زوجى يحبنى اكتر لا زوجى انا يحبنى اكتر تراهنى!!!

[ذهبية]

حوار بين تلات صديقات كل واحدة تتفاخر بحب زوجها ليها كل واحد ة تقول زوجى يحبنى اكتر ترد الاخرى لا زوجى انااكتر

ترد الاخرى انا اثق فى زوجى ثقة عمياء لو مئة واحدة حوالية لن يخونى لانة يحبنى و يموت فيا تتغاظ واحدة من الصديقات و تقول لها انتى كدابة زوجك سوف يخونك تقول لا زوجى يحبنى ثم يمسكها كبريائها و تقول تراهنينى

تتراهن الصديقات على ابشع رهان ان تثبت صديقة للاخرى ان زوجها سهل الوقوع وانة لو تعرض لاغراء سوف ينسى زوجتة و توافق الزوجة على الرهان وتبدا فى الرهان و ترمى الصديقة الحبل حتى يشنق بية الزوج نفسة و يقع المحظور و يضعف الزوج و تنهار الزوجة ولا تصدق انة فعلها وخانهاو احب اخرى غيرها وتنتصر الصديقة

تطلب الزوجة الطلاق وتتحول مجرد لعبة شريرة الى واقع مر قامت فية الزوجة و صديقتها بتاليف و اخراج لكن جاءت الرواية عكس المتوقع و تخسر الزوجة الرهان و يكون الرهان بيتها

ما رايكم يا اصدقائى فى الزوجة ؟؟؟ و الزوج ؟؟؟؟؟ و الصديقة ؟؟؟؟

احب ان اسمع ارائكم و على فكرة هذة قصة حقيقية و ليست من وحى الخيال والان الموقف الزوجة تطلب الطلاق مع انها السبب فى كل دة و الزوج متمسك بالزوجة و يقول ان الشيطان كان شاطر ولا يريد الطلاق لانة......... يحب زوجتة !!!!!!!!!!!!!!

[المصري محمد]

الغلطه كانت منك يا ست زوجه وانتي اللي ألفتي وأخرجتي وكان فيها الأخ المسكين طبعا انا مش بقول مسكين يعني متعاطف معاه بالعكس لا شك انه غلطان بس طبعا انتي مش تايهه عن لؤم الستات العمليه هنا طبعا تحدي والست الصديقه طبعا احكمت الموضوع علي الزوج المسكين بما انه تحدي طبعا دي عملت كل الحيل والراجل المحترم بقا فكر نفسه عنتر وهو أخر راجل في الدنيا بقا لأن صاحبتك زودت الموضوع عليه وهو أكيد بقا انتي برده السبب لأنك أكتفيتي بأن الأخ بيحبك ومش هيخونك ابدا ونسيتي أنه برده راجل ومحتاج لشوية رومانسيه افتقدها معاكي ولقي مع صاحبتك اللي هو مفتقده معاكي وصدقيني الراجل لو متزوج واحده اسف في الكلمه مش حلوه ( ليست جميله بالمره ) ولكن بتعوضه ببعض الكلمات الجميله والتي تحرك فيه العاطفه صدقيني بيكون أسعد راجل في الدنيا وبيشوفك كأنك اجمل نساء الكون وبينسي تماما اي واحده يشوفه وكأنها مش موجوده صدقيني

نداء إلي كل الزوجات خلو بالكم من رجالتكم ودلعوهم واهتمو فيهم

أما عن رأي في الموضوع فهو عفا الله عما سلف والصلح خير وننسي الموضوع وبلاش يأخدك الغرور وتقولي كرامتي والخرابيط اللي ملهاش لازمه دي وانسي الموضوع لأنك انتي السبب فيه زوجك أعطاكي كل الحب وانتي اكتفيتي بأنه بيحبك ونسيتيه واهملتيه

ابدأي من جديد واتغصبي وبلاش الجلسات اللي فيه خراب البيوت كل بيت وله أسراره وماينفعشي حد يعرفها بيحبك بيكرهك الحاجات دي مش فيه مقامره انتي السبب انتي السبب وعفا الله عما سلف وممكن الجلاله تاخدك وتصري علي موقفك ويحدث الطلاق لا قدر الله ويتزوج الثانيه ممكن ليه لأ وساعتها هتموتي بحصرتك

