الحكومة دى هتجننى حد يفهمنى!!!!!!!!

[ذهبية]

لقاهرة - محرر مصراوي - أكد سامح فهمي وزير البترول أن قطاع البترول في مصر يقع في وسط العاصفة العالمية والأسوأ لم يأت بعد.

نقلت صحيفة الوفد عن سامح فهمي قوله أن الأزمة العالمية ستؤثر سلباً على إيرادات قطاع البترول من الصادرات، وستنخفض قيمة الواردات البترولية ممثلة في السولار والبوتاجاز.

وأشار فهمي إلى أن أسعار منتجات البترول لن تنخفض في السوق المحلي في ظل انخفاض أسعار البترول العالمية لأنها لم تصل إلى السعر العالمي.

افهم بقى يعنى اية هى الحكومة مش رفعت قبل كدة الاسعار علشان سعر البترول العاملى زاد و فضلت تحسبها لينا بالورقة و القلم و حطتنا امام الامر الواقع كاننا مش بنفهم احسن منهم و هما عارفين مصلحتنا اكتر مننا

طيب السعر العالمى انخفض بصورة لم تحدث من سنين المفروض لو عندنا شفافية ووضوح ان الاسعار تلقائى تنخفض لان السبب اللى ارتفعت على حسة اختفى ياترى اية الحجة المرة دى لانى بصراحة مش فاهمة حاجة ممكن اللى يفهم يقولى ؟؟؟؟؟؟

ولااحنا فى الوحشة بس مع بعض والاتحاد قوة و لما تيجى الحلوة تتغير الحسابات !!!!!!!!!!!!!!!

[se_ Elsyed]

لا اعتقد إن أسعار المواد البترولية إنخفضت في باقي دول العالم

لإن إنخفاض سعر برميل البترول أكثر من 50 % في الأسابيع الأخيرة .. تزامن مع حالة الركود الإقتصادي .. فلو خفضوا سعر البنزين هايبقى موت وخراب ديار

وكمان هما اذكية وعارفين إن الناس مش هاتقدر تستغنى عنه

[yasser6666]

مسا الخير يا ابو السيد...للاسف معلوماتك خاطئة بخصوص ان اسعار البنزين لم تنخفض في دول العالم

لا أعرف بالنسبة للسعودية عندكم ولكن في أوربا الاسعار تقريبا يوميا بتنخفض سنت او سنتين واليوم وصل سعر اللتر الي

(1.02 يورو) والسعر ده لم نراه من اكتر من تسعة شهور او سنة تقريبا

واحب ابلغك انه اثناء الازمة وعندما كان سعر البرميل وصل الي (140 دولار) كان وقتها سعر اللتر هنا (1.35) وكانت الناس بتصوت ومش عارفين يوفروا ازاي في مشاوريهم ولكن الحمدلله دلوقتي اتعدلت شوية

المهم اللي احب اقوله ان الحكومات المحترمة بتشتغل للشعب ومش بتشتغلهم او بتشتغل عليهم زي عندنا

[se_ Elsyed]

حمد الله عالسلامه يا ياسر باشا وجزاك الله خير على الآبديت ده

[أشرف محمد]

الأخت الكريمة / ذهبية

تحية طيبة وبعد 000

في حقيقة الأمر أنه لم يتم رفع أسعار البنزين بسبب إرتفاع أسعاره عالمياً كم يقال والدليل على ذلك أنه لم يتم تخفيضه بعد هبوط الأسعار لأكثر من 60 % وإنما تم زيادته كغيره من باقي السلع لإفلاس الحكومة الحالية وعدم مقدرتها على إستحداث موارد جديدة لتمويل الإنفاق العام للدولة ، فالإقتصاد المصري ياسيدتي الآن في القاع ، لقد وصل معدّل التضخم عندنا إلى 22% وهذا يعكس التناقض الواضح بين المؤشرات المعلنة عن تحسن الإقتصاد المصري وبين الحالة المتردية التي وصلت إليها أحوال المعيشة في مصر 0

الأخت الفاضلة 000

لقد سارعت حكومات العالم لإنقاذ إقتصادها وذلك بضخ المليارات في أسواق المال لديهم وعندنا يضحكون على المستثمر ويقولون له لا تخف من هبوط الأسعار فهي مجرد عمليات جني أرباح ! ولا أدري أين هذه الأرباح التي يتحدثون عنها بعد أن وصل الإنهيار لأكثر من 70 % في أقل من شهرين 0

الحكومة عندنا ضعيفة جداً ولا تستطيع مراقبة الأسواق وهي حكومة متخبّطة في قراراتها وأبسط مثال لذلك قانون المرور الجديد والتي قررت فيه إلغاء المقطورات وعندما إكتشفت أنه في مصر أكثر من 75000 مقطورة قامت بتأجيل إقرار هذا القانون ! فهل هذا ممكن أن يحدث في أي دولة في العالم ؟

شكراً مع خالص تحياتي

مهندس أشرف محمد