مغترب-طبيب/ صيدلى/ تمريض اتفضل معانا

[بحار الغربة]

هذا أخر تعديل وهو المعمول بة الأن فى وزارة الصحة السعودية ,,,,,,,, رجاء بص يا أخى بحار دبلوم ثلا ث سنوات بعد الثانوية العامة من أحد الدول الاوربية فى مجال الصيدلة أحسن من بكالوريوس صيدلة من أتخنها جامعة فيكى يا محروسة,,,,,,,,,,,,,

يعنى فنى صيدلة من دول العالم الأول ( 3 سنوات بعد الثانوية ) راتبة 14580 ريال بينما بكالوريوس من مصر بتشتغل بردة فنى صيدلة بس كبيرك على حسب القانون الى أنا ذكرتة من قبل لا يزيد عن 4500 ريال على أحسن الأحوال,,,,,,,,,,,,,,,, شفت يا عمى :ninja:

د حــــــــــــــــازم حبيب الملايين

مساء الفل الاول

احنا ولا مؤاخذة عارفين ان شهادة محو الامية فى امريكا واوروبا تعادل عندنا الثانوية العامة بس ما باليد حيلة .... العين بصيرة والايد قصيرة

طب ايه قولك بئة ان انا شخصيا دخت ورا جامعة بره تكون مصاريفها معقولة او حد طيب يتبنانى ويدينى منحة لوجه الله مالفتش

لكن الامل موجود

تم تعديل 12 فبراير 2009 بواسطة بحار الغربة

[drabouzeid]

حضرتك فين يادكتور حازم اتخليت عننا ولا ايه مستنين مداخلاتك يارب يكون المانع خير ان شاء الله

ازيك يارة لا أنا موجود بس ببص على أى أسئلة موجودة فا ما بلائيش أسئلة فبخرج على طول

يا دكتور حازم مش لازم اسئلة كفايه بس انك تشاركنا علشان البركة تحل

انا دخلت امبارح لقيت الموضوع فى الصفحة التانيه اتخديت قلت انا فى حلم ولا فى علم

اوعى تكون ما دعتليش زى اما وصيتيك

[hazemtara]

د حــــــــــــــــازم حبيب الملايين

مساء الفل الاول

احنا ولا مؤاخذة عارفين ان شهادة محو الامية فى امريكا واوروبا تعادل عندنا الثانوية العامة بس ما باليد حيلة .... العين بصيرة والايد قصيرة

طب ايه قولك بئة ان انا شخصيا دخت ورا جامعة بره تكون مصاريفها معقولة او حد طيب يتبنانى ويدينى منحة لوجه الله مالفتش

لكن الامل موجود

الغالى بحار ربنا يكرمك أنا عارف انك ممكن تكون زهئان ومش مرتاح للأوضاع الى فى مصر أو الى فى الخليج بصفة عامة زى كل المغتربين من المصرين الى بيحاولوا انهم أهم شيئ مش يرجعوا مصر خوفاّ من المجهول الى منتظرهم والمستقبل الذى لا يبشر بخير؟؟؟؟؟؟؟؟؟

بس للأسف هو دة الحال فى مصر ،،،،،،،،،،،،،،،،،،،،،،،،،،،،،،،، ربنا يعنا جميعا

طبعا وبكل أسف بردة المستقبل فى الخليج خلاص مش مضمون لأن بصراحة عندهم مشاكل من بطالة الشباب ومفيش وظائف وتطرف دينى الخ،،،،،،،،،،،،،،من المشاكل الى خلت كثير من دول الخليج تبحث عن حلول وأولها طرد العمالة الأجنبية وأحنا منهم طبعا.

المهم بالنسبة لموضوع الدراسة برة مش تزهق حنكش كتير فى النت وصدقنى ها توصل العبد لله جت علية فترة كنت كل يوم يجيلى يجى 5 تليفونات من دول مختلفة بسبب انى بسجل فى جامعات مختلفة وتخصصات مختلفة،،،،،،،،،،،،،،، شوف الحتة دى حاول تبحث فى حاجة اسمها ال MBA ودى معناها انك حاصل على درجة الام بى اية ودى لها وزنها فى كل دول العالم اعمل سيرش على الجوجل على الام بى ايى دجرى وجرب وشوف الجامعات بتقول اية.

الحاجة التانية لية مش بتحاول تبحث عن الهجرة هو احنا عندة اية فى مصر نبكى علية طبعا ،،،،،،،،،،،هاتوقلى ماهى كندا اتئفلت خلاص ها أقولك سبحان الله أرض الله واسعة الى خلق كندا خلق غيرها بس دور بجدية ما يمكن تكون انت بداية الخير لغيرك من الناس الى نفسها تغير لأى مكان تانى،،،،،،،،،،، سبحان الله يوضع سرة فى أضعف خلقة......... أنا بنكوشك بس :ninja:

[hazemtara]

يا دكتور حازم مش لازم اسئلة كفايه بس انك تشاركنا علشان البركة تحل

انا دخلت امبارح لقيت الموضوع فى الصفحة التانيه اتخديت قلت انا فى حلم ولا فى علم

اوعى تكون ما دعتليش زى اما وصيتيك

ربنا يكرمك يا أبو زيد ان شاء الله وتنول كل الى بتحلم بية ونشوفك فى أعلى مكان بس نصيحة أخ يا أبو زيد مش تضيع وقتك يعنى أنا لية دائما كلمة دائما بقولها لنفسى قبل ما بقولها لغيرى وهى،،،،،،،،،،،،،،،،،،،،،،،،،،،،،،،،،،،،،،

الطبيب فينا الى يمر علية يوم بدون استفادة يبقى أكيد خسر،،،،،،،،،،،،، والاستفادة أنواع كثيرة يا اما مادية,,,,,,,,, أو علمية أو وظيفة أحسن ....... أو مكان أفضل فى التدريب والعمل واكتساب المهارات أو حتى مذاكرة أو تسجيل لدرجة علمية أعلى ...... هى دى حياة الطبيب دة اذا كنت عاوز تبقى طبيب بجد أما الى قاعد يندب حظة وخلاص بدون أكشن حقيقى دة سيبك منه دة هتمر علية الايام وتيجى تلاقية زى ما هو .... لم يتغير نفس الشخص.

