شباب وشابات الاربيعينيااااااات

[newcomer]

اتمنى اسمع رايكم احبائى ودمتم بخير

الاول اسمحى لى انى احيى حضرتك على الاسم الجميل

اللى من الواضح انه اسم على مسمى

ثانيا : احيكى كمان على طريقة تفكيرك المحترم

لو تسمحيلى افكر معاكى

حضرتك بتقولى انك تعرفى الام من زمان .... يعنى عارفة اخلاقها

و دى اهم حاجة

كمان شايفة حضرتك حابة البنت .... ومالكيش عليها ملاحظات

لحد كده ..... حاجة مشجعة

طيب ..... ما يمكن الام ظروفها المادية صعبة ( حضرتك قولتى انها ارملة )

حتى لو افترضنا انها بخيلة......... ذنب البنت ايه

هو الحقيقة فى الدين ..المفروض ان العريس عليه كل حاجة

لكن المشكلة بقى ..... كل حاجة دى بمقاييس مين

مين اللى يقرر .... ايه اللى لازم و ايه اللى يتأجل

بصى حضرتك .........لو كل حاجة فى البنت و اهلها اوكى

و المشكلة فى الماديات

يبقى ان شاء الله مافيش مشكلة

بس باقترح ان كل حاجة تبقى معقولة

علشان الطرفين

لا طرف يطمع .....و لا الطرف التانى يندم

و ان شاء الله ربنا يتمم بخير

[السويفي]

السلام عليكم

لما بدات بقراءه هذا الموضوع جال في خاطري شيئان :

اولا ::

مش عارف هل كل من يمر بالمرحله الاربعينبه يمر بهذه الاحاسيس....امن فقط من لم يحققوا احلامهم ...هل المتذمرين من اوضاعهم الحاليه وغير راضين عن مسار حياتهم هم فقط من يشتكون ....ام ان هذه مرحله وجوبيه يمر بها كل انسان

اتسائل عن هذا وانا مازلت في ال 25 من عمري ولم ابدأ الحياه بمعناها الحقيقي بمعني لا توجد التزامات مرتبط بها سواء في الحياه العمليه او الشخصيه

اتسائل قبل ان اقدم على اي خطوه يتشكل على اساسها مستقبلي وعمري القادم

اتسائل هل وانا خائف ان اصل في المستقبل (ان شاء الله) لمرحله الاربعين وانظر خلفي عند النقطه التي انا واقف فيها الان واقول ياليتني كنت اخذت طريقا اخر

لاني بطبيعتي مرح اجتماعي ويعيش الجميل في كل لحظه واعلم ان مهما كانت الظروف صعبه فعلم ان الله لا يختار لك الا الافضل...وهنا اتذكر دعاء علمني اياه احد الشيوخ

اللهم ارزقنا الفهم عنك

بمعنى ان الذي قدره الله لك هو مافيه الخير لك لكنك لا تعلم لانك قصير النظر

ويزيد من خوفي ان خالي كان اكثر الاشخاص مرحا في العائله وعندما وصل لمرحله الاربعين اصبح اشبه بالخرس..

هل التذمر في هذه المرحله اختياري ام اجباري كمرحله الشباب والنضوج؟؟؟؟

افيدوني

[السويفي]

السلام عليكم

ثانيا ::

ابي الان في اوائل الستينات وامي في اوخر الخمسينات وهما من الذين افنو حياتهم لنا حتي انهم وبعد زواج 3 من اخوتي مازالو يشغلون اغلب وقتهم في التفكير لهم عن احوالهم عملهم حياتهم اولادهم وزاد الاهتمام ليشمل زوجاتهم وابنائهم

حتي انهم مازالو يقطرووا على انفسهم حتي نكون في المستقبل مرتاحين...بعض الاحيان اكون غاضبا مما يفعلوه لنا

الان اسالكم وانت لكم اولاد

ما الذي يرضيكم في اولادكم ان كان لا المال يهمكم وانكم تجدون راحتكم في التعب من اجلنا ماذا نفعل لكم

انظر اليهم الان ولا ادري كيف اجلهم سعداء هل ان اقبل ايديهم هل ان احضنهم فقط يجعلهم هذا سعداء

هل ما هو مادي يرضيكم ام ما هو معنوي

بعض الاحيان اخجل ان اقول لهم ما يقال في الافلام ....من تلك الكلمات الانشائيه

يوجد بداخلي حب لهم ولكن لا اعرف كيف اظهره لهم

ادعو لهم في سجودي كثيرا

بعض الاحيان اشعر انهم تعودوا ان يتعبوا لن وان ارحناهم سيظنون اننا اخرجناهم من حياتنا

ماذا افعل لهم

افيدوني ارجوكم

[لولا]

السلام عليكم

ثانيا ::

ابي الان في اوائل الستينات وامي في اوخر الخمسينات وهما من الذين افنو حياتهم لنا حتي انهم وبعد زواج 3 من اخوتي مازالو يشغلون اغلب وقتهم في التفكير لهم عن احوالهم عملهم حياتهم اولادهم وزاد الاهتمام ليشمل زوجاتهم وابنائهم

حتي انهم مازالو يقطرووا على انفسهم حتي نكون في المستقبل مرتاحين...بعض الاحيان اكون غاضبا مما يفعلوه لنا

الان اسالكم وانت لكم اولاد

ما الذي يرضيكم في اولادكم ان كان لا المال يهمكم وانكم تجدون راحتكم في التعب من اجلنا ماذا نفعل لكم

انظر اليهم الان ولا ادري كيف اجلهم سعداء هل ان اقبل ايديهم هل ان احضنهم فقط يجعلهم هذا سعداء

هل ما هو مادي يرضيكم ام ما هو معنوي

بعض الاحيان اخجل ان اقول لهم ما يقال في الافلام ....من تلك الكلمات الانشائيه

يوجد بداخلي حب لهم ولكن لا اعرف كيف اظهره لهم

ادعو لهم في سجودي كثيرا

بعض الاحيان اشعر انهم تعودوا ان يتعبوا لن وان ارحناهم سيظنون اننا اخرجناهم من حياتنا

ماذا افعل لهم

افيدوني ارجوكم

سؤالك اثر في كثيرا .. نحن لا نملك اكثر من ان نحب آبائنا بإخلاص .. وعارف ..فى وجهه نظرى اننا نحس بيهم ..اننا نحس بيهم اوى اوى اوى

ونخليهم يحسوا اننا كبرنا وفاهمين ومقدرين كل حاجه عملوها عشانا .. انهم يحسو انك بتحبهم ..بتحترمهم ..بتقدرهم حقيقى من كل قلبك

وعايز تشيلهم من الأرض شيل دا لوحده يخليهم يحسوا انهم نجحوا فى رسالتهم .. انك تكون كويس وناجح ..عاقل وفاهم دا يسعدهم

انهم يشوفوك سعيد .. .. انتا كده بتريح بالهم وتسعد قلبهم.

من ناحيه تانيه بقى .. موضوع الدعاء دا .. حقيقى رائع ..اقل حاجه فعلا والصدقه بنيه ان الأجر يكون ليهم فى حياتهم او بعد وفاتهم ربنا يطولنا فى اعمارهم

آمين . اعتقد انه ان يُنجب الإنسان ولد صالح يكون سنده فى الدنيا ويدعوا له بعد وفاته ويعمل الخير باسمه فيصله الأجر فى الآخره هو أقصى ما يرجوه اى انسان.

اللهم اجعلنا بارين بآبائنا والهمنا ان نحمد نعمتك علينا بهم .

لولا

تم تعديل 20 ديسمبر 2008 بواسطة لولا

[newcomer]

الان اسالكم وانت لكم اولاد

ما الذي يرضيكم في اولادكم ان كان لا المال يهمكم وانكم تجدون راحتكم في التعب من اجلنا ماذا نفعل لكم

انظر اليهم الان ولا ادري كيف اجلهم سعداء هل ان اقبل ايديهم هل ان احضنهم فقط يجعلهم هذا سعداء

هل ما هو مادي يرضيكم ام ما هو معنوي

بعض الاحيان اخجل ان اقول لهم ما يقال في الافلام ....من تلك الكلمات الانشائيه

يوجد بداخلي حب لهم ولكن لا اعرف كيف اظهره لهم

ادعو لهم في سجودي كثيرا

بعض الاحيان اشعر انهم تعودوا ان يتعبوا لن وان ارحناهم سيظنون اننا اخرجناهم من حياتنا

ماذا افعل لهم

افيدوني ارجوكم

ما شاء الله...... و نعم الابن ......ربنا يبارك فيك

ويبارك فى والديك اللى يستاهلوك

هو اللى بتعمله كله زى الفل

بس ايه المانع انك تقول كلام تكون حاسس بيه

تحسسهم انك مقدر تعبهم و انك نفسك يطلبوا اى حاجة

علشان تحاول ترد جزء من افضالهم.....

بلاش انشاء ...... لكن خليه من قلبك

الكلمة الطيبة صدقة

و الاهم انك تحطهم فى قايمة اولوياتك......ان ماكنش على رأسها

يعنى لو تليفون فى وسط النهار .... بس علشان تسأل عاملين ايه

عايزين حاجة...... كده يعنى ...... من غير ما يكون فى سبب

لما تعمل حاجة كويسه و تحكى لهم ان ده بفضل تربيتهم ليك

و انهم كانوا مثل و نموذج بتتعلم منه

لو اتكلمنا عن الحاجات المادية

فتقريبا معظم الاباء ما بيكونوش عايزين حاجة من ولادهم

لكن بتفرحهم الحاجات الصغيرة

نوع تورتة باباك بيحبه

نوع بارفان .....خلص عند مامتك ...... تجيبلها واحدة

......هدايا تحسسهم انهم فى بالك و انك واخد بالك منهم

دى الطريقة اللى باعملها و اتمنى ولادى يعملوها

لما يكبروا .... ان شاء الله

ربنا يبارك فيك و فى ولادنا .....يا رب

[قلب ابيض]

انا سعيده يا جماعه جدا

حاسه انى ماشوفتوكوش من زمان وفجأه لاقيتكم كلكم

واسمحوا لى نفسى اعقب على الكل

[قلب ابيض]

اتمنى اسمع رايكم احبائى ودمتم بخير

الاول اسمحى لى انى احيى حضرتك على الاسم الجميل

اللى من الواضح انه اسم على مسمى

ثانيا : احيكى كمان على طريقة تفكيرك المحترم

لو تسمحيلى افكر معاكى

و ان شاء الله ربنا يتمم بخير

[وسط][/وسط]

انا بدايه بشكر ذوقك فى اختيار كلماتك الرقيقه وسعيده بردك على استفساراتى

انا بالفعل لااجد فى البنت مايشوبها كفرد جديد يضاف لاسرتنا المحبه لافرادها ولله الحمد

ولكن كل ما يقلقنى هو فرض تدخل الام فى كل كبيره وصغيره بشكل استفزازى وصدقنى انها كانت فى بدايه علاقتى بها تظهر لى كل الامكانيات اللى عندها بشكل كما لو كانت بترسم بالبلدى كده على الموضوع ده

وانا لانى مستحسنه البنت وحب ابنى لها وتقبلنا جميعا كأسره لها تغاضيت عن ذلك بمعنى انها مش محتاجه ماديه او فقيره او ما الى ذلك بل العكس ولكن تعمل ايه فى البخيل (بخيل فى عواطفه فى مادياته فى علاقاته بالناس اللى بتقاس بقدر المنفعه العايده عليه فقط )المهم انا معاك ان الكفاله فى الدين على الرجل ولله الحمد هو جدير بذلك

جزاك الله خير على رأيك اللى انا كنت الظاهر كنت بتلكك عشان اسمعه لانى بحب ابنى واحب اكتر انى اشوفه سعيد ومستقر

مره كمان شكرا لك وياريت دايما نتواصل :lol:

[newcomer]

مره كمان شكرا لك وياريت دايما نتواصل :lol:

الشرف ليه. ان احنا نتواصل.....يأم العريس....يا أم قلب ابيض

ربنا يهنيه و يهنيكى بهناه ....يا رب

و عقبالى انا كمان يارب ....لما ابنى يكبر و يبقى عريس ان شاء الله فى حياتك

عايزه اقول لحضرتك ....هوه المثل اللى بيقول

اقلب القدره على وشها... تطلع البنت لأمها

ساعات بيكون صح.....و ساعات البنت بتكون عكس مامتها

يعنى اكيد كلنا فيه حاجات ....احنا مش راضيين عليها فى تفكير اهلنا او فى طباعهم ....

و غييرناها فى نفسنا..... يمكن من غير ما نقول حتى لنفسنا..... انها مش عاجبانا

يعنى ممكن البنت مايكونش عاجبها بخل و تسلط امها

بس هاتعمل ايه........مامتها طبعا !!!

انا دايما من انصار الحدود الواضحة....

يعنى ممكن العروس يوضح لخطيبتة انه من البداية كده

انه مابيحبش التدخل ....و مش هايقبله

طبعا مع كامل الاحترام للأم

و بكده نقطة الضعف دى تكون اتغطت

و بعدين يا ستى...... لو ماكنش ابن حضرتك

ما شاء الله .....يستاهل ..... ماكانوش رسموا عليه

ربنا يبارك لك فيه

[قلب ابيض]

ربنا يخليك ويبارك فيك ويفرحك بأولادك يارب

وده موضوع تانى

الجواز المبكر مابين مؤيد ومعارض (طبعا مبكر لو توافرت الظروف الملائمه ) عشان مالاقيش اللى بيقولى هو فى حد عارف يتجوز لما يبقى مبكر

مانخرجش عن موضوعنا ونخليه للمناقشه فى وقت لاحق

سعيده انك اون لاين معايا

والحق ارد على الابن الجميل سويفى

تحياتى

[قلب ابيض]

ادعو لهم في سجودي كثيرا

بعض الاحيان اشعر انهم تعودوا ان يتعبوا لن وان ارحناهم سيظنون اننا اخرجناهم من حياتنا

ماذا افعل لهم

افيدوني ارجوكم

يا سويفى انت انساااان جميل اوى وربنا يبارك لوالديك فيك يارب

انا حسيت ان ابنى اللى بيكلمنى والله ساعات كتير احس فى عيون احد ابنائى بكلام كتييييير بس ما بينطقش ولا كلمه ولما اضيق على الخناق "الخوناق مش الخناقه "

الاقيه بيقولى اللى انت بتقوله ده

اد ايه بكون سعيده وهاطير من الفرح بحس ساعتها انى فعلا ربيت وكل تعب بيهون على وما افتكرش الا كل شىء جميل عمله او نفسه يعمله حتى ومابيقولش

شوف ياسويفى انت لله الحمد بار لابويك ولو بنيتك وده جميل بس الاجمل ان الاحساس ده يوصل لهم

انت عارف لو تيجى ساعه مغربيه كده وتقوم عامل اتنين شاى بالنعناع وكلمتين حلوين يجوا فى وقتهم ياسلاااااااااام

والموضوع نسبى من شخص لاخر يعنى اللى يسعد بكوبايه شاى غير اللى يسعد بخاتم الماظ :lol:

انت تقدر تحدد ده من عندك

===========

موضوع بقى تانى احب اكلمك فيه

اوعى عقلك يقولك جماعه الاربعين دول عواجيز وبيبصوا وراهم عملوا ايه ويندموا على اللى ماعملوهوش وحركات من دى ؟؟؟لاء خالص

بص يا سيدى الانسان المرح المحب للحياه بكل مافيها مش ممكن حاجه تغيره ابدا

بمعنى :خالك على سبيل المثال اللى انت قلته لو دورت ورا سبب خرسه ده هتلاقى واعذرنى لصراحتى يا زوجه كئيبه يا أزمه ماليه عارضه يا مشاكل فى الصحه او العمل

وكل حاجه لها حل بمعنى انك ماتبصش لنص الكوبايه الفاضى وتقول بكره ابقى زيه ؟ لاء انت شوف مقدار الانجاز اللى بتنجزه فى حياتك

اد ايه ممكن ترسم بسمه اوتسعد انسان على قدر استطاعتك ايه اللى ممكن لو عملته دلوقتى يريحك بعدين كجهد بقى وعمل وتاسيس وحتى نفسيا

الانسان طبيب نفسه واحنا بنستفيد من تجارب غيرنا اه بس مش لازم تكون لنا نفس تجربته

والشباب شباب الروح والقلب يا سويفى خاصة لما يكون قلب ابيض

ولك تحياتى

[قلب ابيض]

ياجماعه وحشتونى

اين انتم

وليه مابتطرحوش مشاعركم واحاسيسكم

ليه انا بس اللى باتكلم وانتم بتردوا؟؟؟؟؟

[newcomer]

ياجماعه وحشتونى

اين انتم

وليه مابتطرحوش مشاعركم واحاسيسكم

ليه انا بس اللى باتكلم وانتم بتردوا؟؟؟؟؟

يا حبيبتى .....حضرتك قولتى اخر زيارة ( كأن ....يعنى )

ان هافتح موضوع الجواز المبكر .....بعدين

انا شخصيا كنت مستنية حضرتك تتكلمى

ياللا اتفضلى ...الشاى هايبرد !!

