مغترب-طبيب/ صيدلى/ تمريض اتفضل معانا

[hazemtara]

حبيبى الفاضل بحار أنا ذكرت لمك من قبل فى مداخلاتى نظام الدراسة فى النمسا ودى دولة ينطبق عليها ما يطبق من قوانين وقرارات خاصة بدول الاتحاد الأوروبى من اعفاء الطلاب الى من دول العالم الثالث من الرسوم الدراسية وهذة حقيقة ,,,,,,,,, لكن تبقى المشكلة هو كيفية الحصول على مقعد دراسى او منحة دراسية فى هذة الجامعات .

صدقنى ها تلاقى بس الفلوس لن تقل عن 10000 دولار فى السنة ممكن أكثر يعنى لو بتتكلم فى دبلوم مش اقل من 15000 الى 30000 دولار عل حسب مستوى الجامعة واسمها والبلد الى هى فيها مع مراعة انة أمريكا وانجاترا نار,,,,,,,, خليهم الأخر فى البحث.

وركز مع الدول الأوروبية الى زى النمسا سويسرا الدنمارك هولندا،،،،،،،،،، الخ كدة دى ممكن يكون فيها فرص بأسعار معقولة علشان مش عليها اقبال جامد.

موفق ان شاء الله

ياباشا مش انت بتقول الدول دى بتدى اعفاءات من الرسوم الدراسية ؟؟؟؟

امال ايه الموضوع بالنسبة لهم فلوس ؟؟؟؟؟ وبعدها قلت 10000 دولار و 15000 دولار و 30000 دولار

بتوع ايه دول يا دكتور حازم ؟؟؟؟ امال هيا مجانية ازاى ؟؟؟؟ ولا انت تقصد دول مصاريف المعيشة بتاعتى هناك ؟؟؟؟

الفاضل بحار ركز فى الحتة دى ........ لو حضرتك مثلآ سعودى ورحت تدرس فى مصر وكان أمام حضرتك فرصتين ،،،،،،،،،،،،،،،،،،

الأولى فى جامعة القاهرة ...... والثانية فى جامعة مصر للعلوم والتكنولوجيا هيكون اية الوضع فكر ورد علية وبعد ما تفكر انا هاأشرح لك تجربتى مع الجامعات فى النمسا وسويسرا بسرعة .....

أنا جالى فرصة للدراسة فى جامعة فينا ببلاش وبدون أى مصروفات خالص ومع توفير سكن ليّة كمان لكن مفيش راتب وطبعآ رفضت.

المرة الثانية جامعة فى سويسرا ودى طلبوا فلوس ومفيش اعفاء من المصروفات .

الشرح جاى لما ترد على سؤالى الأول.

[hazemtara]

سلام عليكم

ايوة يا دكتور حازم ضحكنا شوية

بس يا ترى ليه حضرتك استلمت التكليف طالما ناوى على السفر او الاستقاله

بردو كان ممكن ما تستلمش الى الجيش الجيش مدته بتدخل فى التكليف

ثانيا انا جبت اسماء الكتب:

- تربية الاولاد فى الاسلام 1 2

-مشكلات تربوية

-اكتشف عبقرية طفلك

-سلسلة شرايط الصحة النفسية للطفل

بس ما اعرفش بيتباعوا فين فى السعودية

المجموعة دى كلها متوفرة فى مكتبة جرير فى السعودية وكتير منها أنا حصلت عليها من المكتبات الموجودة أمام الحرم النبوى فى المدينة المنورة

http://www.jarirbookstore.com/

[toofee]

السلام عليكم

ماشاء الله على هذا الموضوع الرائع

ربنا يبارك لكل من اضاف شيئا فلقد استفدنا جدا من المعلومات هذه و القوانين اللى تعرفنا على حقوقنا

و ربنا يباركلك يا دكتور حازم ويجعله فى ميزان حسناتك امين

لى سؤال معلش هل يتم عمل التحاليل عند نقل الكفالة حتى لو التحاليل تم عملها عند الوصول للسعودية

