مغترب-طبيب/ صيدلى/ تمريض اتفضل معانا

[عطر الجنة]

شكرا للاخوة المتحاورين هنا

و خصوصا اللى بيتكلموا عن السعودية لان كل كلمة بيقولوها صح و مرينا بيها وقت كنا هناك

لكن سؤالى اليوم عن سلطنة عمان

لان الوزاة طالبة اطباء هناك

و كنت عاوزة اعرف اى معلومات عن مجال التحاليل الطبية لان زوجى اخصائى تحاليل ( بكالريوس + دبلومة )

و هل هم بيحسبوا سنوات الخبرة زى السعودية ولا لا

شكرا

ولو احد يقدر يفيدنى عن التعليم الثانوى هناك

لما كنت من 6 سنوات مقدم للسعودية نزل إعلان سلطنة عمان عن حاجتهم لأطباء وممرضين وغيرهم من العاملين فى مجال الصحة.

كان راتب الطبيب العام والمقيم وقتها 448 ريال عمانى 19 ريال بدل نقل و15 ريال بدل كهرباء على ما أذكر يعنى لما جيت أحسب الراتب وقتها طلع حوالى 500 ريال عمانى.

الأخصائى كان وقتها حوالى 600 ريال على ما أذكرومش متأكد قوى.

فى السلطنة فى معظم الأحوال هم بيدبروا سكن عائلى كويس ومؤثث.

لية زملاء هناك ممكن أسئلهم كان على وجة الدقة الرواتب الأن مع ملاحظة إن السلطنة رفعت الرواتب العام الماضى.

بصفة عامة لما كنت مقدم للسفر وكنت بأعمل مقارنة بين الرواتب فى كل دول الخليج كانت سلطنة عمان أقل الدول رواتب لكن من شهادة زملائنا الى هناك شعبها طيب جداً وودود عشرى ومعظم زملائى الى تعاقدوا فى السلطنة لما يستقيل منهم أحد إلى الأن.

شكرا اخى على الرد

و فعلا الرواتب زادت كمان هو معلن فى جريدة يوم الجمعة 6 - 3

فالراتب بالنسبة للطبيب مساعد الاختصاصى الحاصل على بكالريوس الطب و الجراحة + 3 سنوات خبرة + ماجستير او دبلوم فى التخصص + خبرة لا تقل عن 3 سنوات بعد المؤهل الثانى المطلوب فى المجال :

هو

550 راتب اساسى

44 بدل كهباء و مياه

12.5 % من الراتب الاساسى بدل مهنى

15 % من الراتب الاساسى بدل انتقال و ذلك عند الاستحقاق

سكن مؤثث او بدل سكن مع التزويد بالاثاث

تزاكر سفر للمتعاقد و الاسرة فى بداية و نهاية المدة و بدل نقدى 75 % من تمن التزكرة كل اجازة

الاجازة 48 يوم

انا عارفة ان راتب السعودية اعلى لكننا نزلنا هذا العام لان ابنى دخل الجامعة السنة دى

و الان بنتى فى اولى ثانوىو الثانوية العامة اصبحت بالنسبة للبنات من السعودية ضرب نار فى مكتب التنسيق

و خصوصا فى النظام الجديد بعد الامتحان اللى حتعملوا الوزارة هنا بعد الرجوع

فعشان كده اعتقد ان بقية دول الخليج ارحم شوية فى نظام الثانوية العامة رغم ان مناهجها اصعب

فياليت تخبرنى اكتر

شكرا احبتى و اخوانىى فى الله

تم تعديل 9 مارس 2009 بواسطة عطر الجنة

[dentogabalo]

هو حضرتك رايح مكان الدكتور دة ولا هو خلاص نقل ومشى من المستوصف،،، وبعدين الدكتور دة ثقة يعنى ولا!!!!!!!!!!!

معلش أصل الحاجات دى مافيش فيها هزار.

لا انا مش رايح مكانه ... هوا كان مدير المستوصف و سابه عشان امتيازات اكتر لقاها في مستوصف تاني ... لكن هوا كلامه باختصار انهم ناس طيبين و ما بيكلوش حق حد

اما احنا فلسه GP

أخى الفاضل سُمعة المكان الى إنت رايح علية أهم حاجة وسمعة الكفيل أخبارها إية،،،، دة أولاً.

