كندا وحشة !

[samehelassad]

انا ايلي شوفته قدم يد العون فعلا بمواضيعه ايلي ناس كتير استفادوا منها هو اللاخ ياسر علي سبيل المثال لا الحصر الضرائب,,الميزانية,,معادلة المهندسين وولاد الحلال بره وجوة فضلوا وراه لحد ماطفشوه وخلوه يشك في كل العالم ايلي بره وجوة...والاخ هادي صاحب الفكرة..الباقي كلام بن عم حديت..وكل ايلي بنسمعه ربنا يجعله في ميزان حسناتك وان شاء الله نتقابل علي خير وانا اقسم بالله ماحد حيقابل حد لانه كله خايف من كله...انا عضو في منتديات اوربية وعربية كتيرة ماشفتش جنسية بتعمل مع بعضها كده...حاجة تشل

انا اتفق معاك قلبا وقالبا في الحتة بتاعة بشمهندس ياسر ربنا يرجعهولنا بالسلامة. وهو دة بجد اكتر واحد يشجعك على الهجرة. وهو اللي قال لو عاد بي الزمن للوراء لاخترت اني اهاجر مرة تانية. ربنا يمسية بالخير. لكن نقطة ان مافيش جنسية بتعمل مع بعضها كدة. معلش انا مش معاك اطلاقا في دي. حتى لو حضرتك شوفت منهم كتير بس دي مش قاعدة وماينفعش نقول الحسنة تخص والسيئة تعم. صوابعك مش زي بعضها. ومحدش يعرف ماخفي عن الجنسيات الاخرى عشان يحكم بان اهل بلدة اوحش من الباقيين.

[Torontotruk]

[/

. لكن نقطة ان مافيش جنسية بتعمل مع بعضها كدة. معلش انا مش معاك اطلاقا في دي. حتى لو حضرتك شوفت منهم كتير بس دي مش قاعدة وماينفعش نقول الحسنة تخص والسيئة تعم. صوابعك مش زي بعضها. ومحدش يعرف ماخفي عن الجنسيات الاخرى عشان يحكم بان اهل بلدة اوحش من الباقيين.

ماشي ...عايزين نسمع رايك لما توصل لبر الامان.

[newcomer]

معلش اعذرونى بما انى مستجدة :blink:

هو ليه المقارنة دى اساسا....... يعنى فى العموم يعنى ..... اى مهاجر من اى بلد لاى بلد تانية ..... لازم يكون شايف بلده وحشة؟؟؟؟؟

زمان كان فبه هجره داخلية فى مصر من الريف للمدن و خصوصا للقاهرة و الاسكندرية....... وماكنش الناس بتشتم فى الريف و لا فى اهاليها

كانت بتشوف ايجابيات و سلبيات فى الاتنين و تروح المدينة و ترجع تزور و تستريح فى الريف....

برضه كان فيه ناس من اليونان و ايطاليا و لبنان و.....و...و...... مهاجرين لمصر .....و ماكانوش بيشتموا و لا بيقارنوا بلادهم بمصر ( على الاقل قدامنا)

زى ماحضراتكم قلتم...... كل واحد عارف ايه اللى ناقصه و بيدور عليه و حاطه على قايمة اولوياته............انا بالنسبه لية.........مصر بكل عيوبها بكل مشاكلها

مش شايفة احلى منها ( على فكرة انا متاكدة ان ده احساس اى مصرى...... حتى و لو ادعى غير كده ) وكل عيب فيها بينى و بين نفسى ليه مليون سبب و مليون حل باذن الله....... لكن التعليم فى كندا بهرنى ( بدون دخول فى المقارنة مع مصر ....)

حقيقى باتمنى ان ولادى ربنا يجعل لهم نصيب فيه........ فى الحالة دى فكرت و نويت على كندا من غير المقارنات اللى بتحرق دمنا كلنا........ يعنى قصدى

ان كل واحد فينا ليه اتجاه غير التانى ....... يبقى عمرنا ما هنكون صدى صوت لبعض........

هو هنا فيه نسكافية و لا هانمشيها شاى......... :blink:

[samehelassad]

دكتورنا العزيز التهامي باشا: عشان خاطري انزلنا بحلقة جامدة من اياهم خلينا نغير الموضوع دة؟ عاوزين نستفيد من خبرتك بجد والله. واسف لو كنت رديت في موضوع خارج عن اطار الهاند اوفر. تقبل خالص شكري وتحياتي.

[Torontotruk]

هي ايه اصلا الديانة الأصلية في كندا ؟

الديانة...مش عارف...بس شايف الناس ماعندهومشي دين...كنت في الصابوي مع صديق من احدي جمهوريات الفشل..وكنت بفاصل معاه في بيعة ماتمتش ففي وسط الكلام قلت I SWEAR GODفلقيت واحدة واضح من لهجتها انها كندية متأصلة بتسألني ويتش جود؟طبعا كنت عايز اقولها زي ما قال احمد مظهر في فيلم واسلاماه لقائد الصليبين...

90 في المية بيقولوا THERE ARE NO GODوخمسة في المية وثنين...و5في المية كاتوليك علي بروتستانت علي اوردوزكس يونانين ويهود علي مسلمين..

[Torontotruk]

ازاي ده حاته يوم الجمعة هناك شغل مش بيدونا فرصة نصلي يعني معتبرنا اصلا مش موجودين

لا حتصلي وفي مكتب المدير لو حبيت...بس مش هي دي المشكلة.

[ابن الصعيد]

امال المشكلة في اية

[د هشام ابراهيم]

الأخوة الأفاضل .... أخوكم مشترك جديد في المنتدى و ديه أول مشاركة لي ... أنا في كندا بقالي ٤ سنين .... تورنتو تحديدا .... كل اللي أقدر أقوله في الموضوع ده ....فعلا كندا مش جنة ....بس أنا كنت هربان من النار ....الحمد لله على كندا و ربنا يديمها علينا نعمة ....كلمة حلوة و كلمتين حلوة يا كانادا (متنغمة :rolleyes:)

[qenawy]

الأخوة الأفاضل .... أخوكم مشترك جديد في المنتدى و ديه أول مشاركة لي ... أنا في كندا بقالي ٤ سنين .... تورنتو تحديدا .... كل اللي أقدر أقوله في الموضوع ده ....فعلا كندا مش جنة ....بس أنا كنت هربان من النار ....الحمد لله على كندا و ربنا يديمها علينا نعمة ....كلمة حلوة و كلمتين حلوة يا كانادا (متنغمة :rolleyes: )

اااااااااامين

بادعيلك يا دكتور

تشرفنا

حسنا هيا لي الجد واحكيلنا قصتك بالتفصيل وهل ماشي ف المعادلة ام لا ونصائحك لمن هم علي الطريق مثلنا وشكرا د هشام

[د هشام ابراهيم]

الأخوة الأفاضل .... أخوكم مشترك جديد في المنتدى و ديه أول مشاركة لي ... أنا في كندا بقالي ٤ سنين .... تورنتو تحديدا .... كل اللي أقدر أقوله في الموضوع ده ....فعلا كندا مش جنة ....بس أنا كنت هربان من النار ....الحمد لله على كندا و ربنا يديمها علينا نعمة ....كلمة حلوة و كلمتين حلوة يا كانادا (متنغمة :rolleyes: )

اااااااااامين

بادعيلك يا دكتور

تشرفنا

حسنا هيا لي الجد واحكيلنا قصتك بالتفصيل وهل ماشي ف المعادلة ام لا ونصائحك لمن هم علي الطريق مثلنا وشكرا د هشام

الله يخليك يا أخي الفاضل ... أنا فعلا ماشي في اجراءات المعادلة و مقدم على ال-CaRMS و مقدم في ال-CEHPEA .... أنا للاسف اتأخرت شوية في مشواري .... جزء كبير من التأخير ده كان سببه اني ما كنتش فاهم اللعبة كويس و ما بذلتش مجهود كفاية .... النصيحة اللي أقدر أقولها للكل .... المعادلة صعبة و الامتحانات صعبة انما تستاهل المشقة ...و ربنا يوفق الجميع

[qenawy]

يا دكتور هشام

يبدو ان تجربة حضرتك ثرية وبصراحة كلنا طمع في كرم حضرتك تحكيها لنا

يعني انا لقيت تورنتو نوتس 1350 صفحة وبصراحة انا استقليتهم اي نعم انا لسة ما بداتش اذاكر ولكن هل توجد مصادر افضل

ثانيا انا ناوي ابتدي المعادلة من مصر حيث انا موجود الان لغاية ما طلب الهجرة ان شاء الله يتقبل ام نصبر افضل لما نهاجر

تحياتي

انت بس فضي نفسك ساعة لنا كده الوقت الي يناسبك وستجدنا اذانا صاغية

[اسكندرية تانى]

الاخ الفاضل هشام ابراهيم

اولا : اهلا بك بين اخوانك فى المنتدى

ثانيا: يالا خش فى الجد و احكى لنا الحكاية من طأطأ الى سلام عليكم

و تقبل تحياتى :rolleyes: :rolleyes:

[qenawy]

شكر كبير لدكتور اسكندرية تاني لانه انسان جدع

بصراحة ليه افضال كبيرة في وضعنا علي الطريق الصحيح ربنا يكرمه

تم تعديل 27 نوفمبر 2008 بواسطة qenawy

[ايهاب سالم]

بغرض التنظيم فقط يا جماعه

اقترح على الدكتور هشام لو ناوي يحكي انه يعمل موضوع منفصل زي موضوعات دكاترنا الكبار تهامي و الشامي

وخلينا نسيب الموضوع ده للغرض المفتوح من اجله و هو ذكر مساؤي و عيوب الحياه في كندا

[moheltohamy]

عزيزي د. هشام...

تشرّفنا بوجودك معانا في المنتدى. أتمنى تفيد وتستفيد (وإن كنت أشك في التانية :rolleyes: )

المهم... طبعاً زي ما سيادتك شايف ، قصتك وحكايتك بقت مطلب قومي ، نتمنى تلبيه للناس الغلابة دول (همّه مش انا :rolleyes: )

بس يا جماعة أستأذنكو يكون توبيك منفصل للموضوع ده ؛ لأنه هيفيد مجموعة كبيرة من الأطباء معانا. يعني الفكرة بس إننا نخلّينا كاتيجورايزد...

عشان الكلام الزُبد بتاع موضوع المعادلة ما يتوهش في موضوع كندا وحشة ، ونيجي ندوّر عليه بعدين ما نلاقيهوش!

[د هشام ابراهيم]

أنا تحت أمركم يا اخواني ..... و الأخ الفاضل إيهاب عنده حق موضوع منفصل أحسن علشان ما نغيرش مسار الموضوع ده

[ايهاب سالم]

نرجع لموضوعنا

كندا وحشه

يالا مين عايز يتكلم

تم تعديل 27 نوفمبر 2008 بواسطة ايهاب سالم

[د هشام ابراهيم]

إضغط هنا لزيارة موقعي

الأخوة الافاضل أنا ابتديت موضوع جديد فعلا للرد على كل الاستفسارات بس اعذروني اذا تأخرت في الرد قليلا

[ناجى فاروق تاوضروس]

صباح الخير

بعد التحية ...

متابع بس نفسى اجد حد يقول وحشة ولو وحشة سافر ليه ولو لما سافر لقيها وحشة طب ما يرجع.

[شاب مصري]

ارجوكم بلاش نحجر على اللي يقول كلام سلبي أو عيوب

ونقوللهم انت قاعد ليه ومرجعتش ليه

http://www.egyptiantalks.org/invb/index.ph...st&p=414688

تم تعديل 28 نوفمبر 2008 بواسطة شاب مصري