وهل كل دول الخليج تطلب هذه التحاليل عند العمل بها

وشكرا جزيلا على ردودك السريعة

[adrianocrespo]

ياااااااااااااااااااااه .................... دي الصيدله طلعت تعبانه خالص يا دكتور حازم

يعني حتي لو معاكشهاده من بره المرتب برده مش عالي

:)

[بحار الغربة]

الفاضل بحار ركز فى الحتة دى ........ لو حضرتك مثلآ سعودى ورحت تدرس فى مصر وكان أمام حضرتك فرصتين ،،،،،،،،،،،،،،،،،،

الأولى فى جامعة القاهرة ...... والثانية فى جامعة مصر للعلوم والتكنولوجيا هيكون اية الوضع فكر ورد علية وبعد ما تفكر انا هاأشرح لك تجربتى مع الجامعات فى النمسا وسويسرا بسرعة .....

:)

انا من وجهة نظرى يعنى ان جامعة القاهرة افضل لان لها اسم وتاريخ ومعترف بيها عربيا ..... ولا انت ايه رأيك ؟؟؟؟؟؟؟

تم تعديل 17 فبراير 2009 بواسطة بحار الغربة

[adrianocrespo]

و انا بدعبس عالنت لقيت ماستر mba في امريكا و تمنه 30 الف دولار بس الميزه انه بيوفرلك تدريب بجانب الدراسه تقدر توفر فلوس المعيشه و الاقساط الدراسيه

http://www.htirkeiserco-op.com/

[ياره]

ايوه كده تمام مفيش لخبطه ولا حاجه انا كده فهمت شكرا لحضرتك يا دكتور.......... فين بقي بقيت الحكايه احنا مستنين .يعني المداخله اللي فاتت تقفل زي الحلقات البوليسيه وكمان تحرمنا من حلقة النهارده ايه السسبنس ده كله

[بحار الغربة]

د حاااااااااااااااااااااااااااااااااااازم انت فين

ماردتش يعنى على سؤالى ؟؟؟؟

انا جاوبت سؤالك وانت ما ردتش

ثانيا قولى بالتفصيل الشبه ممل ازاى راسلت جامعة فيينا وقبلوك والكلام ده

صباح العسل

[hazemtara]

الفاضل بحار ركز فى الحتة دى ........ لو حضرتك مثلآ سعودى ورحت تدرس فى مصر وكان أمام حضرتك فرصتين ،،،،،،،،،،،،،،،،،،

الأولى فى جامعة القاهرة ...... والثانية فى جامعة مصر للعلوم والتكنولوجيا هيكون اية الوضع فكر ورد علية وبعد ما تفكر انا هاأشرح لك تجربتى مع الجامعات فى النمسا وسويسرا بسرعة .....

:)

انا من وجهة نظرى يعنى ان جامعة القاهرة افضل لان لها اسم وتاريخ ومعترف بيها عربيا ..... ولا انت ايه رأيك ؟؟؟؟؟؟؟</FONT>

بحَار مش تهرب من الإجابة جامعة القاهره هتأخذ فلو سكام وجامعة مصر للعلوم والتكنلوجيا أو ستة أكتوبر هتأخذ كام .............. فلوس يعنى تتوقع كام.......................

:huh:

[hazemtara]

الحلقة بتتجهز بس اصبروا شوية أما تخلص صبرآ شباب المنتدىمش عاوزين الموضوع سلق لازم أمخمخ حَبتين :)

[بحار الغربة]

مع انى لسه مش فاهمك يا دكتور حازم

جامعة القاهرة اكيد هاتاخد اقل من جامعة مصر الدولية بكتير

هاااااااااااااااااااا وبعدين

تم تعديل 18 فبراير 2009 بواسطة بحار الغربة

[doctor k]

الدكتور حازم المحترم

جزاك الله عن كل الاطباء خيرا

معلش حضرتك في وسط الكلام عن الفيروسات قلت حاجة مهمة عايزة أتاكد منها بالنسبة للزوجة اللي عندها فيروس سي هل مفيش مشاكل ان زوجها يعملها استقدام و ممكن تيجي السعودية عادي و تاخد التأشيرة من مصر ؟؟

و سؤالي التاني لو سمحت عن الزمالة العربية او شهادة التخصصات السعودية ايه فرصنا كمصرين في الانتساب لها هنا في السعودية او ايه الدرجات العلمية التانية الي ممكن الواحد ياخدها او يحضرها هنا طبعا من غير سفر لأننا ملزومين بأسرنا كطبيبات ..

و شكرا لوقتك و سعة صدرك

[drabouzeid]

الف مبروك للاهلويه الدورى

و مبروك للزملكوية النقطة قصدى نقطة التعادل

ههههههههههههههههههههههههههههههههه

و بالمرة مبروك الافراج عن ايمن نور

هو الان مع عمرو اديب و مع منى الشاذلى

[ياره]

وبعدين يا دكتو حازم حضرتك سبتنا ورحت فييييييييييييييييييييين .ع العموم احنا في الانتظار

[hazemtara]

الدكتور حازم المحترم

جزاك الله عن كل الاطباء خيرا

معلش حضرتك في وسط الكلام عن الفيروسات قلت حاجة مهمة عايزة أتاكد منها بالنسبة للزوجة اللي عندها فيروس سي هل مفيش مشاكل ان زوجها يعملها استقدام و ممكن تيجي السعودية عادي و تاخد التأشيرة من مصر ؟؟

و سؤالي التاني لو سمحت عن الزمالة العربية او شهادة التخصصات السعودية ايه فرصنا كمصرين في الانتساب لها هنا في السعودية او ايه الدرجات العلمية التانية الي ممكن الواحد ياخدها او يحضرها هنا طبعا من غير سفر لأننا ملزومين بأسرنا كطبيبات ..

و شكرا لوقتك و سعة صدرك

الأخت الفاضله دكتوره كى السلام عليكم الأول

موضوع تحليل الفيروسات دة ها أشرحه هنا على عجل كده ويارب تستفيدى منة

1- المتعاقد مع السعودية سواء حكومه أو قطاع خاص يجرى له تحليل فيروسات فى مصر فى مقر المعامل المركزيه لوزارة الصحة المصرية والنتجة بتطلع بعد يوم الى يومين ومفيش فيها لعب لأنه كان قبل كدة فيها مشاكل ولعب كتير وتأخذ النتيجة فى ظرف مغلق وغير مسموح لك بفتحه ويَسلم إلى الجهة الى طلبت منك التحليل أو جهة التعاقد يعنى ولما حضرتك بتيجى السعودية يعاد التحليل من تانى فى المستشفى المركزى التابع لها عملك هنا سواء قطاع خاص أو حكومة وبردة فرصة اللعب فيها قليلة جدآ أو معدومة وأى نتيجة ايجابية للمتعاقد لا يتم التعاقد معة ويعاد مرة أخرى الى بلدة.

2- المرافقين مثل ( الزوجة والأبناء البالغين) يجرى لهم تحليل مرة واحدة فقط فى مصر والكلام الى بيقولوة إنة أى نتيجة إيجابية ممكن مش يسمحوا لهذا المرافق إنة يجى السعودية سواء زوجة أو أبناء لكن أعرف ناس كتير بيعدوها لهم وبيجيبوا زوجاتهم وأولادهم وعادى داخلين خارجين من السعودية عادى ولا يعاد التحليل هنا فى السعودية مرة أخرى طالما إنك مش راح تأدمى على شغل أما لو طلبت إنك تشتغلى فسوف يعاد التحليل مرة أخرى وإذا طلعت النتيجة إيجابيه مش راح يوافقوا لكى على الشغل ..... وبس ومفيش إجراء تانى يعنى مفيش لا ترحيل ولا أى مشاكل ولو كان شغلك فى قطاع خاص دة بيخضع لمزاج صاحب العمل يا يعينك على مسؤليتة أو يرفض ويقولك لا سورى يا دكتورة.

3- الأطفال تحت سن البلوغ لا يجرى لهم هذا التحليل لا فى مصر ولا السعودية والكشف الطبيى الخاص بيهم كشف من أى مستشفى حكومى ممكن تجيبيه المهم علية ختم النسر واضح وملعلط ،،،،، أهم حاجة شهادة التطعيمات خصوصآ شلل الأطفال.

موضوع الزمالة السعودية مش مسموح لنا ندخلها هى فقط للسعودين وحتى لو سمحوا لنا دى فحَتة يا دكتورة من دوام 8 ساعات غير المناوبات والتدريب والمذاكرة يعنى مش سهلة زى ما انتى متخيلها ودى مش فى كل مستشفيات السعودية ،،،،،لا دى لها مستشفيات معينه معظمها فى الرياض وجدة والشرقية.

[hazemtara]

السلام عليكم

ماشاء الله على هذا الموضوع الرائع

ربنا يبارك لكل من اضاف شيئا فلقد استفدنا جدا من المعلومات هذه و القوانين اللى تعرفنا على حقوقنا

و ربنا يباركلك يا دكتور حازم ويجعله فى ميزان حسناتك امين

لى سؤال معلش هل يتم عمل التحاليل عند نقل الكفالة حتى لو التحاليل تم عملها عند الوصول للسعودية

وهل كل دول الخليج تطلب هذه التحاليل عند العمل بها

وشكرا جزيلا على ردودك السريعة

شكرآ لكى أختى العزيزة وربنا يكرمك يا رب ويبارك فيكى

تحليل الفيروسات والكشف الطبى لازم من اعادتة لو حضرتك ها تشتغلى فى الحكومه( أى مكان فى الحكومه)،،،، لكن لو ها تشتغلى فى القطاع الخاص الموضوع بيخضع شوية لمزاج الكفيل يا يطلبة أو لا يطلوبة وهوبردة الى بيحدد يا ينقل كفالة أو ماينقلش كفالة , ملوش قاعدة دة على حسب المزاج.

أما نقل الكفالة ودة بيكون غالبآ فى شغل الحكومة الجوزات بتطلب كشف طبى ومعاة تحليل فيروسات حديث.

[بحار الغربة]

يعنى يا دكتور حازم قولتلك هاختار جامعة القاهرة ولا مصر الدولية

ياسيدى جاوبنى مش هاتفرق

ولو شايف انها هاتفرق قولى ازاى وليه

[hazemtara]

و انا بدعبس عالنت لقيت ماستر mba في امريكا و تمنه 30 الف دولار بس الميزه انه بيوفرلك تدريب بجانب الدراسه تقدر توفر فلوس المعيشه و الاقساط الدراسيه

http://www.htirkeiserco-op.com/

دعبس بقلب جامد وكتير وفى أماكن متعددة وجامعات كتيرة ومش تخاف وإدخل سجل كمان لو عجبتك جامعة منهم بس ساعت ما يطلب تدخل رقم الفيزا كالرد أو الماستر كارد وتدفع المعلوم وقَف مباشرة وممكن تترك إيميلك وتليفونك وسيبهم معظم الجامعات دى هاتكلمك والله ده الى حصل معاية أنا شخصيآ كنت كل يوم أسجل فى أكثر من جامعة وأكثر من دولة ولا يهمنى أى شيئ هم كبيرهم هيعملوا لية إيه ولا شيئ ،،،،،،، بتاتآ بس ممكن يكونوا مزعجين يعنى تلاقى واد من دول بتاع الريجستريشن فى الجامعة استّلمك كل يوم إيميلات على إتصلات على تليفونك وهكذا يعنى لازم تعرف إنة الموضوع بيزنس زىّ ما حضرتك محتاجهم علشان تسجل وتأخذ درجة علمية كويسة هم بردة محتاجين طلاب وتدفع لهم فلوس ،،،،،،،،، إحنا يمكن عرفنا الكلام دة كويس لما جيت السعودية وشفت أد إية الجامعات الأوروبية والأمريكية وغيرها بترسل مندوبين من الجامعة كل سنة علشان يخدوا حَصتهم من الدراسات والتسجيل عندهم وأد اية ممكن دول تبعت الوزير نفَسة علشان الموضوع دة ودة بنشوفة كل سنة فى السعودية لما مثلآ تلاقى وزير التعليم فى سويسرا جاى لوزير التعليم فى السعودية يقولوا ما تبحبح لنا شوية فى الإبتعاث لسويسرا وزود العدد حبتين

مش تخاف وراسل جامعات كتيرة وبقلب جامد وسيبهم هما الى يجروا وراك وجرب وردَ علية مع ملاحظة إنهم مش ها يكلموك فى نفس اليوم يعنى ........ لا ممكن بعد أسبوع أو شهر أو أكثر أنت عارف مثلآ من الحاجات الظريفة الى حصلت معاية كتير أنا شخصيآ أنا سجلت بياناتى فى جامعات كتيرة جدآ لدرجة إنى مكنتش ساعات لما تليفونى يرن وألاقى واحد بيتكلم معاية عن إنى مسجل عندهم ولازم أكمل الأبليكيشن بتاعى علشان الفصل الدراسى هيبدأ خلاص فإذا كنت جاد كمل وإبعت الفلوس فأنا كنت بكون محتار .......... عارف لأنى كنت بكون مكسوف أسئَلة وأقولة هو سعدتك مين فيهم بالظبط أصل العبد لله مسجل فى كل جامعات العالم وكل دول العالم هو حضرتك الأول بتتصل منين مرة ألاقية واحد سجلت كدة من 3 شهور فى النمسا والتانى فى سويسرا من 6 شهور والتالت فى أمريكا من 8 شهور وهكذا فكونت دائمآ مجهز إجابة لمثل هذا الموقف المحرج وهى أوكية مستر زعَبلة ،،، شور أى ويّل كونتنيو ماى ريجستريشن بط بليز سينت مى يور فورم وطبعآ من الفورمة بتاعتهم لما كانت بتيجى لى كنت بفتكر دة مين وأبدأ أشوفهم من تانى ومعظمهم كنت بفلَسعة لما يتصل المرة التانية أقول لة ،،،،،، سورى يا خواجة أيى تشينج ماى مايند،،،،،، هو يقول لى هواى أى ول دو ديسكونت 10% أند إف يوة بيى ناو أول ول دو 15 % برسنت ،،،،،،،، طبعآ أسيبة يجيب الى عندة كلُة وأقولة أوكية ليت مى ثيكن أجين وفى عقل بالى أقول إنت الى جبتوة لنفسك شكلك عاوز تدفع فلوس إتصلات كتير خليك معاية وبعد أسبوع يكلمنى وأديلة الطرشة السليمة

أنا مش بحكى لك دة علشان أبين إنى جهَبز ومدوخ الجامعات يعنى ،،،،،،،،،، لا أن أقصد دائمآ ،،،،إعرف أنة الفائدة مشتركة بينكم زى ما انت مستفيد هو بردة مستفيد جدآ

سلام يا صحبى

[hazemtara]

يعنى يا دكتور حازم قولتلك هاختار جامعة القاهرة ولا مصر الدولية

ياسيدى جاوبنى مش هاتفرق

ولو شايف انها هاتفرق قولى ازاى وليه

إزيك يا بحار أنا مش مطنشك والله ،،،،، لا والله إنت عارف أد إية أنت غالى عندى إنت زكل الزملاء

شوف يا خبيبى

أنا لما كنت بدرس فى الجامعة فى مصر كان معانة سعوديَن وإماراتَين وكويتَة حلو الكلام كانوا بيَدفعوا كام أظن دة مازال بنسبة كبيرة موجود نفس النظام أو ممكن يكون أكثر شوية بس القاعدة واحدة كانوا بيدفعوا حوالى 1500 دولار أميريكى يعنى حوالى مثلآ 8000 جنية مصرى ممكن الأمور الأن تكون زادت شوية بس أظن مش ها تكون زى الجامعات الخاصة الى السنة عندهم فى مصر تصل أحينآ إلى 8000 أو 10000 دولار على حسب الجامعة

حضرتك لاحظت الفرق إحنا فى دولة واحدة لكن الرسوم مختلفة من جامعة لأخرى،،،،،،،،، ودة الى أنا لاحظتة كتير فى معظم جامعات العالم الإختلاف كبير جدآ.

إية الى حصل معاية فى تجربتى مع النمسا وسويسرا أنا ذكرت قبل كدة إنى كنت بسجل فى جامعات كتير جدآ ومش بخاف من حاجة ولا من حد معظم جامعات سويسرا وهولندا وغيرة تعطيك أسعار مرتفعة لكن مش زى إنجلترا مثلآ وخصوصآ لندن الأمور فيها عالية قوى.

يعنى معظم الأسعار زى ما ذكرت ممكن من 10000 دولار إلى 30000 دولار ومش بينزلوا طيب وبعدين وأنا بدعبس لقيت جامعة فينا وتحديدآ كلية الطب فى فينا بدأت أشوفهم وأدخل عليهم وأراسلهم لقيت إنى الأمور عندهم معقولة والكلام مش معقد زى الباقين فبعت إيميل على الجامعة قسم الريجستريشن.

رد ت علية الموظفة وأعطتنى اللينكات الى ممكن أسأل على كلية الطب وخصوصآ تخصص الأطفال زى ما أنا كنت محدد لها.

المهم فى أثناء المدة دى ونتيجة الحنكَشة الكتيرة فى النت لقيت دكتور إسمة سامى المسلم فى المنطقة الشرقية من السعودية تحديدآ القطيف إتكلم وشرح بالتفصيل عن النمسا فكلمتة.

بصراحة الراجل ما كدبش خبر ورد عليَة مباشرآ لأنة كان دارس فى فينا وعرفنى الموضوع إنى أدخل على السكرتيرة بتاعت كلية الطب ومدير مستشفى الأطفال وأكلمها،،،،،،،،، طبعآ مش ها أقول لها أن من طرف الدكتور سامى يعنى هناك ما فيش واسطة المهم إتكلمت رنيت على التليفون الى هو إدهولى وردت علية الأخت المحترمة ،،،، السٌكرتيرة وكانت المفاجأة الى خلتنى مش عارف أعمل إية معاها،،،،، وفضلت فاتح بقى يجى نصف ساعة

تخيل إية الى حصل :sad:

الحلقة الجاية وإنت طيب

[hazemtara]

ياااااااااااااااااااااه .................... دي الصيدله طلعت تعبانه خالص يا دكتور حازم

يعني حتي لو معاكشهاده من بره المرتب برده مش عالي

الفاضل أدريانوكريسبى ركز والله يكرمك

الصيدلة مظلومين فى السعودية أة ،،،،،،،،،، مفيش كلام ،،، لية لأن إنتم تعاملوا على أنكم فنين صيدلة حتى لو معاك بكالوريوس وأنا ذكرت إنة الراتب بيكون بالظبط كلأتى ودة للى واخدين شهادات من دول العالم التالت

الأساسى وخد بالك دة الى موجود الأن أن سألت لك علية اليوم مخصوص

رفعوا الأساسى حوالى 200 ريال ليصبح 2800 ريال + 100 ريال للخبرة سنة( 15 سنة بى 1500) .

يبقى الراتب كلة أقصاة 4300 ريال من دول العالم النامى طبعآ يضاف ايهم 400 ريال بدل النقل يعنى الراتب كلة لو معاك 15 سنة خبرة 4700 ريال طبعآ دة مش حلو خالص لواحد هيكون سعتها سنة مش أقل من 45 سنة مثلآ .

لكن تبقى الحسبة المهمة وهى إنة الشهادات من دول الغرب حتى للصيدلة بضعف الراتب لكن نظرآ لعدم وجود صيدلة عندى بالمديرية حاصلين على شهادات من الغرب فا مفيش حد عارف كام بالتحديد راتبهم لكن أكيد الراتب هيكون دبل الراتب الى من مصر.