شباب وشابات الاربيعينيااااااات

[قلب ابيض]

السلام عليكم

فات وقت كتير من اخر مشاركه للموضوع ده 00وكان هدفى انه يكون زى باب ثابت نقدر نتقابل فيه

كشباب اربعينى خمسينى من سن بعض نناقش فيه اللى ما يحسش بيه غيرنا من مشاعر او

مشكلات خاصه

عاوزه اسأل اخونا واخواتنا شباب وشابات الاربعين 000بعد ما الاولاد كبروا وتخطوا مراحل عمريه

ودراسيه لاباس بها 00عندك حلم لسه ما حققتهوش ؟؟ وايه هو ؟ وهتحققه ازاى؟

تم تعديل 26 مايو 2009 بواسطة قلب ابيض

[الباشمهندس ياسر]

ارحمنى ياااارب

بعد ماذللنا كل العقبات وعملنا بعمل الاجداد حتى يتزوج الاولاد وتتستر البنات رجعنا تانى لحكايه التعلب فات فات وفى ديله سبع لفات

طبعا انتم فاكرنى جرى لمخى حاجه ؟ ايه اللى بقوله ده ؟ لاحول ولا قوة الا بالله ماكانت بعقلها ؟؟

استكمالا لموضوع جواز البكرى اللى فتحته معاكم من فتره واتفقت الاراء على ان مادامت الامور ميسره ومعده للزواج فلما لا؟؟

اذا بالابن الحبيب يفاجأنا بأبه لازم يشتغل ويشقى ويحوش عشان يحس بقيمه تعبه ويعمل بيته بقرشه؟؟كلام جميل بس عند التنفيذ ؟؟؟ خد عندك كاااام سنه على ماتحوش تمن الشقه والجهاز --عجبت لك يا زمن اللى معاه مش عاوز واللى عاوز ممعاهوش ؟ طب نقفل الشباك ولا نفتحه

ااااااه تعبت لا كده نافع ولا كده نافع

افيدونى يا اهل الخبره

عروستى

اه بجد

عروستى بتاعت ماما ساميه

زمان يا قلب ابيض ... كان ولد ف الجامعه و كان هو البكرى

باباه قاله يا ابنى ايه رايك لو نجوزك

و اهو نفرح بيك و تجيبلك ولد بدرى يسندك لما تكبر و من ناحية عشان تعرف تركز ف المذاكرة بتاعتك :)

قاله يا بابا مينفعش

انا ممكن اقضيها خطوبة بس

قاله و هنركن بنات الناس جنبنا لغاية ما تخلص و ادينا خارجين و ادينا داخلين يا جواز يا اما فلا

قاله خلاص يا بابا ... لما اخلص الجامعه نبقى نشوف

بعد الجامعه بابا طرح الموضوع تانى

قاله بس لما اظبط شغل تمام لان الشركة دى مش هتكفينا حاجة خالص

المهم ان الولد وصل لسن 28 سنة من غير جواز

لانه رفض ان الهانم تيجى بيته الا وهو شايل الليلة من اولها لاخرها

و كمان كام نقطة تانيييييين

مدام قلب

بلغى ابن حضرتك ... انه يستفيد من نعمة الله عليك

و ميعملش زى سبأ لما قالوا ربنا باعد بين اسفارنا

[عنبو]

اولا السلام عليكم ورحمة الله وبركاته

انا عاوز ارد على كذا حاجه

بالنسبه لسن الاربعين بيكون لع طعم لما الانسان يحس انه عمل حاجه فى الاربعين سنه اللى مضوا وبيكون سن الكأبه والحزن لما الانسان يلاقى نفسه لا عمل حاجه ولا محتاجه يعنى لا كون اسره ولا هو مثلا عمل حاجه تخلد ذكراه :o

اما بالنسبه للاخوخ المغتربين احنا ليه نربط استمتعنا بالحياه لما نرجع للوطن الحبيب ليه مهو احنا ممكن نعيش بره اينعم مش هتبقى بنفس السعاده اللى الواحد بيحس بيها فى مصر وده طبعا علشان وجود الاهل والاصدقاء وطبعا الناس الطيبين اللى بتصدر منهم مواقف تخلى الواحد بجد يزداد عشقا لهذا الوطن الغالى الحبيب :o

