شباب وشابات الاربيعينيااااااات

[لولا]

ومع احترامى لكككككل الاراء اهلا بيك يالولا معانا انت هاتكونى الترمومتر الصادق لنا

هاشرح لك لما ارجع :lol:

هيه هيييييييييييييه والله كنت عارفه يا قلب ابيض انك حتدخلينى الأوضه تانى smk: اروح انا العب شويه فى الجونينه

لغايه ما ترجعى mfb: اما انتا يا سهران باشا .. فانا بقولك انا مش رايحه ركن الأغانى :P انا قاعده هنااااااااااااا آن آن

لولا :110:

تم تعديل 22 نوفمبر 2008 بواسطة لولا

[قلب ابيض]

[quote name=لولا'

قلب ابيض .. انتى عارفه انتى اسم على مسمى mfb:

انا حبيتك اوى بجد.

لولا

انا كمان حبيتك اوى لان اسمك هو الدلع لاسمى الحقيقى :P

اما بعد فيا ست البنات يالولا انا والله مش كئيبه وفرق بين الكئيبه والمكتئبه وكل فكره اكتر الناس ممكن يكون اكتئابهم صعب ومميت هم الناس اللى بيضحكوا كتير او اللى ما بيحبوش

النكد بالبلدى وده طبعا لما بيحصل اكيد مابيكونش من شويه يعنى بيحصل لما الكيل بيكون ..... " smk: ومالوش تعبير تانى "وصدقينى انا زى مامتك بالظبط بس مش جديد

على من زمان يعنى مالوش علاقه بالاربعين :lol: انا متفائله جدا وابعث بالامل لكل اللى يعرفنى وصدقينى ربنا سبحانه وتعالى جعلنى سبب لتغيير مسار ناس كتير من سىء لأفضل والحمد لله

وانا على فكره هنا بفضفض معاكم وبشارككم زى ما بتشاركونى افكارنا واللى ممكن اخجل انى اقوله لحد من المقربيين لسبب او لاخر وعلى كل الاحوال يا لولا انتى منورانا وزى

ماقلت انتى ممكن تكونى الترمومتر بتاعنا لانك اكيد فى مننا اللى فى سن والدك او والدتك صح ؟ ومش بعيد نطلبك فى مره تحكمى بيننا وبين احد ابناءنا

ربنا يحفظك لوالديك ويديم الود بنا يا لولتى[/

تم تعديل 22 نوفمبر 2008 بواسطة قلب ابيض

[قلب ابيض]

قلبتي علينا المواجع .......... كنا بنحاول ننسا .......

وصلت لهذا السن الفارق هذا العام و لم أكن أتخيل حالة الشرود التي أصابتني عند بلوغه ...... بالفعل هو سن فارق .... يقول الله تعالى في سورة الأحقاف :

( ووصينا الانسان بوالديه احسانا حملته امه كرها ووضعته كرها وحمله وفصاله ثلاثون شهرا حتى اذا بلغ اشده وبلغ اربعين سنة قال رب اوزعني ان اشكر نعمتك التي انعمت علي وعلى والدي وان اعمل صالحا ترضاه واصلح لي في ذريتي اني تبت اليك واني من المسلمين )

فهو بالفعل سن فارق ... علينا أن نبدأ بعده في أعادة ترتيب الأولويات و التأمل فيما مضى و فيما هو آت .... ما أنصحكوش تسمعوني السنة دي لأني لسة متأثر بحالة الأكتئاب المصاحبة لهذه المرحلة العمرية .... الغريب أني مش مصدق لغاية دلوقتي و حاسس أن عندي ثلاثة و عشرين سنة بالضبط و هو تاريخ بداية اغترابي في بلاد الله .... يخفف من حدة الشعور و الغصة التي تلازم هذا السن النظر لبعض الأنجازات التي تحققت و منّ الله علينا بها بفضلة و كرمه و نقول ما راحتش السنين هدر و الحمد لله ... أكتر حاجة بتضايقني لما ألاقي واحد صاحبي شعره بدأ يبيض أو أصبح بلا شعر أصلا .... بتخض .... مرة محمد أبني بيسألني على واحد منهم بيقولي صاحبك ده يابابا ........ قو لتله لأ يا أبني .... أبدا ..... ده كان صاحب أبويا زماااااااااااااااان و أوعدك مش هاعرفه من النهاردة منعا للأحراج.

الأخت قلب أبيض ..... تحياتي و تمنياتي بالصحة و الستر و طول العمر في سعادة و قرب من ربنا و ان شاء الله القلب دايما أبيض mfb: القلب آه .... الشعر لأ ..... على رأي نانسي عجرم .

الباشمهندسة هبة ...... تؤ تؤ ..... الأبنة هبة :lol:طالما فرحانة فينا كدة .......... خفي شوية و ما تتريأيش علينا بلا خمسين بلا أربعين ... هانجيلك يوم ما تبقي زينا و نطلعلك لسانا :P .

تحياتي .

ههههههه اخى سهران موقف الصديق اللى اتنكرت له قدام ابنك ده حصل معايا ومع زوجى كمان انا لاقيت واحده ست ماشاء الله عرض عرضين وبتهجم على وبتصرخ مش معقووووول فلانه ؟؟؟

انا لاقيت كل اللى فى المكان انتبهوا للصوت وهى بقى بتكمل اسمى واسم والدى لاننا كنا زمايل فى المدرسه وفى نفس الفصل اخوكى ده "على ابنى " smk: وانتى ولادك اد ايه دلوقتى "ده هى بتسأل "

طبعا ممكن تتخيلوا باقى السيناريو

بس على فكره احنا متفقين انا وانت حتى الان فى موضوع احساسنا بالعشرينات ده واعتقد ان اعضاء باقه الاربعينات كلهم عندهم الاحساس ده؟؟؟

[قلب ابيض]

ممنوع الدخول لأقل من أربعين حتى نستفيد من تجارب بعض ..

طبعا السن في اول الأربعينات غير في آخر الأربعينات .. هناك متغيرات كثيرة لكل من الرجل والمرأة في العمرين .. وأنا أرى أن سن الأربعين هو أجمل سن بالنسبة لكلا منهما .. فالرجل يبلغ أشده من حيث العقل ورجاحته فيكون أكثر جاذبية (هذا رأي الشخصي) أما المرأة فتكون قد تخلصت من أكثر همومها وهي تربية الأولاد والرضاعة والبامبرز والمدرسة والواجبات .. وتكون اكثر خبرة بالحياة واكثر نضوجا ..

مشكلة سن آواخر الخمسين انك بتحس انك شاب صغير لأن قلبك فعلا شباب وروحك شباب وكل اللي بيختلف هو عمر بيجري وشوية اختلاف في الشكل .. بتحس انك فعلا كبرت لما بتشوف حد كنت تعرفه زمان ايام ثانوي والجامعة .. او ل حاجة بقولها له ياااه انت عجزت اوي .. والاقي شكله أو شكلها راجل او ست كبيرة.. بس لما بروح البيت وابص في المرآه بلاقيني لسه صغيرة :) .. يظهر علشان اتعودت اني أشوفني كل يوم .. بس يا تري بقى الناس التانين رايهم ايه .. معرفش علشان محدش بيقولي غالبا الحقيقة .. بيقولوا لي بس .. انت كنتي حلوة اوي وانتي صغيرة !

تحياتي

زيزيتا

زيزيتا كلامك جميل ووافعى بس انا حددت اللى مكن اردعليك فيه من باب التواصل

ممنوع الدخول لأقل من أربعين حتى نستفيد من تجارب بعض

ماتخليهم يدخلوا يا زوزا على الاقل يعملوا انتعاشه بآرئهم وهاهو تنشيط لحاله الشباب المكبوته بداخلنا .

طبعا السن في اول الأربعينات غير في آخر الأربعينات .. هناك متغيرات كثيرة لكل من الرجل والمرأة في العمرين .. وأنا أرى أن سن الأربعين هو أجمل سن بالنسبة لكلا منهما .. فالرجل يبلغ أشده من حيث العقل ورجاحته فيكون أكثر جاذبية (هذا رأي الشخصي) أما المرأة فتكون قد تخلصت من أكثر همومها وهي تربية الأولاد والرضاعة والبامبرز والمدرسة والواجبات .. وتكون اكثر خبرة بالحياة واكثر نضوجا ..

الوضع عندى مختلف تماااااما فانا همومى من ناحيه الاولاد مستمره من حيث الواجبات المدرسيه مشيئه ربنا بعد ما يدخلوا الاود الثانوى نرزق ببيبى ونقوووووول من الاول :tease:

مشكلة سن آواخر الخمسين انك بتحس انك شاب صغير لأن قلبك فعلا شباب وروحك شباب وكل اللي بيختلف هو عمر بيجري وشوية اختلاف في الشكل .. بتحس انك فعلا كبرت لما بتشوف حد كنت تعرفه زمان ايام ثانوي والجامعة .. او ل حاجة بقولها له ياااه انت عجزت اوي .. والاقي شكله أو شكلها راجل او ست كبيرة.. بس لما بروح البيت وابص في المرآه بلاقيني لسه صغيرة :) .. يظهر علشان اتعودت اني أشوفني كل يوم .. بس يا تري بقى الناس التانين رايهم ايه .. معرفش علشان محدش بيقولي غالبا الحقيقة .. بيقولوا لي بس .. انت كنتي حلوة اوي وانتي صغيرة

هنا بقى انا معاك فى كل حرف احساسنا واحد ومن نعمه ربنا ان لازلنا لنا طله حلوه :rolleyes: وده فى حد ذاته نعمه كبيره اوى يحسدنا عليها من لاينعم بها بس المشكله بقى ان شكلك تلاتينى وروحك عشرينيه ومسئولياتك اربعينيه او خمسينيه بقى مش هاتفرق فالموازنه هنا بتكون متعبه شويه يعنى ساعات الاقى نفسى مع ولادى او ولاد اخواتى او اصحابهم بهرج وانكت وانسى نفسى وهما مبسوطين طبعا او هكذا يبدو وفجأه اتنشن واقول فى نفسى "انا كده بحرج بنتى او ابنى مع اصحابهم ؟؟ هيقولوا ايه على مامتهم ؟ i*: اقوم مكشره من عير سبب والم الدور بسرعه واقوم لاى سبب

من جوايا باكون مبسوطه اوى انى كنت على طبيعتى بس الاقى نفسى بلوم نفسى "انا زودتها شويه ؟ نسيت ان الشباب دول ولادى مش اصحابى ؟؟؟

ااااااه اصحابى اصحابى من سنى نكد فى نكد طب اعمل ايه ؟؟؟؟ املى فى ربنا ثم فيكم

تحياتى يا زيزيتا

تم تعديل 22 نوفمبر 2008 بواسطة قلب ابيض

[قلب ابيض]

احبائى :اين انتم ؟ سبتونى لوحدى ليه ؟؟؟ :blink: wst::

لسه حوارتنا ماانتهتش

انا عندى مواضيع كتير نفسى نناقشها واعرف رأيكم فيها

انتم نمتم ولا ايييييييييييييييه؟

[لولا]

احبائى :اين انتم ؟ سبتونى لوحدى ليه ؟؟؟ :blink: :blush2:

لسه حوارتنا ماانتهتش

انا عندى مواضيع كتير نفسى نناقشها واعرف رأيكم فيها

انتم نمتم ولا ايييييييييييييييه؟

فضفضى ,,, عمرك ما حتبقى لو حدك ... :rolleyes:

[قلب ابيض]

وبعد ما يكبر الاولاد ويدخلوا الجامعات وتضطر حياة الاسره للتغيير لمواكبه الظروف الجديده

فاذا كان وضع الاسره الجميله الهادئه منذ سنوات الاغتراب يبعث بالدفء والطمأنينه والهدوء العائلى الى حد كبير جدا

واذا بالايه تنقلب راسا على عقب : هل ننزل كلنا ونسيب باب رزق ربنا انعم علينا بيه عشان الاولاد يكملوا تعليمهم فى بلادهم ؟ ولا ينزلوا هما ونتابعهم على النت smk:

لاء الاحسن يقعدوا عند جدهم وجدتهم ؟ لاء لاء يدخلوا المدينه الجامعيه ؟ لاءلاء خلااااااص انا قررت ماما تنزل معاكم زانا هازوركم كل فتره والتانيه smk: smk:

ايه رأيكم فى السيناريو ده ؟؟؟

اتكرر وهايتكرر طول مافى غربه وبحث عن لقمه العيش واللقنه الافضل مش اى لقمه

قصه الامس "شوفتوا المسلسل ده "

وتنزل ماما وتعانى ماما وتدوخ ماما تقديم مدارس للصغار وكليه للكبار وده عيان وده مش متآلف مع الوضع الجديد لانه اتربى فى مناخ مخالف

لاء والنهارده عيدميلاد توتا بنت خالتى لازم نجاملها wst:: - وعمو فلان اخو بابا عمل عمليه يالا نروح له -تيته زعلانه عشان رحنا لخالتو وما رحناش ليها وابن عمتى ودنه بتوجعه ياله يا ماما ياله ياماما

اااااااااااااااااااااااااااااااااااااااااااااااااااااااااااااه

ماما اتعودت سنوااات مش قليله انها تكون ست بيت او امرأه عامله وام بس مش اب وام وسواق وممرض واحيانا بيبى سيتر كمان

ماما تعبت فى شبابها عشان اتنو تكبروا وتبقوا كده

ماما بتحب بابا وكافحت معاه سنين شبابها كله واخرتها حرمتوها منه بالأجبار دون اختيارات

ماما بتتألم وانتم مش حاسيين باللى ناقصها

ماما مفتقده حبكم وعطفكم واحساسكم بيها

ماما نفسها تقعد فى البيت ملكه متوجه وتستناكم لكم مع بعض انتو وبابا ناكل سوا نحكى عملنا ايه فى يومنا سوا تناموا اغطيكم زى زماان

