مغترب-طبيب/ صيدلى/ تمريض اتفضل معانا

[adrianocrespo]

لكن تبقى الحسبة المهمة وهى إنة الشهادات من دول الغرب حتى للصيدلة بضعف الراتب لكن نظرآ لعدم وجود صيدلة عندى بالمديرية حاصلين على شهادات من الغرب فا مفيش حد عارف كام بالتحديد راتبهم لكن أكيد الراتب هيكون دبل الراتب الى من مصر.

شكرا يا دكتور حازم

و لكن الشهاده اللي من الغرب اللي تساوي الضعف تبقي بكالريوس و لا دبلوم علي اساس انه فني صيدلي

[بحار الغربة]

د حااااااااااااااااااازم بيشوقنا

شوقنا يا دكتور حازم

ايه المفاجأة ياترى ؟؟؟؟؟

الموظفة طلعت بتتكلم عربى ؟؟؟؟

ما احنا لو استمرينا على المعدل ده هايفتنا فترة التسجيل بتاعة السنة دى

وانت عارف اننا ثروة قومية وماينفعش تتعطل[/color]

تم تعديل 20 فبراير 2009 بواسطة بحار الغربة

[student]

:cheer:

[ترنيم]

ما شاء الله يا دكتور حازم ..........إحنا عايزين نفتح لحضرتك توبك كدم منفصل زى بتاع الدكتور الشامى

ربنا يجازيك كل الخير

[hazemtara]

الأخوة الأفاضل بحار الغُربة ،غريب الخُبر،تًرنيم،إستودنت،دكتور كى،أدريانوكيسبو السَلام عليكم ورحمة الله........ لكم كل السلام والتحية وشكرآ لكلامك الرائع والمشجِع لى

نكمل الموضوع إية هى المفاجأة الغريبة التى حدثت لى فى محطة مصر لما كنت مسافر للأقصر،،،،،،،،،،،،،،،،

طبعآ خلاص إنتم عرفتم ‘إن العبد لله من الأرياف وطبعآ علشان يسافر ويوصل القاهرة فى حدود الساعة العاشرة صباحآ محتاج أصحو من النوم الساعة 5 فجرآ ودة الى حصل فعلآ صحيت من النوم بدرى جدآ ما أنا أصلى مساااافر أخر الدنيا على حد علم والدتى الى كانت بتبكى على طول وأنا أقول لها يا حاجة والله بسيطة ما تخفيش هاأكلمك على طول وإن شاء الله مش ها أغيب وهاأجى على طول لكن تقول لمين الأم أم حتى لو إية لازم تشوف إبنها أمامها على طول المهم وصلت لمحطة مصر زى ما كنت مرتب حوالى الساعة 10 صباحآ وطَوالى رحت على شباك التذاكر وبعد نصف ساعة من الوقوف والإنتظار ولما جية الدور عليَة ووصلت للشباك ،،،،،،،،،، قالى الموظف أُؤمر يا أستاذ رايح فين قولتة الأقصر عاوز تذكرة للأقصر فى أقرب موعد قالى فى قطار الساعة 1 ظهرآ قولت لة كويس إقطع تذكرة ثانية مكيفة أو درجة أولى مكيفة،،،،، بص لى بغضب وطلَع راسة وأظن كان ها يقول كلمة أبيحة .....!!!!!! نعم يا خوية !!!!!!!أولى مكيفة فى قطار الساعة واحدة !!!!!!!!أيوة يا عم الحج عاوز تذكرة فى العربيات المكيفة للأقصر الساعة واحدة!!!!!!هو أنا قولت حاجة عيب لما مؤخذة مثلآ..... رد وهو متغاظ :blink: إنت عارف العربيات المكيفة بتاعت الصعيد بتتحجز وتخلص إمتة !!!!!!!!!! :unsure: قولت لة وغلوتك عندى ما أعرف حاجة ولا عمرى رحت الصعيد ودى أول مرة رجلى تشد على خط الصعيد أن كل معلوماتى عن الصعيد من والدى لما كان فى سنى كدة وهو لسة متخرج من كلية الزراعة وجالة تكليفة فى الصعيد فى دشنة،،،،!!!!! وحياتك عندى ما أعرف حاجة ولا شوفتة قبل كدة..... رد وقال أة بحسبك بتستعبط ياعنى،،،،، التذاكر بتخلص قبلها بيوم أو إتنين !!!! قولت لة يا راجل هية طيارة ياعم ؟؟!!

قولت كدة شكل الموضوع مش حَُنين .

ممكن سؤال يا عمو!!

إتفضل وخلص إنتى شايف وراك طابور قد إية؟؟؟

قولت لة شايف بس إنت لسة قيل لية دلوقت فى قطار الساعة واحدة ممكن تحجز لى فية!!!!!!

أيوة يا سيدى دة درجة تالتة عادية !!!!!!!!قولت لنفسى أاااة تالتة عادية ,,, ما هوة اليوم باين علية من أولة وأصل هى ناقصة!!!!!!!!! قطار أشاش يا حاج يعنى؟؟؟ رد طبعآ وهو على الأخر

أيوة قشاش بيقوف فى كل مكان وأى حد يشاور لة يوقف ؟

:blink: ممكن سؤال ياعموة !!!!!!

ماشى يا أستاذ يا مَدلع هو بيوصل ف كام ساعة دة !!!!! خمش شرر ساعة؟؟؟!!!!!!!!!!!!!!!!!!!!!!!!!!!!!!!!!!!

يا نهار مش فايت 15 ساعة هو أنا رايح أمريكا يا عم وإحيت أبوك شوف لى ميعاد تانى؟

فية الساعة 3 العصر تانية عادية!!!!!!!!!!

أة يا أمة :cry1:

تانية عادية ‘إية يا حاج ماهم زى بعض تلاتة ولا تانية عادية أزفت من بعض ،، مش دة القطر الى ولَع من يجى حاجة بسيطة كدة؟

يرد ويقول أة يا أخوية هو دة الى بيَولع بلَى فية الأشاَش.

هو أنا عملت لك حاجة يا عم الحاج إنت متغاظ منى ولا إية ،،،،، شوف أى معاد كدة عندك يكون قطار محافظات وبس وفية درجات مكيَفة الله يرضى عنَك يرد ويقول ماشى أقرب موعد الساعة 7 مساءآ وفية بس تانية مكيفة ودة محافظات يعنى ها يقف فى العواصم بس زى الجيزة ، بنى سويف، المنيا ، أسيوط، سوهاج، نجع حمادى ، قنا ، قوص، الأقصر، أسوان.

سؤال ولما مؤخذة ولما هو محافظات بيقف لية فى نجع حمادى وقوص؟؟؟ :protest: يا حبيبى يا غلاباوى بعد سوهاج بيكون مراكز!!!!!!!!!!!!!!أة مراكز ولما مؤخذة الى ما يعرفك يجهلك يا حاج.

طيب ماشى إدينى واحدة من بتاع سابعة مساءآ ، حضراتكم ملاحظين العبد لله هينتظر من 10 صباحآ لسابعة مساءآ بس علشان أركب المحروس القطر :lol:

عمار يا مصر المحروسة ... ماشى يابنأدمين ‘ إن ما كنت أوريكم) ( اللمبى))

طبعآ لزوم العلقة دى قبل المشاور أصلآ ما يبدأ رحت على بتاع الصحف وجبت الأخبار والأهرام والجمهورية والشعب والوفد وكل الصحف الى ممكن تتخيلها لأن معاليك فكَر كدة ‘إنتظار 9 ساعات على ما المحروس القطر يجى ولما يوصل فى 10 ساعات يبقى ‘إحنى كدة بنلعب فى 19 ساعة،،،،، طبعآ ما تنساش بتاع السندوتشات والذى منة ما هو أصل العملية مطَولة والقاعدة صباحى وشكل الليلة كبيرة يا معلم بأى أنا أطلع من حضن أمى على العلقة دى وأنا الى تسببت فيها وعامل نفسى راجل .

طبعآ حضرتك مش تأدر تفتح بأَك خلاص دة أمر واقع المهم ‘إنتظرت والجازمة فوق راسى طبعآ الظهر أذن رحت صليت، وبعدية العصر،، شوية ورحت الحمام أغسل راسى وأعمل زى الناس شويتين ولقيت نفسى عاوز أنام أمت سايب نفسى ونمت على الدكة وكل شوية راسى تتلوح لورة من القعدة على الدكة المنَيلة دى لما كانت ها تتكسر!!!!!!!! ملل ما فيش كلام .

المهم جة المحروس القطر وطلعت زى الصاروخ أدور على الكرسى بتاعى تأئلش كدة ها أوصل بدرى،،،،،،، وبعد ما وصلت للكرسى وحطيت الشنط ونمت على الكرسى لأنة بصراحة كنت تعبان جدآ وبدأ القطر يتحرك وما كُنتش أعرف إن مصر جميلة ِكدة،،،،،،،،،، بس للأسف إحنة الى مشى شيفينها خالص.

نكمل بعدين :lol:

[hazemtara]

الأخوة الأفاضل والسادة الزملاء:

شكرآ لحضراتكم بجد على تشجيعى أن أكمل موضوعى وإن كونت دلوقت بكتب فى أكثر من جهه وأكثر من موضوع ربنا يعنى وما تزعلوش لأنى بتأخر غصب عنى والله

المهم بالنسبة لموضوع النمسا نكمل إية الى حصل لما إتصلت بالجامعة فى فينا ردَّت عليَّة واحدة صوتها بصراحة حُنين جدآ بس الى طلع مش حُنين هو التالى أول الأخت ما رفعت السمَّاعة وردَّت علَّية وخد عندك يا حلو ‘إنتى الى جبتة لنفسك!!!!!!!!!!!!!!!

خد بالك كانت الساعة هنا فى السعودية حوالى 11 صباحآ يعنى هناك فى النمسا حوالى 9 صباحآ يعنى المفروض إنة الأخت جاية ومفوقة ومصحصحة على الأخر وضربة لها واحد كابتشينوة وعاملة دماغ يعنى!!!!!! ترد علية وتقول إية

جتن مورجن إشخن بشخشن شخط نتطر ششخ بش فشن نشن نخن شخشن شس نخش!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

العبد لله فاغر الثغر سبعة متر :protest: :blink:

هو أنة كلمت واحدة هبلة والى إية يا حاجة بقولك

good morning : please i want to contact medical collage secretary.

ترد وتقول شخن نخن شخن بشخن نشخج

شكل يومك مش فايت النهاردة يا أمة الحاجة راعى إن العبد لله بيتكلم دولى ومش فاضى للدلع بتاعك طبعا

إنسى يا عمر :unsure:

كلة فى الفاضى أمت فاصل الخط ومكلم الدكتور سامى المرشد بتاعى وحكيت لة قالى ماهم الألمان ضعاف فى الإنجليزى وفى منهم ناس مش بتحب تتعلمة أصلآ،،،،،،،،،،،،،،،،،،!!!

يا حلاوة يا ولاد مش بيحبوا يتكلموا إنجليزى

أى نعم حتى لو بيعرفوا يتكلموة بيحبوا إنك تتعلم الألمانية وتتكلم بيها إعتزاز بلغتهم يعنى،،،!!!!!!!

طبعآ العربى الله يرحمة إحنى الى بيعرف كلمتين إنجليزى بيمشى يستعرض بيهم فى كل مكان كأنه يعنى طلع القمر .

المهم طيب يا دكتور العمل إية مع الوليِّة الهبلة دى .

قال لى قولها بس إنك عاوز الدكتور Arnolad Pollak وبس وهى ها تفهم ورد علية تانى ونفذت ال هو نصحنى بية وفلحت العملية.

شوف كدة دة نص مخاطباتى الأولى لهم وطبعآ أحبطت جدآ لأن الموضوع من أولة فلسعونى لكن ما يأستش وكملت وحاولت تانى بس بإسلوب أخر.

دة نص كلامى لهم

Dear brother i am a pediatricin i have a job in saudia arabia in arar city, i like to study master degree in your medical collage.my questation is what is the papers needed ,certafacts,and how i can applay? how much is the cost? i talk english very good, but weak in german, i can start my study and learn german in the same time or not?i have relatives(cousins) in austria(they are citizen).they can help me to much. thank you,yours dr.hazem al waseef hazemarar@yahoo.com

ودة ردهم علية شوف الإحباط الى جالى أد إية من الرد

Dear inquirer,

In Austria the general and specialist doctor training is no more part of the medical studies but is administered by the Austrian Medical Chamber www.aerztekammer.at, therefore the Medical University of Vienna does not offer any postgraduate diploma studies, master studies or organised trainings/fellowships/internships/residencies after the medical or dentistry studies.

Applications for practical tranings etc. have to be directed to the clinical departments.

I send you the link which includes all contact details for all departments

https://www.meduniwien.ac.at/itsc/pw/cgi-bin/suchen/alle_kliniken.cgi

http://www.meduniwien.ac.at/zahnklinik/

Concerning nostrification of the medical education, please contact nostrifikation@meduniwien.ac.at .

Information about university courses: http://www.meduniwien.ac.at/index.php?id=49&language=1

Information about Phd studies: http://www.meduniwien.ac.at/index.php?id=426&language=1, http://www.meduniwien.ac.at/index.php?id=545&language=1

Best wishes

International Relations Office

Medical University of Vienna

Spitalgasse 23, 1090 Vienna

Austria

Phone: +43-1-40160-21014

Fax: +43-1-40160-921001

www.meduniwien.ac.at

Von: hazem sayed [mailto:hazemarar@yahoo.com]

Gesendet: Dienstag, 22. April 2008 00:12

An: international@meduniwien.ac.at

Betreff: dear brother

طبعآ فية عناوين مهمة هنا للى عاوز يكمل زى ويراسلهم أنا سايب كل حاجة فى مكانها وأصل أنا شادد دة من الإيمل الخاص بتاعى .

[hazemtara]

د حااااااااااااااااااازم بيشوقنا

شوقنا يا دكتور حازم

ايه المفاجأة ياترى ؟؟؟؟؟

الموظفة طلعت بتتكلم عربى ؟؟؟؟

ما احنا لو استمرينا على المعدل ده هايفتنا فترة التسجيل بتاعة السنة دى

وانت عارف اننا ثروة قومية وماينفعش تتعطل[/color]

تحية كبيرة من القلب لك وأتمنى لك التوفيق والسداد :protest: ياعم الثروة

إذا كان واحدة بتقول فى الصفحتين الى فاتوا واحد قاهوة وعشرة دكاترة مصرين تقلى ثروة.

دة إنتم خلتوها ثروة بال الخاء

[غريب الخبر]

بقول ايه يا دكتور حازم . ما بلاش موضوع النمسا :blink: ده وخلينا فى الصعيد :protest: احسن

وبعد الصعيد يارات تطلع بينا على عرعر لان موضوع اوروبا ده شكله معرعر على الاخر :unsure:

[hazemtara]

بقول ايه يا دكتور حازم . ما بلاش موضوع النمسا :blink: ده وخلينا فى الصعيد :protest: احسن

وبعد الصعيد يارات تطلع بينا على عرعر لان موضوع اوروبا ده شكله معرعر على الاخر :blink:

ما تخفش ما هى فرجِت فى الأخر بس إنت عارف الواحد لما الحاجة بتكون بعيدة عنة بيكون هيموت علشان يوصل لها ولما يوصل لهَّدفة بيحِّس إنة كان حمار بأة أنا كُنت هاموت علشان الموضوع دة ...دة ما يستهلش خالص

ِإسُفخص عليَّة وعلى دماغى هوة دة حاجة تسِّتاهل وجع الراس

بس لما بفتكر نفسى وأنا هأموت علشان أوصل أضحك وأقول هو كدة الإنسان دائمآ مايحمِدش ربنا خالص وللأسف تابع ومتكتأبش. :unsure:

[ahmedmkm]

جزاكم الله خيرااااا

[drabouzeid]

الصعيد

يا دكتور حازم انا جاتلى المنيا ربنا معاهم :lol:

كده يبقى شكرا للوززارة

طيب ايه الشهادة اللى ممكن اخدها فى سنة لحد الجيش الدبلومة تنصحنى بيها

ولا ايه رايك

[غريب الخبر]

تسجيل متابعة واهتمام

[hazemtara]

الصعيد

يا دكتور حازم انا جاتلى المنيا ربنا معاهم :)

كده يبقى شكرا للوززارة

طيب ايه الشهادة اللى ممكن اخدها فى سنة لحد الجيش الدبلومة تنصحنى بيها

ولا ايه رايك

الأخوة الأفاضل دكتور أبو زيد ، غريب ، بحار، أحمد إم كى إم وكل السادة الزملاء السلام عليكم أولآ الموضوع الى فتحة أبو زيد دة مهم

وهو أعمل إية لغيت لما يجيلى التكليف وأستفيد من سنة الإمتياز وفترة التكليف إزاى.

شوفوا يا شباب لازم حضرتك تكون محِدد هدَفك قبل كل شيئ ونصيحة مش تضِّيع وقتك لأَّن الوقت ها يعدى ومش راح ينتظرك وسوف تجد نفسك إنت الخاسر الوحيد.

أولآ وبدون فلسفة منى أو فرض آرائى على الأخرين الى أنا ها أكتبة هو تفكيرى وهو الى أنا نفذِّتة وما زلت أُنفذة حتى اليوم والحمد له مع وجود عقبات كثيرة ومشاكل لكن أظن نفسى ولله الحمد فى موقف كويس بس بردة محتاج أبذل مجهود أكبر وأكمل المشوار ومش أوقف لأن زى ما قولت إذا حضرتك وقفت الدنيا مش راح تقف ولا ها تستناك وستجد من هم أصغر منك سنآ وعلمآ أصبحوا أفضل منك مكانآ ومقامآ.

يعنى دائمآ بص لنفسك إنك مع منافسة لكل زملائك من دفعتك وما زلت تنافسهم مع العلم إنكم إتفرقتم وكل واحد راح لحال سبيلة ، بس بص لنفسك كدة لو بعد عشرة أو عشرين سنة إنك أو أنت قابلت واحد كان دفعتك ولقيتة فى وضع أحسن منك من الناحية العلمية والمالية أو فى مكانة أعلى منك فى المجتمع هيكون وضعك إية ولو إبنك أو إبنى سألنى هو مش عموة دة يا بابا كان زميلك فى الكلية ها تقول لة إية ..... أيوة يا حبيبى هو كان زميلى بس هو نجح وأنا فشلت خيبان زى ما إنت شايف كدة الحال على الأد ويا دوب مكفى نفسى وعيلى !!!!! مش بردة الواحد يعمل حساب ليوم زى دة؟؟؟؟

قبل كل شيئ حط حلقة فى ودنك وهى قول الله تعالى ( وما خلقتُ الجن والإنس إلاَّ ليعبُدون ما أوريد منهم من رزقآَ وما أريد أن يطعمون إن الله هو الرزاقُ ذو القُوَة المتين)

صدق اللهُ العظيم.ِ

إذآ قضية الرزق محسومة وأنا وأنت مجرد بنسعى لتحصيل أرازاقنا ومش حنموت من الجوع ولا العطش يعنى لازم نراعى ربنا فى كل حاجة بنعملها

(وفى السماءِ رزقُكم وما توعدون

الكلام دة تحطة نصب أَعيُنك وإنت بتعمل كل حاجة فى حياتك بإذن الله علشان ربنا يبارك لك فى كل شيئ!!!! كدة تمام والمقدمة دى هامة جدآ عندى.

الحاجة التانية عندى فى تفكرى زى ما شرحت لكم إنك فى منافسة دائمة مع زملائك فى الدفعة حتى وإن كنتم إتفرقتم( الى فى الجامعة وأخد نيابة والى فى الصحة مثلآ فى مكان زى معهد ناصر ولا حتى فى الصحة أو التأمين الصحى ).

لية أنا بفكر كدة لأن حضرتك من يوم ما تخرجت وكل واحد فينا هيكون لة تجربة شكل وهيدور على طريقة ومستقبلة بطريقتة الخاصة لكن شوف بعد فترة هيكون إية الوضع يعنى بعد 7 سنوات مثلآ ،،،، أنا أقول لك من خلال الى شفتة فى دفعتى.

طبعآ ولله الحمد أنا من النوع الى لة علاقات إجتماعية مش محدودة يعنى تجدنى منتشر فى كل حتة زملاء من هنا وهناك وهكذا يعنى العبد لله معروف فى دفعتة كويس.

بص يا سيدى دفعتى مثلآ بعد حوالى 7 سنوات من التخرج يعنى حوالى 2005م.

أوائل الدفعة معظمهم مسك فى سلك الجامعة ودة سكتة ومستقبلة معروف بيتعب شوية فى الأول لكن معظمهم بيسلك وبتفتح معاة بعد فترة وبيأخذ غصب عنة ماجستبر ودكتوراة وبيكون إستاف فى الكلية بردة مش بمزاجة دة طريق عامل زى شريط القطار لا يستطيع إنة يركن فية ولا للحظة وإذا ركن بينداس ومحدش هايرحمة!!!!! يعنى تقريبآ بعد 7 إلى 8 سنوات أصبحوا مدرسين فى الجامعة .

يعنى مستقبل مش وحش ولا إية،،،،،،،،،،،،، دول تقريبآ الخمسين الأوائل على الدفعة .

طيب والباقى يا صحبى مفيش رول،،،،،،،،،،،،،، القاعدة العامة إنت وشطرتك يا حلو.

شوف وإحنى فى الإمتياز 5 من زملائى فى الدفعة راحوا كملوا فى الجيش كضباط عاملين فى القوات المسلحة،،،،، لما سألنا إية المميزات،،،،، طلع الراتب أفضل من الصحة بكتير الدراسة مكفولة على حساب الجيش سواء فى مصر أو فى الخارج يعنى الدبلوم والماجستير والدكتوراه أونطة على حساب الجيش بس لاحظ إنت راح تدرس فيين فى الجامعة.

طبعآ الموضوع مش سهل الجامعة بتعاملك على إنك غريب عنهم ومش إبنهم يعنى إنت منافس وتسمع الكلام الى ملوش لازمة هو إنت محتاج الدكتوراة لية يا عم ما إنتم فى الجيش مرتاحين ورواتبكم حلوة وأخر مزاج وكدة،،، طبعآ بعد فترة لو حضرتك إتأخرت شوية ها تلاقى زميلك فى الدفعة ممكن هو الى بيمتحنك دلوقت فى الجامعة!!!!!!!! شكل الواحد هيكون وحش قوى؟؟؟؟؟ مش كدة بردة أنا ما بحبش المنظر دة!!!!! بحس إنة منظر ،،،،، مش ولا بد :) .

لكن يبقى أنة الجيش ممكن يرسلك للدراسة برة فىأمريكا ولا لندن للحصول على الزمالة وغيرة؟؟؟ لكن تبقى المعضلة الكبرى إية لازمة دة كلة إذا كنت أنا مقيد لا أعرف أفتح عيادة ولا أشتغل من أساسة خارج الجيش ... تكتيفة يعنى ولو حاولت تستقيل ,,, يبقى ترد المبالغ الى صرفها عليك الجيش من يوم ما دخلت الجيش :) .

طبعآ بالنسبة للعبد لله فكرة سيئة جدآ وغير مقبولة بالمرة :sad: طلع لها لسانك يعنى.

ما تنساش يا أبو زيد دة رائى الشخصى وليس ملزمآ لأحد وليس قانون وليس هو أصح الصحيح ،،، يعنى ممكن لو سئالت واحد من دفعتى الى دخلو ا الجيش دول يقولك أنا أسعد واحد فى الدنيا ومكنتش أتخيل نفسى برة الجيش ،،،، وممكن يقولك حازم مين دة فاشل وما يساويش تلاتة ساغ،،، كفاية إنة متشحطط برة مصر علشان يكون دخلة حلو وكبير أنا كفاية علية مثلآ إنى عايش فى مصر المحروسة وسط العيلة وأسرتى،،،،،، وجهات نظر لاحظ الفرق فى التفكير,,, وحط لنفسك طريق إنت فين !!! هذا قرارك أنت وحدك.

أصلى المغرب ونكمل

[ياره]

متابعين حضرتك يا دكتور حازم. مع جزيل الشكررررررررررر

[drabouzeid]

كمل يا دكترة والله فكرى و دماغى شبيهة بنسبة كبيرة لفكرك

بس اكيد انت بتحب تنمية بشرية

[Dr.mmfriend]

كمل يا دكتور حازم

متابعه شديده لمواضيعك

بس انت طولت اوى فى صلاه المغرب ليه كده؟؟؟؟؟

هو انت حضرتك فين فى السعوديه صحيح؟؟؟

[hazemtara]

كمل يا دكترة والله فكرى و دماغى شبيهة بنسبة كبيرة لفكرك

بس اكيد انت بتحب تنمية بشرية

أنا مُش عارف إنت تقصد إية بالتنمية البشرية لكن أنا أحُب الإنسان الطموح والمجتهد والمُجِد بصفةٍ عامة وأحب أسمع حواديت الناجحين والعلماء والمبدعين والله هى دى الحقيقة.

وتبقى الهواية الغريبة من عشقى للتراث القديم ،،،،،،،،،، عشق غير عادى ومفيش حد عندى كدة فى الأسرة ،،،،، حتى بابا كان يستعجب جدآ هو الواد طالع لمين طول اليوم أقرأ قصص عن تحتمس الثالث وفُتوحَاتِةِ وبطولاته ورمسيس الثانى وأخيتاتون وإخناتون وكل ملوك الأسر المصرية القديمة وبابا يستعجب ،،،،، لكن مش كان بيمنعنى ،،،،، بس كان يقولى مش تذاكر حاجة مفيدة يعنى،،،، طبعاً كان متأكد إنى هجيب الفُول مارك فى التاريخ ،،،فكان بيسكُت،،،،، يقول أمر الله. wst::

طبعاً لا أنسى يوم ما وعدنى أزور الأهرام ودة كان يوم ،،،تألش زاهى حواس ،،،يا أخى أشد فى بابا وأقول له هنا بأه مفروض غرفة الدفن وهنا مفروض غرفة معيشة الملك ،،ودى مفروض بتكون سارديب علشان اللصوص لو حاولة يسرأة جثة الملك،،،،،،، طبعاً وبابا يشد فية يا إبنى خلِّينا نخرج من البتاع دة على خير هو إنت خبير آثار :P .

بس مش عارف هى الكَرَاكْتَر الى كدة واللهِ مالى ذنب.

[hazemtara]

كمل يا دكتور حازم

متابعه شديده لمواضيعك

بس انت طولت اوى فى صلاه المغرب ليه كده؟؟؟؟؟

هو انت حضرتك فين فى السعوديه صحيح؟؟؟

شكراً إم إم فرند

عرعر،،،،، الخير والنماء wst::

[hazemtara]

الأخوة الزملاء والزميلات المحترِمين والمُحترمَات

السلام عليكم ورحمة الله

نكمِّل كلام طبعاً أنا ذكرت إنة فية ناس بتحب الجيش جداً ومش تتخيل نفسها برَّه الجيش من أسَاسُة ،، طبعاً الى عاوز يقدم على موضوع الجيش دة بيروح مقر الكلية الحربية فى القاهرة وهو فى سنة الإمتياز ويسحب طلب ويعبية ويشوف إية المطلوب .

من الى شفوتة من زملائى الى كانوا معاية طلبات عادية جداًمن حيث ،، اللياقة البدنية والصحية و تحَضْر ُمؤهِلاَتك طبعاً وكلها أُصول على البطاقة الشخصية وصور وهكذا أنا مش فَاكر بالظبط لأن الموضوع دة مَّر عليةِ زمن,, لكن لو رُحت الكلية الحربية فى القاهرة هتعرف كل حاجة .

من يجى كدة 20 سنة الموضوع دة لم يكون لة أى رواج وسط الأطباء يعنى كنت تكلم دكتور وتقول أموتك وتروح الجيش يقولك إتوكل على الله هى طلقة واحدة وأرتاح ولا أروحش الجيش دة ،،،،، للأسف الأن أصبح فية وسايط علشان تدخل وممكن يفلسعوك لو مش سبورِتد،،، والدنيا مقامات.

الظريف إنة زميلى الى كان الأَنتين بتاعى فى الدراسة وسكن الأطباء فى الجامعة كان إِسمة مجاهد من دكرنس - فى الدقهلية كان هيموت ويدخل الجيش ( طبعاً لازم يدخل الأول 6 شهور فى الكلية الحربية).

بعد حضرتك ما تخلص ال 6 شهور دول بتتخرج ملازم أول وتترقى بسرعة شوية . المهم زميلى مجاهد دة دخل وخلص 6 شهور بقى نقيب فى الجيش وكان أحد الناس الى كشفوا علينا فى منطقة التجنيد لأن إحنا إتأخرنا لشهر 10 لما جية علينا الدور كان هو خلص فى شهر 9 وعلق الدبابير ومزاجة عال وكان راتبة ساعتها يجى حوالى 800 جنية ،،،، طبعاً دة بالنسبة لينا كان طفرة نوعية واحد من الدفعة الفأرية أب على وش الدنيا وبقا نقيب فى الجيش ،، وإتجوز بعدها على طول بفترة صغيرة.

بس بردة لو قطعتنى حتت ورمتنى للكلاب مش رايح الجيش لو حتى إية لأسباب كتيرة أهمها بابا الى دخل الجيش 7 سنوات من 1967م مروراً بحرب 1973م يعنى شاف الويل ،، ولو حد من أولادة بس ذكر أمامة سيرت الجيش كان بيثور ثورة مش نعرف نسكتة وكان يبقى يومنا أسود من أرن الخروب،،،،، إنسى يا عمر،،،، موضوع النقاش فية خسران bngn:: ولا كلمة يا ولد ،، جيش أل دة أبوكم أخد جيش للعيلة كلها وللبلد والجيران..... مسكين النقطة دى خط أحمر ومهبب عندة.

فية مجموعة مارقة أخرى من زملائنا طلعوا على كلية الشرطة ،،،،!!!!! إشمعنى هيَّة يعنى مش لها نصيب ولكن دول كانوا قله لأنها عاوزة كوسة بحجم البطيخة كدة ،،، لأن دول مزاج عالى رواتب كويسة وفى نفس الوقت بيباتوا فى بيوتهم مش زى الجيش،،،،، بس سيبك إنتة ولا بيحوق معانا الكلام الفاضى دة،،،، المخ الجزمة لما بيتربس إنسى يا حبيبى،،،، والله لو وزير الداخلية نفسة جالى ولا بيحَََّوق معانة الكلام دة wst:: .

بالمناسبة الموضوع مفتوح للبنات لو لهم رغبة مش هزار!!!؟؟؟ الجيش بيأخذ حريم بردة :P :blink: :blink:

كدة أنا حكيت لكم عن حوالى 60 فرد من دفعتى الى كانت 330 طالب.

50 أوائل فى الجامعة ثم 10 راحوا ما بين الجيش والشرطة بس لاحظ مش دول ترتيبهم من ال50 إلى 60 لا دول كدة عشوائى من الدفعة يعنى كان فيهم ناس طاعة 200 على الدفعة مش مهم،، خلاص

نكمل بعدين.

[hazemtara]

الزملاء الأفاضل ،،، لحظوا كدة

الجامعة مطلعة لى لسانة ،،،،،برة يا كلب

وأنا بدورى مطلع لسانى للجيش والشرطة مش عارف هنروح على فين wst:: شكلنا كدة هناخد بالى فى رجلينة. :P