كيفية التحكم بالمصاريف و استثمار الراتب

[عمرعمرعمر]

الي اخواننا و اباءنا الافاضل اصحاب الخبرة في الغربة

كيف يمكنني التحكم بمصروفي الشهري و اعمل ايه بالمبلغ المتوفر معايا كل شهر

علما بانني راتبي كويس و ساكن ميه و نور ببلاش و معايا عربية و عندي 3 عيال اكبرهم في الصف الاول الابتدائي مدرسة حكومية مجانية

و اشكركم جميعا

[dongol]

بخصوص التحكم في المصروف الشهري فهناك طريقه مجربه و كمان ينصح بيها كل علماء الاقتصاد وهي ان سيادتك يسجل بالورقه و القلم كل مليم يخرج من جيبك لمده 3 شهور متواصلين و في نهايه الثلاث شهور تحاول تعمل بعض البيانات الاحصائيه عن المصاريف يعني 15% اتصرفوا علي الاكل ، 5% علي المواصلات، 20% علي الفسح (دي مجرد امثله و ممكن تكون في حالتك مختلفه تماما عن كده) و بعدين تفكر ازاي تغير من طريقه العيشه اللي سيادتك عايشها يعني مثلا تحاول تختار بند كل شهر من البنود اللي قلناها و تحاول تقلل المصاريف فيه بقدر الامكان يعني مثلا لو بتركب تاكسي كل يوم خلي يوم في الاسبوع تتمشاه و او تركب مواصلات عامه و هكذا الا ان يتم السيطره تماما علي كل البنود

و صدقني بعد ما تعمل كده هتحس بفرق حقيقي في مصاريفك لانها طريقه مجربه

[Amr Radwan]

ابعت لي ايميلك عشان ابعت لك ملف اكسيل هيسهل عليك الموضوع ده ان شاء الله

[ozoozo]

طب ياعموور ماتحمل الاكسيل هنا عشان نستفاد كلنا

[Ghost]

و الله اول مره يخطر على بالي الموضوع ده

عمري ما فكرت في مرتب و لا يحزنون

ما فيش اي دراسة و لا حساب على الفلوس و حاسس ان كده اسهل من الورقة و القلم

مجرد راي

[مصري جدا]

أضم صوتي لطلب الملف للأستفاده منه كلنا...ولك ألف شكر

[redwany]

يه طريقه كويسه انا جربنتها لمدة اسبوع بس فشلت ولكن هاجربها من اول الشهر

انى هاعتبر انى هاصرف الف ريال فى الشهر يبقى حوالى 33 ريال فى اليوم

وماتصرفشى غيرهم

طيب عايز تجيب زيت بستن ريال يبقى تنتظر حتى اليوم التالى وبكده هتوفر الفلوس اللى كنت هتصرفها فى اليوم الاول

انتظرونى بعد شهر واقولكم النتيجه

وربنا يوسع فى رزقنا جميعا اللهم امين

[عمرعمرعمر]

من عينيه يا عم اوزو بس لما توصلي

الاخ رضواني مش توضح انت قاعد لوحدك و لا متجوز عشان نستفيد

جميع الزملاء برجاء اي حد عنده تجربة يقولها عشان الكل يستفيد

[someonedb]

ربنا يوفقك

[Amr Radwan]

السلام عليكم جميعا ...

لو المنتدي ممكن ارفع عليه ملفات كنت رفعتها ..

بس عموما .. جت لي فكرة كويسه .. هعملها و ابعت لكم رد تاني ... و تحياتي لكم

[Amr Radwan]

ملف المصاريف الشهرية - اضغط هنا

برجاء اللي ينزله و يشوف انه كويس يبعت براية .. او شايف ان فيه تعديلات عشان يكون افضل ممكن يرفعه علي نفس الموقع و يبعت هنا عشان نشوفه ..

تحياتي لكم جميعا ..

تم تعديل 26 نوفمبر 2008 بواسطة Amr Radwan

[عمرعمرعمر]

مشكور جدا يا اخ عمرو و ربنا يكرمك

انا لسه هادرسه و اجربه و اقولك رأيي

[msayed]

فيه موقف ظريف حصل لى واتعلمت منه كثير

كنت فى معرض للكتاب وبعدين جمعت كتب كثير علشان اشتريها، بعدين وقع فى إيدى كتاب للدكتور أكرم رضا اسمه "بيوت بلا ديون" بافتح الكتاب وقعت عينى على جملة بتقول إنه لا تشترى ما لاتحتاجه وذلك بأن تحصر قبل أن تدخل أى سوق ما تحتاجه بالفعل ومهما وجدت بالداخل من أشياء فلا تشتريها لأنك ببساطة لا تحتاجها.

