كندا وحشة !

[Mizomiromizo]

ازاي ده حاته يوم الجمعة هناك شغل مش بيدونا فرصة نصلي يعني معتبرنا اصلا مش موجودين

[qenawy]

رسالة للجميع

كن جميلا تري الوجود جميلا وبس خلاص

[qenawy]

ازاي ده حاته يوم الجمعة هناك شغل مش بيدونا فرصة نصلي يعني معتبرنا اصلا مش موجودين

بحكم الدستور من حقك تصلي الجمعه يا ريس

سيبك من الافكار المسبقة

[qenawy]

مصر جميلة انما العيب مش في الحجر العيب في سلبية البشر والفراعنة الجدد

الصورة السابقة من شقتي

[qenawy]

دي عشان نهدي الجو شوية

خلاص يا تهامي قلبك ابيض

[qenawy]

باي باي

[moheltohamy]

القصة مش في جمال الطبيعة يا د. خالد... المثل بيقوللك البلد من غير ناس ما تنداس!

لكن مش ده موضوعنا...

بالنسبة لنقطة الدين والحرية الدينية هناك ؛ أعتقد د. الشامي أوفى في كلامه عن النقطة دي بالذات ، واحترام الدولة للحرية الدينية ؛ بل و مساعدتهم له في متابعة سلوك بنته في المدرسة كما يتطلب دينه ، وإجبار باقي الطلاب على مراعاة مشاعر زملائهم المختلفين عنهم ف الديانة...

أما إن كنت عاوز كندا تزوّد يوم الجمعة أجازة رسمية عشان صلاة الجمعة... طب ما هييجي الهندوس والسيخ يقولولك الاتنين ده يوم الصلاة بتاعنا... ويجيلك البهائيين يقولولك واحنا معلش يوم الخميس مهم عشان بنروح نصالح الأديان على بعضها ف اليوم ده...

وشويّه شويّه نؤعد احنا كل الكنديين ف البيت ، ونجيب طقم خدّامين فلبّينيين يخدّموا علينا ، ويدعكولنا في رجلينا ، وييجي ستيفن هاربر يرضّعنا ويحمّينا وينيّمنا في سريريييرنا!

عموماً... هاحاول اتكلّم عن الجانب الديني في الهاند أوفر بتاعي ف الكام يوم الجايين ؛ عشان الناس اللي قلقانة م النؤطة دي!

تم تعديل 25 نوفمبر 2008 بواسطة moheltohamy

[galaxy]

دكتور تهامي روق كدا وما تزعلش خالص..

كل مكان فيه الحلو والوحش يا جماعه ..........بس قبل ما تتحرك في اي اتجاه لازم تحدد انت عايز ايه.................معظم الناس اللي رايحه وراحت وعايزة لسه تروح مرتاحين جدا جدا في بلادهم ............بس مش باصين للراحه دي دول باصين للادميه واللايف استايل والعيشه المرتاحه البال ............الناس دي بتروح تبدا من الصفر وتذاكر من اول وجديد عشان تكوت مرتاحه وواخده حقها بادميه .............يعني بتبني من الاول تاني وبتبدا من جديد مش رايحه للراحه والاعانات.............راحه البال هيا اللي بتخلي الناس بتبسم ودا مفقود عندنا للاسف يا دكتورنا ............لان الناس مهمومه............ربنا معاهم ومعانا.....بس لو كل واحد حدد اتجاه وعايزة ليه هيعرف كويس هي حلوة ولا وحشه ..............وبعدين مفيش حاجه سهله خالص بس الصعب يهون طول ما انت بني ادم ومعزز مكرم وواخد حقك...............عايز فلوس اطلع ع الخليج ولو انه مبقاش زي الاول............عايز كندا مفيش مشاكل روح بس اعمل حسابك انك هتتعب او هتجتهد بمعني اصح الاول وبعدها هتلاقي النتيجه ان شاء الله لان الله لا يضيع اجر من احسن عملا وانت واختيارك.......وكل واحد بيختار وينام ع الجنب اللي يريحه...

.........وبالتوفيق للجميع اللي عايز يهاجر واللي مش عايز واللي لسه بيفكر.

[moheltohamy]

يا نهار أزرأ يا جودعااان...

دا إيه الإقبال الرهيب ع التوبيك ده؟! كل ده عشان إسمه كندا وحشة؟! :blink:

ويا تري الناس اللي شدّها الموضوع داخلة و (أخيراً حد قال كلمة حق!) ، ولاّ (دا مين ده اللي بايع نفسه وبيغلط في أمّنا؟!) ؟ :blink:

كلام منطقي يا جالاكسي... واحب أزوّد عليه حاجة...

محدّش بيغيّر قناعاته الشخصية... كل واحد في دماغه فكرة ؛ بيفضل ماشي بدماغه ، بس كل الموضوع إنه بيتحمّس شويّة أو يُحبَط شوية...

بس ع الأئل مش هيقول منكو لله يا اللي سبأتوني وما حذرتونيش!

[alsaher]

د. تهامي

انا حأتكلم زي ما حضرتك طلبت عن تجارب قدامي وواقع

أنا واحد من الناس الحمد لله مرتاح ماديا وقاعد بأدرس ومصروفي واصلني تالت ومتلت وعايش أحسن من ناس كتير

وأول ما أخلص قادر أتجوز واعيش بغض النظر عن مرتب وكام وفين والكلام ده

ووالدي عنده من المال ما يضمن له بقية حياته مرتاح وغير محتاج لأحد بإذن الله

لكننا توجهنا للهجرة وفي طريقنا لكندا إن شاء الله مش بس كده

ده ممكن كندا تكلفنا كتييييييييير جدا لأننا رايحين كهجرة مستثمر

ليه ؟؟ لأن الفلوس مش كل حاجة فعلا

في حلم إنك تكون حاجة ليها قيمة

تتعلم تعليم له قيمة

تتعالج لو صابك مرض لا سمح الله

تعيش في أمان

لما توقف في مطار وفي طابور جاوازات ما حدش يشخط فيك ولا يجرؤ يتلكم معاك بصورة غير محترمة

من الآخر عايز وطن

وعندي تجربة أخرى

أعرف شخص له مجموعة شركات ويعتبر ممن يصنفون ضمن لائحة الأثرياء

لما راح كندا سياحة , بقى عايز يشتري بيت ويصفي أعماله ويقعد هناك ويشتغل هناك !!

كان بيحكي لي كفاية منظر أطفالك وهما رايحين المدارس ومبسوطين

إنت عارف قعد يقول لو جت لك فرصة كندا ورفضتها تكون اجرمت في حق نفسك واهلك

[galaxy]

يا نهار أزرأ يا جودعااان...

دا إيه الإقبال الرهيب ع التوبيك ده؟! كل ده عشان إسمه كندا وحشة؟! :blink:

ويا تري الناس اللي شدّها الموضوع داخلة و (أخيراً حد قال كلمة حق!) ، ولاّ (دا مين ده اللي بايع نفسه وبيغلط في أمّنا؟!) ؟ :lol:

كلام منطقي يا جالاكسي... واحب أزوّد عليه حاجة...

محدّش بيغيّر قناعاته الشخصية... كل واحد في دماغه فكرة ؛ بيفضل ماشي بدماغه ، بس كل الموضوع إنه بيتحمّس شويّة أو يُحبَط شوية...

بس ع الأئل مش هيقول منكو لله يا اللي سبأتوني وما حذرتونيش!

يا خبر يا دكتور ..............دا انا كنت داخله اشوف من دا اللي اتجرأ وبيقول كدا علي كندا :blink: لقيتك زعلان قلت مايصحش wst:: دكتورنا زعلان كدا واحنا ساكتين علي حق كندا :blink: ..................تقبل تحياتي :blink: :)

[samehelassad]

احلى حاجة ان اللي مش عاجبة او عندة تجربة فاشلة او اللي عندة معرفة بمساوء كندا. والوهم اللي احنا عايشين فية. محدش خش حتى يعبرنا بنصيحة واحدة تخلينا نفوق من الحلم.

[ايناس احمد]

شوف يادكتور تهامى متزعلشى نفسك فية نوعية من البشر كدا ربنا خلقها مبتحبش الخير لغيرها وكأن اللى حيجى كندا حياخد من رزقهم مع ان الأرزاق بيد اللة فلما يلاقو الناس مبسوطة وفية ناس ولاد حلال امثال حضرتك والدكتور الشامى بتمد يد العون للناس بد ون اى مقابل الا

ابتغاء الاجر من اللة فلازم الناس دى تحبط الناس وتجمع كل العيوب اللى شايفنها من وجة نظرهم ويقولوها وصدقنى هما نفسهم اكيد تخطو المرحلة دى وبقو دلوقتى عايشين كويس قوى فى كندا بس العملية (غل بعيد عنك)

هما المصريين كدا قليل اللى بيحب الخير لخوة

اللى شايف ان كندا وحشة مصر موجودة وربنا يعينة بس اذا لقى ادميتة فيها يقولنا واحنا حنسيب كندا ونرجع

[Torontotruk]

اللى شايف ان كندا وحشة مصر موجودة وربنا يعينة بس اذا لقى ادميتة فيها يقولنا واحنا حنسيب كندا ونرجع

طب مش لما توصلي الاول تبقي ترجعي.

[ايناس احمد]

اللى شايف ان كندا وحشة مصر موجودة وربنا يعينة بس اذا لقى ادميتة فيها يقولنا واحنا حنسيب كندا ونرجع

طب مش لما توصلي الاول تبقي ترجعي.

تفائلو بالخير تجدوة ان شاء اللة حنوصل

[moheltohamy]

د. تهامي

انا حأتكلم زي ما حضرتك طلبت عن تجارب قدامي وواقع

أنا واحد من الناس الحمد لله مرتاح ماديا وقاعد بأدرس ومصروفي واصلني تالت ومتلت وعايش أحسن من ناس كتير

وأول ما أخلص قادر أتجوز واعيش بغض النظر عن مرتب وكام وفين والكلام ده

ووالدي عنده من المال ما يضمن له بقية حياته مرتاح وغير محتاج لأحد بإذن الله

لكننا توجهنا للهجرة وفي طريقنا لكندا إن شاء الله مش بس كده

ده ممكن كندا تكلفنا كتييييييييير جدا لأننا رايحين كهجرة مستثمر

ليه ؟؟ لأن الفلوس مش كل حاجة فعلا

في حلم إنك تكون حاجة ليها قيمة

تتعلم تعليم له قيمة

تتعالج لو صابك مرض لا سمح الله

تعيش في أمان

لما توقف في مطار وفي طابور جاوازات ما حدش يشخط فيك ولا يجرؤ يتلكم معاك بصورة غير محترمة

من الآخر عايز وطن

وعندي تجربة أخرى

أعرف شخص له مجموعة شركات ويعتبر ممن يصنفون ضمن لائحة الأثرياء

لما راح كندا سياحة , بقى عايز يشتري بيت ويصفي أعماله ويقعد هناك ويشتغل هناك !!

كان بيحكي لي كفاية منظر أطفالك وهما رايحين المدارس ومبسوطين

إنت عارف قعد يقول لو جت لك فرصة كندا ورفضتها تكون اجرمت في حق نفسك واهلك

عقبال يا رب ما تشوف اللي شافه بنفسك عزيزي الساهر...

والله ينوّر على الراجل اللي تعرفه ده ، وهوّه فعلاً قال و وفّى!

ولو إنك داخل في توبيك (كندا وحشة) وتقول كندا حلوة! يا راجل ... ده كلام برضه؟!

وأشد ألفين خط تحت كلمتك دي... الفلوس مش كل حاجة طبعاً...

والفلوس مش في كندا (ف الأول ع الأقل)... الفلوس ف الخليج! وممكن تروح تاخد الجنسية ، وترجع نغرف من فلوس الخليج بأضعاف اللي كنت هتطوله بجنسيتك المصرية!

شكراً لكلامك... اللي زي البلسم :blink:

[Mizomiromizo]

هي ايه اصلا الديانة الأصلية في كندا ؟

[الباشمهندس ياسر]

و الله يا جماعة الخير انا عايز اقول حاجة واحدة بس

انا تبت الى الله ورجعت عما فعلت و ندمت و عزمت عزما اكيدا

على الا اتعرض لست النظافة والنظام كندا بأى كلمة

و كذا اخواننا المهاجرون

و يكأنى ( حلوة الكلمة دى ) كنت افكر جيدا حينما كنت فى الفرقة الاعدادى فى الكلية

لما نويت الهجرة وقتها

ثم لما كبرت وازداد احتكاكى ببلادنا ضاع عقلى و اصبحت لا افكر

اخوانى دام الله عليكم نعمة الفهم

و نفسى اعرف بقى الحب اللى انا عمالى اغنيله ليل نهار عملى ايه

كرهت نفسى النهارده

....رايح امتحن ف

AUC

واذا بالزحمة الجميلة كرهتنى ف نفسى وبوظت اعصابى

طبعا مانا متعود اخرج بالليل كائن ليلى م الاخر

و فعلا عرفت قيمة ان المرور يبقى بتاع بنى ادمين مش شوية همج

و كفاية كده لأحسن حد يقول ياسر اخد رشوه ولا حاجة

[Torontotruk]

