صباح الخير يا سعودية

[doha]

بشرى ساره لمشتركي شبكة الجوال stc

من الغد 21 نوفمبر ولمدة شهر

جميع المكالمات الصادرة من موبيل الجوال او stc يعني الى موبيل stc او الهاتف الثابت

مجاناً

مجاناً

مجاناً

بالتلاته

اظن مالكش حجه يا موديست ...

بطل بقى ميسدات وكلمني شكراً

جميع مشتركي الهاتف ( المفوتر ) يعني ( ابو فاتورة ) مش الكارت المدفوع مقدما ..

يعني الي بتيجي له فاتورة كل شهر بمكالماته ده له شهر مجانا اما الي بيشحن رصيد يتكلم بيه فده مش منطبق عليه العرض ..

[doha]

بيقولوا في امطار وسيول ممكن تكون شديده على الرياض الجمعه الي بعد بكره والسبت باذن الله ..

الرياض -واس

دعت مديرية الدفاع المدني بمنطقة الرياض المواطنين إلى أخذ الحيطة والحذر نظراً لتوقع هطول أمطار وسيول بكميات كبيرة على مدينة الرياض يومي الجمعة والسبت القادمين بمشيئة الله تعالى. وقالت المديرية في بيان لها امس إنه بناء على التقرير الصادر عن الرئاسة العامة للأرصاد وحماية البيئة المتضمن حالة الطقس المتوقعة على المملكة خلال 24 ساعة القادمة فإن الفرصة ما زالت مهيأة بإذن الله تعالى لهطول أمطار وتكون سحب رعدية تؤدي إلى سيول // حزام سحابي يمتد من غرب وجنوب المملكة حتى المنطقة الشرقية مروراً بوسط المملكة // مع الفرصة لتكون الضباب ، ويستمر تأثير الكتلة الهوائية الباردة على مناطق شمال وشرق ووسط المملكة وتمتد إلى مناطق جنوب المملكة خاصة الداخلية مصحوبة بنشاط في الرياح السطحية مما يحد من مدى الرؤية الأفقية على المناطق (الوسطى - المنطقة الشرقية والشمالية منها - الحدود الشمالية ) إلى أدنى من خمسة كيلو مترات بالإضافة إلى ما تناقله محللو الظواهر الجوية العالمية في بعض الدول من توقع هطول أمطار وسيول بكميات كبيرة بإذن الله وبالأخص على مدينة الرياض ليومي الجمعة والسبت فإنها تود من المواطنين الكرام أخذ الحيطة والحذر .

المصدر

http://www.alriyadh.com/2009/12/01/article478548.html

نقول ايه بقى الي فاتته جده يشد حيله هنا ياجماعه دول مليون ريال مش شويه

ربنا يحفظنا جميعا وكل من نحب من اي سوء يارب ..

[القعقاع بن عمرو]

السلام عليكم ورحمة الله وبركاتة

لو سمحتو انا محتاج رد بالسرعة على الاستفسار انا المفروض انى هابعت الورق بتاعى للشركة وهما هايبعتو الفيزا بس قالولى لازم يختم من السفارة السعودية والخارجية المصر الخارجية دى سهلة بس السفارة السعودية دى ازاى بارك الله فيكم

[doha]

السلام عليكم ورحمة الله وبركاتة

لو سمحتو انا محتاج رد بالسرعة على الاستفسار انا المفروض انى هابعت الورق بتاعى للشركة وهما هايبعتو الفيزا بس قالولى لازم يختم من السفارة السعودية والخارجية المصر الخارجية دى سهلة بس السفارة السعودية دى ازاى بارك الله فيكم

المفروض المكتب الي بيخلص لك اجراءات السفر كلها بما فيها توثيق الاوراق ..

نفس مكتب العماله الي هياخذ منك جواز السفر عشان يحط لك عليه التاشيرة هو برضه هياخذ منك شهاداتك واوراقك الي لازمها توثيق ويوثقها لك مقابل مبلغ اضافي ..

بتديله الورقة الي عاوز توثقها مثلا عقد الزواج وبياخذ على كل ورقة مبلغ في حدود 100 جنيه .. بس على حد علمي توثيق المؤهل بالذات بيكون من ضمن فلوس المكتب الي واخدها عشان يطلع لك التاشيرة ..

طيب لو انت لسه مش بتتعامل مع مكتب معين ومطلوب الشهادات دي موثقة قبل مايتعاقدوا معاك .. هتتصل بدليل الهاتف 140 وتقوله اديني رقم مكتب الحاق عماله بالخارج .. هتكلمهم وتقولهم انتم بتخلصوا اوراق من القنصلية السعوديه لو قالوا لك ايوه خذ العنوان وروح لهم بالورق لو قالوا لك لاه قلهم طيب مين من المكاتب ممكن بيعملها .. هيرشحوا لك اسم او اثنين لان بيكونوا معروفين بالنسبة لبعض .. هتتصل بالدليل تاني وتجيب رقم الشركه الي قالوا لك عليها وتعيش حياتك ..

بس سهله ..

[القعقاع بن عمرو]

السلام عليكم ورحمة الله وبركاتة

بارك الله فيكى بس حضرتك ما اخدتيش بالك من السؤال اللى طالب الورق هو الشركة السعودية هناك لسة مفيش فيزا ولا حاجة هما عايزيين الورق علشان يطلعو الفيزا ومحتاجين التوثيق من الخارجية المصرية والقنصلية السعودية ومعلش عايز تاكيد على حتة كل ورقة ب100 وجزاكى الله خير

[doha]

السلام عليكم ورحمة الله وبركاتة

بارك الله فيكى بس حضرتك ما اخدتيش بالك من السؤال اللى طالب الورق هو الشركة السعودية هناك لسة مفيش فيزا ولا حاجة هما عايزيين الورق علشان يطلعو الفيزا ومحتاجين التوثيق من الخارجية المصرية والقنصلية السعودية ومعلش عايز تاكيد على حتة كل ورقة ب100 وجزاكى الله خير

مهو عشان كده قلت لحضرتك لو مفيش مكتب محدد لسه فروح اي مكتب بتاع سفريات هم يوثقوها لك لان على حد علمي الافراد مش مسموح لها تتعامل مباشرة مع القنصلية لازم مكاتب

بالنسبة للسعر انا مش متاكده منه هل المية لكذا ورقة ولا الواحده بس بمية على كل حال اسال في كذا مكتب عشان تضمن انك حصلت على السعر العادل ..

لو حضرتك من القاهرة نفسها فممكن تبحث في المحاورات هنا اذكر كان في موقع بيشرح طريقة التوثيق من مكان ما مش فاكره ايه هو وبمبلغ اقل كتير من لو وثقتها بالطريقة الي بقولك عليها .. بس لو حضرتك من الاقاليم فالافضل تشوف مكتب لان هتلاقي بعد تكاليف المواصلات هي هي وطبعا المكتب اريح بالنسبة لك ..

وربنا معاك باذن الله يكتب لك الي فيه الخير ..

[أبو عمر المصري]

لى سؤال لو تكرمتوا بخصوص تأشيرات الزياره

والدتى بدولة الأمارات العربيه فى زياره لأخي الذي يعمل هناك

السؤال هل من الممكن ان استخرج لها تأشيرة زياره لـتاتى الى الرياض من الأمارات مباشرة وبعدها تنزل الى القاهره ؟؟

ام انه لازم التأشيره تصدر على القاهره ولابد من نزولها الى القاهره أولا وتخرج منها الى الرياض ثانية ؟؟

وهل من وسيله أخرى لأحضارها هنا غير تاشيرة الزياره ؟

[القعقاع بن عمرو]

السلام عليكم ورحمة الله وبركاتة

بارك الله فيكى كدة وضحت الصورة وجزاكى الله خيرا على الدعوة علشان انا محتاج دعوة كل واحد صالح

[se_ Elsyed]

لى سؤال لو تكرمتوا بخصوص تأشيرات الزياره

والدتى بدولة الأمارات العربيه فى زياره لأخي الذي يعمل هناك

السؤال هل من الممكن ان استخرج لها تأشيرة زياره لـتاتى الى الرياض من الأمارات مباشرة وبعدها تنزل الى القاهره ؟؟

ام انه لازم التأشيره تصدر على القاهره ولابد من نزولها الى القاهره أولا وتخرج منها الى الرياض ثانية ؟؟

وهل من وسيله أخرى لأحضارها هنا غير تاشيرة الزياره ؟

لأ لازم التأشيرة تصدر من القاهرة يا فندم

لأ مافيش وسيلة تاني غير تأشيرة الزيارة وإلا تجيبها عُمره بقى

[أبو عمر المصري]

لى سؤال لو تكرمتوا بخصوص تأشيرات الزياره

والدتى بدولة الأمارات العربيه فى زياره لأخي الذي يعمل هناك

السؤال هل من الممكن ان استخرج لها تأشيرة زياره لـتاتى الى الرياض من الأمارات مباشرة وبعدها تنزل الى القاهره ؟؟

ام انه لازم التأشيره تصدر على القاهره ولابد من نزولها الى القاهره أولا وتخرج منها الى الرياض ثانية ؟؟

وهل من وسيله أخرى لأحضارها هنا غير تاشيرة الزياره ؟

لأ لازم التأشيرة تصدر من القاهرة يا فندم

لأ مافيش وسيلة تاني غير تأشيرة الزيارة وإلا تجيبها عُمره بقى

طيب مش ممكن اعمل لها زياره تصدر على سفارة المملكه في الأمارات ؟

لو ماينفعش

طيب تأشيرة العمره دي هاتكون على الأمارات ولا مصر ؟

ولو فيه امكانيه تكون اقامه مش زياره على اساس انها بتكون اسهل في عمليه دخولها وخروجها من تأشيرة الزياره هل ده ممكن ؟

واشكرك يا سي السيد على الرد

[كوكو]

اخوانى فى المنتدىاطلب منكم طلب والى يقدريفيدنى فيه باى معلومه جزاه الله كل خير انا مقيمه فى جده مع زوجى وبروح وبجى عشان مدارس الاولاد فى مصر بطلب منكم تعريفىطريق اى حد بيبيع تاشيرات لاخى وهو حاصل على بكاريوس حاسب الى وممكن تاشيره باى مهنه بس مهنه نقدر نغيرها وجزاكم الله كل خير

[doha]

اخوانى فى المنتدىاطلب منكم طلب والى يقدريفيدنى فيه باى معلومه جزاه الله كل خير انا مقيمه فى جده مع زوجى وبروح وبجى عشان مدارس الاولاد فى مصر بطلب منكم تعريفىطريق اى حد بيبيع تاشيرات لاخى وهو حاصل على بكاريوس حاسب الى وممكن تاشيره باى مهنه بس مهنه نقدر نغيرها وجزاكم الله كل خير

نصيحه اختي الكريمه طالما سألتي في المنتدى يبقى متعرفيش حد بنفسك ممكن يفيدك في الحكايه دي وطالما كده فنصيحة متلجأيش لشراء فيزا حرة لانك متضمنيش الي هياخذ الفلوس دي هيجيب الفيزا فعلا ولا هياكلها عليك وحتى لو جاب الفيزا متضمنيش هيساومك بعد كده على فلوس ايه عشان تفضل الفيزا سارية متتلغيش والاهم متضمنيش ان بعد ماتدفعي ويدخل البلد فعلا ان الكفيل يبلغ عنه هروب عشان ( يقلبه ) ويجيب غيره ..

النصب في موضوع الفيز ده كتير جدا وحتى لو الي بايع لك الفيزا مش ناوي ياكل فلوسها عليك وهتاخذي ضمانات مثلا فانتي برضه ممكن في النهاية وبعد تعب شهور من اللف والدوران تستردي فلوسك بس بعد مايكون انحرق دمك واعصابك ومطلتيش حاجه ..

وبرضه حتى لو مش عاوزه فلوسك ومصرة ان الفيزا تيجي ممكن تنتظري كتير اوي وتضيعي على نفسك فرص تانيه افضل الى ان تاتي الفيزا الي اتدبستي في ثمنها .. (( اعرف وحده اشترت فيزا لابنها من حد مضمون لهم وبرغم كده الابن جاء بعد سنة تقريبا من دفع المبلغ نتيجه ان الكفيل اصلا مكانش عنده فيز وكان لسه مستني يطلع والابن قاعد في مصر مش راضي يرتبط باي شغل ولا يعمل حاجه عشان كل اسبوع يقوله خلاص انت مسافر الاسبوع الجاي ))

بالنسبة لأخوا حضرتك فاسلم حاجه وطالما انه بكالوريوس حاسب يعني مهنة مطلوبة انه يروح يقدم في مكاتب الاستقدام المنتشرة في مصر .. هيتصلوا بيه باذن الله بعد فترة يروح يعمل مقابلة واثنين وعشرة .. يختار افضل عرض ويطلع عليه ..

طبعا البعض ممكن يقولك ان مكاتب الاستقدام بتجيب عقود هزيلة في الرواتب .. بس لو حسبتيها هتلاقي ان تكاليف الفيزا الحرة الي هتدفعيها لو اتقسمت على شهور العقد هتطلع هي هي في الآخر تقريبا ان لم يكن اكتر ..

اهم حاجه يعمل العقد سنتين بس في خلال السنتين دول يكون اكتسب خبرة كويسه .. وبعدها اما انه يكمل مع نفس الناس او انه يرجع مصر ويرجع على شغل تاني براتب اكبر نتيجه خبرته الي اكتسبها هنا ..

طبعا في اثناء انتظاره لرد المكتب عليه لازم يكون بيطور نفسه فياريت يشتغل في اي شركه كمبيوتر او ماشابه ان مكانش شغال فعلا عشان الخبرة هتفرق معاه باذن الله واي يوم زياده فيها اكيد افضل ..

[ozoozo]

النهارده كانز البيبسي غلي بقي بريال ونص

بعد حوالي عشرين سنه تقريبا-علي حسب مابسمع- من ثبات سعره علي ريال واحد

ياتري دي مقدمه لموجه غلاء قادمه في المملكه

ربنا يستر

[doha]

النهارده كانز البيبسي غلي بقي بريال ونص

بعد حوالي عشرين سنه تقريبا-علي حسب مابسمع- من ثبات سعره علي ريال واحد

ياتري دي مقدمه لموجه غلاء قادمه في المملكه

ربنا يستر

يااااااااااه

ده انا طول عمري بضرب المثل بالكانز انه من واحنا اطفال طول عمره بريال بعكس في مصر نسافر ونرجع اول مايلفت نظري ان البيبسي غلي ..

يجوز موجه غلاء ويجوز لان الاقبال عليه معادش زي الاول نتيجه المقاطعه من جهة ومن جهة ثانيه لان في قرار من زمان بمنع بيعه في المدارس ..

الله اعلم ربنا يستر على كل حال ..

وجه اليوم الي شفت فيه الكانز بريال ونص .. لازم اراجع نفسي كده في ثوابت كتير تانيه ..

[كوكو]

الف الف شكرdoha على نصايحك القيمه وجزاك الله كل خير يارب وفعلا اسلم طريق هو مكاتب الاستقدام خوفا من اى عمليه نصب وجزاك الله كل خير مره ثانيه

[rewsha]

النهارده كانز البيبسي غلي بقي بريال ونص

بعد حوالي عشرين سنه تقريبا-علي حسب مابسمع- من ثبات سعره علي ريال واحد

ياتري دي مقدمه لموجه غلاء قادمه في المملكه

ربنا يستر

طب ضيف المعلومه دي (الكوكا كولا )لسه بريال

خلاص ...بلاها بيبسي .....خد كوكاكولا

كوكااااا كوكاااا هو هو :blush2:

[ام منة الله]

السلام عليكم

انا مقيمة فى السعودية مع زوجى ونزلت مصر وتم اجراء عملية جراحية لى وانتهت تأشيرتى انا والاولاد وقدمت طلب مد تأشيرة على النت ومكتب العمالة هنا مدوخنى بقالى اسبوعين حد يعرف حاجة او عنده حل يفيدنى اعمل ايه أو اعرف اذاى ان طلب مد التأشيرة اتوافق عليه علما بأن زوجى صدق الطلب من الغرفة التجارية بالسعودية واخد رقم التصديق

[القعقاع بن عمرو]

السلام عليكم ورحمة الله وبركاتة

لو سمحتو يا جماعة انا بدور على موضع توثيق الشهادة معرفتش اوصلة فبللة عليكم اللى يلاقى الموضوع يسبلى اللينك بتاعة يبقى جزاة الله خير

[mamdowh]

انا لسه موثق شهادتى من الخارجية المصرية فى شارع احمد عرابى وطبعا ده سهل تدفع وتختم شهاتك وتمشى ثم الخطوه التانيه من القنصليه السعوديه فى مصر ودى بتتم على ((( مرحلتين المرحلة الاولى تختمها من مكتب تابع للقنصلية فى ميدان المساحة امام مجلس الدوله اللى قبل الشيراتون وطبعا بتدفع رسوم وبيطلبوا منك خطاب موجه من جهة العمل اللى انت فيه للقنصلصلية السعودية بيطلبوا فيه توثيق شهادتك ويكون موثق من الغرفة التجارية ,دى اول مرحلة اذا تمت على خير تطلع على القنصلية اللى فى جاردن سيتى لاستكمال بقية الاختام والطوابع وتدفع رسوم تانى وطبعا زى ما انت عارف مفيش تعامل مباشر مع الجمهور فى القنصلية فلازم سعادتك تروح شركة تديها الشهادة والفلوس وتعالى بعد أسبوع))))) ملحوظه اذا لم يكن معاك خطاب او لا يوجد معك الا الشهادة فقط فالخطوات اللى بين القوسين دى مش هاتتم الا عن طريق ناس عند المكتب اللى فى ميدان المساحة

[عاشق الترحال]

الأخت كوكو بخصوص موضوع التأشيره الحره ( نظامياَ مفيش حاجه اسمها تأشيره حره ) وخلى بالك زي ما تفضلت الأخت ضحى وحذرتك من النصب فى الموضوع ده.

ممكن لو زوجك يعرف حد سعودي محترم وثقه يستخرج له فيزا سائق خاص ومش هتتكلف أكتر من 2000 ريال بس المشكله أنها كفاله فرديه يعني أخوكي مش هيقدر ينقل كفاله على شركه أو مؤسسه .

ممكن زوجك يسأل فى الشركه اللي هو شغال فيها ممكن يكون فيها تأشيرات وعاوزين موظفين أو شركه يكون له صديق فيها .

ممكن أن أخوكي يعمل c v ويروح شارع القصر العيني ومنطقه جاردن ستي يوزعها عالمكاتب هناك فيه شركات كتيره وكل ماهتيجي فرص هيتصلوا بيه علشان يروح يعمل مقابلات هناك.

ممكن برضه زوجك يشوف شركات الإستقدام والتوظيف هنا بس يتفق معاهم أن مفيش دفع إلا لما يستلم التأشيره .

وعاوز ألفت إنتباه الأخوه لنقطه أنه لما شخص ما يعرض علينا فيزا بنقوله أننا هنتأكد منها فى الخارجيه علشان نعرف صحيحه ولا أونطه بس ده مش كفايه لأن فعلاَ التأشيره ممكن تبقى سليمه ولكن الشخص ده يبيعها لك ولأكثر من مشتري فى نفس الوقت واللي هيفوز بيها هو الشخص اللي هيخلص أوراقها الأول فياريت منبقاش ندفع فلوسنا مره واحده كده .

وللأسف لمعرفه تجار التأشيرات بظروف الشباب وخصوصا فى مصر بيتعززوا ولو رحت تقوله أنا مش هدفع فلوس الا لما أخلص التأشيره هيقول مع السلامه .

أنا كفيلي الأول كان مستثمر مصري واشتريتها منه ب 12000 ريال والكلام ده من حوالي سنتين ونصف وخلاني عملت له اقرار مصدق من الشهر العقاري بأني اشتريتها منه بكلام فارغ وغصب عنى عملت له اللي هو عاوزه علشان مضطر.

دي مجرد إقتراحات وأكيد هتلاقي ناس أكتر مني خبره فى المحاورات ممكن يفيدونا بهذا الخصوص .

تم تعديل 17 ديسمبر 2009 بواسطة عاشق الترحال