مغترب-طبيب/ صيدلى/ تمريض اتفضل معانا

[hazemtara]

كمل يا دكتور حازم الله يكرمك بس يا ريت مش على حلقات

انا الان فى عنق الزجاجة انا عايز استقيل و اقدم على نايب زاير ابو الريش و اسجل دبلومة اطفال اهى حاجى تنفعنى فى ايطاليا

بس اهلى معارضين فكرة الاستقالة عايزنى لحد الجيش اكمل فى التكتيف وبعدين اخذ اجازة

سورى يا أبو زيد أهلك المرة دى طلع تفكيرهم أحسن منك،،،،،،،، لية عاوز تستقل ،،،،،،،،،،،،،،، ما هو السبب؟؟؟؟؟؟؟

طبعاً دة أسوء قرار ممكن تأحذة فى حياتك ،،،،،!!!!!! لية !!!!!! مافيش دكتور ناجح من غير مستشفى؟؟؟؟؟؟؟

ما تفكرش فى الموضوع دة تانى ،،،،وجاوب على سؤالى وبسرعة..عاوز أعرف علشان أرد عليك.

صلى على النبى

انا جيشى فى يناير

قلت استغل السنة دى فى نايب زاير و دبلومة هيبقى فاضل 3 شهور اكملهم بعد الجيش و اسافر ايطاليا وعايا شهادة و خبرة سنة

فى نفس الوقت امسك نايب مدير المستشفى بتاع صاحبى علشان المصاريف

ما هى علاقة الإستقالة بتنفيذ أحلامك من عدمة ؟

هل لما ها تستقيل ها تخلص بسرعة يعنى ؟

هل وظيفة الحكومة هى العائق أما تنفيذ أحلامك؟

هل لما تستقيل ها تعطيك دفعة مثلاً إنك تروح إيطاليا ؟

العبد لله متخرج من 12 سنة ما إشتغلتش غير 3 سنوات منهم فى الحكومة والباقى أجازات بدون مرتب إنت ممكن تعمل كل حاجة فى مصر وإنت محتفظ بوظيفتك لية الإستقالة إذكر لى سبب واحد بس وأنا أرد عليك إلا إذا كان الموضع مزاج وبس إنك ما تشتغلش فى الصحة المصرية!!!!!!!!!!!!!؟؟؟؟

العمل فى مصر ليس عائق عن أى شيئ وممكن تأخذ أجازة بدون راتب بسهولة وفية كذا مببر وكذا نوع للأجازة ممكن تأخذهم وتحافظ على وظيفتك دون الحاجة للإستقالة مطلقاً!!!!! مثلاً أجازة بدون راتب لراعاية الوالد أو الوالدة المريضة ،،،،، لا قدر الله!!!!!

أجازة لتحسين الدخل !!!!! وللحريم لهم أكثر مرافقة زوج أو لرعاية الطفل ،،،،، وهكذا لية الإستقالة؟؟

دة إنت ممكن تروح إيطاليا وتقأعد 10 سنين وإنت مازلت موظف فى مصر!!!!!

الرد يكون بسرعة

[hazemtara]

نكمل

المهم وصلنى التاكس إلى مستشفى الأقصر العام فى حوالى الساعة 7 صباحاً وأخذت شنطى وطلعت مباشرة على سكن الأطباء طبعاً كان المنظر مايسرش السكن شكلة صغير ومش نظيف المهم كلِّمت العاملة فتحت لى غرفة والسلام ورميت الشنط ورميت نفسى على سرير أفكر فى الى بيحصل لى هو دة سليم هو أنا ماشى صح ولا فية حاجة غلط ،، أنا دائماً أحب أوقف مع نفسى أراجع كدة كل شوية ممكن يطلع فية حاجة غلط وأنا مش واخد بالى منها ولا حاجة ولا أنا ماشى فى سكة مش مظبوطة وسرحت مع نفسى ،،، المهم بعد فترة لقيت واحد طبيب جاى السكن فقلت فرصة الناس بدأت تيجى وسألتة على المديرية فشاور لى عليها لأنها كانت قريبة جداً من المَّشَفَى على رائى الجماعة السورين زمايلنة الى هنا فى السعودية ،،، وعلى الساعة ثمانية ونصف رحت على المديرية أول ما دخلت شؤن العاملين لقيت ورقة متعلق فيها أسماء الأطباء الجدد المكلفين فى الأقصر والأوراق المطلوبة علشان بداية التعين وعمل ملف لينا،،، كتبت المطلوب وإنتظرت شوية لما الموظفين بدأوا يجوا طبعاً من الحاجات الظريفة إنة اليوم دة وكان السبت طلع عيد للأخوة المسيحين وبما أنا المديرية كان نصفها من المسيحين فكان الموجود عدد قليل جداً من الموظفين ،،،، المسلمين بس الى جم الشغل فحسيت كدة منأول وهلة إن المديرية دى بايظة وشكل البلد دى متعبة ومش هستريح فيها!!!!!!؟؟؟

بعد أم جة واحد من الموظفين وبدأت أسئلة عن المطلوب وأجهز الأوراق دى منين دلينى على مكتبة قريبة ورحت لها وجدت كل شيئ جاهز ومستنيك بس على دفع الفلوس وتتصور ،،،، طبعاً فى اليوم دة ماكنش معاية صور فرجعت لهم فى المديرية وقلت لهم فقالوا لى جهز الأوراق وبعدين تعالى ودة الى حصل.

بس فية سؤال لو تسمح هو إحنا هنبات فين فقال طيب شوية أم نسأل المدير العام وبعد شوية بدأ الأطباء الى زى حلاتى الى مكلفين فى الأقصر يهلوا والمهم وصل يجى 10 تقريباً قلت كويس مش لوحدك يعنى يا أبو الحوازم.

طبعاً بعد فترة صغيرة المدير العام بعت لنا السكرتير بتاعة وقال ،،،، المدير العام عاوز يقابلكم!!! قلت لنفسى خير هو إية الى حصل.؟؟

المهم قابلنا المدير العام وطلع راجل جِنتل مَان وكويس وإسمة الدكتور أحمد الحناوى ودة كان ماسك التدريب فى معسكر تدريب الأطباء فى بورسعيد وبعدين الوزير إسماعيل سلام كَافئة وعينَّة مدير عام للصحة فى الأَقصر كنوع من المكافئة له على مجهودة وحسن ِإدارتة..،،،،وهذا لا يهمنا فى شيئ بعد الراجل ما رحب بينا وعَّرفنا الفوُلة،،،، الى هى أنة الناس الى لها جيش مننا هيكونة ضُيوف يعنى مش راح يستلموا وحدات صحية ولا شغل أساسى لأنهم بعد فترة رايحين الجيش والبنات بردة لأن كل واحدة منهم هاتقول لك لا بيتى وعيالى وحكاية طويلة ،،، المهم فى الأخر لما جينا نشوف الكلام دة هايمشى على كام واحد فينا طلع يجى بس إتنين هما فى وسط العشرة الموجدين الى مش ليهم جيش والباقى كلة لسة ما تعرفش لهم طريق طبعاً العبد لله من ضمن المجموعة الى هنقضية كدة فرفشة وترنزيت لما يجى الجيش،،...

طيب يا باشا والسكن قال فية سكن موجود فى مبنى الإسعاف ها تنزلوا كلكم فية لما نحتاجكم وسلام يا صحبى ,,, طيب التوقيع فين يا ريس ,,,, ما فيش روحوا بس وجهزوا أورقكم وإن شاء الله تفرج .

حلو يعنى كدة إترتبت وبأت أخر ألسطَة إِديها على السكن يا باشا لما تفرج.

طلعنا على السكن وريَّحنا وزبَّطنا تمام وتَعَرفنا على بعض ،،،،،،، إية الحلاوة دى الى من المنصورة زى حلاتى والى من إسكندرية وأسيوط وبنى سويف والبحيرة والشرقية وغيرة،،،،،،، كوكتيل تُحفَة.

بعد ما نمنا وفوَّقنَاَ خرجنا فى الليل كلنا إتصَّورنا وجَهزنا أوَراقنا المطلوبة للمديرية كله تمام ولفينا فى البلد وبدأنا نعرف راسنا من رجلينا طبعاً البلد كانت جميلة بجد ومن أجمل البلاد الى فى مصر،،،، تانى يوم طلعنا المديرية وخلصنا أوراق التعين وعملنا ملفاتنا وكلة تماتم يا ريس وبعدين المدير العام قال إدوهم جوابات لمعسكر تدريب الأطباء فى بورسعيد طبعاً دة كان يوم الثلاثاء يعنى العبد لله بقال لو فى الأقصر يجى 3 أيام وبس وطبعاً لازم نروح المعسكر على يوم السبت القادم ،،طيب أنا ها أروح أقول إية للجماهير المنتظرة فى البلد أنا رجعت لية دة أنا ما كملتش أسبوع ،، المهم طلعت حجزت مباشرة يوم الثلاثاء قطار للقاهرة ودة كان على ما أذكر حوالى الساعة 9 مساءأ وجَهزت حالى وطلعت علشان أذهب لمعسكر تدريب الأطباء الجدد فى بورسعيد ،،،ما أعرفش ما زال موجود والى لغوة دلوقت بس والله كان من الحاجات الظريفة جداً وفرصة نتعارف ونعرف بعض ونعرف هموم بعض وإزى كل واحد فينا بيفكر يحل مشاكلة بطريقة مختلفة عن الأخرين وهكذا وكل واحد راسم لنفسة طريق مختلف وهو بيحلم بإية وها ينفذة الزى.... نعرف دة بعدين. bv:-

[drabouzeid]

طيب براحة كدا وفهمنى يا دكترة

س سؤال1 بعد اد ايه ممكن اخد اجازة بدون مرتب

س سؤال2 ينفع استلم قبل الجيش باسبوع وبعد الجيش اعمل اجازة بدون مرتب طالما ان مدة الجيش بتدخل فى التكليف

س سؤال3 لو رجعت بعد 10 سنين مثلا و معايا ماستر برجع تانى على المنيا بردو

خد بالك انا مش عازب انا مجوز واهل مراتى فى ايطاليا مش فى مصر صعب اسبها اسابيع لوحدها

[غريب الخبر]

معاك يا ابو الحوازم لحد الاخر

وصلنا لحد الاقصر ( بلد سواح فيها الاجانب تتفسح ............)

تسجيل متابعة

[saiedamrousy]

بالعكس موضوع مهم واكيد يهم مجموعة كبيرة فى المنتدى من الهن الطبية

انا اعمل صيدلى بالكويت واحب ان اشارك ببعض المعلومات عن الصيدلة فى الكويت

حتى تعمل صيدلى لازم الحصول على ترخيص مزاولة مهنة الصيدلة داخل الكويت التى تتطلب بعض الاوراق والشروط

أهم نقطة قد يقع فيها اى واحد مقبل على السفر الى الكويت وهو شرط 3 سنوات خبرة بعد التخرج

فيه صيادلة للاسف اشتروا فيزا حتى يبحثوا على عمل صيدلى و فجؤا بهذا الشرط الذى لم ينطبق على الكثير واضطروا ان يعملوا مندوبين فى شركات صغيرة برواتب ضعيفة و رجعوا مصر حتى تمر التلات سنوات

عزيزي صيدلي الكويت

والله انتي جيتلي من السماء

انا بقالي شهرين او اكتر مشغول بوضع الصيادله في الكويت ونفسي الاقي فرصه في الكويت

عموما انا صيدلي دفعه 2001 وشغال في السعوديه

وحابب اني ازر الكويت واقدم علي ترخيص الصيدله في الكويت

بالله عليك تفيدني بالي تعرفه بخصوص الاجراءات والاوراق المطلوبه

وهل فيه امتحان زي الامارات وقطر ولا من غير امتحان

انتظر ردك يا دكتور

ايميلي dr_saad_777@yahoo.com

[hazemtara]

بالعكس موضوع مهم واكيد يهم مجموعة كبيرة فى المنتدى من الهن الطبية

انا اعمل صيدلى بالكويت واحب ان اشارك ببعض المعلومات عن الصيدلة فى الكويت

حتى تعمل صيدلى لازم الحصول على ترخيص مزاولة مهنة الصيدلة داخل الكويت التى تتطلب بعض الاوراق والشروط

أهم نقطة قد يقع فيها اى واحد مقبل على السفر الى الكويت وهو شرط 3 سنوات خبرة بعد التخرج

فيه صيادلة للاسف اشتروا فيزا حتى يبحثوا على عمل صيدلى و فجؤا بهذا الشرط الذى لم ينطبق على الكثير واضطروا ان يعملوا مندوبين فى شركات صغيرة برواتب ضعيفة و رجعوا مصر حتى تمر التلات سنوات

عزيزي صيدلي الكويت

والله انتي جيتلي من السماء

انا بقالي شهرين او اكتر مشغول بوضع الصيادله في الكويت ونفسي الاقي فرصه في الكويت

عموما انا صيدلي دفعه 2001 وشغال في السعوديه

وحابب اني ازر الكويت واقدم علي ترخيص الصيدله في الكويت

بالله عليك تفيدني بالي تعرفه بخصوص الاجراءات والاوراق المطلوبه

وهل فيه امتحان زي الامارات وقطر ولا من غير امتحان

انتظر ردك يا دكتور

ايميلي dr_saad_777@yahoo.com

راسل إسكندرية تانى هو مقيم فى الكويت وعندة معلومات مفيدة عن الكويت وخدوم جداً بس هو طبيب ،،،، لكن مش هيكسفك والله.