زي ما قولتلك هما ناس طيبين و سمعتهم كويسة ... و بعدين هناك في نفس المستوصف في استشاريين .. هوا بيقولي (اقصد الكفيل) انك اكيد هتتعلم منهم

إنك تروح على كفالة الزوجة مش مشكلة وهو هينقل لك الكفالة هناك عادى ،،، لكن مين الى هيدفع رسوم نقل الكفالة 2000 ريال سعودى أول مرة نقل كفالة.

انا لسه هسأله في النقطة دي

ثانياً: توثق العقد من السفارة والخارجية طبعاً مهم جداً.

بيتهيألي العقد بيتوثق من القوى العاملة الاول؟؟؟

إعمل العقد لك ولزوجتك سنة واحدة وبس بحيث لو فية أى مشاكل تعرف تنزل وما يعكسكش وقت النزول،،،، إحذر من العقد إنة يكون سنتين لأن دة غالباً بيكون مش كويس ليك.

ليه غالبا بيبقى مش كويس ليا ... هوا انا مش ممكن استقيل في اي وقت؟؟؟؟

أول ما ها تروح هاتكون إقامتك على إقامة الزوجة يعنى مضاف إليها وبعد أما يعمل لك عقد بتفصل عنها.

وانا بيبقالي حقوق بعد ما يفصلني عنها بس ... لانه قالي اول ما تمتحن و تنجح افصلكم عن بعض ... ولكن انا قبل كده شغال و بأجر .. بس هل ليا حقوق ساعتها ولا لأ

طب هوا مش بيعملي عقد من هنا ولا لا؟؟؟؟

بس لى رأى العمل فى الحكومة السعودية دائماً أفضل من حيث ضمان الحقوق وعدم ضياعها لية ماحاولتش تروح مكتب التوظيف أو شركة بيونير أو مصر الحجاز زى ما سبق وأن شرحت فى مداخلات سابقة.

والله قدمنا في بيونير و الحجاز و بعتنالهم السيفيهات و ما كنتش اعرف موضوع مكتب التوظيف ده ... ولكن بيتهيلي كن صعب يجيلنا حكومي في الاحساء ... ولا ايه رأيك؟؟؟

بالتوفيق

الله يكرمك و يوفقك .. وشكرا على ذوقك

تم تعديل 9 مارس 2009 بواسطة dentogabalo

[طبيبة مستجدة]

حد يا شباب يعرف مديرية الشئون الصحية فى جدة راااااااااااااحت فين؟؟واية العنوان؟

اية رايكم فى شغل المراة فى السعودية ونظام الشغالات الفلبينية احسن ولا الحبشية وازاى اضمن انها ما تاذيش الاولاد وانا برة حد عندة علم بالموضوع دة ياريت يفيدنا ولا احسن نودى ةحضانة منزلية بس هو فية حضانات فى جدة مسائية؟

[ابو سامى المصرى]

الى العضوة المستجدة

يا دكتورة

بخصوص عمل المراة فى السعودية بصراحة أفضل من مصر ومش عاوز حد يفهمنى غلط انا مصرى وبحب مصر جدا وبقالى هنا فى السعودية 3 سنوات بس انا بقول افضل بصراحة مفيش هنا بهدلة فى المواصلات والرفاهية هنا اعلى انتى طالما فى جدة واضحة انك جاية مع زوجك يعنى زوجك كفيلك نصيحتى ليكى لو اشتغلتى دوام كامل هيأثر على بيتك واولادك ممكن تشتغلى فى اى مستوصف او مستشفى part time يفضل ما تجبيش شغالة فى البيت ممكن تودى الاولاد حضانة صباحية او مسائية والفترة التانية تقعدى مع اولادك ولو محتاجة اى حاجة من جدة اخوكى موجود

[طبيبة مستجدة]

حضرتك ماتعرفش اماكن حضانات مسائية لان غالبية الدوامات مسائية فى جدة

[طبيبة مستجدة]

