اطلب النصيحة من اخوانى المغتربين بالسعودية

[فطوووطة]

السلام عليكم ورحمة الله وبركاتة

اخوانى الاعزاء فى البداية بشكركم على المنتدى الجميل الى بجد لاقيت فى افادات كتيير والناس هنا بجد مش بيبخلوا على اى حد فى المعلومات جزاكم الله كل خير

انا شاب ابلغ من العمر 27 سنة ومقيم بمصر وحاصل على دبلوم المدارس الثانوية الصناعية تخصص تبريد وتكييف وقدمت على شراء فيزا حرة عامل الى السعودية وانا بصراحة تعبت قوى على بال مقدرت احصل على الفيزا دى وتعبت اكتر فى جمع فلوس التأشيرة وانا بصراحة قلقان جدأ انى مش الاقى فرصة عمل مع العلم انى عندى رخصة قيادة مصرية واجيد الكمبيوتر بشكل جيد وايضا اجيد التسويق واللغة الانجليزية ايضا بشكل جيد حيث اننى حاصل على شهادات فى الكمبيوتر واللغة الانجليزية من جامعة المنوفية فهل انا من الممكن ان اجد فرصة جيدة للعمل بالسعودية يوفرلى سكن وانتقال انا بصراحة قلقان جدا من الموضوع دة ياريت تفيدونى وتنصحونى وتقولولى اية نوع الشغل الى ممكن ابحث عنة وكمان تفهمونى شوية حاجات عن الفيزا الحرة عامل واية الى المفروض انى اعملة قبل ماحصل عليها مع الكفيل يعنى اية الى المفروض انى اسئلة علية علشان ماقبلش مشاكل هناك

ولكم جزيل الشكر لكم ولمنتدانا العزيز

[ahmedkamal]

الاخ العزيز طبعا انت عارف ان مفيش شيئ اسمه فيزا حره هو بيبقى اتفق ضمني مع لكفيل انه انت لما تيجي تنقل كفاله مش هيمانع انت هتفضل ع كفالته سنه قبل ماتنقل لازم تكون عارف ده وبعد السنه تنقل انت وتتحمل مصاريف نقل الكفاله المهم يبقى الكفيل انت متفق معاه ع كده ويكون راجل ملتزم بكلمته وعن فرص الشغل فه رزق طبعا لكن انت تحاول ف البحث عن الاماكن اللي تحتاج حد ف المبيعات يعني ده بتديك عربيه وتوزع المنتج بتاعها لان هي ده الوظايف اللي ممكن تلاقيها عشان ميزة اللغه العربيه وكله ف الاخر نصيب وربنا يوفقك والبلد كبيره فممكن تلاقي فيها حاجات كتير انما كله رزق فالاخر وبالتوفيق

[الباشمهندس ياسر]

ممكن سؤال يا فطوطه

انت عايز تشتغل ايه هناك

يعنى ايه الحرفة اللى عندك

انا قعدت ادور فى الموضوع ملقتش مهنة انت متخصص فيها

مثلا انت متخصص فى التكييف بما انك دبلوم فى التخصص

ولا انت هتشتغل بالرخصة ولا بالانجليزى بتاعك ولا ايه الموضوع بالظبط

[عصام أبوالفتح]

حضرتك قدمت على شراء فيزا حرة فين بالضبط ؟!!

[النجم الثاقب]

أخى عصام يمكن الأخ فطوطة يكون قصده قَدِمت ( أقدم ) على شراء فيزه حره :big_boss:

[Emo]

أستاذ فطوطة..

فرص العمل بالسعودية الآن (عند غير الكفيل) معدومة تقريبا..

وإذا كان لما بيكون فيه كفيل للواحد بيبع ويشتري فيه..مابال حضرتك وأنت هتكون بتشتغل عند غير كفيلك (وده طبعا مع نظام الفيزا الحرة إذا وجد) يعني هيكون شغلك ع كف عفريت ومش هتقدر تتكلم لإنك أصلا هتكون مخالف قانونا..

فكر ف دولة تاني تسمح بالنوع ده من النظام..

أو حاول تستثمر الفلوس اللي جمعتها دي في اي حاجة في مصر..وربنا يوفقك إن شاء الله..

[فطوووطة]

بشكر كل الاخوة الى تفضلوا واجابوا على موضوعى وبشكر كل القائمين على هذا المنتدى الرائع

وان شاء الله انا عندى امل ان شاء الله انى أجد فرصة مناسبة (وقل لن يصيبنا الا ماكتب الله لنا)

وانا اسف على تعبيرى بكلمة قدمت انا كنت اقصد بس اقدمت يعنى مشيت فى الموضوع :blush2:

وانا ذكرت فى موضوعى انى عملت فى مجال الكمبيوتر واشتغلت فترة مندوب مبيعات فى شركة مواد غذائية فى مصر سائق+ مندوب وكمان اشتغلت فى احد البزارات فى الغردقة فترة يعنى بجيد البيع بس على فكرة دلوقتى انا مش بعمل حاجة خالص عاطل يعنى لانى بصراحة لاقيت ان كل الى انا بحصل علية من اى شغل بشتغل فية بيروح مهما كان المرتب هنا فى مصر وكمان لاقيت سنى بقى 27 سنة وانا معملتش حاجة خالص لنفسى ففكرت فى السفر علشان اقدر اعمل حاجة لنفسى وطبعا انا بستشيركم قبل ماعمل حاجة لانى مش عندى اى استعداد انى افشل تانى لانى بصراحة كدة انا فشلت كتيير فانتم رايكم انى اكمل فى الموضوع دة بتاع الفيزا الحرة ولا اخلع منة بس ياريت محدش يحبطنى .

وسؤال اخير اية هيا المهنة الى ممكن انى اطلع عليها يعنى لو الفيزا جايالى( عامل ) دى تبقى حاجة كويسة ؟

واية الى المفروض انى اتكلم فية مع الكفيل بتاعى قبل مايبعتلى الفيزا علشان ماقبلش مشاكل هناك ؟

وان شاء الله انا حتابع معاكم انا عملت اية اول باول

[فطوووطة]

أستاذ فطوطة..

فرص العمل بالسعودية الآن (عند غير الكفيل) معدومة تقريبا..

وإذا كان لما بيكون فيه كفيل للواحد بيبع ويشتري فيه..مابال حضرتك وأنت هتكون بتشتغل عند غير كفيلك (وده طبعا مع نظام الفيزا الحرة إذا وجد) يعني هيكون شغلك ع كف عفريت ومش هتقدر تتكلم لإنك أصلا هتكون مخالف قانونا..

فكر ف دولة تاني تسمح بالنوع ده من النظام..

أو حاول تستثمر الفلوس اللي جمعتها دي في اي حاجة في مصر..وربنا يوفقك إن شاء الله..

يعنى دة كلامك

برضة ماختلفش كتيير عن عبد الحليم وهو طالعلى فى كل حتة وبيقولى طريقك مسدودا مسدوا يا ولدى

[فطوووطة]

الاخ العزيز طبعا انت عارف ان مفيش شيئ اسمه فيزا حره هو بيبقى اتفق ضمني مع لكفيل انه انت لما تيجي تنقل كفاله مش هيمانع انت هتفضل ع كفالته سنه قبل ماتنقل لازم تكون عارف ده وبعد السنه تنقل انت وتتحمل مصاريف نقل الكفاله المهم يبقى الكفيل انت متفق معاه ع كده ويكون راجل ملتزم بكلمته وعن فرص الشغل فه رزق طبعا لكن انت تحاول ف البحث عن الاماكن اللي تحتاج حد ف المبيعات يعني ده بتديك عربيه وتوزع المنتج بتاعها لان هي ده الوظايف اللي ممكن تلاقيها عشان ميزة اللغه العربيه وكله ف الاخر نصيب وربنا يوفقك والبلد كبيره فممكن تلاقي فيها حاجات كتير انما كله رزق فالاخر وبالتوفيق

الله يباركللك والله يا اخى وبشكرك جدا على الرد الجميل دة وبتمناللك التوفيق

[Amr Radwan]

بص يا اخ فطوطة ..

