مغترب-طبيب/ صيدلى/ تمريض اتفضل معانا

[hazemtara]

r

dehgfd السلام عليكم ورحمة الله وبركاته*/

بلفعخ اخوانى الاعزاء انا سعيد جداااا بالانضمام معكم فى هذا الموضوع........................

اب اخونا الفاضل الدكتور حازم عندى سؤال لحضرتك وارجو منك المساعدة

اعلن الدكتو وزير الصحة الكويتى عن احتياجه ل2000ممرض وممرضه من خارج اليلاد وانا اعمل فنى تمريض واحتاج المساعدة عن كيفيه تقديم االاوراق والتعاقد مع الوزارة او اى موستشفى خاصة فهل يمكن ان تساعدنى وجزاك الله خيرااا

......

ت

الفاضل شمس أنا معلوماتى عن الكويت قليلة لكن سألت أصحابى فى الكويت وكان دة الرد الى جانى على الخاص

أتمنى تستفيد منة

اعتقد ان الاخ اللى بيسأل يروح مكتب الملحق الصحى الكويتى فى القاهرة - المهندسين و يسأل هناك

اعتقد ممكن يدلوه

لك منى كل السلام والتحية.

bv:-

[ibngazary]

ياترى فى عقود عمل كممارس عام بس من غير خبرة

[Dr.mmfriend]

شكرا لك يادكتور حازم. على المعلومات القيمه دي. وكنا مفتقدين مواضيعك المفيده اليومين اللي فاتوا. بس السؤال صحيح منين الدكتور بياْمن ضد مخاطر المهنه ومنين الباكستاني كنتوا بتلموا له. وياترى المبلغ بتاع التا~مين بيكون في حدود قد ايه؟ وعايزين نفتح موضوع المدارس بقه اخبارها ايه وبكام علشان الواحد يكون ملم بكل حاجه انشاء الله . واخبار الدي اس ال ايه في السعوديه يعني هنا في مصر ب30 جنيه في الشهر ياترى في السعوديه هانضرب ال30 في كام علشان الواحد يعمل اشتراك للنت ودعواتنا لك. على فكره بيعجبني انك لما بترد على حد بتقسم كل سؤال وتكتبه وترد عليه .وده معناه انك بتتميز بالدقه . ربنا معاك ويوفقك

النت فى السعوديه متوفر ومتنوع

لكن بشكل عام اغلى من مصر

انا قضيت فتره طويله استخدم موبايلى كونيكت وده نت عن طريق الموبايل كان بيكلفنى 100 ريال شهريا مقابل واحد جيجا بس

طبعا كان بيتخرب بيتي ونت ممل

ربنا كرمنى ونقلت شقه جديده لقيت الناس موصلين شبكه دى اس ال ومقسمين على بعض بيكلف حاليا 50 ريال شهريا واحتمال ينزل السعر كمان

كل شويه بتنزل عروض وحاجات

بوجه عام فى الاول لازم تجيب موبايل نضيف بيدخل نت او تستخدم الجهاز اليو اس بى الى بيلقط النت وده سعره حوالى 500 ريال

او اشتراك نت عن طريق الخطوط الارضيه الدى اس ال حسب الظروف ولو عندك تليفون او لا وكده

الوايرلس مش حلو فى السعودية لأنة بطيئ وسهل أنة يُسرق منك كمان النت الى من الموبايل مش حلو ،أفضل حاجة النت عن طريق الخط الأرضى خصوصاً لو تشترك مع حد ، أنا مشترك مع زملاء لية فى خط 512 كيلوبايت وبدفع حوالى 30 ريال فى الشهر بس.

إزيك يا عم إم إم والله لك وحشة. :lol:

ازيك يا د حازم

والله انت كمان ليك وحشه وراجل زى العسل

انا هبعتلك ايميلى وموبايلى فى الخاص نرغى شويه

لو عند حضرتك وقت يعنى فده شىء يشرفنى جدااااااااا

اقعدوا بالعافيه

[dentogabalo]

الف شكر يا باشا و مستنيك نتقابل ..