دائما بص للأمام بص للأحسن بص للأنك تكون أفضل .......... ولية للأ مافيش مستحيل فى الحياة............ صدقنى النجاح بيبدأ بحلم ...... احلم بشيئ وحاول تفكر فية بس نكون منطقين فى الأحلام وحط خطة انك توصل لهدفك وبردة نكون عقلانين مش بنحلم وبس ...... لا ازى أوصل لحلمى وأخلية حقيقة.

ها أحكى لك حكاية صغيرة عن أقاربى الى فى النمسا .... هما أولاد خالتى ومعاهم واحد دبلوم صناعى والتانى دبلوم زارعة يعنى ما تقوليش أكيد مش مطلوبين فى النمسا الأخ الأكبر واسمة عماد حاول أكثر من مرة انة يسافر فى أى حتة المهم يخرج من المحروسة مرة لبنان مرة سورية وتفشل ..... المهم محاولات عديدة لما وحدة منهم نجحت وذهب من مصر لقبرص ومن قبرص للبنان ثم سورية ثم تركيا ثم المجر ثم النمسا فلقى البلد شكلها حلو فا قال اقعد هنا البلد دى شكلها كويسة ...... والله هو لا كان يعرف النمسا دى أصلا فين والى بيتكلموا الالمانى دة ازايى لكن كان بيحاول محاولات .....موت.

والحمد لله نجح وبعدين أخد أخوة من بعدة .

:ninja:

[hazemtara]

الأخ أو الأخت / سهل جدا انتظر منى رد حاسم جدا على مقالكتك الى نشرتها مع الاثباتات الى بحضرها لك وأعدك برد لا يحتمل الخطأ بأذن الله............... لأن بصراحة الى حضرتك نشرتة وأن عارف انة مش كلامك لكنة يسيئ جدا للمصرين وبعدين السعودين مش ملائكة دة احنا معشرنهم وفأسين الفول بتعتهم كويس جدا. :ninja: md2:

[drabouzeid]

بجد كلمات و نصائح غالية جدا انا نقلتها عندى

شرا يا حبيبى على هذه النصائح

شكلك يا دكتور بتحب تسمع او تقرأ تنمية بشريه اصل انا غاوى اوى تنمية بشرية

طيب ايه رايك يا دكتور حازم انا مش بحب الجراحات او الباطنة

يعنى غالبا اطفال بس سمعت ان فى دكاترة كتير بيسافروا ايطاليا علشان يتعلموا عظم لانها مشهورة باعمليات لازاروف

اركز على الاطفال من الان و استغل فترة انتظارى الجيش ولا اخينى جى بى زى ما انا لحد ما اسافر

[فطوطة]

أختى العزيزة اتمنى لكى التوفيق

لاحظى حضرتك لكى حق فى بدل سكن وتذاكر طيران وبدل نقل ومنحة الملك الى هى فى شهر واحد من كل سنة (5%من الاساسى)

ومن حقك تجيبى معاكى الاسرة والزوج وتعملى لهم الان استقدام معاكى لو عندك أسرة.

ولو مش متجوزة من حقك محرم يجى معاكى زى أبوكى أو أمك أو أخوكى ممكن تخلصى دة قبل ما تيجى أسهلك,,,,,,,,,,,,,,,,,,,

من السعودية هياخذ وقت ومجهود أكبر

ربنا يوفقك :)

السلام عليكم

دكتور حازم

شكرا جزيلا لرد حضرتك ونصايحك الغالية

انا رحت الشركة علشان استفسر منهم على حكاية شركة التشغيل دى وشفت صورة من عقد صيدلى معاهم

ولاحظت شوية حاجات عايزة افهمها من حضرتك لو تسمح

اولا:العقد مكتوب فيه من فوق المملكة العربية السعودية- وزارة الدفاع- برنامج مستشفيات الهدا العسكرى

ولما سألتهم يعنى ايه برنامج وهل هو شركة تشغيل قالولى لأ وان كل مستشفيات وزارة الدفاع اسمها برامج؟؟؟فهل هذا صحيح؟؟؟

ثانيا:العقد لمدة 24 شهر مع انهم قالولى انه سنوى ويجدد؟؟؟

فرأى حضرتك ايه ؟؟اشترط عليهم احسن انه يكون لمدة 12 شهر؟؟

ثالثا:حضرتك بتقول انه ليا الحق فى بدل سكن وانتقال ؟؟بس مافيش كلام زى ده قريته ف العقد اللى شفته

يمكن لانهم موفرين سكن اعزب وانتقال داخلى؟؟؟زى ما فهمت ولا دا حاجة ودا حاجة تانية؟؟

هما على فكرة كل اللى كاتبين انى استحقه :الراتب3500 ريال (بس هما قالولى ان فيه 350 ريال نسبة 10%بدل غلاء بس مش مكتوبة فى العقد)

