حبيت كام مره قبل مراتك...ممنوع الكذب؟

[redwany]

انا شايف بعض الرجاله بدأوا يتهوروا ويقولوا الللى فى داخلهم

اوعى تتهور عن تتعور

خليك مخبى جواك زى الحاجات الكتيره اللى انتى مخبيها

وربنا يسترها على الجميع

ويجعل قدمنا خفيف عليهن

[HDarwish]

واحدة

[MZohairy]

بعد هذه المقدمه بصراحه حبيت كام مره قبل مراتك؟

من فضلكم ممنوع الكذب

الموضوع مش مستاهل كذب

انا حجيت 4 مرات مرتين قبل الجواز و مرتين مع مراتي و الولاد

مرتين منهم متعجل

[redwany]

انا بصراخه حبيت اربعة

واتقدمت لاتنين منهم واهلهم رفضوا

وربنا يستر

[لولا]

بعد هذه المقدمه بصراحه حبيت كام مره قبل مراتك؟

من فضلكم ممنوع الكذب

الموضوع مش مستاهل كذب

انا حجيت 4 مرات مرتين قبل الجواز و مرتين مع مراتي و الولاد

مرتين منهم متعجل:closedeyes:

والله يا مظيهرى يا خويا ليك حق ... قصدى متفهمش السؤال :wub:

اشمعنى انتا يعنى اللى كلامك بيتفهم غلط :blink:

بس ميمنعش بعد انا متبرعت بالتوضيح ..انك تجاوب على السؤال ........... المقصود طبعا بعد حذف النقطه الزياده

لولا

[سهيلة]

iloveegypt @ Nov 22 2008, 03:54 PM

اطالب المحاورات مشرفين واعضاءا

بحذف هذا الموضوع لانه ممكن يؤدى الى ما لاتحمد عقباه

والرجالة فى لاخر غلابة

اما يقول الصدق ويكون جزاؤه :

او يكذب ويكون جزاؤه

وعلشان كده انا هكون مع نفسى وهسكت

يا جماعة انتوا فاهمين الستات غلط

احنا موش بنزعل لما الزوج بيقول الحقيقة انو حب قبل الزواج وكدة

لا عادى جدا ووارد انو يحصل لان دة هوة الطبيعى

انما اللى موش وارد وموش مسموح ولا الزوجة تقدر تسامح فية

انو يقول انو حب بعد الزواج

[عمرعمرعمر]

انا لسه ليا 8 %

[redwany]

حضرتك حبيت 92% قبل الجواز ده مش ذنب مراتك ان تحب ال 8% بعد الجواز

مين قالك ماتحبش 100% من البنات قبل الجواز

خلاص اللى فات مات يا سى عمر

[واثق الخطوة]

بما أن زوجتي لا تعرف الإنترنت .. ولا حتى تشغيل الكمبيوتر

فأقول بكل ثقة ...

لم أحب إلا زوجتي ..

لأنني خائف أن تفتن على أحد.. ويرسل لها هذه المداخلة ..

فزوجتي لا تعرف الإنترنت

لكنها تعرف القراءة !

[ام بلال]

حبة نكد بعد إذنك استاذ رضواني :

ايه رأيكم لو الست لو اعترفت إن كان لها تجارب حب سابقة ، 4 تجارب ، أو حبت 92% من الرجالة ؟

وأنتم داخلين مكان قابلت واحد من الماضي بتاعها ؟ ولون وجهها تغير ؟؟ وحضرتك لا حظت هيكون ليلتها لونها ايه ؟؟؟؟

ايه رأيكم لو دخلت مطعم مثلا مع زوجتك وولادك وشفت واحدة من الماضي البعيد ؟؟ ويا سلام بقى لما لون وشك يضرب جمع ألوان الطيف ؟؟؟ياترى لون ليلة حضرتك هيكون نفس لون ليلة مراتك ؟؟

ليه لما الولد ( الإبن يعني الذكر) يحب يقال له :

" جدع ياواد طول عمرك راجل زي أبوك"

ولما البنت تحب ... !!!!!

ترضى حضرتك أصلا بعد إذنكم ، بنتك تقولك أنا بحب واحد وبندرس بعض ،

رايحة فين ؟؟؟

رايحة أدرس اللي بحبه ،

جاية منين ؟؟

كنت عند اللي بحبه.

و المفروض أن تفترض المثالية والبراءة في كل شباب البلد ، وأن هذا الحب " بريء" بصراحة ، مع احترامي لكل الحبيبة فقعتوا مرارتي ..

[أشرف حسين]

و الله يا ام بلال انك طرحتي سؤال صعب جدا الاجابه عليه

يمكن يكون بسبب التركيبه المعقده نوعا ما للراجل الشرقي عندنا(و انا منهم)

يعني انا فاكر زمان واحد من اصدقائي كان على علاقه (بريئه)

مع اخت واحد من اصحابنا برضه و لما صرحني ب الموضوع بصراحه م قدرتش ابلعه

و قلت له افرض لقيت صاحبك ده بيعرف اختك من وراك قل لي ب الحرف(هـ ولع فيه) :blink:

غريبه مع انه هو نفسه كان في وضع يستاهل انه يتعمل عليه باربكيو :rolleyes:و محدش يخش

يقول لي إزي يا عزيزي و عادي و كده يعني عشان بصراحه الموضوع ده مش ف دمنا

إلا بقي لو الوضع اتغير و الشباب بقت اكثر ايمانا بـ الديمقراطيه في العلاقات السريه mfb:

مش بقولك تركيبه معقده..(وش قاسم أمين)

عموما هو الحمد لله اتجوزها من زمان ( ندمان) wst::

ما علينا....و عشان م نخرجش من سياق الموضوع

انا عن نفسي حبيت مرتين بشكل عميق مره في مصر و مره فى الخارج

و ما بين الفترتين دول و كـ راجل جنوبي مشحون ب العواطف :wub:

بصراحه كنت بحب اي شئ متحرك!!! :blush2: امال ايه الحياه فرص :lol:

تم تعديل 24 نوفمبر 2008 بواسطة أشرف حسين

[فنان محتار]

سؤال اتسألته كتير من مراتى وبصراحة كنت براوغ احيانا واحيانا مراتى بتقرا الاجابة فى عنايا على طول لكن بالرغم من حبى لمراتى حبى الشديد كمان لكن ... وما ادراكم بلكن ..

نعم حبيت هى كانت زى الحلم بالنسبة لى عارفين وكائن القدر كان بيرتب دايما لوجودنا معا فانا لا اكذب عندما اقول ان قلبى دق دق عندما رائيتها اول مرة فى المدرسة الاعدادية .. حبيتها بل همت بها حبا .. (( ن )) هو اول حروفها كبرنا انا اكبرها بسنة وحدة دخلت كلية فنون بالزمالك وعندما اردت التحويل الى محافظتى وجدتها تدخل هى الفرقة الاولى بالكلية انه ترتيب القدر لنلتقى يوميا ................. صمت

تخلى عنا القدر ولم تشاء الظروف على جمعنا ولكنى نعم احب زوجتى حبا شديدا ولكن لا استطيع ان انساها لا استطيع ولا اجد لحبها ترياق ..

انا باعلن انسحابى ولكن باهديها واسلم عليها واتمنى ان تجمعنا الايام يوما وحدا حتى ولكنى اعرف ان هذا لا يحدث الا فى الاحلام ونحن فى الواقع نعيش فى ارض الواقع فلا تشعر بنا الاحلام .. (( ن )) لكى منى وافر الحب فانتى زكرى عطرة تبقى بداخلى تعطر ولو جزء من زاكرتى التى كنسلت بفعل فيروس الزمن والاوقات الحزينة التى اجتاحت زاكرتى ..

[الباشمهندس ياسر]

سؤال اتسألته كتير من مراتى وبصراحة كنت براوغ احيانا واحيانا مراتى بتقرا الاجابة فى عنايا على طول لكن بالرغم من حبى لمراتى حبى الشديد كمان لكن ... وما ادراكم بلكن ..

نعم حبيت هى كانت زى الحلم بالنسبة لى عارفين وكائن القدر كان بيرتب دايما لوجودنا معا فانا لا اكذب عندما اقول ان قلبى دق دق عندما رائيتها اول مرة فى المدرسة الاعدادية .. حبيتها بل همت بها حبا .. (( ن )) هو اول حروفها كبرنا انا اكبرها بسنة وحدة دخلت كلية فنون بالزمالك وعندما اردت التحويل الى محافظتى وجدتها تدخل هى الفرقة الاولى بالكلية انه ترتيب القدر لنلتقى يوميا ................. صمت

تخلى عنا القدر ولم تشاء الظروف على جمعنا ولكنى نعم احب زوجتى حبا شديدا ولكن لا استطيع ان انساها لا استطيع ولا اجد لحبها ترياق ..

انا باعلن انسحابى ولكن باهديها واسلم عليها واتمنى ان تجمعنا الايام يوما وحدا حتى ولكنى اعرف ان هذا لا يحدث الا فى الاحلام ونحن فى الواقع نعيش فى ارض الواقع فلا تشعر بنا الاحلام .. (( ن )) لكى منى وافر الحب فانتى زكرى عطرة تبقى بداخلى تعطر ولو جزء من زاكرتى التى كنسلت بفعل فيروس الزمن والاوقات الحزينة التى اجتاحت زاكرتى ..

اسمحلى اقول بيت الشعر القديم المتجدد دائما

قلب فؤادك حيث شئت من الهوى ما الحب الا للحبيب الاول

[ام بلال]

و الله يا ام بلال انك طرحتي سؤال صعب جدا الاجابه عليه

يمكن يكون بسبب التركيبه المعقده نوعا ما للراجل الشرقي عندنا(و انا منهم)

يعني انا فاكر زمان واحد من اصدقائي كان على علاقه (بريئه)

مع اخت واحد من اصحابنا برضه و لما صرحني ب الموضوع بصراحه م قدرتش ابلعه

و قلت له افرض لقيت صاحبك ده بيعرف اختك من وراك قل لي ب الحرف(هـ ولع فيه) :blink:

غريبه مع انه هو نفسه كان في وضع يستاهل انه يتعمل عليه باربكيو :blush2:و محدش يخش

يقول لي إزي يا عزيزي و عادي و كده يعني عشان بصراحه الموضوع ده مش ف دمنا

إلا بقي لو الوضع اتغير و الشباب بقت اكثر ايمانا بـ الديمقراطيه في العلاقات السريه mfb:

مش بقولك تركيبه معقده..(وش قاسم أمين)

عموما هو الحمد لله اتجوزها من زمان ( ندمان) wst::

ما علينا....و عشان م نخرجش من سياق الموضوع

انا عن نفسي حبيت مرتين بشكل عميق مره في مصر و مره فى الخارج

و ما بين الفترتين دول و كـ راجل جنوبي مشحون ب العواطف :wub:

بصراحه كنت بحب اي شئ متحرك!!! :unsure: امال ايه الحياه فرص :lol:

أيوااااااااااااااااااه إنت جيت على مربط الفرس :

أنا عارفة إن الكل ممكن يقول ما تظنيش فينا ظن السوء ، ده مجرد حب "بريء"

وأنا بصراحة بتساءل فقط ..... أنا عارفة ممكن تقولوا عليه::: معقدة...، رجعية .... طالعة من كتب التاريخ مش مهم

حضرتك وإنت بتسلم عليها ، بتقول حلال زيها زي أخويا و كإنك بتسلم على صاحبك عبد الصمد.؟ ماكنتش بتعرق يعني ؟

لما كنت بتنظر لها، بتقول حلال زيها زي أخويا بالظبط ،و بتحس إنك شايف أمامك حيطة ؟؟!!! هوا ؟؟؟!!!

ولما كنت بتهمس لها ... كنت بتشرح لها درس فيزياء يعني ؟؟!!!

وطبعا لما كنت بتكلمها ، كان أبوها جنبها وسامع كل حاجة ، أو أخوها ، وطبعا بيطبطب عليك وبيقولك خد راحتك !!!

أكيد لما كنت بتخرج معاها، كان معاها محرم أخوها ( اللي عمره 3 سنوات)صح؟؟؟!!!

طبعا لما بتتقابلوا بيكون في ميدان التحرير ، يعني مش في الركن البعيد الهادي ؟؟؟صح؟؟

طبعا في شباب بسم الله ما شاء الله ناصح جدا ، يخطب عشان ياخد راحته ، عشان يضفي الشرعية على الوضع يعني .

على العموم يمكن يوصل لكم المعنى إللي عاوزة أوصله ليكم لما ربنا يرزقكم ببنات زيي ويكونوا زي القمر ( عمرهم 5 و11سنة)وتخافوا عليهم من الهوا الطاير، مش من نظرة

يمكن لو شفت أختك ، أو حتى بنتك بتكلم واحد وبتوشوشه في التلفون ، أو قاعدة على النت بتعمل تشات مع واحد وبعتلها كلمات شفوي زي : LOVE I MISS YOU وغيره ، شوف إحساسك إيه ساعتها ، وإنت هتفهم كلامي كويس ؟

أنا إنسانة مش معقدة لكن يمكن بفكر بطريقة مختلفة ،

وبعدين سؤال بقة للي حب وفطس من الحب قبل الجواز ، هل كل الصفات اللي كنت بتتمناها في مراتك لقيتها ، ولا فعلا مراية الحب عامية ؟؟

ما تقوليش إنك حبيت على أساس العقلية والفكر والمنطق بتاعها ، وحسن إدراكها للأمور ، هذا .... هرااااااااااااااااااااااااااااااء مع احترامي للجميع الكل حب على أساس **** الشكل والوسامة والشياكة **** فقط

يعني ممكن ببساطة بعد الزواج وتقع الفاس في الراس ، تقول : هو أنا كنت انطسيت في نظري ؟

معلش طولت عليكم ، وأعتذر على الإزعاج

[أشرف حسين]

الفاضله ام بلال ..

تابعة بعض مداخلتك في عدة مواضيع و لم يزدني ذلك ألا اعجبا ب الوازع الاخلاقي و الديني

الذي تستندين أليه..فـ لكي تحيه تليق بك

نرجع بقى للموضوع

هو الكلام ده ليه انا يا ام بلال :unsure:

و الله العظيم كنت حاسس و انا بكتب كلمة بريئه انها مش بريئه ب الشكل المطلوب

لكن انا برضه معذور يعني مثلا مقدرش استعمل مصطلح ذي (عذري) لانه ببساطه كده اصبح مش موجود..

خلاص انقرض..لازم و (للاسف)نعترف ان حتى البرائه اصبحت مسأله نسبيه جدا م بين الجيل الجديد

يمكن على ايامي كنا بنشرح (على رأيك) فيزياء(نظري)لكن الايام دى الشرح اصبح بايولوجي!!

و(عملي)كمان و يا ستي م عاش اللي ينعتك ب الراجعيه..الاتزام و الاخلاق الحميده عمرها

م كانت شي نخفيه او نتكلم عليه ب أستحياء لكن برضه للاسف (معظمنا)

لا يبداء ب استعملها ك مبداء ف الحياه إلا بعد الجوز و الخلفه يعني لما نكبر ونعقل

و يكون عندنا ضنا نخاف عليه

لكن م بين السواد الاعظم من الشباب الكلام ده اصبح مجرد عمله غير مرغوب فيها

(ذي الجنيه المصري)كده :lol:

انا اب يا ام بلال و بنتي ف عمر بنتك الصغيره(ربنا يحرسها لك)

و من غير تشأم لو خيرتيني هرجع ب اولادي خمستاشر عشرين سنه لورا لايام الفزياء البريئه مش فيزياء العرفي و المساير

و التسقيط و الترقيع و كل بلاوي اليومين دول .. بصراحه بكره شكله مش لطيف

على الاقل (ف عيوني) :sad: و ياريت اولدنا على الاقل يقفو عند الحدود اللي احنا وقفنا عندها

في سننا الصغير..... و ربنا يقدرنا نحافظ عليهم و نوجهم للطريق الصحيح..ربك يسترها علينا

اكتر من كده انا مش عاوز

ما تقوليش إنك حبيت على أساس العقلية والفكر والمنطق بتاعها ، وحسن إدراكها للأمور ، هذا .... هرااااااااااااااااااااااااااااااء مع احترامي للجميع الكل حب على أساس **** الشكل والوسامة والشياكة **** فقط

و ليه الكل يا ام بلال مين اللي قال ان كل الرجاله ب السطحيه دي

ايه اللي يمنع ان الست تجمع م بين العقليه و الفكر

و الجمال ف نفس الوقت ؟؟

ليه لا ؟؟دول كتير والله ..

السؤال .. هو هل انت الرجل المناسب ؟؟

مـودتي ..

تم تعديل 25 نوفمبر 2008 بواسطة أشرف حسين

[لولا]

ما تقوليش إنك حبيت على أساس العقلية والفكر والمنطق بتاعها ، وحسن إدراكها للأمور ، هذا .... هرااااااااااااااااااااااااااااااء مع احترامي للجميع الكل حب على أساس **** الشكل والوسامة والشياكة **** فقط

حتما تبدأ الشراره الأولى للإنجذاب عند الرجل نحو المرأه بناء على درجه جمالها .......... ولكن ليخطو الحب للخطوه التاليه فهو حتما سيتطرق

للفكر .. الشخصيه ..الثقافه .. الكيان ككل وليس مجرد قشرته .

ولكن على الجانب الآخر توجد قصص حب تنشأ فجأة بعد معرفه طويله للطرفين عندما يشعر الإثنان فى وقت ما بمقدار التوافق والإنسجام الفكرى

الذى يولد لا حقا الحب ويحدث الزواج فالرجل قد يقع فى غرام زميله عمل بعد عام كامل من معرفتها بعد ان يتعرف عليها اكثر فى نطاق اوسع من نطاق

شكلها وجمالها وباكتشافه لجمالها الداخلى يراها اكثر جمالا من انطباعه عنها فى اللقاء الأول انها عاديه او اقل.

المرأه على الجانب الآخر لاتضع نفس الوزن للشكل الخارجى كما الرجل... تحتل الشخصيه والفكر درجه اولى عندها ..( هذا لو لم تكن سطحيه من الأساس !!)

ان نقول ان المرأه من الهرااااااااااااااااء ان تحمل العقل والجمال والفكر هو هرااااااااااااااااااء ظالم يا ام بلال مجحف جدا فى حق بنات حواء .. لماذا لا يمكن ان

ينجذب الرجل لمرأة جميله ومثقفه ورزينه فى ذات الوقت لماذا ؟؟ هل لأنها غير موجوده على ظهر الأرض !!!! ام لأنه اصلا لا يهتم الا لجمالها فقط ؟؟

اما طرحك للحب من زايه الحلال والحرام يا ام بلال فهو ابدا لا يمكن اتخاذه ذريعه للهجوم عليك لإتهامك بأنك رجعيه .. ولكنى اقول انى احترم فكرك ومنطقك

وخوفك على اولادك . ولكن بما انى احببت وبما انى عشت التجربه بجمالها وقسوتها حتى ودروسها فأن لا أفكر أبداً ان هناك يوم سيأتى سوف اقوم

بتحريم تجربه الحب على اولادى _ لا اعرف اذا كانوا سيكونون اولاد او بنات او كلاهما _ ولكن للجميع حق خوض التجربه فانا لن املك مفتاح قلوبهم معى.

ربما سأقول كما قال اشرف اننى سأرجوا ان يكون للحب فى زمنهم نفس الحدود التى توقفنا نحن عندها وهذا ما سأحاوله من خلال التربيه ولا شيئ آخر.

تحياتى لك

لولا

تم تعديل 25 نوفمبر 2008 بواسطة لولا

[لولا]

على فكره الحب علاقه فكريه وروحيه فى المقام الأول .......... الحب ليس تلك الحاله

السطحيه التى تبدأ وتنتهى بمجرد ازدياد دقات القلب والتعرق واللخبطه أثناء مرور من نحب !!

من جرب الحب الصادق حتما يعرف معنى ما اقول ... الحب ارتقاء روحى مذهل عندما لا يرى

البعض عمقه وزاواياه تنشأ قصص الفشل لعلاقات لم تكن حباً من الأساس !!!

لولا

[أشرف حسين]

على فكره الحب علاقه فكريه وروحيه فى المقام الأول .......... الحب ليس تلك الحاله

السطحيه التى تبدأ وتنتهى بمجرد ازدياد دقات القلب والتعرق واللخبطه أثناء مرور من نحب !!

من جرب الحب الصادق حتما يعرف معنى ما اقول ... الحب ارتقاء روحى مذهل عندما لا يرى

البعض عمقه وزاواياه تنشأ قصص الفشل لعلاقات لم تكن حباً من الأساس !!!

اخيرا لقيت فرصه اختلف فيها معكي يا مدام لولا

انا شايف ان

(ازدياد دقات القلب والتعرق واللخبطه )الى آخره

احساس قمه ف الصدق و كمان ابعد م يكون عن السطحيه

ممكن نقول انه علامات بتدل على الاهتمام غير العادي و دي اول درجات الحب الاهتمام ب الاخر

لكن الحب بشكله الاعمق من ارتفاع و سمو و تضحيه من رأي انها آخر درجاته

و ده بيحتاج عشره و سنين طويله تدعمه و تقويه عشان نوصل له .........

مجرد رأي

[jessika]

استاذ اشرف حسينى بنوتك زى العسل بحب جدا ابص عليها بدخل مخصوص الموضوع دة ابص عليها ربنا يخليهالك

[أشرف حسين]

استاذ اشرف حسينى بنوتك زى العسل بحب جدا ابص عليها بدخل مخصوص الموضوع دة ابص عليها ربنا يخليهالك

ميرسي أوي يا jessika على ذوقك

اقول ايه .... طلعه لـ ابوها :unsure: