صباح الخير يا سعودية

[quietdoctor]

ياجماعه انا مشعارف اضيف اى موضوع مشعارف اى المشكله وتتحل ازاى

السيرفر بيقول ليس لديك صلاحيلت لاضافة موضوع

حد يفيدنى

[quietdoctor]

انا ياجماغه متعاقد طبيب ممارس عام فى مستشفى خاص ومعاى زميل ليا من نفس الدفعه 2007

اتحنت الهيئه فى مصر والحمد لله نجحت

وصلت السعوديه 20-4 وبدئو فى اجرات الترخيص

من اسبوع جالى المعقب وقالى ان الترخيص بتاعك مش نافع غلشان انت خبره سنه وحده

طيب سنة الامتياز قال معرفش بتتحسب ولا لا

والنكته بقا ان زميلى التانى ترخيصه طلع برغم انه زى بالظبط نفس الدفعه ولي زميل تالت فى الباحه طلع ترخيصه

مشعارف اعمل اى وهل الامتياز بيتحسب خبره ولا لا مع العلم ان ف مصر محسوبلى خبره

ولما هو مشبيتحسب مثلا اتعاقدو معاى غلى اساس اى

ارجو الافاده]

تم تعديل 12 يونيو 2010 بواسطة quietdoctor

[غريب الخبر]

انا ياجماغه متعاقد طبيب ممارس عام فى مستشفى خاص ومعاى زميل ليا من نفس الدفعه 2007

اتحنت الهيئه فى مصر والحمد لله نجحت

وصلت السعوديه 20-4 وبدئو فى اجرات الترخيص

من اسبوع جالى المعقب وقالى ان الترخيص بتاعك مش نافع غلشان انت خبره سنه وحده

طيب سنة الامتياز قال معرفش بتتحسب ولا لا

والنكته بقا ان زميلى التانى ترخيصه طلع برغم انه زى بالظبط نفس الدفعه ولي زميل تالت فى الباحه طلع ترخيصه

مشعارف اعمل اى وهل الامتياز بيتحسب خبره ولا لا مع العلم ان ف مصر محسوبلى خبره

ولما هو مشبيتحسب مثلا اتعاقدو معاى غلى اساس اى

ارجو الافاده]

خلى المعقب يحاول تانى . وان شاء الله هتعدى

[quietdoctor]

المعقبين هنا حيلتهم ضيقه مابعرفوش يتصرفو

بيقولى رحلو انت اقنعه وانا هخلص الورق

وانا مس عايز اروح علشان ماينتبهوش للملف

ومشعارف اى الحل

[se_ Elsyed]

إيه النفخ اللي إحنا فيه ده

الواحد هايلاقيها منين ولا منين

السكن زاد

والمدارس زادت

ودرجة الحرارة زادت

هو في إيه ؟

مدارس العروبة المحترمين بعتوا لنا ليسته بالأسعار الجديدة ... طبعاً فيها زيادة 10 % .. ده غير الزيادة بتاعت السنة اللي فاتت اللي لسه ما بردتش

وإليكم البيان التالي :

1- حضانه من غير أفطار 5300 :sad:

2- كي جي ون وتو وتبعت إنت الفطار ... 6800

3- جريد ون - 6 ... 8100 عالريق

4- جريد 7 - 9 .. 9600 قبل الأكل

5- جريد 10-12 .... 12200 مع قزازة دوا للترجيع

أستنى أوعى تغير المدرسة ... لسه في حبشتكنات تانية ....

800 ريال يونيفورم وملازم وجردل للخروف ..

ما لا يقل عن 1500 كٌتشيب مدرسية بتشتريها مع نفسك من أي مكتبه

2500 ريال مصروفات ميكروباظ المدرسة ...

فوق ده كله بقى .. بعد ما كانت المدرسة في قبضشت يدي وفركة كعب من بيتي ... نفوووونا بعيييييييييييييييييييييييييد في أخر طريق المعذر بجوار مركز الملك فهد الثقافي بعد ما تخلص الرياض والطريق يقفل .. في مبنى كبير لمجمع المدارس بتاعتهم ...

يعني بقت مدارس وخراب ديار ..

فوق ده كله بقى الزيادات السنوية في إيجارات السكن .. أأأأأأأأأأأأه ياني ياما

وفوق ده دكهواتي - ديكهوا وديكهوا يعني - أنا أخذت مهموز سكني معتبر .. حيث صدر لنا قرار إخلاء للعمارة اللي أنا فيها عشان أتباعت بالكامل ولسه نار النقل ما بردتش وما ربعنتش فيها حتى وكملت سنة ...

وبالتالي خسرت كل فلوسي عالترابيزة ومش لاقي حد ألاعبه عشان أعوض .. وفلوس التوووضيب والسيراميك والموزاييك والسلاحليك .. كلها راحت في سلة الكمامة ... وعمال أدور على سكن تاني في الملز برضوا حيث أني ماليزي قديم ( ينفع أخلع السيراميك والحنفيات وأخدها معايا ؟ ) ..

أقسم بالله كل كوم .. وهم النقل كوم تاني ...

وبالرغم من إنه كله بيتم توماتيكي توماتيكي .. إلا إن كُتر العفش وإعادة ترتيبه وعلى ما تعرف مكان كل حاجه .. بيقطم وسط الواحد ... وقعدنا شهر رمضان اللي فات بحاله ... والله لحد صلاة العيد أكتر من شهر - مش هاتصدقوا طبعاً - في هم الترتيب الداخلي للشقة .. بالرغم من وجود شغالة ... وبالرغم من وسع الشقة .... لكنها عملية في غاية الإزعاج وقلة الأدب

انا تعبت يا رجاله وبأفكر أتحجب وأقعد في البيت أكتب مذكراتي

[nemoeg]

استاذ سيى السيد , ربنا يقويك على النقل

طبعا الموضوع يضايق و مرهق بس انا ليا تعليق على اسلوب سيادتك

انتا اسلوبك مبهج , حتى و انتا بتتكلم على موضوع يضايق اسلوب العامية بتاعك مبهج جدا

تحياتى

تم تعديل 15 يونيو 2010 بواسطة nemoeg

[Engineer Hosam]

أضم صوتي لصوتك يا استاذ nemoeg

و اشكر الاستاذ سي السيد على كل مشاركاته الطيبة و الرائعة و المفيدة

و التي استفدت منها شخصيا الكثير و الكثير على مدى سنوات

و أرجو منه ألا يغضب من بعض المشاركات التي يكون فيها أسئلة تتكرر كثيرا

و أن يتسع صدره لنا جميعا

فأنا متأكد أن جميع الأعضاء يعتبرونه أخ و صديق في المقام الأول

تحياتي

[mayashady]

انا اشتركت فى المنتدى لانى عندى مشكله وبجد مش عارفه اعمل ايه

زوجى حاول يعملى زياره بس المعقب اتاخر فيها قوى

هو اصلا تأشيره عامل انا عايزه اعرف هى الزيارات اتوقفت ولا فى وقت وهتقف فيها

انا بجد عايزه افهم ولو حد عنده طريقه يقولهالى اقدر اجى بيها نظرا للعامل اللى فى التأشيره اكون شاكره قوى

[se_ Elsyed]

شكراً للزملاء الأفاضل

nemoeg

Engineer Hosam

على الإطراء ... جزاكم الله خيراً

--------

الزميلة

mayashady

للأسف ... ما فيش أمام زوجك غير تغيير المهنة .. وحتى تغير المهنة بيحتاج لعب وشغل كتير .. وأوله الحصول من كفيلة على خطاب نقل كفالة صوري على شركة أخرى ... والمُعقب يشوف شغله بقى .. لكنها مش سهله ...

مهنة عامل بيبقى صعب يتحرك بيها سواء إستقدام أو زيارة ...

[مرنو]

إلى كل مقيم بالخارج موضوع مهم للعلم

تشديد إجراءات الإفراج المؤقت عن السيارات

أصدر الدكتور يوسف بطرس غالى، وزير المالية، تعليمات بتشديد إجراءات الإفراج المؤقت عن السيارات، وذلك لمواجهة تزايد حالات استغلال هذه النظم، خاصة من قبل مالكى السيارات القادمة من ليبيا.

وصرح غالى بأن التعليمات الجديدة تلزم مالكى السيارات المفرج عنها بنظام الإفراج المؤقت بعدم قيادتها لغير مالكيها وعدم تأجيرها للغير، مشيرا إلى أن كل سيارة تخالف تلك الضوابط سيتم إعادة تصديرها للخارج فورا مع حرمان مالك السيارة المخالف من التمتع بتيسيرات نظام الإفراج المؤقت عن السيارات لمدة عامين مع إخطار كافة أندية السيارات بتلك التعليمات.

وحول قواعد الإفراج المؤقت للسيارات، أوضح جلال أبو الفتوح، مستشار وزير المالية لشئون الجمارك، أن المصريين المقيمين بالخارج والقادمين لقضاء فترة مؤقتة بالبلاد يمكنهم الإفراج مؤقتا عن سياراتهم بحد أقصى 6 أشهر مقابل دفع 500 جنيه عن السيارة عن الثلاثة أشهر الأولى و1000 جنيه عن الثلاثة أشهر التالية.

وقال أبو الفتوح: إنه فى حالة الرغبة فى الإفراج النهائى عن السيارة فيحق للمصريين العائدين الاستفادة من خصم يتراوح بين 10و50% من قيمة الرسوم المستحقة بشرط أن يكون أول مالك للسيارة.

وبالنسبة للمعاملة الجمركية للسيارات الواردة من إحدى الدول الأوروبية، أكد مستشار وزير المالية لشئون الجمارك أنها تستفيد من التخفيضات الجمركية المقررة طبقا لاتفاقية المشاركة المصرية الأوروبية والبالغ نسبتها حاليا 10% من المستوى الحالى للتعريفة الجمركية، بمعنى (إذا كانت التعريفة الجمركية المقررة 40% تصبح فى إطار المشاركة 36% فقط بشرط استيراد السيارة من الدول الأوروبية الموجودة بالاتفاق وأن تشحن السيارة مباشرة إلى مصر طبقا لقواعد المنشأ بالاتفاقية).

وقال جلال أبو الفتوح، مستشار وزير المالية لشئون الجمارك، إن القادمين من الخارج يمكنهم التمتع بإعفاء جمركى على الهدايا ذات المنشأ الأجنبى حتى 1500 جنيه بشرط ألا يكون لها صفة الاتجار، بجانب أن معظم السلع والمنتجات المصنعة فى الدول العربية معفية من الرسوم الجمركية تطبيقا لاتفاقية تيسير التجارة العربية طالما كانت نسبة المكون المحلى فيها أكثر من 40%.

وأضاف أبو الفتوح إنه يحق للراكب شراء سلع ومنتجات من الأسواق الحرة الموجودة داخل الدوائر الجمركية، وذلك خلال 48 ساعة من عودته وفى حدود ما قيمته 200 دولار معفاة تماما من الرسوم والضرائب، وذلك بما لا يجاوز مرتين فى العام بالنسبة للمواطن المصرى، وأربع مرات فى العام الواحد بالنسبة للسائح الأجنبى بشرط تواجد صاحب الجواز شخصيا.

ومن جانبه، صرح أحمد فرج سعودى، رئيس مصلحة الجمارك، بأنه تقرر تشكيل لجان إضافية فى المطارات والمنافذ الجمركية البرية استعدادا لموسم عودة المصريين العاملين بالخارج بجانب إنشاء غرفة عمليات بالموانئ والمطارات لتقديم كافة التيسيرات لسهولة انسياب حركة الركاب، والعمل على حل أى عوائق قد تظهر، بجانب وضع لافتات إرشادية باللغتين العربية والإنجليزية توضح كافة الإجراءات الجمركية المطلوبة.

وبالنسبة لأوراق النقد، قال سعودى: إنه يسمح للعائدين أو المسافرين خارج البلاد حمل مبلغ لا يتجاوز 5 آلاف جنيه مصرى، وبالنسبة للنقد الأجنبى فيجب الإفصاح عند الدخول أو الخروج عن قيمة ما يحمله الراكب من نقود إذا تجاوز المبلغ 10 آلاف دولار أمريكى أو ما يعادل هذا المبلغ من العملات الأخرى، وذلك من خلال إقرار خاص بذلك موزع على كافة خطوط الطيران الجوية والموانئ البحرية

منقول من جريده اليوم السابع

[quietdoctor]

عايز اجيب استمارة طلب استقدام للاسره

قالولى بتنزل من ع النت

ماحدش غنده معلومات عنها

على فكره ماحدش فادنى فى موضوع سنة الامتياز ومشكلتى لسه ماتحلتش

وربنا يستر

[عادل أبوضيف]

إيه النفخ اللي إحنا فيه ده

الواحد هايلاقيها منين ولا منين

السكن زاد

والمدارس زادت

ودرجة الحرارة زادت :wub:

هو في إيه ؟

مدارس العروبة المحترمين بعتوا لنا ليسته بالأسعار الجديدة ... طبعاً فيها زيادة 10 % .. ده غير الزيادة بتاعت السنة اللي فاتت اللي لسه ما بردتش

وإليكم البيان التالي :

1- حضانه من غير أفطار 5300

2- كي جي ون وتو وتبعت إنت الفطار ... 6800

3- جريد ون - 6 ... 8100 عالريق

4- جريد 7 - 9 .. 9600 قبل الأكل

5- جريد 10-12 .... 12200 مع قزازة دوا للترجيع

أستنى أوعى تغير المدرسة ... لسه في حبشتكنات تانية ....

800 ريال يونيفورم وملازم وجردل للخروف ..

ما لا يقل عن 1500 كٌتشيب مدرسية بتشتريها مع نفسك من أي مكتبه

2500 ريال مصروفات ميكروباظ المدرسة ...

فوق ده كله بقى .. بعد ما كانت المدرسة في قبضشت يدي وفركة كعب من بيتي ... نفوووونا بعيييييييييييييييييييييييييد في أخر طريق المعذر بجوار مركز الملك فهد الثقافي بعد ما تخلص الرياض والطريق يقفل .. في مبنى كبير لمجمع المدارس بتاعتهم ...

يعني بقت مدارس وخراب ديار ..

فوق ده كله بقى الزيادات السنوية في إيجارات السكن .. أأأأأأأأأأأأه ياني ياما

وفوق ده دكهواتي - ديكهوا وديكهوا يعني - أنا أخذت مهموز سكني معتبر .. حيث صدر لنا قرار إخلاء للعمارة اللي أنا فيها عشان أتباعت بالكامل ولسه نار النقل ما بردتش وما ربعنتش فيها حتى وكملت سنة ...

وبالتالي خسرت كل فلوسي عالترابيزة ومش لاقي حد ألاعبه عشان أعوض .. وفلوس التوووضيب والسيراميك والموزاييك والسلاحليك .. كلها راحت في سلة الكمامة ... وعمال أدور على سكن تاني في الملز برضوا حيث أني ماليزي قديم ( ينفع أخلع السيراميك والحنفيات وأخدها معايا ؟ ) ..

أقسم بالله كل كوم .. وهم النقل كوم تاني ...

وبالرغم من إنه كله بيتم توماتيكي توماتيكي .. إلا إن كُتر العفش وإعادة ترتيبه وعلى ما تعرف مكان كل حاجه .. بيقطم وسط الواحد ... وقعدنا شهر رمضان اللي فات بحاله ... والله لحد صلاة العيد أكتر من شهر - مش هاتصدقوا طبعاً - في هم الترتيب الداخلي للشقة .. بالرغم من وجود شغالة ... وبالرغم من وسع الشقة .... لكنها عملية في غاية الإزعاج وقلة الأدب

انا تعبت يا رجاله وبأفكر أتحجب وأقعد في البيت أكتب مذكراتي

ربك يعين ياس السيد

والله أنا كل يوم بعدي من أمام مدارس العروبة وسبحان الله مش عارف ليه

لا استريح لها

سبحان الله

رفم انه جنبها مدارس الفارس ومدارس الملك عبد العزيز ومدارس نور المعارف

لكن هي دمها تقيل عليا مش عارف ليه

[Engineer Hosam]

عايز اجيب استمارة طلب استقدام للاسره

قالولى بتنزل من ع النت

ماحدش غنده معلومات عنها

على فكره ماحدش فادنى فى موضوع سنة الامتياز ومشكلتى لسه ماتحلتش

وربنا يستر

يمكنك الدخول على موقع الجوازات و تنزيل النموذج المطلوب (اضافة تابع)

http://www.gdp.gov.sa/?id=2015

[mizotata]

السلام عليكم ورحمه الله وبركاته

اشكر كل من قام علي هذا العمل

جزاة الله خيرا

اخواني انا ان شاء الله نازل مصر 14-10-2010 للزواج ان شاء الله

مبدئيا انا كاتب الكتاب ومعايا العقد مصدق من الخارجية المصرية

اولا عايز اعرف امتة ابدا باجراءات الاستقدام

وما هو المطلوب بالظبط كاجراءات واوراق وجهات تصديقها

جزاكم الله خيرا

انا مهنتي محاسب عام

شاكر ليكوا وفي انتظار ردود اهل الخبرة

جعلة الله في ميزان حسناتكم

[Engineer Hosam]

السلام عليكم ورحمه الله وبركاته

اشكر كل من قام علي هذا العمل

جزاة الله خيرا

اخواني انا ان شاء الله نازل مصر 14-10-2010 للزواج ان شاء الله

مبدئيا انا كاتب الكتاب ومعايا العقد مصدق من الخارجية المصرية

اولا عايز اعرف امتة ابدا باجراءات الاستقدام

وما هو المطلوب بالظبط كاجراءات واوراق وجهات تصديقها

جزاكم الله خيرا

انا مهنتي محاسب عام

شاكر ليكوا وفي انتظار ردود اهل الخبرة

جعلة الله في ميزان حسناتكم

أولا: تسيد رسوم الاستقدام مبلغ 2000 ريال في بنك الرياض أو الراجحي ثم تعبئة النموذج في الرابط أدناه و ختمه من جهة العمل و خطاب عدم ممانعة للاستقدام من الكفيل و اصل الاقامة و أصل وثيقة الزواج المصدقة و صورة جواز سفر الزوجة و التوجه الى إدارة الاستقدام في شارع الملك عبدالعزيز في الرياض يفضل قبل الثامنة صباحاً

http://www.gdp.gov.sa/?id=2015

ثانيا: ان شاء الله ستحصل في نفس اليوم على الورقة الصفراء و بها رقم صادر , و تقوم بعمل صورة سوفت كوبي لها و ارسالها الى مصر بالإميل (لا داعي لإرسال الأصل)

ثالثا: الموقع ادناه للاستعلام و التأكد من وصول طلب التأشيرة (سواء كانت زيارة أو إقامة) الى وزارة الخارجية السعودية و القنصلية السعودية بمصر ( خلال 15 يوم )

https://visa.mofa.gov.sa/SrhComFamilyVisa.asp

رابعا: التوجه الى اي مكتب سفريات مخول للتعامل مع القنصلية السعودية , حيث ان القنصلية منعت التعامل المباشر مع الجمهور , بعد استيفاء الآتي :

1- إحضار أمر تأشيرة من مقام وزارة الخارجية بالمملكة ( الورقة الصفراء الخاصة بالاستقدام ).

2- صلاحية الأمر سنة واحدة من تاريخ صدورة .

3- إحضار شهادة صحية من معامل وزارة الصحة وشهادة صحية من المستشفيات المعتمدة (القاهرة التخصصي – السلام الدولي الصفا – الشروق – النيل بدراوي – مبرة العصافرة بالإسكندرية – مركز الإسكندرية الطبي) وذلك بالنسبة للزوجات أو البنات التي تعدت سنها (18) سنة.

4- إضافة إسم الزوج بالجواز.

5- سن الأبناء الذكور لا يتعدى (18) سنة .

6- أن تكون البنات الوارد لهن أمر للإقامة مع والدهن أو والدتهن غير متزوجات .

7- بالنسبة للأطفال الوارد لهم أوامر للإقامـة مع والدهم إحضار ما يفيد إقامة الأم بالمملكة .

8- بالنسبة للأبناء الوارد لهم أوامر للإقامة مع والدتهم إحضار موافقة والدهم على السفر وشهادات ميلادهم .

9- إحضار شهادة التطعيم الخاصة بشلل الأطفال للأبناء أقل من (15) سنة.

10- إدخال انترنت للجوازات المقدمة.

تحياتي

[Mohammed AbdelHamied]

حد سمع إن استقدام الزوجة أصبح بدون رسوم ال 2000 ريال لبعض المهن ؟

انا سمعت كدا بس للأطباء ولصيادلة واساتذة الجامعات فقط؟

[خالد شحاته]

حد سمع إن استقدام الزوجة أصبح بدون رسوم ال 2000 ريال لبعض المهن ؟

انا سمعت كدا بس للأطباء ولصيادلة واساتذة الجامعات فقط؟

الاخ الفاضل

جميع الاستقدام للجهات الحكوميه بدون رسووووووووووم

[anotheraya]

زوجي مسافر من ثلاثة اسابيع ولسه الاقامة بتاعته ماطلعتش المكتب بيقول له انها متأخرة عشان فيه انظمة جديدة بالكمبيوتر هيبتدوا تطبيقها

هل الكلام ده صح ولا لا؟

ولكم جزيل الشكر[/

[anotheraya]

وهل خدمة تجوالي اتلغت فعلا ولا لا؟

ولكم جزيل الشكر

[doha]

زوجي مسافر من ثلاثة اسابيع ولسه الاقامة بتاعته ماطلعتش المكتب بيقول له انها متأخرة عشان فيه انظمة جديدة بالكمبيوتر هيبتدوا تطبيقها

هل الكلام ده صح ولا لا؟

ولكم جزيل الشكر[/

بالنسبة لنا الكفيل مطلعش الاقامه غير بعد ثلاث شهور .. عادي جدا