صباح الخير يا سعودية

[mekkawy]

الاخ مكاوي

كنت عاوزه اضيف معلومه .هو الدكتور ميدو قالها بس عاوزه اْاكد عليها .الرخصه الدوليه ما ينفعش تسوق بيها هنا الا لو كنت زياره وما ينفعش تسوق بيها برضو قبل ما تطلع الاقامه .احنا اتقال لنا الكلام ده لاننا قعدنا شهر على ما الاقامه طلعت ولما زوجي حب يسوق برخصه مصر او الدوليه على اساس ان الاقامه لسه ما طلعتش .

قالوا له ما ينفعش طالما انت جاي على شغل وهاتطلع اقامه .الكلام ده لو انت جاي زياره بس

كمان مافيش مكتب ايجار سيارات هايرضى ياْجر لم وانت مش معاك رخصه واقامه (ده اللي اعرفه وجربناه)

وحاجه تانيه مهمه جدا

حضرتك علشان تطلع رخصه او تفتح حساب في البنك او تاْجر شقه او تشتري عربيه

محتاج جواب تعريف من الكفيل لكل حاجه من دول

فالافضل انك تقدم عليهم كلهم مره واحده بدل ما كل ما تيجي تعمل حاجه من السابق ذكرها تروح تطلب جواب من الكفيل ممضي ومختوم وموثق من الغرفه التجاريه

فكل ده بياخد وقت لو عملتهم واحد واحد

انت قدم عليهم كلهم للكفيل وخليه يعمل لك لكل حاجه من دول خطاب ممضي ومختوم علشان لما تحتاج تطلع رخصه يبقى معاك الجواب بتاعها ولما تحتاج تاْجر شقه يبقى معاك الجواب بتاعها برضو ونفس الشيْ بالنسبه لفتح حساب في البنك

يا جماعة و الله أخجلتم تواضعنا

الأخت الفاضلة روشة و الأخ العزيز الدكتور ميدو

بجد بجد ربنا يبارك فيكم .. ان شاء الله اقدم على كله مرة واحدة بس محدش قالي ايه اخبار العبيكان ... شركة محترمة ولا ايه نظامها ... يعني بتسهل على موظفينها ولا بتخنق

كمان حاجة بأة ... كام في السنة اجيب شقة اوضتين و صالة محندقين في حتة افريج لا هي كلاس اوي ولا بيئة أوي و امان ... بس يا ريت اسعار من الواقع يا جماعة مش من الخيال ... واحد صاحبي باكستاني قالي 15 الف ريال فمش عارف بأة ... بس موضوع الشقة ده ضروري فوراً لأني مبحبش الشير يا جماعة

ربنا يخليكم يا رب على الافادة

أبو سلمى

[rewsha]

شوف حضرتك بالنسبه للعبيكان انا ماعنديش فكره

لكن بالنسبه للشقه

لازم حضرتك تقول لنا مكان الشغل فين وهل هو دوام واحد وله اتنين .علشان لو دوام واحد ما فيش مشكله لكن لو دوامين يبقى لازم تسكن قريب من الشغل علشان ما تضيعش الوقت في مشوار الشغل رايح جاي ورايح جاي تاني

كمان الغرفتين هنا غالبا بيبقوا من غير صاله يعني لو عندك اولاد يبقى كده مش هايكون في صاله تحط فيها مجلس او انتريه للضيوف .

[mekkawy]

شوف حضرتك بالنسبه للعبيكان انا ماعنديش فكره

لكن بالنسبه للشقه

لازم حضرتك تقول لنا مكان الشغل فين وهل هو دوام واحد وله اتنين .علشان لو دوام واحد ما فيش مشكله لكن لو دوامين يبقى لازم تسكن قريب من الشغل علشان ما تضيعش الوقت في مشوار الشغل رايح جاي ورايح جاي تاني

كمان الغرفتين هنا غالبا بيبقوا من غير صاله يعني لو عندك اولاد يبقى كده مش هايكون في صاله تحط فيها مجلس او انتريه للضيوف .

الأخت الكريمة روشة

متشكر جداً على ردودك الحاضرة ... بالنسبة للمكان هو في الرياض لكن لسة معرفش فين بالظبط في الرياض .. و الدوام واحد بس من 7:30 لحد 5:30 مع ساعة بريك للغدا و الراحة ... و أصلاً طبيعة شغلي سيلز يعني في زيارات مستمرة و لفلفة طول النهار مش قعدة مكاتب وكدة ... المهم انه ف الرياض و دوام واحد ... و مش فاهم يعني ايه الغرفتين من غير صالة ... يعني اخد 3 غرف مثلاً و اعمل واحدة منهم صالة ؟؟ و انا معايا سلمى بس 7 شهور :lol: بس عما ارستأ أموري هتجيلي هي و مامتها في اقرب وقت و معرفش اقرب وقت ده أد ايه ... يا رب يكون شهر واحد أو حتى أقل.

الله المستعان

[rewsha]

ربنا يوفقك .....وسلمى ومامتها يجوا لك باسرع وقت

طالما دوام واحد يبقى كده حلو قوي ممكن تاخد سكن في اي مكان حتى لو بعيد شويه عن مقر عملك على اساس انه هايبقى مشوار واحد الصبح رايح واخر النهار جاي مش 4 مرات في اليوم

على حسب معلوماتي السكن في منطقة الخزان اسعارها معقوله والمنطقه كويسه برضو وممكن تلاقي بال15000 غرفتين كويسين

كمان في شارع الوزير نفس الشيْ سمعت كمان ان حي الشفا الاسعار فيه رخيصه كمان

اما لو قلت لك منفوحه فدي كلها مصريين ومنطقه حيه جدا بس شعبيه قوي واسعار السكن فيها رخيص جدا

عموما ما تقلقش بس لما حضرتك تعرف مقر الشغل فين ممكن تساْل عن اقرب منطقه اسعارها معقوله هنا في المحاورات

والاخوه الاعضاء اكيد مش هايتاْخروا عن الرد

لاْن ممكن انا اقول لك اسكن في المنطقه الفولانيه اسعارها كويسه وتكون المنطقه دي في اقصى الشمال مثلا .

ويطلع مقر شغلك في اقصى الجنوب مثلا

فحضرتك بس توكل على الله واول ما توصل وتعرف مقر شغلك فين بلغنل هنا وان شاء الله تلاقي حد يدلك على اقرب منطقه اسعارها معقوله من شغلك

[rewsha]

نسيت اوضح لحضرتك معنى غرفتين بدون صاله

اصل هنا تقريبا بتبقى الصاله عباره عن طرقه صغيره بتتفرع منها باقي الغرف

الظاهر انهم هنا ما بيعترفوش بالصاله .لاْن دايما بيكون في غرفه مخصوص للمجلس (الضيوف يعني)

ده نظام سائد هنا في الشقق

يعني انا دخلت كذا شقه لاقيتهم بنفس النظام اللي باقول لحضرتك عليه ده

الصاله عباره عن طرقه صغيره ما ينفعش يتحط فيها اي حاجه

[rewsha]

عرض جديد للي معاه خط موبايلي

تواصل بلا حدود .......كلم جميع دول العالم ب 66 هلله للدقيقه طول اليوم.العرض ساري من 9 يناير حتى 8 فبراير :lol:

يالا .هيصوا بقه ..والله يا بلاش

تم تعديل 10 يناير 2010 بواسطة rewsha

[doha]

للي ناويين يطلعوا عمره اليومين الجايين في عرض حلو اوي اكتشفته النهرده بالصدفة.. وهو متاح النهرده الاثنين فقط

الرياض جده بـ 100 ريال

الدمام جده 150

والدمام الرياض 50 بس

واعتقد مش فارقه الدمام الرياض او الرياض الدمام كله نفس السعر وهكذا بالنسبة لجده برضه وطبعا السعر رايح جاي ..

العرض ده ساري للي يحجز النهرده فقط ويكون سفره خلال الاسبوع الجاي ولغايه 31 مارس .. يعني لو حد ناوي يسافر خلال الفترة دي لاي من الجهات المذكورة يلحق يحجز النهرده ويستفيد بالعرض ..

[ozoozo]

للي ناويين يطلعوا عمره اليومين الجايين في عرض حلو اوي اكتشفته النهرده بالصدفة.. وهو متاح النهرده الاثنين فقط

الرياض جده بـ 100 ريال

الدمام جده 150

والدمام الرياض 50 بس

واعتقد مش فارقه الدمام الرياض او الرياض الدمام كله نفس السعر وهكذا بالنسبة لجده برضه وطبعا السعر رايح جاي ..

العرض ده ساري للي يحجز النهرده فقط ويكون سفره خلال الاسبوع الجاي ولغايه 31 مارس .. يعني لو حد ناوي يسافر خلال الفترة دي لاي من الجهات المذكورة يلحق يحجز النهرده ويستفيد بالعرض ..

انتي قصدك علي سما صح؟

ازيدك من الشعر بيتا انها عامله عروض اسمها عروض يوم الاتنين لغايه نهايه مارس

يعني كل يوم اتنين في عرض ومن العروض اللي شفتها قبفل كده تذاكر ببلاش (تدفعي بس قيمه الضريبه

[mekkawy]

الاخت الكريمة روشة

بارك الله فيكِ و الله على ردودك الوافية الشافية ... ان شاء الله لما أوصل ربنا يحلها ... واضح ان الدنيا مش صعبة أوي زي م الواحد متخيل و ان الامور ويل بي سمووث ان شاء الله

دعواتكم بأة بالتيسير و انهاء الاجراءات سريعاً أحسن مصر بتأفش في الملتحين و المنقبات على الفاضية و المليانة

و دعواتكم ليا مخصوص في زيارة حبيابينا الحلوين :lol: الاسبوع الجاي .... لكِ الله يا مصر

أبو سلمى

[mafroza]

ربنا يخليكم كلكم فعلا المصريين كلهم جدعان

والله انا اعمل فى مجال كامين مخازن فى جميع المعدات المصانع والكرلكات والكهرباء والميكانيكا والاجهزة

واعمل فى كل حاجة تخص المصانع والسيارات والاجهزة بس انا معى دبلوم صنايع للاسف بس اعرف كمبيوتركويس جدا وانجليزى كمان والحمد لله كل شغلى باللغه الانجليزية واعمل على انظمة المخازن كاحسن نظام فى العالم وهو sap &ims (inventory mangment system )

واشكرك ياابو سلمى على الافادة الله يكرمكم جميعا

[البهدلي]

السلام علي من اتبع الهدي

باذن المولي خلال اسبوعين هاسافر الي مستشفي القوات المسلحه بالجنوب خميس مشيط (ابها)

family medicine registrar

ياتري فيه نصائح عامه بالنسبه للسفر(خاصه اول مره في حياتي اسافر)

او نصائح بالنسبه للغربه

او نصائح بالنسبه للعمل

انتظر ارائكم ومشاركتكم لاخيكم اللي مقلق من العيشه بره المحروسه

واخد معايا فلوس كام ومصري ولا ريالات

وسمعت الجو بارد شويه يعني الواحد ياخد هدوم شتوي بس

رجااااااااااء افادتي وجزاكم الله خيرا

اخوكم

البهدلي

[doha]

للي ناويين يطلعوا عمره اليومين الجايين في عرض حلو اوي اكتشفته النهرده بالصدفة.. وهو متاح النهرده الاثنين فقط

الرياض جده بـ 100 ريال

الدمام جده 150

والدمام الرياض 50 بس

واعتقد مش فارقه الدمام الرياض او الرياض الدمام كله نفس السعر وهكذا بالنسبة لجده برضه وطبعا السعر رايح جاي ..

العرض ده ساري للي يحجز النهرده فقط ويكون سفره خلال الاسبوع الجاي ولغايه 31 مارس .. يعني لو حد ناوي يسافر خلال الفترة دي لاي من الجهات المذكورة يلحق يحجز النهرده ويستفيد بالعرض ..

انتي قصدك علي سما صح؟

ازيدك من الشعر بيتا انها عامله عروض اسمها عروض يوم الاتنين لغايه نهايه مارس

يعني كل يوم اتنين في عرض ومن العروض اللي شفتها قبفل كده تذاكر ببلاش (تدفعي بس قيمه الضريبه

ايوه معليش قصدي سما مخدتش بالي اني مكتبتش الاسم ..

بالنسبة للتذاكر الي ببلاش على فكره سعر التذكرة اصلا 90 ريال والضريبة بتوصلها ممكن لخمسمية او ستمية يعني المشكلة في الضريبة مش في التذكرة نفسها .

بس برضه في عروض دائمه على سما في الاوقات الي مفيهاش ضغط كتير بتقف التذكرة رايح جاي من الرياض للاسكندرية وبالعكس مبلغ في حدود الـ 500 ريال بس .. ولا السفر البري ..

بس عيبها الوحيد ان مينفعش تعدل الحجز لو حصلت اي ظروف ومقتدرتش تسافر بيروح عليك ..

