لخبراء التامينات الاجتماعية بالشركات الخاصة-مصر ؟؟

[سكر]

الاخوة المحترمين فى المنتدى

ليا كدة سوال عن موضوع التامينات الاجتماعية فى مصر بقالى اكثر من سنة مش لاقى حد يجاوبنى عليه

ويعطينى نصيحه اخلص بها الموضوع

انا كنت شغال فى شركة قطاع خاص بمصر عقد يعنى يجدد سنوى

وبعدين سافرت على الرياض 2004

طلبت اجازة من الشركة بدون مرتب تمت الموافقها حينها بس بشرط انى ادفع التامينات كامله

المهم كام ياعم التامينات كانت فى حدود 2500 جنيه

وفى عام 2006 اتصل بيا المحاسب وقالى اعمل حسابك حصل كابسة من التامينات فى الشركة

والتامينات اصبحت الضعف ويمكن اكثر وفعلا تامينات الشركة كلها زادت

تقريبا فى السنة الواحدة 5500 جنية مش عارف لية

المهم انا دفعت سنة 2006 ونصف 2007

باقى الحين 2008 كلها ونصف 2007 يعنى فى حدود

8000 جنية مصر

السوال الى بيطرح نفسة ومجننى

هو انا بدفع المبلغ دة لية

كل ما اسال حد يقولى عشان المعاش

طيب هل المعاش يوازى قيمة المبالغ المدفوعة

وهل لو لغيت التامينات يبقى فى مشاكل فى الى اندفع ولا خلاص بح يعنى ممكن اكمل فى اى وقت

ومش اكيد فى طريقة احسن ممكن الواحد يستفيد من المبلغ انا حاسس ان المبلغ كبير والعائد قليل

والله الموضوع دة هرش دماغى كتير ومش فاهم اعمل اية خصوصا وانى نازل الاسبوع القادم مصر

وعايز اخد قرار اكمل دفع ولا الغى الموضوع تماما وانا ممكن اكمل فى الرياض سنتين او تلاتة بالكتير

ياريت اسمع راى الخبراء او اصحاب التجارب

وشكرا

[nightmare]

واللاهي حضرتك جيت علي الجرح

نفس المعاناة بتاعة كل سنة , حضرتك اخوك موظف حكومي براتب 124.40 قرش .. اشتغلت حوالي 3 سنين لغاية مرتبي ما وصل الى 168 جنيه , قدمت علي أجازة وسافرت

وكل سنة ادفع ضرائب+تأمينات ومعاشات+نقابة .. مبلغ في حدود من 2500 الى 3000 جنيه في السنة الواحدة

وانا مش عارف ليه بصراحة ده المرتب كله علي بعضه لو ضربته في عدد شهور السنة مش هيجيب المبلغ ده

والمشكلة الأكبر بقي حضرتك ان بقالي 3 سنين ما دفعتش يعني هنزل مصر اخبطلي بتاع 9000 جنيه والا حاجة

لكن هرجع واقول "حسبي الله ونعم الوكيل" في اللى مش سايبنا لابره ولا جوه

[ابو حودة]

على حد معلوماتي ان التأمينات الاجتماعية عبارة عن 3 انصبة

الاول يقوم الموظف بدفعه وهو عبارة عن 10 % من راتبه الاساسي

والثاني يقوم صاحب العمل ( حكومة او قطاع خاص ) بدفعه وهو 20% من الراتب الاساسي

والثالث هو التأمين الصحي والادخار وهو 1% و3 % من الراتب الاساسي

ثانيا الاجر المتغير ويدفع عنه نسبة 10% بحد اقصى للراتب 500 جنيه شهريا يعني 6000 جنيه سنويا يعني نسبة الـ 10% تساوي 600 جنيه

في حالة القيام باجازة بدون مرتب ( غالبا الحكومة ) يقوم الموظف بسداد التأمينات كاملة فمن غير العدل ان تدفع عنك وانت لا تعمل لديها تلك الفترة ( على فكرة انا موظف حكومي واخد اجازة بدون مرتب )

نأتي لمسألة علاقة السببية بين المعاش والتأمينات الاجتماعية هو صحيح النسبة كبيرة حبتين وعلشان كده انا قريت النهاردة ان يوسف بطرس غالي وزير المالية بيقول انهم يدخلوا مجلس الشعب تعديل قانون التامينات لتخفيض النسبة لانها عالية

موضوع كبسة التأمينات على شركتكم يبقى اكيد كان المرتب التأميني غير المرتبات الحقيقية علشان كدة الكبسة وجدت الفروق دي وقدرت تسبتها علشان كدة تم التعديل وعلى فكرة ده في مصلحتكم علشان المعاش بيتحسب على متوسط اخر مرتب تأميني حسب المدة في الحكومة اخر سنتين والقطاع الخاص مش عارف كام سنة باين اخر سبع سنوات

[ابو حودة]

عفوا كلمة تثبتها بالثاء وليس السين

[ozoozo]

مافيش اي مشكله لو عايز توقفالدفع

انت في حاله بلوغ الستين او الوفاه بتم حساب المده وادا كانت افل من 20 سنه دفعتهم بتاخد مكافاه ولو اكتر بتاخد معاش والكلام ده اكيد

تم تعديل 25 نوفمبر 2008 بواسطة ozoozo