سؤال عن نسبة زيادة الراتب

[hamster]

السلام عليكم يا استاذنا...ممكن اخد رايك بصفتك خبرة في مجال الموارد البشري عن نسبة زيادة الراتب لعقد تجديد مدته 3 سنوات لمهندس حاسب خبرة 8 سنوات..يعني انا بقالي 3 سنين زي مانا على المرتب القديم و هفضل زي مانا على المرتب الجديد 3 سنيين وانت عارف الاسعار غليت شوية السنة اللي فاتت دي ..(الراتب الحالي 5000 -جده-الراتب شامل كل شىء)

[se_ Elsyed]

أخي الكريم ... قمت بتعديل العنوان فما أنا إلا عضو محاورات مثلي مثل أي حد

--------------------

بالنسبة لموضوع زيادة الراتب .. فللأسف في مجتمعاتنا العربية قاطبةً .. يعني تقدر تقول 99.9 % الأمور ماشية بالدراع ومافيش قواعد محددة وسُلم رواتب مرتبط بالمهن والخبرة و و و و و

أيوه بالدراع

يعني بتعرف تاخد حقك بدراعك يبقى اتوكل على الله بس تبقى عامل حساب العواقب ..

ولا اقصد هنا إنك تمسك سيف وتدبح صاحب العمل

ولكن أقصد بها موضوع العرض والطلب

حاسس إنك مطلوب في عملك والناس مستعدة تقدرك .. يبقى اطلب ..

حاسس إنك ممكن تتقلش في أي وقت لو طلبت زيادة .. يبقى إحسبها كويس

لإنك لو طلبت وإترفض طلبك وأتسمريت في العمل وكان شيء لم يكن .. فبيبقى شكلك وحش وبيعرفوا ديتك وبالتالي مستقبلاً هاتحصل حاجات مش ظريفة ولن يُستجاب لطلباتك لإنهم فهموك وعرفوا إنك بتتكلم وبس وما بتنفذش ..

[arinymcse]

و الله انا عارف الكلام ده...بس يعني قلت اطلب المعقول..و محتار المعقول ده يطلع كام ..في مواقع الاعمال اللي بتتكلم عن نسب الزيادة في السعودية قدرت اخد فكرة ..بس كانت مش واضحة اوي..فقلت اخد رأيك..انا عارف اني بتعبك معايا..بس انت لو مكاني و شايف شغلك كويس..تطلب زيادة كام؟

[se_ Elsyed]

قولي الأول

هو أنت طالع بمنظرين في الفيلم

مرة arinymcse

ومرة hamster

طب ليه كده ؟

إنت مش عاف إن ده يعرضك لإلغاء الإسمين وعمل بلوك على الآي بي بتاعك ؟

[essamalshaaer]

سلام عليكم ........ أخي العزيز

موضوع الزيادة ده شيء دائما لا نأخذه في الحسبان أبدا عند كتابة العقد

مش عارف ليه ........ مع أن ده والله أعلم المفروض أحد بنود العقد لا بد ان يذكر فيه

أما بمبلغ ثابت أو بنسبة من الراتب الأساسي وتحدد فيه المدة بحيث لا تزيد عن سنة

يا راجل ده انت لما بتيجي تتكلم في الزيادة بتقعد تحضر للكلام وترجع للعقد بتاعة وتتار ساعة تكون حلوة

يكون احب الشركة مبسوط منك وراضي عنك كمان ........... وفي الآخر ...........يا زودك يا ميزودكش وأنت وحظك

بس ان شاء الله ربنا هيكرمك وينولك مرادك .... لأن فعلا اليومين دول الحياة هنا غلاء في غلاء

ودعواتي لجميع بالتوفيق

[arinymcse]

بجد انا اسف بصراحة يا سي السيد المرة الاولانية دخلت باسم واحد تاني .."حبيت اتنكر يعني" و مكنتش اعرف انكم صاحيين كده :lol: ..معلش المرادي و النبي....و متشكر جدا لردودك..بس محدش اداني جواب ...حد يقربها عليه شوية

[eng hoss]

بجد انا اسف بصراحة يا سي السيد المرة الاولانية دخلت باسم واحد تاني .."حبيت اتنكر يعني" و مكنتش اعرف انكم صاحيين كده :lol: ..معلش المرادي و النبي....و متشكر جدا لردودك..بس محدش اداني جواب ...حد يقربها عليه شوية

اولا بلاش والنبى دى ياريت تغيرها لأن من حلف بغير الله فقد أشرك....

ثانيا ممكن تطلب زياده 750 ريال أخرى متعللا بزيادة الأسعار وأرتفاع ايجار الشقه ونحو ذلك

ولا أنصحك بكلمة أنا معروض على كذا وكذا فى شركات أخرى

وتحياتى لك

[drosama]

لدى لك اقتراح انا نفسى نفذته قبل كده وهو تقسيم طلبك على مرحلتين

1--مرحلة جس النبض ----يعنى تتكلم معاهم الاول وتشترى منهم وتسألهم لو حبيت اجدد معاكم نسبة الزيادة هتكون كام وهل فيه مميزات اخرى سوف تضاف للعقد وقول اللى فى نفسك (الاسعار زادت--انت مطلوب --جايلك عروض ------------------) ولكن احزر ان تحدد اى ارقام اثناء الكلام او فى طلبك( لو انت فى مؤسسة كبيره) وشوف رد الفعل- هل هناك نية مبدئية للزيادة لديهم

2--المرحلة التانية انت المسؤول عنها لوحدك ------دلوقت عندك خلفية تقدر تقيم الناس هتمشى معاك لحد فين وبناء عليه حدد الرقم اللى انت شايفه مناسب وممكن يوافقوا علية--ملحوظة من اللى شفته لو نيتهم يزودوك 5 ريال هيقولولك 2.5

وربنا يوفقك

[arinymcse]

من اللي انا شفته في مختلف المواقع ان نسبة الزيادة السنوية من 9% الى 11 %

[se_ Elsyed]

بجد انا اسف بصراحة يا سي السيد المرة الاولانية دخلت باسم واحد تاني .."حبيت اتنكر يعني" و مكنتش اعرف انكم صاحيين كده :lol: ..معلش المرادي و النبي....و متشكر جدا لردودك..بس محدش اداني جواب ...حد يقربها عليه شوية

طيب إعتبر ده تنبية .. ونرجو عدم تكرار ذلك وسيتم إيقاف الإسم hamster ... مع إعطاء إنذار لـ arinymcse

[arinymcse]

أسف مرة اخرى

للعلم لقد جلست مع كفيلي و قد قدر التجديد ب 55% و قد وافقت

شكرا لاهتمامكم