أخوكي المصري محمد دا مجرد رأي

[medopharm]

حوار بين تلات صديقات كل واحدة تتفاخر بحب زوجها ليها كل واحد ة تقول زوجى يحبنى اكتر ترد الاخرى لا زوجى انااكتر

ترد الاخرى انا اثق فى زوجى ثقة عمياء لو مئة واحدة حوالية لن يخونى لانة يحبنى و يموت فيا تتغاظ واحدة من الصديقات و تقول لها انتى كدابة زوجك سوف يخونك تقول لا زوجى يحبنى ثم يمسكها كبريائها و تقول تراهنينى

تتراهن الصديقات على ابشع رهان ان تثبت صديقة للاخرى ان زوجها سهل الوقوع وانة لو تعرض لاغراء سوف ينسى زوجتة و توافق الزوجة على الرهان وتبدا فى الرهان و ترمى الصديقة الحبل حتى يشنق بية الزوج نفسة و يقع المحظور و يضعف الزوج و تنهار الزوجة ولا تصدق انة فعلها وخانهاو احب اخرى غيرها وتنتصر الصديقة

تطلب الزوجة الطلاق وتتحول مجرد لعبة شريرة الى واقع مر قامت فية الزوجة و صديقتها بتاليف و اخراج لكن جاءت الرواية عكس المتوقع و تخسر الزوجة الرهان و يكون الرهان بيتها

ما رايكم يا اصدقائى فى الزوجة ؟؟؟ و الزوج ؟؟؟؟؟ و الصديقة ؟؟؟؟

احب ان اسمع ارائكم و على فكرة هذة قصة حقيقية و ليست من وحى الخيال والان الموقف الزوجة تطلب الطلاق مع انها السبب فى كل دة و الزوج متمسك بالزوجة و يقول ان الشيطان كان شاطر ولا يريد الطلاق لانة......... يحب زوجتة !!!!!!!!!!!!!!

طبعا الانسان ضعيف

سيدنا يوسف عليه السلام نفسه كان هيخطأ

ان كيدهن عظيم

مش عشان تختبر جوزها يكون بالطريقه دى.......

وعجبى

qui vivra vira

تحياتى

[الباشمهندس ياسر]

زمااااااااان سمعت كلمة جامدة جدا بتقول

ان الحى لا تؤمن عليه الفتنة

يعنى م الاخر كده مفيش حد فينا كبير على الغلط او معصوم من الخطيئة

فطبيعى جدا ان الزوجة غلطانة لانها سهلت الموضوع لصاحبتها

واكيد طنشت جوزها علشان تزيد الهم همين

عموما

عفوا تعف نساؤكم

و الزوجة دى مبتشغلش مخها من اساسه و بتنساق وراء صحباتها وده مينفعش

و اللى زى دى مينفعش تفتح بيت

و افضل جدا لو جوزها طلقها وريح

و اللى عايز يختلف معايا يتفضل بس من غير ضرب

[Folana]

السلام عليكم ورحمة الله....

:big_boss:

الاخت الفاضلة ذهبية...اسمحى لى ده مش رهان...ده ممكن يكون له أى مسمى أخر..

المشكلة هنا ان كل زوجة وضعت نفسها فى منافسة مع الاخرى دون وجه حق او دون مبرر......ما الذى يضرهن ان أحب كل زوج زوجته؟...أكتر أو أقل من مين؟...ماهى مش مسابقة

من خلال تجاربى وبعد 19 سنة زواج ..اقدر أقول انه لا يصح ابدا ولا يجوز أن نجعل من حياتنا الزوجية ومن ازواجنا مصدر للحكى والتسلية...يعنى لا نشتكى ولا نذكر مزايا ..الحالتين ممكن يلاقوا هوى فى نفس المستمعة....يعنى لو بنشتكى..ممكن الصديقة تظن انها افضل وتحاول اظهار مميزاتها امام الزوج...لو بنمدح فى الزوج ممكن يسيل لعاب الصديقة وتتمنى ان تظفر هى بهذه المزايا...

وأنا لا أؤمن بأن هناك صداقة مطلقة ..لاننا قد نخضع لعوامل تؤدى الى تغير مشاعرنا بين ليلة وضحاها...فتصبح الصديقة عدوة لدودة وننعتها بخرابة البيوت..على الرغم من اننا فتحنا لها هذا الباب....