دلوقتى كل واحد له معاد عوده مختلف وبالتالى نوم مختلف واجازه مختلفه

هو ده حصاد عمرى ؟؟ بعدى عن زوجى الحبيب

وانشغال ابنائى عنى

ومرضى والحمد لله

ااقول ايه ؟؟؟؟ سنه الحياه

انتو معايا ولا انا لسه باكلم نفسى ؟؟؟

:)

[راجية]

السلام عليكم

عضوة جديدة

بس حسيت بيك وبكلامك قوى

اشتركت عشان اقرا فضفضتك وافضفض انا كمان معاك

متبعاك ومش لوحدك ان شاء الله

لنا الله معشر النساء بعد الاربعين

تمنياتى لك وللجميع بكل التوفيق

[لونا]

قلب ابيض انا حاسة بيكى اوى رغم انى لسة فى باقة التلاتينات .من فضلك كملى....

[السوري]

ياغربة الروح في دنيا من الحجر

والثلج والقار والفولاذ والضجر ...

جلس الغريب الغريب يسرح البصر المحير في الخليج

ويهز اعمدة الضياء بما يصعد من نشيج

:hi:

بالأمس حين مررت في المقهى سمعت صوتك يا عراق

وكنت دورة اسطوانة

شوق يخض دمي كأن كل دمي اشتياق

جوع اليه كجوع كل دم الغريق الى الهواء

أحقا نسيت اللقاء الأخير أحقاء نسيت اللقاء

أكان الهوى حلم صيف قصيرخبا في جليد الشتاء...

:blink: :wub: :lol: :hi:

[عصام أبوالفتح]

يقول الله تعالى في سورة الأحقاف :

( ووصينا الانسان بوالديه احسانا حملته امه كرها ووضعته كرها وحمله وفصاله ثلاثون شهرا حتى اذا بلغ اشده وبلغ اربعين سنة قال رب اوزعني ان اشكر نعمتك التي انعمت علي وعلى والدي وان اعمل صالحا ترضاه واصلح لي في ذريتي اني تبت اليك واني من المسلمين )

اشكر اخى سهران على ايراده للايه الكريمة لاننى كنت سابحث عنها .. الاربعين هو سن الرسالة والعطاء

لكل انسان وقد كان سن تكليف الانبياء ..وتتجلى فيه الشخصية بمحدداتها القوية التى حفرتها الايام والتجارب ..بعد زواجى فى الخامسة والعشرين لم اكن اذكر سنى الا بما اتمناه الا وهو الاربعين الا كذا .. وقد توالت تجاربى مع الحياة بعدها بشكل عجيب ومكثف بحيث واجهت الموت مرتين وبينهما الشلل النصفى والعمى وتبخر نصف اموالى .. وهى تجارب قاسية استمتعت بها وحمدت الله عليها وعلى الرسالة التى اوصلها لى من خلال هذه الدروس او الاختبارات .. انت لسه صغير وبدرى عليك

الان بعد هذه التجارب اذكر سنى الحقيقى مع ابتسامتى الراضية .. وان بدوت اكبر كما يقولون

تم تعديل 28 نوفمبر 2008 بواسطة عصام أبوالفتح

[kokomen]

وبعد ما يكبر الاولاد ويدخلوا الجامعات وتضطر حياة الاسره للتغيير لمواكبه الظروف الجديده

فاذا كان وضع الاسره الجميله الهادئه منذ سنوات الاغتراب يبعث بالدفء والطمأنينه والهدوء العائلى الى حد كبير جدا

واذا بالايه تنقلب راسا على عقب : هل ننزل كلنا ونسيب باب رزق ربنا انعم علينا بيه عشان الاولاد يكملوا تعليمهم فى بلادهم ؟ ولا ينزلوا هما ونتابعهم على النت :D

لاء الاحسن يقعدوا عند جدهم وجدتهم ؟ لاء لاء يدخلوا المدينه الجامعيه ؟ لاءلاء خلااااااص انا قررت ماما تنزل معاكم زانا هازوركم كل فتره والتانيه wst:: phn:

ايه رأيكم فى السيناريو ده ؟؟؟

اتكرر وهايتكرر طول مافى غربه وبحث عن لقمه العيش واللقنه الافضل مش اى لقمه

قصه الامس "شوفتوا المسلسل ده "

وتنزل ماما وتعانى ماما وتدوخ ماما تقديم مدارس للصغار وكليه للكبار وده عيان وده مش متآلف مع الوضع الجديد لانه اتربى فى مناخ مخالف

لاء والنهارده عيدميلاد توتا بنت خالتى لازم نجاملها wst:: - وعمو فلان اخو بابا عمل عمليه يالا نروح له -تيته زعلانه عشان رحنا لخالتو وما رحناش ليها وابن عمتى ودنه بتوجعه ياله يا ماما ياله ياماما

اااااااااااااااااااااااااااااااااااااااااااااااااااااااااااااه

ماما اتعودت سنوااات مش قليله انها تكون ست بيت او امرأه عامله وام بس مش اب وام وسواق وممرض واحيانا بيبى سيتر كمان

ماما تعبت فى شبابها عشان اتنو تكبروا وتبقوا كده

ماما بتحب بابا وكافحت معاه سنين شبابها كله واخرتها حرمتوها منه بالأجبار دون اختيارات

ماما بتتألم وانتم مش حاسيين باللى ناقصها

ماما مفتقده حبكم وعطفكم واحساسكم بيها

ماما نفسها تقعد فى البيت ملكه متوجه وتستناكم لكم مع بعض انتو وبابا ناكل سوا نحكى عملنا ايه فى يومنا سوا تناموا اغطيكم زى زماان

دلوقتى كل واحد له معاد عوده مختلف وبالتالى نوم مختلف واجازه مختلفه

هو ده حصاد عمرى ؟؟ بعدى عن زوجى الحبيب

وانشغال ابنائى عنى

ومرضى والحمد لله

ااقول ايه ؟؟؟؟ سنه الحياه

انتو معايا ولا انا لسه باكلم نفسى ؟؟؟

:closedeyes:

أكملي سيدتي الكريمة ذات القلب الأبيض

أنا متابع بشغف لأنها كلمات وقصص صادقة وواقعية جدا

كأنك سيدتي تحكي قصتنا تماما وكأنك تعيشين معنا

نفس السيناريو ونفس الإحاسيس المختلطة بالفرحة وبالأسى في نفس الوقت

ونظرة الي الأبناء الأحباء الأعزاء فلذات قلوبنا .. نطلب منكم فقط أن تحبونا ولو نصف حبنا لكم وإعتزازنا بكم

كم عانت الأم الحنونة وكم عانى الأب الكريم في تربيتكم وتوفير الحياة الكريمة لكم .. هل قدرتي حبيبتي الأبنة

هل قدرت حبيبي الأبن .... أم إنكم ستشعرون بذلك بعد فوات الآوان ... بعد فراق الأحباب ...؟؟؟

شكرا سيدتي

clp::

تم تعديل 28 نوفمبر 2008 بواسطة kokomen

[قلب ابيض]

عصام اهلا بيك سعيده بتعقيبك

ابو احمد : اهلا بيك اولا

اعتقد ان معظم البيوت فيها مثل بيتنا كتير نموذج الاب والام اللى بيتفانوا فى حب وخدمه اولادهم بس برده اعتقد ان معظمنا ما شعرش بما يعانيه والديه الا عندما اصبح هو ايضا اب او ام !!!

بمعنى كلنا تدللنا على اهلينا ( بس مش بنفس دلع ولادنا علينا نظرا لتغير ظروف الحياه وتطورها فى كل شىء) يعنى اذكر وانا فى الصف الاول الاعدادى كان منتهى املى ان يكون عندى اكسليفون (اله موسيقيه ) كان تمنها وقتها سبعه جنيه ونص كنت بحلم بيه ولم يحدث الا بعد ماتخرجت واشتغلت واصبح عندى 3 اولاد اشتريت اورج :lol: وده حصل امتى ؟؟؟ لما ما بقاش عندى وقت له

المهم النهارده ابنى فى اولى ابتدائى عاوز موبيل زى اخواته عشان لما اخرج من غيره يطمن عليه هو

ياترى مين اللى غلط ومين اللى صح ؟؟؟انا تعبت

الىى عاوزه افتحه معاكم يا باقه الاربعينات الحلوين والحلوات موضوع مس صديقات لى وربما يكون مس احد منكم الا وهو الغربه غربه المكان والزمان

غربه الانسان عن بلده (وده مش موضوع جديد ) بس اللى اقصده غربته عن بلده اللى فيها نصه التانى سواء كان الزوج او الزوجه

ليه ؟ والسبب؟ والتمن او المقابل ؟ وهل يساوى او مجزى؟

سمعتم عن كام حاله زواج كانت ناجحه جدا واثمرت ابناء ممتازين وبعد العشره يتزوج الزوج على زوجته بحجه "الوحده صعبه"

بحجه انه مالقهاش جنبه وخاف يعمل حاجه غلط فاتجوز من وراها ؟

عاوز اسمعكم واعرف تجارب غيرى عشان نفيد ونستفيد :lol:

[أبو عمر المصري]

موضوع رائع يلمس مشاعرنا الأربعينيه في الصميم

فعلا هي سن فارقه بكل المعاني سن جميله يسعدنى فيها أنها مرحلة نضوج تتجلى فيها الحكمه التي تكتسي بالخبره في مناحي الحياه المختلفه ويؤلمنى فيها كثرة المسؤليات والأعباء التي تتزايد سنه بعد سنه بوتيره أسرع من الثلاثينيات وتصاحبها هموم وضغوط حياتيه اكثر بكثير عن العقود السابقه لها ومن هنا نستطيع ان نلمس الحكمه الألهيه في هذا النضوج وقدر الحكمه التي يهبها الله للأنسان في هذه المرحله العمريه لمواجهة هذه المسؤليه

هي مرحله يجد الأنسان نفسه مشغولا فيها بإتخاذ قرارات مصيريه هامه في حياته ويمر عليه هذا العقد الرابع الى ان يجد نفسه قد قارب على الخروج منه الى العقد الخامس ويتوقف لوهله من الزمن لينظر خلفه ماذا أثمر هذا المجهود .. الحمد لله على نعمه التى لا تعد ولا تحصي

ولكن ياتي هنا سؤال يفرض نفسه وهو.. أما آن الأوان لأن يجني ثمار ما زرع وان يستمتع ويسعد نفسه وأولاده بما جمع أم يظل يلف في الساقيه الى ان يجد نفسه على سرير المرض كل محور حياته هو مرضه وكيفية مداواة آلامه الى ان يوارى في الثرى

أمامي تجارب ناس سبقونا في العمر وهم الآن في دار الحق ( اللهم ارحمهم واجعلهم في الجنه )

احدهم بعد عمله في الخليج لمده طويله نزل على وفاة زوجته الى بلده بعد غربه طويله قام بشراء شقق سكنيه وقطعة أرض وبعدها مرض وتوفاه الله لم يستمتع بما حققه في غربته وآلت ثروته الى إبنته الوحيده وزوجها

ومثال آخر لشخص بعد عمله في دوله خليجيه بنى له عماره عاش فيها عدد محدود من السنوات وبعدها عاني مع الأمراض وتوفاه الله تاركا ثروته لأولاده اللذين يصرفونها(مع معطيات عصرنا هذا) في متعتهم الشخصيه بكل بساطه

عندما استعرض هذين المثالين لأحاول ان أجد كيف أستمتعوا بحياتهم ؟ لم أجد غير رحلة غربه لجمع المال وبعدها تاسيس حياه للأولاد وتعليمهم وبعدها لم يلحقوا بجني ثمار ما زرعوه والأستمتاع بحصاد غربتهم التي يفترض ان يكونوا أول المستمتعين بها

فأعتقد انه لابد من وقفه للأربعيني لمعرفة ما يتوجب عليه تجاه أولاده لأسعادهم وما يتوجب عليه تجاه نفسه لأسعادها حتى لا يمر عليه قطار العمر وهو مازال منتظرا على المحطه

[قلب ابيض]

كل سنه وانتم طيبيييييييييييين

عيد سعيد على الجميع ياااااااااااارب clp::

تم تعديل 7 ديسمبر 2008 بواسطة قلب ابيض

[zizetta]

قلب أبيض وكل الشباب والشابات فوق الأربعين .. كل سنة وانتم بخير وشباب وحيوية وتفاؤل .. عيد سعيد علينا وعليكم يا رب..

قلب أبيض ... زمان وبداية من سن السادسة أو السابعة والثلاثين .. جالي خاطر اني حموت وانا عندي أربعين سنة .. وظللت انتظر هذه اللحظة وأعد له .. حتى بلغت الأربعين .. وبدأت في الإستعداد للرحيل .. لدرجة اني تممت على فناجين القهوة في البيت وعددها علشان المعزيين لما ييجوا يبقي كله تمام .. وترسخ هذا الشعور لدي وأصبحت انتظر الموت كل لحظة .. وأنام كل ليلة وانا موقنة انني لن اصحي وكنت كل ما اشكي او افضفض مع حد .. افاجأ بنفس الردود وهي " كل البيوت على كده وكل الناس علي كده مش انتي لوحدك " لكني كنت أشعر ان مشكلتي محدش فاهمها ولا حد حاسس بي ..وكان احساسي زي ما شرحتى بالضبط .. وبعد ما تميت الأربعين ..إستغربت ان سنة تعدي ورا سنة بعد تمام الأربعين ولسه عايشة .. ولقيت ان الحياة جميلة جدا .. ولآن العالم كما نصوره لأنفسنا، فبدأت أنظر لنصف الكوب المليان .. ومرت السنون وهاأنا ذا علي مشارف الخمسين ( بيني وبينك وما تقوليش لحد) .. وأصبح استمتاعي بالحياة اكثر .. يعني بكون سعيدة جدا مثلا وانا قاعدة أشرب كوباية شاي ومعاه سندوتش جبنة بيضة (أصل أنا بحب الجبنة البيضة اوي) وبتفرج على فيلم عربي عبيط .. أو زي مأنا قاعدة بقرأ أو بكتب في المحاورات وبنتي عمالة تكلمني وانا مش سمعاها خالص .. يعني بالعربي كده حبي نفسك .. وبكرر ان احلي ما في الحياة تعبنا فيها ومسئولياتنا تجاه الآخرين .. أنا اعرف ناس بيدوروا علي حد أي حد يهتموا بيه علشان يكون ليهم دور في تربية او تنشئة طفل .. ودي ساقية ودايرة لكن احنا مش فيها زي ما بنتخيل ..

تحياتي

زيزيتا

[قلب ابيض]

قلب أبيض وكل الشباب والشابات فوق الأربعين .. كل سنة وانتم بخير وشباب وحيوية وتفاؤل .. عيد سعيد علينا وعليكم يا رب..

قلب أبيض ... زمان وبداية من سن السادسة أو السابعة والثلاثين .. جالي خاطر اني حموت وانا عندي أربعين سنة .. وظللت انتظر هذه اللحظة وأعد له .. حتى بلغت الأربعين .. وبدأت في الإستعداد للرحيل .. لدرجة اني تممت على فناجين القهوة في البيت وعددها علشان المعزيين لما ييجوا يبقي كله تمام .. وترسخ هذا الشعور لدي وأصبحت انتظر الموت كل لحظة .. وأنام كل ليلة وانا موقنة انني لن اصحي وكنت كل ما اشكي او افضفض مع حد .. افاجأ بنفس الردود وهي " كل البيوت على كده وكل الناس علي كده مش انتي لوحدك " لكني كنت أشعر ان مشكلتي محدش فاهمها ولا حد حاسس بي ..وكان احساسي زي ما شرحتى بالضبط .. وبعد ما تميت الأربعين ..إستغربت ان سنة تعدي ورا سنة بعد تمام الأربعين ولسه عايشة .. ولقيت ان الحياة جميلة جدا .. ولآن العالم كما نصوره لأنفسنا، فبدأت أنظر لنصف الكوب المليان .. ومرت السنون وهاأنا ذا علي مشارف الخمسين ( بيني وبينك وما تقوليش لحد) .. وأصبح استمتاعي بالحياة اكثر .. يعني بكون سعيدة جدا مثلا وانا قاعدة أشرب كوباية شاي ومعاه سندوتش جبنة بيضة (أصل أنا بحب الجبنة البيضة اوي) وبتفرج على فيلم عربي عبيط .. أو زي مأنا قاعدة بقرأ أو بكتب في المحاورات وبنتي عمالة تكلمني وانا مش سمعاها خالص .. يعني بالعربي كده حبي نفسك .. وبكرر ان احلي ما في الحياة تعبنا فيها ومسئولياتنا تجاه الآخرين .. أنا اعرف ناس بيدوروا علي حد أي حد يهتموا بيه علشان يكون ليهم دور في تربية او تنشئة طفل .. ودي ساقية ودايرة لكن احنا مش فيها زي ما بنتخيل ..

تحياتي

زيزيتا

على فكره يا زوزا انا كمان زيك تماما اغلى متعه لى دلوقتى كوبايه الشاى وساندوتش الجبنه وفيلم تافهه ما فكرش وانا باتفرج عليه خالص

يعنى احساسى انى متبلده ده لوحده شىء ممتع بالنسبه لى

وياسلام بقى لو بعد كده فتحت النت شويه يااااااااااااااااه ده انا كده ابقى عديت

المهم ان فعلا الواحد لازم يحب نفسه شويه ويدلعها كمان ولو كل فيييين وفين فعلا بيكون له رد فعل مؤثر جدا وملاحظ من المحيطين

انا مبسوطه انى بتكلم معاك ومع الاخوه اللى ما نعرفش بعض الا هنا جدا

ومره تانيه كل سنه وانت وكل باقه الاربعين والخمسبببببن بخير وشباب :rolleyes: wst::

[قلب ابيض]

وحشتونى :blink:

انا النهارده عندى كلام عاوزه رأيكم فيه فكرت افتح بيه موضوع جديد لانه يستحق بس حسيت بحنين لباقتى الحبيبه باقه الاربعين والخمسين كمان ياترى انتو معايا ولا رحتوا فين؟؟ :lol:

[لولا]

وحشتونى :lol:

انا النهارده عندى كلام عاوزه رأيكم فيه فكرت افتح بيه موضوع جديد لانه يستحق بس حسيت بحنين لباقتى الحبيبه باقه الاربعين والخمسين كمان ياترى انتو معايا ولا رحتوا فين؟؟ :lol:

انا شفتك اون لا ين قت لا زم ادخل اقولك انك وحشتنى وكل سنه وانتى طيبه .. وكملى كلامك الكل بسمعك وحيقولك رأيه .. وانا اهو صحيح مش من الباقه

بس بحب اسمعك ديما :lol: smk: -_-

دمت بكل خير وود وحب وراحه بال وسعاده

لولا

[قلب ابيض]

ست الكل لولا البيت بيتك كويس انك حسستينى انى لسه مش لوحدى

الموضوع انى من فتره عقدت العزم انى لازم اجوز ولادى صغيرين لعده اسباب :

اولا الجواز عصمه لهم ولد او بنت فى زمانا اللى ما يعلمه الا الله

ثانيا يطمن قلبى عليهم فى بيوتهم والحق وانا فى شويه صحه اساعدهم انا وابوهم على الحياه سواء فى العمل او المعيشه او تربيه اولادهم ان اراد الله

ثالثا طالما اننا نقدر نساعدهم فى تأثيث عش الزوجيه ليه يستنوا لما يكونوا نفسهم ويعجزوا وتضيع احلى سنين عمرهم

مش معنى كده انى بحبز التنبله او الاتكال على الوالدين بس طالما الامور ميسره ليه نعقدها احنا

وانطلاقا من هنا بدأت اركز لابنى وبنتى مش فرض رأى ولكن اتفقنا من وقت ما كانوا فى بدايات المراهقه اننا اصحاب واللى يحس بمشاعر تجاه اخر لازم نواجهه نفسنا بيها ونشور بابا وماما لانهم اكثر خبره واكتر حد ممكن يخاف علينا وما الى ذلك من النصح فى هذه الحالات

المهم اتخرج الابن الاكبر وصار الان عمره 23 سنه ولانه كان معجب بأبنه احد المعارف والبنت تبادله الاعجاب من بعيد لبعيد وانا وامها ملاحظين وعاملين نفسنا مش واخدين بالنا لانننا فى قراره نفسنا فرحانين بالاختيار من كلا الطرفين

لحد الان حلو والامور ماشيه عاااال العال

وتقدمنا او طلبت الام ان نتقدم قبل ما غيرنا يتقدم n2&( وقدمنا شبكه اذهلت اهل العروسه ومن هنا نبدأ

احسسنا بعد الخطوبه بل وتأكدنا من مشاعر ولادنا لبعض وحبهم وفرحتهم ان الحب ده فى النور وبرضا الاهل وتم اعلانه والاستعداد للزواج

وظهر ايضا طمع الام وظهر جليا بخلها وامنياتها ان تزوج ابنتها من غير ماتغرم مليم متعلله بأنها مابتطلبش حاجه مستحيله مننا بس جهزوا شقتهم وخدوها :sad:

ولما احسسنا بما تكنه الام بدأنا نتوجس منها فهى الامر الناهى بعد وفاه زوجها ولا كلمه لعم ولا خال معاها

البنت مريحه وكلنا بنحبها ومتفقين على ذلك وهى كمان بتحبنا جدا واحنا ولله الحمد ممكن نتمم كل شىء من غير اى مساعده منهم ولكن هل يصح هذا ؟ وان كان اخشى ما اخشاه ان يتحقق المثل القائل اكفى القدره على فمها ؟؟؟؟؟

ما خبيش عليكم انا قلقانه من الام هى حما حما -خدوا عينيها وما تخدوش منها مليم وللاسف ده ما اتضحش الا بعد الارتباط

ياترى هاتقرف ابنى ؟ ياترى هاتتدخل فى حياه بنتها بشكل او بأخر مما لايتناسب مع حياتها؟

نسيت اقولكم انى تغاضيت عن توافق المستوى التعليمى بين عيلتنا وعيله العروسه واكتفيت بأخلاقها ودينها وجمالها وحبها لابنى

ياترى اتسرعنا؟؟ ياترى ايه اللى يضمن استقرار الولاد بعد كده ؟

اللى يضحك فى الامر انى انا المفروض انى اكون الحما مش ام العريس ؟؟؟لكن والله انا دايما احط نفسى مكان الطرفالاخر واتصرف بالشكل اللى يرضينى ويرضيه ويرضى ربنا قبل اى شىء

ها ايه رأيكم ؟ يتحمل ابنى او بمعنى اصح نتحمل كل الشىء والخفيف عليكم والتقيل علينا زى ما بيقولوا ؟

ولا نطول الخطوبه ونشوف ؟ ولا نقرب المسافه احسن تحاشيأ للمشاكل والفركشه والعياذ بالله؟؟

اتمنى اسمع رايكم احبائى ودمتم بخير