صباح الخير يا سعودية

[yasser moustafa]

بص انا الموضوع كله اني كان معايا جواز السفر لقيت الشركة طلبته مني وعملتلي رقم علي النت ورحت عملت كشف الفيروس ورحت جامكا والفيش خلصته واديتلهم الجواز والفيش وهما جابولي التأشيرة المفروض انا مدرب حاسب بس التأشيرة فني حاسب الي المهم العقد جه بعد كده مضيته وجاتلي التذكرة علي النت طبعتها بس كده

طيب يعنى المهنة عندك فى البطاقة ايه؟ وفى الباسبور ايه؟ وفى العقد ايه؟ وفى التأشيرة ايه؟

كمان انت عملت ايه فى استخراج تصريح العمل

ودفعت كام للمكتب لانهاء هذه الاجراءات وكم من الوقت احتجت

مش بقول لك - شئ من التفصيل يا صاحبى

[midonofal]

بص انا الموضوع كله اني كان معايا جواز السفر لقيت الشركة طلبته مني وعملتلي رقم علي النت ورحت عملت كشف الفيروس ورحت جامكا والفيش خلصته واديتلهم الجواز والفيش وهما جابولي التأشيرة المفروض انا مدرب حاسب بس التأشيرة فني حاسب الي المهم العقد جه بعد كده مضيته وجاتلي التذكرة علي النت طبعتها بس كده

طيب يعنى المهنة عندك فى البطاقة ايه؟ وفى الباسبور ايه؟ وفى العقد ايه؟ وفى التأشيرة ايه؟

كمان انت عملت ايه فى استخراج تصريح العمل

ودفعت كام للمكتب لانهاء هذه الاجراءات وكم من الوقت احتجت

مش بقول لك - شئ من التفصيل يا صاحبى

انا ليسانس اداب والتاشيرة والعقد فني حاسب الي

ومادفعتش حاجة للمكتب ياباشا

امال انت ايه تفاصيل عقدك

تم تعديل 26 سبتمبر 2010 بواسطة midonofal

[yasser moustafa]

انا لسه فى مرحلة استلام العقد والتأشيرة من المكتب

وعشان كده انا عايز اعرف اللى انت عملته

خصوصا فى موضوع تصريح العمل

والقوى العاملة

وتصديق شهادة التخرج

واى مصاريف دفعتها للمكتب لانهاء اجراءاتك فى السفارة

والوقت اللى احتجته لكل ده

كمان ما قلتليش المهنة فى البطاقة والباسبور ايه؟

[م تيمور المراغي]

الله يطمنك anis71

لا انا نازل 29 /9

الأربعاء القادم ان شاء الله

شغلي هيبقي في حي الرحاب طريق الحرمين

لو ممكن بس تقدملي معلومه بسيطه عن سكن العزاب في جدة عموما او في الحي ده

وجزاك الله خيرا

تيجي بالسلامة

..................................

في بعض المواقع على النت بيتعرض فيها سكن، ودول بكونوا ناس مستاجرين وعاوزين حد يشاركهم أو بيكونوا مثلا دفعوا كام شهر مقدم واتغيرت ظروفهم وعاوزين يسيبوا السكن لأي ظرف ومالك السكن مش راضي يرجع الايجار فبيتفقوا يجيبوا حد مكانهم وياخدوا من الساكن الجديد بقية حقهم.

دي بعض المواقع وهي طبعا بالانجليزي لأن كل اللي بيعمل كه جنسيات مش عربية:

http://saudi-arabia.pestree.com/listings.php?page=1&category=17&city1=Jeddah

http://housing.justlanded.com/en/Saudi-Arabia_Jeddah/For-Rent_Rooms-in-Shared-Flats/1

http://www.expatriates.com/classifieds/jed/hs

طبعا لما توصل تحاول تبحث في المواقع دي واكيد هتلاقي حاجة مناسبة إن شاء الله

ربنا يوفقك

الله يبارك فيك المواقع اكثر من رائعه ووجدت فيها اماكن متعدده ومناسبه ,,

تقبل كل الشكر والاحترام ,,

[midonofal]

انا لسه فى مرحلة استلام العقد والتأشيرة من المكتب

وعشان كده انا عايز اعرف اللى انت عملته

خصوصا فى موضوع تصريح العمل

والقوى العاملة

وتصديق شهادة التخرج

واى مصاريف دفعتها للمكتب لانهاء اجراءاتك فى السفارة

والوقت اللى احتجته لكل ده

كمان ما قلتليش المهنة فى البطاقة والباسبور ايه؟

البطاقة بتاعتي والجواز ليسانس اداب يابني وتصريح العمل حسب الموسم يعني شهور الصيف خاصة بعد رمضان بيبقي زحمة شهور الشتا بيبقي فاضي الشهادة بتروح الجامعة وتدفع حوالي 11 جنيه يختموهلك وبعد كده تروح مكتب وزارة الخارجية في محافظتك وتدفع 11 جنيه برضه ويختمهولك بالطابع وكده اتوثقت ومادفعتش حاجة للمكتب كان علي الشركة مش عليا والوقت انت وحظك انا كان زماني طالع من شهر علي الاقل بس رمضان عطل كل حاجة

[mhmoud egy]

الله يطمنك anis71

لا انا نازل 29 /9

الأربعاء القادم ان شاء الله

شغلي هيبقي في حي الرحاب طريق الحرمين

لو ممكن بس تقدملي معلومه بسيطه عن سكن العزاب في جدة عموما او في الحي ده

وجزاك الله خيرا

تيجي بالسلامة

بصراحة مموضوع السكن في جدة أمر شائك يعني بيحتاج بحث وسؤال في المنطقة لعدة ايام، انا ساكن قريب من الجنوب ماعرفش للأسف اي حد في حي الرحاب، وعلشان تلاقي سكن للعزاب افضل حاجة انك لما توصل تسأل زملائك القدامى في العمل هم الوحيدين اللي هيدلوك ازاي تلاقي سكن او يمكن تلاقي حد ساكن ومحتاج حد يشاركه علشان تخفيض المصاريف.

والله انا محرج اني مش قادر اساعدك خصوصا ان معنديش عربية دلوقتي علشان اروح واسألك في المنطقة.

في بعض المواقع على النت بيتعرض فيها سكن، ودول بكونوا ناس مستاجرين وعاوزين حد يشاركهم أو بيكونوا مثلا دفعوا كام شهر مقدم واتغيرت ظروفهم وعاوزين يسيبوا السكن لأي ظرف ومالك السكن مش راضي يرجع الايجار فبيتفقوا يجيبوا حد مكانهم وياخدوا من الساكن الجديد بقية حقهم.

دي بعض المواقع وهي طبعا بالانجليزي لأن كل اللي بيعمل كه جنسيات مش عربية:

http://saudi-arabia.pestree.com/listings.php?page=1&category=17&city1=Jeddah

http://housing.justlanded.com/en/Saudi-Arabia_Jeddah/For-Rent_Rooms-in-Shared-Flats/1

http://www.expatriates.com/classifieds/jed/hs

طبعا لما توصل تحاول تبحث في المواقع دي واكيد هتلاقي حاجة مناسبة إن شاء الله

ربنا يوفقك

الله يبارك فيك

بجد استفدت منك كتير جزاك الله كل خير

انا هشوف المواقع ولما انزل اشوف الناس برده ال معايه ان شاء الله

[anis71]

:old: اسمحولي اتقمص دور الشيخ الطيب في الأفلام وأقولكم جميعاًً

" العفو يا إبني إحنا بنعمل كل ده لوجه الله" بس مش هاقدر اديكم كيس بلح angl:: ، لما تيجو بقى وعليكم خير.

:waf:

[yasser moustafa]

البطاقة بتاعتي والجواز ليسانس اداب يابني وتصريح العمل حسب الموسم يعني شهور الصيف خاصة بعد رمضان بيبقي زحمة شهور الشتا بيبقي فاضي الشهادة بتروح الجامعة وتدفع حوالي 11 جنيه يختموهلك وبعد كده تروح مكتب وزارة الخارجية في محافظتك وتدفع 11 جنيه برضه ويختمهولك بالطابع وكده اتوثقت ومادفعتش حاجة للمكتب كان علي الشركة مش عليا والوقت انت وحظك انا كان زماني طالع من شهر علي الاقل بس رمضان عطل كل حاجة

طيب اقرأ الموضوع ده وقولى رأيك

ملف عن اجراءات تأشيره العمل للسعوديه خطوه خطوه

[yasser moustafa]

يا كابتن ميدو ... أخبارك ايه

وصلت الرياض بالسلامة

ابدء عرفنا رحلتك للاقامة بالرياض .... وحمدالله بالسلامة

[mhmoud egy]

السلام عليكم

انا الحمدلله وصلت جده قريب

بس بدور علي سكن

لو حد عايزني اشاركه

او يعرف مكان سكن

ياريت يساعدني لأني لغاي دلوقتي مش لاقي سكن

السكن يكون قريب من الرحاب

الصفا - شارع قلسطين بس من عند الرحاب

قريب من الكوبري الدائري او حي السامري

وجزاكم الله خيرا

[yasser moustafa]

السلام عليكم

انا الحمدلله وصلت جده قريب

بس بدور علي سكن

حمد الله على السلامة

وان شاء الله تجد السكن المناسب فى أقرب وقت

[Acc Mohamed]

يا جماعه كان عندى استفسار بخصوص الاجسام المضاده اللى بتظهر ف التحاليل بتاعت الاقامه ؟؟

هل الشخص اللى عنده اجسام مضاده وفحص ال PCR عنده سلبى يعنى اكيد مفيش فيروس يقدر يطلع اقامه ؟؟

ولو مينفعش .. هل فى حد ممكن يخلص موضوع الفحص الطبى ده ولو بالفلوس ؟؟

اتمنى الاجابه بسرعه لان فى شخص فى ورطه

جزاكم الله كل خير

[MahmoudJEDDAH]

السلام عليكم جميعا

انا جديد هنا و اول مرة اشارك اصلا في منتدي :rolleyes:

انا عايش بجده و انشاء الله ناوي احج السنة دي اول مرة و المشكلة اني سبت شغلي يعني بالبلدي الحالة ج ههههه

انا شفت كلامكم علي الحج يعني واحد زيي معاهوش تصريح مش هيحج ؟ رغم اني بسمع ان كتير مصريين بيروحو وبتمشي دايما ماحدش بيرجع بس انا قلقان و مش عارف اعمل ايه

هل في حد هنا طالع السنة دي انشاء الله من غير تصريح و حملة و الكلام دا ؟؟

اسف ان كنت برغي شوية اول مرة بقا هههه

سلامي للجميع

[akramgroup]

يااخوانا اللى عاوز يروح يحج من غير تصريح من بتوع جده يبقى يروح ليله عرفات

يعنى يوميها بليل يطلع على مكه عشان الطواف والسعى وكده

والفجر يبقى يطلع على عرفات على طول

اخر يوم مش بيدققوا

وان شاء الله ربنا يكتبهلكم جميعا ويكتبهالنا

تحياتى للجميع

أكرم,,

[akramgroup]

مكرر

تم تعديل 13 أكتوبر 2010 بواسطة akramgroup

[MahmoudJEDDAH]

مكرر

انشاء الله اعمل كدا ويارب تعدي علي خير

شكرا اكرم

[ozoozo]

يااخوانا اللى عاوز يروح يحج من غير تصريح من بتوع جده يبقى يروح ليله عرفات

يعنى يوميها بليل يطلع على مكه عشان الطواف والسعى وكده

والفجر يبقى يطلع على عرفات على طول

اخر يوم مش بيدققوا

وان شاء الله ربنا يكتبهلكم جميعا ويكتبهالنا

تحياتى للجميع

أكرم,,

وكمان يوم عرفه الصبح محدش بيرجع خالص

[hakeem]

سؤال للناس الخبره فى السعوديه..

فى عقد عمل محاسب فى شركه مقاولات بالرياض...المهم بقا فى شويه بنود محيرانى..

1.الاجازه بيقولى 20 يوم فى السنه

2.بندالزياده السنويه مش مكتوب فى العقد وبيقولى الزياده بتكون تبع قانون العمل هناك بس مش متحدده ولا مذكوره

3.سالته على الكفيل قالى كفيلك هيكون الشركه ..مش شخص يعنى...فى كده فعلا..؟

4.قالى وانت مسافر هتجيب تذكره على حسابك انما فى الاجازه الشركه بتديك تذاكر

5.كمان نفسى اعرف ليه طالما هشتغل محاسب قالى غير المهنه لعامل..وهل ده عادى ولا توريطه

دى البنود اللى شغلانى انما بقيت البنود عاديه يعنى السكن والانتقالات والراتب وساعات العمل واضحه وتمام..انما البنود التانيه دى عايز رأى الناس فيها

وفى كمان نقطه عايز حد يجاوبنى عليها..طبعا السعوديه بقت سمعتها ما شاءالله..عايز بقا حد يطمنى ويعرفنى هل لو انت واخد عقدك من هنا متوثق وميه ميه ممكن تروح هناك تلاقى حاجه متغيره..او بالمعنى الاصح ممكن اى بند من بنود العقد لا يطبق..؟

تم تعديل 19 أكتوبر 2010 بواسطة hakeem

[ahmed hanafy]

سؤال للناس الخبره فى السعوديه..

فى عقد عمل محاسب فى شركه مقاولات بالرياض...المهم بقا فى شويه بنود محيرانى..

1.الاجازه بيقولى 20 يوم فى السنه

2.بندالزياده السنويه مش مكتوب فى العقد وبيقولى الزياده بتكون تبع قانون العمل هناك بس مش متحدده ولا مذكوره

3.سالته على الكفيل قالى كفيلك هيكون الشركه ..مش شخص يعنى...فى كده فعلا..؟

4.قالى وانت مسافر هتجيب تذكره على حسابك انما فى الاجازه الشركه بتديك تذاكر

5.كمان نفسى اعرف ليه طالما هشتغل محاسب قالى غير المهنه لعامل..وهل ده عادى ولا توريطه

دى البنود اللى شغلانى انما بقيت البنود عاديه يعنى السكن والانتقالات والراتب وساعات العمل واضحه وتمام..انما البنود التانيه دى عايز رأى الناس فيها

وفى كمان نقطه عايز حد يجاوبنى عليها..طبعا السعوديه بقت سمعتها ما شاءالله..عايز بقا حد يطمنى ويعرفنى هل لو انت واخد عقدك من هنا متوثق وميه ميه ممكن تروح هناك تلاقى حاجه متغيره..او بالمعنى الاصح ممكن اى بند من بنود العقد لا يطبق..؟

اخويا حكيم

اولا بالنسبة للاجازة هو قانون العمل بيقول 21 يوم في السنة

مسألة تذكرة الطيارة الشركات الكبيرة بس هي اللي بتدي ثمن التذكرة ودة يدل علي ان شركتك شركة صغيرة

اما بالنسبة لمهنة عامل فدي اكبر مصيبة عندك لانك ساعتها لا يحق لك الاستقدام او عمل زيارة عائلية ودي بقي يتوقف عليها الكفيل بتاعك لو حابب يغيرلك المهنة مع العلم ان المحاسب دي من الوظائف اللي تبع قانون السعودة

يبقي فاضل علشان تقيم الشركة اللي انت رايح عليها الراتب ودة اخر حاجة لو الراتب بتاعك كويس يبقي سافر وجرب انت مش حسران حاجة وعلي فكرة بيحقلك ان لو الشركة منفزتش بنود العقد انك تروح تشتكي في مكتب العمل و ودة طبعا لو العقد موثق من الغرفة التجارية

دي خلاصة تجربتي هنا واتمني اني اكون قد افادتك

[doha]

5.كمان نفسى اعرف ليه طالما هشتغل محاسب قالى غير المهنه لعامل..وهل ده عادى ولا توريطه

توريطة طبعا لان معناها انك طالع على فيزا عامل وده معناته انك متقدرش تجيب مراتك معاك ولا مامتك ولا اي حد خالص يعني هتشتغل سخرة سنتين محروم فيهم من اهلك على ماربنا يفرجها وتلم ثمن التذكرة وترجع غير آسف على شيء ..

خذها قاعده كل الشركات الي تقولك تعال على حسابك واحنا بعد كده هنديلك تذاكر عارفين ومتاكدين ان الوضع عندهم زفت وان الي بيجي مبيطيقش يقعد يومين على بعض فبيعملوا كده عشان يمسكوه من رقبته منها يكبروا المبلغ الي دفعه عشان يفكر الف مرة قبل مايضيع عليه ومنها ميخسروش كتير لو فعلا مطاقش خالص ورجع بجد ..

استخير كتير قبل ماتقبل العرض ده الي متاكده ان راتبك فيه مش هيحصل ثلاثه الاف ريال وهو الحد الادنى الي منصحكش تقبل باقل منه ..