الزوجة......هى التى تسببت فى اشعال هذه الفتنة بالسماح للاخريات ان يتعاملوا مع زوجها على انه فأر تجارب....وليس من حقها طلب الطلاق ولا العقل يقول كده....الا اذا كانت عايزة تثبت لصديقتها انها اكثر وفاءا وولاءا لها لدرجة انها حتخرب بيتها لانها انكوت بالنار التى اشعلتها هى بايديها...أو تثبت لها انها (اى الصديقة ) مميزة عنها لدرجة انها نجحت فى اجتذاب الزوج لها .....عليها ان تستوعب الدرس عله يساعدها على اتقان فنيات الحفاظ على بيتها فى المستقبل...

ولا تعالج الخطأ ..بخطأ أفدح منه...

الصديقة...أو المخادعة بقى علشان نكون واضحين....يستوقفنى سؤال بشأنها...ماذا عن زوجها هى؟...هل ستطلب الطلاق هى ايضا... :king:

وحقيقى انا لو مكان الزوج حاطلب من زوجتى ان تقطع علاقتها بأعوان ابليس دول......

تقبلى تحياتى...

[Scorpion]

يا حلااااااااااااااااوة ( علي رأي مظهر ابو النجا ) .... بقي في الآخر الزوجة هي اللي غلطانة و الزوج ابو ريالة هو الضحية و الحمل الوديع هنا ....

يا جماعة .. الخيانة هي الخيانة ... مهما كانت مبرراتها او ظروفها .... القانون ما فيهوش زينيب .... يعني الزوج كان عارف انه رهان .. فعلشان كده سمح لنفسه .. لأ ... البيه لقي نفسي فجأة دون جوان عصره و و واحدة جاياله علي طبق فضة .. ما فكرش مرتين ... طب لو الهانم دي ما كانتش جزء من خطة او رهان .. و كانت مثلآ زميلته في الشغل ... جارته ... اتعرف عليها في موقف الأوتوبيس .. و انتهت معرفتهم بعلاقة غير شريفة .. برضه مراته حتكون هي اللي غلطانة ؟؟؟

يبقي ليه في الحالة الأولي مراته تطلع هي الغلطانة و الحالة التانية هو اللي غلطان

الخيانة هي الخيانة ..... بدون أي تجميل او تبرير او تذويق ...

[لولا]

عارفين يا جماعه انا ليا رأى تانى فى الموضوع دا ... هو بيركز أساسا على الحق اللى اديته الزوجه

لنفسها فى انها تتعامل مع انسان يفترض انه نصها التانى بقمه السفاله وكأنه لعبه (يويو) مفروض

يكون جاهز لإختبارات سعادتها ... طبعاً هى من حقها تختبر وتلعب وتخطط وتتحدى ... وتطلب الطلاق !!

ياترى هى دى الأمانه والشرف والحرص اللى مفروض كل واحد فى الحياة الزوجيه يحرص بيه على شريك

حياته ؟؟ مفروض تتقلب حياتنا فى لحظه ..فى لحظه لعبة تحدى سافله !! تخيل مراتك تحولك لمجرد (يويو ).

عارفين انا خطر فى بالى حاجه ممكن متكونش خطرت على بال حد منكم ... عارفين هى ايه ؟؟

تخيلوا لو كانت القعده دى بين الأزواج مش الزوجات ... تخيلوا بس ... وواحد حب يختبر حب مراته ليه

راح متفق مع واحد صاحبه قمه فى كل حاجه ( اخلاق ووسامه وتفكير ......شخصيه تجنن يعنى)

وراح مخطط يختبر مراته واخلاصها ليه بانه يقربهم من بعض والصديق دا يحاول بخطه محكمه يفرد

شباكه على الزوجه .......... ممكن يحصل ايه ؟؟ ممكن نتخيل السيناريو اللى مش ضرورى اكتبه حتى هنا؟؟

على فكره احنا مش ملايكه ..ممكن كل راجل مهما كانت مراته كويسه يلاقى حاجه مش موجوده فيها فى وحده تانيه

والست نفس الحاجه .

الحياه الزوجيه اقدس بكتير من اننا نحولها للعبه ومراهنات .

ورغم كده ... حقولكم حاجه انا لا يمكن اوافق على الخيانه انها تحصل فى ظل حياة زوجيه بالذات انها توصل

لخيانه جسديه ..........لغايه هنا ستوب .... لما الواحد يحس انه وصل للمرحله دى يطلب الطلاق فورا

ويعمل اللى هو عايزه بعدها .

اما الحكم على الطرفين هنا اللى لعبوا بمفهوم الزواج فانا بعتبر ان الحكم فيها بيختلف من شخص للتانى

ولا يمكن تجتمع الآراء على مين الغلطان .لكن الطلاق حل اسلم للطرفين بعد اللى اتكسر لأنه عمره ماحينسي

ابدا وحصل شرخ كبير والثقه راحت ... والزواج اصلا ثقه وامانه.

لولا

تم تعديل 21 نوفمبر 2008 بواسطة لولا

[melhamy]

الله يفتح عليكى يا لولا :big_boss:

[Folana]

السلام عليكم ورحمة الله....

ياجماعة الاخت ذهبية لم تذكر أن العلاقة وصلت بين زوج السيدة وصديقتها الى حد ارتكاب الكبائر...أنا مافهمتش كده من الكلام

أما لو كان فعلا ده المقصود..يبقى لا تلومن الا نفسها....لانها استمرت فى اللعبة وهى ترى الخطر القادم...

اذا كانت القصة زى ما انا قهمتها ...يبقى ممكن يكون هناك زينب فى القانون ...

فى الحالة المعروضة...يقدر الزوج يطلع براءة بالالتفاف حول القانون :king:

لكن لو هو خاين بطبعه..سواء بقى فى المنزل ..فى المكتب فى السيارة...هنا الكلام حيختلف.....لكن برضه مش بأفضل الطلاق الا اذا استحالت العشرة واستحال تقويمه....

لولا...انا اتخضيت بجد وانا باقرأ مثالك.:lol:...لكن تعرفى ..لو كل زوج فعلا تصور ان بيته حيحصل فيه كده...كان زمان الناس كلها تحولت الى ملائكة...

:big_boss:

[عصام أبوالفتح]

ما رايكم يا اصدقائى فى الزوجة ؟؟؟ و الزوج ؟؟؟؟؟ و الصديقة ؟؟؟؟

احب ان اسمع ارائكم و على فكرة هذة قصة حقيقية

حبهم برص هما الثلاثة طبعاً

والقصة حقيقية فعلا فى مجتمع حيوانات لا اخلاق فيه ولا قيم ولا ضمير

ومجمل القول

أن الطيور على اشكالها تقع

[أبو محمد]

كل الردود معقولة جدا .. ولكن أعجبنى رد سكوب بشكل خاص .. لأنه ألقى الضوء على أن جريمة الخيانة جريمة لا يرتكبها إلا إثنان .. يعنى لو فتحنا محاكمة يبقى لازم يكون فيه اتنين متهمين مش متهم واحد ..

السيناريو الذى وضعته "لولا" .. سيناريو فظيـــــــــــــع .. واحتمال حدوثه (مع إمكانية ذلك) أقل بكثير من احتمال حدوثه كما روته الفاضلة "ذهبية" .. بل يكاد يكون منعدما ..

وإذا كانت جريمة الخيانة لا يمكن أن يوجه فيها الاتهام إلى شخص واحد .. ففى هذه الجريمة يجب أن يكون عدد المتهمين ثلاثة .. الزوج والزوجة والصديقة ..

لماذا أسقطنا تهمة الخيانة عن الصديقة ؟ .. ألم تخن زوجها ؟

صدقونى .. ليس منهم ضحية واحدة .. ثلاثتهم جناة .. إعتدوا على أطهر رباط يربط بين أى اثنين ..

التلاتة يستحقوا الشوى فى نهار جهنم ..

ممكن الزوجة والصديقة يبقوا Well done والزوج يبقى Rare :big_boss:

[Emo]

طيب لو زوجها عرف ان هي اللي ورا الموضوع..

وعرف برهانها الوضيع ده على استقرارهم واسرارهم وحياتهم كلها..

هيكفيه فيها الطلاق..!

تحمد ربها وتتهد ان ربنا ستر عليها ومفضحاهاش عند زوجها..

[مسافر]

طب حنقول إنها متعرفش حاجة عن أحاديث النبي صلى الله عليه وسلم

كمان مسمعتش خالتي بمبه وهي بتقول"يمأمن الرجال يمأمن الميه فلغربال"

أقول للزوجه"يداك أوكتا وفوك نفخ"

وللزوج الدور عليك حتى تقول

لا تَكذبي ، إني رأيتكما معا

ودعي البكاء فقد مللتُ الأدمعا

ما أقبح الدمعَ السخينَ إذا جرى

من عين كاذبةٍ فأنكر وأدعى

إني رأيتُكما ..

إني سمعتُكما ..

عيناك في عينيه ..

كفاك في كفيه ..

وشفتاك ضارعتان ترتجفان من شوق إليه ..

كوني كما قد شئت لكن لن تكوني

فلقد صنعتك من هواي ومن جنوني

ولقد برئت من الهوى ومن الجنونِ !

وانصح المتحاورين والمتحاورات والمتزوجين والمتزوجات

أن العلاقة الزوجية ليست لعبة، ولا تجسسوا ، ولا تحسسوا ، ومن تتبع عورة أخيه

تتبع الله عورته ، ومن تتبع الله عورته فضحة ولو في عقر داره .

كُفّ بعد اليوم عن التلصص ، وتوقف عن تقليب الأوراق ، وتعامل مع شريكك على أساس

الثقة والاحترام وحسن الظن ، وخذ ما ظهر ، ودع ما خفي ، وإليك النصيحة الواقية من فتن

الحياة الزوجية على لسان النبي صلى الله عليه وسلم « إِنَّكَ إِنِ اتَّبَعْتَ عَوْرَاتِ النَّاسِ

أَفْسَدْتَهُمْ أَوْ كِدْتَ أَنْ تُفْسِدَهُمْ » رواه أبو داود وابن حبان. والله أعلم .

[iloveegypt]

الثلاثة الزو والزوجة والصديقة

ناس فاضيه دماغهم فاضية

والثلاثة بصراحة ازبل من بعض

ولو انا قاضى احكم بعدم زواج كل من الثلاثة مدى الحياة يعنى يعيشوا بدون زواج مع الشغل والنفاذ :blush2:

[لولا]

فلانه حبيبه قلبى انا مش قصدى اخضك ولا اخض حد :beee:

بس اصلى متغاظه منهم كلهم الأخوه ابطال الفيلم الهابط دا ... اتبسطت من رد (عصام ابو الفتوح :beee: )

كان مناسب اوى للحاله .

عموما انا فعلا توقعت ان الخيانه وصلت للنهايه ...ماهو لو هى كانت حدها ضبطت جوزها بيتكلم فى التليفون

ولا قاعد فى كازينو ......كانت حتطلب الطلاق ! طلاق لما يا خد اجلها دى تتهد فى بيتها وتتكتم وتروح

تموت نفسها احسن على تفكيرها التافه اللى خلاها تخسر جوزها وتتآمر عليه .

يعنى دى بتفكيرها السطحى دا لما تتطلق والناس تعرف السبب عايزه افهم راجل مين حينطس فى نظره

ودماغه ويتجوزها من اساسه :blush2:

اما بقى السيناريو اللى انا حطيته ( ميفكرش فيه ولا الشيطان حتى :scooter: .. دا انا شفت واحد شبهه

فى فيلم امريكانى :cry1: ) طبعا احتمال انه يحصل فى الحياه الزوجيه العربى شبه مستحيل لأن الراجل

اعقل من الست والغيره عنده والنخوه والدين يمنعوه من انه يعمل كده ... انا قصدت من ورا اننا نتخيل

المشهد حاجه وحده بس ... كل ست تدى نفسها الحق انها تختبر جوزها بالطريقه السافله دى خليها

تحط نفسها فى نفس الظروف ... كل زوجه تحط النار بنفسها جنب البنزين عشان تجرب تتخيل لو هى

كمان حصل معاها كده كانت حتعمل ايه ...مجرد تخيل عشان الحكم بيقى عادل قبل ما تصدر قرارها

ان جوزها دا بقى (وغد) عشان خانها لأنها (وغده ) كمان عشان لعبت بيه وعملته(يويو) وما احترمتش

الرباط المقدس .

