مغترب-طبيب/ صيدلى/ تمريض اتفضل معانا

[hazemtara]

نكمل موضوع التمريض

الذى ذكرتة امس كان سلم الرواتب الخاصة بالتمريض حتى نهاية 2005م فى بداية 2006م تم الموافقة على تعديل الفقرة الخاصة بى سنوات الخبرة التى كانت قبل ذالك فقط 5 سنوات بحد اقصى حتى لو معاك 100 سنة خبرة كانوا بس بيحسبوا خمسة سنوات ودة فى حد ذاتة كان ضلم ولكن الحمد لله تم تدارك هذا الخطئ وتم تعديل القانون بفتح سنوات الخبرة حتى 15 سنة bv:- لكل العاملين فى الصحة مش بس التمريض ودى حققى فرقت كثرا مع الناس كلها ودى كانت سنة سعيدة لينا كولنا

لكن يا فرحة ما تمت طيب بالنسبة للى سنوات الخبرة عندهم قليلة دول راحوا فى الرجلين يا ولداة wst:: طبعا القانون دة بعد صدورة بقا فية ممرضة مثلا بتاخد 5000 ريال ووحدة يا دوب 3000 ريال بالعافية :angry: المهم دى كانت اول زيادة حصل علية التمريض

وفى نهاية 2006م صدر قانون اخر باحتساب 20% اضافية لرواتب التمريض الاجانب ودة كانت ممتازة لان كل التمريض اخذها دون استثناء مش زى موضوع سنوات الخبرة الى قسمت الناس فئتين فيئة فوق فى السماء وفيئة تانية فى الارض.

اما فى 2007م صدر قانون اخر يعطى امتيازات لبعض فيئات التمرض ويميزهم عن غيرهم وهى الفئات التى تحتاجها المملكة بشدة وعندهم عجز فيها

مثال

الممرضات فى قسم الحضانات وNICU

ممرضات العنايةICU

ممرضات الغسيل الكلوى DIALYSIS

ممرضات الاسعاف والطوارىء ER

ممرضات المناظير ENDOSCOPY

ممرضات عناية الاطفال PICU

ممرضات العمليات OR

,

ويستثنى من القرار كل الممرضات العاملة فى الاقسام العادية من تنويم الرجال والحريم وفى اقسلم الباطنية والجراحة والاطفال والعظام ----------------------الخ

نعطى مثال راتب الممرضة قبل 2005م هو 2250 اساسى + 500 ريال خبرة+ 400 بدل نقل .

الان 2250 ريال اساسى + 1500 ريال خبرة +20%(750ريال)= 4500 ريال سعودى ودى تعتبر زيادة جيدة جدا

+ 400 بدل النقل المجموع 4900 ريال لو سكنة خارج سكن التمريض بشرط زى ما قلت 15 سنة خبرة + تخصص من التخصصات النادرة السلبق ذكرها ودة كل شيئ عن التمريض العاملين بوزارة الصحة السعودية حتى تاريخ كتابة هذة المداخلة

ملحوظة ينطبق ما ذكرتة على التمريض الرجال والحريم ايضا والقانون واحد للاثنين.

الراتب الذى كرتة لم يضف الية 5% منحة الملك ودى تعطى فقط للعاملين فى السعودية وقت صدور المكرمة الملكية .

وهذة المكرمة يمكن ان تحزف فى حال زوال السبب الذى وجدت من اجلة وهو غلاء المعيشة angl::

والى لقاء قريب باذن الله

الممرضات فى قسم الحضانات وNICU

ممرضات العنايةICU

ممرضات الغسيل الكلوى DIALYSIS

ممرضات الاسعاف والطوارىء ER

ممرضات المناظير ENDOSCOPY

ممرضات عناية الاطفال PICU

ممرضات العمليات OR

نسيت ممرضات غرفة الولادة, ممرضات الCCU عناية القلبوممرضات العناية بعد العمليات الجراحية

نعطى مثال راتب الممرضة قبل 2005م هو 2250 اساسى + 500 ريال خبرة+ 400 بدل نقل .

الان 2250 ريال اساسى + 1500 ريال خبرة +20%(750ريال)= 4500 ريال سعودى ودى تعتبر زيادة جيدة جدا

+ 400 بدل النقل المجموع 4900 ريال لو سكنة خارج سكن التمريض بشرط زى ما قلت 15 سنة خبرة + تخصص من التخصصات النادرة السلبق ذكرها ودة كل شيئ عن التمريض العاملين بوزارة الصحة السعودية حتى تاريخ كتابة هذة المداخلة

قبل 2005 الراتب هو لكل التمريض 2250+500 خبرة+ 400 بدل نقل

الراتب الن لكل التمريض العادى 2250 اساسى+ 1500 ريال خبرة+ 750 ريال (20%) 400 بدل نقل.

الراتب اذا كنتى من الفئا ت النادرة سابقة الذكر2250 ريال اساسى+ 1500 خبرة ( اذا كان عندك 15 سنة)750 ريال (20%) + 400 بدل نقل +( خبر الخاصة ودى بحد اقصى 50%من الساسى (معظم الممرضات تاخذ حسب مزاج المدير ولكن المتوسط حوالى 2000 ريال) المجموع = تقريبا من 6500-6900 ريال

بس طبعا دة مش اى واحدة كدة دول معظم الى اعرفهم كدة اولا كبار جدا فى السن (20 سنة خبرة مثلا)و زى النحل فى الشغل ومعظمهم من الفلبين) ومعاهم بكالوريوس وممكن دبلوم كمان مثلا فى NICU,ICU

[لونا]

دكتور حازم :

:unsure:

انا بقى لى هنا اكثر من سنتين مرافقة لزوجي مش باشتغل و حاولت اقدم على الهيئة و لكن عرفت المشكلة بتاعة شهادة الخبرة ,

و عارفة برضه حكاية البيضة الاول و لا الفرخة ( الهيئة و لا العقد ) بس برضه مازلت شايفة انى ما اقدرش أضرب شهادة ,

و موضوع الشغل هنا بالنسبة لى أصبح مقفول بالضبة والمفتاح :happy:

[غريب الخبر]

السلام عليكم

هل لى أن أقترح أن يذكر كل منا أسماء المستشفيات والمستوصفات الخاصة بالسعودية التى كانت لها تجارب سلبية فى التعامل مع الأطباء وذلك بناء على تجربته الشخصية أو من خلال تجربة زملاء له عملوا فيها حتى يعلمها كل طبيب فلا يتعاقد معها

وابدأ بنفسى فأذكر بعض المستشفيات والمستوصفات بجدة بالسعودية والتى لها تجارب سلبية فى التعامل مع الأطباء :

أولاً: المستشفيات

- مستشفى السلام الدولى

- مستشفى أبوزنادة

- مستشفى الحياة

- مستشفى الأنصار

- المستشفى السعودى الأمريكى

- مستشفى الزهور

ثانيأ: المستوصفات

- مستوصف الأنصار

- مستوصف يحيى

- مستوصف المرزوقى

- مستوصف داليا

- مستوصف الظافر

وهناك عدة مستشفيات ومستوصفات أخرى سأذكرها بعد التأكد من تجاربها السلبية مع الأطباء فهل يشارك جميع الزملاء يالمنتدى

تحياتى,,,,,,,,,,,,,,,,,,

فكرة عظيمة ويارات كل واحد له تجربة سلبية مع اى مستشفى او مستوصف يكتبها هنا . وده هيكون مرجع لكل الاطباء قبل السفر واكيد كله هيستفاد والاحسن من كده ان الموضوع يتثبت من الادارة وياخد توبيك لوحده ويكون عنوانه ( القائمة السوداء للمراكز الطبية بالسعودية)

:) مستوصف الدوحة الاهلى بالظهران يضاف على راس القائمة السوداء ويتعامل معه مكتب سفريات بالمهندسين (مكتب الجزيرة العربية) حذارى حذارى حذارى حذارى حذارىىىىىىىىىىىىىىىىىىىىىىىىى

وتحياتى مرة تانية لصاحب هذه الفكرة

[samady]

السلام عليكم أنا صيدلي أعمل في قطر الموضوع ده جامد جدا بس أنا شايف إنه مقفول على ممارسة المهنة في السعودية بس عموما لو حد عنده استفسار عن أي شئ في الدوحة أنا تحت الأمر :)

[بنت المدينة]

ما شاءالله ...مهما شكرت لن أوفيك حقك يا دكتور على المجهود دا ...بارك الله فيك...

معلش النت كان مغلس الايام اللي فاتت بس رجعت قريت المعلومات الحلوة دي...و في نفس الوقت حدوتة (دوخيني يا لمونة)معقوله يعني الغلب ده عشان نشتغل و ندخل امتحان الهيئة .. طب ما المنطق بيقول الهيئة الاول ..بس واضح ان الأخ بيتلكك عشان يعقد الموضوع ...انا اعرف واحدة سافرت مع جوزها و هي ما كملتش سنتين خبرة ...و دخلت امتحان الهيئة و نجحت الحمد لله ..و ده الخبر اللي اداني أمل بصراحة ..بس معرفش لسة لقيت شغل وللا لأ ...و هي طبيبة اسنان برضه..فربنا يسهل...و في انتظار باقي المداخلات...بس معلش في نقطة مافهمتهاش الخاصة باجازة العيدين ..بناخدهم اجازة وللا لازم يكون في طبيب ينوب مكان اللي حياخد العيد اجازة؟؟طب في حالة اذا رغبنا في طلوع الحج باذن الله حيكون سهل ناخد اجازة و نطلع؟؟

[بنت المدينة]

د

شوفى قاعدة عامة تحطيها حلقة فى ودنك اى مكان ها تشتغلى فية لازم تخدى منة شهادة خبرة لية لان عند احتساب سنوات الخبرة ليكى ودة عند التعاقد حضرتك بتقدمى كل شهادات الخبرة بتعتك وهم بيحسبوا لكى الراتب على اساس سنوات الخبرة

مثال:

حضرتك طبيب عام مثلا ودة سنة الخبرة بتاعتة بتحسب بى 200 ريال فلو عندك سنة واحدة راح يحسب لك 200 ريال بس ولكن لو عندك 10 سنوات راح يحسب لك 2000 ريال خبرات تضاف على اساس الراتب واظن دة فارق كبير جدا ,اذا راتبك بيفرق مع كل يوم خبرة بتحصلى علية.

هام جدا:

تحسب سنوات الخبرة باليوم يعنى السنة تحسب سنة اذا كانت 365 يوم , اما اذا نقصت يوم واحد فى المديرية لن يحسبوها لكى

مثال :

لى واحد هندى زميل جايب شهادات من الهند انة عمل فى حوالى 6 اماكن ما مقدارة 6 سنوات بس كانت بتفرق معاة انة بيخلى من مكان ويستلم فى مكان يعنى اشتغل من يوم 1/1/2005الى 25/10/2005

ولما راح استلم المكان التانى استلم فى 28/10/2005 الثلاث ايام دى فرقت معاة خلاصة الكلام اشتغل 6 سنوات ناقصين 10 ايام فراحوا حذفين لة سنة خبرة وقالوا لوة دى مش سنة كاملة دى ناقصة 10 ايام.

الشئ المهم انة اى خبرة حضرتك تخديها تكون معتمدة وهو دة مربط الفرس

لو انت فى مصر كل خبرات وزارة الصحة معترف بيها وتسطتيعى توثيقها لاكن المشكلة فى القطاع الخاص لازم المستشفى الى انت كنت شغالة فيها تكون مأمنة عليكةى ولكى رقم تأمينى علشان تسطتيعى توثيق الشهادة دى من الخارجية والتأمينات

اما لو الخبرة من السعودية ايضا خبرات وزارة الصحة معتمدة وتخدة شهادة خبرة عادية اما القطاع الخاص لازم توثقى الشهادة من الغرفة التجارية ثم الخارجية السعودية.

بالتالى لازم يكون المستوصف الى انت فية يكون معترف بية اصلا.

تمام

موضوع تظبيط شهادة الخبرة فى مصر من اسهل ما يكون

بس لو ما عرفتش أضبطلي شهادات الخبرة ..أقدر ادخل امتحان هيئة التخصصات السعودية و اذا نجحت يشغلوني في وزارة الصحة هناك عادي؟؟مع العلم اني مش حسافر بتعاقد و لكن حسافر مرافقة لزوجي او حسافر باقامتي الحالية اللي على كفالة والدي.

انا ها اتكلم عن الهيئة السعودية بالتفصيل فى مداخلاتى القادمة ان شاء الله

لكن انا ها اجوبك الان على سؤالك

دخول امتحان الهيئة السعودية حق لاى طبيب معة شهادات تثبت انة طبيب ومعة اقامة نظامية داخل المملكة العربية السعودية يعنى فى حالتك انتى متخرجة من طب ومعاكى شهادات تثبت هذا الكلام وطبعا معتمدة من الجامعة , ثم الخارجية المصرية و ثم السفارة السعودية فى مصر يعنى شهاداتك مظبوطة 100% بكدة هو ملوش حاجة عندك لان دخولك الامتحان ليس معناة حصولك على وظيفة ,لا دة واحد من متطلبات الحصول على وظيفة .

معلش انا عارفة اني كترت في الاسئلة بس العشم في حضرتك كبير...و ربنا يزيدك من فضله ..

و شكرا

مع خالص تحياتي...

تحت امرك وفى الخدمة دائما md2:

جزاك الله كل خير على المعلومات الجامدة جدا جدا جدا دي

[hazemtara]

دكتور حازم :

:lol:

انا بقى لى هنا اكثر من سنتين مرافقة لزوجي مش باشتغل و حاولت اقدم على الهيئة و لكن عرفت المشكلة بتاعة شهادة الخبرة ,

و عارفة برضه حكاية البيضة الاول و لا الفرخة ( الهيئة و لا العقد ) بس برضه مازلت شايفة انى ما اقدرش أضرب شهادة ,

و موضوع الشغل هنا بالنسبة لى أصبح مقفول بالضبة والمفتاح kis)-

لكى كل الاحترام والتحية :wub:

[hazemtara]

السلام عليكم أنا صيدلي أعمل في قطر الموضوع ده جامد جدا بس أنا شايف إنه مقفول على ممارسة المهنة في السعودية بس عموما لو حد عنده استفسار عن أي شئ في الدوحة أنا تحت الأمر ;)

كل التحية والسلام لك وأهلا بك اخا عزيزا لنا فى المحاورات و يا ريت تحكي لنا عن مهنة الطب عند فى قطر بصفة عامة يعنى , بما انك صيدلى كلمنا عن الصيدلة عندك فى القطاع الخاص والحكومة , الامتيازات والعيوب والرواتب ومين الاحسن ولية.

ولو عندك معلومات عن الطب , يعنى الاطباء العامين , المقيمين , الاسنان , الاخصائين , الاستشارين, فى الحكومة والخاص والفارق , بس يا ريت معلومات مؤكدة لكى لا تضلل احد من الزملاء اذا مشى ورا كلامك.

ومين الواد الحليوة الى فى الصورة دة , هو دة وانت صغير kis)- :lol:

مع خالص تحياتى لك :wub:

[hazemtara]

ما شاءالله ...مهما شكرت لن أوفيك حقك يا دكتور على المجهود دا ...بارك الله فيك...

الشكر لله وحدة ولكم على تشجيعي لاستكمال هذة الفكرة الممتازة والتى اتمنى ان تفيد الاخوة والاخوات فى كل مكان ان شاء الله أميييييييييين

معلش النت كان مغلس الايام اللي فاتت

مش معاكى انت بس دة مع الكل.

بس رجعت قريت المعلومات الحلوة دي...و في نفس الوقت حدوتة (دوخيني يا لمونة)

يا رب تكون الحدوتة دى استفدتى منها clp:: .

معقوله يعني الغلب ده عشان نشتغل و ندخل امتحان الهيئة ..

والله دة الى حصل معى انا وزوجتى.

طب ما المنطق بيقول الهيئة الاول ..

هو فعلا لازم الهيئة الاول ودة القانون فى الحكومة على وجة الخصوص.

لكن حضرتك اذا مرتى على الهيئة هيعطيكى مجموعة من الأوراق لكى تستكمليها وتجهزيها علشان يقبلوا تسجسلك فى الهيئة ويسمحوا لكى بدخول الاختبار هذة الاوراق هى........

1- عقد عمل موثق كما ذكرت من قبل ( أو شهادة تعريف من مقر عملك وعليها الاختام واضحة وحديثة وهذة الشهادة موجهة للهيئة السعودية للتخصصات الصحية.)

2-شهادة البكالوريوس موثقة من الخارجية المصرية , السفارة السعودية فى القاهرة.

3-شهادة الخبرة موثقة كما ذكرت من قبل.

4-شهادة الامتياز موثقة كما ذكرت من قبل.

5-جواز السفر , وصورة منة ( مختومة بختم صورة طبق الاصل).

6-صورة من الاقامة النظامية ( وصورة منها مختومة طبق الاصل).

7- صور شخصية (عدد 2 صورة للكارنية فى حالة النجاح و صورة على طلبك واوراقك.)

8-شيك بأسم الهيئة السعودية للتخصصات الصحية مدفوع من اى بنك بقيمة رسوم الاختبار ورسوم التسجيل الذى يختلف على حسب التخصص وعلى حسب كل مهنة.

ملاحظة صور الشيك واحتفظ به كمستند لك عن الضرورة لان كل شيئ فى السعودية عرضة للفقدان بسهولة وليس مرة واحدة بل ممكن ان تفقد اوراقك اكثر من مر شيئ عادى جدا :lol: .

سوف يأخذ الموظف الشيك وتحتفظ انت بالكعب....................هام جدا لا تضيعة.

9-ملف علاقى.

10- فى حالة تكون الى داخلة الامتحان سيدة.( ممكن يغلس ويطلب موافقة ولى امرك او كفيلك .... الى هو الزوج..... حسنى علاقتك مع الراجل لانة ممكن يقولك :wub: .... بس دة مش فى كل الحالات دة على حسب المزاج.

الى انا ذكرتة دة هو الى حصل معى بالتحديد هنك عقبتين فى منهى الغلاسة.

وهم الفقرات من 1 حتى 4 لية ,

اولا منين اجيب عقد عمل وانا لسة لم احصل على عمل اصلا

ثانيا توثيق الشهادات فى مصر الخارجية راح توثق مفيش مشكلة .

لكن السفارة والقنصلية سوف يرفض الموظف اصلا استلام الشهادة وراح يقولك هو اى حد يجيب لية شهادة نوثقها

يا محترم احنا مش بنوثق الا شهادات الناس الى حصلت على عقود فى السعودية بالفعل هى سبيل يا محترم تقلش انا مش راح ادفع لة .

عجبى kis)-

طبعا الى اكتشفتة فى الاخر ان التعقيد دة كلة علشان هم عرفين ان الى بينجح فى الهيئة بعد كدة بسهولة بيحصل على عمل و لهذا هم بيغلسوا وبيلففك حوالين نفسك يمكن تصرف نظر عن الموضوع.

طبعا انا حليت كل المعضلات دى لان مدير الهيئة فى منطقتى كان من اعز اصحابى وهو الى عرفنى ازاى احل المشكلات دى .

بس واضح ان الأخ بيتلكك عشان يعقد الموضوع ...انا اعرف واحدة سافرت مع جوزها و هي ما كملتش سنتين خبرة ...و دخلت امتحان الهيئة و نجحت الحمد لله ..و ده الخبر اللي اداني أمل بصراحة ..بس معرفش لسة لقيت شغل وللا لأ ...و هي طبيبة اسنان برضه..فربنا يسهل...

ربنا يوفقها ويوفقك انت كمان.

و في انتظار باقي المداخلات...بس معلش في نقطة مافهمتهاش الخاصة باجازة العيدين ..بناخدهم اجازة وللا لازم يكون في طبيب ينوب مكان اللي حياخد العيد اجازة؟؟

تابيعينى ان شاء الله تجدى اجابات على كل شيئ.

بالنسبة للاعياد لازم يكون المكان شغال زى ما هو بس طبعا مش بكامل قوة العمل الى فية , يعنى يكلف فقط نصف العاملين فى المكان والباقى فى اجازة, واجازة عيد الفطر 4 ايام من يوم الوقفة واول وثانى وثالث ايام العيد.

يعنى لو حضرتك مش مكلفة بقى عندك 4 أيام أجازة, لكن لو مكلفة بتخدى الاربع ايام دول اجازة فى اى وقت من السنة تشائين بشرط انك تحصلى عليهم قبل عيد الفطر القادم والا تروح عليكى.

عيد الاضحى 5 ايام ( الوقفة و1و2و3و4 ايام العيد)و بنفس النظام 1/2 العمال فقط بيكلفوا والباقى اجازة 5 ايام.

ولو حضرتك مكلفة لازم تخديهم قبل عيد الاضحى القادم.

يمكن ضم بدل تكليف عيد الفطر(4 أيام)أو بدل تكليف عيد الاضحى (5 أيام) الى الجازة السنوية على ان يضاف فقط عيد واحد بس للاجازة السنوية والاخر تقضية داخل السعودية.

طبعا كلنا بنضيف 5 ايام الاضحى للاجازة السنوية الى هى 45 يوم ليكون مجموع الجازة كلها 50 يوم فى مصر.

اما للى خارج الحج بنعطية 7 ايام ابتدأمن يوم 7 ذو الحجة حتى 14 ذو الحجة, واظن دة كافى جدا .

لكى منى كل السلام والتحية ;)

[EEMEY]

كتور حازم

جزاك اللة علي النصائح و المعلومات التي تتحفنا بها و جعلها اللة في ميزان حسناتك :yahoo: . كان لي أاستفسار بشأن توثيق الشهادات. فأنا طبيبة و مرافقة لزوجي هنا في السعودية. و عندما ذهبت للتقديم لأمتحان الهيئة, أخبرني الموظف بضرورة توثيق شهادات البكالوريوس و الخبرة من السفارة السعودية في القاهرة حيث أنها موثقة فقط من الخارجية المصرية.

فسؤالي هو هل يغني تصديق السفارة المصرية في الرياض و تصديق الخارجية السعودية عن أرسال الأوراق ألي القاهرة. أو هل هناك أي طريقة أخري

[hazemtara]

كتور حازم

جزاك اللة علي النصائح و المعلومات التي تتحفنا بها و جعلها اللة في ميزان حسناتك :yahoo: . كان لي أاستفسار بشأن توثيق الشهادات. فأنا طبيبة و مرافقة لزوجي هنا في السعودية. و عندما ذهبت للتقديم لأمتحان الهيئة, أخبرني الموظف بضرورة توثيق شهادات البكالوريوس و الخبرة من السفارة السعودية في القاهرة حيث أنها موثقة فقط من الخارجية المصرية.

فسؤالي هو هل يغني تصديق السفارة المصرية في الرياض و تصديق الخارجية السعودية عن أرسال الأوراق ألي القاهرة. أو هل هناك أي طريقة أخري

اختى الفاضلة اييمى لكى منى كل التحية والسلام , وشكرا لحضرتك ولكلمات الااطراء الجميل , الفضل لله وحدة الذى يعيننا على ذلك .

بالنسبة لشهادات حضرتك لازم توثق من مصر .

احب بس اوضح نقطة اظن ان بها لبس عند بعض السادة الزملاء والاخوة الافاضل وهى يعنى ايه توثيق شهادة؟؟؟؟؟؟؟

توثيق شهادة اى جعلها معتمدة ومعترف بها, ويختلف توثيق الشهادة على حسب الدرجة التى تريدين بها مدى الاعتراف بشهاداتك.

يعنى لو حضرتك محتاجة شهادتك دى علشان تقديميها لمدرية الصحة فى مصر او لاى مستشفى فى مصر يكفى ختم الجامعة

اما لو محتاجة الشهادة دى لجهة أجنبية بقى لازم ختم الكلية ثم الجامعة.

ومين الى يقول ام الاختام السابقة دى صح ول غلط؟؟؟؟ طبعا الخارجية المصرية هى الجهة التى تقول ان الاختام السابقة دى معترف بها ولا مش معترف بها من خلال الكومبيوتر الخاص بهم حيث ان كل شهادة لكل خريج فى البلد تسجل على الكومبيوتر ويعطى لها رقم بوزارة التعليم العالى من خلال هذا الرقم توثق الخارجية الشهادة او لا بالضافة ان توقيع عميد الكلية والجامعة معتمد فى الخارجية المصرية.

طب لو عيزين الشهادة دى للعمل فى السعودية بقى لازم تمر هذة الشهادة على السفارة السعودية فى مصر وهى الجهة التى تستطيع التأكد من الخارجية المصرية اذا كانت هذة الشهادات مطابقة ولا مش مطابقة.

اذا الترتيب مهم ( الكلية -الجامعة- الخارجية المصرية - السفارة السعودية فى مصر)

ولهذا اذا مرتى على السفارة المصرية فى السعودية هيقول لكى روحى وثقيها من مصر لان دى الجهة المخول لهل توثيق الشهادات.