'ايناس احمد' شوف يادكتور تهامى متزعلشى نفسك فية نوعية من البشر كدا ربنا خلقها مبتحبش الخير لغيرها وكأن اللى حيجى كندا حياخد من رزقهم مع ان الأرزاق بيد اللة فلما يلاقو الناس مبسوطة وفية ناس ولاد حلال امثال حضرتك والدكتور الشامى بتمد يد العون للناس بد ون اى مقابل الا

ابتغاء الاجر من اللة فلازم الناس دى تحبط الناس وتجمع كل العيوب اللى شايفنها من وجة نظرهم ويقولوها وصدقنى هما نفسهم اكيد تخطو المرحلة دى وبقو دلوقتى عايشين كويس قوى فى كندا بس العملية (غل بعيد عنك)

هما المصريين كدا قليل اللى بيحب الخير لخوة

اللى شايف ان كندا وحشة مصر موجودة وربنا يعينة بس اذا لقى ادميتة فيها يقولنا واحنا حنسيب كندا ونرجع

انا ايلي شوفته قدم يد العون فعلا بمواضيعه ايلي ناس كتير استفادوا منها هو اللاخ ياسر علي سبيل المثال لا الحصر الضرائب,,الميزانية,,معادلة المهندسين وولاد الحلال بره وجوة فضلوا وراه لحد ماطفشوه وخلوه يشك في كل العالم ايلي بره وجوة...والاخ هادي صاحب الفكرة..الباقي كلام بن عم حديت..وكل ايلي بنسمعه ربنا يجعله في ميزان حسناتك وان شاء الله نتقابل علي خير وانا اقسم بالله ماحد حيقابل حد لانه كله خايف من كله...انا عضو في منتديات اوربية وعربية كتيرة ماشفتش جنسية بتعمل مع بعضها كده...حاجة تشل

[شاب مصري]

يا د.محمد انا شايف ان المشكلة ان اللي بينتقد او يروي تجربة سلبية هيلاقي ناس مش لطيفة يقعدو يزهقوه في عيشته ويقولولوه اصل انت كندا مش عاجباك لانك فاشل وجاي منتظر المعونة

لكن انا اسم الله عليا ناجح وزي الفل :blink: وعشان كدا كندا عاجباني

**************

ممكن نشبه الموضوع بأن المنتخب مثلا هيلعب ماتش وفي قناتين بيذيعو تحليلات قبل الماتش

مذيع منهم بيقول ان مصر هتكسب

ومذيع بيقول ان مصر هتخسر

هتلاقي كل الناس فاتحة المحطة اللي بتقول مصر هتكسب

والناس كلها بتشتم المذيع التاني وانه حاقد وانه ليه خلافات مع حسن شحاته وانه ...وووووو.....

يعني من الآخر الناس عاوزه تسمع اللي يريحها

اكيد مش قصدي ان المذيع اللي بيقول مصر هتكسب دا منافق

لأ طبعا

بس هو شايف كدا وتحليله كدا

لكن التاني له رأي تاني

لكن الناس ماشيين بالعواطف

وعاوزين يسمعو ان المنتخب هيكسب

دا مثال للي بيمدح او يذم كندا

يعني هو طهقان في مصر وما صدق سمع عن كندا ونفسه يهاجر

مش مستعد نفسيا انه يسمع اي نقد لكندا

لانك كدا يتكون بتغتال المساحة المتبقية من أحلامه

وبالتالي اللي هيقول تجربة سلبية هيلاقي هجوم من طرفين

اللي عاوز يهاجر ونفسه يسمع كلام يشجعه

****************

عموما بلاش نحول الموضوع لخلاف شخصي او انتقاد لشخص بعينه بس كده مينفعش :blink:

وصبح صبح :)

تم تعديل 3 ديسمبر 2008 بواسطة Scorpion
مخالفة القاعدة رقم 7 من قواعد المشاركة