[elrasy]

اخبار الطقس فى الرياض الايام دى اية انا جاى ان شاء الله الاسبوع الجاى

[rewsha]

اخبار الطقس فى الرياض الايام دى اية انا جاى ان شاء الله الاسبوع الجاى

الجو الصبح بدري بيكون برد وبالليل كمان .لكن خلال اليوم بقه الجو حلو جدا

يعني ممكن الواحد يلبس قميص تقيل شويه (او قطيفه مثلا)وعليه جاكيت لو بيخرج الصبح بدري ويقلع الجاكيت على الساعه 9 الصبح كده

لكنم مافيش تلج زي اللي بنشوفه في مصر كده

ثم ان كلها شهر فبراير كمان والشتا يمشي من هنا

[mama nona]

يا اهل جدة

اخبار الجو عندكم ايه

يعنى فيه بروده ولا كله صيف

شكر ا

[doha]

لكل الي بيسأل عن الطقس ..

لو عندك نت سريع او بتتصل بالنت بشكل مستمر ممكن تنزل تولز ظريفة اوي على الآي جوجل او لو الويندوز عندك فيستا في تولز تانيه في ( الجادجدز) او السايد بار الي بيبقى على يمين الشاشه ده وفيه ساعه وشويه خدمات . .

عن نفسي عملت سيرش اون لاين بكلمه طقس واضفت التولز الخاصه بده ف الاثنين الآي جوجل والجادجز بار الي على سطح المكتب وبكده وطول ماجهازي متصل بالنت بعرف درجه الحرارة كام في التو واللحظه والجو المتوقع ايه مش بس كده ده انا ممكن اجيب بالتولز دي الحرارة لاي مدينة في العالم سواء كنت في مصر او السعوديه او اي مكان آخر ..

بالمناسبة الحرارة دلوقت في الرياض 16 وبتوصل الصبح لغايه 7 درجات مئوي ..

[Clinical chemist]

يا جماعة أنا احتمال اجى شغل فى الدمام وعندى سيارة فى حديثة فى مصر والصراحة مستخسر اسيبها وعايز اجيبها معاى واستخدمها فى المام ولما ارجع الاجازة السنوية ارجعها مصر وهكذا بحيث تبقى معاى على طول (طبعا اقصد انى اسافر طيران واشحن السيارة واستلمها بعد كدة)

فهل حد جرب الموضوع ده ...ويترى اجرائاته ايه ويتكلف كام؟

[elrasy]

ممكن حد فى الرياض يسالى سعر هوندا اكورد موديل LX-P بتاعت السنة دى كام,,

ولكم خالص شكرى مقدما

[mekkawy]

السلام عليكم و رحمة الله و بركاته

ازيكم يا جماعة الخير ... يا رب كله تمام و يكون فيه مكان كويس في الرياض لأخوكم الغلبان

دلوقتي بأة انا رحت مكتب السفريات اللي جابلي الشغلانة و مضيت الاوفر الرسمي اللي جاي من الشركة اللي هشتغل فيها ... همن قالولي هيبعتوه و الشركة بأة تبعت عقد متوثق من كام حتة كدة لسة مش عارف اركز فيهم ... المهم ... العقد ده هغير بيه البطاقة و الباسبور عشان انا ليسانس اداب انجلش و طالع على فيزا اخصائي تسويق ... فهمن قالولي لازم اغير المهنة ف البطاقة ثم ف الباسبور عشان تتناسب مع الموهل و كمان اجيب شهادة خبرة بسنتين و اوثقها في كام مكان بردو كدة ما ركزتش فيهم كالعادة من كتر الاماكن و التوثيقات... المكتب متفضلاً هيتحمل كل تكاليف التوثيقات الخاصة بيا لكن الخاصة بزوجتي و بنتي انا هتحملها بواقع الورقة بـ 100 جنيه مصري ... لن الحمد لله انا مش دافع حاجة خالص للمكتب كله على خساب صاخب المخل ... المهم ... دي الكيس حتى الان ... نخش على الاسئلة بأة :

السؤال الأول .... علل .... 1- فيزا اخصائي تسويق دي فيزا محترمة يعني ولا سكند هاند و هل ليها كل مميزات المغترب من استقدام و احترام و تسهيلات و الذي منه ولا كئيبة و كحولة و هتطلع عيني هناك ؟

السؤال الثاني ... بم تفسر ... 2- هل موضوع تغيير المهنة في البطاقة و الباسبور ده و معادلتهم بشهادة خبرة لمدة سنتين كاخصائي تسويق دي خطوة ضرورية أوي ؟ و ما خطواتها بالتفصيل؟

السؤال الثالث... هل.... 3 - هل المكتب بيستقطعني في الـ 100 جنيه دول لتوثيق الورقة ولا ده سعر مناسب (هم ورقتين بس قسيمة الجواز و شهادة ميلاد بنتي) و كمان المكتب قالي لو معرفتش أجيب شهادة الخبرة هو هيجبهالي بـ 600 جنيه... فما مدى صدق المقولة؟؟

السؤال الرابع ... اذكر ... 4 - اذكر ان كنت تعرف تقريباً التايم فريم أو الوقت المستهلك ف العملية دي كلها من اولها لغاية ما اوصل ان شاء الله الرياض؟؟

السؤال الخامس و الاخير.. 5- اذكر من فضلك ربنا يخليك يا رب كل اماكن التوثيقات و الاختام من هنا و هناك و كل الاوراق الواجب توثيقها و ما يتعلق بهذه العملية المعقدة؟؟

ربنا يبارك فيكم و يحميكم يا رب و اشوفكم وزرا سعوديين أد الدنيا ...في انتظار ردودكم

مكاوي فور ايفر

[drmedo]

السلام عليكم و رحمة الله و بركاته

ازيكم يا جماعة الخير ... يا رب كله تمام و يكون فيه مكان كويس في الرياض لأخوكم الغلبان

دلوقتي بأة انا رحت مكتب السفريات اللي جابلي الشغلانة و مضيت الاوفر الرسمي اللي جاي من الشركة اللي هشتغل فيها ... همن قالولي هيبعتوه و الشركة بأة تبعت عقد متوثق من كام حتة كدة لسة مش عارف اركز فيهم ... المهم ... العقد ده هغير بيه البطاقة و الباسبور عشان انا ليسانس اداب انجلش و طالع على فيزا اخصائي تسويق ... فهمن قالولي لازم اغير المهنة ف البطاقة ثم ف الباسبور عشان تتناسب مع الموهل و كمان اجيب شهادة خبرة بسنتين و اوثقها في كام مكان بردو كدة ما ركزتش فيهم كالعادة من كتر الاماكن و التوثيقات... المكتب متفضلاً هيتحمل كل تكاليف التوثيقات الخاصة بيا لكن الخاصة بزوجتي و بنتي انا هتحملها بواقع الورقة بـ 100 جنيه مصري ... لن الحمد لله انا مش دافع حاجة خالص للمكتب كله على خساب صاخب المخل ... المهم ... دي الكيس حتى الان ... نخش على الاسئلة بأة :

السؤال الأول .... علل .... 1- فيزا اخصائي تسويق دي فيزا محترمة يعني ولا سكند هاند و هل ليها كل مميزات المغترب من استقدام و احترام و تسهيلات و الذي منه ولا كئيبة و كحولة و هتطلع عيني هناك ؟

السؤال الثاني ... بم تفسر ... 2- هل موضوع تغيير المهنة في البطاقة و الباسبور ده و معادلتهم بشهادة خبرة لمدة سنتين كاخصائي تسويق دي خطوة ضرورية أوي ؟ و ما خطواتها بالتفصيل؟

السؤال الثالث... هل.... 3 - هل المكتب بيستقطعني في الـ 100 جنيه دول لتوثيق الورقة ولا ده سعر مناسب (هم ورقتين بس قسيمة الجواز و شهادة ميلاد بنتي) و كمان المكتب قالي لو معرفتش أجيب شهادة الخبرة هو هيجبهالي بـ 600 جنيه... فما مدى صدق المقولة؟؟

السؤال الرابع ... اذكر ... 4 - اذكر ان كنت تعرف تقريباً التايم فريم أو الوقت المستهلك ف العملية دي كلها من اولها لغاية ما اوصل ان شاء الله الرياض؟؟

السؤال الخامس و الاخير.. 5- اذكر من فضلك ربنا يخليك يا رب كل اماكن التوثيقات و الاختام من هنا و هناك و كل الاوراق الواجب توثيقها و ما يتعلق بهذه العملية المعقدة؟؟

ربنا يبارك فيكم و يحميكم يا رب و اشوفكم وزرا سعوديين أد الدنيا ...في انتظار ردودكم

