أعمل أيه وأروح فين (استشارة عاجلة)

[الدكتورة أم أحمد]

السلام عليكم ورحمة الله وبركاته

الإخوة الكرام الموضوع سخيف الحقيقة شوية بس ليس هين ولا سهل

ذلك أن الباعة الذي يفترشون الطريق وفشلت معهم كل الحيل حتى جعلت منهم الدولة مصدر دخل للدولة تخفض به العجز في الموازنة العامة بعمل محاضر إشغال طريق،والباعة الحقيقة بيفكروا صح قالوا حتى لو كام محضر هيكون أرخص من الإيجار.

المهم الباعة عملو مقلب للقمامة في وسط الشارع والأهالي ماصدقوا وبدل ما ينزلوا من البيوت لمكان القمامة يقذفون بها من الشرف والبلكونات وناس كثير استقربوا المكان وألقوا القمامة بالقرب المهم أصبح مقلب قمامة رسمي وكل يومين ثلاثة يرفعوا القمامة إلى إن تركوها مايقرب من خمسة عشر يوم بدون رفع ولم أجد بد من عدم الذهاب للعمل وعمل شكوى لمجلس المدينة وقابلت مدير مكتب رئيس مجلس المدينة ،الذي استمع للشكوى ونادى موظف وقال له حقه إحنا عندنا مكان لا ترفع منه القمامة ؟!

قلت له يا أخي خذ كلامي ثقه أنا أخذت إجازة من عملي حتى أأتي هنا وده أمام العمارة إللي أنا ساكنه فيها

قال على دمغنا وشرفت أصل أنا مش من البلد ، حاضر هعمل الازم

وعدت ومر ثلاث أيام ولم ترفع القمامة وذهبت إليه فقال آسف نسيت أقول لفلان قلت له يعني هو شغله ؟

قال آه قلت ولازم حد يقوله علشان يعمله قرابة العشرين يوم لا ترفع قمامة؟!

إتصل بالتليفون لم يجد الموظف وترك له رسالة لازم يكلمه ضروري وذهبت إلى عملي وقلت هارجع يكون الشارع فل رجعت وجدت القمامة زادت

أعتذر عن الإطالة ما أريده هو معرفة المكان التالي الذي باستطاعته حل المشكلة

وأنا أعلم أن وجود القمامة ملقاة في الشارع هكذا أصبحت من معالم مصر للأسف وقد رأيت ذلك في كثير من المدن ومنها للأسف العاصمة

وشكر لكم مقدما

[Emo]

الدكتورة الفاضلة أم أحمد..

يمكن مش عندي الحل لحضرتك..لأن من زمااان الواحد غسل ايده من المصالح الحكومية..

لكن بإمكان حضرتك تتفقي مع كام حد من العمارة والعمارات المجاورة وتجمعوا مبلغ تدوه لمجموعة الرجال اللي بيشيلوا الزبالات من الشارع..على اساس انهم يشيلوها هما وخلاص..

هيفرحوا بالمبلغ ويتصرفوا من تحت الأرض..

الله يعينكم ويصبركم..

[أبو محمد]

الفاضلة أم احمد

أعتقد لابد من تصعيد الأمر إلى من هم أكبر من رئيس مجلس المدينة .. قدمى شكوى جماعية مكتوبة ، مدعمة بصور لمقلب القمامة الذى تتحدثين عنه وسلميها للمحافظ شخصيا أو لمدير مكتبه ..

لا يضيع حق وراءه مطالب

[الدكتورة أم أحمد]

الدكتورة الفاضلة أم أحمد..

يمكن مش عندي الحل لحضرتك..لأن من زمااان الواحد غسل ايده من المصالح الحكومية..

لكن بإمكان حضرتك تتفقي مع كام حد من العمارة والعمارات المجاورة وتجمعوا مبلغ تدوه لمجموعة الرجال اللي بيشيلوا الزبالات من الشارع..على اساس انهم يشيلوها هما وخلاص..

هيفرحوا بالمبلغ ويتصرفوا من تحت الأرض..

الله يعينكم ويصبركم..

جزاكم الله خيرا أختي إيمو وأنا مثلك واقتراحك جميل

بس الحقيقة محتاج إن راجل هو اللي يقوم بالمهمة دي والناس هنا قمة في السلبية

ما هي القمامة أمام محلات والجيران كثير

بس أنت عارفة إحنا شعب سلبي جدا

الله المستعان

[الدكتورة أم أحمد]

الفاضلة أم احمد

أعتقد لابد من تصعيد الأمر إلى من هم أكبر من رئيس مجلس المدينة .. قدمى شكوى جماعية مكتوبة ، مدعمة بصور لمقلب القمامة الذى تتحدثين عنه وسلميها للمحافظ شخصيا أو لمدير مكتبه ..

الأخ الفاضل أبو محمد جزاكم الله خيرا على الأهتمام

أريد ياأخي حل لا أسافر فيه لست من أبنا عاصمة المحافظة والمشاغل كثيرة جدا

وسوف أقدم للمحافظ شكاوى إن شاء الله في عيد المحافظة في فبراير

ولكن أريد حل سريع الآن

ولا أعتقد أن مدير مكتب المحافظ مختلف عن مدير مكتب رئيس المدينة

علما بأني من أبناء الدقهلية

لا يضيع حق وراءه مطالب

هذا في غير مصر أما في مصر فيصيع الحق والمطالب به

والله المستعان

تم تعديل 25 نوفمبر 2008 بواسطة الدكتورة أم أحمد

[حنين الوطن]

السلام عليكم ورحمه الله وبركاته

اختى الفاضله احييك على ايجابيتك وعلى روحك الحلوه هى دى المراه المسلمه اللى بتعلم اولادها قيم غاليه زى النظافه وان للاسف حاله الزحام هى اللى بتخلق الفوضى والهمجيه والتصرفات الامسئوله ولازم الناس تعرف ان سلوكياتنا هى تعبير وانعكاس لمعتقدتنا وافكارنا بمعنى انى لو انسانه نظيفه وصافيه داخليا مش هارمى "عفوا"زبالتى من الشباك قداماطفالى وارسخ جواهم قيم سلبيه وهى الاهمال والهمجيه والتعدى على حريات الاخرين لان زى ما بيقولوا ان حريتك بتنتهى عندما تدا حريه الاخرين ....اقلب بيتك راسا على عقب واجعله مقلب زباله دى حريتك لكن ما ترميش زبالتك فالشارع لان عينى هاتقع عليها لانها هاتاثر على صحتى وصحه اولادى وجيرانى والناس اللى بيهمونى ...

ابدئى بنفسك يا دكتوره وفعلا تشاورى مع الناس وشيلوها بمجهوداتكم الذاتيه ...وامشى فى الخط الموازى واشتكى ف الحى ومجلس المدينه لكى لا يتكرر الموقف ...ولا يضيع حق ورائه مطالب

وانا اتسائل ليه ؟؟؟؟؟؟ليه الناس اتغيرت ؟؟؟كل واحد هايخسر ايه اما ينظف قدام بيته والاولاد ينظفوا الشوارع والشباب يزرع كل واحد شجره قدام بيته؟؟الواحد بيتحسر اما يلاقى القيم دى مترسخه ف المجتمعات الغربيه اللى ما عندهمش دين زى دينا بيحث ع النظافه وعدم قطع الاشجار حتى فالحرب ...ربنا يهدينا ويرحمنا وترجع لنا مصرنا زى ماكانت وكان بيحكى لنا عنها اهالينا

وتحياتى لاختى العزيزه الفاضله ام احمد :blink:

[se_ Elsyed]

أولاً وقبل أن نُلقي خطبة عصماء عن اهمية النظافة وسلبية الناس اللي ودتنا في داهية .. الاول أحب أحيي حضرتك على خوفك على الحي اللي ساكنة فيه لوحدك واللي من الواضح إن الناس التانية متأقلمة فيه مع القمامة ويمكن بياخدوا تذكارات منها لبيوتهم ... شيء عجيب وسلوك سلبي غير مبرر

فعشان نبقى إيجابين .. إليكي يا دكتورة عدة خطوات ممكن تعمليها وتصعدي الموضوع وإنتي قاعدة في بيتك ..