انا من خلال تجارب اقاربى حيث تقريبا كل العيله سواء من ناحية ابى او امى كانوا مسافرين الا ابى وامى بس منهم من خطط صح وربنا وفقه لحياته ومنهم من سرقه العمر ورجع بمرض اينعم معاه فلوس بس رجع بكلمه واحده بس خدوا فلوسى كلها وادونى ساعة صحه

فانا ليا اقارب بطلوا سفر بمجرد ان الاولاد دخلوا الجامعات ومنهم من ابى ولكن بس اللى رفض ده منهم قسمين قسم الاول عايش حياته بمعنى ان العيله موجوده فى مصر نظرا لدراسة الاولاد لكن هو ما يزال يسافر بس كل شهر فى مصر مع العيله وهو طبعا ظروف شغله بتسمح بكده ولله الحمد الوضع مستقر والاولاد تمام وفيه نوع تانى انا اتكلمت عليه فى مداخله اقبل كده ؟؟

اما بالنسبه لابن حضرتك "" قلب ابيض "" هو حد طايل يتجوز ياعم انت كده بتوفر عليك لا يقل عن خمس سنين تعب وغربه وبهدله ولا انت غاوى تعب مش تستعجل على التعب وسيبك من الافلام العربى يعنى لازم اكون عش الزوجيه ولازم معرفش ايه هو فيها ايه لما ابدأ حياتى وابويا يساعدنى !! طالما الانسان هيعف نفسه ويفتح بيت جدا مبنى على تقوى الله اكيد ربنا هيفرجها ده الرزق بيزيد مع الجواز

ودى نعمه ربنا انعم عليك بيها وطالما انت شايف نفسك تقدر تشيل المسؤليه اتوكل على الله فالمسؤليه مش مسؤليه ماديه فقط لا ده يمكن انا شايف ان المسؤليه الماديه دى اقل حاجه فى الجواز لكن المسؤليه النفسيه والاجتماعيه دى اعظم واهم والله بشوف ناس ربنا مديهم الفلوس بس للاسف مش عارفين يستمتعوا بيها وتحس ان بيوتهم خرابه مع ان البيوت كامله من كله لكن تقول ايه بقى ؟؟؟

وسلاموز

لا استنوا اقبل لما امشى بجد يا استاذه "" قلب ابيض "" زى لما الاخوه اقالوا عنك اسم على مسمى ويابخت اولادك وبناتك بيكى

وربنا يزيدك حكمه كمان وكمان اصل الفلسفه فى الحياه دى مش بتيجى من شويه وربنا يجعل ايامك كلها فى سعاده وهناء انتى وكل المصريين خاصه والمسلمين عامه n2&(

[قلب ابيض]

صباح الفل 000

اعضاء حزب العزاب الاتنين عندنا ؟؟ يامرحبا يا مرحبا

اوعوا تكونوا بتلعبوا فى الاربعين واحنا مش واخدين بالنا " اه ما النت اعمى "

n2&( نورتونا :o

ياسر : يعنى لو الزمن رجع بيك الكام سنه دول كنت هتوافق باباك على نظريته ؟؟

انا بقى هاستعمل سلطتى كأم مفريه وعاوزه ابقى تيته بسرعه وهأثر بشكل مباشر على خطيبته00وهى بتتلكك اساسا :rolleyes:

عنبى يا روش انت : ربنا يخليك على المجامله الرقيقه دى 000بس ولادى يحسوا ويقدروا

باقه الاربعينيات الجميله اين انتم ؟؟؟

واين مناقشاتكم الغاليه اللى بتخلينا كلنا اسره واحده متراميه الاطراف اه بس بتجمعنا طاوله واحده طاوله منتدانا الحبيب000

newcomer- سهران -مصرى جدا -ابوعمر المصرى -zizita--السويفى -لولا باشا -

zohery-سى السيد

على سبيل المثال لا الحصر 00

وحشتونى :o

[الباشمهندس ياسر]