مكاوي فور ايفر

البلد كلها هتنور بقدومك ليها ده أولا

ثانيا هرد على اسئلتك واحده واحدة

السؤال الأول .... علل .... 1- فيزا اخصائي تسويق دي فيزا محترمة يعني ولا سكند هاند و هل ليها كل مميزات المغترب من استقدام و احترام و تسهيلات و الذي منه ولا كئيبة و كحولة و هتطلع عيني هناك ؟

فيزا اخصائي تسويق فيزا محترمة جدا ولها كل المميزات

(المسمى الجديد لمندوبي المبيعات والمحاسب العام بعد سعودت كل منهما تقريبا)

السؤال الثاني ... بم تفسر ... 2- هل موضوع تغيير المهنة في البطاقة و الباسبور ده و معادلتهم بشهادة خبرة لمدة سنتين كاخصائي تسويق دي خطوة ضرورية أوي ؟ و ما خطواتها بالتفصيل؟

طبعا خطوة ضرورية لان مؤهلك لا يتناسب مع مسمى الفيزا يبقى لازم تغير المهنة في بطاقة الرقم القومي وبناءا عليها تغير المهنة في الجواز الى اخصاءي تسويق وترفق بيهم شهادة الخبرة علشان الفيزا متترفضش في السفارة

هتغير المهنة عن طريق العقد الموثق من وزارة القوى العاملة والسفارة المصرية والسعودية من السجل المدني

هتغير المهنة في الجواز بناءا على المهنة اللي في البطاقة

شهادة الخبرة هتشوف اي منشاه او شركة المهم يكون لها سجل تجاري تعرف صاحبها وهتخليه يعملك شهادة خبرة ان انت اشتغلت عنده مدة سنتين في مهنة اخصائي تسويق وتاخد صاحب المنشاه والورقة والسجل التجاري وتطلع على الشهر العقاري توثقها هناك بالسجل التجاري وبعد توثيق الشهر العقاري توثقها من الخارجية المصرية وكده تبقى خلصت شهادة الخبرة

السؤال الثالث... هل.... 3 - هل المكتب بيستقطعني في الـ 100 جنيه دول لتوثيق الورقة ولا ده سعر مناسب (هم ورقتين بس قسيمة الجواز و شهادة ميلاد بنتي) و كمان المكتب قالي لو معرفتش أجيب شهادة الخبرة هو هيجبهالي بـ 600 جنيه... فما مدى صدق المقولة؟؟

توثيق قسيمة الزواج وشهادة الميلاد المفروض تقريبا الورقة ب 80 جنيه بس مش مهم مفرقتش كتير يعني كويس

هوه طبعا هيعمل زي منا قلتلك في موضوع شهادة الخبرة فانت وفر على نفسك المبلغ ده واعملها انتى

ولو معرفتش توكل على الله وخليه هوه يعملها

السؤال الرابع ... اذكر ... 4 - اذكر ان كنت تعرف تقريباً التايم فريم أو الوقت المستهلك ف العملية دي كلها من اولها لغاية ما اوصل ان شاء الله الرياض؟؟

لو الامور مشيت تمام يعني ممكن تغيير البطاقة والجواز لو مستعجل اسبوع وتسجيل نت والكشوفات الطبية كمان اسبوع والتاشيرة من السفارة بالكتير اسبوع وعلى ماتحجز يعني شهر ان شاء الله

السؤال الخامس و الاخير.. 5- اذكر من فضلك ربنا يخليك يا رب كل اماكن التوثيقات و الاختام من هنا و هناك و كل الاوراق الواجب توثيقها و ما يتعلق بهذه العملية المعقدة؟؟

شوف ياسيدي

1- قسيمة الزواج وشهادة الميلاد بتاعت بنت حضرتك دي بتتوثق من السفارة المصرية والسعودية من مصر

2- عقد العمل يكون متوثق من وزارة القوى العاملة المصرية والخارجية المصرية والسفارة السعودية ( مهم جدا)

3- مؤهلك ياريت توثقه من الخارجية المصرية والملحق الثقافي السعودي بالقاهرة والسفارة السعودية بالقاهرة لان لو احتاجته هنا لاي ظرف مش هيعترفو بيه الا لو كان موثق

دي معلوماتي عن الموضوع وعلى اسئلة حضرتك لو في اي استفسارات تانية حضرتك اكتبها وان شاء الله الاخوه هنا يرضو على حضرتك