1- ممكن تتصلي على الخط الساخن لجريدة الجمهورية والذي يستقبل شكاوى المواطنين ويوصلها للمسئولين وبيتابع حلها ( وأنا مجرب ده في عدة اجازات ) .. أتصلي حضرتك على 139 وياريت تبلغي جيرانك يعملوا كده عاشن تبقى في كثرة عددية تتكلم في نفس الموضوع .

2- ده موقع محافظة القاهرة - بس حاسس إن إنتي من خارجها - بس وليكن .. محافظة القاهرة

3- ده عنوان بريد الأهرام .. وممكن تبعتي لهم إيميل مُدعم بصور الحاجات الجميلة دي barid@ahram.org.eg

4- ده بريد الاخبار برضوا... akhbarelyom@akhbarelyom.org

5- وده العنوان البريدي لوزارة الكهربا اللي اخترعوا لنا الزبالة المكهربا وبقى يضيفي رسومها على فاتورة الكهربا .. إكتبي للوزير نفسه ييجي يشوف الوضع info@moee.gov.eg.

ربنا يوفقك .. وبلغيني لو مافيش أي خطوة إيجابية حصلت بعد ده كله .. هابعت لك البريد الإلكتروني الخاص ببابا حُسني نفسه واكتبي له ... بس ساعتها إبقي سيبي أكل زيادة في التلاجة للأستاذ احمد عشان احتمال تتأخري شوية في مشوار صغير كده :blink:

[MZohairy]

ربنا يوفقك .. وبلغيني لو مافيش أي خطوة إيجابية حصلت بعد ده كله .. هابعت لك البريد الإلكتروني الخاص ببابا حُسني نفسه واكتبي له ... بس ساعتها إبقي سيبي أكل زيادة في التلاجة للأستاذ احمد عشان احتمال تتأخري شوية في مشوار صغير كده :)

يا سيدي ولا تتعب نفسك :blink:

hosni_moubarak_ra2is_masr_lelabad@hotmail.com

بيستقبل الايميلات يوميا ما عدا يوم الاتنين :blink:

[الدكتورة أم أحمد]

yed' post='414751' date='Nov 26 2008, 07:40 AM'] أولاً وقبل أن نُلقي خطبة عصماء عن اهمية النظافة وسلبية الناس اللي ودتنا في داهية .. الاول أحب أحيي حضرتك على خوفك على الحي اللي ساكنة فيه لوحدك واللي من الواضح إن الناس التانية متأقلمة فيه مع القمامة ويمكن بياخدوا تذكارات منها لبيوتهم ... شيء عجيب وسلوك سلبي غير مبرر فعشان نبقى إيجابين .. إليكي يا دكتورة عدة خطوات ممكن تعمليها وتصعدي الموضوع وإنتي قاعدة في بيتك .. 1- ممكن تتصلي على الخط الساخن لجريدة الجمهورية والذي يستقبل شكاوى المواطنين ويوصلها للمسئولين وبيتابع حلها ( وأنا مجرب ده في عدة اجازات ) .. أتصلي حضرتك على 139 وياريت تبلغي جيرانك يعملوا كده عاشن تبقى في كثرة عددية تتكلم في نفس الموضوع . 2- ده موقع محافظة القاهرة - بس حاسس إن إنتي من خارجها - بس وليكن .. محافظة القاهرة 3- ده عنوان بريد الأهرام .. وممكن تبعتي لهم إيميل مُدعم بصور الحاجات الجميلة دي barid@ahram.org.eg 4- ده بريد الاخبار برضوا... akhbarelyom@akhbarelyom.org 5- وده العنوان البريدي لوزارة الكهربا اللي اخترعوا لنا الزبالة المكهربا وبقى يضيفي رسومها على فاتورة الكهربا .. إكتبي للوزير نفسه ييجي يشوف الوضع info@moee.gov.eg. ربنا يوفقك .. وبلغيني لو مافيش أي خطوة إيجابية حصلت بعد ده كله .. هابعت لك البريد الإلكتروني الخاص ببابا حُسني نفسه واكتبي له ... بس ساعتها إبقي سيبي أكل زيادة في التلاجة للأستاذ احمد عشان احتمال تتأخري شوية في مشوار صغير كده :closedeyes:

الأخ الفاضل دا رد سريع قبل الذهاب إلى العمل

الناس لجئوا لحل مشكلة القمامة إلى عمل تعم به البلوى وهو حرقها

وهذ أراها أخطر من القمامة خاصة أن بها أكياس بلاستيك كثيرة وقد منعتهم من ذلك

وأنا أخي الفاضل من الدقهلية ولست من القاهرة

على أي حال سوف أمر للمرة الأخيرة على المجلس ثم أتبع ما قلته إن لم يفعلوا وأوافيك بالنتائج

وشكر الله لكم الإهتمام

تم تعديل 26 نوفمبر 2008 بواسطة الدكتورة أم أحمد

[ابو حودة]

على فكرة احنا كان عندنا نفس المشكلة فيه قطعة ارض فاضية الناس مستغلاها مقلب للقمامة لدرجة ان القمامة وصلت الى ما يوازي الدور الثاني وعملنا اللي كتير من الشكاوى ونشرت بالفعل في الجمهورية وكمان وزارة البيئة والناس جاءوا وشافوا وبس على كل حال اللي احنا عملناه بعد كده اننا اتفقنا وواحد من السكان جزاه الله خير وقف وجاب عمل ولودر وسيارات نقل وشالوا الحاجة ويومها كان التكلفة حوالي 600 الى 1000 جنيه وتوزعت على كام ساكن انا دفعت تقريبا 50 جنيه على ما اتذكر

وبعدين اتصلنا بصاحب الارض اللي قال ما ليش دعوة وبعدين حد اتصل به وقال له في ناس بتجهز علشان تبني في الارض بتاعتك راح جه علطول وبنى سور حول الارض بارتفاع حوالي مترين والمشكلة انتهت يعني شوية تعاون الموضوع يخلص

[الدكتورة أم أحمد]

السلام عليكم ورحمه الله وبركاته اختى الفاضله احييك على ايجابيتك وعلى روحك الحلوه هى دى المراه المسلمه اللى بتعلم اولادها قيم غاليه زى النظافه وان للاسف حاله الزحام هى اللى بتخلق الفوضى والهمجيه والتصرفات الامسئوله ولازم الناس تعرف ان سلوكياتنا هى تعبير وانعكاس لمعتقدتنا وافكارنا بمعنى انى لو انسانه نظيفه وصافيه داخليا مش هارمى "عفوا"زبالتى من الشباك قداماطفالى وارسخ جواهم قيم سلبيه وهى الاهمال والهمجيه والتعدى على حريات الاخرين لان زى ما بيقولوا ان حريتك بتنتهى عندما تدا حريه الاخرين ....اقلب بيتك راسا على عقب واجعله مقلب زباله دى حريتك لكن ما ترميش زبالتك فالشارع لان عينى هاتقع عليها لانها هاتاثر على صحتى وصحه اولادى وجيرانى والناس اللى بيهمونى ... ابدئى بنفسك يا دكتوره وفعلا تشاورى مع الناس وشيلوها بمجهوداتكم الذاتيه ...وامشى فى الخط الموازى واشتكى ف الحى ومجلس المدينه لكى لا يتكرر الموقف ...ولا يضيع حق ورائه مطالب وانا اتسائل ليه ؟؟؟؟؟؟ليه الناس اتغيرت ؟؟؟كل واحد هايخسر ايه اما ينظف قدام بيته والاولاد ينظفوا الشوارع والشباب يزرع كل واحد شجره قدام بيته؟؟الواحد بيتحسر اما يلاقى القيم دى مترسخه ف المجتمعات الغربيه اللى ما عندهمش دين زى دينا بيحث ع النظافه وعدم قطع الاشجار حتى فالحرب ...ربنا يهدينا ويرحمنا وترجع لنا مصرنا زى ماكانت وكان بيحكى لنا عنها اهالينا وتحياتى لاختى العزيزه الفاضله ام احمد :rolleyes:

الأخت الكريمة حياك الله وبارك فيك كلامك رائع ولمست سبب متاعبنا البعد عن العمل الفعلي بتعاليم الدين وليس الكلام فقط .

