صباح الخير يا سعودية

[MemoG]

شكرا سي السيد

طيب كام مداخلة

وتقصد بالمدخلات الجادة ردودي علي بعض المواضيع

او طرح بعض الاستفسارات بخصوص مواضيع بدور في

ذهني واريد اجابة لها

[MemoG]

وكان ليا سوال عن جمارك الاجهزة الكهربائية لو حبيت اشتري من هنا وانزلها مصر بتتحسب ازاى

بالنسبة للبتوجاز والغسالة والثلاجة والميكروويف والتليفزيون lcd

وهل اطقم الاركوبال والحلل الستاليس بتتجمرك ولا

انا كنت سألت نفس السؤال في موضوع تاني لكن محدش رد عليا

ياريت لو عندك أي معلومات تفدني بيها

زي ماحضرتك معودنا ديما

[ينبع]

السلام عليكم

عندى استفسار

زوجى عملى استقدام واخذالورقه الصفراء كل ما بدخل الموقع اللى بيجيب منه الورقه دى يقولى لسه مع انى مدخله رقم الاقامه والتأشيرة مش عارفه ليه مش بتقبل هى بتأخذ وقت عشان اجيبها من على النت

معلش دوشه دماغكم

[mafroza]

السلامه عليكم جميعا

حد يدلنى يا جماعة بالله عليكم

انا اعمل فى شركة كبيرة ومرتبى حوالى 1100 جنيه مصرى وجيلى عقد عمل فى السعودية 3000 ريال وتذاكر الطيران على حسبهم رايح جاى والمسكن عليهم مع العلم انى متزوج ومعى طفل ارجو الافادة وجزاكم الله خير

العقد بسنه وقابل للتجديد وبعد سنه ممكن اضم المدام معايا اعمل ايه فدونى باللع عليكم

تم تعديل 7 يناير 2010 بواسطة mafroza

[doha]

وكان ليا سوال عن جمارك الاجهزة الكهربائية لو حبيت اشتري من هنا وانزلها مصر بتتحسب ازاى

بالنسبة للبتوجاز والغسالة والثلاجة والميكروويف والتليفزيون lcd

وهل اطقم الاركوبال والحلل الستاليس بتتجمرك ولا

انا كنت سألت نفس السؤال في موضوع تاني لكن محدش رد عليا

ياريت لو عندك أي معلومات تفدني بيها

زي ماحضرتك معودنا ديما mft:

على حد علمي الحلل الاستانلس معليهاش جمرك لان ياما نزلنا منها ومحدش خد منها حاجه كذلك التلفزيون العادي المفروض عليه جمرك لكن من سنتين تلاته كده والدتي كانت مسافرة واخذت معاها واحد ومتجمركش .. اما الال سي دي فوحده اعرفها لسه من كام شهر جابت واحد 32 تقريبا ودفعت فيه جمرك حوالي 3000 جنيه :waf:

كاميرا الفيديو والاشياء الصغيره عليها جمرك على مااظن بس تقدري تحطيها في شنطتك ومحدش بيدق اوي ..

الجمرك اجمالا بشوف انه حظوظ يعني لو معاكي حاجه باينة اوي زي تلفزيون كبير او غسالة ده لازم هيتجمرك اما لو حاجه في شنطتك هم غالبا مش بيفتشوا الشنط اصلا ..

[MemoG]

شكرا يامدام ضحي

طيب اشحن عن طريق مكتب شحن يعني بري

ولا اشحنها معي وانا مسافرة علي الطيارة

وهل الجمارك نفسها ولا بتختلف

[doha]

شكرا يامدام ضحي

طيب اشحن عن طريق مكتب شحن يعني بري

ولا اشحنها معي وانا مسافرة علي الطيارة

وهل الجمارك نفسها ولا بتختلف

الحاجة الي هتنزل مع شحن بري هتتجمرك هتتجمرك .. يعني هياخذ منك وزنها وجمركها .. لكن لو هتاخذيها معاكي في الطيارة فاحتمال كبير متتجمركش ..