اولا .. البلد وضعها احسن من مصر شوية .. (مش كتير) بس عاوزه صبر و قدرة علي التحمل و كظم الغيظ و خاصة و انت بتتعامل مع الكفيل او اي تعامل ورقي .. و كل ما تقدم و تاخد خيرة في البلد اكيد هيكون وضعك احسن بفضل الله ..

ثانيا .. الدنيا هنا (في السعودية )مش الجنة اللي مستنياك .. اعمل حسابك هتتعب شوية ممكن توصل لسنة عشان تعرف تستقر و افضل حاجة انصحك بيها انك تشتغل في مجال المبيعات لو انت اشتغلت فيها قبل كده هتكون فرصة كويسه .. ان شاء الله ..

ثالثا .. عشان تشتغل عند اي حد لازم تنقل عليه كفاله عشان بتوع مكتب العمل لما بيعدوا علي اي شركة او مؤسسة و بيلاقو حد شغال في الشركة و مش علي الكفالة بيترحل و الشركة بتدفع غرامة 10000 ريال و لذلك اول حاجة هيقولك عليها صاحب العمل لازم تنقل كفاله عندي .. عشان تشتغل و خاصة في الشركات الكبيرة اللي ممكن تديك مرتب كويس ...

ثالثا .. انا من انصار المغامرة و البحث عن مصارد رزق جديدة .. و صدقني .. كل اما تتحرك و تشوف فرص او اماكن جديدة للشغل هتزيد خبرتك و بالتالي مرتبك ..

رابعا .. فرصة انك تجد عمل مناسب بتكون افضل لما تكون هنا في السعودية عن ما تكون في مصر

و ربنا ييسر لك الحال و يوفقك ..

[drosama]

السلام عليكم

يجب اولا ان تعلم ان من يسرد لك المساوىء هدفة ان تتلافاها فالدنيا هنا ليست وردية كما تعتقدوالايام الماضية الكل يسمع عن المشاكل مع الكفيل ودى ناس بعقود ووضعها صحيح غالبا واوعى تقول انا هامشى جوا الحيط لان ده مش بيفرق كتير --

يبدأالمشوار بالاتفاق مع الكفيل اللى هيرسل لك الفيزا وهتتفقوا على ثمن الفيزا ويجب ان يكون الاتفاق واضح يعنى الفلوس اللى هتدفعها مقابل اية بالضبط ولعلمك فانا اعرف واحد وللاسف صيدلى ومن تعبه من الكفلاء سافر وعاد بفيزا حرةودخل السعودية ودور على نقل كفالة بعد ان قضى عامه الاول لايص وعندها طلب منه الكفبل 5000ريال +2000 ريال ثمن الفيزا مع العلم هو دافع فى مصر 10000ثمن الفيزا

ولما تتفق على النقط دى لازم تشوف ايه الضمانات التى سوف تجعلة ينفذ هذ الاتفاق

يجب ان تسأل عن المهن التى تمت سعودتها يعنى هتلاقى شغل بالمؤهلات بتاعتك ولا لأ ومتوسط الرواتب كام علشان تعرف حسبها السفر جايب همه ولا لأ

اسأل عن السكن ومتوسط المصاريف لأن الدنيا هنا بتتغير بسرعة وان كان هناك اراء عديدة بأن شهد الفترة القادمة هبوط فى نواحى كتيرة

ملحوظة بعض الكفلاء هنا بسيبوا اعامل يعمل لحسابة ويحصلوا منه مبالغ مالية تختلف على حسب العمل

نصيحة اخيرة

اسأل كويس وانت لسه على البر

[فطوووطة]

بص يا اخ فطوطة ..

اولا .. البلد وضعها احسن من مصر شوية .. (مش كتير) بس عاوزه صبر و قدرة علي التحمل و كظم الغيظ و خاصة و انت بتتعامل مع الكفيل او اي تعامل ورقي .. و كل ما تقدم و تاخد خيرة في البلد اكيد هيكون وضعك احسن بفضل الله ..

ثانيا .. الدنيا هنا (في السعودية )مش الجنة اللي مستنياك .. اعمل حسابك هتتعب شوية ممكن توصل لسنة عشان تعرف تستقر و افضل حاجة انصحك بيها انك تشتغل في مجال المبيعات لو انت اشتغلت فيها قبل كده هتكون فرصة كويسه .. ان شاء الله ..

