مغترب-طبيب/ صيدلى/ تمريض اتفضل معانا

[movalentinos]

صباح العسل عليك يا دكتور حازم

على الحلاوة والطعامة اية ولا مارادونا يا جدعان

ولا حازم امام

حبيت اصبح واسال كمان

هو الشغل اد ايه فى السعودية

راحة خميس وجمعة ولا ايه

[د محمد عمر]

السلام عليكم

شكرا على هذه الردود الجميله

ولكن اود السفر لاداء العمره والحج واشترى سياره

فهل السنه كافيه ام لاحيث ساشتغل انا وزوجتى للتوفير ثم اعود لمصر لتكملة الماستر

ولو سافرت لوحدى اجراءات استقدام الزوجه تاخد وقت قد ايه

:blush2: وشكرا جزيلاوكنت عايز اعرف مرتب الصيدلانيات كام

[hazemtara]

السلام عليكم

شكرا على هذه الردود الجميله

ولكن اود السفر لاداء العمره والحج واشترى سياره

فهل السنه كافيه ام لاحيث ساشتغل انا وزوجتى للتوفير ثم اعود لمصر لتكملة الماستر

معظم الناس تفضل السفر إلى السعودية لكى نقوم بالحج والعُمرة وهذة أكبر فائدة للعمل فى السعودية.

بالنسبة لشراء سيارة من السعودية ،،نعطى مثال لسيارة تويوتا كرولا ومعظمنا يفضلها ،،دى سعرها حوالى 60000 ألف ريال سعودى.

وأظن لو حضرتك شغال أنت وزوجتك فى السعودية لن تستطيع أنك تحوش أكثر من كدة يعنى السنة يا دوب تجيب سيارة وصعب إنك تعمل حاجة تانية.

ولو سافرت لوحدى اجراءات استقدام الزوجه تاخد وقت قد ايه

وشكرا جزيلاوكنت عايز اعرف مرتب الصيدلانيات كام

رواتب الصيادلة تم الحديث عنها بالتفصيل من قبل فى بداية المنتدى راجع المنتدى كويس لكن بصافة عامة رواتب الصيادلة لا تقل عن 3000 ريال ولا تزيد عن 5000 ريال.

إجراءات إستقدام الزوجة تجدها فى هذا الرابط

http://www.egyptiantalks.org/invb/?showtopic=64611

[hazemtara]

صباح العسل عليك يا دكتور حازم

على الحلاوة والطعامة اية ولا مارادونا يا جدعان

ولا حازم امام

حبيت اصبح واسال كمان

هو الشغل اد ايه فى السعودية

راحة خميس وجمعة ولا ايه

على حسب حضرتك شغال فين وما هى وظيفتك.

يعنى

لو حضرتك شغال فى الحكومة وأخصائى لك حميس وجمعة أجازة لكن لو مُقيم فليس لك خميس ولا جمعة لك يوم راحة فى الأسبوع تأخذة فى أى وقت على حسب ظروف العمل.

لو مُمارس عام فى مستوصف حكومى لك خميس وجمعة لكن لو طبيب عام فى مستشفى حكومى فى الطوارئ يببقى ملكش خميس وجمعة.

لو حضرتك فى قطاع خاص غالباً لك الجمعة فقط وممكن تشتغل الجمعة ولك أوفر تايم وليس لها قاعدة عامة ،، إنما على حسب الإتفاق مع الكفيل.

[hazemtara]

أهلاً دكتور ياسر /

وبعدين أنت حطيط لينكاك جميلة نشكرك عليها لكن أنت ذكرت أن شركة بروميترك بتعمل الإمتحان وما ذكرتش أماكن الإمتحان فى مصر، وكذالك ذكرت أنة ينفع أون لاين وما ذكرتش إزاى يعنى فى البيت ولا فى مراكز معينة وفين المراكز دى.

خد بالك فى موقع الهيئة السعودية للتخصصات الصحية لم أستطع التوصل لمكان الإمتحان فى مصر ولا فهمت كيفية إجراء الإمتحان أون لاين مع مُراعة أنة الأماكن المذكورة على موقع الهيئة لعقد الإمتحان دى مش كل أماكن الإمتحان وفقط ،،بمعنى أنة هذة الأماكن هى الأماكن الرئيسية وتبقى أماكن فرعية يعد فيها الأمتحان بصفة غير دورية.

يعنى

نأخذ مثلاً منطقتى وهى الحدود الشمالية ومنطقة الجوف مثلاً ودول منطقتين كُبار جداً وفيهم عدد لا يُستهان به من الممارسين الصحين وليسوا مذكورين تماماً فى موقع الهيئة هل معنى هذا أنة لا يُجرى فيهم إمتحانات؟؟؟؟؟

طبعاً الإجاب لا يجبرى فيهم إمتحانت فى أكثر من مدينة على سبيل المثال (الحدود الشمالية يجرى الإختبار فى (عرعر - رفحاء - طريف ) على الأقل من مرتين إلى 3 مرات سنوياً لاحظ عدد مرات الإختبار فى السعودية للأماكن الرئيسية 4 مرات.

منطقة زى الجوف ودول جيرانك يجرى فى أكثر من مدينة زى ( سكاكا - دزمة الجندل - القريات ) وال يقل عن 3 مرات فى كل مدينة.

بس الموضوع بيخضع لعدد المتقدمي لو قليل ممكن يضم مدينتين على بعض يعنى لو العدد فى عرعر قليل ممكن يضم ليهم الجوف أو لو العدد فى الجوف قليل ممكن يضم ليهم عرعر وهكذا.

هذا للتوضيح وليس إعتراض على كلامك .

حيث أن كلامك صحيح من واقع موقع الهيئة لكن الواقع فية أشياء أخرى .

أكرر لك الشكر وسرعة الرد.

:blush2:

صباح الفل يا دكتور حازم

معلش اذا كنت شديت على زباينك شويه بس متخافش همه قاعدين قاعدين طول ما انت موجود معانا

المعلومات اللي انا جبتها بخصوص امتحان الهيئة دي تنطبق على الامتحان الأونلاين بس CBT. ومكان الامتحان بيكون في القاهرة في اميدايست في شارع مصدق في الدقي, وفي السعودية بيكون في الأماكن اللي موجوده على موقع الهيئة.

بالنسبة للأماكن التانية اللي حضرتك ذكرتها دي اللي بيتعمل فيها الامتحان التحريري مش اللي عالكمبيوتر, والتقديم في الامتحانات دي بيكون عن طريق مكاتب الهيئة اللي موجودة في المديريات

ولسيادتكم جزيل الشكر

إية الحلاوة دى يا عمنا والله دة إنت عسل وزى الفل.

أخويا يا ياسر شوية عيال مستلمنى فى المنطقة الشرقية فى الدمام على وجة التحديد كل يوم أصحى من النوم أجى أدخل على النت ألاقية فاصل أكلم الشركة يقولى يا أُستاذ النت دة شغال فى الدمام :lol: .

إزاى يا عم الحاج دة أنا فى عرعر يقولى دة مسروق من الساعة كذا والى يجنن بقة أنة البية مش بيسرق ونقسم سوة يعنى لا ؟؟؟!!!!!! البية بيأخذ الخط ويغير الى يوسر نيم والباسورود ويأخذ الخط لة وأنا ربنا يتولانى برحمتة :lol: smk: .

المهم الموضوع دة بقالة دلوقت 3 أيام ومش عارف أعمل إية كلمت الشركة يقولى الموظف غير الباسورد واليوسر نيم ولا فيدة يا باشا.

مش عارف عاوز منى إية الواد دة :P gsm:: md2: .

[hazemtara]

إنذار: (0%)

معلش يا دكتور حازم انا عايزة توضيح بس ازاى اقدم فى وزارة الصحة او المديرية يعنى اية الخطوات واية الورق المطلوب واروح لمين هناك بالضبط؟

حضرتك تروحى أى مُديرية صحة قسم التتعاقد أو التوظيف ومعاكى شهادة البكالوريوس والخبرة والإمتياز وتسجيل الهيئة ( أصول وصور).

وتدخلى على المدير مباشرة وتعرضى علية مؤهلاتك وتقولى لة إنك عاوزة تشتغلى هنا هل فية وظائف فاضية؟؟؟

هيرد ويقول لكى إتركى لى صور من كل الشهادات السابقة الى قولت لحضرتك تجهزيها وتأخذيها معكى .

وهو هيطلب منك رقم تليفون هيكلموكى لما تتوفر وظيفة .

وغالباً فى خلال 6شهور غالباً سوف يتصلوا بيكى لتجهيزاصول الشهادات السابقة والإستعداد لمقابلة تُجرى كروتين للتعين بمعرفة إستشارين من المنطقة.

ثم بعد كدة يتم توقيع العقد وتوزعى على مكان معين داخل المنطقة التابعة لها المديرية.

بس هو دة كل الموضوع ولم أرى حتى الأن أى بنت تم رفضها بتاتا إلا إذا لم تنجح فى إختبارات الهيئة والمقابلة الى فى المديرية.

حاجة تانى انا اعرف ان المستوصفات الخاصة بيبقة الاستقبال مظبط مع الدكاترة يعنى ممكن لو اديتهم السي فى بتاعى يركنوة على جنب لو كانوا عايزين يجيبوا حد تبعهم يبقى اعمل اية وادى السي فى لمين فى المراكز الخاصة ؟وهل الفاكس لية فايدة ولا لازم اروح اقدم بنفسي :

وازاى اتابع الطلب بتاعى هل بالتليفون ولا لازم اعدى علىيهم(المديرية او المستوصف الخاص)ولا اسيب السى فى واستى حد يرد؟

تدخلى على المدير المسؤل وتعاملك معاة مباشرة دون وسيط وتراجعية كل فترة .

أفضل الذهاب بنفسك كل مرة أحسن من التليفون ،،لكن ينفع بردة التليفون.

دكتور حازم معلش انت ماوضحتليش برضة يعنى لازم علشان اجدد ترخيص الهيئة اجيب شهادات خبرة من السعودية بس؟طب ينفع اجيبها من مصر؟واية لازمة ساعات التعليم المستمر طب؟؟؟؟؟؟؟واية التقيييم دة؟؟؟؟واعذرنى لكترة الاسئلة بس انا خبرتى فى الحاجات دى تقريبا زيرو فربنا يكرمك؟

سؤال تانى هل ممكن اجيب شهادة خبرة من مستوصف سعودى من غير ما انقل علية كفالة وهل دة ينفع اجدد بية الترخيص؟

ممكن يا دكتور حازم انك ترد على كل سؤال معلش لانى محتاجة خبرة حضرتك اوى وانا كنت بعت امبارح بس لم اجد رد حضرتك؟ :lol: :blush2:

يا دكتورة حضرتك لخبطى الأمور ودخلتيها فى بعض لازم نفص كل حاجة علشان حضرتك تستوعبى الموضوع بسيط جداً ومش محتاج فهم كبير.

1- لو حضرتك شغالة فى أى مكان داخل السعودية تجديد ترخيص الهيئة أتوماتيك ،، تجيبى ساعات التعليم ةتدفعى الروم وشهادة تعريف من كفيلك وتسلمى الترخيص القديم وتديهم لفرع الهيئة عندك مع دوسية وصورتين شخصيتين .

وسلامتك كدة بعد شهر هيبعت لك الرخصة الجديدة سهلة دى. gsm::

2- أما لو حضرتك مش شغالة لمدة أكثر من سنتين أو إلى أن إنتهت صلاحية ترخيصك السابق فى هذة الحالة الأمور تختلف يعاد تقيمك من تانى وتدخلى الإمتحان من تانى وممكن يُطلب منك تعيدى التدريب العملى زى الإمتياز كدة من تانى .

ما هم بيعتبرواإن حضرتك لم تعودى مؤهلة لممارسة المهنة.

بس لية سؤال هو لية حضرتك هتعودى لما ترخيصك ينتهى وتدخلى فى الفيلم دة طيب من الأساس ما كونتيش دخلتى إمتحان الهيئة كان أفضل لك.

لأن حضرتك إحنا لما بنروح نجدد ترخيص الهيئة خطاب التعريف الى أنا ذكرتة من قبل يعتبر شهادة خبرة لى حيث أننى أعمل بهذا المكان .

أما حضرتك فين خطاب التعريف وفين شهادة الخبرة التى تثبت عملك فى مكان معين،، حتقولى لى أجيب من مصر شهادة خبرة ممكن ،،بس لو الموظف عندك غلس هيوقف لك كل حاجة لأن إزاى انت جايبة خبرة السنتين الى فاتوا من مصر وجواز سفرك فية تاريخ دخول وخروج السعودية الدال على أنك لم تخرجى من السعودية.

أتمنى تكون الأمور واضحة كدة.

أنا لم أرد أمس لأن النت كان مسروق عندى. :lol:

[mama nona]

معلهش يا حضرات انا مقيمة نساء وتوليد مقيمة بالرياض وبجهز لاجتياز اختيار الهيئة السعودية ولكن بحثت عن مصدر للاسئلة القديمة او الكتب ال المفروض اذاكر منها وملقتش ابدا ممكن تدلونى لو سمحتم عن اى حاجة تخص الموضوع ده .

مشششششششششششششششششششششششكورين :blush2:

[طبيبة مستجدة]

الف شكرررررررررررر يا دكتور حازم وربنا يكرمك ويجازيك خير

[طبيبة مستجدة]

سؤال تانى لو عايزة اطلع لنفسي شهادة خبرة من مصر من مكان عملى ولا من وزارة الصحة ولا المديرية الصحة؟وبتاخد غالبا قد اية علشان تتطلع؟ :blush2:

[hazemtara]

سؤال تانى لو عايزة اطلع لنفسي شهادة خبرة من مصر من مكان عملى ولا من وزارة الصحة ولا المديرية الصحة؟وبتاخد غالبا قد اية علشان تتطلع؟ :blush2:

فى نفس اليوم ولو تأخرت يبقى بعدها بيوم.

[hazemtara]

تابع الهيئ السعودية للتخصصات الصحية

أنا ذكرت من قبل ان الهيئة السعودية للتخصصات الصحية لها اختبارت ودى تعقد بصفة دورية ولها مواعيد يعلن عنها كل سنة فى موقع الهيئة أو فى المراكز التابعة للهيئة والمنتشرة فى السعودية فى كل المن السعودية.

المهم حضرتك قررت دخول الاختبار أول شيئ كما زكرت من قبل تجهز أوراقك الخاصة بالتسجيل وتتوجة لأقرب مركز خاص بالهيئة وتسجل اسمك قبل الاختبار على الاقل بمدة شهرين لأن فرع الهيئة دة بيرفع الورق للرياض للفحص والتدقيق , ثم بيردوا عليك اذا كانت أوراقك سليمة وكذالك شهاداتك مزبوطة وصحيحة , فهم بيعطوك موعد لدخول الاختبار , وغلبا بيكون أقرب موعد وفى أقرب مكان لمكان عملك , ودة طبعا بعد ما بيصنفوك .

يعنى حضرتك بهذا المؤهلات تصلح تدخل مثلا اختبار الممارس العام , أو مثلا طبيب أسنان وهكذا......

بعد كدة اسمك بينزل على مكان وموعد محدد للاختبار وبيعلموك تليفونيا بذال.

لكن نصيحتى لازم تتابع معاهم لان ممكن الموظف ينسى وتضيع منك فرصة لدخول الامتحان.

طبعا كلنا عارفين انة لك بس 3 مرات دخول الامتحان بعدها لا يسمح لك بدخول الاختبار أو حتى التقدم للاختبار.

ثم بيرحلوك لبلدك, ودة انا شفتة بعينى مع طبيبة مصرية مستوصف خاص تعاقد معها هنا للعمل أخصائية نساء وتوليد ورسبت 3 مرات فى الامتحان .

فورا انهى عقدها وتم ترحيلها.

وحتى اغلقوا عيادة النساء دى فى المستوصف دة لان مكنش فية غيرها, لما صاحب المستوصف يجيب حد تانى.

طيب حضرتك ها تستعد للامتحان الزى, واية هى طريقة الامتحان .

دة انا ابيض يا ورد معرفش حاجة وتايه .

حبيبى كل الامتحانات تقريبا على الطريقة الامريكية M.C.Q يعنى وأسئلة قصيرة وتحتاج بس لتدريب.

طيب ها اجيب الاسئلة منين...............................

كل الاسئلة موجودة فى الرياض فى مكتبات كثيرة ومركز تصوير زى الى موجودة فى مصر

المركز دى ممكن تكلموهم على الجوال أو التليفون وهم بيبعتوا لك الاسئلة ب DHL على عنوان سكنك بعد ما تكون دفعت الحساب وارسلت لهم الفلوس.

مثال:

مركز نبراس لخدمات الطالب فى الرياض

عنوانة الرياض - طريق الامير تركى الاول بن عبد العزيز مع تقاطع الملك عبد الله

ت

:0560811316- 0504782337-05030848802

طبعا دة مركز واحد بس فى المكان دة مراكز كثيرة بها كل الاسئلة الى تحتاجها فى كل التخصصات فى الباطنة والجراحة والاطفال والصيدلة ............... بس انت حدد لة فقط وطبع الاسئلة مجابة ومرتبة على حسب السنة ( يعنى ممكن تقول لة عاوز امتحانات من سنة 2000- حتى الان.)

متنسوش العنوان أمام كلية طب الملك سعود

هذة عناوين المكتبات الى ممكن تجدى فيها أسئلة مُفصلة عن إختبارات الهيئة فى السعودية.

معلهش يا حضرات انا مقيمة نساء وتوليد مقيمة بالرياض وبجهز لاجتياز اختيار الهيئة السعودية ولكن بحثت عن مصدر للاسئلة القديمة او الكتب ال المفروض اذاكر منها وملقتش ابدا ممكن تدلونى لو سمحتم عن اى حاجة تخص الموضوع ده .

مشششششششششششششششششششششششكورين :blush2:

يا ريت نقرأ الموضوع من الأول لأنة تمت الإجابة عن مُعظم الأسئلة فى أول الموضوع وذلك لعدم التكرار .

[mama nona]

عايزة أستفسر عن هيئة التخصصات الطبية السعودية....ايه أهميتها ..و حتفرق في الشغل في أي مكان تاني غير السعودية؟

اكيد بتفرق فى العمل وبتنفع فى كل دول مجلس التعاون الخليجى

ايه شروط التقديم ليها هل لازم اكون عندي سنتين خبرة بعد التخرج وللا مش ضروري؟و شكرا

انتظرى مداخلاتى القادمة سوف اشرح الموضوع من الأول وبالتفصيل :blush2:

متشكرة جدا و في انتظار مداخلات حضرتك...

اولا شكرا على ردك يا دكتور حازم واعرفك انى لفيت كل مكتبات الرياض والاوراق الموجودة بها اوراق امتحان SLEوليس فكل تخصص .اما الاستفسار التانى هو ردك ان الهيئة دى بتنفه ف كل دول مجلس التعاون الخليجى ممكن تفسرلى اكتر ؟ازاى يعنى تنفعنى فإيه لو هنقل مثلا من السعودية للامارات ؟

مشششششششششششششششششششششششششششششششششششششششششششكور

[طبيبة مستجدة]

شكرا دكتور بس برضة حضرتك ماجاوبتنيش اطلعها منين من مكان العمل ولا المديرية ولا وزارة الصحة؟واية الخطوات اخد يعنى معاية اوراق اية؟والف ششششششششششششكر :blush2:

[hazemtara]

حبيبي يا دكتور حازم شكرا ليك على تعاونك معي واحساسك بي

ححكيلك وارد عليك بكل جملة كتبتها

اولا \\

شغلة اني ادور على شغل واقدم على دراست عليا فهادي بدها اقل شي 3 سنين عبال ما اخلص الدراسات تبعتي والشغل

والان هنا زي ما انا سالت مافي انك تقدم على دراسات عليا الا لما تشتغل بنفس المستشفى تبع الجامعة

فبينفعش اعمل او الاقي لي شغل هنا والا هناك الا اذا بتعرف حدا يديني شغل part time بمصر وانه يكون راتبه كام ,, الرقم اكيد قليل