الأخت الكريمة بأفعال بسيطة جدا يتعلم أبناءنا النظافة ولي تجربة مع أبنائي في ذلك وهي أننا إذا كنا في الشارع أو سيارة أو مكان عام وأراد أحد أبنائي وهم صغار قذف ورقة البسكوت أو غير ذلك أقول له لا بل هات أضعها في حقيبة يدي حتى نعود إلى المنزل نضعها في صندوق القمامة

والناس بين ضاحك على ذلك وبين قائل ماهو الزبالة مالية الأرض يعني جت على دي وبين مشجع

المهم شب أبنائي على ذلك حتى أنني عندما أفتش ملابسهم قبل الغسيل أجد بها أغلفة اللبان والحلوى وغير ذلك ولله الفضل والمنة

الحقيقة يا أختي إذا كنت أنا شايلة إيدي من الحكومة قيراط فأنا شايلة إيدي من الناس أربعة وعشرين وذلك لتجارب كثيرة أقص عليك واحدة منها وأرجو ألا أطيل عليكم

في أسفل العمارة التي أسكن بها محل كبير للأحذية دأب على الآتي في المواسم مثل قرب الدراسة الأعياد شم النسيم وغير ذلك إلى تعليق الزينة والأنوار ووضع عدد اثنين سماعة دي جي ( أحد البلاوي التي ابتلينا بها ) أمام المحل وسماعات في سقف المحل مثبتة والصوت لا يطاق الجدران تزن ولا يسمع بعضنا بعضا في الشقة الصوت في الأذن رهيب إذا وضعنا رأسنا على المخدة حياة لا تطاق دا غير فرش مساحة محل أمام المحل يعني في الشارع

ويوميا من العصر إلى الإغلاق الذي قد يستمر إلى الواحدة صباحا وإذا قرب الميعاد ليوم العيد مثلا يبدأ من العاشرة صباحا وحاولنا معه الكثير، زوجي أخي أبنائي وأمة الله الفقيرة إليه وقد تحملت العبء الأكبر بعد ما قال زوجي ( ما فيش فايده يا صفية )هنغير إيه ولا إيه نصبر لحد ما تفرج

ولكن صفية عن صفية تفرق صفية خلعت الحجاب وصفية قالت عزتي بحجابي وبعد محاولات مع الجيران كانت النتيجة كلام كده زي السب في حقي هو إيه؟؟ أخت تقولي فلان (زوجها) يقول مانحبش نؤذي جيرانا حرام نؤذي جيرانا ،عاوز يسترزق وصاحب العمارة قال لو قلت له حاجة هيقولي علشان ألم الإيجار ومثل هذه الأقوال طيب أنا مؤذية ماشي لكن حرام ليه دا أنا بحاول أكون إيجابية ضد تصرفات غاية في السوء أليست الإيجابية من ديننا ألم يقل ربنا :

(ولتكن منكم أمة يدعون إلى الخير يأمرون بالمعروف وينهون عن المنكروأولئك هم المفلحون) آل عمران

وجعلنا بذلك خير أمة فقال:( كنتم خير أمة أخرجت للناس تأمرون بالمعروف وتنهون عن المنكر

) آل عمران

ألم يقل الرسول صلى الله عليه وسلم :

" من رأى منكم منكرا فليغيره بيده . فإن لم يستطع فبلسانه . ومن لم يستطع فبقلبه . وذلك أضعف الإيمان " .صحيح

المهم سألت عن الجهة المختصة قالوا الأمن الصناعي رحت الأمن الصناعي قالوا أحنا لنا ما داخل الجدران يعني طفاية حريق والحاجات دي، ولكن إدارة البيئة في مجلس المدينة هي المختصة ، كتبت شكوى وذهبت قابلت رئيس المجلس مباشرة حولني على آخر الذي استدعى موظف وقال له اذهب معها لإزلة الشكوى لم يذهب معي وأخذني إلى مكتبه وظل يقول أقوال لا أدري ماذا يقصد منها ( مثل :الأمور عندي لأبيض يا أسود قلت له يعني إيه قال يعني أكلمه ودي ولا أعطيه محضر على طول لأن محضر التلوث السمعي يبدأ من 1050 وينتهي ب20500 قلت له هدده الأول أنا مش عايزه أذى له إن جه بالذوق ماشي وإلا أعطي محضر قال لا لأبيض يسود قلت إسود) فقال هرتب أموري و همر عليه وهعمل وسوي.

