حبيت كام مره قبل مراتك...ممنوع الكذب؟

[redwany]

ولان مراتى ممكن تقرأ الكلام ده فهى طبعا اول حب واخر حب واصدق حب

بعد هذه المقدمه بصراحه حبيت كام مره قبل مراتك؟

وقبل ماتجاوب لازم تقول المقدمه اللى انا قلتها علشان مش عايزين نخرب البيوت

من فضلكم ممنوع الكذب

[redwany]

ايه كل الرجاله خايفين؟

ياعم قول وفضفض

طيب خايف

قول ان مراتك اول حب وخلص

بس قول

[SAW]

المهم يكون قبل مش بعد.

[المصري محمد]

قبل ما اتجوز كنت كل ما اشوف واحده حلوه وتضحكلي ضحكتين اقول بس بتحبني وبتموت في وهي دي اللي بحبها وخلاص ودا بيكون ........... أخري وادور علي واحده تانيه لغاية ما بعيد عنكم وعن السامعين اتقندلت واتشقلبت لما شفتها بس كانت ايه احلي واحده وبرده حبيتها بس المرادي هي كمان حبتني وبجد وخلصت طبعا واتجوزنا ولا حبينا ولا نيله وطلع كله كلام في كلام الحب موجود كل يوم وكل لحظه بس ما ينفعشي الواحد يتبتر علي نعمة ربه مادامت زوجته اللي بتحمل إسمه غير مقصره ولا مهمله في زوجها واولادها وبيتها وبالأخص في زوجها يبقي بالله عليكم احب تاني ازاي وهي كل يوم بتخليني احبها هي هي وبس صحيح بشوف ستات وبنات كتيييييييييير بس مش معناه اني احبهم وانسي حبي الكبير اللي بنيته وكبرته وراعيته وراعاني وكفاني وخلاني اسعد واحد في الحبيبه هههههههه

والله بجد مش كلام

أخوكم المصري محمد

[se_ Elsyed]

الحمد لله احنا رجاله قوي وما بنخافوش الا من اللي خالقنا

وانا بأقولها عالية مدوية صداحة

انا قبل الجواز حبيت واحده حب جارف وزوجتي عارفه

كنت بأحب مامي جداً :blush2:

[redwany]

فعلا راجل يا س س

ايه الشجاعه ديه

بتصرح بكل شجاعه انك حبيت مامتك قبل ماتحب مراتك

بس ممكن تتحط فى مزنق ياريس

ان مراتك تسألك مين اغلى انا ام مامتك؟

وشوف هتجاوب ازاى

هاحكى قصه حدثت معى

احد اصدقائى اتجوز قبلى وقاللى لما مراتك تسالك مين الاغلى انا ام مامتك ماتحاولشى تقنعها ان انتى شئ وماما شئ اخر برده هتصر على السؤال...المهم قاللى ريح دماغك وقولها انتى

المهم قابلته بعد جوازى وقالى عملت ايه

قلتله عملت زى ماقلت بالزبط

بس مراتى حططتنى فى سوأل حضرتك ماقلتليش عليه

قالى ايه

قلتله سالتنى مامتها الاغلى عندى ام مامتى

شكرا

[elshafey]

فعلا راجل يا س س

ايه الشجاعه ديه

بتصرح بكل شجاعه انك حبيت مامتك قبل ماتحب مراتك

بس ممكن تتحط فى مزنق ياريس

ان مراتك تسألك مين اغلى انا ام مامتك؟

وشوف هتجاوب ازاى

هاحكى قصه حدثت معى

احد اصدقائى اتجوز قبلى وقاللى لما مراتك تسالك مين الاغلى انا ام مامتك ماتحاولشى تقنعها ان انتى شئ وماما شئ اخر برده هتصر على السؤال...المهم قاللى ريح دماغك وقولها انتى

المهم قابلته بعد جوازى وقالى عملت ايه

قلتله عملت زى ماقلت بالزبط

بس مراتى حططتنى فى سوأل حضرتك ماقلتليش عليه

قالى ايه

قلتله سالتنى مامتها الاغلى عندى ام مامتى

شكرا

آآآآآآآآآآآآآآآآآآآآآآآي

طيب خرجت من المزنق ده ازاي

تصدق انا متجوز بقالي 5 سنين ولسه متسألتش السؤال ده :lol: :lol:

إلحقني بالاجابة النموذجية الله يكرمك :blink:

تم تعديل 21 نوفمبر 2008 بواسطة amelshafey

[redwany]

ساعتها اتلخبطت وما عرفتش اجاوب

ومن ساعتها لسه ماتسالتش بس لو اتسألت بصراحه هاريح دماغى

وطبعا مراتى اغلى وحماتى اغلى

معلهشى البعض هيصفنى بالضعف ولكن ياعم الباب اللى يجيلك منه الريح سده واستريح

ضعيف ضعيف بس احسن من يوم نكد

ربنا يبعد عنا جميعا شر نكد الستات

[Scorpion]

الحمد لله احنا رجاله قوي وما بنخافوش الا من اللي خالقنا

وانا بأقولها عالية مدوية صداحة

انا قبل الجواز حبيت كام واحده حب جارف وزوجتي عارفه .. و مش بس مراتي دي المحاورات كلها عارفة ...

عِد معايا يا سيدي

:lol:

[لولا]

الحمد لله احنا رجاله قوي وما بنخافوش الا من اللي خالقنا

وانا بأقولها عالية مدوية صداحة

انا قبل الجواز حبيت كام واحده حب جارف وزوجتي عارفه .. و مش بس مراتي دي المحاورات كلها عارفة ...

عِد معايا يا سيدي

:blink:

انتا طلعت غلبان اوى :lol:

قلب دا ولا ملعب :)

[النيل حبيبي]

بنت الجيران

ونويت اتزوجها لكنننننن

بنت خالتي خطفتني عن طريق خالتها

وضحكت علياااااااااااااا

[حسام يوسف]

أولا تحياتى للموضوع وصاحبة

زوجتى هية حبى الوحيد الان

لكن قبلها:

اللى بجد:

4

تم تعديل 22 نوفمبر 2008 بواسطة حسام يوسف

[iloveegypt]

اطالب المحاورات مشرفين واعضاءا

بحذف هذا الموضوع لانه ممكن يؤدى الى ما لاتحمد عقباه :blink:

والرجالة فى لاخر غلابة :)

اما يقول الصدق ويكون جزاؤه m8: :lol: :

او يكذب ويكون جزاؤه

وعلشان كده انا هكون مع نفسى وهسكت wst::

تم تعديل 22 نوفمبر 2008 بواسطة iloveegypt

[أسد]

مفيش ..

زوجتي هي الحب الوحيد في حياتي ..

قبلها كنت بافكر في ناس كده وحاجات ..

مش حب يعني ..

عاجبني الشكل ..

الوصف ...

لكن حب ..

لا ..مفيش خالص ..

ولو ما كنتش قابلت مراتي اللي هي موجودة في البيت دلوقت .

متهيألي ماكنتش اتجوزت لحد النهارده ..

الكلام ده حقيقي ..

والله العظيم

[لولا]

بنت الجيران

ونويت اتزوجها لكنننننن

بنت خالتي خطفتني عن طريق خالتها

وضحكت علياااااااااااااا

استاذ النيل حبيبى :lol: .. عايزه اقولك انك لو كنت اتجوزت بنت الجيران كانت مشاركتك حتبقى بالشكل دوت:

بنت خالتى smk:

ونويت اتجوزها لكنننننن

لكن بابا مكنش بيطيق خالتى ابداً

حلف لا اتجوز بنت الحج حسن جارنا اكمنى عمتى مكنش عندها بنات mfb:

انا ضحيه ابويا اللى حرمنى من بنت خالتى :110:

بنت خالتى كانت الحب الأول والأخير فى حياتى :P

لولا :P

[الباشمهندس ياسر]

اطالب المحاورات مشرفين واعضاءا

بحذف هذا الموضوع لانه ممكن يؤدى الى ما لاتحمد عقباه :lol:

والرجالة فى لاخر غلابة mfb:

اما يقول الصدق ويكون جزاؤه :110: :

او يكذب ويكون جزاؤه smk:

وعلشان كده انا هكون مع نفسى وهسكت :P

عاذرك يا صاحبى والله

[elshafey]

انا حبيت مرة واحدة بس و أخدت علي دمغاي فيها ..............

ومراتي عارفها ............

(يا رب استر ومراتي ماتقراهاش)

إحم ...... إحم ....

تحياتي

[الباشمهندس ياسر]

و الله يا جماعة انا نفسى اقولكم

بس خايف

خايف م الحسد

اصل انا قلبى كبييييييييييير

[alsaher]

والله يا جماعة انا من ساعة ما دخلت هنا وأنا عمال بأضحك

رجالة بصحيح :)

بش مهندس قول ما تقلقش إيدينا على الخشب :tease:

بالنسبة لي أنا لسة ما فيش لامراتي ولا حماتي ولا حد

وحيد ياليل سهران ياليل :rolleyes:

بس بيتهيألي إنو الواحد كل ما يبدا بتجربة حب جديدة بيلاقي إنو تجربته اللي فاتت مش حب حقيقي

وأنا لغاية دلوقتي يعني دخلت بتجربة تقدر تسميها مراهقة 17 و 18 :)

بس إنتهت علطول

وادينا قاعدين i*:

الساهر

[عمرعمرعمر]

انا عن نفسي حبيت 92 % من البنات اللي شفتهم قبل مراتي