نازل مصر وعايز اشترى عربية ارجو النصيحة

[أسد]

نيسان صني ..

موضوعية .. وعملية .. وسعر مناسب لقيمة جيدة ..

[ELSHAMY]

من فضلكم جميعا اخوانى المقيمين فى مصر

عاوز أعرف معلومات عن السيارة جيتا (فولكس فاجن) الاسعار و السمعة و الصيانة...و كله..

شكرا مقدما..

[someonedb]

طيب مش تقولنا ايه هيا؟؟؟؟؟؟؟ احنا مستنيين على ناااار

صراحة بعد بحث مضنى وبما ان الالمانى فى مصر خارج البادجت اللى انا محددته

اتجهت اللكوري .. وبعد بحث مضنى فى الكوري استقريت على سيارتين لانهم كوري خالص

الهيونداى الالنترا و الكيا سيراتو

طبعا كنت خلاص هشترى الالنترا

لكن مقارنة سريعة عرفت ان السيراتو اعلى من الالنترا وهو مناسب لشوراع مصر

لقيت ان جميع الكماليات هنا هى هى هنا والالنترا ب 113 والسيراتو ب 102

وكانت النقطة الاخيرة ان الاتنين مفهومش ايرباج او فرامل ايه بي اس

ففضلت السيراتو ... ولله الحمد لقيت ان السيراتو نزلت مصر اول الاسبوع موديل 2009

والمفاجاة

بها ايرباج وفرامل ايه بي اس وجنوط سبور يعنى كل الكماليات التامينية وهى الاهم ن باقى الكماليات والتكييف تاتش ايضا

فحجزت السيراتو اللون الاسود وهستلمها ان شاء الله بمجرد نزولي الاسبوع القادم

ودى صورتها

ماشاء الله تبارك الله ماشا الله لاقوة الا بالله

اتمنى لكم جميعا التوفيق ،،،

[someonedb]

نسيت اقول ان السيراتو 2009 سعرها 112 الف يعنى اقل من سعر الالنترا 2008

وبعمل سرفي سريع لقيت السعر مقابل الفاليو احسن بكثير

فقط للامانة ،،،

[شاب مصري]

ماشاء الله

الف مبروك

سوق على مهلك :)

[قاهرى]

انا ارجح اما الديهاتسو تريوس ......... حتى لو مستعمل لو سعرها غالى لانها هى العربية التى تستحمل شوارع مصر بصورة ممتازة

او لو مش عايز عربية 4*4 علشان استهلكها للوقود كبير شوية

يبقى ارحج النيسان صنى او التيوتا كورولا او من الاخر اى حاجة يابانى

بس انا بصراحة لو نزلت مصر ناوى اشترى شوفورلية افيو .... على قد لحافك مد رجليك :rolleyes:

[ahmedkamal]

صدقوني شوارعنا وزحمتنا مش فارقه معاهم اي عربيه المهم دور ع العربيه اللي مراكز صيانتها كتير وقطعغيارها متوفره مصر غير الخليج يعني ماتجيبش عربيه مراكز صيانتها قليله وقطع غيارها مش متوفره قوي اما عن الشوارع ف مصر فكل العربيات اللي اتكلمنا عليها واطيه وياريت المشكله مشكله شوارع الاطفال احباب الله اللي بيمشوا يكحتوا ف اي عربيه جديده واللي يحدف ظلطه والوافد الجديد التوك توك لو مشيت ف مناطق موجود فيها التوك توك ببساطه ممكن يعور عربيتك ويقولك فداك ياريس واللي يجي ف الصاج انا عن نفسي حصلي كده ومعرفتش اقول له حاجه رغم ان العربيه كانت مركونه ف زياره نزلت ع صوت خبطه التوك توك يادوب فانوس وحكه وصاحب التوك توك زعلان لان اشارته اتكسرت يعني هيغرم 5 جنيه انما انا يادوب 200 جنيه فنصيحه فكر قوي ف المرايات والفوانيس انا فاكر الفيكترا ايام مرايتها مكنتش بتطبق كانت نادرا لما تلاقي فيكترامرايتها سليمه ، نصيحه سوق وانت مطبق مرايتك ده شيئ مهم لازم تتعلمه انا لما سوقت بره مصر وانا مطبق المرايات بقيت حاسس ان مخلوق فضائي وكنت بطبق المرايه وانا نازل من العربيه الطبع بقى

[esocial]

انا ارجح اما الديهاتسو تريوس ......... حتى لو مستعمل لو سعرها غالى لانها هى العربية التى تستحمل شوارع مصر بصورة ممتازة

او لو مش عايز عربية 4*4 علشان استهلكها للوقود كبير شوية

يبقى ارحج النيسان صنى او التيوتا كورولا او من الاخر اى حاجة يابانى

بس انا بصراحة لو نزلت مصر ناوى اشترى شوفورلية افيو .... على قد لحافك مد رجليك :rolleyes:

كام سعر الديهاتسو تيريوس فى مصر وبره وممكن تكون جماركها فى حدود كام لأنى شايف السيارة دى مناسبة لشوارع مصر

[abdulmuttaleb]

دايهاتسو تريوس

إعلاناتها في أهرام الجمعة ملحق السيارات

يوجد منها موديل عادي (5راكب) وموديل مطول (7راكب)

الموديل العادي متوافر منه دفع رباعي، وسعره من 109ألف حتى 137ألف جنيه.

هذه السيارة أنا أركبها حاليا وملاحظ أن فعلا بدأت تنتشر

أكبر ميزة فيها أنها مرتفعة عن الأرض، وهي ميزة كبيرة ونعمة في مصر، سواء في الرؤية على الطريق أو تلافي المطبات والكلاكيع الأسفلتية

عملت بها حادثتين (أنا كنت الغلطان) والإصلاح كان في شركة الرزق التجارية وهي مركز صيانة معتمد من التوكيل ولم يغلبوني في إصلاحها أو لتأخر قطع الغيار علما بأن الإصلاح استلزم تغيير الشنطة الخلفية بالرفرف، اللي غاظني بس عند شركة الرزق أن لون عربيتي فضي أو رصاصي فكانوا بيحاسبوني على دهان الشنطة آل ايييه هي بتيجي من التوكيل لونها أسود وهم بيدهنوها.

نصيحة أخرى تساوي وزنها ذهب: إذا أردت التأمين على السيارة فاسأل في التوكيل الخاص بالسيارة عن اسم شركة التأمين التي يتعاملون معها وأمّن لديها وذلك يوفر عليك أن تدفع فواتير الإصلاح (بعيد الشر) ثم تحصلها لاحقا، فهنا أنت ستستلم سيارتك بعد الإصلاح ولن تدفع سوى مبلغ بسيط يسمونه نسبة إهلاك فقط.

بالتوفيق،