. وندردش بخصوص العقد ..

[hazemtara]

ياترى فى عقود عمل كممارس عام بس من غير خبرة

بالنسبة للحريم ممكن ،لأنهم محتاجين أى سِت والسلام إن شاالله بس تُقابل المَريِضَات ولهذا ممكن يخدوا الحريم حتى لو لسة متخرجة من الكلية ، بس مُش دى القاعدة العامة ي, يعنى لو إتنين مُتقدمين واحدة معاها دبلوم والأخرى بس يا دوب متخرجة أكيد ها يأخدوا أم دبلوم.

لكن التانية ممكن يُكون لها فرصة أحسن من الذكور زملائها.

الذكور الى شُفتة هنا فى المديرية عدد قليل جداً ممكن يتعاقدوا معاهم لو عندة سنتين خبرة .

أقل من كدة لم أرى أحد ؟؟؟؟؟!!!!!.

[hazemtara]

ازيك يا د حازم

والله انت كمان ليك وحشه وراجل زى العسل

انا هبعتلك ايميلى وموبايلى فى الخاص نرغى شويه

لو عند حضرتك وقت يعنى فده شىء يشرفنى جدااااااااا

اقعدوا بالعافيه

الله يعافيك :lol:

يا رب أكون فاضى اليوم ولكن لو مافيش وقت اليوم هتلاقينى مُعظم الوقت أُن لاين علشان بأرد على الناس وعلى أسئلتهم.

الف شكر يا باشا و مستنيك نتقابل ..

. وندردش بخصوص العقد ..

على إية يا راجل دة إنت تُأمر

إن شاء الله لو عندى وقت اليوم أدخل على الشات.

سلام الأن علشان عندى مصطبة :lol: تانية لازم أوقع فيها حُضور الأن :)

[icehell]

سلام عليكم د.حازم:

انا طبيب عام ٤ سنوات خبرة

ممكن الاقي عقد في الخليج ٦ شهوربس?

عشان اناهدفي الاساسي استراليا........

وبعدين انا بزهق بسرعة ومش حاستحمل اقعد سنة في مكان واحد!

ولو اصريت وسبتهم حايتكتبلي نهاءي واتمنع ادخل السعودية تاني?

[طبيبة مستجدة]

طب يا دكتور حازم ردا على السؤال بخصوص عدد سنوات الخبرة هل بيفرق مكان الخبرة يعنى هل السنتين خبرة فى مركز صحى بيفرق عن سنتين فى مستشفى حكومى ولا هما مايفرقش معاهم؟؟؟؟؟؟؟؟

[hazemtara]

طب يا دكتور حازم ردا على السؤال بخصوص عدد سنوات الخبرة هل بيفرق مكان الخبرة يعنى هل السنتين خبرة فى مركز صحى بيفرق عن سنتين فى مستشفى حكومى ولا هما مايفرقش معاهم؟؟؟؟؟؟؟؟

أى شهادة خبرة من الحكومة المصرية ( يعنى من مكان عمل حكومى فى مصر) أى كانت يُأخذ بها مباشرة ولا يُناقشكى فيها أحد.

توضيح

يعنى لو حضرتك إشتغلت فى محافظة القاهرة مثلاً فى الريف ،،هيكتبوا لكى فى شهادة الخبرة والمَذكورة عملت فى مديرية الشؤن الصحية فى القاهرة فى الفترة من كذا إلى كذا وهذة الشهادة سيتم توثيقها مباشرة ولن يسألك أى أحد عن أى تفاصيل بها سواء من مركز صحى ولا غيرة.

لو حضرتك إشتغلت فى مستشفى تايعة لمحافظة القاهرة ، هيكتبوا لكى فى شهادة الخبرة نفس الكلام ولن يسألك أى أحد عن أى تفاصيل بها.

لكن

لو إشتغلتى فى قطاع خاص فى مصر هى دى المشكلة سيطلب منك الرقم التأمينى وإنك توثقى الشهادة ولما تروحى توثقيها ، لازم تكون المستشفى الى إشتغلت فيها مأمنة عليكى ولك رقم فى التأمينات ولفة أم العروسة وفى الأخر ممكن تفشلى فى توثيق الشهادة.

[hazemtara]

سلام عليكم د.حازم:

انا طبيب عام ٤ سنوات خبرة

ممكن الاقي عقد في الخليج ٦ شهوربس?

عشان اناهدفي الاساسي استراليا........

وبعدين انا بزهق بسرعة ومش حاستحمل اقعد سنة في مكان واحد!

ولو اصريت وسبتهم حايتكتبلي نهاءي واتمنع ادخل السعودية تاني?

وعليكم السلام يا أيس هيل

فى القطاع الخاص صعب أنة حد يشغلك 6 شهور معظم عقود القطاع الخاص هنا سنتين ، وحتى لمدة سنة واحدة قليلة جداً.

وفى الحكومة أيضاً العقود سنة كاملة.

لكن حضرتك ممكن تلعب الموضوع كدة فى الخباثة بدون ما تكشف ورقك ،، ها تسألنى وتقولى إزاى يعنى؟؟؟؟

أشرح لك

حضرتك تروح تتعاقد عادى جداً مع الحكومة السعودية ، يعنى تأدم فى أى من الأماكن التى ذكرتها من قبل وتدخل الإختبار.

كدة تمام ، وتوقع العقد عادى خالص وما تجبش لا حس ولا خبر عن موضوع الى 6شهور بتوعك دول من أساسة لأى أحد لا فى مصر ولا هنا لما تيجى السعودية.

إنت عارف لو أنا صاحب مستوصف وحضرتك قولت لى كدة ؟؟؟!!!!! مُش عارف ممكن أعمل أية معاك ، بس أكيد مُش هاأكون لطيف معاك ،، :happy: ما تزعلش من الصراحة وخلى صدرك حُنَيَّن معاية وخُد نفس عميق وصحصح كدة فى البُوقين الى جاين دُول.

حضرتك من حقك بعد 6 شهور من بداية العقد أجازة لمدة شهر، تأخد بعضك وتنزل مصر وتشوف أُمورك زبطت مع أستراليا ولا إية ؟

لو ظبط مافيش مشكلة ، توكل على الله على جنوب الكرة الأرضية وربنا يوفقك.

طيب لو أستراليا ما ظبطتش معاك والحسابات خرمت منك ، تأخذ أجازتك وترجع بسلام لعملك فى السعودية تعمل لك قرشين حلوين تانى وتُعاود الكَرة تانى السنة الى بعدها.

مفهوم ولا صعبة الحكاية دى ، أظن سهلة وبسيطة .

بالمناسبة الكلام دة بيندفع فية فلوس هسيب لك حسابى فى البنك تحط فية المعلوم. :rolleyes: :rolleyes:

[icehell]

شكرا دكتور.حازم

بس انا عاوز اروح المنطقة الشرقية عشان ماتخنقشي من غباءالبدو في وسط وجنوب المملكة! ازاي حاختار الحتة الي حاروحها!

حتة فنية........سيادتك بتحول فلوسك ازاي مصر! اصل الحولا ت غالية ومش عملية!

اممم ازاي الاقي شغل في البحرين ولاصعب زاي الكويت!

شكرا لسعادة وسمو الامير حازم ....عمدة الدكاترةالمصريين بالخليج...

[EEMEY]

دكتور حازم.

ما هو الفرق بين العمل في وزارة الصحة السعودية و العمل بنظام التشغيل الذاتي في مستشفيات وزارة الصحة

السعودية.

[hazemtara]

شكرا دكتور.حازم

بس انا عاوز اروح المنطقة الشرقية عشان ماتخنقشي من غباءالبدو في وسط وجنوب المملكة! ازاي حاختار الحتة الي حاروحها!

حتة فنية........سيادتك بتحول فلوسك ازاي مصر! اصل الحولا ت غالية ومش عملية!

اممم ازاي الاقي شغل في البحرين ولاصعب زاي الكويت!

شكرا لسعادة وسمو الامير حازم ....عمدة الدكاترةالمصريين بالخليج...

بالنسبة لإختيار مكان العمل قبل ما تيجة دة يعتمد على أماكن الوظائف وأرقامها ساعة اللجنة ما تكون نازلة مصر .

بمعنى

كل لجنة وهى نازلة لأى دول للتعاقد مع عمالة جديدة يتم تدبير عدد من الدرجات المالية ولها أرقام مثلاً يوم أنا ما تعاقدت معاهم كانت كل الأرقام والوظائف المتاحة فى المنطقة الشمالية والغربية وبس.

ولهذا دة فرصة فى المُناورة معاهم بتكون محدودة فى الأماكن المتاحة وقت التعاقد.

ممكن المرة الى بعدها وهم نازلين مصر تانى يكون هناك وظائف متاحة مثلاً فى الشرقية أو الرياض ، بس بصفة عامة الموضوع يعتمد على الحظ والتوفيق يعنى فرصك فى الإختيار بتكون محدودة مُش كبيرة زى ما إنت مُتخيل ولو مُش عاجبك المكان تخليك للمرة الى باعدها هيكون أكيد أماكن تانية بس مُش شرط تكون أحسن مُمكن تُكون أسؤء وإنت وحظك.

العمل فى باقى دول الخليج مُش كبير لأنة معظم هذة الدول صغيرة جداً مُقارنة بالسعودية ،بس من السهل إنك تُدخل هذة الدول كلها لما تكون فى السعودية يعنى من الأفضل لو بتأخذ رأى خليك لما تيجى السعودية وبعدين تُروح زيارة لأى دولة أنت عاوزها ودة من حقك تُدخل أى دولة من دول مجلس التعاون الخليج زيارة ودة مسموح بية للأطباء وسهل جداً تأخذ فيزا من على الحدود لمدة أسبوعين إلى شهر للزيارة ، وقتها دور على كيفك على الشغل الى أنت عاوزة وتفاوض زى ما تحب وأظن دة أضمن وأحسن لك وبيرف أسهمك جداً وقت التفاوض .

للتحويل لمصر حضرتك إفتح حساب فى أى بنك مصرى بالدولار الأمريكى ولما تيجى هنا حول علية مرة واحدة وهى الأولى من أى بنك سعودى ثم بعد كدة حضرتك ممكن تحول لوحدك من البيت من على النت لحسابك , فى هذة الحالة بتدفع بس الرسوم الخاصة بالبنك السعودى ودى حوالى 25 ريال سعودى فقط والبنك فى مصر لا يأخذ شيى لأنة لم يقم بأى شيئ لك ولأن الفلوس بتدخل الحساب مباشرة من البنك السعودى على حساب مصر.

دكتور حازم.

ما هو الفرق بين العمل في وزارة الصحة السعودية و العمل بنظام التشغيل الذاتي في مستشفيات وزارة الصحة

السعودية.

المُستشفيات الخاضعة لوزارة الصحة السعودية منها ما يخضع مباشرة لأدارة الوزارة ومنها ما تُديرة أفراد بنظام التشغيل الذاتى يعنى تُعطى المُستشفى لشركة خاصة أو شخص يتولى هو توفير العمالة لها وإدارتها ودة طبعاً هدفة الربح ولهذا بيقُص من رواتب الناس وبيأخذ من الإمتيازات الممنوحة لهم كتير ولهذا لا أنصح أى أحد بالعمل فى هذا النوع من المستشفيات بتاتاً، لأنة ظُلم .

، ممكن تأخذ بس نصف الراتب أو أكثر حاجة بسيطة والباقى فى جيب الكفيل

[جحا]

اشكرك يا دكتور حازم انا رحت و اخدت الدورة الحمد لله و الكلام زي ما انت قلت بالظبط

و لك كل تحية و عرفان بالجميل

[rewsha]

شكرا د/حازم على سرعة الرد والافاده

[مصر فى قلبى]

هل امتحان الهيئة السعودية للتخصصات الطبيه ينفع فى الامارات

تم تعديل 6 أبريل 2009 بواسطة مصر فى قلبى

[rewsha]

هل امتحان الهيئة السعودية للتخصصات الطبيه ينفع فى الامارات

اعتقد انه ماينفعش لان الامارات ليها امتحان تاني . وبالاخص اماره دبي وابو ظبي ليهم امتحان غير باقي الامارات . ده على حد علمي وممكن باقي الاخوه الاعضاء يفيدوا حضرتك اكتر . بس اللي اعرفه امتحا ن السعوديه للسعوديه والامارات للامارات

[jukass]

مرحبا دكتور حازم

انا اسمي انس طالب بسنة سادسة جامعة مصر للعوم والتكنولوجيا

فلسطيني الجنسية مقيم بجدة وعندي اقامة

( يعني جيران وحنبقى زمايل)

انا حبيت اشارككم كل اللي عندي من معلومات عن الهيئة السعودية للتخصصات الطبية

لاني بالصيف اللي فات عرفت حاجات كتيرة عن قوانينهم وتخصصاتهم

واشتغلت فترة كمتدرب بجامعة الملك عبدالعزيز بجدة

بس لما لقيت الباشا الكبيييييييييييير حازم كاتب كل حاجة ومش مقصر معانا

انا حبيت اشكرك على المجهود الرائع

وكان عندي كام سؤال عن الشغل بالسعودية

انا عايز اقدم على الامتياز بالسعودية ان شاء الله

ايه رايك ؟ وتعرف حد ممكن يساعدني ؟؟

وعايز اشتغل بعد الامتياز ,,, ومش عارف اشتغل تحت اي بند

يعني اشتغل كطبيب مقيم بالجراحة

والا اخش تحت برنامج الهيئة السعودية في تخصص الجراحة

وادفع كل سنة 8000 ريال

وهل بقبض راتب بالحالتيين

يعني بعرف واحد قريب لي ببرنامج اخصائي اطفال بيدفع بالسنة 4000 ريال

وهو الان باخر سنة اللي هي الرابعة

وبيقولي ما بيقبض راتب بالاربع سنين

فانته رايك ايه؟

لانه مستحيل اخلي والدي يصرف علي ؟؟

وعايز اعرف متطلبات العمل كطبيب مقيم بقسم الجراحة ؟؟؟

هل بيكفي شهادة البكالوريس وامتحان الهيئة؟؟

والا في شي ثاني ؟

حاجة اهم يا دكتور

دلوقتي انا قريت كلامك كله

وقريت تقسمية الرواتب والمبلغ اللي بينعطى

والبنود المختلفة على حسب من فين شهادتك

اوكيه كده

السؤال فين .... حقولك ,,, انا لو رحت عادلت شهادتي باستراليا مثلا

معادلة يعني AMC زي الـ USMLE ,,, ماشي

ورجعت السعودية حتحط باي بند وحاخد كام

ولو كان عندي خبرة سنة معاها

ويسلمو يا زٌمل على مجهودك معانا

مستني ردك

ده ايميلي للمحادثات

junior.surgeon@hotmail.com

تم تعديل 7 أبريل 2009 بواسطة jukass

[طبيبة مستجدة]

السلام عليكم ورحمة اللة وبركاتة

د حازم عايزة اسالك هى شهادة التعريف من الشغل بتاعى ممكن تمشى انها شهادة خبرة ولا لازم اخدها واطلع بيها شهادة خبرةمن مديرية الصحة؟وشكراوهل لو كنت لسة مش مكملة سنوات التكليف هل دة بيكتب فى شهادة الخبرة ولا لا؟؟

[jukass]

دكتور حازم

اذا عندك معلومات عن الالماني

باربت تقول عنه

لانه سمعت انه مش محتاج اي امتحانات ولا معادلة

بس لغة واطلع اشتغل

صح والا لا ؟؟؟؟؟؟؟؟؟؟؟؟؟؟؟؟؟