ثالثا .. عشان تشتغل عند اي حد لازم تنقل عليه كفاله عشان بتوع مكتب العمل لما بيعدوا علي اي شركة او مؤسسة و بيلاقو حد شغال في الشركة و مش علي الكفالة بيترحل و الشركة بتدفع غرامة 10000 ريال و لذلك اول حاجة هيقولك عليها صاحب العمل لازم تنقل كفاله عندي .. عشان تشتغل و خاصة في الشركات الكبيرة اللي ممكن تديك مرتب كويس ...

ثالثا .. انا من انصار المغامرة و البحث عن مصارد رزق جديدة .. و صدقني .. كل اما تتحرك و تشوف فرص او اماكن جديدة للشغل هتزيد خبرتك و بالتالي مرتبك ..

رابعا .. فرصة انك تجد عمل مناسب بتكون افضل لما تكون هنا في السعودية عن ما تكون في مصر

و ربنا ييسر لك الحال و يوفقك ..

الاخ العزيز بشكرك جدا على اهتمامك والرد على استفساراتى

ثالثا .. عشان تشتغل عند اي حد لازم تنقل عليه كفاله عشان بتوع مكتب العمل لما بيعدوا علي اي شركة او مؤسسة و بيلاقو حد شغال في الشركة و مش علي الكفالة بيترحل و الشركة بتدفع غرامة 10000 ريال و لذلك اول حاجة هيقولك عليها صاحب العمل لازم تنقل كفاله عندي .. عشان تشتغل و خاصة في الشركات الكبيرة اللي ممكن تديك مرتب كويس ...

طيب هو انا ان شاء الله اول مانزل وادور على فرصة شغل ووفقنى الله انى الاقى شغل براتب 2000 ريال وصاحب العمل يطلب منى انى انقل كفالتى علية علشان موضوع مكتب العمل دة طب ازاى حعمل كدة وانا كفالتى بتبقى مع الكفيل الى جايبلى الفيزا سنة وهل لو حصل ونقلت كفالتى صاحب العمل الى انا فية بيبقى هو الكفيل بتاعى بتبقى كفالتى عندة مثلا سنة طب وبعد السنة لو لاقيت فرصة تانية افضل وبراتب افضل الكفيل بيوافق انة ينقلى كفالتى ولا بيطلب منى برضة فلوس تمن نقل الكفالة يعنى انا كدة يعتبر الى حشتغل بية فى السنة حادفعة تمن نقل الكفالة فى كل مرة انا مش فاهم امال هيا اسمها لية فيزا حرة طيب

انا مابقتش فاهم حاجة او الى انا فاهمة انى حافضل على كفالة الكفيل الى جايبنى واتنطط فى البلد يعنى اشتغل فى الحاجة الى حالقليها لحد مايوفقنى ربنا واجد فرصة كويسة براتب كويس وساعتها انقل كفالتى انا كدة فاهم غلط بقى ولا اية معلش انا بتعبكم معايا باسئلتى الرخمة بس لا خاب من استشار

[madzoro]

موضوع السنة ده المقصود بيه انه مش هتقدر تنقل كفالة بعد وصولك الا بعد سنة .... انت لو عايز تستمر على نفس الكفيل لمدة اطول مافيش مشكلة ...

الفكرة ان اغلب الوظايف اللي ممكن تلاقيها اصحاب الشركات بتحتاج انك تنقل كفالة عليها ..... عشان تضمن حقها و تقدر تسلمك سيارة او بضائع او اي حاجة و كمان تبعد عن المشاكل اللي ممكن تواجها من الجوازات و مكاتب العمل و انت كمان تضمن حقك بالعقد اللي هتكتبه معاهم ان شاء الله

الخلاصة ان معنى الفيزة الحرة مش زي ما انت فاهم انك تدخل البلد و تشتغل عند اي شركة ... قانونا يجب عليك العمل عند الشركة التي تكفلك

فهي اول سنة بتدور على شركة و تتفاهم معاهم و ممكن تشتغل معاهم بس تعتبر مخالف لحد ماتعدي السنة و بعدها تنقل كفالة عليهم و تستمر معاهم بحسب المدة اللي تتفقوا عليها

بالتوفيق باذن الله تعالى

[Amr Radwan]

بص يا اخ فطوطة ..

