مغترب-طبيب/ صيدلى/ تمريض اتفضل معانا

[movalentinos]

لا اعرف كيف اشكر حضرتك على المجهود الجبار الل انت عملته ووقتك اللى انت اديتوا للناس

ما شاء الله سرد جميل ومريح للقارىء

استمتعت ب 45 صفة ممتعة كلام موثق بالقوانين وجميل مووت

وشكرا على ردك على موضوع الجلدية بالنسبة للطبيب المقيم

ممكن اكون طماع شوية واسال اسئلة برده

1- انا طبيب من الذكور يعنى فرص العمل كتير للجلدية ولا البنات بس

2- انت شفت اطباء جلدية مقيمين من الشباب معاك او قريب منك

3- بالنسبة للمقيم لازم يكون معاه دورات ليزر ولا ده شغل الاخصائى ولا اساسا حسب المستشفى

4- طبعا الاسئلة للمستشفيات الحكومية

شكرا مقدما يا دكتور

وعلى فكرة عجبتنى قصة الاقصر

انا برده كنت جنوب سيناء

[كريم طاهر]

كان عندى عدة استفسارات واسئلة شخصية لكن الحمد الله بعد ماقرأت الموضوع ده بالاخص ومواضيع اخرى على هذا المنتدى

وجدت الاجابات المفيدة.

واخص بالشكر الدكتور حازم على مشاركاته المفيدة وبجد وبدون اى مبالغة ربنا يكرمك لان كلامك ده اعطى دافع ليا انا شخصيا

واكيد لناس تانيه وإن شاء الله ربنا يوفق حضرتك وتشوف الخير ده فى اولادك ويجازيك خير على الافادة العظيمة.

لقد استمتعت بال47 صفحة فى الموضوع ده لان اسلوب حضرتك شيق جدا والنصائح إللى بتقدمها وردك على كل

الاستفسارات,شكرا ليك جدا.

[الكريم]

السلام عليكم اخواني و اخص بالسلام اخونا د حازم جزاه الله كل خير وبعد اذنك يا دكتور حرد علي الاخ مصر في قلبي انا معي ترخيص مزاولة من الكويت و امتحنت و لما قدمت ورقي في الامارات امتحنوني بس بالتليفون سسسسسسساعة و عصروني عصر في لجنة من 3استشاريين ورئيس المستشفي وقسم الباطنية و سالوني في كل العلم اللي في الدنيا يعني هم لا يعترفوا الا بترخيصهم فقط . و ربنا معاك

[hazemtara]

دى رسالة هامة جت لى على الخاص ونظراً لأنها مُهمة إستأذنت صاحبها لنشرها على المُنتدى

السلام عليكم دكتور حازم

وعليكم السلام ورحمة الله وبركاتة

جزاكم الله خيرا على معلوماتك القيمة

شكراً لك

مُوفق بإذن الله

أنا عايز أخد رأيك في قصتي .. معلش هيا طويلة شوية

إتفضل أنا تحت أمرك وخُذ رحتك

أنا دفعة 2003 الزقازيق .. استلمت تكليف في شمال سيناء 2005 .. مُش كُنت مُنتظم خالص لظروف عائلية .. وطبعا عليا اكتر جزاءات في شمال سينا كلها .. كنت مهتم بالأشعة .. امتحنت فرست الزمالة البريطانبة في لندن 2006 ونجحت الحمد لله. بعدها علطول واحد صاحب لعب في دماغي وقالي روح على امريكا احسن . شديت يا باشا على هناك.. قعدت سنة بس للأسف اضطريت أنزل لظروف خاصة . طبعا من 2005 وأنا بحاول أسجل ماستر اليجال بس مُش عرفت مش عارف ليه .. نصيب .. طبعا برده أنا لما سافرت أمريكا سافرت من غير أجازة لأنهم مش وافقوا يدوني أجازة لأي سبب. طبعا أنا دلوقتي لو حبيت أرجع هيكون عليا جزاءات كتير ومش هيجيلي نقل أو نيابة قريبا .. وأنا مش عايز أضيع وقت أكتر من كده .

سورى يا دُكتور واضح أنك حضرتك بتتصرف بدون دراسة جيدة للأمور ، مُمكن يكون فية عشوائية شوية فى القرارت وعدم حُسن تصرف.

أرجو إنك ما تزعلش منى أنا أخوك الأكبر وما أحبش حد يتصرف كدة،، لازم تتدبر الأمر كلة كويس قبل القرار،، إنما أخذ أكثر من قرار فى وقت واحد دة تضيع للوقت والمجهود والمُحصلة صفر من يوم حضرتك ما تخرجت إلى الأن وقت كافى جداً للحصول على ماستر من مصر سواء بطرق شرعية ( على أسوء الظروف كان زمانك مخلص فرست وماشى فى الرسالة ) أو غير شرعية.

أنا بفكر أستقيل

تبقى أنت كدة نيلتها خالص وخلتها خل على الأخر.

سؤال ما هى أسباب الإستقالة؟

الإجابة فى رائى هىواحدة من الأتى:

1- عاوز أسجل دراسات عُليا .

وهل الشُغل الى مانعك من التسجيل....؟؟ طبعاً لا

2- عاوز أسافر.

وهل العمل يمنع من السفر لأى مكان فى العالم..؟؟؟

بالمناسبة مصر هى الدولة الوحيدة فى العالم التى رائيتها تعطى مُوظفيها أجازة بدون راتب مفتوحة إذا كانت للعمل خارج البلاد.

كل زملائى من سوريا والأردن وباكستان والهند والفلبين وبنجلادش والسودان وليبييا وكُل الى أعرفهم دُوَلهم بتسمح لهم بفترات مُحددة من 3 إلى 5 سنوات ولازم بعدها يرجع يخدم فى البلد أو يستقيل ما عدا مصرالمحروسة.

3-عاوز أتجوز.

وهل العمل يمنع من الجواز....؟؟؟

4-عاوز أنقل لبلدى وأترك مكان التكليف.

ممكن بسهولة تنقل لبلدك بس رتِّب أولوياتك وخَطَّط صح.

وأقدم على زمالة مصرية أشعة.

طبعا هدفع فلوس 5200 جنيه في السنة

هذة أحد أبسط وأسهل الطرق لضرب موضوع النقل من شمال سينا وأنت عارفة وسهل وليجل ويعطيك فرصة للنقل إلى أى مكان فى مصر على حسب مكان الزمالة.

طيب ولية إذا كان من حقك أنك تتعلم ببلاش فلية تدفع فلوس لما المجانى موجود.

وفي نفس الوقت أسجل ماستر ليجال لأني هكون طبيب حر رسمي.

ممكن تكون( طبيب حر ليجال أمام الناس والحُكومة) أنا مُش بهرج ولا أمزح وما تسيبش بردة شغلك وأهى نواية تسند الزير.

مُش أنت الزير طبعاً.

شوف عندك الموضوع دة كبير جداً وهام وأنا ما كُنتش ناوى أفتحة لكن طالما الأسئلة بدأت بخصوصة يبقى لازم أتكلم عن الموضوع دة إن ديتيل.

طرق التسجيل للدراسات العُليا فى مصر هى :

1- عن طريق مقر عملك سواء كُنت فى وزارة الصحة أو الجامعة أو الجيش أو الشرطة أو مستشفى تابع لأحد الشركات ،،لازم موافقة جهة العمل.

2- طبيب حُر.

3- طبيب زائر.

أولاً:

عن طريق جهة العمل

بالنسبة لوزارة الصحة لا تسمح الوزارة بالحصول على نيابة إلا بعد سنتين من بدأ التكليف للتخصصات الطبية كلها تقريباً ، ويُستثنى من ذالك بعض التخصصات يسمح لمن يلتحق بها الحصول على نيابة بعد سنة واحدة فقط وهى الأشعة والتخدير والتحاليل والنفسية والعصبية وطب الأُسرة والعظام والطوارئ.

وبعد الحصول على نيابة بسنة واحدة الجامعة تسمح لك بالتقدم للتسجيل للدراسات العُليا،، يعنى كدة بنتكلم فى حسبة 3سنوات فى أحسن الأحوال علشان تبدأ تقدم ورقك للتسجيل للدراسات العُليا وتأخذ لك كمان 9 شُهور إلى سنة لما يُسمح لك تدخل الفِيرست بارت ،،بيكون زميلك ودُفعتك الى فى الجامعة أصبح مُدرس مُساعد وإنت لسة يا عينى عليك يا دُوب عمال تدور إزى تسجل من أساسة.

خُد بالك

على شرط أن يكون السيرة الذاتية للمُتقدم جيدة وبما أن سيرتك الذاتية مُش ولا بُد إذاً حضرتك هتتأخر سنة وهو دة النظام إنك تتأخر عن زُملائك سنة لو ملف خدمتك مُش كويس ثم يُسمح لك نظاماً بعد كدة عادى جداً بالتسجيل فى الحركة الى بعدها.

ثانياً:

الجامعات تسمح بالتسجيل على حسب مزاج مجلس القسم ومعظمهم بيسمح بالتسجيل لمقيمين الجامعة فى فترة لا تزيد عن 9 شهور لمُعظم الأقسام تقريباً.

الجيش والشرطة والمستشفيات التابعة للشركات فى خلال سنة تقريبا يسمحوا لك بالتسجيل .

ثالثاً:

الطبيب الحُر بما أنك ليس لك جهة عمل ولهذا يُسمح لك مُباشرة التقدم للتسجيل للدراسات العُليا دون شرط لا فى التخصص أو مُدة التكليف أو أى شيئ لهذا يلجئ لها كثير من الأطباء وهى أسهل وأقرب الطرق للتسجيل وأسرعهم وأنا أُرشحها لكل الناس ولأنها مأمونة جداً أيضا ًوتُريحك فى إختيار الجامعة الى تحبها والتخصص الذى تحبة ولهذا أنا أُفضلها عن كل الطرق الأخرى.

هاتؤلى بس إزاى أنا زهئت ومُش عارف أسجل حُر بدون مشاكل إزاى؟؟؟؟

لما كُنت فى مصر قبل ما أجى إلى السعودية فى 2005م كُنت أعرف تقريباُ فى كل مُحافظة فيكى يا محروسة واحد داخل كل مُديرية من مُديريات الصحة بيعطيك خطاب مختوم بختم النسر إنك طبيب حُر وبهذا الخطاب تستطيع أن تذهب لأى جامعة وتسجل الى أنت عاوزة وفى أى تخصص.

أوضح لك أكثر علشان تفهم بوضوح:

نفترض إن حضرتك دلوقت رُحت وقدمت على إستقالة وقُبلت هذة الإستقالة ...!!!!!تتخيل إية الى مكتوب فى الإستقالة بتاعة حضرتك يعنى...؟؟؟؟؟

مكتوب التالى:

تشهد مديرية الشؤن الصحية ب.......... أن الطبيب............ قد قدم إستقالتة من العمل لدينا فى تاريخ......... وبعد العرض على لجنة شؤن العاملين فى المديرية قررت قُبول الإستقالة بتارخ.........

وتم العرض على السيد الدكتور وكيل الوزارة بتارخ .......... وقد وافق سيادتة على قبول إستقالة ........(إسمك طبعاً).

وعلية يُعتبر المذكور خالى من جميع العُهد والمسؤليات لدينا من تاريخة.

ومُنحت له هذة الشهادة لتقديمها لمن يهمة الأمر دون أى مسؤلية لدينا عن إسائة إستخدامها.

الموظف المُختص مدير شؤن العاملين مُدير المديرية.

