مطار القاهرة الدولى

[DESERT ROSE]

السلام عليكم

يسلمووو د/مصطفي على الموضوع

أنا زرت دول كثير وشفت مطارات كثير بس بصراحه زي مطار القاهره ماشفت :D

المفروض أن المطار هو واجة الدوله فاللي رح يشوف مطار القاهره رح يٌكون فكره سيئه عن البلد نفسها وعندنا مثل يقول(اللي هذا أوله ينعاف تاليه)

وأذكر أني لما سافرت ماليزيا وشفت مطارها وهو من أروع المطارات اللي شفتها لما رجعت بلدي طبعا صرت أشوف انه كل شيء بالمطار سيء

وكل شيء مو نظيف وبعدها بفتره سافرت القاهره ولما رجعت بلدي أخدت نفسسسسسس وقلت اللللللله على مطارنا مافيه أحلى ولا أنظف منه :D

يعني اللي يشوف مصيبة غيره تهون عليه مصيبته

بس انا نفسي بشيء واحد بس ..أخد كهربائي وأغير اللمبات اللي بالمطار كلها لانها تجيب الأكتئاب ;) رح أحط لكم لمبات صفراااا :D

أما بالنسبه للعمال بالمطار والله فيهم كثير نفسهم عزيزه أذكر أنه كان فيه عامل عند الحمامات (وانتم بكرامه) أعطيته فلوس ورفضها..

وأخيرا نتمنى لمطار القاهره ومصر عموما التطور والأزدهار

ولكم مني كل الاحترام والتقدير

[M YEHIA]

السلام عليكم

هذا الموضوع في منتهي الاهميه لانه بيكشف عن حاله اللا مباله التي اصابت المصريون

اعتقد ان النقد واجب علينا ولكن النقد المفيد ان نذكر السلبيات والاجابيات حتي ان كانت قليله

ونقترح حلول ونسعي الي تقديم الحلول الي الجهات المختصه

بدل منقعد نمصمص شفايفنا ونعمل فيها خواجات ونقرف من البلد اللي نحمل جنسيتها اللي هيا مصر اذا كنتم نسيتم

[Diab]

ا اخ يحيي والناس لو كتبت الحلول اللي شايفها علي ورقة يبقي محتاج ورقة 20 كيلو متر ومع كده مفيش حد بيعمل حاجة

[الحازم حسن]

لو نزلت في مطار القاهرة الجديد او او ذهبت لاستقبال أحد أصدقائك أو أقاربك العائدين من السفر وبمجرد خروجك من المطار وذهابك لموقف السيارات عشان تاخد عربيتك وتخرج من المطار أكيد أنك ستقابل هذا الشاب في منتصف الثلاثينات والذي كل ما يفعله في الدنيا هو " وقوفه عند السيارات في باركنج المطار ويقول للمسافرين حمد الله على السلامة يا باشا " ومن خلال حمد الله على السلامة يا باشا فهو يطالبك بمبالغ نقدية واذا تجاهلته فانه لا يتجاهلك واذا اوضحت له انه ليس معك نقود مصرية سيقول لك مفيش مشكلة انا أقبل اي عملة هات انت بس ومليكش دعوة الكارثي في الامر انه اذا حاوت ان تنهره فقد يتطور الأمر الى اشتباك بالايدى ومن المؤكد ان شخص بهذه الملامح يحمل سلاح أبيض ونظراته اليك تكون غالبا نظرات استغراب كيف لا تعطيه نقود وانت جاي من بره !!!!!

هذا الشاب متواجد في المطار باستمرار اذا كانت رحلتك في وقت الفجر ستجده واذا كانت ظهرا ستجده واذا كانت ليلا ستجده (نفسي أعرف بينام امتى) وللأسف كل هذه التجاوزات تحت سمع وبصر أمن المطار.

سؤالي : ما الذي يحدث في هذه البلد هل هناك وظيفة اسمها " حمد الله على السلامة يا باشا " وكيف تسنى لهؤلاء ابتكار تلك الوظائف هل السبب ضيق الحال في مصر ام انها ما يعرف بفهلوة المصريين ؟

[yasser6666]

رد سريع للاخ الاسكندراني طالما احنا اسكندرانية زي بعض

انا دائما كنا انزل مطار الاسكندرية (النزهة) لعدة سنوات وبصراحة الاجراءات عادة بتكون اسهل شوية اللهم انهم عقدة تفتيش الشنط عند الوصول لدرجة انني اخر مرة تكلمت مع الموظف الذي يعبث بحقائبي وقلت له (هو انتوا ليه دايما بتفتشوا مع ان مطار القاهرة ما بيعملش كده خالص وان مافيش مطار في العالم بيعمل موضوع التفتيش ده نهائي) وطبعا رد عليا بأسف شديد (لانه اسكندراني برضه) وقالي والله دي اوامر ولازم اعملها ....

ولم اكتفي بذلك بل فضلت اجادله بأن دي حاجة فعلا تثير حفيظة المصريين القادمين وخاصة ان التفتيش فقط للمصريين بينما الاجانب يقدمون لهم تعظيم سلام

واثناء حواري معه الظاهر لمحني ضابط قفل اني بأتكلم كتير وجاء مسرعا وعليه غضب وبصوت عالي سأل الموظف الغلبان (فيه ايه..عنده مشكلة ده والا ايه) فعلا حسيت انه مش متعود علي معاملة البشر وانما متعود علي معاملة بهايم ربما لانه منهم ويشبههم

المهم رد الموظف وقاله لا ياافندم كله تمام

وبالفعل انصرفت الي بيتنا بالسلامة وانا اتعجب من معاملة القادمين من الخارج ووجوة ضباط الداخلية البائسة والتي تشعرك بالغل والحقد لكل من هو قادم من الخارج

وطبعا انسي الابتسامات والترحيبات اللهم لو فيه بقشيش

.....

بس اعتقد ان مطار النزهة حاليا مقفول وتحول القدوم الي مطار برج العرب الان والله اعلم

[anhidonia]

انا بقي سافرت يوم العيد الاضحى بالليل وصلت مصر 3 صباحا وطبعا كان عيد ونيو ير وكنت سعيده اوى اول ما وصلت مطار مصرنا الحبيبة وكنت باجرى مش بامشي عشان اوصل بسرعه اخد شنطى وابوس اهلى لانهم كانوا وشحنى اوى واول ماوصلت عند حضرة الظابط اللى بيدى تاشيرة الدخول سالنى بقالك كام سنه مجتيش مصر قولت جايز بيطمئن على ولا حاجه بردة اخت فى الغربة ولوحدها والساعه 3 صباحا وعيد قولتله مكتوب عند حضرتك فى الجواز قالى اوك استنى شويه وركن الجواز بتاعى وخلص اوراق ناس كويته وسعودين طبعا سواح وانا بعد 10 دقايق قالى اتفضلي وادانى جوازى انا كنت معتقده انه فى شيء وهيتاكد منه بس طلع بيخلس بس طبعا دموعى تجدمت فى عيني وفرحتى برؤية اهلى نسيتنى موقفة الغلس وبعدها جيت عند الجمارك انا مش من النوع اللى بيحب يشيل وزن بس كان معايا شنطتين صغيرين واخوانا العائدين من الخليج معاهم كراتين وشنط كبيرة وحاجات كتيرة كل واحد متشوفش طولة من كتر الشنط اللى مغطيه عليه وانا بمنى انى شغاله فى وزارة دفاع حضرة الظابط عدى كل الناس وفضل مبرق فى الجواز بتاعى وبيقولى انتى بشتغلى ايه فى وزارة الدفاع قولتله اكيد مش ظابط ولا مخابرات ثم مهنتى مكتوبه عندك فى الجواز وانا يا سيدي بكارليوس تمريض يعنى بعيد كل البعد عن اى شيء يخص وزارة الدفاع قال للراجل خود شنطها قولت يسلام طبعا عشان انا بنت وشكلى كان تعبان هيجر الشنط بدالى وانا شايفة كل الناس بتعدي بدون ميشيكوا على شنطهم وانا بقي صدمت بيقولى افتحى الشنط وفتحلى الشنط وسبهم ومشي هنا بقي غضبت غضب شديد وهلى منتظرنى بالخارج وطبعا شايفنى وهو بيعدى الرجاله وانا يا اللى بنت موقفنى وبيفتش شنطى طبعا قلقوا وبصراحه هنا بقي استبيعت قولتله لو سمحت اقفل الشنط زى مافتحتها وحطهوملى العلى العربيه عشان مش هقدر احطهم وكمان انت بتعدى الناس ووقفتنى انا مش جاسوسة انا يعنى وطلعت مخنوقه وبدل مابتسم فى وش اهلى قعدت اشتكى من المصرين ومعاملتهم وبصراحه كنت مخنوقه اوى فى الخليج للاسف الست بتتعامل معاملة خاصة واحترام اما فى المصر العكس تماما ودا شيء بيحزنى جدا عموما سورى اذا كنت طولت عليكم بس انا لاقيتكم بتعانوا من نفس معاناتى فحبيت اعانى معاكم

[وائل كيوان]

عذرا يا جماعه

انتوا قاعدين كل واحد بيتكلم عى مطار بمصر كانه شئ مختلف عن التانى انا بقى ليا تجربة فى ثلاث مطارات مختلفه فى مصر والمعاملة واحده فى التلاته مقطار القاهرة ومطار النزهه ومطار برج العرب للاسف السلوكيات اللى بنواجها واحدة فى التلاتة كل شئ عاد سئ معاملة المصريين اللى راجعين من الخارج بيتعملوا بطريقة مش كويسة بتلاقى الكل بيطالبك بفلوس علنا غير ان الضابط الى المفروض يخدمك ويريحك يغلس عليك ويضايقك زى ما بيكون بيحاول يكسر نفسك وخلاص لية متفهمش وغير كدا بصراحه مفيش تنظيم بعض الشئ فى مطارات مصر ممكن يكون المطار رائع فى تصميمة وفى نظافتة بس مش رائع فى تنيم العمل داخلة ودى مشاكل بتواجهنا كل ما بنرجع اجازة فى مصر

[Ghost]

هو انتم عايشين فين يا اولاد ال...... ده كل حاجة تمام و الامن مستتب و ده راي الاقلية اللي زيكم اما راى الاغلبية فنعمممممممممممممممممممممممممممممممممممممممممممممممم

و دمتم

[shawshank]

... أكيد أنك ستقابل هذا الشاب في منتصف الثلاثينات والذي كل ما يفعله في الدنيا هو " وقوفه عند السيارات في باركنج المطار ويقول للمسافرين حمد الله على السلامة يا باشا " ومن خلال حمد الله على السلامة يا باشا فهو يطالبك بمبالغ نقدية واذا تجاهلته فانه لا يتجاهلك واذا اوضحت له انه ليس معك نقود مصرية سيقول لك مفيش مشكلة انا أقبل اي عملة هات انت بس ومليكش دعوة ...

بطريقة قريبة للبراجماتية ...

ايه رأي حضرتك قبل ما تنزل مصر تكون مجهز فلوس مزورة ، تكون طبعتها بنفسك على طابعة ألوان . وتكون عُملة ذي الروبية الهندي مثلا ... وتجهزها لهذا الشاب ، وبس .

أنا اقترحت الفكرة دي قبل كده عشان الرشوة لو كنت مضطر اوي ليها ومفيش حل غيرها ، بس سي السيد اعترض وقال انها خطر :unsure: