مغترب-طبيب/ صيدلى/ تمريض اتفضل معانا

[جحا]

معلش يا جماعة انا تقلت عليكم بس الموضوع مهم

انا جايلي عرض في مستوصف في جدة علي 10000 ريال + 21 يوم اجازة سنوية + 15 يوم مكافأه + سكن عائلي مؤثث + دوام 8 ساعات

و فيه عرض تاني علي 11000 برضه في جده في مستوصف + نفس المزايا السابقة

وانا مقدم اوراقي في مكتب التوظيف السعودي في مصر و اتصلوا و قالوا ان المقابلات هتبقي في نص شهر اربعه الجاي

انا بصراحة مش عارف ايه الافضل يعني اعمل نقل كفاله و اروح مستوصف في جدة افضل او انني انزل مصر و ارجع حكومة

المستوصفات المعروضة عليا في جدة هي مجمع الثميري الطبي بشارع التحلية و مستوصف دكتورة نبيله درويش

فياريت يا جماعة تشوروا عليا و لو حد يعرف حاجة عن المستوصفات دي يقولي

و شكرا للجميع

لو سمحت يا دكتور حازم ممكن تشوف الاعلان ده و تقولي المميزات الموجودة في وزارة الداخلية

http://www.moheet.com/docViewer.aspx?docid=10185053988610056

تم تعديل 18 مارس 2009 بواسطة جحا

[hazemtara]

السلام عليكم

اولا احب اشكركم علي التوبيك المحترم و اشكر الدكتور حازم علي مجهوده و خبرته و اسلوبه اللذيذ

و معلش انا اسف يا دكتور حازم بس عايز منك المشورة الله يكرمك

انا اخصائي مختبر بكالوريوس الطب و الجراحة 2000 و ماجستير الباثولوجيا الاكلينيكية 2005 كنت نايب في الجامعة بس ما اتعينتش و بعدين خلصت النيابة في 2006 و رحت مسافر السعودية علي طول و من ساعتها و انا هنا شغال في مستوصف خاص بقالي حوالي سنتين و 8 شهور

المهم انا لما جيت ما كنش معايا خبرة و امتحنت علي طول و نجحت و صنفوني طبيب مقيم و من ساعتها و انا علي ده الحال و ما عرفتش اغيرها الي نايب

و بعدين انا بعت جبت شهادة خبرة من مصر من وزارة الصحة بحوالي سنتين و نص و هي بتتوثق من مصر و جيالي في السكة يعني انا دلوقتي خلاص اقدر بالاوراق اللي معايا اغير التصنيف من مقيم الي نايب

دلوقتي انا معايا نقل كفاله

و حبيت اخد رأيك اعمل ايه انا قدامي عروض كتيرة في المستوصفات الخاصة

بس انا نفسي اروح القطاع العام

فيا ريت تعرفني حضرتك ايه هي مستشفيات القطاع العام اللي متاحة لي وزارة صحة او غيره

و ياريت يكون برضه التقديم عن طريق الفاكسات او الايميل لان انا في محافظة نائية في منطقة مكة المكرمة

و بنا يخليك لينا

وعليكم السلام ورحمة الله وبركاتة

إزيك يا د/جحا :unsure:

ظروف حضرتك قريبة جداً من ظروفى أنا شخصياً ،، لكن شوف نحسبها مع بعض ، الموضع لة عدة جوانب لازم دراستة من كل النواحى يعنى لازم يؤخذ على بعضة ربطة واحدة على رأى هانى رامزى ( لوكشة واحدة)

1- فى وزارة الصحة السعودية حضرتك هاتشتغل أخصائى أساسى راتبك (8050 ريال ) + 3 سنوات خبرة حوالى 1300 ريال + 400 ريال بدل نقل = يعنى تقريباً كلة قريب من 10000 ريال سعودى.

بدل سكن سنوياً حوالى 30000 ريال + أجازة 45 يوم مدفوعة الأجر+ تذاكر طيران لى 4 أشخاص.

وإمتيازات أخرى زى سهولة إنهاء عقدك وقتما شئت و سهولة عمل زيارة لوالديك للعمرة والحج وإستقدام الأولاد والزوجة دة مفيش فية مشاكل.!!!! وهكذا.

رأى إنة العقود المعروضة عليك كلها متقاربة سواء فى السعودية أو خارج السعودية.

الى ممكن تكون أعلى لك هى الجهات العسكرية زى الحرس الوطنى أو قوى الأمن ودى أنا تكلمت عليها من قبل راجع الصفحات السابقة.

الموضوع عندك إنت يعنى لوعاوز تخليك قريب من الحرم يبقى مكة تكسب .

لو زهقان من الخنقة الى فى السعودية يبقى شد على قطر أو الإمارات أو غيرة .

راتب 10000 ريال فى الخاص معقول بس كام ساعة دوام ساعات بعضهم بيستهبل ويخليك تداوم 12 ساعة الحكومة 8 فقط.

الأجازة فى الكحومة أفضل وأكبر وبدل السكن احلى أكبر.

دور الموضوع فى دماغك الفروق مش كبيرة

ربنا يسهلك طريقك.

:happy:

[hazemtara]

معلش يا جماعة انا تقلت عليكم بس الموضوع مهم

انا جايلي عرض في مستوصف في جدة علي 10000 ريال + 21 يوم اجازة سنوية + 15 يوم مكافأه + سكن عائلي مؤثث + دوام 8 ساعات

و فيه عرض تاني علي 11000 برضه في جده في مستوصف + نفس المزايا السابقة

وانا مقدم اوراقي في مكتب التوظيف السعودي في مصر و اتصلوا و قالوا ان المقابلات هتبقي في نص شهر اربعه الجاي

انا بصراحة مش عارف ايه الافضل يعني اعمل نقل كفاله و اروح مستوصف في جدة افضل او انني انزل مصر و ارجع حكومة

المستوصفات المعروضة عليا في جدة هي مجمع الثميري الطبي بشارع التحلية و مستوصف دكتورة نبيله درويش

فياريت يا جماعة تشوروا عليا و لو حد يعرف حاجة عن المستوصفات دي يقولي

و شكرا للجميع

لو سمحت يا دكتور حازم ممكن تشوف الاعلان ده و تقولي المميزات الموجودة في وزارة الداخلية

http://www.moheet.com/docViewer.aspx?docid=10185053988610056

زى ما سبق وقلت لحضرتك العروض دى كلها متقاربة جداً والموضوع على حسب مين الى أفضل فى التعامل مين الى أكثر أدباً مين الى مكانة حلو وفى نص البلد وهكذا أما الرواتب لا أظن.

بالنسبة للمستوصفين الى حضرتك ذكرتهم خذ رأى الدكتور محمد الشامى لأنة عايش فى جدة.

ودة موقعة

http://www.egyptiantalks.org/invb/?showtop...515#entry344391

:unsure:

[rewsha]

السلام عليكم ردا على الدكتور اللي بيساءل عن عرض المستوصف اللي ب 10000 و11000في مثل بيقول عصفور في اليد خير من الف على الشجره فده بيعتمد على انت بتشتغل بكام وايه مميزات الشغل بتاعك وهل انت مرتاح فيه وله لا لكن عموما اللي باسمعه عن المستوصفات الخاصه مابيريحش يعني ممكن تروح مكان وينفذوا اللي مكتوب لك في العقد ومكان تاني ماينفذوش اللي مكتوب . يعني انت وبختك .احنا لسه بصراحه مجربناش لان انا زوجي طبيب وبندور على سفر للسعوديه لكن هوه ده اللي سمعناه وعلى فكره اتعرض علينا في مستوصفات في الرياض نفس المرتب ده لكن علشان احنا لسه على البر. بصراحه جميع الاخوه المصرييين في السعوديه نصحونا باننا نخلينا مع الحكومه افضل بكتير بالنسبه لقيمة المرتب والبدلات والاجازه 45 يوم وتذاكر السفر لكن لما مانلاقيش فرصه لينا في الحكومه اكيد هاندور على خاص بس النصيحه بقه اللي قالوها لينا اننا نساْل كويس على المكان اللي احنا رايحينه قبل ما نمضي العقد بس حضرتك ماتسيبش الشغل اللي انت فيه الا لما تتاْكد من فرصة الشغل التانيه علشان ماتخسرش الاتنين

[جحا]

اشكرك يا دكتور حازم علي اهتمامك و سرعه ردك و انا ان شاء الله هاتابع معاك الموقف و ابلغ حضرتك بكل جديد و انا في كل الاحوال لسه قاعد في المكان اللي شغال فيه لحد ما الاقي مكان كويس و الكفيل مافيش مشكلة عنده يعني هو سايبني براحتي ادور و مرتبي ماشي و مديني كل الصلاحيات سواء نقل كفاله او نهائي

و شكرا ليكي يا دكتورة روشة و ان شاء الله تيجي بالسلامة و ربنا يوفقك

[rewsha]

السلام عليكم . ممكن اساْل انا بقه سؤال . عن امتحان مكتب التوظيف السعودي ده بيكون شكله ايه؟ شفوي وله تحريري وعن نفس التخصص اللي الواحد متقدم له وله في الطب عموما ؟ والناس اللي بيمتحنوك جنسيتهم ايه سعوديين وله مصريين ؟ واهم حاجه بقه النتيجه بتاعت الامتحان بتطله امته؟ في نفس اليوم وله بعدها بقد ايه ؟ واللي عنده اي معلومه تانيه يبقى كتر خيره برضه.

[hazemtara]

السلام عليكم . ممكن اساْل انا بقه سؤال . عن امتحان مكتب التوظيف السعودي ده بيكون شكله ايه؟ شفوي وله تحريري.

شفوى طبعاً وممكن لو فية ممتحن رخم يضع بعض الأسئلة النظرية بس دة بنسبة 1% مثلاً.

وعن نفس التخصص اللي الواحد متقدم له وله في الطب عموما ؟

فى نفس التخصص الى حضرتك مقدمة علية فقط.

والناس اللي بيمتحنوك جنسيتهم ايه سعوديين وله مصريين ؟

سعودين فقط.

واهم حاجه بقه النتيجه بتاعت الامتحان بتطله امته؟ في نفس اليوم وله بعدها بقد ايه ؟ واللي عنده اي معلومه تانيه يبقى كتر خيره برضه.

النتيجة فى نفس اليوم بتعرفيها على طول غالباً.

[hazemtara]

اشكرك يا دكتور حازم علي اهتمامك و سرعه ردك و انا ان شاء الله هاتابع معاك الموقف و ابلغ حضرتك بكل جديد و انا في كل الاحوال لسه قاعد في المكان اللي شغال فيه لحد ما الاقي مكان كويس و الكفيل مافيش مشكلة عنده يعني هو سايبني براحتي ادور و مرتبي ماشي و مديني كل الصلاحيات سواء نقل كفاله او نهائي

و شكرا ليكي يا دكتورة روشة و ان شاء الله تيجي بالسلامة و ربنا يوفقك

بالتوفيق إن شاء الله

تذكر دائماً الحكومة أفضل بكثير فى أى مكان وأى جهة ( وزارة صحة أو حرس أو قوى الأمن ). :unsure:

[ابو سامى المصرى]

السلام عليكم يا دكتور حازم انا عضو جديد فى المنتدى وتابعت تقريبا اغلب ردودك والله اسلوبك شيق ما شاء الله عليك انا سعيد انى انا معاكم هنا فى المنتدى الرائع ده

انا محاسب 27 سنة من 3 سنين فى السعودية فى مدينة جدة راتبى 3000 ريال + بدل السكن والمواصلات

وبصراحة وانا فى مصر مشتغلتش محاسب كنت شغال مندوب فى شركة ادوية مندوب مبيعات تقريبا قعدت شغال سنتين انا خريج تجارة 2003 م استفسارى عن مندوب مبيعات فى شركة ادوية

بمعنى انا دلوقتى معاى نقل كفالة كنت عاوز اعرف لو اشتغلت مندوب عاوز اعرف الرواتب من كام العمولة تقريبا المميزات الافضل اكمل فى مهنة المحاسبة ولا اشوف مندوب عشان انا بسمع ان مندوبين مبيعات الادوية بيعملو فلوس كويسة يا ريت تفيدنى وشكرا

[المر]

السلام عليكم دكتور حازم

انا استفدت من المعلومات المفيدة جدا فى الباب. انا بكالوريوس تمريض خبرة 11 سنة قسم العمليات منها 9 سنين فى السعودية . سؤالى لحضرتك انا هخلص عقدى بعد

5 شهور لو قدمت خلال مكتب التوظيف السعودى بالقاهرة هيكون فرصة جيدة فى الحصول على عقد عمل . و فى حالة حصولى على العقد هل ممكن اعمل استقدام

لزوجى و اولادى. آسفة على الاطالة و شكرا على المعلومات التى فى الباب.

:winner: :happy: :wub: :D :D

[hazemtara]

السلام عليكم دكتور حازم

وعليكم السلام ورحمة الله

انا استفدت من المعلومات المفيدة جدا فى الباب.

الله يكرم أصلك ويبارك لكى.

انا بكالوريوس تمريض خبرة 11 سنة قسم العمليات منها 9 سنين فى السعودية .

بكالوريوس التمريض فرصة عالية جدا! فى السعودية عن دبلوم التمريض هذا أولاً

ثانياً: حضرتك ممرضة عمليات فدى ميزة تانية ليكى وفرصك عالية جداً لو رحتى مكتب التوظيف السعودى هما محتاجين كتير اليومين دول من هذة الفئة وبيبحثوا عنها فى كل مكان.

قدمى ومش تترددى وإن شاء الله خير .

سؤالى لحضرتك انا هخلص عقدى بعد

5 شهور لو قدمت خلال مكتب التوظيف السعودى بالقاهرة هيكون فرصة جيدة فى الحصول على عقد عمل .

فرصتك كبيرة جداً جداً وراتبك محترم جداً.

و فى حالة حصولى على العقد هل ممكن اعمل استقدام

لزوجى و اولادى.

إستقدام الزوج والأولاد من حقك طبعاً محدش يستطيع يمنعك من كدة بس فية نقطة هأسئل فية بكرة وأرد عليك وهى هل هيكون الإستقدام ليكى مجاناً زى الأطباء ولا هيدفعوكى فلوس فى الجوازات بس بصفة عامة معانة كتير ممرضات مستقدمين أسرهم كلها وسكنين فى البلد هنا ومبصوطين جداً.

آسفة على الاطالة و شكرا على المعلومات التى فى الباب.

:blink: mfb:

نورتينى وخدى راحتك فى الأسئلة

[maged egy]

شكرا د حازم علي الاهتمام

انا لسه متردد شوية عشان المبلغ قليل حبتين...لكن ارجو اني اتخذ قرار نهائي قريب...هي الميزة الوحيدة في الموضوع هي الناس نفسها بتوع عمان ...انا اسمع انهم طيبين و عشريين...شكرا مرة تانيه

[أحمد نافع]

السلام عليكم ورحمة الله وبركاته

جزاكم الله كل خير على المجهود الجامد جدا ده

انا عندى استفتسار بخصوص عقد لصيدلى فى جازان فى مجموعة صيدليات عزيز ( ياريت لو اى حد يعرف حاجة عنها يقولى وظروفها ايه بالظبط ) المهم العقد ده راتب 3500 ريال فى الشهر و 600 ريال بدل سكن وأجازة شهر فى السنة مدفوع الأجر بتذكرة سفر ذهاب وعودة .... ياريت تفيدونى افادكم الله ةاللى يعرف اى حاجة عن ( مجموعة صيدليات عزيز ) يقولى ومتشكر جدا

[hazemtara]

السلام عليكم ورحمة الله وبركاته

جزاكم الله كل خير على المجهود الجامد جدا ده

انا عندى استفتسار بخصوص عقد لصيدلى فى جازان فى مجموعة صيدليات عزيز ( ياريت لو اى حد يعرف حاجة عنها يقولى وظروفها ايه بالظبط ) المهم العقد ده راتب 3500 ريال فى الشهر و 600 ريال بدل سكن وأجازة شهر فى السنة مدفوع الأجر بتذكرة سفر ذهاب وعودة .... ياريت تفيدونى افادكم الله ةاللى يعرف اى حاجة عن ( مجموعة صيدليات عزيز ) يقولى ومتشكر جدا

أهلاً دكتور أحمد:

مبدئياً أنا معرفش حاجة عن صيدليات عزيز ولكن الراتب المعروض عليك 3500 ريال دة كويس ومعقول بالنسبة للمتاح للصيدلة ووجود بدل سكن دة ممتاز لأن معظمهم ممكن ما يعطكش بدل سكن فى القطاع الخاص.

نيجى لتذكرة السفر هل هى طيران لأن معظمهم بيعطى تذكرة باص وليس طيران.

لو تذكرتك طيران يبقى توكل على الله.

ربنا يكرمك. :blush2:

[hazemtara]

شكرا د حازم علي الاهتمام

انا لسه متردد شوية عشان المبلغ قليل حبتين...لكن ارجو اني اتخذ قرار نهائي قريب...هي الميزة الوحيدة في الموضوع هي الناس نفسها بتوع عمان ...انا اسمع انهم طيبين و عشريين...شكرا مرة تانيه

توكل على الله يا دكتور مفيش داعى للتردد ،، شوف كل زملائى الى راحوا سلطنة عمان مبصوطين جداً ومفيش منهم حد رجع ولا بيفكر يرجع الأن ،، عكس السعودية ناس كتير حصلت لها مشاكل ونزلت مصر تانى.

:blush2:

[hazemtara]

السلام عليكم يا دكتور حازم انا عضو جديد فى المنتدى وتابعت تقريبا اغلب ردودك والله اسلوبك شيق ما شاء الله عليك انا سعيد انى انا معاكم هنا فى المنتدى الرائع ده.

والله أنا أسعد بيك وبمعرفتك وشكراً جزيالً لك.

انا محاسب 27 سنة من 3 سنين فى السعودية فى مدينة جدة راتبى 3000 ريال + بدل السكن والمواصلات

وبصراحة وانا فى مصر مشتغلتش محاسب كنت شغال مندوب فى شركة ادوية مندوب مبيعات تقريبا قعدت شغال سنتين انا خريج تجارة 2003 م استفسارى عن مندوب مبيعات فى شركة ادوية

بمعنى انا دلوقتى معاى نقل كفالة كنت عاوز اعرف لو اشتغلت مندوب عاوز اعرف الرواتب من كام العمولة تقريبا المميزات الافضل اكمل فى مهنة المحاسبة ولا اشوف مندوب عشان انا بسمع ان مندوبين مبيعات الادوية بيعملو فلوس كويسة يا ريت تفيدنى وشكرا

رواتب مندوبين المبيعات فى السعودية بتختلف من شركة لأخرى يعنى الموضوع ملوش قاعدة معينة مش نقدر نؤل إنة راتبهم كذا على وجة التحديد ، لكن الشركات الكبرى زى ABOOT (أبووت) أو فيزر أو جلاسكو بتعطى رواتب عالية وعمولات عالية وممكن سيارة وخلافة ، بس زى ما قولت لك الموضوع بيختلف من شركة لأخرى.

الى شفتة عندى هنا من الشركات الصغيرة أو التعبانة إنة المنوب بتاعها بيتبهدل بصراحة من اللف والدوران ، لكن للأسف نظراً لأن الشركات دى بتضيق على الناس دى ممكن كتير منهم يغلط ويبيع دواء لحسابة أو يعمل صفقات لحسابة دون علم الكفيل ، ودة طبعاً حرام.

أما وظيفة محاسب فدى ممكن راتبها أقل لكن معروف إنك مش بتلف برة كتير وحركتك على الطرق قليلة لكن الرواتب بتكون أقل طبعاً.

ربنا يوفقك :blush2:

[icehearted girl]

إعلان هام جداً

مطلوب وفوراً للعمل فى الإمارات العربية المتحدة فى ( أبوظبى)

مديرين طبين ، أطباء إستشارين وأخصائين ومقيمين وطبيب عام فى كل تخصصات الطب من

طوارئى -طب أسرة - باطنية - جراحة- غدد - أعصاب - نفسية - معدية -تخدير - عناية مركزة - نساء - اطفال - قلب- أشعة- جراحة قلب- معامل - عظام- عيون - مسالك- أوعية - جراحة مخ وأعصاب-كلى - جهاز هضمى ومناظير -جلدية - ميكروبيولوجى-أمراض دم- أنف وأن .

المميزات:

رواتب مغرية جداً -بدل سكن - بدل أثاث - بدل تعليم الأطفال - تذاكر طيران سنوية.

المراسلة على:

e mail: midabudhabi@gmail.com

إرسل ا c.v بسرعة جداً

هذا الإعلان منشور فى صحيفة الرياض السعودية بتاريخ 14 مارس 2009 م الصفحة 38.

والله الموفق للجميع

مش عاوزين طلبة ف بكالريوس طيب brth)

[أحمد نافع]

شكرا د/ حازم على رد حضرتك هى التذاكر طيران متشكر جدا لحضرتك وياريت لو حد مصرى عايش فى جيزان يقدر يفيدنى عن مجموعة صسدليات عزيز لأنى معرفش اى حاجة عنها

[طبيبة مستجدة]

لو سمحتوا يا جماعة حد عندة فكرة عن حضانة لالاطفال فى جدة بس تكون مسائية ولو حد ممكن يدلنى لو عايزة اشتغل مساء اية الحلول الاافضل علشان الاولاد حضانة ولا خادمة بس باليوم وانا عندى طفل اقل من سنة

[طبيبة مستجدة]

عايزة اعرف ايهم افضل واسهل الحصول على خادمة من مكتب الاستقدام ام بطرقة غير شرعية واية الضمانات اللى لازم تكون معاية علشان لو حبيت اسيب معاها الاولاد حد من اللى عندة خادمة يفيدنى؟