مغترب-طبيب/ صيدلى/ تمريض اتفضل معانا

[hazemtara]

السلام عليكم ورحمة اللة وبركاتة

دكتور حازم جزاك اللة كل خير انت ونعم المسلم ربنا يكرمك

الله يكرمك بمثل ما دعوتى لى

انا عايزة اسال بس هل شهادة التعريف من شغلى تعتبر شهادة خبرة ولا لازم اخدها واروح مديرية الصحة واطلع شهادة خبرة؟

لو تُقصدى شهادة خبرة من العمل فى السعودية فشهادة التعريف لا تُغنى عن شهادة الخبرة.

لازم شهادة الخبرة تكون من المُديرية ، ولو عاوزها علشان هتقدميها لجة رسمية تانية للعمل يبقى لازم التوقيع يكون التوقيع الرسمى لمُدير المُديرية يعنى التوقيع المُعتمد ثم ترسل للخارجية السعودية للتوثيق.

أما لو الشهادة مثش هتتعاقدى بيها يبقى يكفى التوقيع الغير مُعتمد ودة لا يحتاج التوثيق من الخارجية.

سهلة كدة أظن.

لكن لو تقصدى شهادة تعريف من مصر فدى ليس لها قيمة لازم شهادة الخبرة من المديرية والمُوثقة والمُعتمدة من الخارجية والسفارة.

انا ماكملتش سنوات التكليف بتاعتى غلشان سافرت هل دة ممكن يذكر فى شهادة الخبرة ولا اية؟واية خطوات استخراج شهادة خبرة؟

انا اسفة للاطالة بس حضرتك سمحت لنا نعتبرك اخ لنا وربنا يكرمك brth) brth)

شهادة الخبرة دى لو من مصر بيكتبوا فيها كل حاجة بالتفصيل يعنى لو أخذت أجازة بدون راتب ها يكتبوها فيها والتوثيق من الخارجية المصرية ثم السفارة السعودية.

[hazemtara]

السلام عليكم ورحمة الله وبركاته ازيكو يا دكاتره والله لكم وحشه اتمني انكو تكونوا لسه فاكرني انا صديقه قديمممممممممممممممممه بس سيبت المنتدي شويه لان للاسف كان حصلي ولزوجي حادثه بس الحمد الله احنا تمام دلوقتي. انا فرحت جدا لما لقيت الموضوع لسه مستمر بنشاط وهمه ربنا يبارك لك يا دكتور حازم وانا شايفه كمان انا اصدقاء الموضوع زادوا ما شاء الله .بس ياريت قبل محد يسال سؤال يدور عليه في المداخلات السابقه يعني موضوع التشغيل بتاع وزارة الصحه الدكتو حازم كان اكلم فيه قبل كده كتييييييييير. يعني بلاش نتقل ع الدكتور اوي كده

ألف حمد لله على السلامة أنت وزوجك وإن شاء الله تكونوا بخير وصحة وعافية .

منورة المُنتدى وبيتك وشُكراً على التوجيهات الجميلة دى.

[hazemtara]

دكتور حازم بعد اذن حضرتك استفسار لانى بحثت كثيرا عليه ولم اجد اى إفادة

انا طبيب اسنان دفعة 2005 وكنت عايز اعرف

ماذا تعادل ال NBD فى دول الخليج وهذا رابط ليها

http://www.ada.org/prof/ed/testing/index.asp

وهل المقصود بيها البورد الامريكى من المجلس الامريكى كما هو مذكور بانها من الشهادات المعادلة بشهادة الاختصاص السعودية

يعنى هل هى تعادل دكتوراة او ماجيستر وطبعا هل يشترط الجزئين NBD I and NBD II

إتفضل يا دكتور كريم/

الأول أهلاً بك زميلاً عزيزاً بيننا

شوف يا دكتور بدون الدُخول فى تفاصيل كُل شهادة على حدة النظام فى السعودية إتغير من فترة وبيتغير كل يوم فى الهيئة السعودية للتخصصات الصحية وكل يوم بيتشددوا عن اليوم الى قبلو وعندهم حق.

كل وظيفو هنا فى الهيئة مُحدد لها التصنيف الخاص بها

يعنى توضيح أكثر

1-مثلاً الطبيب العام مُحدد لة أنة الطبيب الحاصل على بكالوريوس فى الطب سواءطبيب بشرى أى طبيب أسنان ومُدة الدراسة مثلاً لا تقل عن 6 سنوات بحيث يدرس خلالها الكُورسات التالية مثل خُد عندك كُل مواد الطب!!!!! واضحة دى

2- الطبيب الأخصائى بدبلوم لازم يكون حاصل على دبلوم فى الطب ومُدة الدراسة لا تقل مثلاً عن سنة ودرس خلالها كذا ساعة نظرى وكذا ساعة عملى وعندة خبرة بعد الدبلوم لا تقل عن 3 إلى 5 سنوات.