[hazemtara]

طيب براحة كدا وفهمنى يا دكترة

س سؤال1 بعد اد ايه ممكن اخد اجازة بدون مرتب

حلو الكلام كدة قوى أة كدة أنا بدأت أثق فيك إنك دخلت معاية فى المود وبدأت تفكر زى سيستمتك يعنى نأخذ المشاكل واحدة واحدة يا أبو زيد أنا هاأرُد بس النهاردة على السؤال الأول لأن وقتى النهاردة ضيق ولازم أنام علشان عندى دوام بكرة وباقى الأسئلة هرد عليها بإذن الله بكرة لأنها عاوز شرح وتمحيص وتفحيص وإسهاب علشان تكون واضحة حبتين وعلشان فيها تكات كتيرة لازم تفهمها وإلا ها تغرق يا حلو وها تليقك كرهت اليوم الى عرفتنى فيها لو غلط فيها غلطة واحدة.

ج: من حق حضرَتك أو حضرتِك تأخذ أجازة بدون مرتب بعد 6 شهور من التكليف دة رسمى لكن ممكن مديرك يَغلِس معاك شوية لكن من حقك رسمى بعد 6 شهور الأجازة ،،، بس بعد سنة من تكليفك ما حدش يأدر يمنك من الأجازة لو عندك كبررات قوية زى ما قلت لك ( أجازة رعاية والد أو ولادة أو تحسين دخل ودى حجات سهلة جداً) إنك تجيب بها إثباتات من مصر وهقول لك إزى بعدين.

خد بالك مرسى مطروح كان مديرها زبالة ومش بيعطوا الناس أجازات خالص دى الإستثناء الوحيد فى المحافظات النائية لكن المنيا وغيرة مفيش مشاكل.

ربنا يكرمك دة أول سؤال يعنى كلها 6 شهور ونعلمك اللعبة إزاى،،،،،كدة تمام :happy:

[hazemtara]

س سؤال2 ينفع استلم قبل الجيش باسبوع وبعد الجيش اعمل اجازة بدون مرتب طالما ان مدة الجيش بتدخل فى التكليف

سؤالك صيغة مبهمة يا أبو زيد وأنت مش محدد فى السؤال بس شوف أنا ها أجوبك

أولاً بالنسبة لإستلام العمل من عدمة فدة قرارك إنت تستلم قبل الجيش أو بعد الجيش مش دى المشكلة والمهم إنك تستلم فى الوقت المحدد وإلا يعتبر قرار تكليفك لاغى وليس من حقق المطالبة بوظيفة فى الحكومة ودة بيكون فى خلال 3 شهور من ظهور نتيجة التكليف.

والأفضل إنك تستلم على طول لية ،،،،،،، لأن العداد بيعد عليك ،،، يعنى شوف أنا هاأحكى ليك كدة الى حصل معاية وإفهم وركز،،،،،،،،،،،،

نتيجة التكليف ظهرت فى 4/4 /1999م العبد لله إستلم مباشرةً فى 6 /4 /1999م يعنى بعدها بيومين.

جيشى كان فى شهر سبعة(7) المدة من شهر 4 حتى شهر 7 دى أضيتها قونطة ما بين المديرية والجيش أسبوع فى المديرية وأسبوع أصلى رايح أجدد جواب الجيش وهكذا لما المدة دى بتعدى وعداد التكليف بيعد لصالحك خد بالك الوقت بيمر.

بعد الكشف طلعت إعفاء ،، رحت إستلمت تانى وكملت فى الشغل ولما رجعت الشغل بعد إنتهاء فِلم الجيش كنا فى شهر 8 يعنى عديت 4 شهور أونطة من التكليف ة وهكذا ثم كملت إلى منتصف شهر 12 /1999م وقتها قدَمت على أجازة بدون راتب .

فى 1 /1 /2000م حصلت على الأجازة بدون راتب لمدة سنة تنتهى فى 31 /12 /2000 م .

ثم عُدت تانى للعمل فى 1 /1 /2001 خُد بالك كُل دة والتكليف بيعد مع العلم إنى فى أجازة بدون راتب مفهوم يا أبو زيد ورَكز وخُد بالك أنا ما إشتلغتش غير 4 شهور فعلياً الى هم من شهر 8 حتى شهر 12 سنة 1999 م.

وخلصت سنة و8 شهور من التكليف معاية ولا سرحت.

أبو زيد ها أكمل بعدين

[ياره]

تسجيل متابعه .متابعين حضرتك وكله تمام .............وبعدين ايه اللي حصل

[ترنيم]

السلام عليكم

تسجيل متابعة .........تمام د حازم............. وإحنا طلعنا بلديات كمان .......... :blink: bv:- :happy: ..

[drabouzeid]

معاك يا باشا

بس معقولة مشاوير من الاقصر للمنصورة كل شوية

[ahmedmkm]

جزاكم الله خيرا

[نرمين عبد العزيز]

السلام عليكم ورحمة اللة

يا دكتور حازم ربنا يجازيككل الخير على اهتمامك بالرد على اسئلة المشتركين وانا معلش ارجو من حضرتك الاجابة على سؤالى واللة يكرمك انا ارسلت لحضرتك رسالة تتضمن جميع اسالتى ومعلش ممكن حضرتك تبقى ترد عليا اسرع وقت ممكن انا كمان ليا مداخلة بعنوان ترخيص الهيئة وبرضة ارجو الاجابة بسرعة واللة يجازيك كل الخير والف شكر :

[alexa]

فين بقيه القصه

ليك اسلوب في الكتابه جميل

لوسمحت كمل بقيه الحكايه

[drabouzeid]

ولا غيابك طال يا دكترة

خيييييييييييييييييييييييييييييييييييييييييير ولا دوام طويل حبتين

[student]

السلام عليكم

انت فين يا معلم انا كل يوم اخش القهوة واسال الواد بلية يقولي المعلم مجاش النهاردة

اقولو ايه اللي حصل يقولي علمي علمك

اقولو كده طب روح هاتلي سحلب على حساب المعلم

ماهو يا اما يقب ياما حاخربلكو القهوة ديه

:happy: :blink: wst::

[hazemtara]

السلام عليكم

انت فين يا معلم انا كل يوم اخش القهوة واسال الواد بلية يقولي المعلم مجاش النهاردة

اقولو ايه اللي حصل يقولي علمي علمك

اقولو كده طب روح هاتلي سحلب على حساب المعلم

ماهو يا اما يقب ياما حاخربلكو القهوة ديه

wst:: :blink: :)

شكراً أخى الفاضل إستودنت/

والله موجود بس مشغول جداً اليومين دول علشان عندى إمتحان لتجديد العقد،،،،،، فيلم كدة سخيف المديرة الطبية بتاعة المستشفى عندى نظراً لأنها سعودية ومش عندها حاجة تعملها يعنى بالبلدى كدة فاضية لا متجوزة ولا غيرة ولا عيل ولا بتاع فألت لنفسها أسلى وقتى إزاى ؟؟؟؟!!!!!! كل طبيب عاوز يجدد عقدة نعملة إفليويشن إجزام؟؟؟؟

ونظام سين وجيم وتنطيط من الى قلبك يحبة وأنا بصراحة مرراتى مش بتتحمل حد يتنطط علية !!!!!!

طبعاً دة واخد جزء كبير من وقتى للأستعداد لة؟؟؟؟؟ :happy: وإن شاء الله أكتب لكم فى أوقات الفراغ.

[hazemtara]

فين بقيه القصه

ليك اسلوب في الكتابه جميل

لوسمحت كمل بقيه الحكايه

شكراً ألِكسا

وحاضر هاأكمل القصة بس براَّحة عليَّة علشان وقتى ضيق والله

[hazemtara]

:blink: السلام عليكم ورحمة اللة

يا دكتور حازم ربنا يجازيككل الخير على اهتمامك بالرد على اسئلة المشتركين وانا معلش ارجو من حضرتك الاجابة على سؤالى واللة يكرمك انا ارسلت لحضرتك رسالة تتضمن جميع اسالتى ومعلش ممكن حضرتك تبقى ترد عليا اسرع وقت ممكن انا كمان ليا مداخلة بعنوان ترخيص الهيئة وبرضة ارجو الاجابة بسرعة واللة يجازيك كل الخير والف شكر : :happy:

أهلاً أخت نرمين

ممكن أستأذنك أرد على المنتدى ولا حضرتك عاوز الإجابة على الخاص علشان سؤالك دة مهم فعلاً إن زملائنا يعرفوا الإجابة علية.

يا ريت جوبينى اليوم

[hazemtara]

جزاكم الله خيرا

شكراً أحمد

:blink: وإن شاء الله تكون إستفدت حاجة من كلامى دة