رابعا :بالنسبة للمحرم انا سألتهم هل ينفع تكون والدتى معايا لانى مش متزوجة

قالولى ان السكن لأعزب وان ممكن لما اروح ابقى اعملها زيارة

مش عارفة حسيت انهم بيمشوا حالهم وخلاص فهل فعلا انا من حقى يكون معايا محرم او مرافق؟؟؟ولا ايه؟

خامسا:هما قالولى حيخدوا 6000 جنيه

ولما قلتلهم مش هوا المفروض نسبة 2% بس؟ قالولى ايوة بس احنا لينا كمان اتعاب علشان جبنالك العقد

وكمان علشان حيوثقوه من القنصلية والخارجية

رأى حضرتك ايه؟؟؟

انا دفعت ليهم 500 جنيه مع صور الورق علشان يجيبوا عرض العمل من هناك ويبدوا الاجراءات

معلش انا طولت كتير على حضرتك بس معلش لانى ما ليش اى خبرة فى مواضيع السفر خالص

فياريت حضرتك تطمنى وتقولى اعمل ايه؟؟

وخصوصا حكاية اول نقطة لانى طبعا خايفة من موضوع الكفالة

شكرا جزيلا لحضرتك

وجعله الله فى ميزان حسناتك يوم العرض عليه

تم تعديل 13 فبراير 2009 بواسطة فطوطة

[hazemtara]

السلام عليكم

دكتور حازم

شكرا جزيلا لرد حضرتك ونصايحك الغالية

انا رحت الشركة علشان استفسر منهم على حكاية شركة التشغيل دى وشفت صورة من عقد صيدلى معاهم

ولاحظت شوية حاجات عايزة افهمها من حضرتك لو تسمح

اولا:العقد مكتوب فيه من فوق المملكة العربية السعودية- وزارة الدفاع- برنامج مستشفيات الهدا العسكرى

ولما سألتهم يعنى ايه برنامج وهل هو شركة تشغيل قالولى لأ وان كل مستشفيات وزارة الدفاع اسمها برامج؟؟؟فهل هذا صحيح؟؟؟

ثانيا:العقد لمدة 24 شهر مع انهم قالولى انه سنوى ويجدد؟؟؟

فرأى حضرتك ايه ؟؟اشترط عليهم احسن انه يكون لمدة 12 شهر؟؟

ثالثا:حضرتك بتقول انه ليا الحق فى بدل سكن وانتقال ؟؟بس مافيش كلام زى ده قريته ف العقد اللى شفته

يمكن لانهم موفرين سكن اعزب وانتقال داخلى؟؟؟زى ما فهمت ولا دا حاجة ودا حاجة تانية؟؟

هما على فكرة كل اللى كاتبين انى استحقه :الراتب3500 ريال (بس هما قالولى ان فيه 350 ريال نسبة 10%بدل غلاء بس مش مكتوبة فى العقد)

رابعا :بالنسبة للمحرم انا سألتهم هل ينفع تكون والدتى معايا لانى مش متزوجة

قالولى ان السكن لأعزب وان ممكن لما اروح ابقى اعملها زيارة

مش عارفة حسيت انهم بيمشوا حالهم وخلاص فهل فعلا انا من حقى يكون معايا محرم او مرافق؟؟؟ولا ايه؟

خامسا:هما قالولى حيخدوا 6000 جنيه

ولما قلتلهم مش هوا المفروض نسبة 2% بس؟ قالولى ايوة بس احنا لينا كمان اتعاب علشان جبنالك العقد

وكمان علشان حيوثقوه من القنصلية والخارجية

رأى حضرتك ايه؟؟؟

انا دفعت ليهم 500 جنيه مع صور الورق علشان يجيبوا عرض العمل من هناك ويبدوا الاجراءات

معلش انا طولت كتير على حضرتك بس معلش لانى ما ليش اى خبرة فى مواضيع السفر خالص

فياريت حضرتك تطمنى وتقولى اعمل ايه؟؟

وخصوصا حكاية اول نقطة لانى طبعا خايفة من موضوع الكفالة

شكرا جزيلا لحضرتك

وجعله الله فى ميزان حسناتك يوم العرض عليه

طبعا من الواضح أن العقد الى حضرتك بتحكى عنة غالبا فى شركة تشغيل ذاتى تدير المستشفى ،،،،،،،،،،،،لماذا لأن

1- الحكومة تعطى بدل سكن لكل الناس وهذا قانون لا يخضع للمزايدة أو النقاش ،،،،، يعنى مثلا أنا لو تنازلت عن بدل السكن الخاص بى أتوماتك زوجتى يصرف لها بدل سكن ............ تذكرى زوجتى صيدلانية؟؟؟؟؟؟؟؟؟؟؟

معى كثير من البنات التمريض والصيدلة الى ساكنين مع أسرهم ويصرف لهم بدل سكن ( 3 شهور من الاساسى كل سنة).

الى بيحدد انة يأخذ بدل سكن أم لا هو انتى مش الى بيعطيك العقد يعنى لو المستشفى موفر سكن أنا صاحب القرار أسكن فى هذا السكن أو ,,,,,,,, لا مفهومة دى.

معى هنا بعض البنات طبيبات ساكنين فى سكن المستشفى لاكن مجرد ما تجيب أسرتها ( يعنى الزوج والأولاد أو أى محرم لها خصوصا الأب أو الأم تخرج مباشرة من السكن ويصرف لها بدل السكن حسب النظام).

معى طبيبة زميلة كانت جايبة أبوها وابنها الى سنة 6 سنوات معاها لأنها مطلقة طبعا الأب هو المحرم يبقى حضرتك بتقولى لى ازاى مش من حقك تجيبى أمك ،،،،،،،،،، الى بيشطرت كدة فى معظم الأحوال الشركات.

وبعدين ازاى أمك حتأقعد معاكى فى سكن العزاب دة مش مظبوط خالص لأن سكن العزاب دة الغرفة فيها تلاتة زى أيام المدينة الجامعية مش ممكن يكون الكلام الى فى الشركة بيقولة دة مظبوط دة نظام يالة خلصى وقع العقد وهاتى القرشين وابقى دبرى حالك بعيد عننة.

وبعدين انتى من حققك استقدام أمك فى الحكومة وببلاش يبقى ليه تعملى لها زيارة تجددية كل 3 شهور بى 100 ريال وانتى من حقك ببلاش بالأضافة لأن الزيارة تجدد بحيث أن لا تزيد عن 9 شهور وطيب لية اذا كان من حقى استقدام لية وتقعد معاكى لما تخلصى وتنزلى خالص من السعودية،،،،،،،،، بصى يا دكتورة أنا جارتى هنا فى السكن ممرضة فى الحرس جايبة أمها معاها وسكن معاية فى نفس البيت وأمها معاة اقامة فى السعودية مش زيارة والممرضة دى بتأخذ بدل سكن ونقل،،،،،،،، دة من الأخر.

الحاجة التانية هما طالما ها يوفر لك سكن يبقى مش ها يديكى بدل نقل ودة 400 ريال فى الشهر يعنى 4800 ريال فى السنة.

يعنى انتى كدة عندك خسارة 10500 بدل سكن + 4800 بدل نقل= 15300 ريال خسارة كل سنة بصراحة كتير.

طيب لما يسكنك فى أكل ولا دة كمان هيخنصروة لأن الممرضات عندى الى سكنين دخلى بيصرف لهم 3 وجبات كاملة زى المدينة الجامعية تماما(فطار وغدة وعشاة).

أنا مش بعقدك بس عقدك فية سلبيات كثيرة.

طيب الزيادة السنوية 5% شكلهم هيكلوها عليكى واذا كان كدة دى بتكون شركة 200%.

العقد 24 شهر مفيش فى الحكومة كدة خالص,,,,,,,, وبتاتا وأكيد وكل كلمات التوكيد.

والمبلغ الى طلباة الشركة عندك دة كبير جدا دة انا أكبر مبلغ سمعتة من زملائى الصيدلة هنا 3500 جنية واتخانئ مع الشركة واكثر طبيب معانة دفع 7000 جنية وعقدة 8000 ريال يبقى انتى تقولى لى عقدك 3500 ريال وهيخدوا منك 6000 جنية كتير جدا جدا ,,,,,,,,, أفر وحرام.

وبعدين مجهود اية الى هيعملوة فى السفارة دة بس الفيزا ودة على ما أذكر 200 جنية ومفيش أى حاجة تانية.............. دة نصب وضحك على الناس الغلابة,,,,,,,, حاولى يا بنتى معاهم بكل الطرق أنا مش بعقدك لا والله بس انتى صعبانة علية جدا.

شوفى أذا كنتى محتاجة العقد دة قوى يبقى توكلى على الله بس تعرفى انة مش احسن عقد لكى لا فية أفضل من كدة .

ربنا يكتب لك السلامة والخير أسف أنا لازم أصلى الفجر وأكمل لك بعدين.

[adrianocrespo]

السلام عليكم

انا لي صديق في استراليا صيدلي سافر علي دبلومه سنتين في اداره الاعمال

و في فرصه يقدم في حاجه اسمها

postgraduate diploma in pharmacy

و دي سنه واحده فقط تحضيريه للماستر

فهل دي لو الواحد خدها تبقي زي الدبلومه السنتين او التلاته من حيث المرتب في السعوديه

و شكرا يا دكتور حازم

[ياره]

ازي حضرتك يا دكتور وحشتنا مداخلاتك والله فين بقية القوانين .وبعدين حضرتك وعدتنا بقوانين الحرس الوطني انت زهقت مننا ولا ايه ياريت حضرتك تكمل احنا مستنين

[hazemtara]

السلام عليكم

انا لي صديق في استراليا صيدلي سافر علي دبلومه سنتين في اداره الاعمال

و في فرصه يقدم في حاجه اسمها

postgraduate diploma in pharmacy

و دي سنه واحده فقط تحضيريه للماستر

فهل دي لو الواحد خدها تبقي زي الدبلومه السنتين او التلاته من حيث المرتب في السعوديه

و شكرا يا دكتور حازم

الفاضل أدريانوكرسبى زميلى الى موجود معاية هنا واسمة فريد الدين وانا حكيت لكم من قبل علية هو طبيب أطفال واخد دبلوم من لندن فى public health care وماستر من دبلن فى community medicin

يعنى الماستر بتاعة بعيد جدا عن الأطفال ومعى ذالك اعتمدوها لوة وراتبة ضعف رواتبنا.

حبيبى أى دبلوم من برة فى أى شيئ هتستفيد بية استفادة عظيمة فى الخليج خصوصا انك بتوقول ان زميلك كمان معاة دبلوم ادراة أعمال دة لوحدة لة وزن تانى واعتبار أخر عند التعاقد.

خد أى حاجة وهتشوف الفرق لما ترجع،،،،،،،،،،،،،،،

بالتوفيق ان شاء الله :lol:

[hazemtara]

ازي حضرتك يا دكتور وحشتنا مداخلاتك والله فين بقية القوانين .وبعدين حضرتك وعدتنا بقوانين الحرس الوطني انت زهقت مننا ولا ايه ياريت حضرتك تكمل احنا مستنين

الله يعزك يا يارة لا والله أنا مش زهقت ولا حاجة بس انتى عارفة مشاغل الحياة كثيرة والبيت والأولاد والشغل أنا ساعات مش بلاقى وقت أكتب فية غير باليل متأخر جدا بعد العيال ما يكونوا ناموا والبيت بأة هدوء شوية،،،،

طبعا مش هاأقولك ان جهاز الكومبيوتر شغال طول اليوم يعمل داون لوود لألعاب من النت بصفة دائمة وأفلام كرتون وقط وفار وعلاء الدين واللمبى وغيرة يعنى كدة أنا يدوب بكتب فى النص أو لما يناموا العيال .