3- الأخصائى بماستر نفس النظام شروط الماستر مع مُدة الدراسة + خبرة لا تقل عن 2 إلى 3 سنوات.

4-الإستشارى هو الحاص على الدكتوراة أو ما يعادلها من الشهادات زى البورد الأمريكى أو الكندى أو كل البوردات الغربية.

والدول مُحددة عندهم زى مثلاً معروف مصر بها حوالى 22 كلية طب وكلها تُعطى بكالوريوس ودبلوم وماستروبرامج الكليات معروفة ومدروسة هنا.

كل الدول كدة يعنى هما عارفين كل مؤهل من معظم الدول التى يتم التعاقد معها زى مصر واسودان وأمريكا وفرنسا وغيرة من الدول.

طيب لو واحد طبيب أسنان زى حضرتك راح درس فى دولة الهيئة هنا لا تعرف عنها شيئ و حصل على مؤهل لا يعرفوا عنة شيئ،،!!!!!! بيدخل حاجة إسمها التصنيف يعنى بيطلوبوا من معاليك تجيب شهادة مُفصلة بمدة الدراسة وعدد ساعات الدراسة وتكون مُوثقة من الدولة دى.

بيخدوا هما الشهادة دى ويُعادلوها يعنى يقول لك الشهادة دى تنفع فى السعودية أنك تشتغل بيها مثلاً أخصائى أو طبيب عام أو مُمكن لا تصلح خالص.

للأجنبى لو الشهادة لا تصلح خلاص يبقى مُش من حقك تُمارس المهنة هنا فى السعودية بهذا المُوهل.!!!طيب لو الحاصل على هذة الشهادة سعودى بيدخلوه حاجة لإسمها تصنيف ثم إعادة تأهيل يعنى بيسمح لة لو مثلاً جاب دبلوم من المجر وكانت الدبلوم دى ناقصة ساعات تدريب مثلاً 20 ساعة عملى أنة يدخل فى أى جامعى سعوديى لإستكمال الناقص من ساعات التدريب ثم تُعتمد الشهادة للسعودى وأنت لا.

مثل على ذلك ما حدث فى هذة السنة مع أوكرانيا تم إلغاء إعتماد الشهادات الأوكرانية هذا العام ولم تعد مُعترف بها من الهيئة بداية من 1-1-1430هـ.

يعنى من بداية السنة دى أى شهادة من أوكرانيا سواء للسعودين او غيرهم إنسى ليس لها أى قيمة ,,, طبعاً السعودين إشتكوا للملك وتم قُبول شكواهم وسمحوا لهم بالمعادلة يعنى الى ناقص لة تدريب بيدربوة وهكذا ودة منشور فى صحيفة الرياض السعودية فى الأعداد بداية السنة من المدة من 1-1 حتى 15 -1 -1430هـ.

المُوهل الى حضرتك ضايفة فى اللينك بيقولوا أنة يعادل البورد لو كدة يُعامل الحاصل علية مُعاملة الدكتوراة ويُصنف إستشارى بعد 3 سنوات من الحصول على المؤهل.

خد بالك تصنيف الهيئة نهائى يعنى

لو حضرتك معاك دكتوراة والهيئة قالت مثلاً هذا المؤهل يصلح بس لوظيفة أخصائى يبقى كدة أقصى وظيفة حضرتك تستطيع العمل فيها هى أخصائىوالعكس.

يعنى لو الهيئة صنفتك إستشارى ولكن جهة العمل أو صاحب العمل ماعندوش غير وظيفة أخصائى وحضرتك قبلت هذة الوظيفة خلاص الهيئة ملهاش دعوة طالما أنت راضى.

بس خد بالك فى علامات تدل على أنة المؤهل الى أنا عاوز أخدة دة مُحترم ولا نصب إزى يعنى .

ما تُقليش أنى وجدت مثلاُ دكتوراة فى أمريكا ومُدة الدراسة فيها سنة وحضرتك تبقى موافق ومُقتنع انة الكلام مظبوط أكيد دة نصب لأنة معروف مثلاُ أنة رامج البورد أو الدكتوراة لا تقل عن 4 إلى 5 سنوات على أقل تقدير والى يقول لك غير كدة يبقى بينصب عليك.

ما تقوليش أنا لقيت ماجستر فى هولندا مدتة 9 شهور دة هجص وهكذا ولازم يكون لينا عقل نُحكمة بالإضافة أنة أى شهادة حضرتك عاوز تخدها لازم تكون من هناك يعنى من بلدها مفيش حاجة إسمها أون لاين وأنت فى البيت جنب الحاجة مثلاً.