حد يعرف يا دكاترة ازاى نجيب ساعات التعليم المستمر بتاعة الترخيص ومنين؟

اللى يعرف حاجة عن الاكاديمية الدولية للعلوم الصحية بجدة للبنات يفيدنا اللة يكرمكو؟التقديم ازاى والشروط ومكانها

[hazemtara]

الى العضوة المستجدة

يا دكتورة

بخصوص عمل المراة فى السعودية بصراحة أفضل من مصر ومش عاوز حد يفهمنى غلط انا مصرى وبحب مصر جدا وبقالى هنا فى السعودية 3 سنوات بس انا بقول افضل بصراحة مفيش هنا بهدلة فى المواصلات والرفاهية هنا اعلى انتى طالما فى جدة واضحة انك جاية مع زوجك يعنى زوجك كفيلك نصيحتى ليكى لو اشتغلتى دوام كامل هيأثر على بيتك واولادك ممكن تشتغلى فى اى مستوصف او مستشفى part time يفضل ما تجبيش شغالة فى البيت ممكن تودى الاولاد حضانة صباحية او مسائية والفترة التانية تقعدى مع اولادك ولو محتاجة اى حاجة من جدة اخوكى موجود

الأخ أبو سامى المصرى أنا مع رأيك عمل المرأة فى السعودية أفضل من مصر كتير،،،،،، بس خدوا بالكوا من الشغالات الله يبارك فيكم الموضوع دة حساس جداً العبد لله ملسوع من شغالة جبتها ورتنى النجوم فى عز الضهر!!!!! من سيريلانكا وخد بالك الشغالات عاملين زى البطيخة يا تطلع حمرة يا تطلع بيضة وإنت وحظك.

ممكن واحدة تريحك جداً ممكن واحدة تخليك تكرة حياتك وليس لها رول لا تقولى المسلمة أحسن ولا الفلبينية أنضف كلة فى الهواى ولا توجد قاعدة ثابتة ؟؟؟ الحظ وفقط.

[hazemtara]

حد يعرف يا دكاترة ازاى نجيب ساعات التعليم المستمر بتاعة الترخيص ومنين؟

اللى يعرف حاجة عن الاكاديمية الدولية للعلوم الصحية بجدة للبنات يفيدنا اللة يكرمكو؟التقديم ازاى والشروط ومكانها

من الموقع دة

www.medscape.com

وهو موقع مجانى ومش محتاج حاجة خالص مجرد سجلى فية وحلى الأسئلة وربنا يعينك.

[hazemtara]

حد يعرف يا دكاترة ازاى نجيب ساعات التعليم المستمر بتاعة الترخيص ومنين؟

اللى يعرف حاجة عن الاكاديمية الدولية للعلوم الصحية بجدة للبنات يفيدنا اللة يكرمكو؟التقديم ازاى والشروط ومكانها

دة الموقع وهو مجانى مجرد تسجلى وبعدين حلى الأسئلة وربنا يعينك.

http://www.medscape.com/

[ترنيم]

الأخت طبيبة مستجدة مديرية الشئون الصحية بجدة خلف مستشفى الملك فيصل التخصصى يعنى من شارع الأمير سلطان

فيه محطة بنزين قبل المستشفى تدخلى من جنبها وتمشى علطول وفى الآخر تدخلى يمين وربنا يوفقك

:roseop:

[dentogabalo]

هو حضرتك رايح مكان الدكتور دة ولا هو خلاص نقل ومشى من المستوصف،،، وبعدين الدكتور دة ثقة يعنى ولا!!!!!!!!!!!

معلش أصل الحاجات دى مافيش فيها هزار.

لا انا مش رايح مكانه ... هوا كان مدير المستوصف و سابه عشان امتيازات اكتر لقاها في مستوصف تاني ... لكن هوا كلامه باختصار انهم ناس طيبين و ما بيكلوش حق حد

اما احنا فلسه GP

أخى الفاضل سُمعة المكان الى إنت رايح علية أهم حاجة وسمعة الكفيل أخبارها إية،،،، دة أولاً.

زي ما قولتلك هما ناس طيبين و سمعتهم كويسة ... و بعدين هناك في نفس المستوصف في استشاريين .. هوا بيقولي (اقصد الكفيل) انك اكيد هتتعلم منهم

إنك تروح على كفالة الزوجة مش مشكلة وهو هينقل لك الكفالة هناك عادى ،،، لكن مين الى هيدفع رسوم نقل الكفالة 2000 ريال سعودى أول مرة نقل كفالة.

انا سالته قالي انه هوا اللي هيدفع مصاريف نقل الكفالة لكن

قالي ان التأمين الصحي لا يشمل الرضيع

فهل ده معناه انه ما يشملش الولادة

ثانياً: توثق العقد من السفارة والخارجية طبعاً مهم جداً.

بيتهيألي العقد بيتوثق من القوى العاملة الاول؟؟؟

إعمل العقد لك ولزوجتك سنة واحدة وبس بحيث لو فية أى مشاكل تعرف تنزل وما يعكسكش وقت النزول،،،، إحذر من العقد إنة يكون سنتين لأن دة غالباً بيكون مش كويس ليك.

ليه غالبا بيبقى مش كويس ليا ... هوا انا مش ممكن استقيل في اي وقت؟؟؟؟

أول ما ها تروح هاتكون إقامتك على إقامة الزوجة يعنى مضاف إليها وبعد أما يعمل لك عقد بتفصل عنها.

وانا بيبقالي حقوق بعد ما يفصلني عنها بس ... لانه قالي اول ما تمتحن و تنجح افصلكم عن بعض ... ولكن انا قبل كده شغال و بأجر .. بس هل ليا حقوق ساعتها ولا لأ

طب هوا مش بيعملي عقد من هنا ولا لا؟؟؟؟

بس لى رأى العمل فى الحكومة السعودية دائماً أفضل من حيث ضمان الحقوق وعدم ضياعها لية ماحاولتش تروح مكتب التوظيف أو شركة بيونير أو مصر الحجاز زى ما سبق وأن شرحت فى مداخلات سابقة.

والله قدمنا في بيونير و الحجاز و بعتنالهم السيفيهات و ما كنتش اعرف موضوع مكتب التوظيف ده ... ولكن بيتهيلي كن صعب يجيلنا حكومي في الاحساء ... ولا ايه رأيك؟؟؟

بالتوفيق

الله يكرمك و يوفقك .. وشكرا على ذوقك

انا مستني تعليقك على كلامي يا دكتور حازم ... و شكرا مقدما

تم تعديل 11 مارس 2009 بواسطة dentogabalo

[طبيبة مستجدة]

شكرا يا جماعة على ردكو بس انا طبيبة اسنان ومش فاهمة امشى ازاى فى الموقع دة بتاع ساعات التعليم المستمر حد يدلنى اية الخطوات؟ :ninja:

ماحدش يعرف مكان حضانة مسائية لالاطفال

[طبيبة مستجدة]

يا جماعة انا دخلت على موقع ميداسكيب بتاع ساعات التعليم ومش فاهمة اي حاجة اللة يكرمكو حد يدلنى على الخطوات الخاصة علشان طب الاسنان وازاى بيتسجل عند الهيئة ان دى ساعات تعليم مستمر انا مش فاهمة اية اللى فى الموقع دة

CME/CE

ومش لاقية اى اسئلة :ninja:

[طبيبة مستجدة]

ماحدش يعرف حاجة عن الاكاديمية الدولية للعلوم الصحية بجدة اية شروط التقديبم وازاى نقدم؟ :ninja:

[ترنيم]

فى موقع الميدسكيب حضرتك بتسجلى عضوية (وهى مجانية ) وبعدين تختارى من التخصصات طب الأسنان وبعد

ما تظهرلك المواضيع فى بعضها ممكن تدخلى تعملى منه ساعات وفى بعضها لا وبتعرفى ده من المعلومات

الى مكتوبة تحت عنوان الموضوع وبيكتب لك كمان هيحسب لك قد إيه وقت مثلا ربع ساعة أو ساعة على

حسب الموضوع وبتلاقى لينك بتوديكى على الأسئلة عن الموضوع بعد لما تجاوبى ويكون نسبة الإجابات

الصحيحة عالية بتظهرلك طلب لبياناتك الى لازم تكتبيها صحيحة لأن دى الى هتتطبع لك فى الشهادة

الى ييعملوهالك بالوقت الى انتى عملتيه وممكن تطبعى الشهادة دى أو تجمعى ساعات على بعضها

وتتطبعى شهادة بيهم مرة واحدة ....................يارب أكون أفدتك

[hazemtara]

هو حضرتك رايح مكان الدكتور دة ولا هو خلاص نقل ومشى من المستوصف،،، وبعدين الدكتور دة ثقة يعنى ولا!!!!!!!!!!!

معلش أصل الحاجات دى مافيش فيها هزار.

لا انا مش رايح مكانه ... هوا كان مدير المستوصف و سابه عشان امتيازات اكتر لقاها في مستوصف تاني ... لكن هوا كلامه باختصار انهم ناس طيبين و ما بيكلوش حق حد

اما احنا فلسه GP

طيب كويس الحمد لله إنك مطمأن للمكان

أخى الفاضل سُمعة المكان الى إنت رايح علية أهم حاجة وسمعة الكفيل أخبارها إية،،،، دة أولاً.

زي ما قولتلك هما ناس طيبين و سمعتهم كويسة ... و بعدين هناك في نفس المستوصف في استشاريين .. هوا بيقولي (اقصد الكفيل) انك اكيد هتتعلم منهم

إنك تروح على كفالة الزوجة مش مشكلة وهو هينقل لك الكفالة هناك عادى ،،، لكن مين الى هيدفع رسوم نقل الكفالة 2000 ريال سعودى أول مرة نقل كفالة.

انا سالته قالي انه هوا اللي هيدفع مصاريف نقل الكفالة لكن

قالي ان التأمين الصحي لا يشمل الرضيع

فهل ده معناه انه ما يشملش الولادة

القطاع الخاص ليس لة علاج على حساب الحكومة السعودية يا إنت هتدفع يا إما الكفيل وفى كثير من الأحوال الكفيل ما بيدفعش حاجة ،، مع مراعة الولادة لازم فى مستشفى وبنسبة كبيرة بتكون مستشفى حكومى إلا فى المدن الكبيرة زى الرياض أو الدمام أو جدة الى فيها مستشفيات قطاع خاص كبيرة مسموح فيها بغرفة ولادة.

ثانياً: توثق العقد من السفارة والخارجية طبعاً مهم جداً.

بيتهيألي العقد بيتوثق من القوى العاملة الاول؟؟؟

فى القطاع الخاص بيوثق من القوى العاملة والسفارة والخارجية بردة.

إعمل العقد لك ولزوجتك سنة واحدة وبس بحيث لو فية أى مشاكل تعرف تنزل وما يعكسكش وقت النزول،،،، إحذر من العقد إنة يكون سنتين لأن دة غالباً بيكون مش كويس ليك.

ليه غالبا بيبقى مش كويس ليا ... هوا انا مش ممكن استقيل في اي وقت؟؟؟؟

العقد لو سنتين وفية أى مشاكل وحبيت تنزل ما تعرفش لازم موافقة الكفيل الى هو صاحب العمل ودة بنسبة 200% مش بيوافق خالص وبعضهم بيقولك هاتلى بديل لك.

أول ما ها تروح هاتكون إقامتك على إقامة الزوجة يعنى مضاف إليها وبعد أما يعمل لك عقد بتفصل عنها.

وانا بيبقالي حقوق بعد ما يفصلني عنها بس ... لانه قالي اول ما تمتحن و تنجح افصلكم عن بعض ... ولكن انا قبل كده شغال و بأجر .. بس هل ليا حقوق ساعتها ولا لأ

طب هوا مش بيعملي عقد من هنا ولا لا؟؟؟؟

وإنت على كفالة الزوجة لو حصل أى مشاكل وجيت تشتكى ما لكش أى حقوق عندة لأنة ببساطة مش كفيلك إنت كفيلك زوجتك فى هذة الحالة،،أما لو نقلت كفالة علية بيكون لك كافة الحقوق مع مراعة إنة بردة الكفيل لة عنك حقوق ( زى ساعات عملو وإلتزام وغيرة يعنى علاقة لازم تكون متوازنة بين الطرفين).

بس لى رأى العمل فى الحكومة السعودية دائماً أفضل من حيث ضمان الحقوق وعدم ضياعها لية ماحاولتش تروح مكتب التوظيف أو شركة بيونير أو مصر الحجاز زى ما سبق وأن شرحت فى مداخلات سابقة.

والله قدمنا في بيونير و الحجاز و بعتنالهم السيفيهات و ما كنتش اعرف موضوع مكتب التوظيف ده ... ولكن بيتهيلي كن صعب يجيلنا حكومي في الاحساء ... ولا ايه رأيك؟؟؟

لينا زملاء كتير جلهم عقود فى الرياض والدمام وجدة ومكة والمدينة ،،،، الاحساء مش مستحيلة ولا حاجة،، حاول تانى ومش تمل الموضوع عاوز صبر شوية.

بالتوفيق

الله يكرمك و يوفقك .. وشكرا على ذوقك

شكراً لك

انا مستني تعليقك على كلامي يا دكتور حازم ... و شكرا مقدما

[hazemtara]

ماحدش يعرف حاجة عن الاكاديمية الدولية للعلوم الصحية بجدة اية شروط التقديبم وازاى نقدم؟ :ninja:

بتروحى لمقر الأكادمية فى جدة فرع البنات وتدخلى للمديرة وتعرفيها بنفسك،، أنا د/ ؟؟؟ فلانة ودى مؤهلاتى ويا ريت لو فية فرصة عندك أشتغل وتبدئى تشرحى لها الموضوع.

من الأفضل لو تعرفى حد يوضح لك الأمور فى هذا الفرع قبل ما تروحى يعنى يمهد للمديرة أو يوصى عليكى علشان يكون ملفك لة أولوية عند الحاجة.

فى أغلب الأحوال مش هتلاقى وظيفة جاهزة مستنياكى يعنى !! المديرة هتقول لك إن شاء الله ومجرد ما يفضى مكان بتتصل عليك ،، دة لو فية نصيب .

طبعاً انا وضحت قبل كدة إن الواحد مش يعتمد على مكان واحد وخلاص أقعد أنتظر الفرج ،،،لا قدمى فى 100 مكان وسيبى ملف هنا وهناك وغالباً واحد فيهم هيصيب ان شاء الله.

فى عنك كما السباعى بنات مرى علية.

[hazemtara]

يا جماعة انا دخلت على موقع ميداسكيب بتاع ساعات التعليم ومش فاهمة اي حاجة اللة يكرمكو حد يدلنى على الخطوات الخاصة علشان طب الاسنان وازاى بيتسجل عند الهيئة ان دى ساعات تعليم مستمر انا مش فاهمة اية اللى فى الموقع دة

CME/CE

ومش لاقية اى اسئلة :ninja:

هو حضرتك عاوزة ساعات التعليم الطبى لية؟؟؟

ساعات التعليم دى للشغال فعلاً ومحتاج يجدد رخصة بعد مرور 3 سنوات على تسجيلة فى الهيئة،، أنا الى فهمتة من كلام حضرتك إنك لسة ما خدتيش وظيفة يبقى ما لكيش أصلاً ساعات تعليم طبى.

سؤال هو حضرتك نجحتى فى إمتحان الهيئة او حضرتك مسجلة فى الهيئة السعودية للتخصصات الصحية؟؟

[المر]

انا عندى استفسار و ياريت الاقى رد فى هذا الباب الجميل .

انا هاخلص عقدى بعد 3 شهور و كل ما اقدم اوراقى فى مستشفى آخر يطلبوا منى عدم الممانعة مع العلم ان المستشفى التى اعمل بها لا تعطى عدو ممانعة. سؤالى هو اذا انا نزلت مصر نهائى و قدمت عن طريق مكتب التوظيف هل سيطلبوا منى عدم الممانعة و لآ؟

انا فى مجال التمريض و عندى خبرة 10 سنوات فى مجال العمليات.

شكرا لهذا المجهود الرائع.

[dentogabalo]

الف شكر يا دكترة