مغترب-طبيب/ صيدلى/ تمريض اتفضل معانا

[hazemtara]

لو سمحتو يا جماعه انا معروض عليا شغل خاص بس هيعملي انا بس التاشيرة وزوجي طبيب جايلو عقد في مستشغى تشغيل ذاتي (حكومة يعني مكتب التوظيف هما اللى اتصلو وقالو المستشفى هتبعت التاشيرة وهيروح هوا يستلمها من مكتب التوظيف) المهم البمكتب بتاعي قالي حاجه غريبة ان مكتب التوظيف ممكن مايرضاش ييوافق ان زوجي يعمل للاطفال)تلات سنوات وسنتين( تاشيرة علشان نسافر سوا وقال ان لو هوا يقدمي انا والاطفال ممكن بس الاطفال لوحدهم لا للعلم كل واحد فينا احنا الاربعه له جواز مستقل لوحده

فانا معرفش الكلام ده صحولا غلط يعنى ممكن فعلا يرفضوا يعملو تاشيرا للاطفال ولا ايه؟

ارجووكم ساعدوني لو تقدروا لان مكتب التوظيف قافل لحد العيد والمكتب يتاعي عاوزني ابدا في الاجراءات بسرعه جدا ده حتى عاوزني اقدم من دلوقت واخلص التحاليل والمعامل واسافر بعد العيد

بس طبعا لو في مشكلة في سفر الاطفال معايا انا هلغي العقد اصلا وللعلم ربنا اراد في العقدج ده بس جالي بعد انتظار عمل اربع سنين محاولات بمعني انه لن يتكرر مش لانه عقدفظيع الحمد لله بس مافيش شغل للصيادلة السيدات في السعودية

لذلك ستكون صعوبة علينا اننا نلغيه وطبعا مستحيل اني امش والاطفال يجوا بعدي انا وزوجي باي حال من الاحوال

ارجوكم لا تبخلو علينا بالمعلومات ارجوكم

وجزيتم خيرا ان شاء الله

أهلاً دكتورة أرام

1- عمل السيدات فى السعودية فى مجال الصيدلة وفى القطاع الخاص قليل جداً.

2- زوجك عقدة تشغيل ذاتى ودة أنا حظرت منة كتير جداً أن عقود التشغيل الذاتى فيها غُبن كبير للأطباء وبيأخذوا كثيراً من حقوق الطبيب يعنى لن يعطوا زوجك راتب زى راتب وزارة الصحة ولا سكن على نفس المستوى وخلافة من مميزات الوزارة.

3- لو عقد زوجك عائلى لازم يعملوا فيزا لكى والأولاد كمان غصب عنهم ،،لكن لو عقدة فردى وليس عائلى الفيزا للزوج فقط ولا توجد لكى ولا للأولاد فيزا ودة ظلم طبعاً.

طبعاً لو دة عقد زوجك بهذا الشكل أظن أن سفركم صعب لأن كدة حضرتك وزوجك سوف تُقدموا تنازلات صعبة بصراحة.

لكى من السلام وأتمنى لكى التوفيق.

تم تعديل 23 نوفمبر 2010 بواسطة hazemtara

[mama nona]

اهلا د.حازم

كل سنة وحضرتك طيب

ليه معتش فيه نشاطات فى المحاورات زى زمان

كنت عاوزة اسأل حضرتك

المستشفى ال انا فيه هيبدأ يطبق تظام العمل لنا ايام الاون كوول بس 24 ساعة

لان ده طلب الهيئة علشان الممستشفى فيها بروجرام سعودى

فى الحالة دى اكيد هنشتغل على ععد ساعات اكتر من 48 ساعة بالاسبوع

ولما سألت هيكون فيه اوفر تاك او ايام اوف مثلا قالو لا

ساعتها ايه الحل نوافق ونشتغل وخلاص ونعديها زى ما بيقولو .؟؟؟

ولا ايه الحل فيها ؟؟

2- لو عاوزة انقل مثلا من جدة للرياض ...

ايه الخطوات المتبعة للنقل ؟

وهل لو نقلت بيتم نقلى على المديرية نفسها وبعدين يوزعونى من جديد ولا ايه؟؟

شكرا ليك مقدما

ويفرق النقل لو انا عالبروجرام السعودى او لا من حيث المكان ؟؟؟

[sheto]

ياريت يادكتور حازم تفيدنا عن طبيب حاصل على دبلومين احدهم فى طب المناطق الحارة والاخر عن رعاية صحة اولية

ممكن يشتغل اخصائى ام لابد من الماجستير؟؟

جزاكم الله خيرا

[دكتور كاسبر]

بسم الله الرحمن الرحيم

اولا

كل سنة حضراتكو طبيبين

ثانيا

دكتور حازم

ايه الاخبار ؟ عامل ايه ؟

فيه نقطة عاوز أوضحها

بالنسبة للمستشفيات اللي شغالة بنظم التشغيل الذاتي عندنا في الرياض رواتبهم زي رواتبنا احنا اللي تبع الوزارة ونفس المميزات بتاعتنا في كل حاجة ماعدا في عدد أيام الاجازة هما بيكونوا أقل مننا في عدد الايام وأنا معايا زمايلي في المستشفي تشغيل ذاتي وبياخدوا زيي بالظبط

فا الموضوع ده بيختلف من مستشفي للتانية مش كل مستشفيات التشغيل الذاتي بتدي نفس الراتب أو بتدي رواتب أقل

ثالثا

دلوقتي فيه كلام قاله موظف في الوزارة للناس اللي سافرت عن طريق دورة طب الأسرة بالمعهد القومي للتدريب انهم يقدروا يحتفظوا بالنيابة خمس سنين لانهم اعارة والاعارة مدتها خمس سنين

وواحد زميلنا سأل برده موظف في مديرية الصحة في الشرقية وأكد له نفس الكلام انه بتوع طب الاسرة يقدروا يحتفظوا بالنيابة خمس سنين لانهم اعارة

وأنا زمان أبل السفر سألت الوزير بنفسي في الأول قالي أنا ما أعرفش قانونية الموضوع ده ايه ؟

قؤلتله يعني نقعد أكتر من سنتين ولا ننزل ؟

قال ما انت مش هاتقدر تاخد كل حاجة كفاية عليك سنتين وانزل

أنا بحثت في قانون العمل المصري ولقيت انه الاعارة بتحفظ للمعار كل مميزاته المالية والوظيفية اللي كان عليها قبل السفر

السؤال دلوقتي

هل فيه حد سمع أي حاجة بخصوص الموضوع ده ؟؟؟؟

[hazemtara]

بسم الله الرحمن الرحيم

اولا

كل سنة حضراتكو طبيبين

ثانيا

دكتور حازم

ايه الاخبار ؟ عامل ايه ؟

فيه نقطة عاوز أوضحها

بالنسبة للمستشفيات اللي شغالة بنظم التشغيل الذاتي عندنا في الرياض رواتبهم زي رواتبنا احنا اللي تبع الوزارة ونفس المميزات بتاعتنا في كل حاجة ماعدا في عدد أيام الاجازة هما بيكونوا أقل مننا في عدد الايام وأنا معايا زمايلي في المستشفي تشغيل ذاتي وبياخدوا زيي بالظبط

فا الموضوع ده بيختلف من مستشفي للتانية مش كل مستشفيات التشغيل الذاتي بتدي نفس الراتب أو بتدي رواتب أقل

الأخ الفاضل كاسبر

شكراً ولتوضيحك المهم

هُناك بعض وخُد بالك من بعض دى المستشفيات التى تعمل بنظام التشغيل الذاتى عدلت كثيراً من رواتب الأطباء وأعطت بعض الإمتيازات لهم.

لكن فى النهاية هى لا تتساوى مع المستشفيات التى تتبع وزارة الصحة أبداً.

مُستحيل لازم يستفيد منك فى شيئ هو مُش هيشغلك كدة لوجة الله.

على أضعف الإيمان زى ما حضرتك وضحت هيعطيك أجازة أقل من زملائك فى الصحة ودة بالمناسبة محترم جداً.

عندى عشرات الأمثلة لزملاء يعملوا معى الأن ممن عملوا فى تبوك فى مستشفى الملك خالد وحائل والقصيم والحفر،،الى عاوز يكلمهم بنفسة ويسمع من كل واحد فيهم يُراسلنى على الخاص أعطية جوال كل واحد يحكى لة قصتة مع التشغيل الذاتى وما أكثر المأسى التى سوف يسمعها فى كل قصة طبيب منهم.

ثالثا

دلوقتي فيه كلام قاله موظف في الوزارة للناس اللي سافرت عن طريق دورة طب الأسرة بالمعهد القومي للتدريب انهم يقدروا يحتفظوا بالنيابة خمس سنين لانهم اعارة والاعارة مدتها خمس سنين

وواحد زميلنا سأل برده موظف في مديرية الصحة في الشرقية وأكد له نفس الكلام انه بتوع طب الاسرة يقدروا يحتفظوا بالنيابة خمس سنين لانهم اعارة

وأنا زمان أبل السفر سألت الوزير بنفسي في الأول قالي أنا ما أعرفش قانونية الموضوع ده ايه ؟

قؤلتله يعني نقعد أكتر من سنتين ولا ننزل ؟

قال ما انت مش هاتقدر تاخد كل حاجة كفاية عليك سنتين وانزل

أنا بحثت في قانون العمل المصري ولقيت انه الاعارة بتحفظ للمعار كل مميزاته المالية والوظيفية اللي كان عليها قبل السفر

السؤال دلوقتي

هل فيه حد سمع أي حاجة بخصوص الموضوع ده ؟؟؟؟

لا أعرف إجابة قاطعة فى هذا الموضوع لكن الى مُتأكد منة أن الزمالة بصفة عامة لن يُعطوك أكثر من سنة اجازة وإلا بيلغوا الزمالة.

والله لو أحد من الزملاء يعرف يا ريت يساعد الجميع.

[hazemtara]

ياريت يادكتور حازم تفيدنا عن طبيب حاصل على دبلومين احدهم فى طب المناطق الحارة والاخر عن رعاية صحة اولية

ممكن يشتغل اخصائى ام لابد من الماجستير؟؟

جزاكم الله خيرا

1- لو حضرتك تعاقدت من مصر مع مكتب التوظيف السعودى أخصائى ،،،المديرية هنا بتشغلك أخصائى ،،لكن الراتب بيكون أقل حبتين من الى معاة ماستر،،ودة طبعاً منطقى.

2- لكن المشكلة فى الهيئة السعودية للتخصصات الصحية التى تتعامل معك على أنك مُقيم ،،وكل شوية تبعت للمُديرية بضرورة تعديل عُقود الأتى أسمائهم و،،طبعاً حضرتك منهم حيث أنة لا يجوز عملهم كأخصائى وهم من نظر الهيئة مقيمين .

وكالعادة ترد المديرية أنة لا مفر من تشغيلهم لأنة لا يوجد لهم بديل حتى الأن.

لكن طبعاً بما أنك فى السعودية ممكن تجد فى لحظة الأمور تغيرت المديرية التى كانت تدافع عنك باعتك فى لحظة ومطلوب منك تبقى مقيم وترضى بالوضع الجديد ،،ودة بيكون صعب.

الأحسن حاول تاخذ ماستر طبعاً ،،دة أكثر أماناً.

[hazemtara]

اهلا د.حازم

كل سنة وحضرتك طيب

ليه معتش فيه نشاطات فى المحاورات زى زمان

كنت عاوزة اسأل حضرتك

المستشفى ال انا فيه هيبدأ يطبق تظام العمل لنا ايام الاون كوول بس 24 ساعة

لان ده طلب الهيئة علشان الممستشفى فيها بروجرام سعودى

فى الحالة دى اكيد هنشتغل على ععد ساعات اكتر من 48 ساعة بالاسبوع

ولما سألت هيكون فيه اوفر تاك او ايام اوف مثلا قالو لا

ساعتها ايه الحل نوافق ونشتغل وخلاص ونعديها زى ما بيقولو .؟؟؟

ولا ايه الحل فيها ؟؟

عُقود عمل الأطباء فى السعودية تنص على أنك لو عملتى ساعات إضافية تأخذى أوفر تايم أو راحات ،،لكن دة ما بيحصلش فى الواقع.

موضوع الأوفر تايم دة إنسية تماماً.

ولا هللة هتشفيها منهم.

لكن أكثر ما يُمكن فعلة هو أن تتناقشى أنت وزملائك مع المدير الطبى ،،أن يعطيكم كل فترة يوم أو يومين راحة .

2- لو عاوزة انقل مثلا من جدة للرياض ...

ايه الخطوات المتبعة للنقل ؟

وهل لو نقلت بيتم نقلى على المديرية نفسها وبعدين يوزعونى من جديد ولا ايه؟؟

شكرا ليك مقدما

ويفرق النقل لو انا عالبروجرام السعودى او لا من حيث المكان ؟؟؟

النقل فى السعودية صعب ولازم بدل.

لو عاوزة تروحى مكان محدد فى الرياض شوفى حد يبدل معاكى فى هذا المكان.

[sheto]

يا دكتور حازم

حتى لو كان الطبيب حاصل على دبلومين اثنين وليس دبلوم واحد يعتبروة طبيب مقيم

؟؟؟؟؟؟؟؟؟؟؟؟؟؟

[دكتور كاسبر]

بسم الله الرحمن الرحيم

اولا

الموقع ده مش بيفتح في الاوضاع العادية يعني أنا كذا يوم بحاول أفتحه بلاقيه محجوب أو مش بيفتح المهم اتصرفت وجبت برنامج فك الحجب وشغلته وفوجئت أنه الموقع فتح معايا

مش عارف المشكلة دي معايا أنا بس ولا مع الناس كلها

ثانيا

بخصوص رواتب أطباء التشغيل الذاتي أنا مش بشكك في كلامك يا دكتور حازم أنا بقؤلك بس انه فيه مستشفيات بتدي رواتب زي رواتب اطباء الوزارة لانه مش هاينفع تعمم لانه موضوع الرواتب ده بيختلف من مدير مستشفي لاخر ومن منطقة لاخرى بدليل انه عندكم في تبوك بيدوا رواتب قليلة وبيستغلوا الاطباء والعكس هنا في الرياض بيدوا نفس الرواتب مفيش غير حتة الاجازة هما أقل منا بكام يوم وبيعوضوها من خلال اضافة ايام الشغل اثناء العيدين

ثالثاا

بالنسبة للاطباء اللي طالعين من خلال دورة طب الأسرة الست شهور في المعهد القومي للتدريب كطبيب مقيم طب اسرة

وخدوا نيابات يقدروا يحتفظوا بالنيابة بتاعتهم خمس سنين ايوه خمس سنين

طبعا فيه ناس هاتستغرب ؟؟؟

اللايحة بتاعة الاطباء المقيمين لسنة 2004 بتقول انه اللي واخد نيابة لا يحق له انه ياخد أكتر من سنتين اجازة بدون مرتب

فعلا الكلام ده صح

لكن أطباء الاسرة اللي مسافرين من خلال الدورة طالعين علي سبيل اعااااااااااارة

والاعارة بتحفظلك كل حقوقك حتي ترقيتك ماشية عادي وكل المميزات اللي كنت عليها أبل ما تروح الاعارة هاتفضل عليها وزيك زي زميلك اللي في مصر ماليا واداريا

أنا اتصلت بموظف عقر في الوزارة وقالي الكلام ده

وكمان عشان الناس تتطمن

دا نص المادة الخاصة بالاعارة من قانون العاملين المدنين بالدولة

مادة 58- يجوز بقرار من السلطة المختصة بالتعيين بعد موافقة العامل كتابة إعارته للعمل فى الداخل أو الخارج ويحدد القرار الصادر بالإعارة مدتها وذلك فى ضوء القواعد والإجراءات التى تصدرها السلطة المختصة.

ويكون أجر العامل باكمله على جانب الجهة المستعيرة، ومع ذلك يجوز منحه أجرا من حكومة جمهورية مصر العربية سواء كانت الإعارة فى الداخل أو الخارج وذلك بالشروط والأوضاع التى يحددها رئيس الجمهورية.

وتدخل مدة الإعارة ضمن مدة اشتراك العامل فى نظام التأمين الاجتماعى واستحقاق العلاوة والترقية وذلك مع مراعاة أحكام القانون رقم 79 لسنة1975 بإصدار قانون التأمين الاجتماعى والقوانين المعدلة له.

ومع ذلك فإنه لا يجوز فى غير حالات الإعارة التى تقتضيها مصلحة قومية عليا يقدرها رئيس مجلس الوزراء ترقية العامل إلى درجات الوظائف العليا إلا بعد عودته من الإعارة كما لا تجوز إعارة أحد شاغلى تلك الوظائف قبل مضى سنة على الأقل من تاريخ ". لها (1).

وفى غير حالة الترقية لدرجات الوظائف العليا لا يجوز ترقية العامل الذى تجاوز مدة إعارته أربع سنوات متصلة، وتعتبر المدة متصلة إذا تتابعت أيامها أو فصل بينها فاصل زمنى يقل عن سنة (1).

وتحدد أقدمية العامل عند عودته من الإعارة التى تجاوز المدة المشار إليها فى الفقرة السابقة على أساس أن يوضع أمامه عدد من العاملين مماثل للعدد الذى كان يسبقه فى نهاية هذه المدة أو جميع الشاغلين لدرجة الوظيفة عند عودته أيهما أقل (2).

مادة 59

عند اعارة أحد العاملين تبقي وظيفته خالية ويجوز في حالة الضرورة شغلها بطريق التعيين أو الترقية بقرار من السلطة المختصة بالتعيين اذا كانت مدة الاعارة سنة فأكثر وعند عودة العامل يشغل وظيفته الاصلية اذا كانت خالية أو أي وظيفة خالية من درجة وظيفته أو يبقي في وظيفته الاصلية بصفة شخصية علي أن تسوي حالته في أول وظيفة تخلو من نفس درجة وظيفته

وفي جميع الاحوال يحتفظ له بكافة مميزات الوظيفة التي كان يشغلها قبل الاعارة

وربنا يوفقكم جميعا

تم تعديل 30 نوفمبر 2010 بواسطة دكتور كاسبر

[ahmedbaklola]

بسم الله الرحمن الرحيم

السلام عليكم ورحمه الله وبركاته

جزاكم الله خيرا كل من شارك فى هذا الموضوع من الشرح والخبرات وخصوصا دحازم استشارى الموقع

واقدم هديه لك زائر جديد لهذا الموضوع

جميع صفحات هذا الموضوع مضغوطه فى ملف واحد

http://www.BLOCKED77/file/ZEOA6lB4/01___.html

تم تعديل 30 نوفمبر 2010 بواسطة ahmedbaklola

[sheto]

الاخوة الافاضل اية رايكم فى مؤسسة المركز الثقافي الدولي للتدريب والتنمية

تعلن عن دبلومات اون لاين ؟؟

انا قرات الاعلان ومش عارف اية حكايتة؟ هل معترف بية؟ فى مصر؟ والسعودية؟

هل صادقين؟ انا ساترك لكم الرابط

http://poetrydriftaway.wordpress.com/2010/12/03/%D9%84%D9%84%D8%A7%D8%B7%D8%A8%D8%A7%D8%A1-38/

منتظركم؟

[دكتور كاسبر]

بسم الله الرحمن الرحيم

فيه كلام شبه أكيد من مسئولين بمديرية الصحة بالرياض أنه فيه سلم رواتب جديد هاينزل للمتعاقدين بحيث

الاساسي للطبيب المقيم 6 الالاف ريال

سنة الخبرة ب 300 ريال

وال 20 % أو 30 % هاتتلغي

حد سمع حاجة عن الموضوع ده

؟؟؟؟؟؟؟؟؟؟

[hazemtara]

يا دكتور حازم

حتى لو كان الطبيب حاصل على دبلومين اثنين وليس دبلوم واحد يعتبروة طبيب مقيم

؟؟؟؟؟؟؟؟؟؟؟؟؟؟

حتى لو واخد 10 دبلومات

أنت طبيب مُقيم فقط.

[hazemtara]

بسم الله الرحمن الرحيم

فيه كلام شبه أكيد من مسئولين بمديرية الصحة بالرياض أنه فيه سلم رواتب جديد هاينزل للمتعاقدين بحيث

الاساسي للطبيب المقيم 6 الالاف ريال

سنة الخبرة ب 300 ريال

وال 20 % أو 30 % هاتتلغي

حد سمع حاجة عن الموضوع ده

؟؟؟؟؟؟؟؟؟؟

سمعت كلام زى كدة لكن لاتوجد أخبار مُؤكدة حتى الأن بخصوص هذا الموضوع.

لو فية أى جديد أكيد بعرف كل الزملاء هنا.

[muslma]

السلام عليكم ورحمة الله وبركاته

كنت عاوزه اعرف من حضارتكم فى حال تعاقدى انا وزوجى من خلال مكتب التوظيف بيكون السفر فى خلال ايه؟

وهل يمكن انه يسافر الاول علشان يظبط الدنيا علشان معانا 3 اولاد؟

وهل ممكن ناخد حد معانا زى والدته او خادمه علشان الاولاد وايه هى الاجراءات؟

معلش اسالتى كتيره بس انا عارفه ان كرمكم وسعة صدركم اكبر

ولكم جزيل الشكر والاحترام

[ahmedbaklola]

بسم الله الرحمن الرحيم

السلام عليكم ورحمه الله وبركاته

انا اريد الاستفسار عن مكب لاستخراج تأشيرة زيارة على جاوز السفر

لوالدى حيث انه مسافر زيارة وانا معى الان التأشيرة من على الانترنت لكن عرفت ان القنصليه لا تتعامل الا عن طريق المكاتب

ممكن اسم المكتب فقط وانا اجيب رقم تليفونه من الدليل

[hazemtara]

السلام عليكم ورحمة الله وبركاته

كنت عاوزه اعرف من حضارتكم فى حال تعاقدى انا وزوجى من خلال مكتب التوظيف بيكون السفر فى خلال ايه؟

على حسب همتك إنتى لو خلصت ورقك بسرعة ممكن فى خلال شهر تسافرى,,,,, ولكن ممكن لو محتاجة وقت ممكن تسافرى فى 3 شهور.

وهل يمكن انه يسافر الاول علشان يظبط الدنيا علشان معانا 3 اولاد؟

ممكن بيخلص لكم ولة كل الأوراق بما فيها تذاكر الطيران وكل شئ ويحجز لك أنت والأولاد طيران بعدة بمدة لا تزيد عن شهرين حيث أن هذة أقصى مدة يمكنك البقاء فيها فى مصر بعد زوجك وإلا التأشيرة تحتاج تجديد من السفارة ويكون الموضوع أصعب بعد كدة.

مُعظمنا نسافر الأول ويلحق بنا أولادنا بفترة قصيرة أقل من شهرين،،،وهذة مدة كافية لتجهيز كل شئ فى السعودية.

وهل ممكن ناخد حد معانا زى والدته او خادمه علشان الاولاد وايه هى الاجراءات؟

معلش اسالتى كتيره بس انا عارفه ان كرمكم وسعة صدركم اكبر

ولكم جزيل الشكر والاحترام

لا غير ممكن من الأول

بعد ما يسافر ممكن يعمل زيارة لكل من الأب والأم وحضرتك أيضاً ممكن تعملى لوالديك أيضاً.

أما الشغالة من مصر فدة غير مُتاح إستقدام شغالة من مصر.

[hazemtara]

بسم الله الرحمن الرحيم

السلام عليكم ورحمه الله وبركاته

انا اريد الاستفسار عن مكب لاستخراج تأشيرة زيارة على جاوز السفر

لوالدى حيث انه مسافر زيارة وانا معى الان التأشيرة من على الانترنت لكن عرفت ان القنصليه لا تتعامل الا عن طريق المكاتب

ممكن اسم المكتب فقط وانا اجيب رقم تليفونه من الدليل

حضرتك لم تُحدد البلد الى أنت فيها علشان الزملاء يدلوك على مكتب فى البلد الى أنت فيها هذا أولاً.

ثانياً:

لو حضرتك طبيب فى الحكومة السعودية الموضوع بسيط جداً

عندى هنا بنعمل كل شئ من الإمارة ولا نحتاج الذهاب لأى مكان.

بالنسبة لتأشيرة الزيارة كل الزملاء بيروحوا على مكتب الخارجية السعودية فى الرياض أو جدة أو الدمام مباشرة.

أما لو حضرتك عاوز مكتب يساعدك،،،،أى كانت البلد الى أنت فيها ينفع مكتب خدمات عامة مُعظم هذة المكاتب لها تعاملات مع المصالح الحكومية .

مُوفق إن شاء الله

[مودة ورحمة]

دكتور حازم

دلوقتي انا كنت بعت ورقي بالبريد لمكتب التوظيف السعودي

هم دلوقتي في مصر واتصلوا بيا وما سمعتش الجرس

وارقامهم وهمية مش بتوصل لحاجة

هل حيتصلوا بيا تاني؟ والا كدة خلاص فرصتي ضاعت؟

تم تعديل 14 ديسمبر 2010 بواسطة مودة ورحمة

[مودة ورحمة]

هو لييه انا واخدة -1 ؟؟؟؟؟؟؟؟؟؟؟؟؟