بالفعل نظرت إلى كوم الكتب الذى انتقيته وقررت إعادة كل كتاب إلى مكانه.

ولكن ارتكبت عكس النصيحة بأن اشتريت كتاب "بيوت بلا ديون" كمكافأة للكتاب على التوفير الذى وفره لى وثبت صدق النصيحة لأننى من ثلاثة سنوات لم أقرأ ولا صفحة فى هذا الكتاب.

فلنرجع إلى النصيحة:

قبل الذهاب للتسوق اكتب كل ماتحتاجه فى ورقة ولاتشترى أى شيء غير موجود فى الورقة.

بالنسبة للعروض فى الأسواق والمولات فهى سلاح ذو حدين فأحياناً تكون باب من أبواب التوفير إذا توافر شرطان:

الأول: تكون على سلعة أساسية أنت تشتريها سواء فيه عرض أم لا.

الثانى: ألا تكون ممن إذا اشترى السلعة بكمية كبيرة لرخصها ينعكس ذلك على استهلاكه لها فيزيد استهلاكه لها لأنها أمامه فى المنزل طول النهار وبالتالى كأن لافيه عرض ولا يحزنون بل قد يكون العرض مكلف أكثر.

أما إذا كان العرض على سلعة غير أساسية فيجب التفكير مليون مرة قبل شراء شيء لا تحتاجه أبداً.

[Amr Radwan]

فيه موقف ظريف حصل لى واتعلمت منه كثير

كنت فى معرض للكتاب وبعدين جمعت كتب كثير علشان اشتريها، بعدين وقع فى إيدى كتاب للدكتور أكرم رضا اسمه "بيوت بلا ديون" بافتح الكتاب وقعت عينى على جملة بتقول إنه لا تشترى ما لاتحتاجه وذلك بأن تحصر قبل أن تدخل أى سوق ما تحتاجه بالفعل ومهما وجدت بالداخل من أشياء فلا تشتريها لأنك ببساطة لا تحتاجها.

بالفعل نظرت إلى كوم الكتب الذى انتقيته وقررت إعادة كل كتاب إلى مكانه.

ولكن ارتكبت عكس النصيحة بأن اشتريت كتاب "بيوت بلا ديون" كمكافأة للكتاب على التوفير الذى وفره لى وثبت صدق النصيحة لأننى من ثلاثة سنوات لم أقرأ ولا صفحة فى هذا الكتاب.

فلنرجع إلى النصيحة:

قبل الذهاب للتسوق اكتب كل ماتحتاجه فى ورقة ولاتشترى أى شيء غير موجود فى الورقة.

بالنسبة للعروض فى الأسواق والمولات فهى سلاح ذو حدين فأحياناً تكون باب من أبواب التوفير إذا توافر شرطان:

الأول: تكون على سلعة أساسية أنت تشتريها سواء فيه عرض أم لا.

الثانى: ألا تكون ممن إذا اشترى السلعة بكمية كبيرة لرخصها ينعكس ذلك على استهلاكه لها فيزيد استهلاكه لها لأنها أمامه فى المنزل طول النهار وبالتالى كأن لافيه عرض ولا يحزنون بل قد يكون العرض مكلف أكثر.

أما إذا كان العرض على سلعة غير أساسية فيجب التفكير مليون مرة قبل شراء شيء لا تحتاجه أبداً.

كلام منطقي و سليم 100 %

شكرا علي الافادة :closedeyes:

[msayed]

شكرا يا أخ Amr Radwan على الملف، الملف ظريف ولكن به مشكلة وهى أنه لا يحسب لذا يرجى إضافة المعادلة

"=SUM(B4:B7)"

فى الخلية B8

ملاحظة أخرى وهى بند الصدقات فى الجدول

فالصدقة بالذات لاتخضع لقوانين الحساب والجمع والطرح ولكن لقانون غيبى وهو البركة من الله فمن يقدر على زيادتها فذلك خير فى الحدود ألا يرمى نفسه فى الفقر.

وأكرر شكرى على الجدول الجميل وممكن كل واحد يزود أو يحذف ما يناسبه

[Amr Radwan]

شكرا يا أخ Amr Radwan على الملف، الملف ظريف ولكن به مشكلة وهى أنه لا يحسب لذا يرجى إضافة المعادلة

"=SUM(B4:B7)"

فى الخلية B8

ملاحظة أخرى وهى بند الصدقات فى الجدول

فالصدقة بالذات لاتخضع لقوانين الحساب والجمع والطرح ولكن لقانون غيبى وهو البركة من الله فمن يقدر على زيادتها فذلك خير فى الحدود ألا يرمى نفسه فى الفقر.

وأكرر شكرى على الجدول الجميل وممكن كل واحد يزود أو يحذف ما يناسبه

تسلم يا حبيبنا msaid

علي فكرة الملف ده كان ملف ورد و حولته الي ملف اكسل لسهوله التعامل معه و عمل المعادلات ..

و بالنسبة للخانات اللي فيه .. طبعا كل واحد ممكن يعدل علي الملف براحته و علي حسب احتياجاته .. و شاكر لك علي الرد .. و التعديل عليه ..

و اقترح .. ان احد الاخوة المحاسبين ممكن يجمع كل التعليقات اللي علي الملف و يعمل منها نسخة جديدة و ناخدها كلنا مرة واحدة ..

علي فكرة ..

فيه عندي ملف تاني برده بالاكسيل .. بس احترافي اكتر .. احد الاخوة اداهولي .. هشوفة في البيت و ارسله لكم برده ان شاء الله

تحياتي لكم جميعا ..

[عمرعمرعمر]

امال فين الجماعة المدقرمين

و لا خايفين من الحسد

[a m ghazi]

بالنسبة للعروض فى الأسواق والمولات فهى سلاح ذو حدين فأحياناً تكون باب من أبواب التوفير إذا توافر شرطان:

الأول: تكون على سلعة أساسية أنت تشتريها سواء فيه عرض أم لا.

الثانى: ألا تكون ممن إذا اشترى السلعة بكمية كبيرة لرخصها ينعكس ذلك على استهلاكه لها فيزيد استهلاكه لها لأنها أمامه فى المنزل طول النهار وبالتالى كأن لافيه عرض ولا يحزنون بل قد يكون العرض مكلف أكثر.

أما إذا كان العرض على سلعة غير أساسية فيجب التفكير مليون مرة قبل شراء شيء لا تحتاجه أبداً.

الكلام ده تمام وزي الفل

بس احب اضيف بس حاجه صغيره

لما تشتري اي سلعه غذائيه او اي سلعه لها تاريخ انتهاء صلاحيه

تاكد من العرض بتاعك

كمثال

انت دخلت تشتري علبه سمنه لقيت عرض علي السمنه اشتري واحده وخد واحده مجانا

اتاكد من تاريخ انتهاء الصلاحيه للاتنين

هتلاقي واحده هتخلص بعد شهر والتانيه لسه بدري

دا اسمه نظام تصريف الاكسبير في شركات المبيعات

اللي يعرف الكلام ده كويس المندوبين

تقبلو تحياتي

احمد غازي

[بركة]

يارب الكل يستفيد من رايي المتواضع......

أولا لازم نجيب كراسة خاصة بالمصاريف و الايرادات(المرتب)

ثانيا يكتب فيها في بداية كل شهر كذا مدفوعات ثابته زي تليفون انترنت الخ.......

ثالثا احتياجات المنزل والاولاد من أكل وشرب وخلافه كذا........

رابعا ايرادات - المصروفات = كذا وليكن هيتبقى 1000 ريال

خامسا وده مربط الفرس أنا حوشت كام آخر ستة شهور أو سنة هايكون الناتج مختلف بالزياده أو النقص عن المفروض اللي

هو (1000 في الشهر * عدد الشهور) يبقى ساعتها لو بالزياده معنى كده إن انا ماشيه تمام و مش بخرف في المصاريف

ولو مساويه يبقى حساباتي دقيقة وهدفي حاجه من اتنين يا إما أحافظ على النظام اللي ماشيه

عليه أو كده إسراف ونفسي أكون أفضل.

ولو بالناقص يعني المفروض أحوش 12000 في سنة وأنا بحوش 10000 مثلا

يبقى أشوف المصاريف الزائدة دي راحت فين ولو مش فاكر يبقى لازم أكتب دايما أو للأسهل أحط مصروف كل شهر

في ظرف أو مكان الكل يسحب فقط منه و لما ييجي آخر الشهر وخلصت الفلوس ولسه في طلبات أسحب

من حساب الشهر اللي بعده و بالطبع يخصم المبلغ المسحوب من الحساب عند بداية الصفحة عشان الواحد

يبقى لامم نفسة ويلم ايديه .

طبعا المفروض يكون في حساباتنا بند الطوارئ زي استثناءات مصروف العيد و الاجازة

وربنا ما يقدر على أحد حاجة وحشة تانية آمين يارب.........

والاهم لا أظلم بيتي ولا أولادي عشان أحوش أكتر لأن ده حرام علينا

والرزق بيد الله كما عرفنا الرسول عليه الصلاة والسلام

أن هناك منادي ينادي كل يوم في السماء " اللهم أعطي منفقا خلفا وأعطي ممسكا تلفا "