[hazemtara]

بسم الله الرحمن الرحيم

اليوم نتكلم عن الاطباء وبالتحديد الطبيب العام لانى اظن كثير من الاخوة الزملاء منتظر المداخلات دى

أولا فى الاعلانالى بينزل فى الصحف سوف تجد ان الطبيب العام لازم يكون معاة خبرة لا تقل عن 3 سنوات ولكن حقيقى نجد ساعات اطباء مصرين لسة متخرجين من سنتين ممكن بيعدوها ساعات.

المهم تحسب الخبرة للاطباء بعد اما تخلص سنة الامتياز يعنى الامتياز مش داخل من ضمن سنوات الخبرة

ونكمل :yahoo: غدا باذن الله

[EEMEY]

كتور حازم

دكتور حازم.

شكرا جزيلا علي ردك المسهب md2: . و سأبعث ورقي ألي القاهرة. و لكن كما أشرت حضرتك سابقا. هل يمكن توثيق الشهادات من القنصلية السعودية في ظل عدم وجود عقد عمل لي أو ممارستي لأي عمل في السعودية. و أسفة جدا علي كثرة الأسئلة. و جزاك اللة خير.

[hazemtara]

دكتور حازم.

شكرا جزيلا علي ردك المسهب . و سأبعث ورقي ألي القاهرة. و لكن كما أشرت حضرتك سابقا. هل يمكن توثيق الشهادات من القنصلية السعودية في ظل عدم وجود عقد عمل لي أو ممارستي لأي عمل في السعودية. و أسفة جدا علي كثرة الأسئلة. و جزاك اللة خير

أختى العزيزة اييمى ما حدث معى انا شخصيا انى لما اخذت الشهادات وذهبت بنفسى اول مرة رفضوا توثيق الشهادات الا مع وجود عقد عمل , فما كان منى الا أخذت الشهادات ورجعت البيت وبعد كام يوم رجعت السفارة تانى على اننى لا أعرف شيئ وطبعا الموظف كان اتغير وموجود موظف تانى و مع ملاحظة انى كونت سددت الرسوم فى الخزنة , فبصى لى الموظف بأرف وقال لى هى الشهادات دى لمين , فقلت لة لزوجتى , قالى ودفعت الرسوم .

قولت لة اة دفعت وادى الوصل اهوة.

طبعا العبد لله كانت بينة علية علامات الثقة جدا , مع العام انى كنت خائف ليرفض والحمد لله عدت بسلام ووثقت الهادات لزوجتى.

اذا كنت مش مطأئنة اهذا الطريق يمكنك اعطاء الشهادات لاى مكتب من الى بيتعاملوا مع السفارة ودول لهم سككهم ومش بيغلبوا واكيد راح يوثقهم لكى .

بس راح تدفعى المعلوم.

طبعا يكون فى حدود المعقول يعنى لازم تتفقى معاة قبل ام يوثق لكى علشان مش يستهبل ويطلب مبلغ كبير.

وربنا يوفقك

[hazemtara]

نكمل الحديث عن الطبيب العام وكيفية التعاقد عن طريق مكتب التوظيف السعودى فى مصر.

اولا: عرفنا ان سنة الامتياز لا تحسب ولا تضم لسنوات الخبرة.

ثانيا: عرفنا من قبل كيف تعقد الامتحانات والمدة من نزول الاعلان بالصحف وموعد الامتحان وموعد انهاء الاوراق ما حدث معى بالضبط .

الاعلان فى شهر 7 اتصلوا بى فى يناير يعنى بعدها ب 5 شهور يخبرونى بموعد الامتحان فى نهاية مارس وبداية ابريل ثم التعاقد وانهاء الورق فى مايو ثم السفر فى يونيو يعنى تقريبا سنة كاملة من تاريخ الاعلان حتى السفر.

ثالثل بيطلبو من حضرتك الاوراق التالية وكلها اصول معتمدة ومختومة وموثقة

1- شهادة البكالوريوس حديثة ومعتمدة من الكلية والجامعة والخارجية المصرية والسفارة السعودية كما ذكرت فى مداخلة من قبل.

2 شهادة الامتياز موثقة ومختومة بنفس الطريقة وحديثة وخد بالك من حديثة يعنى ما يكنش ملا عليها اكثر من شهرين على اكثر تقدير والا هيرفضوها.

3- شهادة خبرة مذكور بها كل خبراتك بعد انتهاء الامتياز وكل اوقات الاجازات الى بدون مرتب او النتدابات او القطعات دة اذا كنت عاوز تمشى سليم 100% لكن بصراحة كلنا بنظبط الشهادة دى مع موظفى المديرية لان هتفرق معاك فى الراتب حيث ان اى يوم انقطاع او اجازة بدون راتب وحضرتك ما اشتغلتوش حينقص لك الراتب, يعنى لازم تكون الشهادة متظبطة كويس ومفيش حاجة عكس حاجة وخد بالك من التواريخ كويس , ما تذكرش شيئ يبان انك لاعب فى حاجة.

4- طبعا الخبرات من القطاع الخاص لن يعترف بها اذا لمن تكون المستشفى الخاصة مامنة عليك ولها لفة لازم تروح تظبط الشهادة كويس ومعظم زملائنا الى جابوا شهادات من القطاع الخاص وجدوا مشاكل كثيرة, ممكن الموظف يلغيها خالص وما يحسبهاش لك اصلا.

5-شهادة ميلادك او مستخرج رسمى منها .

6-البطاقة الشخصية للاطلاع عليها(ممكن).

7-جواز سفر حديث والاسم فية مطابق للاسم فى البطاقة والشهادات بتعتك.

8- صور صخصية حديثة 4*6( جهز معاك 12 على الاقل لان كل مكان ها تروحة يقولك صورة لو سمحت) ما نت اصبحت مهم ومطلوب.

9-فيش وتشبيه حديث(طازة) علشان الى كان سوابق

10- بطاقة الخدمة العسكرية او موقف من الجيش( اما انك تاخذ الصل الى فى المديرية لكى يتطلعوا علية + صورة طبق الاصل منة تعطيها لهم فى المكتب او تشد على منطقة تجنيدك يديك واحدة جديدة.

11- قرار باجازة بدون مرتب لمدة سنة من مديرية الصحة الى حضرتك تابع ليها .

12- بالنسبة للحريم موافقة الزوج او ولى امرها( المحرم يعنى).

بعد كدة الموظف راح يخد كل الاوراق دى ويعمل لك ملف خاص بيك بتاخذ رقمة وتبدأ تباع معاهم.

راح يعطيك خطاب من المكتب موجة لاحد المستشفيات الى انا ذكرتها من قبل وذالك لتوقيع الكشف الطبى عليك , الكشف الطبى شامل كل حاجة من باطنة وجراحة وصدر وعظام ومسالك واشعة وتحاليل بول وبراز ونفسية وسكر وضغط وتحليل حمل.

مريض السكر والضغط مفيش مشكلة بيتعاقدوا معاة اما الحامل فدى مرفوضة

الكشف الى فى المستشفيات دى مش بمزاجك ومن الافضل انك مش تلعب فى حاجة فية لية لان لو فية شيئ وانت فبركتة هتتأفش هنا فى السعودية لانهم بيعيدوا كل حاجة تانى فى المستشفى الى انت هتشتغل فيها وهنا مفيش لعب زى مصر.

اخطر تحليل ودة الى مفيش فية يما ارحمينى هو التحليل الى فى المعامل المركزية لوزارة الصحة ( تحليل الايدز والهباتيتس.

طبعا كل التحاليل دى هتستلمها فى مظروف مغلق ممنوع فتحة لانة بيفتح فى المكتب وبعرفة الموظف المختص او المدير.

وللحديث بقية باذن الله

[Dr.mmfriend]

السلام عليكم

شكرا جزيلا لدكتور حازم على الموضوع الهام ده

ربنا يارب يجازيك بكل حرف كتبته نور وثواب كبير جداااا

بما ان حضرتك سالت على مستشفي سعد

كانوا عاملين اعلان فى الجرنال فى مصر وانا قدمت

اتصلوا بيا وعملوا انترفيو

كان فيه ناس كتير مقدمين واخدوا كتييير جدا

حوالى 100 او 200 طبيب فى تخصصات مختلفه

انا تخصصي طب اسره ورعايه اوليه حيث انى واخد دورة طب الاسره بتاعه السعوديه الى هيا 6 شهور وواخد فيرست ماستر طب اسرة بالاضافه لشويه دوات وحاجات كده

هما فى الانترفيو ركزوا على التويفل اوى اوى والانجليزى والحمد لله انا كنت واخد تويفل بسكور كويس

بس هما ناس محترمين فوق الوصف

مقدرش اقول مرتباتهم كام لانه فيه اختلاف رهييييييييييييب بين الناس وبعضيها

يعنى فيه صيادله مسافرين على 3000

وفيه دكاتره مسافرين على 20000

وفيه ناس بتاخد 50000

كله على حسب التخصص وعلى حسب مفاوضاتك معاهم فى الانترفيو

لكن بوجه عام هما كويسين جدا

المستشفي نفسها لا داعى للوصف طبعا هيا جامده جدا جدا ومصروف عليها يمكن بغباااااااء

الى عاوز يتعاقد معاهم فهما بيعملوا اعلان كل فتره او يدخل على الموقع بتاعهم ويبعت اوراقه

www.saadmedical.com

واى استفسار انا موجود ان شاء الله

[hazemtara]

السلام عليكم

شكرا جزيلا لدكتور حازم على الموضوع الهام ده

ربنا يارب يجازيك بكل حرف كتبته نور وثواب كبير جداااا

بما ان حضرتك سالت على مستشفي سعد

كانوا عاملين اعلان فى الجرنال فى مصر وانا قدمت

اتصلوا بيا وعملوا انترفيو

كان فيه ناس كتير مقدمين واخدوا كتييير جدا

حوالى 100 او 200 طبيب فى تخصصات مختلفه

انا تخصصي طب اسره ورعايه اوليه حيث انى واخد دورة طب الاسره بتاعه السعوديه الى هيا 6 شهور وواخد فيرست ماستر طب اسرة بالاضافه لشويه دوات وحاجات كده

هما فى الانترفيو ركزوا على التويفل اوى اوى والانجليزى والحمد لله انا كنت واخد تويفل بسكور كويس

بس هما ناس محترمين فوق الوصف

مقدرش اقول مرتباتهم كام لانه فيه اختلاف رهييييييييييييب بين الناس وبعضيها

يعنى فيه صيادله مسافرين على 3000

وفيه دكاتره مسافرين على 20000

وفيه ناس بتاخد 50000

كله على حسب التخصص وعلى حسب مفاوضاتك معاهم فى الانترفيو

لكن بوجه عام هما كويسين جدا

المستشفي نفسها لا داعى للوصف طبعا هيا جامده جدا جدا ومصروف عليها يمكن بغباااااااء

الى عاوز يتعاقد معاهم فهما بيعملوا اعلان كل فتره او يدخل على الموقع بتاعهم ويبعت اوراقه

www.saadmedical.com

واى استفسار انا موجود ان شاء الله

أخى الفاضل د/ ام ام فريند انا الى شاكر جدا ليك ولكل الاخوة الى بيكتبوا فى الموضوع الرائع دة مثل حضرتتك وغريب الخبر وترنيم وبنت المدينة وسهيلة وجلاكسى وكل الزملاء الافاضل اخونا الاعزاء

اكرر شكرى لك لكن انا عايز تفصيل اكثر من كدة الى انت ذكرتة دى شيئ عام انا فاهم ان القطاع الخاص كل شيئ حسب التساهيل واتفاقك معهم لكن هناك خطوط عريضة للموضوع . يعنى الصيدلة اظن ان راتبهم هيكون من 3000- حتى 5000 ريال ممكن .

اما الطبيب ابو 20000 ريال دة لازم استشارى مثل الباطنية او الاطفال اما ابو 50000 ريال لازم يكون بتاع جراحة اوعية دموية او مخ واعصاب, اكيد بردة الممارس العام راتبة بيتراوح من 5000 -7000 ريال واذا كان عندى شيئ خطئ يا ريت صحح لى.

لكن مفيش سكن عندكوا ولا اية ومفيش بدل سكن ومفيش تذاكر طيران ؟؟؟؟؟؟؟ اية يا عم مش تكلفت الموضوع . مفيش عندك صور حلوة كدة للمستشفى مفيش شوية كلام عن المستشفى عدد الاسرة , احكى لى شوية عن الحضانات عن العناية عن العمليات ؟؟؟؟؟؟؟؟ يا عم شوقتنى وسبتنى عطشان :P

وبعدين مكت اية الى تم منة العقد واسمة وعنوانة وسكتة اية وخدة كام لا !!!!!!!!!!!!!!!! انا زعلان خالص دة انت فرمت المعلومات خالص سلق بيض

لك منى كل سلام وتحية :happy:

[ترنيم]

جزاكم الله خيرا جميعا ......................تسجيل متابعة وإعجاب وتقدير لهذه المجهودات الرائعةةةةةةة

:blink: hpc:!:

[Dr.mmfriend]

شوف يا سيدي الفاضل

العقد هنا زى الحكومى تقريبا

السكن راتب 3 شهور او يوفرلك سكن

برضه حسب اتفاقك معاهم

بدل السكن بتاخده على طول اول اما تقدم عليه مش زى الحكومه كده

المرتب بيصرف من اول شهر او حتى قبل اما تكمل الشهر مش زى الحكومه

المرتبات زى مانت قلت

بس بتفرق مش التخصص المكان الى واخد منه التخصص يعنى بورد امريكي ولا زماله مصريه ولا ايه بالظبط

معظم الى هنا ستاف جامعه من المنصوره او اسكندريه او القاهرة شويه

تذاكر الطيران على المستشفي رايح جاى

الاجازة شهر كل سنه تستحق بعد 11 شهر

من حقك تقسم الاجازة بس اول مره على حسابك

كمان فيه اجازة اضطراريه بحد اقصي 10 ايام تقريبا

وفيه اجازة تعليميه لو هتمتحن او شىء او هتحضر مؤتمر بحد اقصي 10 ايام كل سنه وتكون غير مرتبطه باجازة سنويه

مكان التعاقد مكتب فى 1 ميدان السيده زينب اسمه الانوار للسفريات

بس هما ملوش دعوه بشىء

انت تبعت الورق على موقع المستشفي وهما بينزلوا كل فتره ياخدوا ناس

الصور برضه تلاقيها فى الموقع

www.saadmedical.com

المكتب مش بياخد فلوس

بياخدله حوالى 500 جنيه رسوم الاوراق وخلاص

بقيه الاماكن الى بتقول عليها دى فانا مروحتهاش لسه

انا قاعد فى الطوارىء اشوف الحالات وبس

مش لفيت فى المستشفي

بس هيا كبيره جدااااااااااااااا

مليانه لوح وانتيكات وزخارف تحش انك فى فندق 5 نجوم

لازم تيجي بنفسك تزورنا يوم

لو اساله تانى انا موجود

[student]

السلام عليكم

مفيش اي معلومات عن طب الاسنان

وشكرا يا باشا