مغترب-طبيب/ صيدلى/ تمريض اتفضل معانا

[hazemtara]

انا عندى استفسار و ياريت الاقى رد فى هذا الباب الجميل .

انا هاخلص عقدى بعد 3 شهور و كل ما اقدم اوراقى فى مستشفى آخر يطلبوا منى عدم الممانعة مع العلم ان المستشفى التى اعمل بها لا تعطى عدو ممانعة. سؤالى هو اذا انا نزلت مصر نهائى و قدمت عن طريق مكتب التوظيف هل سيطلبوا منى عدم الممانعة و لآ؟

انا فى مجال التمريض و عندى خبرة 10 سنوات فى مجال العمليات.

شكرا لهذا المجهود الرائع.

حضرتك بتروح تشترى لك مقص حلو بجوز جنيهات من أقرب بقالة فى مصر لما توصل بالسلامة بإذن الله وتدى الجواز بتاعك للعيال وتقول لهم عيشوا حياتكم ويجيبوا لك الجواز القديم ستين حتة بكل ما فية من تأشيرات دخول وخروج للسعودية،،، ولما تروح لمكتب التوظيف ما تجبش لا حس ولا خبر إنك كنت فى السعودية.

طبعاً تعمل جواز جديد على نظافة.

طبعاً لازم تظبط شهادة الخبرة بتاعتك الأول من المديرية مع موظف الملفات هيكتب لك إنك كنت شغال المدة دى كلها وعلى رأس العمل.

طبعاً لو حضرتك ما جبتش سيرة للسعودية ما حدش هيسألك أما لو تكلمت وبعبعت طبعاً هيسألوك كنت فين ولية وغيرة.

نصيحة ما تجبش سيرة وجرب بس إنت لية زملاء كتير نجحت معاهم وفلحت وهم موجودين الأن فى الرياض ومكة والمدينة.

ها تقولى لما أدخل السعودية أصل أنا بصمت وأنا خارج وهيمسوكونى فى المطار!!!؟؟؟؟

لا طبعاً هو إنت لا سمح الله خارج من السعودية عامل عاملة ولا مطلوب لبتوع المخدرات مثلاً ولا عليك حكم قصاص ؟؟؟؟؟!!

ما حدش هيسأل عنك لو خارج من السعودية دون مشاكل.

طبعاً تحسن علاقتك مع كفيلك تكون زى الفل علشان تعرف تيجى تانى بدون وجع راس،، لأن هو دة الوحيد الى ممكن يعمل لك مشاكل.

طبعاً لما ترجع تانى ما لكش دعوة بعلاقاتك القديمة يعنى لما ترجع ما تعَّرفش كفيلك ولا حد من المكان الى كنت شغال فية لا تكلم حد ولا غيرة ولا تعَّرفهم إِنك رجعت تانى من أساسة على الأقل لمدة سنتين دة مهم والحِيطة والحذر أفضل.

بالتوفيق.

[hazemtara]

الف شكر يا دكترة

:lol:

[hazemtara]

فى موقع الميدسكيب حضرتك بتسجلى عضوية (وهى مجانية ) وبعدين تختارى من التخصصات طب الأسنان وبعد

ما تظهرلك المواضيع فى بعضها ممكن تدخلى تعملى منه ساعات وفى بعضها لا وبتعرفى ده من المعلومات

الى مكتوبة تحت عنوان الموضوع وبيكتب لك كمان هيحسب لك قد إيه وقت مثلا ربع ساعة أو ساعة على

حسب الموضوع وبتلاقى لينك بتوديكى على الأسئلة عن الموضوع بعد لما تجاوبى ويكون نسبة الإجابات

الصحيحة عالية بتظهرلك طلب لبياناتك الى لازم تكتبيها صحيحة لأن دى الى هتتطبع لك فى الشهادة

الى ييعملوهالك بالوقت الى انتى عملتيه وممكن تطبعى الشهادة دى أو تجمعى ساعات على بعضها

وتتطبعى شهادة بيهم مرة واحدة ....................يارب أكون أفدتك

عند التقديم للهيئة لازم تكونى جايبة كل الشهادات دى وجيبة الملخص الى مكتوب فية المجموع على بعضة يعنى التوتل.

حضرتك هايخدوا منك صور الشهادات دى كلها + صورة الورقتين الى فى الأول الخاصين بمجموع ساعات التعليم الطبى ودول مهمين جداً.

[hazemtara]

السلام عليكم

بعد أما أخذت خطاب التوجة لمسكر تدريب الأطباء فى بورسعيد وطلعت على المعسكر بصراحة طلع مكان حلو نقضى فية بعض الوقت ونتعرف على بعض وكدة ونشوف مشاكل بعض وطريقة تفكير كل واحد فينا إزاى فى المستقبل وغيرة من الحاجات المهمة.

طبعاً المعسكر كان عاى نظام الجيش كدة غرف بكل منها سراير والسرير ضورين،،، طبعاً الموضوع مش جديد علية لأن كنت مغرم معسكرات فى الكلية ورحلات وغيرة.

المهمنظام المعسكر ما كنش يختلف كتير عن الى أنا متعود علية من حيث النظام والنوم والفسح والأكل والمطعم وغيرة.

الى كن غلس شوية حكاية المحاضرات وإنك لازم تحضرها وساعات كانت بتطول للعصر ، وأنا مش بحب كدة طبعاً كان فية حضور وتوقيع يعنى مش تعرف تُكوت ولا حاجة.

كل يوم كنا تخلرج نتفسح فى البلد ونلف ونشترى حاجات لينا هدوم وملابس وغيرة يعنى بعد حوالى يومين إتحولنا إلى تجار شنطة وكل واحد فينا عامل لة شنطة أد كدة مليانة هدوم.

أظرف ما فى الموضوع زميلاتنا الى كانت مثلاً مخطوبة والى على وش جواز دول كانوا بيشتروا بكميات غريبة ؟؟؟؟ :lol: ماكنتش متخيل هيعدوا بيها إزى من الجمرك.

لكن طبعاً طلع الموضوع سهل لأنهم كانوا عارفين إنة الباصات دى بتاعت الأطباء الى فى المعسكر ما حدش فتشنا أصلاص وعدينة من غير أى مشاكل من الجمارك.

أثناء المعسكر جالنا شيخ الأزهر ووزير الصحة وغيرة من الناس المسؤلة كتير!!!!!

أظرف حاجة والدكتور إسماعيل سلام وزير الصحة معانة واحد زميلنا وقعت علية ستارة من ستاير المعسكر وراسة إتفتحت.

الوزير طبعاً عالجة على طول وصرف لة 1000 جنية فوراً.

كل زملائنا كانوا بيقولوا مش أنا كنت أحق بى 1000 جنية دى لو أعدت تحت الستارة :P :happy: .

طبعاً كانوا أدونة 250 جنية فى نهاية المعسكر للى حضر وكمل وشهادة بإنك حضرت التدريب.

خلصنا المعسكر وريحنا يومين فى البيت وبعدين شدينا على الأقصر تانى.

طبعاً رحت ركبت القطر الأسبانى من بدرى وكنت حاجز من بدرى.

ورجعت المديرية فى الأقصر وإستلمت تانى الشغل وزعونى على مركز صحى على أطراف مدينة الأقصر إسمة مركز صحى العَواميِّة ودة كن متجدد لسة من فترة بسيطة.

إستلمت فية كطبيب تانى يومين كدة ولقيت المدير العام د/ أحمد الحناوى بيقول إجمع لية الشباب الجديد كلة خير ،،!!!! يا ريس

قال عندنا حملة تجريع للبلهارسيا فى كل قرى المدينى و ها نوزعكم على القرى المختلفة تجرعوا الناس وتساعدونا.

عربيات المديرية فاتت علينة فى الصبح الساعة 8 خدونوا كلنا ووزعونا على الوحدات الصحية وسلموا كل واحد فينا فى حدود 2000 قرص من الدستوسيد وقال لك عيش مع نفسك.

العبد لله جت لية عربية المدير العام نفسة لأنى كنت المتحدث شبة الرسمى للمجموعة وطبعاً لأنى الجهبز الى فى المجموعة كافئنى ووزعنى على واحدة من أكبر الأماكن وأكثرهم إتسعناً وهى قرية القبلى جامولا ؟

المهم رحت وبدأت أشتغل لقيت الموضوع زفت عمال ألف فى الحر وراسى ورمت من الشمس ومعاية ممرضتين من الصعيد وإتنين عمال وديرين زى الشحلتين على البيوت نخبط ونطلع العيال ونوزن وندى علاج وحاجة كدة مسخرة بصراحة ،، قلت بينى وبين نفسى أنا لو فضلت على دة الحال فى الشمس دى أنا إن شاء الله كلها نصف ساعة أهنج مباشرة.

قلت للعامل الى معاية هو فين المسجد الى هنا ودينى لة قال هو إنت عاوز تصلى الظهر ؟؟ قولت لة ظهر مين يا عم بس عرفنى سكتة.

رحت عند المسجد وقلت لهم نادولى على عامل المسجد ؟؟؟ طبعاً جالى بعد شوية ٌلت إفتحت يا إبنى ونادى فى الجامع إنة بنعطى أقراص للبلهارسيا جنب الجامع!!!! ومفيش هو مسك المكرفون من هنة والبلد كلها إتلمت علية فى 10 دقايق تألش بوزع حلاوة ؟؟ المهم خلصت كل الى معاية من الأقراص فى خلال ساعة؟؟؟

الواحدة من دولكانت تيجى تملى كشف وتأخذ للعيلة كلها ؟؟ كل واحدة تأخذ لها خمسين قرص لجوزها وعيلها وعيال جيرنها.

أنا ما صدقت أخلص الأقراص على طول شوية ولقيت واحد من البلد جاى واخدنى أنا والبنات والعمال وشربنا شاى وفطرنا وأخر روقان وأعدنا حبتين وصلينا الظهر ويجى واحد غيرة راسة وألف سيف لازم أتغدى أنا والناس الى معاية طبعاً وافقت على طول !!!!! وقلت فى نفسى لو مكنتش تحلف بس؟؟؟؟؟ :blink: :lol:

طبعاً والله الصعايدة من أكرم الناس ودى شهادة لله أفضل كتير من أهل بحرى وأنا من أهل بحرى لكن الى شفتة إنهم كُرَمة جداً.

المهم أنا كان لازم ما أرجعش قبل الساعة 2 الظهر لأن العربيات مش هتيجى تأخدنا قبل كدة.

خلصنا ورجعنا لمكان الوحدة تانى فى القبلى جامولا ورجعونا تانى للسكن فى الأقصر فى هذة المدة المدير العام تعرف علينا واحد واحد وعرف ظروف كل واحد منا وحط عينة على العبد لله.

شكلة ناوى يدبسنى فى حاجة كبيرة تليق بمقام العبد لله.

لما خلصت من الجيش وخلعت منه عرفت المكافئة المدير أم شددنى على بلد فى أخر الأقصر إسمها العَشِىِّ ودى أخر قرية على حدود الأقصر مع قنا

المهم كانت البلد كبيرة عاملة له مشاكل والموصلات بتاعتها بتنقطع بعد المغرب تماماً يعنى الى يتعب فيها ملوش غير الوحدة الصحية والطبيب الى فيها.

نكمل بعدين

[rewsha]

حلو القسم دا جدا بس يا رب ينشط كدا و يكون فيه ردود جزاكم الله كل خير..

دلوقتي عندي سؤال..بالنسبة لأطباء الأسنان المصريين اللي جالهم عقد عمل في السعودية

تبع وزارة الصحة..بيتوزعوا على الضواحي و ليس على المدن الكبيرة ...فهل الأفضل ان الواحد يدور على

عقد عمل خاص؟؟

بالنسبة لوزارة الصحة السعودية المفترض ان حضرتك وقت توقيع العقد فى مصر سواء كنت متعاقدة عن طريق مكتب التوظيف العودى فى الدقى او عن طريق شركة خاصة زى مصر الحجاز او بيونير انك بتعرفى عقدك دة فين مكانة بالظبط وتبع مديرية اية بالتحديد يعنى مثلا لو حضرتك قالوا لكى انت راحية مديرية الصحة فى المينة المنورة دة مش معناة انك رايحة المدينة نفسها لا ممكن تتوزعى فى اىمكتن داخل مديرية الصحة فى المينة سواء فى مستشفى مركزى او مستوصف صغير او مركز صحى او حتى هجرة يعنى الموضوع ملكيش اختيار فية لكن كثير من السادة الزملاء الى لهم ظروف زى مثلا الى عندة اولاد فى مدارس انترناشيونال او لازم يكون هو وزوجتة فى مكان قريب من بعض اثناء العمل طبعا يتم نقلهم لظروف الاسرة هذا بالضافة ان اختار المكان نفسة بيكون محل

نقاش فى مصر قبل حضرتك ما تيجى يعنى الموضوع عرض وطلب وكل واحد ومقامة يعنى انا شفت

اخصائية نساء بتختار بمزاجها ومش عاجبها حاجة وهم عمالين يتحيلوا عليها انها تقبل اى مكان وكان فية اخصائى تخدير سابهم ومشى والمدير السعودى ناقص عليه يبوس

رجلة طبعا دة مش مع كل الناس يعنى الطبيب العام والمقيم على قفى من يشيل :blink: :lol:

و ينفع النقل من وزارة الصحة للخاص ؟وللا الوضع في وزارة الصحة بيكون أفضل ؟

طبع الالنقا من الوزارة للخاص والعكس ممكن بس صعب لان النظام فى دول الخليج بيعتمد عل نظام الكفيل الى لازم يوافق الاول يعنى انا لو مديرك فى الصحة لازم اوافق على نقل كفالتك الى الخاص والعكس ودة لازم يكون رسمى وعلى ورق رسمى ولازم تروح الجوازات تنقل كفالة فيها ومع كل مرة جديدة للنقل رسوم 2000ريال اول مرة ثم 4000 ريال فى الثانية ثم6000 ريال وهكذا والحسابة بتحسب :happy: لكن بصفة عامة

رواتب الوزارة افضل والاجازة45 يوم مدفوع الاجر واستقدام الزوجة او الزوج مجانا والاولاد وتذاكر السفر مرة واحدة

ذهاب وعودة فى السنة وتوفير سكن او اعطائك بدل سكن 3 شهور كل سنة تعاقدية

و هل ممكن يتم نقل مكان العمل الى مدينة بدل القرى و الضواحي و بعد كام سنة ممكن التقديم

على طلب النقل؟

دة بيخضع للتفاوض مع الادارة فى المديرية :ninja:

أتمنى انه يكون السؤال مفهوم و لكم مني جزيل الشكر مقدما

و كل عام و انتم بخير

لا شكر على واجب وفي الخدمة

[طبيبة مستجدة]

الحمد للة انا نجحت فى الامتحان بس مش متسجلة لسة بس يعنى هو لازم اكون بشتغل علشان ساعات التعليم الطبي لانى ناوية ااجل موضوع الشغل شوية انشء اللة علشان الاولاد وخايفة مااكملش ساعات التعليم انشاء اللة بتاعة السنة دىلا لانى اعلرف ان كل سنة لازم 30 ساعة انشاء اللة وانا شهادة النجاح بقالها فترة ولو ماكملتش الساعات لاقدلر اللة السنة دى مش هينفع اجدد الترخيص ولا اية

[hazemtara]

الحمد للة انا نجحت فى الامتحان بس مش متسجلة لسة بس يعنى هو لازم اكون بشتغل علشان ساعات التعليم الطبي لانى ناوية ااجل موضوع الشغل شوية انشء اللة علشان الاولاد وخايفة مااكملش ساعات التعليم انشاء اللة بتاعة السنة دىلا لانى اعلرف ان كل سنة لازم 30 ساعة انشاء اللة وانا شهادة النجاح بقالها فترة ولو ماكملتش الساعات لاقدلر اللة السنة دى مش هينفع اجدد الترخيص ولا اية

حضرتك ياريت وضحى سؤالك شوية علشان أنا مش فلهم أو بمعنى أدق إشرحى لى إية وضعك بالظبط يعنى نجحتى إمتة وعاوزة إية وبتفكرى فى إية وأنا أحاول إن شاء الله اساعدك.

لكن شوفية ساعات التعليم الطبى حضرتك تجيبها فى يوم فى سنة هما مالهمش دعوة خالص ولا حد هيسئلك خالص كل الى لهم ورق وخلاص .

العبد لله جايب ساعات التعليم الطبى بتاعتى كلها فى يومين وراء بعض مباشرة يعنى يوم مثلاً السبت والأحد مباشرة لا تقولى لى كل سنة لواحدة ولا غيرة!!!!! الكلام دة مش مظبوط الموضوع براحتك خالص.

أهم حاجة زى ما وضحت من قبل تيبى الشهادات الى نزلتيها من موقع

www. medscape.com

تصوريها كلها دول حوالى 100 ورقة وتحطى معاهم cme tracker ودة بردة من الموقع وهوة عبارة عن ملخص لشغلك على الموقع وعدد الساعات الى إنتى حصُلت عليها من الموقع.

سهلة كدة الأمور ولا فى حاجة مش مفهومة.

بس الساعات دى مطلوبة للحاصلين على وظيفة وإنتهت مدة ترخيصهم فى الهيئة وعاوز يجدد الرخصة تانى ممكن يجدد 3 سنوات ودول عاوزين 90 ساعة تعليم طبى أو 5 سنوات ودول عاوزين 120 ساعة تعليم طبى.

اتمنى لكى التوفيق

[hazemtara]

السلام عليكم يا د/ حازم اولا اشكرك على المجهود الرائع اللي بتقوم بيه ثانيا انا عضوه جديده ودي اول مشاركه لي انا مش عارفه اكتب ازاي وفين علشان كده قلت ابعت لك رساله خاصه لاني مش عارفه الرد بتاعك هايكون فين المهم انا مش طبيبه زوجي هوه اللي طبيب وكان شغال في مستشفيات القوات المسلحه وطلع معاش وكل ما نروح مكتب لتقديم الورق علشان فرصة سفر يطلبوا منا شهاده الخبره رغم ان البكالريوس والماجستير بتاعه عين شمس وتقدير جيد جدا لكن المشكله في شهادة الخبره لانها طالعه عباره عن شهادة خبره لضابط عامل ولما قدمناها في احد المكاتب قالوا لنا مافيش شهاده خبره تانيه غير دي لان المطلوب اطباء لوزاره الدفاع في السعوديه وتقريبا مابيفضلوش الاطباء اللي طالعين معاش قوات مسلحه والعروض اللي تنفع معانا على مستوصفات خاصه فقط رغم انه خبره 19 سنه وانا مش عارفه نبطل نقدم للوظايف اللي في مستشفيات وزارة الدفاع السعودي بس وله كل المستشفيات الحكوميه مش حايتناسب معاها انه كان شغال في القوات المسلحه بس هوه معاش دلوقتي وبعدين هل نقابة الاطباء ممكن تديله شهاده خبره بعيد عن شهادة خبرة القوات المسلحه وله ايه الحل انا محبطه تماما لان فرصة العمل في مستشفيات حكوميه كده تكون ضاعت مننا ولو سمحت قوللي راْيك ورد عليه بسرعه لان الطلبات بتاعت المستشفيات اليومين دول وعايزه اعرف الخلاصه ايه ؟ نحلم بمستشفى حكومي في السعوديه وله نفقد الامل وندور على مستوصف خاص .

وربنا يجازيك خير يارب على المجهود بتاعك

بسم الله الرحمن الرحيم

هذه رسالة هامة جتلى على الخاص ونظراً لأهمية السؤال فأستأذن الخت الفاضلة صاحبة السؤال ان يكون الرد على سؤالها عاماً على صفحات المنتدى وانا حذفت أى شيئ يدل على شخصيتها حفاظاً على الخصوصية.

أختى الفاضلة العمل فى المملكة العربية السعودية لمثل حالة زوجك العزيز ليس لها أى مانع أو عائق إطلاقاً فى أى جهة صحية داخل السعودية سواء قطاع خاص أو حكومى،،،، يعنى زوج حضرتك ممكن يشتغل فى أى جهة عادى جداً يعنى ممكن فى مستوصف خاص أو مستشفى خاص أو مستوصف حكومى أو مستشفى حكومى سواء فى الصحة السعودية أو حتى الجهات العسكرية من حرس الحدود أو الحرس الوطنى أو المستشفيات العسكرية أو مستشفيات الهيئة الملكية أو أى جهة أخرى.

السعودية ليس لديها موانع أو عوائق بتاتاً.

المشكلة الوحيدة التى ممكن أن تمنع زوجك من العمل فى السعودية فى بعض الجهات وخصوصاً الحكومة هى السن أى لو تجاوز سن الزوج 60 سنة يعنى سن المعاش أو التقاعد هنا فى السعودية لأن القانون هنا حتى لو إنت شغال وهنا وسنك وصل 60 سنة بينهى عقدك وترجع بلدك للتقاعد.

القطاع الخاص ملوش رول يعنى على حسب الكفيل بتاعكم هو الى بيحدد.

المشكلة الحقيقية مش فى السعودية لا ؟؟؟ المشكلة فى مصر المحروسة؟؟؟!!!؟؟؟

يعنى إية مش فاهم

شوفى كدة ودى تجربتى انا وزوجنى مع العقود العسكرية.

زوجتى شغالة فى الحرس الوطنى السعوديى وطبعاً زوجتى لا كانت شغالة فى الجيش المصرى ولا مطوعة ولا معفاة من الجيش ولا حاجة ولا كانت طالعة طبى ولا من الجيش يعنى .

وإحنى نزلين مصر أجازة أخدت معاية عقد زوجتى علشان نغير مسمى الأجازة بتاعها من مرافقة زوج إلى تعاقد فى الحرس ولما روحنا المديرية الموظفة زى ما يكون قرصها تعبان ولا عضها كلب لما عرفت إن المدام رايحة تشتغل فى الحرس الوطنى وظهر عليها علامات الإشفاق علية وعلى زوجتى وطبعاص انا والمدام لم نتكتش مدى المصيبة الى منتظرنا ومدا صحة كلام الموظفة دى إلا بعدين.

طلعنا من عند الموظفة ورحنا لتصريح العمل ؟؟؟ بصلى الموظف وبحلق لى وكأن انا شكلى إرهابى ولا عامل عاملة ودون عن الناس ندانى الى رايح جهات عسكرية يجى على جنب ،، فى انا طلعت لة خير يا حج.

خير يا أستاذ خد ورقك وروح عند الظابط مدير الوحدة فسالتة خير هو فية حاجة ؟

بص لى ولسان حالة بيقول هو الود عبيط ولا بيستهبل؟؟

اة يا حبيبى لازم من عند المدير لأن أن لفتك طويلة وكبيرة؟؟؟؟

لفة إية وطويلة غية

المهم دخلت للظابط خير يا باشا؟؟

رد سعدتة بعد ما أعقد يبحلق فية انا وزوجتى من فوق لتحت هو إنتم الى راحين الحرس السعودى؟؟

رديت اة فية حاجة؟

لا مفيش حاجة هو إنتم ما لقتوش غير الحرس تشتغلوة فية؟؟؟

أنا وهو مالة الحرس ولم مؤخذة سعدتك تعرف حاجة غلط ممكن تعرفها لنا؟

لا بس دة جهة عسكرية أجنبية يا حضرت المحترم؟

طبعاص الإجابة كان نازلة علية زى الصاعقة يعنى إية أجنبية؟

هو يعنى لازم تجيب موافقة المخبارات العسكرية؟؟

مخابرات إية هو حضرتك مش واخذ بالك ولا إية المدام الى رايحة مش أنا ؟؟

هو ولو لازم المخابرات؟؟؟!!!!

انا ودى فين يا حضرت الموقر؟

الوحدة 13 فى مدينة نصر.!!

طبعاً روحت انا وزوجتى ولسان حالنا يلعن هذة البلد وهذا الروتين العقيم.

بعد كدة بيومين أخذت عربية خاصة ورحت القاهرة لأنى ما أعرفش حاجة فى القاهرة.

ونلف ونسأل على المخابرات لما إستويت يومها المهم وصلنا.

طلع لنا عسكرى وقال عاوز إية قلت لة عاوز تصريح للسفر.

هو إنتظر هنا ،، وبعد شوية جانى واحد لابس مدنى لكن بعد كدة عرفت إنة رائد وإدانى شوية ورق محترمين أملائهم انا وزوجتى.

كان منهم قرار الجازة وقرار موافقة حهة العمل على السفر وكل الشهادات موثقة ومعتمدة .

وخطاب من مقر الوحدة 13 العسكرية بالموافقة على السفر ودى فى العباسية وموافقة رئاسة تصريح العمل الى جنب مشيخة الأزهر وطبعاً العبد لله بلاطة مش عارف اى حاجة فى القاهرة والسواق الى معاية انا وزوجتى زينا أبيض يا ورد نطلع كبارى وننزل كبارى وعلى دة الحال.

طبعاً أى واحد حترم من دول كنت لازم اكون عندة مثلاص الساعة 8 ص يستلم الورق وعلشان يعطنى رد يقول لك الساعة 2 الظهر .

يا إبن الحلال أنا جاى من أخر الدنيا وسيب العيال وجى أنا وأمهم ومتبهدلين أخر بهدلة ؟؟؟؟

ولا حياة لمن تنادى

ألف سواح من مبنى المخابرات والوحدة 13 وتصاريح العمل والمديرية وواحد يجى يلقن زوجتى ويحلفها على المصحف غنها ما تتخابر مع جهات اجنبية وحاجة مسخرة.

الفيلم دة يأخذ منى أد إية 40 يوم طلع فيهم عينى انا وزوجتى لف ومصاريف لما ما كنتش شايف ادامى.

طيب دة إذا كانوا بيعملوا كدة مع ست أمال بقى الى زى جوزك الى هو كان ظابط هى دى المشكلة الكبرى الناس دى رخمة بجد.

لكن أنا شفت هنا ناس كانوا ظباط فى الجيش وهم شغالين دلوقت فى السعودية معانة هناوفى جهات عسكرية مفيش مشكلة بس بيتعب حبتين على بال ما يخلص الللية بتاعت المخابرات.

شهادة خبرت زوجك مش فيها مشكلة عادى هى مش شهادة طالعة لطبيب بردة ولا انا فاهم غلط

يعنى المكتوب فيها إنة عمل طبيب فى القوات المسلحة المصرية ولا إية؟؟؟

دى مش فيها أى مشكلة خالص بالعكس دى بتكون نقطة تفضيل لة عن غيرة من المتقدمين للجهات العسكرية السعودية

يا رب تكونى إستفدتى من حاجة وتحت أمرك.

[maged egy]

يا داكترة...

حد يا ولاد الحلال عايش في سلطنة عمان يقوللي رأيه...وظيفة طبيب عام اشعة تشخيصية خارج مسقط براتب اساسي 420ريال.....الاقامه غالبا هتكون في مكان العمل لاني اعزب....هل طبيب عام دي تسمح لك فعليا بالعمل في مجال تخصصك؟.....ارجو الافادة

[doha]

اطباء الرياض .. حد عنده فكرة عن الامتحان بتاع بكرا ده قصته ايه ؟ معمول ليه ولا نظامه ايه يعني شفهي ؟ تحريري ؟ طيب ولو حد سقط لا قدر الله ؟

اي معلومه كده على الماشي عشان ناس كتير اعرفها بتسأل وانا معنديش خبر قلت مفيش غيركم تجيبوا التايهة باذن الله ..

[طبيبة مستجدة]

انا الحمد للة نجحت فى امتحان الهىئة من 7 اشهر بس لسة مامعيش ترخيص للعمل علشان انا لم اتقدم للعمل علشان الاولاد بس انا مش عارفة خايفة لانى قرات ان لازم كل سنة اجيب 30 ساعة علشان انشاء اللة كمان تلات سنين اجدد التسجيل فى الهيئة

وكنت عايزة اسال هو ممكن لو قعدت فترة كدة من غير شغل ممكن ياثر على تقديمى للشغل بعد كدة مع انى معاى شهادة الهىئة

[hazemtara]

إعلان هام جداً

مطلوب وفوراً للعمل فى الإمارات العربية المتحدة فى ( أبوظبى)

مديرين طبين ، أطباء إستشارين وأخصائين ومقيمين وطبيب عام فى كل تخصصات الطب من

طوارئى -طب أسرة - باطنية - جراحة- غدد - أعصاب - نفسية - معدية -تخدير - عناية مركزة - نساء - اطفال - قلب- أشعة- جراحة قلب- معامل - عظام- عيون - مسالك- أوعية - جراحة مخ وأعصاب-كلى - جهاز هضمى ومناظير -جلدية - ميكروبيولوجى-أمراض دم- أنف وأن .

المميزات:

رواتب مغرية جداً -بدل سكن - بدل أثاث - بدل تعليم الأطفال - تذاكر طيران سنوية.

المراسلة على:

e mail: midabudhabi@gmail.com

إرسل ا c.v بسرعة جداً

هذا الإعلان منشور فى صحيفة الرياض السعودية بتاريخ 14 مارس 2009 م الصفحة 38.

والله الموفق للجميع

[hazemtara]

يا داكترة...

حد يا ولاد الحلال عايش في سلطنة عمان يقوللي رأيه...وظيفة طبيب عام اشعة تشخيصية خارج مسقط براتب اساسي 420ريال.....الاقامه غالبا هتكون في مكان العمل لاني اعزب....هل طبيب عام دي تسمح لك فعليا بالعمل في مجال تخصصك؟.....ارجو الافادة

توكل على الله الراتب دة كويس بالنسبة لسلطنة عمان بس دة اقل من دول تانية زى الإمارات أو الكويت أو قطر أو السعودية او البحرين.

أكيد هتشتغل فى تخصصك لأن الأشعة هيشغلك فى إية تانى يعنى.

بس إتفق فى السكن وتذاكر الطيران وشوف لو أتزوجت ممكن تجيب مراتك ولا إية طبعاً على حسابهم.

لو عقدك حكومى هتأخذ كل المميزات دى أما لو خاص مش شرط.

حسب الإتفاق.

[hazemtara]

الأخت روشة بريدك مغلق الأن ولا تستقبلى رسائل.

مش مطلوب توثيق أى شهادات الا لما زوجك ينجح فى المقابلة ويطلبوا منة أصول الشهادات وساعتها بس راح يوثق كل الشهادات بما فيها الخبرات حتى الى من النقابة.

الخلاصة

توثيق الشهادت بعد الإنترفيو والأن بس صور فى كل المكاتب الى أنتى مقدمة فيها وغير موثقة.

[ترنيم]

إعلان هام جداً

مطلوب وفوراً للعمل فى الإمارات العربية المتحدة فى ( أبوظبى)

مديرين طبين ، أطباء إستشارين وأخصائين ومقيمين وطبيب عام فى كل تخصصات الطب من

طوارئى -طب أسرة - باطنية - جراحة- غدد - أعصاب - نفسية - معدية -تخدير - عناية مركزة - نساء - اطفال - قلب- أشعة- جراحة قلب- معامل - عظام- عيون - مسالك- أوعية - جراحة مخ وأعصاب-كلى - جهاز هضمى ومناظير -جلدية - ميكروبيولوجى-أمراض دم- أنف وأن .

المميزات:

رواتب مغرية جداً -بدل سكن - بدل أثاث - بدل تعليم الأطفال - تذاكر طيران سنوية.

المراسلة على:

e mail: midabudhabi@gmail.com

إرسل ا c.v بسرعة جداً

هذا الإعلان منشور فى صحيفة الرياض السعودية بتاريخ 14 مارس 2009 م الصفحة 38.

والله الموفق للجميع

جزاكم الله خيرا يا دكتور حازم ............دايما سباق للخير :) :happy: :happy:

[طبيبة مستجدة]

انا رديت على حضرتك يا دكتور بخصوص ظروفى ارجو من حضرتك ابداء الراي

[hazemtara]

انا الحمد للة نجحت فى امتحان الهىئة من 7 اشهر بس لسة مامعيش ترخيص للعمل

نجاحك فى إختبار الهيئة معناة الموافقة على إنك تعملى فى السعودية ومش محتاجة رخصة عمل ومفيش حاجة إسمها رخصة عمل من أساسة.

علشان انا لم اتقدم للعمل علشان الاولاد بس انا مش عارفة خايفة لانى قرات ان لازم كل

سنة اجيب 30 ساعة علشان انشاء اللة كمان تلات سنين اجدد التسجيل فى الهيئة

بصراحة عمرى ما سمعت عن موضوع الثلاثين ساعة دة من قبل ودى أول مرة أسمعها ، أصلى أنا جبت ال90 ساعة بتوعى فى يومين فقط ورحت سأعدت تجديد ترخيصى فى الهيئة وما حدش إتكلم ولا قالى فين ال 30 ساعة وكل سنة ولا غيرة.

يعنى إلا أعرفة المهم تجيبى ال 90 ساعة فى أى وقت وزمان ومكان ومحدش بيدور وراكى ،،، دة أكيد.

الموقع هو

www.medscape.com

إدخلى وسجلى والموضوع تافة جداً ممكن تجيبى 1000 ساعة لو عاوزة.

وكنت عايزة اسال هو ممكن لو قعدت فترة كدة من غير شغل ممكن ياثر على تقديمى للشغل بعد كدة مع انى معاى شهادة الهئة

المهم إنك تحافظى على تسجيلك سارى المفعول يعنى تجددية على طول قبل ما يخلص

[طبيبة مستجدة]

جزاك اللة كل الخير يا دكتور

[جحا]

السلام عليكم

اولا احب اشكركم علي التوبيك المحترم و اشكر الدكتور حازم علي مجهوده و خبرته و اسلوبه اللذيذ

و معلش انا اسف يا دكتور حازم بس عايز منك المشورة الله يكرمك

انا اخصائي مختبر بكالوريوس الطب و الجراحة 2000 و ماجستير الباثولوجيا الاكلينيكية 2005 كنت نايب في الجامعة بس ما اتعينتش و بعدين خلصت النيابة في 2006 و رحت مسافر السعودية علي طول و من ساعتها و انا هنا شغال في مستوصف خاص بقالي حوالي سنتين و 8 شهور

المهم انا لما جيت ما كنش معايا خبرة و امتحنت علي طول و نجحت و صنفوني طبيب مقيم و من ساعتها و انا علي ده الحال و ما عرفتش اغيرها الي نايب

و بعدين انا بعت جبت شهادة خبرة من مصر من وزارة الصحة بحوالي سنتين و نص و هي بتتوثق من مصر و جيالي في السكة يعني انا دلوقتي خلاص اقدر بالاوراق اللي معايا اغير التصنيف من مقيم الي نايب

دلوقتي انا معايا نقل كفاله

و حبيت اخد رأيك اعمل ايه انا قدامي عروض كتيرة في المستوصفات الخاصة

بس انا نفسي اروح القطاع العام

فيا ريت تعرفني حضرتك ايه هي مستشفيات القطاع العام اللي متاحة لي وزارة صحة او غيره

و ياريت يكون برضه التقديم عن طريق الفاكسات او الايميل لان انا في محافظة نائية في منطقة مكة المكرمة

و بنا يخليك لينا

[جحا]

معلش برضه يا دكتور حازم

انا جايلي عقد في قطر علي 11 الف ريال قطري بس طبعا لازم انزل مصر ايه رأيك