الأخوة المصريين بالكويت

[aboutabeakh]

السلام عليكم ورحمة اللة وبركاتة

لى استفسار من الأخوة المصريين المقيمين بالكويت انا ذاهب للكويت عن طريق عمل استقدام من زوجتى التى تعمل معلمة بوزارة التربية الكويتية وهذة الأقامة هى التحاق بعائل وعلمت انة لا يمكننى العمل داخل الكويت بهذا الأقامة فماذا افعل هل اظل جالس فى البيت دون عمل ارجوكم دلونى على الطريق الصحيح جزاكم اللة خيرا عنى خصوصا انا زوجتى حامل وهناك مسئوليات كثيرة واريد انا اعمل لكى اوفر شىء من هذة الغربة

[حلواني]

اخي الفاضل \ الكثيير والكثيير من المتواجدون بالكويت ياتون بفيزات زياره ويوفقون للعمل ويغيرو اقامتهم وكذلك زوجاتنا جاءو بفيزات التحاق بعائل ومن توفق فيهم ووجدت فرصة عمل عملت وغيرت الاقامه وانت كمان ربنا يوفقك وتجد عمل مناسب وتحول اقامتك علي صاحب العمل والحال بيمشي ماتفكرش كتيير وسيب ربنا يدبرلك الخير وجرب سنه واذا لم تجد ارجع مصر والتجربه هاتكون مفيده في كل الاحوال

[الحاج فوزى]

إقامة الإلتحاق بعائل .. (( ولا أدرى هل تسمى كذلك فى حالة إذا ما كانت الزوجة هى العاملة ))

يمكن تحويلها لإقامة عمل بعد مرور عام على الأقل .

لكنك بكل تأكيد ستحاول البحث عن عمل قبل ذلك ...

وهناك الكثير من أصحاب الأعمال من يقوم بتشغيل من ليس على إقامته (( رغم مخالفة ذلك لقانون عمل الوافدين ))

لكنى لا أتصور أنه ستقابلك مشكلة إن شاء الله ..

وبعد العام ستستطيع التحويل لأى شركة .

أسرع باللحاق بزوجتك .. عسى الله أن يبارك لكما ويرزقكما بالخلف الصالح . .

ولو كنت فى حاجة لأى شىء بالكويت لا تتردد بطلبها .. عسى أن نستطيع المساعدة .

[aboutabeakh]

الف الف شكر يا جماعة على المعلموات دية انا فعلا ارتحت لما قرتها وعلى فكرة انا مؤهلات هى:بكالوريوس خدمة اجتماعية ومعايا شهادة icdlومعايا دورات لغة انجليزية محادثة وكنت املك فى مصر سيبر نت ومحترف فى صيانة اجهزة الكمبيوتر والشبكات والنت فهل يمكن ان اجد وظائف تتناسب مع هذا وعلى فكرة انا مسافر يوم 4/12 وبالمناسبة هية مصر للطيرات بتاخد ميزان ادى اية

[ابن الصعيد]

ان شاء الله تيجي بالسلامة

اول ما توصل علي طول شارع ابن خلدون بحولي محلات صيانة الكمبيوتر هتتلقط وهتشتغل وممكن تعمللهم شغل من الباطن

وربنا معاك

[ssmaly]

ألأخ العزيز

الكويت حتنور بيك و خلى اعضاء المحاورات فى الكويت يزيدوا عددا

ولا تقلق كل شىء بيجى خطوة خطوة

ممكن لما تيجى تعمل اعلان بسيط فى الوسيط و ربنا هو الموفق

و لو فى اى خدمة انت بين اخوة لك فى الكويت

[magedghonim]

انت كدة ان شاء الله فرص عملك مضمونة هنا

عشان حتة صيانة الكوميوتر دي

وممكن زي ما الاخ اتفضل وقال تشتغل من الباطن

او باعلانات في الوسيط

لحد متقدر تشوف وضعك ايه وتنقل اقامتك رسمي

مصر للطيراااان 50 كجم للفرد

وتقبل تحياتي