عن نفسي افضل تاخذي الاشياء الخفيفة الي في امل انها متتجمركش .. مثلا كاميرا فيديو ولا موبايلات ولا ميكروويف .. برضه لو في ال سي دي خذيها معاكي افضل عشان تضمني متتخبطش في الطريق او كده لان الال سي دي لازم له ( عدلة ) خاصه يعني مينحطش على وجهه وهكذا ..

انما لو غساله او ماشابه اشحنيها بري افضل

وعلى فكره انتي ممكن تشحني الاشياء الكبيرة برضه معاكي على نفس الطيارة اظن بتروحي قبلها بيوم وتشحنيها واعتقد الكيلو بثلاثه ريال فقط حاجه زي كده .. بس لما تيجي تستلميها مش هتاخذيها معاكي زي الامتعه الي بصحبتك على الطيارة وانما بعدها بيومين تلاته كده بتروحي تاخذيها من قرية البضائع وطبعا بتدفعي عليها جمرك اكيد ..

[doha]

السلامه عليكم جميعا

حد يدلنى يا جماعة بالله عليكم

انا اعمل فى شركة كبيرة ومرتبى حوالى 1100 جنيه مصرى وجيلى عقد عمل فى السعودية 3000 ريال وتذاكر الطيران على حسبهم رايح جاى والمسكن عليهم مع العلم انى متزوج ومعى طفل ارجو الافادة وجزاكم الله خير

العقد بسنه وقابل للتجديد وبعد سنه ممكن اضم المدام معايا اعمل ايه فدونى باللع عليكم

استخير ..

واعتقد كل سنة هتقعدها في شركتك الكبيرة هتبقى مكسب ليك اكثر من العقد بتاع السعودية لان اولا انت بتكتسب خبرة في شركه لها اسمها وده في صالح السي في بتاعتك .. وثانيا السعودية بتحب تاخذ الشخص ( الجاهز ) وبتدفع له على هذا الاساس .. فكل ماتاخرت سنة كل مازادت المبلغ المتوقع وجوده في العرض ..

الميزة الوحيده في عرضك الحالي هي لو ابنك لسه صغير يعني مش هتحتاج مدارس دلوقت فممكن تطلع العقد ده على اساس ان بعد كده حتى لو المبلغ المعروض عليك زاد هتروح الزياده في مصاريف المدرسة ..

بس اجمالا ورايي الشخصي خليك في مصر احسن طالما ان الشركه كبيرة وطالما بتكتسب منها خبرة والاهم لان العقد بيقولك لسه بعد سنة هيسمح لك باستقدام زوجتك وبصراحه المبلغ مش مشجع اوي انك تتركهم سنة وياعالم بعدها ايه خاصه وانك شغال في مصر فعلا ..

[MemoG]

طيب يا مدام ضحي لو انا هاشحن الحاجة قبل السفر

يعني لو معايا وزن زائد شنطة ملابس وطقم استالس ستيل

و2طقم اوركوبال كبير 95 قطعة او اكتر

هدفع عليهم وزنهم*3 ريال بس

ولا هدفع عليهم جمرك كمان

ولو حبيت اسال بالضبط علي التفاصيل دي اسال فين

المكتب اللي بنحجز منه التذاكر ولا المطار في مصر

ومعليش تعباكي معايا

وهل الجمارك نفسها لوشحنت علي الطيارة

ولابتختلف لو شحنت بري

لانى سمعت المطار بيجمرك اغلى من البري

تم تعديل 7 يناير 2010 بواسطة MemoG

[mafroza]

جذاك الله خيرا بس انا ابنى عنده سنه ونصف والمدام حامل وانا عندى خبرة 10 سنين

بس عاوز اعرف الاكل والشرب فى مدينه الرياض حصرف كام وانا مرتبى 3000 ريال

وممكن يزوده المرتب كل سنه والا لا بس هما قالوا فى ذياده سنويهارجوا الرد بالله عليكم