طيب حضرتك أصبح فى كُل مُديريات الصحة الأن مُوظفين معروفين بيعملوا الموضوع دة بيعطيك الفورمة مكتوبة وملطوع عليها النبى حارصة وصينة (ختم النسر) منور الله أكبر علية ومتوقعة وجاهزة إية الفرق تعرف تؤلى.

ولا حاجة ولا حد بيدور ولا حد بيسئل وراك ولا حد عارف حاجة ولا الجامعات نفسها عارفة حاجة هذا الكلام ثقة 100% وأنا وقت ما كُنت فى مصر ساعدت ناس كتير جداً وسجلوا كدة بدون أدنى مشاكل تُذكر أنا شخصياً سجلت كدة من واحد كان فى مستشفى كفر الشيخ للرمد وكان إسمة على أعطانى الجواب دة وطلعت بية على عين شمس وسجلت ولا حد بيدور ولا يحزنون لكنى بعد كدة لاغيتة لأنى سجلت فى المنصورة زائر ولهذا كان لازم ألغى واحد فيهم .. ،،فلغيت عين شمس علشان بعيدة عن البيت.

كان يُوجد فى هذا التوقيت ناس عرفتهم فى الدقهلية ودمياط والزقازيق وبورسعيد والأسماعلية وأسيوط وغيرها بيعطيك الجواب دة ويأخذ هو المعلوم حوالى 300 جنية.

بالمناسبة عمرى ما قابلت واحد فيهم فيس تو فيس كُنت بأعرف التليفون وهو كان بيحدد الباقى كلة.

أظرف حاجة ودة قبل ما أسافر واحدة زميلتى ربنا يكرمها كانت لسة متخرجة كتكوتة خالص وفجأة لقيتها مسجلة وبتمتحن .

قولت لها تعالى هنا الى أنت بتقولية للناس كوم وانا كوم تانى أعرف الفُولة ومُش ها أقول لحد بدل ما أصَيح وأعمل لك فضيحة تخيلوا طلعت مسجلة رسمى (ليجيل ) عن طريق الموظف الى كان بيرتب حركة النيابات فى الوزارة حط إسمها فى الكُشوف أخذ حسابة وكان معاية تليفوناتة لما كُنت فى مصر.

أنا طبعاً ما صدقتهاش ولكن جربت فى واحد زميلى وخليتة يتصل بالراجل دة ودفع 1000 جنية فى تسجيل الماستر وصدق الراجل فعلاُ وسجل له فى الزقازيق.

أنا أقصد من كل دة أية مش فزلكة ولا إستعراض عضلات لا حاشى لله ،،بس أنا بقول رسالة مُهمة جداً ...!!!! وهى فى مصر فية قانون لكل حاجة بس القانون دة ظريف جداً يعنى إذا كان يناسبك ممكن تلتزم بية وتجعلة حجة قوية لك لأن القانون بيقول كدة ....!!!!!! لكن لو مش مُناسب ممكن ما تحطوش خالص فى حساباتك وتخلص مع نفسك.

طبعاً أنا هنا مش عاوز حد يفهمنى غلط أنى أحرض الناس على الغلط !!!!!!! لا والله بس إذا كانت دى الوسيلة الوحيدة لأخذ حق من حقوقك كطبيب يبقى ما فيش حل شر لا بُد منة.

الطبيب الزائر:

1- زائر رسمى ودى يتم الحصول عليها لواحد مسجل رسمى عن طريق وزارة الصحة وبعد ما يخلص الفرست بارت بيقول لهم فى الصحة أنة عاوز أجازة داخلية زى الإعارة كدة لمُدة سنة بأجر بشرط أنة تكون تقاريرة السنوية ممتازة وفى هذة الحالة مرتبة بيصرف عادى من الصحة وتذهب للجامعة لتخليص رسالتك عادى جداً ،،!!! لكنك لا تستطيع السفر فى أثناء هذة الفترة لو جت لك فرصة كويسة للخليج وإذا حاولت بيشترطوا أنك ترد الفلوس تانى للصحة.

2- زائر بدون موافقة الصحة ودى حالتى أنا شخصياً على حسب مزاج الجامعة والقسم ودى ملهاش رول وسجلولى بدون أى حاجة فى سبيل أنى أشتغل معاهم لمدة سنة كاملة بدون أجر وأنا وافقت طبعاً.

فى هذة الحالة الراتب موقوف والصحة ما تعرفش عنك حاجة خالص وليست مسؤلة عنك.

بعض الجامعات ممكن تدفَّعك فلوس زى القصر العينى وعين شمس وبعضها ممكن ببلاش.

وكمان أكمل في زمالة بريطانيا. ممكن بعد سنتين أسافر السعودية وأوقف الزمالة سنة مثلا أو أكملها من هناك. حاولت أخد زاير أشعة .. الزقازيق قافلين الباب علشان عددهم كتير والقصر والأزهر قالوا لازم تكون واخد الفرست. أنا عايز بس أتعلم كويس وأخد شهادة خبرة ومش باقي على شغل الحكومة. أنا اخترت الأشعة لأنها هادية وممكن تعلم نفسك فيها كويس. يا ريت أسمع رأيك وشكرا

أنا ملاحظ أنك مُشتت ومافيش خُطة ثابتة عندك ولا حاجة أنت واخدها للأخر يعنى ومفيش حاجة انت خلصتها !!!!!لية كدة

قرر وقول أنا هأعمل كذا وأنوى وخلاص لا تفكر فى غيرها إلا لما تخلص الى بدأت فية وإلا وقتك وعُمرك بيضيع هباء بدون إستفادة.

po:: مُوفق بإذن الله.

[doctormeem]

السلام عليكم ورحمة الله وبركاته

دي اول مشاركه ليا بالمنتدي

واول حاجه لازم اعملها اني اشكر دكتور حازم علي مجهوده الرائع ده

وليا عنده استفسار

انا دلوقتي في دورة طب الاسره بالمعهد القومي للتدريب المؤهله للسفر للسعوديه وامتحاني ان شاء الله نص خمسه الجاي

ومن اسبوع عملت مقابله لمستشفي المللك خالد العسكري بحفر الباطن عن طريق شركة بايونير(طبيب عام) والحمد لله اتقبلت

والشركه اتصلت عليا عشان اجيب اوراقي عشان السفر

دلوقتي انا محتار اسافر للمستشفي ده ولا اسافر عن طريق الدوره(كده كده انا انا شاء الله هاستني امتحان الدوره بس مش عارف اسافر اي طريق في الاتنين)

تقريبا نفس المميزات

بس الفرق ان عقد المستشفي العسكري هيكون سكن عازب داخل المدينه العسكريه(ولما سالت السعودي قولت ليه اني هاتجوز بعد سنه قالي لو انت معانا كويس ممكن نعدل عقدك لعائلي)

اما طبعا السفر عن طريق الدوره هيكون تعاقد حكومي يعني هاخد بدل سكن واسكن براحتي

ياريت يا دكتور حازم تقولي رأيك في الموضوع ده...وبرضه تقولي المفروض شركة بايونير تاخد كام بالظبط

وجزاك الله كل خير

[hazemtara]

اشكرك يا دكتور حازم انا رحت و اخدت الدورة الحمد لله و الكلام زي ما انت قلت بالظبط

و لك كل تحية و عرفان بالجميل

مُوفق بإذن الله وشكاً لك على المدح الى أظن أننى أقل من هذا المدح والإطراء. po::

شكرا د/حازم على سرعة الرد والافاده

الله يكرمك وتحت أمرك ويا رب تكون الأمور معاكى أفضل وأحسن سلامى للدكتور وخلية يشد حيلة حبتين. :D

هل امتحان الهيئة السعودية للتخصصات الطبيه ينفع فى الامارات

للأسف لا يُغنى عن إمتحان الإمارات ولا يُجدى فى أى دولة عربية أخرى بس هوه بيخلى شكلك حلو بس فى المُقابلة مُش أكتر.

هل امتحان الهيئة السعودية للتخصصات الطبيه ينفع فى الامارات

اعتقد انه ماينفعش لان الامارات ليها امتحان تاني . وبالاخص اماره دبي وابو ظبي ليهم امتحان غير باقي الامارات . ده على حد علمي وممكن باقي الاخوه الاعضاء يفيدوا حضرتك اكتر . بس اللي اعرفه امتحا ن السعوديه للسعوديه والامارات للامارات

ربنا يكرمك يا روشة ما شاء الله معلوماتك أصبحت أفضل من الأول :lol: واضح إن حضرتك الى بتذاكرى ولا إية والدكتور ضربها طناش.

السلام عليكم اخواني و اخص بالسلام اخونا د حازم جزاه الله كل خير وبعد اذنك يا دكتور حرد علي الاخ مصر في قلبي انا معي ترخيص مزاولة من الكويت و امتحنت و لما قدمت ورقي في الامارات امتحنوني بس بالتليفون سسسسسسساعة و عصروني عصر في لجنة من 3استشاريين ورئيس المستشفي وقسم الباطنية و سالوني في كل العلم اللي في الدنيا يعني هم لا يعترفوا الا بترخيصهم فقط . و ربنا معاك

مُش الإمارات بس بل كُل دول الخليج كدة حُصولك على رخصة من دولة تانية شيئ كويس وشرفى ويُقوى فرصك فى المُقابلة لكن لا يُغنى عن إنك هتمتحن تانى وتتنفخ أسئلة وعلى وجة الخصوص فى الإمارات وعلى وجة الدقة أكثر فى إمارتى دبى وأبو ظبى. :lol:

[hazemtara]

لا اعرف كيف اشكر حضرتك على المجهود الجبار الل انت عملته ووقتك اللى انت اديتوا للناس

ما شاء الله سرد جميل ومريح للقارىء

استمتعت ب 45 صفة ممتعة كلام موثق بالقوانين وجميل مووت

وشكرا على ردك على موضوع الجلدية بالنسبة للطبيب المقيم

ممكن اكون طماع شوية واسال اسئلة برده

شكراً أخى الفاضل على كلامك الحلو دة ،!!! ما هو أصل دة الى بيخلينى أكتب وأرد على الناس الطيبين أمثالك.

إتفضل وأنا تحت أمرك فى الرد على أى سؤال.

1- انا طبيب من الذكور يعنى فرص العمل كتير للجلدية ولا البنات بس

فُرص الذكور والإناث مُتوفرة هنا بكثرة ولا تُوجد أى مُشكلة بتاتاُ فى الحصول على وظيفة طبيب جلدية ،،وكان زمان نسمع إنة فرصة الأطباء الذكور ضعيفة جداً مثلاً فى النساء والولادة ،!!! أيضاً هذا الكلام ليس لة أساس من الصحة ،،!! المِعيار الوحيد لإختيار الناس هنا لو مُستواك اعلمى كويس صدقنى هتفرض نفسك بلا مُنازع أما لو خيبان علمياً فلا تلومان إلا نفسك.

2- انت شفت اطباء جلدية مقيمين من الشباب معاك او قريب منك

قسم الجلدية عندى مُحتكِرة المصرين 2 أخصائين ومُقيم ولا توجد أى جنسيات أخرى أو حتى طبيبات.

3- بالنسبة للمقيم لازم يكون معاه دورات ليزر ولا ده شغل الاخصائى ولا اساسا حسب المستشفى

4- طبعا الاسئلة للمستشفيات الحكومية

الليزر شُغل الإستشارى ومُمكن الأخصائى لو لة مزاج أما لو الأخصائى ضعيف فية مُمكن ما يعملوش عادى جداً وليس علية حرج.

ولهذا يكون المُقيم برة اللعبة خالص،،،!!! المُقيم بيجلس فى العيادة يُعالج الحالات البسيطة جداً وبس وأى حاجة مُش عارفها بيحولها للإخصائى وليس علية مسؤليات كبيرة ولا دوامات ليليةولا إستدعائات ولا غيرة.

بس خُد بالك مُمكن يشغلوك فى الطوارئ تشوف كل الحالات من أطفال وباطنة وغيرة زيك زي أى مُقيم أخر مُش زى مصر.

بس دة وقت لم يحدث عجز.

[hazemtara]

دكتور حازم.

ما هو الفرق بين العمل في وزارة الصحة السعودية و العمل بنظام التشغيل الذاتي في مستشفيات وزارة الصحة

السعودية.

المُستشفيات الخاضعة لوزارة الصحة السعودية منها ما يخضع مباشرة لأدارة الوزارة ومنها ما تُديرة أفراد بنظام التشغيل الذاتى يعنى تُعطى المُستشفى لشركة خاصة أو شخص يتولى هو توفير العمالة لها وإدارتها ودة طبعاً هدفة الربح ولهذا بيقُص من رواتب الناس وبيأخذ من الإمتيازات الممنوحة لهم كتير ولهذا لا أنصح أى أحد بالعمل فى هذا النوع من المستشفيات بتاتاً، لأنة ظُلم .

، ممكن تأخذ بس نصف الراتب أو أكثر حاجة بسيطة والباقى فى جيب الكفيل

نسيت هُنا أوضح حاجة بسيطة جداً أنة شركات التشغيل الذاتى دى سيئة جداً فى مُستشفيات وزارة الصحة وتُعطى رواتب زى الزفت فى الصحة ولهذا العمل على وظائف ديوان الخدمة المدنية أفضل بكثير فى الصحة.

توضيح

عارف فى مصر مين مالك الدرجات المالية ؟؟

طبعاً المالك للدرجات المالية هى وزارة التنمية الإدارية تبع الأخ الدكتور محمد زكى أبو عامر مُش عارف بين إتشال يمكن.

المهم وزارة التنمية الإدارية تملك الدرجات ولكن هذة الدرجات تكون للعمل فى أحد الوزارت الأخرى زى الصحة مثلاً ،،!! مفهومة دى وسهلة.

نفس الوضع هنا فى السعودية ديوان الخدمة المدنية يملك الدرجات المالية .

فى وزارة الصحة العمل على وظيفة يملكها ديوان الخدمة المدنية أفضل من الوظائف التى تُمولها شركات التشغيل الذاتى بس دة فين ...!!!!! فى وزارة الصحة.

عكس هذا الكلام فى الحرس الوطنى يعنى الى بيشتغل فى الحرس الوطنى لو وظيفتك على الشركة أحسن من لو كانت وظيفتك على الديوان،، ودة الى حصل مع الدكتورة عندى هنا لما كانت شغالة على الديوان كان راتبها أقل ولما ذهبت للمدير وتناقشت معاه نقهلها للشركة وأصبح راتبها الضعف تقريباً.

يا ريت تكونوا مركزين معاية والأمور مُش ملخبطة.

po::

[hazemtara]

مرحبا دكتور حازم

انا اسمي انس طالب بسنة سادسة جامعة مصر للعوم والتكنولوجيا

فلسطيني الجنسية مقيم بجدة وعندي اقامة

( يعني جيران وحنبقى زمايل)

انا حبيت اشارككم كل اللي عندي من معلومات عن الهيئة السعودية للتخصصات الطبية

لاني بالصيف اللي فات عرفت حاجات كتيرة عن قوانينهم وتخصصاتهم

واشتغلت فترة كمتدرب بجامعة الملك عبدالعزيز بجدة

بس لما لقيت الباشا الكبيييييييييييير حازم كاتب كل حاجة ومش مقصر معانا

انا حبيت اشكرك على المجهود الرائع

وكان عندي كام سؤال عن الشغل بالسعودية

انا عايز اقدم على الامتياز بالسعودية ان شاء الله

ايه رايك ؟ وتعرف حد ممكن يساعدني ؟؟

وعايز اشتغل بعد الامتياز ,,, ومش عارف اشتغل تحت اي بند

يعني اشتغل كطبيب مقيم بالجراحة

والا اخش تحت برنامج الهيئة السعودية في تخصص الجراحة

وادفع كل سنة 8000 ريال

وهل بقبض راتب بالحالتيين

يعني بعرف واحد قريب لي ببرنامج اخصائي اطفال بيدفع بالسنة 4000 ريال

وهو الان باخر سنة اللي هي الرابعة

وبيقولي ما بيقبض راتب بالاربع سنين

فانته رايك ايه؟

لانه مستحيل اخلي والدي يصرف علي ؟؟

وعايز اعرف متطلبات العمل كطبيب مقيم بقسم الجراحة ؟؟؟

هل بيكفي شهادة البكالوريس وامتحان الهيئة؟؟

والا في شي ثاني ؟

حاجة اهم يا دكتور

دلوقتي انا قريت كلامك كله

وقريت تقسمية الرواتب والمبلغ اللي بينعطى

والبنود المختلفة على حسب من فين شهادتك

اوكيه كده

السؤال فين .... حقولك ,,, انا لو رحت عادلت شهادتي باستراليا مثلا

معادلة يعني AMC زي الـ USMLE ,,, ماشي

ورجعت السعودية حتحط باي بند وحاخد كام

ولو كان عندي خبرة سنة معاها

ويسلمو يا زٌمل على مجهودك معانا

مستني ردك

ده ايميلي للمحادثات

junior.surgeon@hotmail.com

دكتور حازم

اذا عندك معلومات عن الالماني

باربت تقول عنه

لانه سمعت انه مش محتاج اي امتحانات ولا معادلة

بس لغة واطلع اشتغل

صح والا لا ؟؟؟؟؟؟؟؟؟؟؟؟؟؟؟؟؟

أهلاً بيك بين إخوانك موضوعاتك كبيرة وأسئلتها عاوزة تركيز وتوضيح كتير منى يا ريت لو تُعطينى فرصة للرد عليك خلال الأسبوع القادم بإذن الله.

[كريم طاهر]

دكتور حازم بعد اذن حضرتك استفسار لانى بحثت كثيرا عليه ولم اجد اى إفادة

انا طبيب اسنان دفعة 2005 وكنت عايز اعرف

ماذا تعادل ال NBD فى دول الخليج وهذا رابط ليها

http://www.ada.org/prof/ed/testing/index.asp

وهل المقصود بيها البورد الامريكى من المجلس الامريكى كما هو مذكور بانها من الشهادات المعادلة بشهادة الاختصاص السعودية

يعنى هل هى تعادل دكتوراة او ماجيستر وطبعا هل يشترط الجزئين NBD I and NBD II

ومعلش استفسار اخر بعد البحث فى الجامعات إللى حضرتك وضعتها فى الموضوع ومنهم على سبيل المثال جامعة Manchester

فى انجلترا وجامعات اخرى

وجدت شهادة تسمى Graduate Certificate

ومدتها 9 شهور فماذا تعادل فى دول الخليج وهل اى شهادة من الجامعات دى بينظر للمدة بتاعتها او إذا كانت الدراسه اكاديمية فقط او فى جزء clinical او يدققوا فى التخصص مثلا

يعنى هل التقويم زى زراعة الاسنان زى طب المجتمع زى طب اسنان الاطفال و هل يوجد افضلية

لان حضرتك ذكرت فى الموضوع انها تخصصات ندرة

معلش انا عارف انها اسئلة كتير وشكرا ليك.

عامة انا شاكر لحضرتك جدا وانا مش مستعجل على الاجابة على الاستفسارات دى ومقدر انشغالك وكان الله فى العون.

[jukass]

مرحبا دكتور حازم

انا اسمي انس طالب بسنة سادسة جامعة مصر للعوم والتكنولوجيا

فلسطيني الجنسية مقيم بجدة وعندي اقامة

( يعني جيران وحنبقى زمايل)

انا حبيت اشارككم كل اللي عندي من معلومات عن الهيئة السعودية للتخصصات الطبية

لاني بالصيف اللي فات عرفت حاجات كتيرة عن قوانينهم وتخصصاتهم

واشتغلت فترة كمتدرب بجامعة الملك عبدالعزيز بجدة

بس لما لقيت الباشا الكبيييييييييييير حازم كاتب كل حاجة ومش مقصر معانا

انا حبيت اشكرك على المجهود الرائع

وكان عندي كام سؤال عن الشغل بالسعودية

انا عايز اقدم على الامتياز بالسعودية ان شاء الله

ايه رايك ؟ وتعرف حد ممكن يساعدني ؟؟

وعايز اشتغل بعد الامتياز ,,, ومش عارف اشتغل تحت اي بند

يعني اشتغل كطبيب مقيم بالجراحة

والا اخش تحت برنامج الهيئة السعودية في تخصص الجراحة

وادفع كل سنة 8000 ريال

وهل بقبض راتب بالحالتيين

يعني بعرف واحد قريب لي ببرنامج اخصائي اطفال بيدفع بالسنة 4000 ريال

وهو الان باخر سنة اللي هي الرابعة

وبيقولي ما بيقبض راتب بالاربع سنين

فانته رايك ايه؟

لانه مستحيل اخلي والدي يصرف علي ؟؟

وعايز اعرف متطلبات العمل كطبيب مقيم بقسم الجراحة ؟؟؟

هل بيكفي شهادة البكالوريس وامتحان الهيئة؟؟

والا في شي ثاني ؟

حاجة اهم يا دكتور

دلوقتي انا قريت كلامك كله

وقريت تقسمية الرواتب والمبلغ اللي بينعطى

والبنود المختلفة على حسب من فين شهادتك

اوكيه كده

السؤال فين .... حقولك ,,, انا لو رحت عادلت شهادتي باستراليا مثلا

معادلة يعني AMC زي الـ USMLE ,,, ماشي

ورجعت السعودية حتحط باي بند وحاخد كام

ولو كان عندي خبرة سنة معاها

ويسلمو يا زٌمل على مجهودك معانا

مستني ردك

ده ايميلي للمحادثات

junior.surgeon@hotmail.com

دكتور حازم

اذا عندك معلومات عن الالماني

باربت تقول عنه

لانه سمعت انه مش محتاج اي امتحانات ولا معادلة

بس لغة واطلع اشتغل

صح والا لا ؟؟؟؟؟؟؟؟؟؟؟؟؟؟؟؟؟

أهلاً بيك بين إخوانك موضوعاتك كبيرة وأسئلتها عاوزة تركيز وتوضيح كتير منى يا ريت لو تُعطينى فرصة للرد عليك خلال الأسبوع القادم بإذن الله.

وانا بانتظار ردك على احر من الجمر يا دكتور حازم

بالتوفيق والله يعطيك الف الف عافية

[Dr.mmfriend]

السلام عليكم ورحمة الله وبركاته

دي اول مشاركه ليا بالمنتدي

واول حاجه لازم اعملها اني اشكر دكتور حازم علي مجهوده الرائع ده

وليا عنده استفسار

انا دلوقتي في دورة طب الاسره بالمعهد القومي للتدريب المؤهله للسفر للسعوديه وامتحاني ان شاء الله نص خمسه الجاي

ومن اسبوع عملت مقابله لمستشفي المللك خالد العسكري بحفر الباطن عن طريق شركة بايونير(طبيب عام) والحمد لله اتقبلت

والشركه اتصلت عليا عشان اجيب اوراقي عشان السفر

دلوقتي انا محتار اسافر للمستشفي ده ولا اسافر عن طريق الدوره(كده كده انا انا شاء الله هاستني امتحان الدوره بس مش عارف اسافر اي طريق في الاتنين)

تقريبا نفس المميزات

بس الفرق ان عقد المستشفي العسكري هيكون سكن عازب داخل المدينه العسكريه(ولما سالت السعودي قولت ليه اني هاتجوز بعد سنه قالي لو انت معانا كويس ممكن نعدل عقدك لعائلي)

اما طبعا السفر عن طريق الدوره هيكون تعاقد حكومي يعني هاخد بدل سكن واسكن براحتي

ياريت يا دكتور حازم تقولي رأيك في الموضوع ده...وبرضه تقولي المفروض شركة بايونير تاخد كام بالظبط

وجزاك الله كل خير

سيبك من الدورة دى بيودوك مناطق نائيه مش اد كده ونادرا لو رحت مدينه اصلا

روح العسكرى على الاقل عارف رايح فين

اسمع نصيحتى انا خدت الدوره دى وسيبتهم ورحت مستشفي خاص ارحم

[ياره]

السلام عليكم ورحمة الله وبركاته ازيكو يا دكاتره والله لكم وحشه اتمني انكو تكونوا لسه فاكرني انا صديقه قديمممممممممممممممممه بس سيبت المنتدي شويه لان للاسف كان حصلي ولزوجي حادثه بس الحمد الله احنا تمام دلوقتي. انا فرحت جدا لما لقيت الموضوع لسه مستمر بنشاط وهمه ربنا يبارك لك يا دكتور حازم وانا شايفه كمان انا اصدقاء الموضوع زادوا ما شاء الله .بس ياريت قبل محد يسال سؤال يدور عليه في المداخلات السابقه يعني موضوع التشغيل بتاع وزارة الصحه الدكتو حازم كان اكلم فيه قبل كده كتييييييييير. يعني بلاش نتقل ع الدكتور اوي كده

[طبيبة مستجدة]

السلام عليكم ورحمة اللة وبركاتة

دكتور حازم جزاك اللة كل خير انت ونعم المسلم ربنا يكرمك

انا عايزة اسال بس هل شهادة التعريف من شغلى تعتبر شهادة خبرة ولا لازم اخدها واروح مديرية الصحة واطلع شهادة خبرة؟

انا ماكملتش سنوات التكليف بتاعتى غلشان سافرت هل دة ممكن يذكر فى شهادة الخبرة ولا اية؟واية خطوات استخراج شهادة خبرة؟

انا اسفة للاطالة بس حضرتك سمحت لنا نعتبرك اخ لنا وربنا يكرمك wst:: :happy:

[rewsha]

ربنا يكرمك ياد/حازم ده من بعض ما عندكم . شوفت حضرتك انا مجتهده وبذاكر كويس ازاي . بعد كده هانافسك في الرد على الاعضاء. او خلليني المساعده بتاعتك اللي ماتبقاش فاضي ترد عليه ارد انا . اهو اخد لي دعوتين على الماشي. بس على فكره انا رديت من معلوماتي اللي اكتسبتها عن طريق المنتدى ده برضه . يعني الفضل برده يرجع للاعضاء في المنتدي اللي حضرتك واحد منهم وشكرا :P

[Egypt]

الدكتور حازم

سلام عليكم

انا طبيب اخصاءى اشعه اعمل فى السعوديه من اربعة سنوات وعاوز اغير مكان عملى طبعا رفضوا نقل الكفاله وهانزل فى نصف شعبان

راى حضرتك اخد نهائى ام ذهاب وعوده

وايه المطلوب اخده من المستوصف اللى انا شغال فيه

لان مش هيفرق معاهم

[hazemtara]

السلام عليكم ورحمة الله وبركاته

دي اول مشاركه ليا بالمنتدي

واول حاجه لازم اعملها اني اشكر دكتور حازم علي مجهوده الرائع ده

وليا عنده استفسار

انا دلوقتي في دورة طب الاسره بالمعهد القومي للتدريب المؤهله للسفر للسعوديه وامتحاني ان شاء الله نص خمسه الجاي

ومن اسبوع عملت مقابله لمستشفي المللك خالد العسكري بحفر الباطن عن طريق شركة بايونير(طبيب عام) والحمد لله اتقبلت

والشركه اتصلت عليا عشان اجيب اوراقي عشان السفر

دلوقتي انا محتار اسافر للمستشفي ده ولا اسافر عن طريق الدوره(كده كده انا انا شاء الله هاستني امتحان الدوره بس مش عارف اسافر اي طريق في الاتنين)

تقريبا نفس المميزات

بس الفرق ان عقد المستشفي العسكري هيكون سكن عازب داخل المدينه العسكريه(ولما سالت السعودي قولت ليه اني هاتجوز بعد سنه قالي لو انت معانا كويس ممكن نعدل عقدك لعائلي)

اما طبعا السفر عن طريق الدوره هيكون تعاقد حكومي يعني هاخد بدل سكن واسكن براحتي

ياريت يا دكتور حازم تقولي رأيك في الموضوع ده...وبرضه تقولي المفروض شركة بايونير تاخد كام بالظبط

وجزاك الله كل خير

سيبك من الدورة دى بيودوك مناطق نائيه مش اد كده ونادرا لو رحت مدينه اصلا

روح العسكرى على الاقل عارف رايح فين

اسمع نصيحتى انا خدت الدوره دى وسيبتهم ورحت مستشفي خاص ارحم

الفاضل دكتور ميم

العزيز دكتور إم إم فرند/

السلام عليكم الأول

طبعاً كلام أخونا إم إم صح ،لكن أن سأتناول الموضوع من وجهة نظر أخرى.

أنا معرفش حضرتك إشتغلت فى الريففى مصر ولا إية لكن لما أنا كُنت فى الريف فترة التكليف وكان وقتها الدكتور إسماعيل سلام وزيراً للصحة وقتها طلع بموضوع إبتعاث أطباء الريف لدول أوروبا وأمريكا لمدة 3 شهور للتدريب فى مجال طب الأسرة وتأخُذ لك قرشين حلوين فى بداية حياتك كطبيب صغير لسة متخرج ومحتاج فلوس ،،!!!ودة نظير أنك توقع على إقرار بالعمل فى الريف لمدة 5 سنوات ولا يحق لك طلب نيابة أو النقل للقطاع العلاجى وطبعاً دة إجحاف وتضيع لحقوق الناس وإستغلال لظروفهم.

هذا العرض لما عُرض عليا وأنا فى الأقصر وقتها قلولى هتأخذ مبلغ حوالى 40000 جنية مصرى تقريباً على ما أذكر،، المهم رفضت العرض لأنى مُش رتب حياتى كدة خالص ولم تكون حساباتى على هذا الأساس.

دة نفس الى السعودية عملتة من حوالى سنة إلى 6 شهور لما نزلوا يجيبوا اطباء من دول زى بنجلادش والهند والفلبين وغيرها ومُعظم هذة الدول رفض أبنائها القُدوم على هذة الرواتب لأنها قليلة.

البديل أمام وزارة الصحة السعودية هو وبكل أسف النزول لمصر والإتفاق على التعاقد مع الأطباء المصرين وتم إبرام إتفاق بين وزارة الصحة المصرية والسعودية ينص هذا الإتفاق على أن مصر تُعطى كل سنة 2000 طبيب من الأطباء الجدد تتولى السعودية الإشراف على تدريبهم وتأهيليهم للعمل كأطباء أسرة فى السعودية بشرط أن الأطباء دول يشتغلوا لحساب السعودية لمدة 5 سنوات فى قطاع الريف السعودى ولا يحق لهم فسخ العقد والجهة الوحيدة الى تستطيع فسخ العقد هى وزارة الصحة السعودية،،،، طبعاً دة بيفكرنى بنفس الى وزارة الصحة المصرية عملتة معانة فى التكليف.

المهم الكلام الى أنا كتبتة دة منشور فى الصحف السعودية وعلى وجة التحديد فى صحيفة الرياض السعودية فى شهر يناير 2009م.

طبعاً العقد كويس كعقد حكومى لكن عيبة موضوع ال خمس سنوات الإحتكار دى.

الجيش السعودى وظائفة مُمتازة ومن أفضل الرواتب هنا وبعدين المكان المعروض عليك كويس جداً الحفر بلد جميلة وإن كان العج ( العواصف الرملية) فيها كثيرة شوية وبعدين أنت كدة هتكون جارى وبينى وبينك فركة كعب حوالى 6 ساعات بس.

[hazemtara]

الدكتور حازم

سلام عليكم

انا طبيب اخصاءى اشعه اعمل فى السعوديه من اربعة سنوات وعاوز اغير مكان عملى طبعا رفضوا نقل الكفاله وهانزل فى نصف شعبان

راى حضرتك اخد نهائى ام ذهاب وعوده

وايه المطلوب اخده من المستوصف اللى انا شغال فيه

لان مش هيفرق معاهم

أهلاً دكتور

الأفضل إنك تأخذ خروج نهائى لو ما كُنتش متأكد من وقت رُجوعك للسعودية لأنك عارف أنة تأشيرة الخروج والعودة لها وقت صلاحية يعنى مُعظم الأماكن بتعملها شهرين إلا إذا كفيل عملك تأشيرة الخروج والعودة مدتها كبيرة زى مثلاً 6 شهور فى هذة الحالة الخروج والعودة أفضل لك.

يبقى لو تعرف تظبط الكفيل ويديك مدة كبيرة فى الخروج والعودة تكون أفضل لكن لو مُش هتعرف تظبط الأمور مع الكفيل يبقى خروج نهائى أفضل.

وأنت راجع تانى ما فيش حد بيدور وراك لا أنت كُنت فين ولا كُنت بتشتغل فين ولا غيرة ولو خايف غير الجواز وما تخفش من البصمة طالما أنك ملكش مشاكل لا قدر الله ولا عليك حد من حدود الله لا قدر الله.

طبعاً لما تنزل مصر تتوجه مُباشرة لمكتب التوظيف أو بيونير أو مصر الحجاز وتختبر للتعاقد مع الحكومة السعودية.

[hazemtara]

الدكتور حازم

سلام عليكم

انا طبيب اخصاءى اشعه اعمل فى السعوديه من اربعة سنوات وعاوز اغير مكان عملى طبعا رفضوا نقل الكفاله وهانزل فى نصف شعبان

راى حضرتك اخد نهائى ام ذهاب وعوده

وايه المطلوب اخده من المستوصف اللى انا شغال فيه

لان مش هيفرق معاهم

مفروض حضرتك تأخذ شهادة خبرة من المستوصف وتوثقها من الخارجية السعودية قبل ما تنزل ودة مهم جداً

وخليهم ما يعملوش لك عدم مُمانعة من دخول السعودية.

[hazemtara]

ربنا يكرمك ياد/حازم ده من بعض ما عندكم . شوفت حضرتك انا مجتهده وبذاكر كويس ازاي . بعد كده هانافسك في الرد على الاعضاء. او خلليني المساعده بتاعتك اللي ماتبقاش فاضي ترد عليه ارد انا . اهو اخد لي دعوتين على الماشي. بس على فكره انا رديت من معلوماتي اللي اكتسبتها عن طريق المنتدى ده برضه . يعني الفضل برده يرجع للاعضاء في المنتدي اللي حضرتك واحد منهم وشكرا brth)

شكراً لحضرتك جداً

بس إية البنات العسل الى فى الصورة دى أنا مراتى هتموت على بنت ومجننانى وبتشتكى من الصبيان مُر الشكوة العيال مجنيننها عجبى على الزمن brth) :)