لكن مهما اختلفت الأسباب زى ما قال سكوب ..ممكن متكونش خطه اتحبكت عليه ..ممكن تكون زميله

فى الشغل ... لما توصل مشاعر الخيانه للمرحله دى لازم يحصل طلاق ويبقى بعدها يعمل اللى هو عايزه

لكن تلويث رباط الجواز ...لأ... ستوب ... الطلاق وبعدها كل واحد يعيش بالطريقه اللى تريحه.

على فكره يا فلانه انا افتكرت حكايه كنت قرتها من فتره طويله فى جريده سعوديه هنا(حكايه حقيقيه) .. بصى ياستى

الحكايه ابطالها :

زوج ،زوجه ، شغاله (اندونسيه).

الزوجه مدرسه يعنى كل يوم بتخرج الصبح ترجع بعد الظهر والزوج كذلك .

الشغاله تعمل لدى هذه الأسره منذ سنه ...حصل فى احد الأيام ان رجعت

الزوجه المدرسه من عملها فى تمام الحاديه عشر لأنها كانت قد اصيبت بوعكه

لاحظت ان سياره زوجها تقف باسفل العماره رغم انه مفترض ان يكون بالعمل

وعندما فتحت باب الشقه لاحظت الإرتباك على الشغاله وسألتها عن الزوج

فقالت انه بالداخل يرتاح.. وفعلا قال الزوج لزوجته انه ايضا كان متعب ورجع ليرتاح.

حاسه الأنثى انبأتها بوجود شيئ ... ذهبت لأخيها المتخرج منذ اشهر ويجلس بدون عمل

وقالت له وجدت لك وظيفه براتب ممتاز !! ووظفته مخبر يتتبع زوجها كل يوم فى ساعات

وجودها فى العمل .. فى ظرف اسبوع ظهرت الحقيقه ...فعلا الزوج يخون زوجته مع الخادمه.

تعتقدين ماذا فعلت هذه الزوجه ؟؟ :cry:

انتظرت اول رحله عمل لزوجها وبمجرد خروجه من المنزل جمعت اغراض الخادمه وذهبت

بها للمطار وقامت بترحيلها.

عاد الزوج من الرحله بعد اسبوع واستغرب جدا من غياب الخادمه ..سأل عنها فأجابت

الزوجه بمنتهى الوداعه والحزن أن الخادمه قد مرضت جدا بعد رحيله وعندما اخذتها للطبيب

وبعمل التحليلات لها اكتشفوا ان عندها الإيدز !!

طبعاً الخبر وقع موقع الصاعقه على الزوج ... جحظت عيناه واحمرت اذناه وزادت نبضات قلبه

وبعد اسبوع واحد دخل فى حاله غريبه من التصوف والعباده.. (طبعا كان خائف حتى من الذهاب

والخضوع لكشف الإيدز ) وبدأ يبتعد تماما عن زوجته واولاده ولا يفعل شيئاً سوى الذهاب للعمل

والعباده المبالغه جدا .. اعتزل الناس واصيب بالضعف والنحول واكل الهم قلبه وفتفته الندم لأقصى درجه

..........اين الزوجه من كل ذلك ..؟؟ كانت تراقب ............ وتستمع !! اليست الزوجه المطعونه

فى ظهرها على سريرها ..اليس الهوى والشيطان جمل فى عينه خادمه فرفعها واختارها خليله !!

ومرت الشهور على هذا الموال .. حتى انتهت سته اشهر على هذا الحال والرجل اقرب للموت منه للحياه

ساعتها ... قررت ان تواجهه بالحقيقه !!

النهايه باختصار.. اكتشف الزوج ان زوجته عرفت الخيانه التى كانت تحصل على سريرها وفى غيابها

ومع خادمه .. عاش الزوج مشاعر الندم والتوبه واستوعب حجم المعصيه والفحش الذى قام به بعد ان اصبح قريب من الله...

وهى قد رأت ندمه بعينيها ... طلب السماح ...سامحته ...عادت الحياه ............الزوج لا يمكن ان يخون ثانيه :sad:

فى هكذا حالات يا فلانه لا اجد ان هناك مانع من عوده الحياه الزوجيه بعد الخيانه :cry1: ..ان الله غفور رحيم يا جماعه wst:: .

تحياتى لك فلانه الغاليه.