[قلب ابيض]

ياجماعه وحشتونى

اين انتم

وليه مابتطرحوش مشاعركم واحاسيسكم

ليه انا بس اللى باتكلم وانتم بتردوا؟؟؟؟؟

يا حبيبتى .....حضرتك قولتى اخر زيارة ( كأن ....يعنى )

ان هافتح موضوع الجواز المبكر .....بعدين

انا شخصيا كنت مستنية حضرتك تتكلمى

ياللا اتفضلى ...الشاى هايبرد !!

تصدقى الشاى حه فى وقته لسه متغديه ونفسى فى كوبايه شاى بس بردانه مش قادره اقوم

تسلم ايدك على الشاى

اما بعد انا كأستهلال عاوزه اعرف رأيكم فى موضوع الجواز المبكر

وامتى يبقى مبكر

واللى مر بالتجربه او عكسها "متأخر شويه يعنى " ياريت يحكى لنا

انا بقى المره دى عاوزه غيرى يبدأ

كلكوووووووووا على ولا ايييييييييه؟؟؟؟؟ :blush2:

[لولا]

قلب ابيض يا ابيض .. اخيرا لقيت سؤال ينفع ارد عليه من غير ما ابقى متطفله

بصى يا ستى .. الجواز المبكر ,, اللى هو زى حالاتى كده

اتجوزت وانا يادووووووووووووووووووووووووووووووووووب مخلصه جامعه ,, حتقوليلى كده مش مبكر ,,,حقولك لأ ..كده كان مبكر

وملحقتش اشبع من ماما وبابا ولا لحقت العب شويه واتصرمح مع صوحابى وصويحباتى :happy:

وبما انى كنت اصلا عايشه حياتى بره مصر منذ المولد .. اى والله منذ المولد md2: وهى الأجازات بس اللى مصر

وكمان مش كلها ساعات بنروح اماكن تانيه فكنت حاسه انى مشتاقه افضل اطول وقت ممكن فى مصر واعيش ,,

لكن الحقيقه حبى لمصر غلبه حب من نوع تانى ,,, وكان الفارس الأبيض اللى خطف قلبى بيشتغل برا مصر

حيث انا هنا احدثك :D ... فقررت اركب الحصان الأبيض ,, واطيييييييييييييييييييييييير على هنا :sad:

وانا اصلا اتولدت هنا ,, لكن ماما وبابا بيوحشونى ,, لو كان بايدى ومكنتش اتنيلت اتكعبلت فى المدعو (حب ) مكنتش

ححب اتجوز قبل ما اتم (26 ) سنه , على الأقل كنت حقدر اعمل حاجات ياما كنت بحلم اعملها بعد التخرج ,,

لكن عارفه ,, كل شيئ ممكن يتعوض وفى يوم نحققه ... الا قلب يحبك حقيقى جدا .. القلب دا لو فرطنا فيه ممكن منقدرش

نعوضه . بتكلم عن الحب الحقيقى مش مجرد عريس . الجواز بيزيد الخبره فى الحياه ,,

والواحد لما بيتجوز فى بدايه العشرينات بيكون (مرن ) اكتر فى انه يغير من نفسه

ويتنازل عشان الطرف التانى (دا لو كان عاقل يعنى وربنا هاديه :) ),, بشوف حالات كتير حوليا ,, عايشين كل حاجه بالعند ,,انا مش حتغير ,,انا مش حتنازل,,

هو اللى غلط ..هو اللى يتغير ,, انا بفهم اكتر ,, هو عايز يتحكم وخلاص ... ويوووووووه ميه حاجه , الواحد لازم يبسطها

الحياه الزوجيه مش حرب .. الخبره فى البدايه بسيطه ,, لكن الحب بيخلى الواحد ديما يحاول يسعد الطرف التانى ,,

هو انا بتكلم فى الموضوع ,, ولا شطحت بره :blink:

انا بس حبيت ارغى معاك شويه .زعشان بقالنا كتير متكلمناش مع بعض :wub:

لولا

[newcomer]

انا من مؤيدى الجواز فى السن المبكر

للبنات و الولاد

طبعا حديث" من استطاع منكم الباءة..فليتزوج" محرك اساسى.....

لكن كمان من تجربتى الشخصية و تجارب ناس كتير حوالية

و مش هادخل فى الاسباب....لان نفسى نتكلم فى الاقتراحات اللى تساعد الناس

فى انهم يتجوزوا بدرى....

طبعا المشكلة الرئيسية فى الشقق.....الاسعار ....و الظروف الماديه

كتيير بافكر ...هوه ليه الناس بتعقد كل حاجة كده

و هو انا لما ابقى فى موقف متخذ القرار بالنسبة لولادى ممكن اكون بسيطة فى تفكيرى؟؟!!

يعنى مثلا ...ليه احنا كمجتمع مابنقبلش ان البنت او الولد

يجهزلهم اوضة فى بيت اهلهم ( البنت او الولد... اللى ظروفة تنفع )

ليه ما يسكنوش مع الجدة او الجد او حد من كبار السن اللى فى اى عيلة

بدل ما الناس دول ماحدش بيقتح عليهم الباب بالايام

فكرت....هاتحصل مشاكل....اه هاتحصل

ممكن المتجوزين حديثا او الاهل اللى هم مقيمين معاهم ....مايستريحوش

اه ...طبعا وارد جدا

بس لو حطينا المزايا قدام العيوب

مش هايبقى احسن من الوضع الحالى

لما يبقى نسبة الشباب اللى فى سن الجواز و يمكن عداها

( مش حاية الوصف للحاله....بيضايق و يجيب اكتئاب )

العدد بيقولوا وصل 5 مليون ؟؟!!

مش احسن من كم الولاد و البنات اللى قاعدين على الكبارى و فى المولات

و ده كله ضد الدين و العرف...... و استهلاك للمشاعر و الاحلام

مش احسن من الجواز العرفى ...اللى ربنا ابتلى بيه مجتمعنا

شفت فى التلفزيون جمعية اسمها او الهدف منها تيسير الجواز التانى؟؟!!!

قلت يا سلام لو فيه جمعية تشجيع الجواز فى بيت الاهل

عارفة ان الفكرة مش هتلاقى قبول اوى .....و الا كانت انتشرت

بس و الله ....خلينا نفكر فيها ....يمكن ربنا يجعل فيها مخرج

[قلب ابيض]

انا بس حبيت ارغى معاك شويه .زعشان بقالنا كتير متكلمناش مع بعض :wub:

لولا

يا با شا انت تشطح على كيفك وتتحفنا بأرائك التحمسيه (حلوه التحمسيه دى ;) )اللى بتجرى الدم فى العروق

بصى يا لولتى انتى بتقولى انك بعد ما اتخرجتى اتجوزتى اللى حبه قلبك واختاره عقلك على ما حسيت من وصفك

وبتسميه مبكر ؟؟؟ انا مش معترضه على التوقيت بس انا فى رأئى انه السن المناسب تماما للزواج لاقبل وربما بعد يبقى سن معقول الا اذا كان الموضوع انك كنت محتاجه وقت لتحقيق امال ومشاريع اكيد خاصه بالعمل والطموح للعمل خاصه بعد التخرج مباشره

انا عاوزه ااقولك انت ماشاء الله خطواتك صحيحه جدا وخاصه انه الشريك المناسب مش من النوع اللى تندمى طول عمرك على ارتباطك بييه

وانا عندى قصص واقعيه لصديقات وجارات لى اتجوزنا كلنا تقريبا فى فتره متقاربه جدا وانقطعنا عن بعض لظروف الحياه اللى انتو عارفينها ولما اتقابلنا يوووووووووه بلاوى kis)- قصص والله افلام لازم نتكلم عن اسبابها سوا ان شاء الله

وعلى اى الاحوال رأيك غالى عندى :lol:

[قلب ابيض]

شفت فى التلفزيون جمعية اسمها او الهدف منها تيسير الجواز التانى؟؟!!!

قلت يا سلام لو فيه جمعية تشجيع الجواز فى بيت الاهل

عارفة ان الفكرة مش هتلاقى قبول اوى .....و الا كانت انتشرت

بس و الله ....خلينا نفكر فيها ....يمكن ربنا يجعل فيها مخرج

===========================================================

newcomer مش عارفه ليه بحس اننا متقاربين فى التفكير من بعض جدا وربما الظروف ايضا (بس لو ممكن اسم اناديك به بدل newcomer يبقى رائع )

المهم انا والله بالفعل اعتبر نفسى اتجوزت بدرى يعنى اناتميت عشرين فى بيتى وكنت بادرس فى الجامعه ولكن بحمد الله لولا ان ربنا اكرمنى بالانسان اللى يصونى واكبر معاها وبيه ماكانش ده الحال دلوقتى

سيبك منى دلوقتى ونرجع لموضوعونا

انا معاك جدا فى ان فكره الجواز فى بيت الاهل دى حل لبعض الحالات مش كلها وهو بالطبع افضل بكتير من العنوسه والانحراف سواء للشباب او البنات

بس لما اجى افكر فى الموضوع واقيسه على اولادى مثلا : الاقينى اوافق ان ابنى يتجوز معايا بس بنتى لاء ماتتجوزش فى بيت اهل عريسها ؟؟؟ليه ؟؟؟

لانى انا عارفه نفسى هاعامل زوجه ابنى ازاى وهاراعر ربنا فيها واللى احبه لبنتى هاعمله لها خاصه ان حماتى كانت من نوع مارى منيب :wub: فاللى عانيت منه مش هاكرره مع عروسه ابنى "يابختها بحماتها :lol:

ولكم ايه اللى يضمن لى ان بنتى هاترتاح مع اهل عريسها ؟؟

مش عارفه اكيل الموضوع بمكيال واحد بجد مش عارفه

ولكن ده مايمنعش اننا كاهل نتساهل شويه فى طلباتنا من العرايس ونفتكر اد ايه الموضوع ده لوزاد عن كده ممكن يدفع بولادنا لفين ؟؟

الجواز للبنت والولد صدقونى كل ماكان بدرى كان افضل شباب kis)- وحيويه وطاقه يتوجههو صح هاتقولولى فى المقابل فى قله خبره فى الحياه وعدم ادراك لنواحى كتير فيها اقولكم لاء والف لاء ده كان زمان الولد دلوقتى ماشاء الله سنتين بيعرف يتعامل مع الموبيل والكمبيوتر انا عندى ابن من عمر 4سنوات بيفتح ويقفل ;) الكمبيوتر وبيفتح فايلات الجيمز خاليا 6 سنوات هو اللى بيعلم جدته ازاى تسيف اسماء على الموبيل وتخصص صوره ونغمه "ماشاء الله "

فالطفل ده لما يبقى عمره عشرين 22 سنه يبقى لسه صغير ؟؟؟

صدقونى الموضوع موضوع امكانيات اولا واخيرا وفروا لهم البدايه او ساعدوهم على البدايه وتوكلوا على الله

ياجماعه زمان كانوا بيتجوزوا 15 و16 سنه ولد او بنت وبيشتغلوا وبيخلفوا والدنيا ماشيه صحيح مابيشغلوش مناصب مرموقه ولكن كل ميسر لما خلق له

ولا ايه الكلاااااام؟؟؟

تم تعديل 26 ديسمبر 2008 بواسطة قلب ابيض

[لولا]

انا بس حبيت ارغى معاك شويه .زعشان بقالنا كتير متكلمناش مع بعض :wub:

لولا

يا با شا انت تشطح على كيفك وتتحفنا بأرائك التحمسيه (حلوه التحمسيه دى ;) )اللى بتجرى الدم فى العروق

بصى يا لولتى انتى بتقولى انك بعد ما اتخرجتى اتجوزتى اللى حبه قلبك واختاره عقلك على ما حسيت من وصفك

وبتسميه مبكر ؟؟؟ انا مش معترضه على التوقيت بس انا فى رأئى انه السن المناسب تماما للزواج لاقبل وربما بعد يبقى سن معقول الا اذا كان الموضوع انك كنت محتاجه وقت لتحقيق امال ومشاريع اكيد خاصه بالعمل والطموح للعمل خاصه بعد التخرج مباشره

انا عاوزه ااقولك انت ماشاء الله خطواتك صحيحه جدا وخاصه انه الشريك المناسب مش من النوع اللى تندمى طول عمرك على ارتباطك بييه

وانا عندى قصص واقعيه لصديقات وجارات لى اتجوزنا كلنا تقريبا فى فتره متقاربه جدا وانقطعنا عن بعض لظروف الحياه اللى انتو عارفينها ولما اتقابلنا يوووووووووه بلاوى kis)- قصص والله افلام لازم نتكلم عن اسبابها سوا ان شاء الله

وعلى اى الاحوال رأيك غالى عندى :lol:

انا مقدرش اقول ان السن اللى انا اتجوزت فيه سن بدرى للجواز كحاله تعميميه ,, لكن زى ما انتى قلتى تمام كانت عندى احلام نفسي

احققها ,, الأحلام دى كانت بعيده عن مجال دراستى جدا جدا وبالتالى من الصعب كنت احققها خارج مصر فى بلد خليجيه .