صباح الفل 000

:angry: نورتونا mc(:

ياسر : يعنى لو الزمن رجع بيك الكام سنه دول كنت هتوافق باباك على نظريته ؟؟

انا بقى هاستعمل سلطتى كأم مفريه وعاوزه ابقى تيته بسرعه وهأثر بشكل مباشر على خطيبته00وهى بتتلكك اساسا :flr1:

لو بقى ف عمرى زمن ...... حبك اقوى م الزمن

قصدى

لو رجع بى الزمان ..اكيد هرشق ف الحوار دايركت بعد التخرج

[MZohairy]

mc(: :flr1:

يا جماعه شباب الاربعين ايه و نيلة ايه بس؟؟؟؟

انا كنت في الجامعه لما اطلع الاقي عربيه واقفه و مقفله على عربيتي و مفرمله يعني مينفعش تتزق بقوم شايلها لوحدي من قدام و احركها لغاية ما تبعد و اعرف اطلع بعربيتي :flr1:

دلوقتي ضهري بيوجعني و ركبي بتوجعني و ضغطي عالي

الحمد لله رب العالمين

قال شباب الاربعين قال

خلونا و حياة ابوكم في شباب القلب و النظام المعنوي ده و خلاص :angry:

[قلب ابيض]

:lol: :wub:

يا جماعه شباب الاربعين ايه و نيلة ايه بس؟؟؟؟

انا كنت في الجامعه لما اطلع الاقي عربيه واقفه و مقفله على عربيتي و مفرمله يعني مينفعش تتزق بقوم شايلها لوحدي من قدام و احركها لغاية ما تبعد و اعرف اطلع بعربيتي ;)

دلوقتي ضهري بيوجعني و ركبي بتوجعني و ضغطي عالي

الحمد لله رب العالمين

قال شباب الاربعين قالخلونا و حياة ابوكم في شباب القلب و النظام المعنوي ده و خلاص :lol:

انت اكيد يتهزر يا زوهيرى 00صح ؟؟

لان انت اسلوبك مهذب وبتعرف تنتقى الفاظك فى مشاركاتك 000ومن غير ماتجرح حد000اعتبر ده استثناء

هاسمحك عشان خاطر التعب اللى انت فيه

وبعدين حد قالك ان الشباب عضلات وفتونه ؟؟؟ :old:

الشباب روح حلوه 00انسان متفائل 00سماحه فى التعامل 00حيويه فى الحياه

انت كده اعتبرت نفسك فاقد كل ده لمجرد تعب ضهرك وضغطك العالى ؟؟

انا اعرف شباب" سنا " فى العشرينات وربنا يعافيك امراض الدنيا عندهم ابتلاء من رب العالمين لايقدروا يمشوا

ولا حتى يستعملوا ايديهم فى الكتابه زينا كده " ودى ابسط الاشياء " احمد ربنا

واعرف حد تانى عمره والله 78 سنه واقسم بالله بيشتغل وبيتعب بمقدار 5 من الشباب اللى انت مش منهم brd::

يعنى بلاش احباط بقى ياعم انت fty:: انا غلطانه انى سألت عليك؟؟؟

ثم اننا كلنا كشباب اربعينى " بالعند فيك " ty:) مشاكلنا واحد ه وافكارنا متقاربه جدا 00واحساسنا ببعض ممتاز

ياعجوووووووز :wub:

[MZohairy]

و هو انا كده جرحت حد؟؟؟!!! :)

انا بتكلم على نفسي يا قلب ابيض

نفسي فقط

بدليل اني ذكرت مقارنه بين وضعي في العشرينات و وضعي في الاربعينات

وضعي انا فقط

و بالتالي موضوع مهذب و مش مهذب لا محل له من الاعراب هنا مطلقا و استغربه منك

و احساسي بألم الضهر هو اللي خلاني انتقد فكرة شباب الاربعينات (على نفسي فقط)

الحمد لله على كل حال

و سامحيني لو فهمتي كلامي بصفه تعميميه فقط

غير ذلك فالسماح ايضا غير مفهوم

تحياتي

[لولا]

قلب ابيض حبيبه قلبى .. عايزه اقول اولا وقبل اى شيء "ماشاء الله " معجبة جدا بروحك الحلوه اللى حقيقى جدا كلها شباب وحيويه..

بحس فى كلامك بطاقه مليانه بالأمل والتفاؤل ومصالحة عالية مع النفس :)

مستمتعه بمتابعة حواركم جدا .. وبخصوص الشباب الفترة دى عايشه جدول مرهق جدا جدا برجع بعده البيت خلصااااااااااااااااااااااااانه :sad:

وغالبا بفتح المحاورات كمتابعه لأن طاقه الكتابه والمشاركه عندى بتبقى زيروووووووووووو :sad:

عندى أمل لما أدخل ع الأربعين هجدد طاقتى كليا :blink: الواحد لازم يتعظ برضوا عشان ميشتكيش بدرى بدرى كده زى زوهيرى md2:

تحياتى للجميع

لولا

[زعلان]

:winner: صباح الخير عليكم جميعا

انا قرأت مشاركات كثير ولسه مخلصتش باقي المشاركات الشيء الي باستغربه هو لماذا الانتظار حتى الاربعين او الخمسين لتمارسوا الاستمتاع بالحياة ليه ما تبدأوش من دلقوتي

عن نفسي انا قررت ابدأ بدري يعني باحاول انا و اسرتي نستمتع بالحياة بقدر ما نقدر

بنتعب و بنشتغل و بنرفه عن انفسنا

وفي نفس الوقت بنحاول نعمل حساب للمستقبل

علشان لما نوصل للخمسين نستمتع اكثر برضه :wub:

بالتأكيد الابناء حيقدروا تضيحات الاباء و يفهموها بس برضه حيزعلوا انكم ما استمتعتوش بحياتكم و شاركتهم المتعه وانتم لسه اصغر في السن

شاركوا ابنائكم الاستمتاع بالحياة في مختلف مراحل العمر و اسعدوهم باستمتاعكم معاهم ما تضحوش وتتفرجوا لأنهم حيكبروا وحيكونوا متضايقين ومستغربين انتوا علمتوا كده ليه

[بندق أفندى]

تخيلى تكونى فى اوائل الأربعينات .. وابنك 21 سنة .. وييجى يقولك ايه يا بابا ده اللى انت لابسة .. عيالى يعنى ..

ولا ايه قصة الشعر دى انا ما عرفتكش .. بالعند فيك الحمد لله شعرى لسة أسود .. وانا شباب أكتر منك .. بس حقيقة

العمر اتسرق .. لأنه على ما فقت لقيت الولد كبر وما لحقتش ألعب معاه ..

وبدل ما يكون ابنى اللى ألعب بيه بقى صاحبى اللى بيحاسبنى .. أو الابن اللى بيفكرك بمسئولياتك ..

أما أزمة منتصف العمر انا عايشها من زمان (تهريجيا) .. لما الولد يكون ماشى معايا .. من عدة سنوات يحدث هذا .. وأقوله شفت البنت اللى زى اللوز دى؟

يقولى دى أزمة منتصف العمر ولا ايه؟ ..

الغريب بقى .. انه يعيب عليك انك صغير .. مش لأنه مفيش خبرة .. فقط لأنه أباء أصحابه كلهم عواجيز .. والمفروض أبقى شرحه .. ههههههههههههه

[قلب ابيض]

و هو انا كده جرحت حد؟؟؟!!! :tease:

انا بتكلم على نفسي يا قلب ابيض

نفسي فقط

بدليل اني ذكرت مقارنه بين وضعي في العشرينات و وضعي في الاربعينات

وضعي انا فقط

و بالتالي موضوع مهذب و مش مهذب لا محل له من الاعراب هنا مطلقا و استغربه منك

و احساسي بألم الضهر هو اللي خلاني انتقد فكرة شباب الاربعينات (على نفسي فقط)

الحمد لله على كل حال

و سامحيني لو فهمتي كلامي بصفه تعميميه فقط

غير ذلك فالسماح ايضا غير مفهوم

تحياتي

======================

و احساسي بألم الضهر هو اللي خلاني انتقد فكرة شباب الاربعينات (على نفسي فقط) لا والله يا زوهيرى يا اخويا مش انت بس " راجع موضوع الديسك على المنتدى "

و سامحيني لو فهمتي كلامي بصفه تعميميه فقط

خلااااااص هاتنزل المره دى 000 لكن مره تانيه لاممكن ابداااا

=================

قلب ابيض حبيبه قلبى .. عايزه اقول اولا وقبل اى شيء "ماشاء الله " معجبة جدا بروحك الحلوه اللى حقيقى جدا كلها شباب وحيويه..

بحس فى كلامك بطاقه مليانه بالأمل والتفاؤل ومصالحة عالية مع النفس :lol:

مستمتعه بمتابعة حواركم جدا .. وبخصوص الشباب الفترة دى عايشه جدول مرهق جدا جدا برجع بعده البيت خلصااااااااااااااااااااااااانه wst::

وغالبا بفتح المحاورات كمتابعه لأن طاقه الكتابه والمشاركه عندى بتبقى زيروووووووووووو :yahoo:

عندى أمل لما أدخل ع الأربعين هجدد طاقتى كليا :lol: الواحد لازم يتعظ برضوا عشان ميشتكيش بدرى بدرى كده زى زوهيرى :D

تحياتى للجميع

لولا

يا لولا يا حبيبتى روحى الحلوه اللى ربنا يكرمك بتوصيفينى بيها انا بستمدها منكم انتو

وفعلا انا متصالحه مع نفسى جدا والحمد لله 000يعنى اخد حقنه الغضروف واروح الجيم مافيش مشاكل خاااااالص 00

[قلب ابيض]

:lol: صباح الخير عليكم جميعا

انا قرأت مشاركات كثير ولسه مخلصتش باقي المشاركات الشيء الي باستغربه هو لماذا الانتظار حتى الاربعين او الخمسين لتمارسوا الاستمتاع بالحياة ليه ما تبدأوش من دلقوتي عن نفسي انا قررت ابدأ بدري يعني باحاول انا و اسرتي نستمتع بالحياة بقدر ما نقدر

بنتعب و بنشتغل و بنرفه عن انفسنا

وفي نفس الوقت بنحاول نعمل حساب للمستقبل

علشان لما نوصل للخمسين نستمتع اكثر برضه :yahoo:

بالتأكيد الابناء حيقدروا تضيحات الاباء و يفهموها بس برضه حيزعلوا انكم ما استمتعتوش بحياتكم و شاركتهم المتعه وانتم لسه اصغر في السن

شاركوا ابنائكم الاستمتاع بالحياة في مختلف مراحل العمر و اسعدوهم باستمتاعكم معاهم ما تضحوش وتتفرجوا لأنهم حيكبروا وحيكونوا متضايقين ومستغربين انتوا علمتوا كده ليه

اللى انت بتقولوا ده يا زعلان " انت زعلان ليه ؟ "انا بالفعل بانادى بيه وبطبقه والله من اول حياتى حتى الان 00العمر بيتعاش مره واحده وجميل لما نستمتع بيه فى اطار الصح فيما لايغضب الله ولا نعصاه فيه

ايه فايده اموال الدنيا من غير اللى بنحبهم ايه الفايده انى اكنز وحواليا عيون محرومه بتبص بحقد او كراهيه 00

والله لقمه حاف هنيه تسرى وتمرى اكتر من اللغموس الشهى اللى فيه ما لذا وطاب ومليون عين بصه لك فيه

والجنه من غير ناس ماتنداس " مع التحفظ على المثل ده " جنه الدنيا طبعا اللى اعنيها

=========================================

تخيلى تكونى فى اوائل الأربعينات .. وابنك 21 سنة .. وييجى يقولك ايه يا بابا ده اللى انت لابسة .. عيالى يعنى ..

ولا ايه قصة الشعر دى انا ما عرفتكش .. بالعند فيك الحمد لله شعرى لسة أسود .. وانا شباب أكتر منك .. بس حقيقة

العمر اتسرق .. لأنه على ما فقت لقيت الولد كبر وما لحقتش ألعب معاه ..

وبدل ما يكون ابنى اللى ألعب بيه بقى صاحبى اللى بيحاسبنى .. أو الابن اللى بيفكرك بمسئولياتك ..

أما أزمة منتصف العمر انا عايشها من زمان (تهريجيا) .. لما الولد يكون ماشى معايا .. من عدة سنوات يحدث هذا .. وأقوله شفت البنت اللى زى اللوز دى؟

يقولى دى أزمة منتصف العمر ولا ايه؟ ..

الغريب بقى .. انه يعيب عليك انك صغير .. مش لأنه مفيش خبرة .. فقط لأنه أباء أصحابه كلهم عواجيز .. والمفروض أبقى شرحه .. ههههههههههههه

بندق افندى

انت انسان جمييييل جدا 00ربنا يبارك لك فى اولادك

على فكره لربط الاحداث والمشاركات 00" ده يا جماعه ميزه الزواج المبكر اللى بنادى بيه "

محدش يبقى عارف انت ابوه ولا اخوه ؟؟؟ بس عند اللزوم بنطلع ماسك الأبوه الشديييييد بالأوى

الغريب بقى .. انه يعيب عليك انك صغير .. مش لأنه مفيش خبرة .. فقط لأنه أباء أصحابه كلهم عواجيز .. والمفروض أبقى شرحه .. ههههههههههههه

الموقف ده حصل مع اختى 00 وكان اجتماع مجلس اباء ولما راحت مع ابنها كانت كأنها اخته الكبيره 00الاجتماع اللى بعده اخد تيته وقدمها على انها مامته عشان تبقى اد مهمهات صحابه :tease: :lol:

[قلب ابيض]

اشتقت لجروب المحاورين فى هذا الموضوع 00جميعهم اول من تعرفت عليهم من خلال هذه السطور

اشتقت لصحبتى من سنى

ربما لانى وجدت نفسى فى الاونه الاخيره متخبطه بينكم جميعا

ربما لاحتياجى حاليا لمساحه خاصه جدا للاختلاء بنفسى وهمومها

ربما لاء بل حقا 00اشتقت لحوار احبائى اقرانى 000اعلم انى اتحدث الان مع نفسى ولنفسى ولكنى غير غاضبه بل بالعكس 00اشعر بارتياح فى هذه الزاويه البعيده والغريبه عنكم شباب المنتدى --

مرحله مر بها من قبلى الكثير 00وامر بها الان انا وانت وانتم وانتن 000وستمر وتمرين بها انتم وانتن ايضا 00يعجز لسانى عن الوصف

ولكن بداخلى كثير والكثير من المتناقضات بين احلام شابه وذكريات عجوزه

لازلت احتفظ بروح الشباب لازلت احلم لازال عندى طموح وامال

عمرى تجاوز الاربعين 00واخطو على بعد اعوام للخمسين 00ولكنى لازلت احيا بقلب العشرينات 00افرح كطفله 00 ادمع لمشهد رومانسى كمراهقه

لا اشعر بعمرى الا عندما ارى ابنائى واتعايش لمتطلباتهم00بالفعل هم معى دائما ولكن مجرد ان اخلو بنفسى ارانى لازلت انا من عشرون عاما لا ولم ولن اتغير

فقط اردت ان اتحدث وليسمعنى من يشعر بكلماتى

ياترى اهو شعورى الخاص بى ؟ ام اننا نتشارك هذه الاحاسيس؟

على كل الاحوال 000الحمد لله

[myusername]

همممممممم

ما زلت فى ريعان الشباب.. و لا اعرف لماذا لا اتخيل ابدا انى سأصل الى الاربعين؟ :closedeyes:

ربما لاعتقادى بأنى سأموت شابا... حتى لو تعديت الستين.

تسجيل متابعة.

[justme]

اعتقد اهم ما قد يسبب شعور الوحدة هو الروتين وعدم وجود أهداف

يعني الشخص اما بيحقق اهدافه وميلاقيش غيرها بيقعد يفكر في اللي فات ويسترجع الذكريات

وهي المشكلة اننا بنفكر في قرارات اللي اخدناها بعقلية الشباب منعدم او قليل الخبرة في وقت اكتمال الخبرة

اكيد لازم نلاقي اخطاء ونندم

وممكن نلاقي انجازات ونفرح

بس في الاخر اهم حاجة ان الواحد يحس بحالة رضا عن دينه اللي هيسئله عنه ربه

ربنا يهدينا جميعا لما يحب ويرضى

ويرزقنا راحة البال

عموما ليس المهم ما فات

المهم ما هو آت

[crossfield]

قلب أبيض

أول مرة أشوف الموضوع ده و بصراحة العنوان شدنى

ليه؟

علشان أنا برضوحاسة بأحاسيسك دى رغم انى لسه بالعب فى الثلاثينات

لكن سبحان الله طوول الوقت عندى زيك احساس بالوقت اللى بيجرى و ابص فى المرايا احس بفرق... بقى دى أنا؟؟؟

رغم ان شكلى أصغر من سنى لكن من جوايا حاسة قوى بالسن و اقعد أقول خلاص كلها كام سنة و يبقى عندى 50 سنة و بعدين ...

مبلحقش أتعمق قوى فى الأفكار دى لأن دوامة الحياة أسرع من اننا حتى نقدر نفكر بتعمق فى حاجات كتير

و برضو مهما الواحد يبقى تعبان و زهقان يلاقى نفسه زى الثور المربوط فى ساقية بيعيد نفس الحركات و نفس الحوارات بتاعت اليوم اللى قبله

و برضو مفيش حد يحس بيكى

و برضو الوحدة اللى محدش غيرك هيحس بيها

و برضو اللى حواليكى يشدوا فيكى كل واحد عايز حقه عليكى

طيب و انا حقى عليكم فين؟؟؟

و حقى على نفسى فين؟

امته هعيش امته هاقدر استمتع بحياتى

لكن برضو زيك الضحكة على وش اولادنا بالدنيا و اللى فيها

سنة الحياة كده جيل يتعب علشان جيل يرتاح

و هكذا

اضحكى اضحكى محدش واخد منها حاجة.

بالمناسبة ابقى اقرى توقيعى و اعملى بيه.

[قلب ابيض]

قلب أبيض

أول مرة أشوف الموضوع ده و بصراحة العنوان شدنى

ليه؟

علشان أنا برضوحاسة بأحاسيسك دى رغم انى لسه بالعب فى الثلاثينات

لكن سبحان الله طوول الوقت عندى زيك احساس بالوقت اللى بيجرى و ابص فى المرايا احس بفرق... بقى دى أنا؟؟؟

رغم ان شكلى أصغر من سنى لكن من جوايا حاسة قوى بالسن و اقعد أقول خلاص كلها كام سنة و يبقى عندى 50 سنة و بعدين ...

مبلحقش أتعمق قوى فى الأفكار دى لأن دوامة الحياة أسرع من اننا حتى نقدر نفكر بتعمق فى حاجات كتير

و برضو مهما الواحد يبقى تعبان و زهقان يلاقى نفسه زى الثور المربوط فى ساقية بيعيد نفس الحركات و نفس الحوارات بتاعت اليوم اللى قبله

و برضو مفيش حد يحس بيكى

و برضو الوحدة اللى محدش غيرك هيحس بيها

و برضو اللى حواليكى يشدوا فيكى كل واحد عايز حقه عليكى

طيب و انا حقى عليكم فين؟؟؟

و حقى على نفسى فين؟

امته هعيش امته هاقدر استمتع بحياتى

لكن برضو زيك الضحكة على وش اولادنا بالدنيا و اللى فيها

سنة الحياة كده جيل يتعب علشان جيل يرتاح

و هكذا

اضحكى اضحكى محدش واخد منها حاجة.