طبعا الى نزلتة من الأفلام وغيرة ,,,,,,, طيب يا بابا مع السلامة انت شوف مصلحتك احنا عاوزين نتفرج على اللمبى ولا كتكوت الى بيمشى فى الكفر بيمبرمبة المسل وانا طبعا مستسلم لا حول لى ولا قوة والا هيتكند علية وعلى الى جبونى اليوم كلة ,,,,,,,, مضطر أسفآ أسمع الكلام :lash: .

طبعا ناهيكى علشان أكتب حتة وتكون صحيحة مش فيها معلومات غلط ولا حاجة لازم أجهز لها كويس جدا,,,,,

والله انتى عارفة الموقع دة من يوم ماعرفتة حاسس انة فعلآ مكان جميل أنا برتاح فية نفسيآ جدآ بحب أسمع مشاكل الاخرين ويسمعوا لية وأشوف نجاحات زملائنا ال كندا وغيرة من بلاد الله :lol:

وعلشانك ها أكتب اليوم بأذن الله.

[ياره]

والله فعلا الواحد بيستريح جدا لما بيفتح الموقع ويسمع مشاكل الناس وارائهم وكمان حلولهم وبحس ان الدنيا بخير طول مفيها ناس بتحب تساعد حتي لو متعرفش صاح المشكله وصدق رسول الله صلي الله عليه وسلم)الخير في وفي امتي الي يوم القيامه)

[ياره]

تعبينك معانا يادكتور والعيال طبعا اهم يلعبوا جيمز وتوم وجيري وكل اللي نفسهم فيه مش كفايه مغربينهم معانا كتر خيرهم انهم مستحملينا بس بلاش الليمبي وامثالهم بحس انهم هيجيبوا للعيال تخلف عقلي اه والله بحس انهم عاملين الافلام دي مخصوص علشان كده وربنا يرحمهم ويرحمنا منهم. ومدام حضرتك هتكتب النهارده علشان مدخلاتي يبقي ياريت حضرتك تكلمنا عن نقل كفالة الزوجه لما تيجي تشتغل يعني انا سمعت ان نقل الكفاله اول مره2000 وبعدين 4000 ............... صح الكلام ده ولا ايه وبعدين المفروض الكفيل هواللي يدفع مصاريف الكفاله دي ولا ايه وافرض الواحده سابت الشغل لاي سبب مستريحتش مثلا ولا اي حاجه تقدر تسيب الشغل وترجع تاني ع كفالة زوجها طب لو الكفيل غلس وعملها نزول نهائي لمصر خصوصا لو الكفيل ده الحكومه يقدر زوجها عملها استقدام من الاول وجديد ولا ايه ياريت حضرتك تشرح الموضوع بالتفصيل وشكرا مقدما لاني متاكده ان حضرتك كعادتك هتهتم وتدينا الرد الاكيد

[hazemtara]

بجد كلمات و نصائح غالية جدا انا نقلتها عندى

شرا يا حبيبى على هذه النصائح

شكلك يا دكتور بتحب تسمع او تقرأ تنمية بشريه اصل انا غاوى اوى تنمية بشرية

طيب ايه رايك يا دكتور حازم انا مش بحب الجراحات او الباطنة

يعنى غالبا اطفال بس سمعت ان فى دكاترة كتير بيسافروا ايطاليا علشان يتعلموا عظم لانها مشهورة باعمليات لازاروف

اركز على الاطفال من الان و استغل فترة انتظارى الجيش ولا اخينى جى بى زى ما انا لحد ما اسافر

شوف يا دكتور أبو زيد ها أحكى لكحكايتى كدة على عجل يمكنتفيدك بس خد بالك مش معنا كدة انى تجربتى دى أيديل لازم تمشى عليها وانها هية الصح وبس لا،،،،،،،،،،،،،، بس حاول تستفيد منها لأن بفضل من الله عمرى ما حاولت انى أحقق شيئ وأسعى الية الا ما ربنا وفقنى وحققتى بس بشرط مهم

نحلم الأول ويكون حلم منطقى وقابل للتنفيذ وفى حدود الامكانات المتاحة ,,,,,, مش تقؤلى أنا حلمت أكون مجدى يعقوب ولا نجيب محفوظ وأخذ جايزة نوبل للأحلام،،،،،،،،،،،،

طبعا والحلم دة مش مستحيل بس صعب وعاوز شغل جامد جدا علشان مش بس تكون مميز لا بل تكون أحسن المميزين.

شوف حبيبى العبد للة خريج طب المنصورة وما أدراك ما طب المنصورة كلية ودراسة فعلآ عصيبة المهم والعبد لله فى نص الطريق يعنى فى سنة رابعة طب فنيخت وجالى احباط من العيار التقيل يعنى انت دلوقت يا أبو حازم دخلت على 22 سنة ولا جواز ولا باين لها جواز ولا مستقبل كل الى بنشفهم أمامنا تجارب زى الزفت فى الشارع وارمى الراتب 90 جنية ما يأكلوش حتى فرخ ومستقبل مش باين لة نهار أصلآ.

ماشى والحل أنا كنت الى سنة تالتة طب فى جامعة الاسكندرية وعند نهاية تالتة طب والدى نقل الى المنصورة وأنا بطبعى مش بحب أعيش بعيد عن الأسرة كتير ,,,,,, يعنى بتعب جامد...... فى السنة دى ودة كان سنة 1993م وأنا فى اسكندرية معظم شلتى المقربة منى جدا كلها طفشت على فيين ،،،،،،،،،،، تخيل

أمرييييييييييييييكا كل الشلة بتاعتى بلا استثناء ( زى واحد عزيز جدا واسمة محمد الطاهر ،، مدحت ،،، وواحد تانى اسمة محمد بردة) الخامس بتعانة ودة اسمةهانى محمد على دخل فى دور دبريشن فظيع والخامس اسمة أحمد من رسيد ودة كان بيحب يكتب قصص وركز فى كتابة القصص والحب كنوع من الهروب من الواقع الى مش ظريف ويا دوب المذاكرة على قد النجاح وخلاص.

طبعآ أنا فجأة لقيت نفسى وبلا مقدمات لازم من قرار ويكون صح ولا يحتمل الخطأ لأن انت كدة بتحط مستقبلك على الطريق يا ابيض يا أسود مفيش دلع،،،،،،،،،،، تروح تطفش مع العيال الى طفشت لأمريكا وطبعا مش ها أقول لك أمريكا وقتها كانت اية الجنة الموعودة والسكة معروفة والشلة بتزؤ فى العبد لله ميت مرة فى اليوم ،،يا عم يالة نحفظ البؤين دول وبينة على السفلرة بنروح نعمل مقابلة وكانت وقتها هجص بمعنى الكلمة وكلمتين حلوين للواد السفير ولا البت القنصل ,,, كدة وتعدى.

طبعا كل زملائى دول نجحوا وقتها فى أمريكا نجاح بالنسبة لينا نجاح مبهر وعملوا أحلى فلوس واحنا متنيلين فى الكلية والمحاضرات وغيرة من الهم والبلاوىّ ,,,,, المهم العبد لله يعمل اية ... الشلة وطفشت وأصبح نفسيا صعب انى أكمل بعد ما والدى اتنقل,,,,,,,,,,, فقررت انى أنقل المنصورة مع علمى انها كلية صعبة ومش سهلة وسمعتها مش زى اسكندرية........ بس خلاص مش عارف أعمل اية تعبان من ترك اصحابى لية وكل واحد فيهم شق طريق شكل ومعظمهم ناجح جدا فى امريكا وخدوا بكالوريوس الطب دة بعدها بى 3 سنين وبقوا دكاترة لآكن هما كلهم بقوا بزنس مينز فى أمريكا .

قرارى كان النقل الى المنصورة منة ارتحت من الضغط الى علية دة نتيجة فقدانى لأصحابى ومنة أكون قريب من الأسرة.

مع ملاحظة انة المنصورة فى سنة رابعة كانوا بيدرسوا رمد أنف وأذن و طب مجتمع يعنى سنة مريحة ودة الى انا كنت عاوزة ارتاح ولو لفترة مؤقتة يعنى التقط اللأنفاس يعنى والمهم الحمد لله مرت الكلية على خير واتخرجت بتقدير شعبى أو أقل من الشعبى (جيد )

طيب وبعدين فية جيش وتكليف وغيرة من وجع الراس ،،،، رحت استلمت تكليفى فى الأقصر ودى كان فيها أحلى فلوس وأحلى روقان وأحلى عيشة ومع ذالك رفضت انى أكمل ،،،،،،،،، لية زملائى الى معاية فى نفس الدفعى والى اتعينوا فى الجامعة بدأوا التسجيل للماستر وأنا هاأفضل مرزوع كدة فى الصعيد جم الفلوس لا،،،،،،،،،،،،،،،، لا منى عارف مخى فى التفكير طبعا أنا مؤمن انة مفيش شيئ مستحيل لازم أذاكر وأسجل معاهم وأرجع الجامعة تانى .

ودة الى حصل سبت الصعيد وفلوسة بعد ما قدمت على أجازة بدون راتب وطلب نقل لبلدى على طول.

ورحت سجلت فى المنصورة طبيب زائر أطفال ،،،،،،،،،،، طبعا موضوع الحيرة دة فى اختيار التخصص أنا بردة مريت علية لكن كان لازم قرار سريع ,,,,,,,,,,, قعدت مع نفسى وفكرت ،،،،،،،،،،، أنا بالنسبة لى كل تخصصات الطب زى بعض بس نفكر بعقل,,,,,,,,,,,,,, العبد لله لو أخذ مثلا جراحة طيب من الى هيدربك طبعا ما تؤليش هدرب نفسى دة كلام فاضى الطب مهنة محتاج تدريب وبصراحة الصحة فى مصر كب عليها جاز وماتحطش عليها أمل خالص انة حد هيعلمك حاجة,,,,,,,,,,,,,,و بكدة تكون كل التخصصات الجراحية أنا لغيتها والنخصصات الى عاوزة مهارات مش متوفرة غير فى الجامعة زى الرمد والأنف والأذن وغيرة,,,,،،،،،،،،،،،، بقيت معضلة .