لولا

تم تعديل 21 نوفمبر 2008 بواسطة لولا

[لولا]

أفلام لولا السبكى تقدم

الحمار وزوجتة

بطولة

الخادمة الاندونسية - جميلة سيد

امممممممممممم بقى كده ..... دا جزائى عشان عايزه اقوم باثراااااااااااااااااااااااااااء مخيلتكم :beee:

يعنى ذنبى ايه انى اطلاعى واااااااااااااااااااااااااااااااااسع :beee:

عموما انا وضحت ان الحكايه الأولى كانت من فيلم .. wst::

التانيه بقى ... من الواقع المر :cry1: .. اللى نهايته حلوه :sad: ... عن نفسي معجبه اوى بعبقريه الزوجه ..طيبه اوى اوى الست دى ... وحده تانيه كانت عذبته اكتر من كده مش ست شهور بس ... وفى الآخر كان ممكن تطلب الطلاق..بس بجد قلبها طيب ... زى كل الستات :scooter:

خلاص مش ححكى تانى حاجه :cry1: :blush2:

لولا

[عصام أبوالفتح]

الحكايه ابطالها :

زوج ،زوجه ، شغاله (اندونسيه).

الزوجه مدرسه يعنى كل يوم بتخرج الصبح ترجع بعد الظهر والزوج كذلك .

الشغاله تعمل لدى هذه الأسره منذ سنه ...حصل فى احد الأيام ان رجعت

الزوجه المدرسه من عملها فى تمام الحاديه عشر لأنها كانت قد اصيبت بوعكه

لاحظت ان سياره زوجها تقف باسفل العماره رغم انه مفترض ان يكون بالعمل

وعندما فتحت باب الشقه لاحظت الإرتباك على الشغاله وسألتها عن الزوج

فقالت انه بالداخل يرتاح.. وفعلا قال الزوج لزوجته انه ايضا كان متعب ورجع ليرتاح.

حاسه الأنثى انبأتها بوجود شيئ ... ذهبت لأخيها المتخرج منذ اشهر ويجلس بدون عمل

وقالت له وجدت لك وظيفه براتب ممتاز !! ووظفته مخبر يتتبع زوجها كل يوم فى ساعات

وجودها فى العمل .. فى ظرف اسبوع ظهرت الحقيقه ...فعلا الزوج يخون زوجته مع الخادمه.

تعتقدين ماذا فعلت هذه الزوجه ؟؟ :scooter:

انتظرت اول رحله عمل لزوجها وبمجرد خروجه من المنزل جمعت اغراض الخادمه وذهبت

بها للمطار وقامت بترحيلها.

عاد الزوج من الرحله بعد اسبوع واستغرب جدا من غياب الخادمه ..سأل عنها فأجابت

الزوجه بمنتهى الوداعه والحزن أن الخادمه قد مرضت جدا بعد رحيله وعندما اخذتها للطبيب

وبعمل التحليلات لها اكتشفوا ان عندها الإيدز !!

طبعاً الخبر وقع موقع الصاعقه على الزوج ... جحظت عيناه واحمرت اذناه وزادت نبضات قلبه

وبعد اسبوع واحد دخل فى حاله غريبه من التصوف والعباده.. (طبعا كان خائف حتى من الذهاب

والخضوع لكشف الإيدز ) وبدأ يبتعد تماما عن زوجته واولاده ولا يفعل شيئاً سوى الذهاب للعمل

والعباده المبالغه جدا .. اعتزل الناس واصيب بالضعف والنحول واكل الهم قلبه وفتفته الندم لأقصى درجه

..........اين الزوجه من كل ذلك ..؟؟ كانت تراقب ............ وتستمع !! اليست الزوجه المطعونه

فى ظهرها على سريرها ..اليس الهوى والشيطان جمل فى عينه خادمه فرفعها واختارها خليله !!

ومرت الشهور على هذا الموال .. حتى انتهت سته اشهر على هذا الحال والرجل اقرب للموت منه للحياه

ساعتها ... قررت ان تواجهه بالحقيقه !!

النهايه باختصار.. اكتشف الزوج ان زوجته عرفت الخيانه التى كانت تحصل على سريرها وفى غيابها

ومع خادمه .. عاش الزوج مشاعر الندم والتوبه واستوعب حجم المعصيه والفحش الذى قام به بعد ان اصبح قريب من الله...

وهى قد رأت ندمه بعينيها ... طلب السماح ...سامحته ...عادت الحياه ............الزوج لا يمكن ان يخون ثانيه :blush2:

الحكاية دى عملوها حلقة من مسلسل طاش ما طاش السعودى .. وكانت مسلية جدا.. أول مرة أعرف انها قصة حقيقية.

[elshafey]

حوار بين تلات صديقات كل واحدة تتفاخر بحب زوجها ليها كل واحد ة تقول زوجى يحبنى اكتر ترد الاخرى لا زوجى انااكتر

ترد الاخرى انا اثق فى زوجى ثقة عمياء لو مئة واحدة حوالية لن يخونى لانة يحبنى و يموت فيا تتغاظ واحدة من الصديقات و تقول لها انتى كدابة زوجك سوف يخونك تقول لا زوجى يحبنى ثم يمسكها كبريائها و تقول تراهنينى

تتراهن الصديقات على ابشع رهان ان تثبت صديقة للاخرى ان زوجها سهل الوقوع وانة لو تعرض لاغراء سوف ينسى زوجتة و توافق الزوجة على الرهان وتبدا فى الرهان و ترمى الصديقة الحبل حتى يشنق بية الزوج نفسة و يقع المحظور و يضعف الزوج و تنهار الزوجة ولا تصدق انة فعلها وخانهاو احب اخرى غيرها وتنتصر الصديقة

تطلب الزوجة الطلاق وتتحول مجرد لعبة شريرة الى واقع مر قامت فية الزوجة و صديقتها بتاليف و اخراج لكن جاءت الرواية عكس المتوقع و تخسر الزوجة الرهان و يكون الرهان بيتها

ما رايكم يا اصدقائى فى الزوجة ؟؟؟ و الزوج ؟؟؟؟؟ و الصديقة ؟؟؟؟

احب ان اسمع ارائكم و على فكرة هذة قصة حقيقية و ليست من وحى الخيال والان الموقف الزوجة تطلب الطلاق مع انها السبب فى كل دة و الزوج متمسك بالزوجة و يقول ان الشيطان كان شاطر ولا يريد الطلاق لانة......... يحب زوجتة !!!!!!!!!!!!!!

انا آسف إني اقولك أن هؤلاء الزوجات الثلاث غير محترمات بالمرة

ويستاهلوا يتطلقوا هما الثلاثة لوصول الموضوع بينهم لهذه الطريقة المقززة

وانا بعد ما قريت الموضوع أتمني انهم ما يكونوش عرب ولا مسلمين

تحياتي

[الباشمهندس ياسر]

أفلام لولا السبكى تقدم

الحمار وزوجتة

بطولة

الخادمة الاندونسية - جميلة سيد

امممممممممممم بقى كده ..... دا جزائى عشان عايزه اقوم باثراااااااااااااااااااااااااااء مخيلتكم :blink:

يعنى ذنبى ايه انى اطلاعى واااااااااااااااااااااااااااااااااسع :sad:

عموما انا وضحت ان الحكايه الأولى كانت من فيلم .. :D

التانيه بقى ... من الواقع المر wst:: .. اللى نهايته حلوه wst:: ... عن نفسي معجبه اوى بعبقريه الزوجه ..طيبه اوى اوى الست دى ... وحده تانيه كانت عذبته اكتر من كده مش ست شهور بس ... وفى الآخر كان ممكن تطلب الطلاق..بس بجد قلبها طيب ... زى كل الستات :lol:

خلاص مش ححكى تانى حاجه wst:: :lol:

لولا

ابلة فضيلة

قصدى ابلة لولا

طب احنا ذنبنا ايه

ولا نقوموا نضربوا الجدع و نبطحوه و ترجعى تحكيلنا تانى (وش اجرام) ها نويتى على ايه

[لولا]

الحكاية دى عملوها حلقة من مسلسل طاش ما طاش السعودى .. وكانت مسلية جدا.. أول مرة أعرف انها قصة حقيقية.

انا كمان اول مره اعرف انها اتعملت مسلسل .. رغم انى احيانا فقط اتابع مسلسل طاش ما طاش ولكن عندما تكون الحلقات حجازيه

بمعنى تحكى عن قصص من الحجاز مكه وجده والمدينه .. اللهجه تكون سهله وواضحه والحكايات جذابه .

لكنى اعتقد ان اغلب حلقات هذا المسلسل واقعيه .. الحكايه كانت مكتوبه بجريده ( عكاظ ).

لولا