الشرطة تعتقل الأهلي وتهزمه 1 \ صفر في الدوري العام ...!!!

[kokomen]

فاز فريق الشرطة على النادي الأهلي العريق بطل أفريقيا 1 \ صفر

في مباراة قوية من فريق الشرطة الصاعد الجديد للدوري العام المصري

حيث بذل لآعبوا الشرطة مجهود كبير جدا على مدى شوطي المباراة

ولم يستطع بطل أفريقيا من تسجيل هدف التعادل حتى نهاية المباراة

ووضح الإرهاق على لاعبي الأهلي بشكل واضح ... ويعتقد البعض

أن تغيرات مانويل جوزيه كانت غير موفقه في تعديل النتيجة ولو بالتعادل

مبروك لإتحاد الشرطة وهارد لك لفريق الأهلي العنيد

تم تعديل 26 نوفمبر 2008 بواسطة kokomen

[حسام يوسف]

حدش شاف س س ؟

طيب

حدش شاف الجنرال (وزير داخلية) الزمالك؟

[se_ Elsyed]

أنا أهو ياريس .. بس عندي دور برد وتعبان شويه ...

- نعم إنهزم الاهلي من فريق يتذيل الدوري وذلك لأسباب كثيرة ليس منها الاداء التحيكمي السيء وإن كان الحكم سيئاً ولم يحتسب هدفاً صحيحاً للاهلي وأحتسب ضربة جزاء هلامية ضده .. إلا إن اداء الاهلي بشكل عام كان ف منتهى السوء ، ومانويل جوزيه كان مهيش وفاكر نفسه لسه بيلعب قدام القطن على أرضة وعشان كده كان بيلعب برأس حربه واحد ... ومستف كل اللعيبة في خط الوسط .

لا أخفي عليكم بإن الهزيمة من وقت لاخر وخصوصاً قبل أي بطولة بتبقى بمثابة دُش بارد تفوق اللعيبة والجهاز الفني ...

ولا أدري إصرار جوزية حتى الان على الإستعانه بلاعبين بعينهم والباقي حمضوا عل الدكة مع إن بطولة أفريقيا خلصت والحمد لله ؟

ولا ادري سر إصراره على إشتراك هاني العجيزي المهاجم المتميز في مبارتين في يومين متتالين ... تخيلوا ؟ الواد عمل رقم قياسي ودخل التاريخ .. عمركو شوفتوا لعيب يشترك في مباراة ودية قوية وتاني يوم يتشرك في مباراة بالدوري في قطاع الناشئين تحت 20 سنة تاني يوم على طول ؟

الولد بعضمة لسانه قال .. انا مش قادر أقف على رجلي ... فراح مريحه إمبارح في مباراة بالدوري زيها زي مباريات الزمالك والإسماعيلي مثلاً .. فدي 3 نقاط والاخرى 3 نقاط ..

ألف مبروك للشرطة اللي في خدمة الشعب

وهارد لك للاهلي

وأحب أقول دلوقت

إن الاهلي فوق الجميع

والشرطة فوق الأهلي

[kokomen]

أنا أهو ياريس .. بس عندي دور برد وتعبان شويه ...

- نعم إنهزم الاهلي من فريق يتذيل الدوري وذلك لأسباب كثيرة ليس منها الاداء التحيكمي السيء وإن كان الحكم سيئاً ولم يحتسب هدفاً صحيحاً للاهلي وأحتسب ضربة جزاء هلامية ضده .. إلا إن اداء الاهلي بشكل عام كان ف منتهى السوء ، ومانويل جوزيه كان مهيش وفاكر نفسه لسه بيلعب قدام القطن على أرضة وعشان كده كان بيلعب برأس حربه واحد ... ومستف كل اللعيبة في خط الوسط .

لا أخفي عليكم بإن الهزيمة من وقت لاخر وخصوصاً قبل أي بطولة بتبقى بمثابة دُش بارد تفوق اللعيبة والجهاز الفني ...

ولا أدري إصرار جوزية حتى الان على الإستعانه بلاعبين بعينهم والباقي حمضوا عل الدكة مع إن بطولة أفريقيا خلصت والحمد لله ؟

ولا ادري سر إصراره على إشتراك هاني العجيزي المهاجم المتميز في مبارتين في يومين متتالين ... تخيلوا ؟ الواد عمل رقم قياسي ودخل التاريخ .. عمركو شوفتوا لعيب يشترك في مباراة ودية قوية وتاني يوم يتشرك في مباراة بالدوري في قطاع الناشئين تحت 20 سنة تاني يوم على طول ؟

الولد بعضمة لسانه قال .. انا مش قادر أقف على رجلي ... فراح مريحه إمبارح في مباراة بالدوري زيها زي مباريات الزمالك والإسماعيلي مثلاً .. فدي 3 نقاط والاخرى 3 نقاط ..

ألف مبروك للشرطة اللي في خدمة الشعب

وهارد لك للاهلي

وأحب أقول دلوقت

إن الاهلي فوق الجميع

والشرطة فوق الأهلي

ألف سلامة عليك يا سي السيد زعيم الأهلاوية المحترم

ندعوا لك بالشفاء العاجل بإذن الله

عجبني جدا تحليلك الرائع الموضوعي غير المتشنج وغير المتعصب يا أبو عمر

لكن أعذرني عايز أغير شعار الشرطة الي الشعار التالي

الشرطة في خدمة الأهلي

:lol: :lol: :lol:

[حسام يوسف]

انت كدة فير يا س س

وألف ألف سلامة عليك

وانا معاك البنالتى مش بنالتى

وفية بنالتى لأبوتريكة

انما بجد أداء الأهلى سيئ جدا

تسرع وصربعة هجومية

ودفاع شارب حاجات مش حاجة

وأكتر حاجة قالقانى

ان دفاع كل الاندية المصرية فى البتنجان

من أهلى لزمالك لغيرهم يا قلبى لا تحزن

عندنا وفرة وكيف ممتازين فى لاعبى الهجوم والوسط المصري

برة وجوة

انما الدفاع

فحدث ولا حرج

والدليل محمود هلا هللة وشاجى محمد وسيد معوق وتهانى سعيد

استر يارب بجد على مصر عشان نوصل كأس العالم

وألف ألف سلامة يا س س من البرد

تحياتى وأمنياتى بالشفاء

تم تعديل 27 نوفمبر 2008 بواسطة حسام يوسف

[tarek hassan]

ياريت الزمالك يفلت من يد الشرطة

ويهرب من الجيش

[النسر المصري]

وانا معاك البنالتى مش بنالتى

وفية بنالتى لأبوتريكة

الحمدلله باعتراف الزمالاويه اهو :lol:

وأكتر حاجة قالقانى

ان دفاع كل الاندية المصرية فى البتنجان

من أهلى لزمالك لغيرهم يا قلبى لا تحزن

يعني منتخب مصر بقى شوربةكده :lol:

ياجماعة بجد استهدوا بالله....مااحنا كنا بنقول الكلام ده بعد هزيمة الأهلي من المصري....وان الاهلي ضاع واللاعيبة بقوا صياع.....

لكن اللاعيبة رجعوا بعدها وجابولنا كاس افريقيا.....وغلبوا اللي رايح واللي جاي بكل قوة!!

بصوا الموضوع باختصار زي ماقال سين سين...... دش بارد محترم عشان اللاعيبة تفوق وتعرف ان مافيش حد كبير عالكووره حتى لو عملنا منتخب نجوم العالم...اللي بيدي في الملعب...هو اللي يكسب!!

[elshafey]

يا جماعة واضح ان الشرطة استخدمت الارهاب النفسي وكانت محضرة امر اعتقال للعيبة بتاعة الاهلي عشان كده كانو بلعبوا تحت ضغط عصبي :rolleyes: :rolleyes:

ايه المشكلة لما الاهلي يتغلب ماتش كان فيه اللعيبة مرهقة ومش شايفة قدامها وانا متهيألي ان جوزية هيفضل يجرب طرق لعب مختلفة عشان يرسي علي طريقة يلعب بيها في اليابان اللي هي الهدف الاكبر وهو مش قلقان علي الدوري لأنه هيخلصه في الدور التاني ان شاء الله(راجعوا التاريخ والجغرافيا والعلوم والحساب وحساب المثلثات والجبنة المثلثات :rolleyes: وكل العلوم وهتعرفوا ان الاهلي ممكن يخلص الدوري في الدور التاني ان شاء الله)

تحياتي لكل اللي شمتانين واللي مش شمتانين

تم تعديل 27 نوفمبر 2008 بواسطة amelshafey

[ايهاب سالم]

[Modest]

حدش شاف س س ؟

طيب

حدش شاف الجنرال (وزير داخلية) الزمالك؟

موجود يا حسام باشا بس مش عايز أُظهر فرحتي و سعادتي و شماتتّي يعني و كده :lol:

أول مرة افرح إن الشرطة بتعذّب مواطنين :lol:

------------------------------------------------

برايفيت للراجل الأهلاوي اللي بيقول اللي له و اللي عليه "إيهاب سالم" wst::

أي مرة نحتاج شهادة واحد أهلاوي fair هانبعت نجيبك من كندا يا باشا و التذكرة هاندفعها بالنص أنا و حسام wst::

[الطيار المصرى]

تأييدا لكلام المشير سين سين....

لم يكن اداء الاهلي بالاداء الذي يؤهله حتي لتعادل في المباراة مش الفوز....

فظهر اللاعبين مشتتين مرهقين الي جانب جوزيه و تغييراته السيريالية....

و اذا كان الجكم ضيع علينا هدف فاحنا ضيعنا فرص برده...و تحية ايضا لاتحاد الشرطة الذي بذل لاعبيه مجهودا جبارا في المبارة...

بس لي اعتراض صغير علي المقال الذي اورده اخونا ايهاب هو ان الكاتب قال ان احمد حسن تدخل و نسي ان التدخل حسب التعديل الأخير معناه لمس الكرة بطريقة مباشرة و هو في موقف تسلل مش زي زمان(مع تحياتي للكابتن محمد حسام الدين)....

غير كده كمان....احنا مانحبش نزعل الشرطة في حاجة....نحب كده نقدم فروض الولاء و الطاعة....الأمر اصله ما يسلمش...