يعنى هل هى تعادل دكتوراة او ماجيستر وطبعا هل يشترط الجزئين NBD I and NBD II

ما أنا لسة أيل دلوقت ما فيش حاجة إسمها دكتوراة مشى حالك جزء واحد ينفع وخلاص هو يعنى لازم الجزئين

دة غلط حتى السعودى بيعملوا لة إمتحان معادلة ممكن بينفخوة فية يبقى أنت تقولى أنا ممكن أمشى حالى بجزء واحد على ما تُفرج !!!!!!لا :blink:

ومعلش استفسار اخر بعد البحث فى الجامعات إللى حضرتك وضعتها فى الموضوع ومنهم على سبيل المثال جامعة Manchester

فى انجلترا وجامعات اخرى

وجدت شهادة تسمى Graduate Certificate

ومدتها 9 شهور فماذا تعادل فى دول الخليج وهل اى شهادة من الجامعات دى بينظر للمدة بتاعتها او إذا كانت الدراسه اكاديمية فقط او فى جزء clinical او يدققوا فى التخصص مثلا

يعنى هل التقويم زى زراعة الاسنان زى طب المجتمع زى طب اسنان الاطفال و هل يوجد افضلية

لان حضرتك ذكرت فى الموضوع انها تخصصات ندرة

معلش انا عارف انها اسئلة كتير وشكرا ليك.

ما أنا لسة شرح لك !!!اللبيبُ بالإشارة يفهمُ واضح من المُدة الزمنية بتعتها أنها أقصى تصنيف ممكن تأخذه أنها دبلوم ودة فى حالت أنها تكون مستوفية الشروط يعنى البرنامج بتاعها مدتة الزمنية قد أية وهل ينفع مثلاً لو زراعة الأسنان انة حد يأخذ دبلوم فى 9شهور ولا إية.

طبعاً التخصصات الى عاوزة تدريب كتير لازم المدة الزمنية تكون أطول دة أكيد لكن تخصص زى المُجتمع ممكن تمشى الأمور لو 9 شهور علشان مش محتاج تدريب كبير.

لكن بصفة عامة مش هتزيد عن دبلوم ولو برامجها هجص ممكن لا تعتمد من أساسة .

عامة انا شاكر لحضرتك جدا وانا مش مستعجل على الاجابة على الاستفسارات دى ومقدر انشغالك وكان الله فى العون.

تحت أمرك :lol:

[rewsha]

السلام عليكم ياد/حازم اولا :بادعي من كل قلبي ربنا يرزقكم بالبنت ان شاء الله (الدعوه دي علشان المدام)لاني عارفه ان البنات بتعمل جو حلو في البيت غير الصبيان.ثانيا:دول بناتي الاتنين واحده 8 سنوات والتانيه 12 سنه لو عندكم عرسان ليهم خليهم يجهزوا نفسهم واحنا طلباتنا مش هاتبقى كتيره . احنا بنحب نساعد الجيل الصاعد. ثالثا بقه بالنسبه للسفر غالبا هايكون على مستوصف علشان لغاية دلوقتي ماحدش بعت لناعلشان يعمل مقابله. بالنسبه لمكتب التوظيفواللى عرفناه ان اللجنه جايه في 22/4ومفيش حس لا خبر للنهرده .ومصر الحجاز عمل اعلان برده على مستشفيات الداخليه في السعوديه وقدمنا من اسبوعين وبرضه ماحدش اتصل بينا وكل اللي بيتصلوا هم مكاتب اخرى مثل مكتب المعالي اللي كل شويه جايب لنا عقد في حته شكل في السعوديه. واحنا عايزين نقرر بقه علشان موضوع المدارس للبنات يعني قدامنا 4 شهور بسوالسنه الدراسيه الجديده تبدا في السعوديه . وعايزين نرتب امورنا لان غالبا هو لازم يسافر قبلنا بشهرين وله حاجه علشان نرسى على الوضع في المكان اللي هايروحه فالوقت عمال يجري واحنا لسه مش عارفين ايه النهايهوربنا يعمل اللي فيه الخير دعواتكم معانا.

على فكره يا دكتور زي ماقلت لحضرتك اول ما ساْلت في المنتدى عن شهادة الخبره لان واحد زميله نفس التخصص ونفس شهادة الخبره ومقدم معانا في نفس الاماكن ولسه مكلمنا امبارح قال المشكله مش في مكتب التوظيف . المشكله في القنصليه علشان شهادة الخبره وهم هايوجعوا دماغهم مع بتوع الجيش ليه؟وبرضه ماحدش بعت له غير كله مستوصفات. عموما هوه احنا هاننهب اللي يجيبه ربنا كويس

.