تم تعديل 7 يناير 2010 بواسطة mafroza

[doha]

طيب يا مدام ضحي لو انا هاشحن الحاجة قبل السفر

يعني لو معايا وزن زائد شنطة ملابس وطقم استالس ستيل

و2طقم اوركوبال كبير 95 قطعة او اكتر

هدفع عليهم وزنهم*3 ريال بس

ولا هدفع عليهم جمرك كمان

ولو حبيت اسال بالضبط علي التفاصيل دي اسال فين

المكتب اللي بنحجز منه التذاكر ولا المطار في مصر

ومعليش تعباكي معايا

وهل الجمارك نفسها لوشحنت علي الطيارة

ولابتختلف لو شحنت بري

لانى سمعت المطار بيجمرك اغلى من البري

لو هتشحني الحاجه قبل السفر هتدفعي عليها 3 ريال للكيلو تقريبا وهتدفعي عليها جمركها كامل مفيهوش كلام .. ده لو عليها جمرك طبعا

اما لو هتشحنيها بري مع شركات الشحن فممكن تدفعي جمرك اقل على اساس ان بيكون لهم طرقهم وغالبا مش بيتجمركوا .. هو بياخذها منك ( شروة ) يعني هنزل الحاجات دي مصر الكيلو بكذا ( اظن ريالين ) ولو حاجه بتتجمرك بوتاجاز مثلا بيقولك هو كله على بعضه مثلا 500 ريال بشحنه بجمركه بتوصيله .. وهكذا ..

بس عيب الشحن البري انه مش مضمون اوي يعني ممكن لو حد متعرفيهوش كويس ياخذ الحاجه وميسلمهاش او يسلمها مكسوره

لو هتاخذي الحاجه معاكي على الطيارة ممكن يسمحوا لك بوزن زايد مجانا .. وساعات تانيه بيلتزموا بالقوانين وهي حوالي 20 الى 25 ريال لكل كيلو زياده .. وساعات تالته بيعدوا لك بعض الوزن ويحاسبوكي على البعض الآخر ..

على كل حال لو انتم عددكم كبير يعني مثلا اربع او خمس افراد اجمالي الوزن بتاعكم بيكون مية مثلا فاظن لو زاد الوزن ووصل مية وخمسين او ماشابه معتقدش هيدققوا معاكم اوي خاصه لو الطيارة طالعه فاضية نسبيا يعني على حسب الوقت الي مسافرة فيه برضه ..

واخيرا بالنسبة لطقم الحلل والاركوبال فابعتيهم بري افضل مظنش ابدا هيكون عليهم جمرك هتدفعي وزن بس لكن اسألي عن حد مضمون الاول ( عن نفسي معرفش حد بكل اسف ) . .

[se_ Elsyed]

جذاك الله خيرا بس انا ابنى عنده سنه ونصف والمدام حامل وانا عندى خبرة 10 سنين

بس عاوز اعرف الاكل والشرب فى مدينه الرياض حصرف كام وانا مرتبى 3000 ريال

وممكن يزوده المرتب كل سنه والا لا بس هما قالوا فى ذياده سنويهارجوا الرد بالله عليكم

موضوع المصاريف بالرياض والسعودية قُتل بحثاً

من فضلك أتعب شويه وأقرا في باب المغتربين

[doha]

جذاك الله خيرا بس انا ابنى عنده سنه ونصف والمدام حامل وانا عندى خبرة 10 سنين

بس عاوز اعرف الاكل والشرب فى مدينه الرياض حصرف كام وانا مرتبى 3000 ريال

وممكن يزوده المرتب كل سنه والا لا بس هما قالوا فى ذياده سنويهارجوا الرد بالله عليكم

حضرتك وزوجتك هتسكنوا لو في مكان اي كلام ( حته شعبيه يعني ) في حدود العشر او 11 الف .. لو هتسكنوا في حته الى حد ما متوسطه مش اقل من 17 الى عشرين الف .. لو هتسكنوا في شقة نظيفة يبقى من 23 او 25 وانت طالع .

يعني مبدئيا متعملش حسابك انك تحوش من بدل السكن وانما هتضطر تدفع من راتبك احيانا عشان تكمل ايجار البيت ده اولا ..

ثانيا لو حضرتك من النوع المدبر انت وزوجتك يعني بتعرفوا تمسكوا على ايديكم صح فمصاريف الاكل والشرب هنا هي تقريبا نفسها في مصر .. يعني الاسعار واحده تقريبا ..

طبعا ممكن تكون في مصر ماسك ايدك وتيجي هنا ( عينك تزغلل ) على المغريات في السوبرماركتات لان الحياه هنا استهلاكية بدرجه كبيرة جدا ..

عامة لو انت عاوز تعيش هنا بس لمجرد انك تعيش حياه معقوله مش هقول مرفهة ولا اعلى من حياتك في مصر ولكن الى حد ما ( مرتاحه ) ممكن تقبل العرض في الحالة دي وثلاث الاف في الشهر كويسين انك تتفسح بيهم وتاكل وتشرب وتنام ..

لكن لو عاوز تحوش فمظنش المبلغ ده هيكفيك الا انك تحوش عشرة او عشرين الف بعد سنتين او تلاته ومظنش برضه ان المبلغ ده مستاهل انك تتغرب عشانه والاهم انك تترك وظيفتك عشانه .. لو كنت بلا عمل في مصر كنت شجعتك وبرضه لو لم تكن متزوج لكان العرض ممتاز .. لكن بوضعك فاعتقد تحسن من امكانياتك افضل بحيث تخرج على راتب قد ده مرتين على الاقل .. خبرة عشر سنوات مش قليلة ابدا اكيد في مشكلة ما هي الي منعت ان حضرتك تلاقي عرض اعلى من الي انعرض عليك ده .. حاول تحل المشكلة دي عشان تبقى في حجمك الطبيعي الي تستحقه والي يؤهلك لعرض اعلى من ده وبكتير ..

واكيد استخير عشان محطش في ذمتي نصيحة ممكن متكونش في محلها ..

[MemoG]

شكرا يامدام ضحي

انا عارفة اني تعبتك باسألتي

[mekkawy]

السلام عليكم و رحمة الله و بركاته

أخوكم أبو سلمى - مدير مبيعات - حابب اتعرف عليكم و انضم لأسرة المنتدى الجميل النافع ده ... انا الحقيقة متابع المنتدى من زمان و نفعني جداً و الله في تعاملي مع العروض اللي كانت بتتقدملي لأني تقريباً قرأت كل ما يخص السعودية

لحد الحمد لله ما وفقت في عرض كويس بفضل الله ثم نصائحكم .. و المفروض ان شاء الله اكون موجود في الرياض على شهر فبراير كدة ... الله المستعان

أنا حبيت بس أسلم و اتابع

أبو سلمى

[mekkawy]

جذاك الله خيرا بس انا ابنى عنده سنه ونصف والمدام حامل وانا عندى خبرة 10 سنين

بس عاوز اعرف الاكل والشرب فى مدينه الرياض حصرف كام وانا مرتبى 3000 ريال

وممكن يزوده المرتب كل سنه والا لا بس هما قالوا فى ذياده سنويهارجوا الرد بالله عليكم

الأخ الكريم mafroza

طبعاً انا زيي زيك لسة جديد هنا ... بس معلش مضطر انصحك لأني جربت ... شوف يا سيدي ... تمام زي ما سي السيد قالك اتعب شوية و اقرأ لأني عملت كدة و كانت دي تجربتي

أولاً انا شغال مدير مبيعات تصدير في شركة من شركات السويدي للكابلات في مصر .. و الحمد لله شغلتي كويسة و حالتي تمام لكن كلنا ديماً ندور ع الاحسن .. المهم لما جالي الراجل السعودي يتفق ... حسسني اني قلقاسة و مبفهمش اي حاجة و ان 3000 ريال فل أوي و احمد ربنا و بوس ايدك وش و ضهر

ساعتها كلفتني بيني و بينك و وافقت ... مع العلم اني كنت باخدهم بس بالمصري ... الصراحة باة كلام الناس هنا و خاصة التشدد على عد الموافقة على عروض مبخسة خلاني ارفض ... و رفضت رفض قاطع بعد كمان ما بعتولي عرض رسمي ... و بعتلهم انا بأة العرض بتاعي من المنقي يا باشا

شوف ... خليك متأكد ان الرزق بتاع ربنا مش بتاع السعودية ولا غيرها ... بعد شهر يا باشا جم زي ... التييييييييت .... و اتصلوا تاني و قالولي حاضر و تحت أمرك و اكتر كمان من العرض اللي انا طلبتوا و عاملوني الصراحة بما يرضي الله ... و انا رايح و متنك عليهم و محسسهم اني مانن عليهم ... فمعلش معلش ... احنا مش للبيع ... لو هتطلع باللي انت عاوزهو تستحقه ماشي لكن غير كدة .... رب هنا هو رب هناك

و أحب اقولك ان حضرتك خبرتك دي ما تساويش اقل من 8000 ريال لأني رفضت 3000 و انا خبرتي كلها 4 سنين ... لكن الموضوع متوقف على المجال ... و كمان حضرتك معاك ولد كلها سنة او سنتين و يعوز مدرسة و ربنا يقوملك المدام بالسلامة يا رب في بيبي كمان جاي و ده له مصاريف خاصة زيادة ... فكر كويس أوي أوي قبل لا تقبل أو ترفض ... و دوحر معاهم و اصبر و متقلقش ... خلي نفسك طويل ... اي صاحب عمل عاوز ياخد اقصى استفادة بأقل ثمن ... خليك غالي عشان تروح و ترجع غالي

أبو سلمى

[mekkawy]

خبر جديد يهم الاطباء اللي بيتعاقدوا مع مستوصفات او مستشفيات خاصه

من 3 شهور كده كان عادي اول ما الطبيب يوصل السعوديه بيطلع اقامه عادي قبل امتحان هيئة التخصصات

لكن دلوقتي الاقامه ما بتطلعش غير لما يمتحن وياخد ترخيص الهيئه الاول

وده معناه انه مش هايقدر يطلع رخصة قياده او يقدم على تليفون ارضي او يشتري عربيه او يفتح حساب في البنك .او........او..... الا لما يمتحن الاول وينجح وياخد الترخيص وبعدين يطلع الاقامه وبعدين يطلع اي حاجه تانيه بقه بالاقامه

الأخت الكريمة روشة

نيابة عن الاطباء شكراً على الخبر ... بالنسبة باة لمديرين المبيعات أو التسويق هل فيه مدة معينة أو شروط معينة ... و اصلاً ايه الديفولت بتاع الموضوع ده ... يعني عقبال ما أوصل فيها قد ايه كدة لما اخد الاقامة و اطلع الرخصة و أاجر شقة و افتح حساب ف البنك؟ لأني لا هاقدر امشي من غير عربية ولا هاقدر اشير مع حد ف شقة الصراحة و كمان ما لقتش تفصيل ف الموضوع ده في المنتدى

و سؤال اضافي بأة هل يعمل برخصة القيادة الدولية ؟؟ يعني تمشي هنا ف السعودية علماً بإني حاصل عليها من مصر و ماشي بيها في الخليج عادي ... في عمان تحديداً

جزاكم الله خيراً جميعاً يا شباب

أبو سلمى

تم تعديل 10 يناير 2010 بواسطة mekkawy

[drmedo]

الأخت الكريمة روشة

نيابة عن الاطباء شكراً على الخبر ... بالنسبة باة لمديرين المبيعات أو التسويق هل فيه مدة معينة أو شروط معينة ... و اصلاً ايه الديفولت بتاع الموضوع ده ... يعني عقبال ما أوصل فيها قد ايه كدة لما اخد الاقامة و اطلع الرخصة و أاجر شقة و افتح حساب ف البنك؟ لأني لا هاقدر امشي من غير عربية ولا هاقدر اشير مع حد ف شقة الصراحة و كمان ما لقتش تفصيل ف الموضوع ده في المنتدى

و سؤال اضافي بأة هل يعمل برخصة القيادة الدولية ؟؟ يعني تمشي هنا ف السعودية علماً بإني حاصل عليها من مصر و ماشي بيها في الخليج عادي ... في عمان تحديداً

جزاكم الله خيراً جميعاً يا شباب

أبو سلمى

اسمحلي ياابو سلمى اجاوب على اسالت حضرتك

بالنسبة باة لمديرين المبيعات أو التسويق هل فيه مدة معينة أو شروط معينة

لا خالص زي اي مهنة يعني لا ليها اختبار ولا الكلام ده ( غير مهنة الطب طبعا )

يعني عقبال ما أوصل فيها قد ايه كدة لما اخد الاقامة و اطلع الرخصة و أاجر شقة و افتح حساب ف البنك؟

الكلام ده بيتوقف على الشغل اللي حضرتك رايحه ومدى تجهيزاته يعني مثلا الاقامة ممكن تطلع في 3 ايام طبعا ده لو الشركة او الكفيل ناس بتخلص يعني مش مماطلين ( لانها ممكن تطلع في شهر او اتنين او 3 )وبعد مالاقامة تطلع خلاص تقدر تطلع رخصه سعودية وتاجر شقه باسمك وتفتح حساب في البنك ده كله في يوم لو حبيت ( كل ده متوقف على الاقامة )

سؤال اضافي بأة هل يعمل برخصة القيادة الدولية ؟؟ يعني تمشي هنا ف السعودية علماً بإني حاصل عليها من مصر و ماشي بيها في الخليج عادي ... في عمان تحديداً

الرخصه الدوليه يعمل بها في حالة انك ليس مواطن في البلد لكن بمجرد استخراج حضرتك للاقامة السعودية فلا يتم العمل بالرخصه الدولية ويجب استخراج رخصة مجلس التعاون الخليجي لكن الرخصه اللي مع حضرتك هتفيدك كتير وانت بتطلع الرخصه انها هتوفر عليك انك تدخل مدرسة وهتدخل على امتحان القيادة على طول وتاخد الرخصه على طول يعني هتوفر عليك وقت كبير

اتمنى ان اكون افادتك

[mekkawy]

الأخت الكريمة روشة

نيابة عن الاطباء شكراً على الخبر ... بالنسبة باة لمديرين المبيعات أو التسويق هل فيه مدة معينة أو شروط معينة ... و اصلاً ايه الديفولت بتاع الموضوع ده ... يعني عقبال ما أوصل فيها قد ايه كدة لما اخد الاقامة و اطلع الرخصة و أاجر شقة و افتح حساب ف البنك؟ لأني لا هاقدر امشي من غير عربية ولا هاقدر اشير مع حد ف شقة الصراحة و كمان ما لقتش تفصيل ف الموضوع ده في المنتدى

و سؤال اضافي بأة هل يعمل برخصة القيادة الدولية ؟؟ يعني تمشي هنا ف السعودية علماً بإني حاصل عليها من مصر و ماشي بيها في الخليج عادي ... في عمان تحديداً

جزاكم الله خيراً جميعاً يا شباب

أبو سلمى

اسمحلي ياابو سلمى اجاوب على اسالت حضرتك

بالنسبة باة لمديرين المبيعات أو التسويق هل فيه مدة معينة أو شروط معينة

لا خالص زي اي مهنة يعني لا ليها اختبار ولا الكلام ده ( غير مهنة الطب طبعا )

يعني عقبال ما أوصل فيها قد ايه كدة لما اخد الاقامة و اطلع الرخصة و أاجر شقة و افتح حساب ف البنك؟

الكلام ده بيتوقف على الشغل اللي حضرتك رايحه ومدى تجهيزاته يعني مثلا الاقامة ممكن تطلع في 3 ايام طبعا ده لو الشركة او الكفيل ناس بتخلص يعني مش مماطلين ( لانها ممكن تطلع في شهر او اتنين او 3 )وبعد مالاقامة تطلع خلاص تقدر تطلع رخصه سعودية وتاجر شقه باسمك وتفتح حساب في البنك ده كله في يوم لو حبيت ( كل ده متوقف على الاقامة )

سؤال اضافي بأة هل يعمل برخصة القيادة الدولية ؟؟ يعني تمشي هنا ف السعودية علماً بإني حاصل عليها من مصر و ماشي بيها في الخليج عادي ... في عمان تحديداً

الرخصه الدوليه يعمل بها في حالة انك ليس مواطن في البلد لكن بمجرد استخراج حضرتك للاقامة السعودية فلا يتم العمل بالرخصه الدولية ويجب استخراج رخصة مجلس التعاون الخليجي لكن الرخصه اللي مع حضرتك هتفيدك كتير وانت بتطلع الرخصه انها هتوفر عليك انك تدخل مدرسة وهتدخل على امتحان القيادة على طول وتاخد الرخصه على طول يعني هتوفر عليك وقت كبير

اتمنى ان اكون افادتك

الأخ العزيز دكتور ميدو

بارك الله فيك ... أفدت و أوفيت و أنجزت و أنهيت :blink:

و الله اجاباتك واضحة و وافية تسلم ... نيجي بأة لنوعية الشركات اللي بتنجز واللي بتأخر و ما بتنجزش .. الشركة هي العبيكان للطباعة و التغليف ... ايه ظروفها دي ؟

شكراً ليك مرة تانية

أبو سلمى

[rewsha]

الاخ مكاوي

كنت عاوزه اضيف معلومه .هو الدكتور ميدو قالها بس عاوزه اْاكد عليها .الرخصه الدوليه ما ينفعش تسوق بيها هنا الا لو كنت زياره وما ينفعش تسوق بيها برضو قبل ما تطلع الاقامه .احنا اتقال لنا الكلام ده لاننا قعدنا شهر على ما الاقامه طلعت ولما زوجي حب يسوق برخصه مصر او الدوليه على اساس ان الاقامه لسه ما طلعتش .

قالوا له ما ينفعش طالما انت جاي على شغل وهاتطلع اقامه .الكلام ده لو انت جاي زياره بس

كمان مافيش مكتب ايجار سيارات هايرضى ياْجر لم وانت مش معاك رخصه واقامه (ده اللي اعرفه وجربناه)

وحاجه تانيه مهمه جدا

حضرتك علشان تطلع رخصه او تفتح حساب في البنك او تاْجر شقه او تشتري عربيه

محتاج جواب تعريف من الكفيل لكل حاجه من دول

فالافضل انك تقدم عليهم كلهم مره واحده بدل ما كل ما تيجي تعمل حاجه من السابق ذكرها تروح تطلب جواب من الكفيل ممضي ومختوم وموثق من الغرفه التجاريه

فكل ده بياخد وقت لو عملتهم واحد واحد

انت قدم عليهم كلهم للكفيل وخليه يعمل لك لكل حاجه من دول خطاب ممضي ومختوم علشان لما تحتاج تطلع رخصه يبقى معاك الجواب بتاعها ولما تحتاج تاْجر شقه يبقى معاك الجواب بتاعها برضو ونفس الشيْ بالنسبه لفتح حساب في البنك