بالمناسبة ابقى اقرى توقيعى و اعملى بيه.

اهلا بيك 'crossfield' نورت الموضوع واللى من حسن الحظ انك شوفتيه دلوقتى

واتمنى انه يكون مفتوح دايما للحوار فى الاشياء اللى بنحسها سوا او اللى ممكن نستفيد من بعض من خلال سردنا لها

المهم ياست الكل انا مش يائسه ولا حاجه بالعكس انا على تعبير احب انسان الى قلبى 00عامله زى الطفل المهيبر000فى طاقه باستمرار حتى اثناء مرضى اكون راقده وعقلى شغال فى كل كبيره وصغيره حواليا 00وده مش وحش

وبرده انا معاك بان ضحكه ولادنا بالدنيا وعلى فكره مش بس ضحكه ولادنا حتى لو ما انجبتش او ماتزوجتش من اصله تظل ابتسامه طفل بريئه هى شعاع امل فى وسط ظلام حالك 00وزى ما اتعودنا ان دايما الامل مقترن بابتسامه طفل0

بس ملحوظه هامه جدا ونصيحه منى لشابات وامهات اليوم 000اوعى تنسى نفسك 00حبيها ودلعيها واديها حقها 00عنايه واهتمام ودلال وقبل ما حد من اخوانى الذكور يعقب او يسخر من كلامى هاقول ان اللى بقوله ده مردوده عليك ايها الرجل من الدرجه الاولى والاسره بأكملها بعد ذلك 000كن جميلا ترى الوجود جميلا

يا جماعه محتاجين نطرح مواضيعنا ونتكلم فيها مش عاوزه اقول بوضوح قدر ماتكون براحه نفسيه تنتابنا بعد كتابتها 000كما انا الان :rolleyes:

'crossfield' توقيعك جميل ولو تلاحظى توقيعى من نفس الرباعيات 000ياريت نتواصل دايما

[عنبو]

ثؤال صغير كده

ما هو الطفل المهيبر ؟؟

[sarmar]

نعم اول مرة اشوف الموضوع دة

وهو موضوع بيلعب على الوتر الحساس لكل من نصفى المجتمع المرأة والرجل

وهذا ليس بجديد بل على العكس هذا الموضوع يجدد فى الانسان اهدافة وحصولة على درجة من تهدئة الحركة والسكون لمراجعة النفس استعداد لانطلاق جديد

ولكنى دايما اسمع كلمة مطلقة وهى انك تعيش حياتك وتهتم بنفسك و و و كلمات قلما نتذكرها او نعى معناها الحقيقى

فقبل ان ابدأ كانسان مصرى يعيش فى مصر مثلا قبل ان ابدأ بالاهتمام بنفسى لابد وان تتوافر العناصر اولية الخمسة وهى الاحتياجات الاساسية للانسان بداية من الهواء والماء والملبس والسكن والغذاء

اعتقد من وجهة نظرى اذا اهتممت بهذة العناصر جيدا فانت تهتم بنفسك بنسبة 80% وباقى العشرين تجدهم فى الراحة النفسية والتى غالبا تتاثر بشكل كبير بالعناصر الخمسة السابقة

واذا كتنت اعيش فى مصر ولاتتوافر هذة العناصر بصورة جيدة كتلوث او عدم القدرة المادية فاهتمام هنا سوف يؤدى الى تغيير فى طريقة العناية بنفسك باسلوب قد يكون لة متعة لحظية مع تدهور نفسى نلاحظة بمرور الايام بل وقد نرى الاحجار والجدران قد تغيرت اشكالها

واهم ماوصى بة اخوانى واخواتى هو ان الانسان قبل ان يبحث عن نفسة ويهتم بها فلابد ان نبحث عن اللة بداخلنا ونحاول نوافية حقة علينا ستجدون الفرق واضح