مدرسة تعليم السواقة بجدة ؟؟؟

[أبو عبيدة الوراقي]

السلام عليكم ورحمة الله

الإخوة الكرام :

اسأل عن مدرسة تعليم السواقة بجدة، لعمل رخصة خاصة، علماً بأني أسكن بالجنوب بحي الثعالب، خلف مستشفى الشفاء والسفارة السودانية، بشارع المينا، وما هي الأوراق المطلوبة لذلك.

وجزاكم الله خيراً.

تم تعديل 22 نوفمبر 2008 بواسطة أبو عبيدة الوراقي

[MZohairy]

السلام عليكم ورحمة الله

الإخوة الكرام :

اسأل عن مدرسة تعليم السواقة بجدة، لعمل رخصة خاصة، علماً بأني أسكن بالجنوب بحي الثعالب، خلف مستشفى الشفاء والسفارة السودانية، بشارع المينا، وما هي الأوراق المطلوبة لذلك.

وجزاكم الله خيراً.

على ايامي كانت المدرسه و المكان اللي بيطلع منه الرخصه أمام برج دله بشارع دله و هو آخر شارع متفرع من شارع فلسطين تقريبا

[Diab]

زي ما هي في مكانها يا إكسلانس

بس بطل إشاعات مغرضة

عنوانها في الشارع قبل الأخير من فلسطين بأتجاه الطريق السريع

أخر إشارة إسمها عبد الله بن جبير ( الشارع بتاعي )

[a m ghazi]

السلام عليكم ورحمه الله وبركاته

والله يا اخي الفاضل انا معلوماتي قليله شويه في الموضوع ده

ولكني هقولها لك وربنا يعينك

انا ماشي اليومين دول في موضوع الرخصه

سئلت في الكلام ده

واللي عرفته كالاتي

اولا انا معايا رخصه مصري ودي بتوفر بتاع 400ريال تقريبا

الرسوم تقريبا 475 ريال

ورسوم مدرسه 125 ريال تقريبا

وكشف طبي 50ريال تقريبا

المجموع كله 650ريال

والله اعلم

دا اللي انا عرفته من الناس

ولما اتاكد بنفسي هجيبلك المفيد

طبعا الكلام ده في الدمام (تحديدا الاحساء لانها اسهل في الامتحان وبصراحه في واسطه وكوسه )

مش عارف بقي ايه ظروف جده

تقبل تحياتي

اخوك احمد غازي

تم تعديل 22 نوفمبر 2008 بواسطة a m ghazi

[Amr Radwan]

اولا : المدرسة الخاصة بتعليم القيادة اللي بتتكلموا عنها .. هي "مدرسة دلة" و اركب اي لموزين و قول له "دله" و هو هيفهم ..

ثانيا : فيها مدرستين تانيين .. واحدة بعد تفتيش الشميسي علي طريق جدة - مكة المكرمة و دي بعيدة .. و التانية قريبة من المنطقة الصناعية - جدة (و اخشي انها تكون هي نفسها اللي بعد الشميسي )

بالنسبة للاوراق المطلوبة :

خطاب من الكفيل موجه الي مدير مرور جدة بانك شغال عندهم و علي كفالتهم ..

عدد 4 او 6 صور (مش فاكر)

و فيه نموذج هناك بتملاه ..

صورة الاقامة + الاصل

صورة الرخصة المصرية + الاصل

بعض الاحيان بياخدو منك تبرع بالدم

دوسيه اخضر

هذا و الله اعلم

تم تعديل 23 نوفمبر 2008 بواسطة Amr Radwan

[alsaher]

عزيزي المدرسة المعترف بها هناك هي دلة

وبما انك بالجنوب فأفترض أنك ستأتي من الطريق السريع لشارع فلسطين

فستبدأ شارع فلسطين من الشرق

أول ما تنزل من مخرج شارع فلسطين بتقابلك إشارة وعندها في برج دلة المذكور بتاخد من عندها يمين لأول إشارة أيضا بعدين ريتيرن شمال بعدين أول يمين

عموما لو وصلت برج دلة في شرق شارع فلسطين إسأل وبتلاقي ألف يدلك لأأنها جنبها

المطلوب فحص طبي وصورة الجواز وصورة شهادة الميلاد وصورة الإقامة وورقة بيتعبيها وتختمها من الكفيل والغرفة التجارية واعتقد 6 صور شمسية

وبالتوفيق

[ozoozo]

ايه الصداع ده

انت توقف اي لموزين وتقوله مدرسه دله صديج هايقولك 20 ريال تقوله لا 15 هايقولك مشوار طويل هابيبي تقوله انا بركبها كده علي طول هايقولك اتفضل حبيبي وفي الطريق( هايسالك انت تبغى رخصه في مدرسه تعليم مره امتحان كومبيوتر صعب) انت تطنشه وتقوله ما بعرفش اتكلم هندي عشان الدوشه

بعد ما توصل هاتقدم ورقك لاي كشك من الموجودين بالمدرسه وتدفع 400 ريال رسوم الرخصه و40 عشان الملف العلاقي ومصاريف توريد ال400 ريال لبنك الرياض ومش هاتحتاج كشف طبي من بره ولا حاجه هاتحتاج الفصيله ولو عارفها خلاص مفيش داعي للشكشكه

وبعد كده تحديد المستوي لو معاك رخصه مصري هاتدفع 100 ريال ولو لا هاتدفع 435 ريال بتوع المدرسه