وهى أنا بحب النسا جدا والمهم رحت اشتغلت فى النسا كدة حوالى سنة مع واحد من اكبر أستاذة النساء فى المنصورة وهو الدكتور محمد السعيد الغريب فى مسشفى حواء وكنت من أحد المحببين جدا له وبعد سنة ونصف قررت انى أسيبها ،،،، بس المرة دى مش لضعف التدريب ولا انة مفيش حد يدربنى لا،،،،،،،،،،،،،،،،،،،،،،،،، تخيل لية لأن نظرت لى د/ محمد السعيد ودة كان أنجح واحد سعتها فى المنصورة فى النساء والتوليد بيعمل فلوس كتير ما شاء الله وأنا عمرى ما هأعمل زية لاكن دة مش عايش دة مش بيستمتع بحياة خالص ،،،،، دى عيشة تأطم الوسط طول اليوم من الساعة 9 ص شغل للساعة 4 بعد الفجر ما بين العيادة والقيصريات والكشفات وغيرة يعنى الراجل يكاد لا ينام ،،،،،،، فجلست مع نفسى وقلت لنفسى هو أنا هأعرف أكون زية ،،،، طيب خلينى وصلت للى هو وصلة هو دة عيشة حلوة

مش ممكن دى عيشة زفت الحياة مش بس فلوس ممكن ناس تؤلى أة دة ملك هو احنا دخلنا الطب لية مش عشان الفلوس ممكن يكون الكلام دة مناسب عند ناس لاكن عندى لا ورفضت انى أكما بعد ما تعلمت كويس جدا على ايدة وبعد ما وعدنى بالمساعدة فى الدراسة وكل سيئ ،،،،،،،،، لاكن دة مش كان ينفع معاية انا اتبهدلت فى الكلية وماعنديش استعداد انى طول حياتى اضيعها علشان خاطر الطب......

فكان القرار الى هو صاعق لوالدى ودخلت أطفال

نكمل بعدين :hearts:

[hazemtara]

تعبينك معانا يادكتور والعيال طبعا اهم يلعبوا جيمز وتوم وجيري وكل اللي نفسهم فيه مش كفايه مغربينهم معانا كتر خيرهم انهم مستحملينا بس بلاش الليمبي وامثالهم بحس انهم هيجيبوا للعيال تخلف عقلي اه والله بحس انهم عاملين الافلام دي مخصوص علشان كده وربنا يرحمهم ويرحمنا منهم. ومدام حضرتك هتكتب النهارده علشان مدخلاتي يبقي ياريت حضرتك تكلمنا عن نقل كفالة الزوجه لما تيجي تشتغل يعني انا سمعت ان نقل الكفاله اول مره2000 وبعدين 4000 ............... صح الكلام ده ولا ايه وبعدين المفروض الكفيل هواللي يدفع مصاريف الكفاله دي ولا ايه وافرض الواحده سابت الشغل لاي سبب مستريحتش مثلا ولا اي حاجه تقدر تسيب الشغل وترجع تاني ع كفالة زوجها طب لو الكفيل غلس وعملها نزول نهائي لمصر خصوصا لو الكفيل ده الحكومه يقدر زوجها عملها استقدام من الاول وجديد ولا ايه ياريت حضرتك تشرح الموضوع بالتفصيل وشكرا مقدما لاني متاكده ان حضرتك كعادتك هتهتم وتدينا الرد الاكيد

الأخت يارة أنا سعيد جدآ بأسئلتك لأن مفيش حد بيسئل أسئلة مهمة كدة وفيها تكات مهمة غيرك.

شوفى المعلومة الى أنتى ذكرتيها انه نقل الكفالة أول مرة 2000 ريال والثانية 4000 ريال صحيحة 100% خلاص كدة.

ركزى بقى فى الى جاى دة كويس،،،،،،،،،،،،،،،،،،،،،،،،،

كل الجهات الة ها تجدى فيها وظيفة بما فيها وزارة الصحة هتطلب منك نقل كفالة وانتى الى هتدفعى تكاليف النقل وهى 2000 ريال لنك اول مرة ،،،،،،،،،، كدة حلو ومتفقين حتى تأشيرة الخروج والعودة عليكى 200 ريال لكل جواز سفر.

تمام كدة ولكن الحرس وهو الجهة الوحيدة الى اعرفها هما الى بيدفعوا كل حاجة نقل الكفالة والفيزا وكل حاجة مش قلت لك من قبل ناس محترمة جدا جدا ويمكن مستشفيات الجيش السعودى بس انا مش متأكد من موضوع الجيش دة أوى لكن الحرس 100% هم الى بيدفعوا لأن دة الى حصل مع أم أحمد زوجتى.

الحاجة المهمة الثانية حضرتك لما جيتى السعودية جيتى على كفالة زوجك وخدى بالك من دى لأن دى تكة فنية مهمة اذآ زوجك هو كفيلك الأول يعنى هو الوحيد الى يستطيع يعمل لك خروج نهائى من السعودية مش أى حد يعنى لو سبتى الشغل فى أى جهة سواء حكومة او قطاع خاص بترجع كفالة لزوجك أوتماتيك وغصب عن التخين ولما مؤخذة ولا يستطيع أحد انة يخرجك من السعودية بدون اذن الزوج لازم ياذن هو الول والموضوع دة ملوش علاقة بالشغل دة كلة صاحب القرار فية مدير الجوازات حتى لو انتى ضربتى المدير فى شغلك ما ياضرش يخرج لك نهائى طالما لنتى شغالة من الداخل يعنى تعاقد داخلى،،،،،،،،،،،، سهلة دى .