اولا .. البلد وضعها احسن من مصر شوية .. (مش كتير) بس عاوزه صبر و قدرة علي التحمل و كظم الغيظ و خاصة و انت بتتعامل مع الكفيل او اي تعامل ورقي .. و كل ما تقدم و تاخد خيرة في البلد اكيد هيكون وضعك احسن بفضل الله ..

ثانيا .. الدنيا هنا (في السعودية )مش الجنة اللي مستنياك .. اعمل حسابك هتتعب شوية ممكن توصل لسنة عشان تعرف تستقر و افضل حاجة انصحك بيها انك تشتغل في مجال المبيعات لو انت اشتغلت فيها قبل كده هتكون فرصة كويسه .. ان شاء الله ..

ثالثا .. عشان تشتغل عند اي حد لازم تنقل عليه كفاله عشان بتوع مكتب العمل لما بيعدوا علي اي شركة او مؤسسة و بيلاقو حد شغال في الشركة و مش علي الكفالة بيترحل و الشركة بتدفع غرامة 10000 ريال و لذلك اول حاجة هيقولك عليها صاحب العمل لازم تنقل كفاله عندي .. عشان تشتغل و خاصة في الشركات الكبيرة اللي ممكن تديك مرتب كويس ...

ثالثا .. انا من انصار المغامرة و البحث عن مصارد رزق جديدة .. و صدقني .. كل اما تتحرك و تشوف فرص او اماكن جديدة للشغل هتزيد خبرتك و بالتالي مرتبك ..

رابعا .. فرصة انك تجد عمل مناسب بتكون افضل لما تكون هنا في السعودية عن ما تكون في مصر

و ربنا ييسر لك الحال و يوفقك ..

الاخ العزيز بشكرك جدا على اهتمامك والرد على استفساراتى

ثالثا .. عشان تشتغل عند اي حد لازم تنقل عليه كفاله عشان بتوع مكتب العمل لما بيعدوا علي اي شركة او مؤسسة و بيلاقو حد شغال في الشركة و مش علي الكفالة بيترحل و الشركة بتدفع غرامة 10000 ريال و لذلك اول حاجة هيقولك عليها صاحب العمل لازم تنقل كفاله عندي .. عشان تشتغل و خاصة في الشركات الكبيرة اللي ممكن تديك مرتب كويس ...

طيب هو انا ان شاء الله اول مانزل وادور على فرصة شغل ووفقنى الله انى الاقى شغل براتب 2000 ريال وصاحب العمل يطلب منى انى انقل كفالتى علية علشان موضوع مكتب العمل دة طب ازاى حعمل كدة وانا كفالتى بتبقى مع الكفيل الى جايبلى الفيزا سنة وهل لو حصل ونقلت كفالتى صاحب العمل الى انا فية بيبقى هو الكفيل بتاعى بتبقى كفالتى عندة مثلا سنة طب وبعد السنة لو لاقيت فرصة تانية افضل وبراتب افضل الكفيل بيوافق انة ينقلى كفالتى ولا بيطلب منى برضة فلوس تمن نقل الكفالة يعنى انا كدة يعتبر الى حشتغل بية فى السنة حادفعة تمن نقل الكفالة فى كل مرة انا مش فاهم امال هيا اسمها لية فيزا حرة طيب

انا مابقتش فاهم حاجة او الى انا فاهمة انى حافضل على كفالة الكفيل الى جايبنى واتنطط فى البلد يعنى اشتغل فى الحاجة الى حالقليها لحد مايوفقنى ربنا واجد فرصة كويسة براتب كويس وساعتها انقل كفالتى انا كدة فاهم غلط بقى ولا اية معلش انا بتعبكم معايا باسئلتى الرخمة بس لا خاب من استشار

اخي العزيز فطوطة ..

انا اقلت لك انت هتتعب في البلد دي و ان الوضع هنا مش الجنة المنتظرة .. يعني ممكن تتعب سنة و ممكن اكثر عشان تستريح بعدين ..

الحكومة هنا بتضيق الخناق علي ما يسمي بالفيزا الحرة .. و عشان كده طلع موضوع انك لازم تشتغل سنة (او 6 شهور مش فاكر )عند كفيلك .. و بعدها تقدر تنقل كفالة ..

يا فطوطة ..

عشان ما تحتارش و تقعد تفكر كتير و الوقت يسرقكك ... عاوز تطلع و تشوف الوضع اية هنا و تتقبله بصدر رحب اوكي .. و توكل علي الله .. لو خايف علي التاشيرة و علي الفلوس اكيد الوضع هنا مش بالاستقرار اللي يخليك مطمئن ...

انا طبعا مش عاوزك تحس اني بقفل الباب في وشك .. و زي ما انت قلت بقولك "طريقك مسدود مسدود يا ولدي " و لكن ..

خد المثل ..

يا بخت من بكاني وبكى عليي ، ولا ضحكني وضحك الناس علي (صح ؟؟!!)

انا كل الفكرة بقولك وجة نظري الخاصة .. و انت خد راي حبايبنا اللي معانا في المنتدي .. و استخير و اذا عزمت فتوكل علي الله ..

[abo_sameer]

ستاذ فطوطه الفاضل اسمح لي افهم منك ما يلي

حضرتك دي الوقت في مصر ولا في السعوديه .؟؟

لازم تعرف انك تنزل السعوديه على كفيل وشركه وفي عقد بينك وبين الشركه . هل التاشيره الي حضرتك حصلت عليها اتفقت مع الكفيل انه يسمح لك تشتغل برا .؟؟؟ ولا انت عايز كدا ,؟

انا هفترض حضرتك طالب تشتغل برا مش عايز كفيل , فبقو لك

موقف حضرتك هيكون صعب شوي الا لو ليك حد معرفه في السعوديه وفي المدينه الي حضرتك نازل عليها . عشان يساعدك في كل حاجه من اول ما تنزل المطار .؟؟ ويسعادكبطريقته في البحث عن فرص عمل.؟؟ . لان ما عندكش كفيل هيامن لك عمل .؟؟ انت نازل ومشتري التاشيره .؟؟ ف الكفيل قبض مستحقاته , ف مش هيامن لك عمل ولا شغل ولا حتي مرتبه عشان تنام عليها ,؟؟؟

لازم يكون لك حد معرفه في السعوديه . لو ما كانش ليك معرفه . الكفيل افضل ليك على الاقل سنه لحد ما تبتدي تكون معارف وعلاقات . وبعد كدا تكون عرفت السكه

اتمنى لك غربه موفقه

[فطوووطة]

يا جماعة دلوقتى الراجل السعودى الى حيبعتلى الفيزا طالب منى انى احول لية الفلوس ثمن الفيزا وانا قلقان جدا انى احولة الفلوس وانا لسة ماشفتش التاشيرة اعمل اية

[jamalpody]

اياك تجازف النصابين كتييييييييييييييييييييييييييييير ومش حتاخد منه لا حق ولا باطل

ممكن تتفق معاه انك ترسل له الفلوس بمجرد متاخد التأشيره علي الجواز

وبلاش تشتري سمك في ميه

[tarek nokia]

طيب انت عارف حتشتغل ايه هنا الوضع مش سهل زي مانت مفكر يعني ممكن تجلس 6 اشهر تدور على عمل وماتلاقيش وممكن تلاقي من اول اسبوع وموضوع انك تشتغل بالتكيف الباكستنين مالين البلد وموضوع المبيوتر كله هنود وبنجال ولو مصري بيكون قليلومش الراتب الكبير يعني ممكن 3000 ريال ده مع التفائل يعني انتا عايزسنتين عشان تسد ديونك ارجو ان الصورة تكون واضحة ولو انت مش لاقي غير انك تسافر للسعودية يبقا جرب وربنا يوفقك يعني خليها اخر الحلول

[hgalal]

انصحك يا أخي لا ترسل النقود إلا بعد الحصول على الفيزا أولاً وفكر كويس في كلام الإستاذ Tarek Nokia