عموما الحمد الله انا بشتغل فى مجال تخصصى فى مكان ممتاز ودى نعمه كبيره ديما بحمد ربنا عليها , لكن ديما حيفضل الحلم جوايا

انى فى يوم اكيد حقدر انفذه .

تعرفوا ,, بجد فى ناس كتيير زى ما قلتوا مش قادره تتجوز ,,من المؤسف ان السبب اقتصادى بحت جدا .

عارفه ياقلب ابيض ,, انا مش عارفه متوسط سن الجواز المقبول من المجتمع ايه حاليا .. تصورى بقيت اشوف بنات كتير 28-29-30 ومش متجوزين

والمشكله ان البنت منهم اول ما تدخل الثلاثين بتبدأ اعصابها تنهار وتحس بالخوف من المستقبل ,,, واكيد من المجتمع !!

لولا

[newcomer]

newcomer مش عارفه ليه بحس اننا متقاربين فى التفكير من بعض جدا وربما الظروف ايضا

ده شرف ليه يا افندم ....

(بس لو ممكن اسم اناديك به بدل newcomer يبقى رائع )

الاسم اللى تحبيه ....هايبقى زى الفل

و زى شعار المرحلة ما بيقول شخبطة سعادتك ...تخطيط لمستقبلى ...يا هانم

لما اجى افكر فى الموضوع واقيسه على اولادى مثلا : الاقينى اوافق ان ابنى يتجوز معايا بس بنتى لاء ماتتجوزش فى بيت اهل عريسها ؟؟؟ليه ؟؟؟

لانى انا عارفه نفسى هاعامل زوجه ابنى ازاى وهاراعر ربنا فيها واللى احبه لبنتى هاعمله لها خاصه ان حماتى كانت من نوع مارى منيب :wub: فاللى عانيت منه مش هاكرره مع عروسه ابنى "يابختها بحماتها :lol:

ولكم ايه اللى يضمن لى ان بنتى هاترتاح مع اهل عريسها ؟؟

خلينا نتكلم بجد ....كما تدين تدان

حضرتك هاتبقى كويسة مع مرات ابنك

ربنا هايبعتلك حد يراعى ربنا فى بنتك

بس ده مايمنعش ان احنا بنى ادميين

ممكن نعمل شوية شغل حموات او مراتات ابناء... kis)-

و بعدين احنا ليه بنحجر على المستقبل و التجربة ؟؟

ما يمكن اللى بنرفضة ده لموروثات ثقافيه....مايطلعش احسن منه

......يعنى كمان مش المفروض الشباب الصغيرين دول يتكلوا بقى على ان ده وضع دائم

دى بس بداية

لحد ما ربنا يوفقهم و يبقى عندهم استقلال و شقة ليهم

بس نبقى وفرنا لهم من عمرهم كام سنة بحياة مستقرة

ترضى ربنا ....و يستقيم المجتمع معاها

و ادينا امل للشباب اللى ظروفه ضيقة

و لا اييييه !!

[قلب ابيض]

ارحمنى ياااارب

بعد ماذللنا كل العقبات وعملنا بعمل الاجداد حتى يتزوج الاولاد وتتستر البنات رجعنا تانى لحكايه التعلب فات فات وفى ديله سبع لفات

طبعا انتم فاكرنى جرى لمخى حاجه ؟ ايه اللى بقوله ده ؟ لاحول ولا قوة الا بالله ماكانت بعقلها ؟؟

استكمالا لموضوع جواز البكرى اللى فتحته معاكم من فتره واتفقت الاراء على ان مادامت الامور ميسره ومعده للزواج فلما لا؟؟

اذا بالابن الحبيب يفاجأنا بأبه لازم يشتغل ويشقى ويحوش عشان يحس بقيمه تعبه ويعمل بيته بقرشه؟؟كلام جميل بس عند التنفيذ ؟؟؟ خد عندك كاااام سنه على ماتحوش تمن الشقه والجهاز --عجبت لك يا زمن اللى معاه مش عاوز واللى عاوز ممعاهوش ؟ طب نقفل الشباك ولا نفتحه

ااااااه تعبت لا كده نافع ولا كده نافع

افيدونى يا اهل الخبره