يبقى كدة انتى معندكيش استقدام ولا غيرة :hearts: الكلام دة أكيد من مدير الجوازات عندى هذا الكلام وعلى مسؤليتة

[Dr.mmfriend]

قصتك ممتازة يا دكتور

تسجيل متابعه واهتمام

وانا احييك بشده على بعدك عن الجراحات والنسا لان زى مانت قلت

حياتنا اهم من الطب والحياه مش كلها فلوس

علشان كده انا اختارت وفخور جدا بطب الاسرة اللذيذ

منتظر بقية القصه

لكن انا عندى كومينت صغير

فك الكيس وهات كمبيوتر للاولاد وكمبيوتر ليك

ولا ايييييييه؟؟

[hazemtara]

قصتك ممتازة يا دكتور

تسجيل متابعه واهتمام

وانا احييك بشده على بعدك عن الجراحات والنسا لان زى مانت قلت

حياتنا اهم من الطب والحياه مش كلها فلوس

علشان كده انا اختارت وفخور جدا بطب الاسرة اللذيذ

منتظر بقية القصه

لكن انا عندى كومينت صغير

فك الكيس وهات كمبيوتر للاولاد وكمبيوتر ليك

ولا ايييييييه؟؟

هأأأأأأأأأأأأأأأأأأأأأأأأأأأأأأأأأأأأأأأأأأأةةةةةةةةةةةةةةةةةةةةةة والله ضحطتنى يا دكتور ام ام فريند ،،،،،،،،،، ودة فى الخطة الخمسية القادمة بس انت عالرف اليومين دول علشان أنا ها سافر بدرى السنة دى عشان الظروف الى حصلت بوفاة حماية فلازم نلم شوية فلوس لزوم السفر

وأنا مستنى لما مؤتمر دبى للتكنولجيا يعقد لأنة بعدة بتنزل الموديلات الجديدة والقديم دة كلو تسك علية

انت عارف دلوقت شركة انتل عاملة معالج بمواصفات خرافية سيطرح فى الأسواق قريبا ، سرعة الجهاز ممكن تكون 3 أضعاف الموجود الوقتى فى السوق,,,,,,,,, شوفت بقى أنا مستنى لية :hearts:

[drabouzeid]

والله شوقتنى جدا يا دكتور

يا ريت تكمل و تفيدنى

انا فى اول الامتياز كنت ناوى على نساء ما استحملتش بعدين لاحظت ان معظم دكاترة النساء مختلفين عن الباقى فى كلامهم و اخلاقهم

كنت فى دورة surgical skills من يومين دكتور نساء قال نفس اللى حضرتك قلته بالذات ان مصر الان زحمة جدا

علشان يعمل سكشن فى نص ساعة كان بيعد 5 ساعات علشان الطريق

تخيل يا دكتور هو استاذ فى الجامعة معاه دكتوراه من 5 سنين و قرر يسافر الخليج

علشان حكاية المواعيد تبقى منظمة و يعرف يعيش حياته شوية

مستنينيك يا باشا

[hazemtara]

المداخلة الحالية عن الأخصائين غير الأطباء ( ازاى يعنى) دول يا سيدى ناس بتدخل كلية العلوم الصحية ودى كتيرة فى السعودية تدرس لمدة 5 سنوات زى مثلآ تخدير أو مختبارات أو أشعة وهكذا ،،،،،،،،، وفى الأخر بيأخذ لقب أخصائى ( يا حلواة ياولاد كدهوة أخصائى مرة واحدة فى خمس سنين ) شوفت العز الة احنا فية والظريف الواحد منهم بعد ما يتخرج يقولك الواحد طلع عينة mfb: يا اخى ,,,,,,,,, لا والله زعلتنى ولما تسألة هو انت حضرتك درست اية تسمع كلام زى الفل حاجة تفرح,,,,,,,,,, والواحد بينة وبين نفسة لما هو دة الى حصل معاة بيسمية طلعت عينة أمال أنييييييييييييى الى حصل لية دة اسمة اية .

نخش على المهم طبعى دى من ضمن فئات الوزارة التى يتم معها التعاقد بس معظمهم من سورية والأردن وتزنس والمغرب والجزائر ،،،،،،، الخ

بسم الله توكلنا سلم الرواتب لهذة الفئة كما يلى:

1- الحاصلون على بكالوريوس فقط:

من دول العالم الأول :

منطقة أ اساسى 6405 الخبرة 458 أعلى راتب 13225

منطقة ب اساسى 6720 الخبرة 480 اعلى راتب 13920

منطقة ج اساسى 7350 الخبرة 525 الى راتب 15225

دول العلم الثالث :

منطقة أ اساسى 3129 الخبرة 224 الحد الاقصى للراتب 6489

منطقة ب اساسى 3276 الخبرة 234 اقصى راتب 6786

منطقة ج اساسى 3570 الخبرة 255 اقصى راتب 7295

2- الحاصلين على ماجستير:

من دول متقدمة:

منطقة أ اساسى 8033 الخبرة 416 اعلى راتب 14272

منطقة ب اساسى 8352 الخبرة 432 اعلى راتب 14833

منطقة ج اساسى 8990 الخبرة 465 اعلى راتب 15965

من دول العالم الثالث:

منطقة أ اساسى 4321 الخبرة 224 اعلى راتب 7681

منطقة ب اساسى 4534 الخبرة 234 اعلى راتب 8034

منطقة ج اساسى 4920 الخبرة 255 اعلى راتب 8755

3- الحاصلون على الدكتوراة:

من دول متقدمة :

منطقة أ اساسى 9202 الخبرة 512 اعلى راتب 16882

منطقة ب اساسى 9511 الخبرة 533 اعلى راتب 17586

منطقة ج اساسى 103368 الخبرة 576 اعلى راتب 19008

من دول نامية:

منطقة أ اساسى 5314 الخبرة 298 اعلى راتب 9834

منطقة ب اساسى 5116 الخبرة 312 اعلى راتب 98 34

منطقة ج اساسى 6120 الخبرة 340 اعلى راتب 11220

نتابع غدآ بأذن الله :hearts: