و بعدين يتشال كل ده و يتحط بداله اسفلت تاني

طبعا حالة الشارع اصلا تستحق الشفقة و البكاء و لكن المهم الرصيف

اللي غاظني مقالة قرأتها في جريدة الأهالي ان في مصر اخيرا بيتم وضع سيراميك مكان الاسفلت و الطوب الاحمر

عمـــــــــــــــــــــــــــــــــــــــار يا مصــــــــــــــــــــــــــــــــــــــــــر

http://www.alahali.com/25-6-2003/zwaya.html

[Faro]

هذا يتوقف على نفوذ اللوبي ... بكره يزرعوه حشيش .

[الطفشان]

لا

يتوقف على مدى احتياج الهليبة الى مصروف يد

فيتم التغيير لكي يكون هناك عمولات و الذي منه

[ragab2]

توجد

شركات مقاولات تتعامل مع المرتشين فى الأحياء

ولابد من خلق وإيجاد أعمال لها

[مصرى]

أذكر منذ سنوات قال لى صاحب ورشة حدادة أنه قام من الباطن بتنفيذ وتركيب أبواب وشبابيك حديدية "ثقيلة" لمنشأة رسمية مقابل 3 جنيهات للكيلو جرام من الحديد المصنع توريد وتركيب .. وكان السعر مجزيا له .. ولكنه أجبر على توقيع أوراق بأن السعر 12 جنيها للكيلو !!

المنشأة تكلفت أكثر من مليار جنيه .. وكان الطرح بالأمر المباشر على إحدى الشركات ذات الصلة

[ابو حلاوه]

وكان الطرح بالأمر المباشر على إحدى الشركات ذات الصلة

بمين ... وش بيستعبط

[مصرى]

الطيب أحسن

(وش بيبص وراه)

[ragab2]

كتب مصرى

أذكر منذ سنوات قال لى صاحب ورشة حدادة أنه قام من الباطن بتنفيذ وتركيب أبواب وشبابيك حديدية "ثقيلة" لمنشأة رسمية مقابل 3 جنيهات للكيلو جرام من الحديد المصنع توريد وتركيب .. وكان السعر مجزيا له .. ولكنه أجبر على توقيع أوراق بأن السعر 12 جنيها للكيلو !!

خد عندك كمان

واحد صاحبى حكى لى عن شركة الترام أو الترماى المخروبة

أنهم يستوردوا قطع غيار الترام من الخارج ثم يعملوا مناقصة لبيع المستورد خردة بعد كذا شهر ويستوردوا غيرها وكله بالعمولات والرشاوى وأصبحت لهم لعبة مربحة وسهلة

مع العلم بأن قطع غيار الترام لا تصنع محلى وقد قامت مديرته فى احدى الجرائد بثورة عارمة ضد الذين ينادون بالغائه لأنه دجاجة تبيض لها ذهبا

( مافيش وش خالص )

[ابو حلاوه]

يا نهار ابيض يا مصري

يعني بحسبة بسيطة المبني اتكلف ثلاثمائة مليون جنيه و اتنهب فيه سبعمائة مليون جنيه

حقيقي احنا اللي اشترينا التروماي