ما علينا بالراتب اللي بيجي خير وبركة مو رفس للنعمة ( اللهم لك الحمد )

أخى الفضل جوكاز/

أنا لما كُنت فى سنك كدة ومتخرج لسة جديد حصلت على أكثر من عمل فى مُستشفيات خاصة فى مصر وبدون واسطة أو تدخل من أحد أظن أنة الشغل الخاص متوفر بكثرة للأطباء فى مصر خصوصاً فى القاهرة الكبرى وبعدين بالنسبة لك المقصود مش الراتب الهدف أنك تحصل أى شغل تأخذ بية خبرة علشان تستطيع بية السفر والتحرك بعدين لأى بلد أخر.

بيغير كده انا كفلسطيني زي زي اي اجنبي محضر على ماستر بدفع باول سنة 3500 جنيه استرليني وتاني سنة 1500 جنيه استرليني وتالت سنة 1500 جنية استرلني

فشايق المبلغ الخزعبلاوي وكل ده على نفقتي

هاد هو الوضع بالنسبة لينا <<< لازم ندفع وندفع

وطبعا والدي العزيز الله يخليلي هو وبيارك فيه ويطيل عمره ..... ما حيقدر يتحمل كمان 3 سنين

كونك فلسطينى هذا فخر لك ونعتز بوجودك بيننا أخ عزيز وزميل فاضل وليس معنا أنك فلسطينى أنك أقل من أى أحد فينا على العكس أنت وأهل فلسطين أفضل من أُناس كثيرون يعيشون على وجة هذة الأرض بلا هدف أو طموح ،،أنتم لكم قضية عادلة تحاربون من أجلها وتتمسكون بالأرض وبحقكم فى العودة إليها وإن شاء الله منصُورون رغم أنف اليهود ورغم الظلم والطغيان.

لكن بالنسبة لدفع هذة المبالغ الكبيرة بكل أسف هذا ظلم لكم كشعب مظلوم أصلاً وليس عدلاً أن تدفعوا كل هذة المبالغ من أجل التعليم والحياة الكريمة ،الله يكون فى عونكم ويوفقكم .

ثانيا \\\ موضوع الامريكي مفرغ منه بالنسبة لي لانه محتاج مصاريف

موضوع كندا مفرغ منه بتاتا البتة لانه وزارة الهجرة الكندية لغت قبول اي ........ فلسطيني بوثيقة <<<< والي اصحاب حصلت معاهم

يتبقى الموضوع الوحيد اللي بامل منك ومن الدكتور زياد يساعدني فيه <<< موضوع الاسترالي

هادي كل القصة

وشكرا تاني ليك

والله موضوعك مُحزن فعلاً وهو دة الظلم بعينة .

أعِدك أن أحاول فى مُساعدتك قدر المُستطاع لكن لى رجاء عندك أن تلتمس الغُذر لإخواننا هنا الذين قد لا يستطيعون تقديم العون فى بعض الأوقات أو لا تخدمهم ظروفهم للمُساعدة.

لك منى السلام :blush2:

[mama nona]

للعلم انى قدمت اوراقى للهيئة بس لسه مححدتش موعد للامتحان و الاوراق بالنسبة لى كانت شهادة الدبلوم والتخرج الكرتون والامتياز ودول متوثقين من الملحق الثقافى ف مصر انما فيه اوراق جديدة بقو يطلبوها زى دورة CPR OR BLS وده اساسى فالتقديم وكمان قسيمة تأمين ضد اخطاء المهنة .واطلعو على اصول الاوراق وانا بعد كده هحدد موعد الامتحان لما اجهز المادة ال هذاكر منها .

[hazemtara]

شكرا دكتور بس برضة حضرتك ماجاوبتنيش اطلعها منين من مكان العمل ولا المديرية ولا وزارة الصحة؟واية الخطوات اخد يعنى معاية اوراق اية؟والف ششششششششششششكر :blush2:

شهادة الخبرة من المُديرية .

تذهبى حضرتك لموظف شؤن العاملين وتطلبى منة شهادة خبرة وهو بيرسلك لموظف الملفات وبيخلية يعملك شهادة الخبرة.

بعد ما تعمليها تأخذيها وتوثقيها فى الخارجية المصرية ثم فى السفارة السعودية.

[hazemtara]

للعلم انى قدمت اوراقى للهيئة بس لسه مححدتش موعد للامتحان و الاوراق بالنسبة لى كانت شهادة الدبلوم والتخرج الكرتون والامتياز ودول متوثقين من الملحق الثقافى ف مصر انما فيه اوراق جديدة بقو يطلبوها زى دورة CPR OR BLS وده اساسى فالتقديم وكمان قسيمة تأمين ضد اخطاء المهنة .واطلعو على اصول الاوراق وانا بعد كده هحدد موعد الامتحان لما اجهز المادة ال هذاكر منها .

بالتوفيق إن شاء الله.

[hazemtara]

عايزة أستفسر عن هيئة التخصصات الطبية السعودية....ايه أهميتها ..و حتفرق في الشغل في أي مكان تاني غير السعودية؟

اكيد بتفرق فى العمل وبتنفع فى كل دول مجلس التعاون الخليجى

ايه شروط التقديم ليها هل لازم اكون عندي سنتين خبرة بعد التخرج وللا مش ضروري؟و شكرا

انتظرى مداخلاتى القادمة سوف اشرح الموضوع من الأول وبالتفصيل :blush2:

متشكرة جدا و في انتظار مداخلات حضرتك...

اولا شكرا على ردك يا دكتور حازم واعرفك انى لفيت كل مكتبات الرياض والاوراق الموجودة بها اوراق امتحان SLEوليس فكل تخصص .اما الاستفسار التانى هو ردك ان الهيئة دى بتنفه ف كل دول مجلس التعاون الخليجى ممكن تفسرلى اكتر ؟ازاى يعنى تنفعنى فإيه لو هنقل مثلا من السعودية للامارات ؟

مشششششششششششششششششششششششششششششششششششششششششششكور

المنفعة التى أقصدها هنا شرفيِّة يعنى لما حضرتك تأدمى على إختبارات فى الكويت أو الإمارات وبتوريهم إنك معاكى ترخيص الهيئة السعودية للتخصصات الصحية دة بيرفع أسهمك عندهم نظرياً ولكن لا يُغنيكى عن دخول الإمتحانات بتاعتهم والنجاح فيها .

وإذا لم تنجحى فى إمتحانتهم يبقى ليس لها قيمة الرخصة السعودية.

[mama nona]

تعليق للاخت الطبيبة المستجدة :

بالنسبة لشهادة الخبرة انتى لو فأجازة رعاية طفل مش هينفع تطلعيها الا لما تنزلى مصر وتستلمى الشغل انما لو مسمى اجازتك اى حاجة تانية هيكتبولك انك فأجازة مسماها كذا من فترة كذا الى كذا ودى ممكن يعدوها لو الموظف المؤل يوافق يشيلها لان لو فترة الاجازة اكتر من سنة هيطلبو منك فالهيئة انك تغطى الفترة دى بشهادة خبرة تانية .ودى نقطة مهمة لازم تاخدى بالك منها .انما لو انتى من مواليد السعودية او اخدتى ثانوية عامة منها من حقك تمتحنى الهيئة من غير شهادة خبرة .

اتمنى اكون افدتك

[jukass]

انا ما عندي اي مشاكل بالانتظار يا دكتور

بس انا عارف انه زي ما حكيتلك وضعي اصعب من وضعكم انتم كمصريين

واذا على الشغل بالمستشفيات الخاصة ,,,, انا دورت الين ما تكسرت رجلي وكلهم بيقولو لي الاولية للمصريين

الا اذا بتعرف احد ممكن يشغل واحد فلسطيني بمستشفى خاص <<< ساعتها كلام تاني

وبالنسبة للي مشغوليين عن مساعدتي <<<< بصبر كمان

بس انا عارف انه بالاخر ما في حدا راح يساعدني .... انا عارف

الا اذا طلعت حضرتك اول واحد بيساعد <<< فهاد شي تاني

بانتظارك دائما

وصفحة المنتدى ما بتنقفل وكل شوية f5

شكرا تاني

تم تعديل 18 أبريل 2009 بواسطة jukass