ومصر الحجاز

[doctormeem]

السلام عليكم ورحمة الله وبركاته

دي اول مشاركه ليا بالمنتدي

واول حاجه لازم اعملها اني اشكر دكتور حازم علي مجهوده الرائع ده

وليا عنده استفسار

انا دلوقتي في دورة طب الاسره بالمعهد القومي للتدريب المؤهله للسفر للسعوديه وامتحاني ان شاء الله نص خمسه الجاي

ومن اسبوع عملت مقابله لمستشفي المللك خالد العسكري بحفر الباطن عن طريق شركة بايونير(طبيب عام) والحمد لله اتقبلت

والشركه اتصلت عليا عشان اجيب اوراقي عشان السفر

دلوقتي انا محتار اسافر للمستشفي ده ولا اسافر عن طريق الدوره(كده كده انا انا شاء الله هاستني امتحان الدوره بس مش عارف اسافر اي طريق في الاتنين)

تقريبا نفس المميزات

بس الفرق ان عقد المستشفي العسكري هيكون سكن عازب داخل المدينه العسكريه(ولما سالت السعودي قولت ليه اني هاتجوز بعد سنه قالي لو انت معانا كويس ممكن نعدل عقدك لعائلي)

اما طبعا السفر عن طريق الدوره هيكون تعاقد حكومي يعني هاخد بدل سكن واسكن براحتي

ياريت يا دكتور حازم تقولي رأيك في الموضوع ده...وبرضه تقولي المفروض شركة بايونير تاخد كام بالظبط

وجزاك الله كل خير

سيبك من الدورة دى بيودوك مناطق نائيه مش اد كده ونادرا لو رحت مدينه اصلا

روح العسكرى على الاقل عارف رايح فين

اسمع نصيحتى انا خدت الدوره دى وسيبتهم ورحت مستشفي خاص ارحم

شكرا دكتور للرد والله المستعان

[doctormeem]

الفاضل دكتور ميم

العزيز دكتور إم إم فرند/

السلام عليكم الأول

طبعاً كلام أخونا إم إم صح ،لكن أن سأتناول الموضوع من وجهة نظر أخرى.

أنا معرفش حضرتك إشتغلت فى الريففى مصر ولا إية لكن لما أنا كُنت فى الريف فترة التكليف وكان وقتها الدكتور إسماعيل سلام وزيراً للصحة وقتها طلع بموضوع إبتعاث أطباء الريف لدول أوروبا وأمريكا لمدة 3 شهور للتدريب فى مجال طب الأسرة وتأخُذ لك قرشين حلوين فى بداية حياتك كطبيب صغير لسة متخرج ومحتاج فلوس ،،!!!ودة نظير أنك توقع على إقرار بالعمل فى الريف لمدة 5 سنوات ولا يحق لك طلب نيابة أو النقل للقطاع العلاجى وطبعاً دة إجحاف وتضيع لحقوق الناس وإستغلال لظروفهم.

هذا العرض لما عُرض عليا وأنا فى الأقصر وقتها قلولى هتأخذ مبلغ حوالى 40000 جنية مصرى تقريباً على ما أذكر،، المهم رفضت العرض لأنى مُش رتب حياتى كدة خالص ولم تكون حساباتى على هذا الأساس.

دة نفس الى السعودية عملتة من حوالى سنة إلى 6 شهور لما نزلوا يجيبوا اطباء من دول زى بنجلادش والهند والفلبين وغيرها ومُعظم هذة الدول رفض أبنائها القُدوم على هذة الرواتب لأنها قليلة.

البديل أمام وزارة الصحة السعودية هو وبكل أسف النزول لمصر والإتفاق على التعاقد مع الأطباء المصرين وتم إبرام إتفاق بين وزارة الصحة المصرية والسعودية ينص هذا الإتفاق على أن مصر تُعطى كل سنة 2000 طبيب من الأطباء الجدد تتولى السعودية الإشراف على تدريبهم وتأهيليهم للعمل كأطباء أسرة فى السعودية بشرط أن الأطباء دول يشتغلوا لحساب السعودية لمدة 5 سنوات فى قطاع الريف السعودى ولا يحق لهم فسخ العقد والجهة الوحيدة الى تستطيع فسخ العقد هى وزارة الصحة السعودية،،،، طبعاً دة بيفكرنى بنفس الى وزارة الصحة المصرية عملتة معانة فى التكليف.

المهم الكلام الى أنا كتبتة دة منشور فى الصحف السعودية وعلى وجة التحديد فى صحيفة الرياض السعودية فى شهر يناير 2009م.

طبعاً العقد كويس كعقد حكومى لكن عيبة موضوع ال خمس سنوات الإحتكار دى.

الجيش السعودى وظائفة مُمتازة ومن أفضل الرواتب هنا وبعدين المكان المعروض عليك كويس جداً الحفر بلد جميلة وإن كان العج ( العواصف الرملية) فيها كثيرة شوية وبعدين أنت كدة هتكون جارى وبينى وبينك فركة كعب حوالى 6 ساعات بس.

شكرا دكتور حازم بس ماقولتش بايونير المفروض تاخد كام؟

[movalentinos]

الف شكر يا دكتور على ردك بالنسبة لطبيب الجلدية وشكرا جزيلا لسيادتكم

[Egypt]

الدكتور حازم

سلام عليكم

انا طبيب اخصاءى اشعه اعمل فى السعوديه من اربعة سنوات وعاوز اغير مكان عملى طبعا رفضوا نقل الكفاله وهانزل فى نصف شعبان

راى حضرتك اخد نهائى ام ذهاب وعوده

وايه المطلوب اخده من المستوصف اللى انا شغال فيه

لان مش هيفرق معاهم

أهلاً دكتور

الأفضل إنك تأخذ خروج نهائى لو ما كُنتش متأكد من وقت رُجوعك للسعودية لأنك عارف أنة تأشيرة الخروج والعودة لها وقت صلاحية يعنى مُعظم الأماكن بتعملها شهرين إلا إذا كفيل عملك تأشيرة الخروج والعودة مدتها كبيرة زى مثلاً 6 شهور فى هذة الحالة الخروج والعودة أفضل لك.

يبقى لو تعرف تظبط الكفيل ويديك مدة كبيرة فى الخروج والعودة تكون أفضل لكن لو مُش هتعرف تظبط الأمور مع الكفيل يبقى خروج نهائى أفضل.

وأنت راجع تانى ما فيش حد بيدور وراك لا أنت كُنت فين ولا كُنت بتشتغل فين ولا غيرة ولو خايف غير الجواز وما تخفش من البصمة طالما أنك ملكش مشاكل لا قدر الله ولا عليك حد من حدود الله لا قدر الله.

طبعاً لما تنزل مصر تتوجه مُباشرة لمكتب التوظيف أو بيونير أو مصر الحجاز وتختبر للتعاقد مع الحكومة السعودية.

عاجز عن الشكر يادكتور حازم

واحب اقول لحضرتك انك اصبحت مرجع بالنسبه لاى طبيب فى الغربه

لدرجه اننا فى المستوصف اللى باشتغل فيه لما نختلف فى موضوع وواحد يستشهد بحضرتك يبقى الخلاف حسم لانه قال ان الدكتور حازم بيقول كذا

[student]

ايه ده يا باشا

لااا دحنا نمسك الخشب

القهوة بقت ولا مكتب التنسيق :blink:

ما شاء الله لا قوة الا بالله

انا جاي اسلم بس ....عشان متقولش حعطلك عن الزباين :lol:

[hazemtara]

ايه ده يا باشا

لااا دحنا نمسك الخشب

القهوة بقت ولا مكتب التنسيق :lol:

ما شاء الله لا قوة الا بالله

انا جاي اسلم بس ....عشان متقولش حعطلك عن الزباين smk:

منورنى والله يا دكتور ربنا يكرمك أمين يا رب العالمين :blink: .

[hazemtara]

عاجز عن الشكر يادكتور حازم

واحب اقول لحضرتك انك اصبحت مرجع بالنسبه لاى طبيب فى الغربه

لدرجه اننا فى المستوصف اللى باشتغل فيه لما نختلف فى موضوع وواحد يستشهد بحضرتك يبقى الخلاف حسم لانه قال ان الدكتور حازم بيقول كذا

شكراً لك حبيبى هذا شرف لى لا أستحقة !!!.

ربنا يقدرنى وأعرف أرد على أسئلة الناس كُلها بقدر ما أستطيع ولا تنسونى من دعائكم.

[hazemtara]

الف شكر يا دكتور على ردك بالنسبة لطبيب الجلدية وشكرا جزيلا لسيادتكم

حت أمرك يا فندم وأي حاجة فى الخدمة دوماً

[hazemtara]

شكرا دكتور حازم بس ماقولتش بايونير المفروض تاخد كام؟

2% من قيمة العقد السنوية يعنى لو دخلك السنوى من هذا العقد 100000 ريال بيكون حقهم 2000 ريال بس وليس أكثر من كدةولا جنية واحد

[hazemtara]

السلام عليكم ياد/حازم اولا :بادعي من كل قلبي ربنا يرزقكم بالبنت ان شاء الله (الدعوه دي علشان المدام)لاني عارفه ان البنات بتعمل جو حلو في البيت غير الصبيان.ثانيا:دول بناتي الاتنين واحده 8 سنوات والتانيه 12 سنه لو عندكم عرسان ليهم خليهم يجهزوا نفسهم واحنا طلباتنا مش هاتبقى كتيره . احنا بنحب نساعد الجيل الصاعد. ثالثا بقه بالنسبه للسفر غالبا هايكون على مستوصف علشان لغاية دلوقتي ماحدش بعت لناعلشان يعمل مقابله. بالنسبه لمكتب التوظيفواللى عرفناه ان اللجنه جايه في 22/4ومفيش حس لا خبر للنهرده .ومصر الحجاز عمل اعلان برده على مستشفيات الداخليه في السعوديه وقدمنا من اسبوعين وبرضه ماحدش اتصل بينا وكل اللي بيتصلوا هم مكاتب اخرى مثل مكتب المعالي اللي كل شويه جايب لنا عقد في حته شكل في السعوديه. واحنا عايزين نقرر بقه علشان موضوع المدارس للبنات يعني قدامنا 4 شهور بسوالسنه الدراسيه الجديده تبدا في السعوديه . وعايزين نرتب امورنا لان غالبا هو لازم يسافر قبلنا بشهرين وله حاجه علشان نرسى على الوضع في المكان اللي هايروحه فالوقت عمال يجري واحنا لسه مش عارفين ايه النهايهوربنا يعمل اللي فيه الخير دعواتكم معانا.

على فكره يا دكتور زي ماقلت لحضرتك اول ما ساْلت في المنتدى عن شهادة الخبره لان واحد زميله نفس التخصص ونفس شهادة الخبره ومقدم معانا في نفس الاماكن ولسه مكلمنا امبارح قال المشكله مش في مكتب التوظيف . المشكله في القنصليه علشان شهادة الخبره وهم هايوجعوا دماغهم مع بتوع الجيش ليه؟وبرضه ماحدش بعت له غير كله مستوصفات. عموما هوه احنا هاننهب اللي يجيبه ربنا كويس

أولاً شكراً لحضرتك وربنا يتقبل منك الدعوة الجميلة دى أنا نفسى أصبحت نفسى فى بنوتة حلوة تملى علية البيت بدل الصبيان الى جنونى ضرب وزعيق وشكل طول اليوم أظن البنات أهدى وأكثر حنية من الصُبيان.

خلى الدكتور ما يستعجلش ممكن بيتأخروا شوية فى الرد لا تتعجلى الأمور كلة بأوانة والله المُوفق.

أنا لسة واحد زميلى كان زعلان ومقدم فى الحرس من فترة علشان مش كلموة !!!!!

لسة إمبارح متصلين بية والله السعودية محتاجة أطباء كتير وعندهم عجز شديد بس الصبر.

الشركات الخاصة دى هتوجع راسك لأنهم عاوزين قرشين ليهم وأنتم إن شالله تموتوا بعد كدة هوة مالوش دعوة المهم أخذ المعلوم وخلاص.

علشان كدة بقول لك الصبر والتأنى وزوجك لا يقبل أى عقد أقل من 10000 ريال وإلا يبقى بيخسر ويضيع وقتة فى الفاضى.

وأنا ذكرت لك هنا فى الحكومة راتبة هيكون أكبر من كدة,,,!!!!! أكيد جداًمش أقل من 13000 إلى 14000 ريال على حسب سنوات الخبرة.

[كريم طاهر]

شكرا لحضرتك جدا يادكتور حازم وانا اسف إذا كنت تقلت عليك اعذرنى وسامحنى

ومعلش انا مش بعرف اشرح واكيد كررت اسئلة بصيغ مختلفة وكنت مفروض اختصرهم فى سوال واحد بس دى مشكلة عندى وشكرا ليك انك تحملتها.

[jukass]

مرحبا دكتور حازم

انا اسمي انس طالب بسنة سادسة جامعة مصر للعوم والتكنولوجيا

فلسطيني الجنسية مقيم بجدة وعندي اقامة

( يعني جيران وحنبقى زمايل)

انا حبيت اشارككم كل اللي عندي من معلومات عن الهيئة السعودية للتخصصات الطبية

لاني بالصيف اللي فات عرفت حاجات كتيرة عن قوانينهم وتخصصاتهم

واشتغلت فترة كمتدرب بجامعة الملك عبدالعزيز بجدة

بس لما لقيت الباشا الكبيييييييييييير حازم كاتب كل حاجة ومش مقصر معانا

انا حبيت اشكرك على المجهود الرائع

وكان عندي كام سؤال عن الشغل بالسعودية

انا عايز اقدم على الامتياز بالسعودية ان شاء الله

ايه رايك ؟ وتعرف حد ممكن يساعدني ؟؟

وعايز اشتغل بعد الامتياز ,,, ومش عارف اشتغل تحت اي بند

يعني اشتغل كطبيب مقيم بالجراحة

والا اخش تحت برنامج الهيئة السعودية في تخصص الجراحة

وادفع كل سنة 8000 ريال

وهل بقبض راتب بالحالتيين

يعني بعرف واحد قريب لي ببرنامج اخصائي اطفال بيدفع بالسنة 4000 ريال

وهو الان باخر سنة اللي هي الرابعة

وبيقولي ما بيقبض راتب بالاربع سنين

فانته رايك ايه؟

لانه مستحيل اخلي والدي يصرف علي ؟؟

وعايز اعرف متطلبات العمل كطبيب مقيم بقسم الجراحة ؟؟؟

هل بيكفي شهادة البكالوريس وامتحان الهيئة؟؟

والا في شي ثاني ؟

حاجة اهم يا دكتور

دلوقتي انا قريت كلامك كله

وقريت تقسمية الرواتب والمبلغ اللي بينعطى

والبنود المختلفة على حسب من فين شهادتك

اوكيه كده

السؤال فين .... حقولك ,,, انا لو رحت عادلت شهادتي باستراليا مثلا

معادلة يعني AMC زي الـ USMLE ,,, ماشي

ورجعت السعودية حتحط باي بند وحاخد كام

ولو كان عندي خبرة سنة معاها

ويسلمو يا زٌمل على مجهودك معانا

مستني ردك

ده ايميلي للمحادثات

junior.surgeon@hotmail.com

دكتور حازم

اذا عندك معلومات عن الالماني

باربت تقول عنه

لانه سمعت انه مش محتاج اي امتحانات ولا معادلة

بس لغة واطلع اشتغل

صح والا لا ؟؟؟؟؟؟؟؟؟؟؟؟؟؟؟؟؟

أهلاً بيك بين إخوانك موضوعاتك كبيرة وأسئلتها عاوزة تركيز وتوضيح كتير منى يا ريت لو تُعطينى فرصة للرد عليك خلال الأسبوع القادم بإذن الله.

وانا بانتظار ردك على احر من الجمر يا دكتور حازم

بالتوفيق والله يعطيك الف الف عافية

يا دكتور حازم حضرتك ما رديت على اسئلتي ؟؟؟

انا مستني الرد

وكنت بفكر لما اخلص امتياز اشتغل طبيب مقسم بقسم الجراحة

حضؤتك ممكن تساعدني في الموضوع هذا ؟

شكرا

[rewsha]

شكرا جزيلا ياد/ حازم وكنا مفتقدين ردودك السريعه دي . انا عن نفسي كنت بافتح الجهاز (الكمبيوتر) من الصبح على المنتدى وكل شويه ادور الدكتور حازم دخل وله لا. بغض النظر عن انه عندي سؤال وله لا بس اصل بصراحه الكل بيدخل يساْل وانت اللي بتجاوب يعني لو حضرتك مادخلتش يبقى ما فيش معلومات جديده في اسئله جديده بس لان حضرتك تغيبت لمدة اربع اوخمس ايام عن المنتدى.انشاء الله يكون خير. وبالنسبه للعروض اللي بتقدم لنا هيه فعلا ب10000 الافو15 يوم اجازه مدفوعة الاجر . بس احنا بنحاول نخليها 11 او 12 بس اعتقد انها هاترسى على 11 ومش عارفه ننتظر لامته وبعد كده نقبل اصل انا اعتقد ان كل الناس عامله زيينا مستنيه مكتب التوظيف لكن اول ما يعرفوا ان اللجنة جت خلاص وما اتصلوش بيهم كله ها يطلع يدور على الخاص

ماحنا مش عارفين ممكن ياترى يبعتوا لنا مثلا قبل الانترفيو بيومين؟ وله بيكون قبلها بمده وربنا يكرم

[rewsha]

ياجماعة الخير اهل منتدى محاورات المصريين المغتربين . ممكن لو اي حد عنده فكره عن مكتب التوظيف السعودي او مصر الحجاز بعتوا للناس او بدؤا يتصلوا بيهم علشان المقابلات يقول لنا علشان انا مش عارفه نستنى لامته وبعد كده لو ما اتصلوش يبقى خلاص مش هايتصلوا وندور على مكان تانى؟ وشكرا مقدما

[hazemtara]

شكرا جزيلا ياد/ حازم وكنا مفتقدين ردودك السريعه دي . انا عن نفسي كنت بافتح الجهاز (الكمبيوتر) من الصبح على المنتدى وكل شويه ادور الدكتور حازم دخل وله لا. بغض النظر عن انه عندي سؤال وله لا بس اصل بصراحه الكل بيدخل يساْل وانت اللي بتجاوب يعني لو حضرتك مادخلتش يبقى ما فيش معلومات جديده في اسئله جديده بس لان حضرتك تغيبت لمدة اربع اوخمس ايام عن المنتدى.انشاء الله يكون خير. وبالنسبه للعروض اللي بتقدم لنا هيه فعلا ب10000 الافو15 يوم اجازه مدفوعة الاجر . بس احنا بنحاول نخليها 11 او 12 بس اعتقد انها هاترسى على 11 ومش عارفه ننتظر لامته وبعد كده نقبل اصل انا اعتقد ان كل الناس عامله زيينا مستنيه مكتب التوظيف لكن اول ما يعرفوا ان اللجنة جت خلاص وما اتصلوش بيهم كله ها يطلع يدور على الخاص

ماحنا مش عارفين ممكن ياترى يبعتوا لنا مثلا قبل الانترفيو بيومين؟ وله بيكون قبلها بمده وربنا يكرم

فية حل كويس نظام تمسكى العصا النصف ،،،!!!!! يعنى تبدئى الأن مع الدكتور تدورى على تعاقد خاص فى أى مكان مُناسب وبسعر كويس ، وتتوكيلى وتيجى ولكن تكونوا مُتابعين فى مصر عن طريق التليفون ساعة اللجنة ما تنزل مصر الدكتور يأخذ أجازة طارئة وينزل يختبر فى مصر ويرجع تانى لو إختارة فى اللجنة يستقيل وينزل مصر للتعاقد الجديد لو لم يُختار يبقبى يا دار ما دخلك شر.

والنظام دة نجح مع زملاء كتير لنا هنا لما نصحتهم بكدة بس دة يتطلب من حضرتك مُتابعة جيدة للشركات فى مصر بالهاتف.

وسيبك من موضوع أنة فى ناس كتير لو ليكى نصيب لن يُخطئك بتاتاً.

مُوفقة بإذن الله.

[hazemtara]

مرحبا دكتور حازم

أهلاً أنس منورنا فى المُنتدى

انا اسمي انس طالب بسنة سادسة جامعة مصر للعوم والتكنولوجيا

فلسطيني الجنسية مقيم بجدة وعندي اقامة

( يعني جيران وحنبقى زمايل)

تحت أمرك ودة شرف لى أن أكون زميلك.

انا حبيت اشارككم كل اللي عندي من معلومات عن الهيئة السعودية للتخصصات الطبية

لاني بالصيف اللي فات عرفت حاجات كتيرة عن قوانينهم وتخصصاتهم

واشتغلت فترة كمتدرب بجامعة الملك عبدالعزيز بجدة

بس لما لقيت الباشا الكبيييييييييييير حازم كاتب كل حاجة ومش مقصر معانا

انا حبيت اشكرك على المجهود الرائع

وكان عندي كام سؤال عن الشغل بالسعودية

انا عايز اقدم على الامتياز بالسعودية ان شاء الله

ايه رايك ؟ وتعرف حد ممكن يساعدني ؟؟

مُمكن بس نظراً لأنك مُش سعودى يبقى هتدفع فلوس نظير السماح لك بالتدريب فى مستشفيات السعودية.

وعايز اشتغل بعد الامتياز ,,, ومش عارف اشتغل تحت اي بند

يعني اشتغل كطبيب مقيم بالجراحة

والا اخش تحت برنامج الهيئة السعودية في تخصص الجراحة

وادفع كل سنة 8000 ريال

مُش راح تفرق معاك فى الحالتين ،،، المهم أنك تأخذ التخصص الى بتحبة.

ورائى الشخصى لا تأخذ

وهل بقبض راتب بالحالتيين

يعني بعرف واحد قريب لي ببرنامج اخصائي اطفال بيدفع بالسنة 4000 ريال

وهو الان باخر سنة اللي هي الرابعة

وبيقولي ما بيقبض راتب بالاربع سنين

فانته رايك ايه؟

لانه مستحيل اخلي والدي يصرف علي ؟؟

وعايز اعرف متطلبات العمل كطبيب مقيم بقسم الجراحة ؟؟؟

هل بيكفي شهادة البكالوريس وامتحان الهيئة؟؟

والا في شي ثاني ؟

حاجة اهم يا دكتور

دلوقتي انا قريت كلامك كله

وقريت تقسمية الرواتب والمبلغ اللي بينعطى

والبنود المختلفة على حسب من فين شهادتك

اوكيه كده

السؤال فين .... حقولك ,,, انا لو رحت عادلت شهادتي باستراليا مثلا

معادلة يعني AMC زي الـ USMLE ,,, ماشي

ورجعت السعودية حتحط باي بند وحاخد كام

ولو كان عندي خبرة سنة معاها

ويسلمو يا زٌمل على مجهودك معانا

مستني ردك

ده ايميلي للمحادثات

junior.surgeon@hotmail.com