انتظرت يومين ثلاثة الحال على ما هو عليه ذهبت إليه ثانيا قال دا أنا قلت له وكان بالصدفة زوجتي بتشتري أحذية للأولاد وسئلني مين اللي شاكي ولم أقل له، طبعا كده فيه (طبخ ريحته وحشه والله أعلم قصده إيه من الأبيض والأسود) واستدعى موظف آخر وبرضه نفس النتيجة بعد كلام في هعمل وسوي

ذهبت ثالثا قالوا في الدور الرابع إدارة البيئة ، يارب يكون في العاشر أنا مصرة لازم النصر، المدير إدارة البئئة قال المفروض الشكوى دي كانت تبجي لنا الأول اطمئني واعتبري الموضوع انتهى وكان هناك موظف قريب زوجي قال نفس الكلام وبالفعل انتهى والحمد لله

ولا أدري ماذا أخذ المهم لم أعد أسمع حيى صوت التسجيل العادي من سنوات

تم تعديل 26 نوفمبر 2008 بواسطة الدكتورة أم أحمد

[الدكتورة أم أحمد]

أولاً وقبل أن نُلقي خطبة عصماء عن اهمية النظافة وسلبية الناس اللي ودتنا في داهية .. الاول أحب أحيي حضرتك على خوفك على الحي اللي ساكنة فيه لوحدك واللي من الواضح إن الناس التانية متأقلمة فيه مع القمامة ويمكن بياخدوا تذكارات منها لبيوتهم ... شيء عجيب وسلوك سلبي غير مبرر

فعشان نبقى إيجابين .. إليكي يا دكتورة عدة خطوات ممكن تعمليها وتصعدي الموضوع وإنتي قاعدة في بيتك ..

1- ممكن تتصلي على الخط الساخن لجريدة الجمهورية والذي يستقبل شكاوى المواطنين ويوصلها للمسئولين وبيتابع حلها ( وأنا مجرب ده في عدة اجازات ) .. أتصلي حضرتك على 139 وياريت تبلغي جيرانك يعملوا كده عاشن تبقى في كثرة عددية تتكلم في نفس الموضوع .

2- ده موقع محافظة القاهرة - بس حاسس إن إنتي من خارجها - بس وليكن .. محافظة القاهرة

3- ده عنوان بريد الأهرام .. وممكن تبعتي لهم إيميل مُدعم بصور الحاجات الجميلة دي barid@ahram.org.eg

4- ده بريد الاخبار برضوا... akhbarelyom@akhbarelyom.org

5- وده العنوان البريدي لوزارة الكهربا اللي اخترعوا لنا الزبالة المكهربا وبقى يضيفي رسومها على فاتورة الكهربا .. إكتبي للوزير نفسه ييجي يشوف الوضع info@moee.gov.eg.

ربنا يوفقك .. وبلغيني لو مافيش أي خطوة إيجابية حصلت بعد ده كله .. هابعت لك البريد الإلكتروني الخاص ببابا حُسني نفسه واكتبي له ... بس ساعتها إبقي سيبي أكل زيادة في التلاجة للأستاذ احمد عشان احتمال تتأخري شوية في مشوار صغير كده :rolleyes:

الأخ الفاضل ذهبت اليوم للمجلس وقلت أتحايل وأدخل على الرئيس مباشرة لم أجده ولكن رأيت مكتب مجاور مكتوب عليه مدير مكتب خدمات المواطنين قلت بس هو دا يظهر إني دخلت غلط ورحت لمدير مكتب رئيس المجلس. ما أن رأيته حتى عرفته

سبحان الله دا الموظف رقم واحد في الرد السابق اللي ماعندوش أل أبيض وأسود من كتر الخدمات للموطنين بقه المدير المهم قلت له أنا مقدمة شكوى من يومين عن كذا ولا فائده قال روحي لمدير مكتب الرئيس قلت له لم يفعل شيء وعاوزه أقابل رئيس المجلس

قال لم يأتي بعد قلت له هيجي أمتى قال حداشر اثناشر قلت حداشر اثناشر ولم أكمل كنت عاوزه أأقول هيمشي أمتى فقال :على مايمر على البلد ويجي

فقلت له باندهاش وبلهجة الغير مصدق هو بيمر على البلد!!!!!!!!!!؟؟؟؟؟؟؟؟

بلع ريقه وقال تعالي معي وذهب بي إلى مدير مكتب الرئيس وقال له الدكتورة مقدمة شكوى كذا

فقال المدير هو مرحش دا أنا مزعقله وقلت له يروح وأنا سمعت كده

وفتحت الصوت على الآخر قلت كل اللي نفسي أقوله

قلت: هو ينفع مع ده الزعيق عشرين يوم لم يرفع القمامة وتزعق له دا لازم عقوبة وجزى والله ما أنا جاية المجلس تاني وهصور مقالب الزبالة اللي مالية البلد وهروح للمحافظ مروا على البلد وشوفوا أكوام الزبالة اللي ماليها دا إحنا عايشين في مقلب زبالة كبي اتفضل معي أوريك مقلب الزبالة( ولا أحد يرد) فقلت الناس بتحرق الزبالة ودا مضر بالصحة فقال مدير المكتب بمسكنة : والله ياحاجة يبحرقوها ورانا وحدف إيده وراء ظهره باتجاه شباك خلفه فقلت طيب يعني أنتم بتوع المجلس مش عارفين تحلوا مشكلة زي دي ( كنت عاوزه أأقول لزمتكم إيه بس خفت بقه أروح المشوار وأنا عندي أولاد صغيره) فقلت نروح إحنا فين ونعمل إيه فضحك المدير ضحكه صفره وقال ما تجيش المجلس أبدا ولا تتعبي نفسك اتصلي بنا بس وقولي لنا وأعطاني ورقة بها تيلفون المجلس واسمه

حاضر حاضر مع السلامة شرفتِ

وذهبت للعمل ورجعت أشوف إيه اللي حصل الحقيقة مفاجأة مذهلة

أكثر من نصف القمامة بقليل رفع والباقي مازال مكانه

ونرجع للسؤال الأول أروح فين وأعمل إيه

نسيت أأقول إن ربما يكون سبب عدم رفع القمامة إنهم لما تركوها مرة أسبوع كلمت رئيس العمال وقلت له يعني لأننا لا نشتكي حتى لا نسبب لكم أذى تتركوا الزبالة أسبوع ؟

رد سيادته رد ..........قال أعمل إيه والناس زبالة حد يرمي الزبالة في وسط الطريق أمام المسجد والصيدلية

ومن يومها

المهم موضوع الجرائد غير مجدي كما تفضل الأخ أبو جوده

وسوف أرسل أن شاء الله لوزارة الكهرباء ولكن أريد شيء تابع لمحافظة الدقهلية

والله المستعان

تم تعديل 26 نوفمبر 2008 بواسطة الدكتورة أم أحمد

[الدكتورة أم أحمد]

بشراكم بشراكم

إخواني وأخواتي

الآن فريق عمل مكون من سبعة عمال نظافة وثلاثة موظفين وسائق الجرار

يعملون بالموقع

بالرغم مما أعانيه من الرائحة المنتنه إلا أنني في قمة السعادة

سعيدة للنظافة سعيدة بإجابيتي ويارب نكون كلنا إجابيين

صدقتم لا يضيع حق وراءه مطالب حتى ولو ضاع المطالب

شكر لكم وجزاكم الله خيرا

ولكن مازلت بحاجة إلى عنواين خاصة بحافظة الدقهلية ومحافظها

إذ لدي شكاوى كثيرة

أولها: تيلفوني الأرضي معطل منذ ثلاثة أسابيع وعملت الكثيرولا فائدة

ثانيها: بيع وتعاطي سجائر البانجو جهارا نهارا دون رادع

وقد عملت فاكس للإدارة العامة لمكافة المخدرات ولا فائدة

مازال المشوار طويل

وأرجو مساعدتكم

ودمتم جميعا بألف ألف خير

[ام بلال]

وفقك الله يا أم أحمد ربنا يجعلنا دايما يارب ايجابيين ، قولي لنا عن أي تجربة من نفس النوع علشان تشجعي الناس