مغترب-طبيب/ صيدلى/ تمريض اتفضل معانا

[movalentinos]

ممكن سؤال

هو المكتب التوظيف رقمه كام

كمان سؤال

هو الاطباء اللى شركة مصر الحجاز اتصلوا بيهم علشان مقابلة وزارة الداخلية دى بتبقى تعاقد حكومى كليا ولا توظيف سعودى

[hazemtara]

ملخص مقابلتي مع مكتب التوظيف السعودي(للأطباء)26.04.2009

الانطباع الاول عند دخول المكان ....اناس بشوشين محترمين.......

الاسألة كلها في مجال الطب وليست هناك اسالة شخصية.

٢ اسالة كاسة ومناقشتك في الأختيارات من حيث التشخيص والمانجمنت.(سكر-هيباتيتس بي)

٣ اسالة في اكس راي صدر بس سبوت دياجنوسيس.

١ اسالة رسم قلب وكان انفاركشن وكانت عبارة عن كاسة ودياجنوسيس مع رسم القلب.

واخر سؤال تحب تشتغل في اية منطقة?

طبعا هذه الاسالة للمارس العام.

وكان في لجنة اخرى للاخصائيين والمقيم برضوا كان فيها رسم قلب واشعة.

ومن الاسالة للاخصائيين كوازاكي سيندروم.

الحمد لله نقول مبروك wst:: .

للأسف ماجاوبتش صح مع ان الاسالة كانت في مستوى الطالب المتوسط والدكتور اخر مازهق ختم معايا بعبارة تدل على اني مابعرفشي!!!!!!!!!

لا حول ولا قوة إلا بالله العلىِّ العظيم

يا جماعة أنا صوتى إتنبح من يوم ما القهوة دى إتفتحت وقولت وبقول ألف مرة ذاكروا كويس حتى لو متسألتش حاجة يكون شكلك حلو ومنظرك مُحترم.

يعنى الى رايح يمتحن طبيب عام يذاكر فى كل الفروع وخصوصاً الطوارئ لأن معظم أسئلتك هتكون عن الطورائ.

المقيم بتكون أسئلتة فى تخصصة فقط .

الأخصائى يُسئل فقط فى تخصصة.

الإستشارى غالباُ لا يُسئل بتكون المُقابلة زى تعارف وتعيش إنت.

على العُموم الفرص كتير بس إستعدوا كويس لأن مفيش حد ينفع يمتحن مكانك.

السلام عليكم ورحمة الله وبركاته .شكرا لحضرتك يا دكتور حازم علي مداخلاتك وعلي اهتمام حضرتك وانا شايفه ما شاء الله ان القهوه كبرت وبقت تستحق لقب كافيه محترم وما شاء الله بقي فيه اكتر من معلم .ربنا يكرمكو ويجازي خير كل واحد بيحط معلومه يفيد بيها الاخرين pps: :lol: :lol: :lol:

منورانى والله وطمنينى عليكى وعلى أخبارك إن شاء الله خير.

شكرا icehell. ياريت اي حد كان له تجربه مع مكتب التوظيف اليومين دول يقول لنا على تفاصيلها ويقول همه اتصلوا بيه امته لانهم لسه ما اتصلوش بينا . فكنت عايزه اعرف كده يبقى الفرصه خلاص لانهم ما اتصلوش وله لسه بيتصلوا بالناس وهل دلوقتي الانتر فيو للطبيب العام وله للاخصائيين برضه وله الدنيا ماشيه ازاي ؟[

عادتاً مكتب التوظيف هما الى بيتصلوا بيكم،!!مُش عارف الدنيا حصل فيها إية هما الى إتصلوا بى فى كل حاجة وهما الى حدودا لى موعد المقابلة وموعد تخليص الأوراق ومن حسن حظى كانت دائماً حماتى الله يشفيها هى الى ترد هليهم وتقول لهم الدكتور مش موجود دلوقت فيتصلوا فى وقت تانى بى.

السلام عليكم

شكرا جزيلا rewsha

انا هحاول ان شاء الله بس كنت عايز اعرف لو عرفو انى مقدم تبع وزارة الصحه ايه اللى يجرى

وهل وزارة الداخليه احسن ولا وزارة الصحه؟

ارجوووووووووووو الرد العااااااااااااااااااااااجل wst::

يا عم محمد مُش فارقة معاك فى الداخلية ولا الخارجية حضرتك قدم فى الإتنين وروح المقبلتين وقدم فى بيونير ومصر الحجاز وروح كل المقابلات .

فرق الراتب لا يستحق التردد والتفكير...!!!!!

بس أهم حاجة ذاكر وماتكسفناش مُش كل ما الإستشارى يسئلك سؤال تدلدل أودانك وفى الأخر تطلع تشتم وتسب زى ما كُنت بشوف الناس الى من سن أبوى طالعين من المُقابلة معاية الواحد منهم بوزة مترين والواحدة منهم عاوزة رولتين مناديل ينشفوا وشها بيهم md2: .

الاخ الدكتور محمد عمر .الحكايه هيه ان اللجنه اللي موجوده حاليا (ده على حد علمي ) هيه بتاعت مستشفيات الداخليه لكن متهياْلي ان لجنه وزاره الصحه لسه ما جتش لاننا لما اتصلنا اول سؤال كان انتوا مقدمين ورقكم تبع وظايف وزاره الصحه وله الداخليه . فقلنا لهم احنا ما قدمناش ورق خالص فقالوا طيب هاتوا الورق وتعالوا بكره . ده اللي حصل معانا ومع دكتور زميل جوزي برضه نفس الكلام .(ملحوظه)اصل مكتب التوظيف نزل اعلانين واحد في 16/2/2009 والتاني في اول شهر تلاته وتقريبا كل اعلان كان خاص بوزاره شكل واحد للداخليه والتاني لوزاره الصحه . والله اعلم بس همه اول سؤال بيساْلوه انت كنت مقدم تبع اي اعلان ؟ يعني اللي كان امته؟ ولو حضرتك حصلت على اي معلومه ارجوا انك ما تبخلش بيها علينا برضه . وشكرا

يا جماعة مكتب التوظيف السعودى مكتب حكومى مسؤل أنة يجيب عمالة للحكومة السعودية لو حضرتك نجحت فى أى مقابلة ممكن بسهولة حصولك على وظيفة حتى لو فى جهة أخرى لو حضرتك قبلت.

يعنى حضرتك إختبرت ونجحت فى مقابلةالصحة وإلا إختبرك إستشارى سعودى لو الداخلية إحتاجت مش شرط يرسلوا لك إستشارى من الداخلية يمتحنك.

بيت القصيد هنا هو إدخل أى لجنة و إنجح فيها وسيب الباقى لربنا بعد ما تنجح ممكن مكتب التوظيف (وهذا يحق لهم ) إنهم يرسلوك لأى مكان حكومى سعودى من الصحة أو الداخلية أو أى مكان حكومى يحتاج.

طبعاً الأولى إنهم بيرسلوا الى نجح فى الداخلية للداخلية والى نجح فى الصحة للصحة وهكذا لكن ليست قانون.

أتمنى تكون الأمور واضحة مش قانون .

[size="6"]الاطباء اللى فى اللجنه بمكتب التوظيف مصريين ولا سعوديين[/size]

وزوجتى صيدلانيه بتبقى نفس اللجنه ولا ايه

وشكرررررررررررررررا :happy:

99% سعودين إلا إذا كان فية إستشارى مصرى واصل عندهم ممكن لكن دة أنا ما شوفتوش بعينى.

كل فئة لها يوم لوحدها الأسنان يوم والصيادلة يوم واممارس العام يوم وهكذا.

ممكن يتصلوا بيك وما يتصلوش بزوجتك عادى.

وممكن يتصلوا بيكم سوا وممكن ما يتصلوش لا بيك ولا بيها.

[hazemtara]

سؤال رفيع يا جماعة و عاجل لو سمحتوا

انا تاريخ تعييني في المديرية 10-12-2006

و تاريخ استلامي للعمل في المستشفى 28-1-2007

هوا لما اقدم ورقي للهيئة السعودية .. هيحسبوا خبرتي من انهي تاريخ ؟

وبعدين انا كنت في الجيش .. وعرفت ان طبعا الفترة دي بتتحسب في الخبرة .. هل لازم اجيب شهادة من الجيش بالفترة دي وتتختم من الخارجية والسفارة طبعا ؟

وشكرا

برده زيادة في التوضيح انا خدت اجازة رعاية اسرة من 5-1-2009

و عليه فالو حسبولي الخبرة من ساعت التعيين فيبقى اوكي انا كده كملت السنتين المطلوين

اما لو حسبولي من اول تاريخ الاستلام فيبقى لسه بقيلي 23 يوم على السنتين

وهنا يطلع سؤال .. هو ينفع اكملهم هناك قبل الامتحان مثلا في المستوصف اللي هشتغل فيه .. و اجيبلهم شهادة منه متوثقة اني اشتغلت عنده ال 23 يوم دول ؟

وخصوصا ان التأشيرة بقت في جوازي و انا على وش سفر

انا حاليا رجعت استلمت العمل الحكومي بس مستني ردكم عشان اعمل الاجازة بتاعت العمل بالخارج ولا اقنعه بقى اني اقعد 23 يوم ؟ و اعتقد ان ده مش هيبقى شكله ظريف

يا دنتو

تحسب الخبرة من تاريخ إستلامك فى المديرية.

المسؤل عن عمل شهادة الخبرة مُجمعة على بعضها كدة مديرية الصحة وحضرتك خارج من الجيش بتجيب شهادة خبرة تعطيها لهم فى المديرية وهم بيكتبوا لك فى الشهادة ،،!!!

المذكور عمل لدينا من تاريخ !!!!كذا إلى تاريخ كذا فى قطاع الريف،

والفترة من كذا إلىى كذا فى الجيش كطبيب( وتحسب خبرة).

والفترة من كذا إلى كذا أجازة بدون راتب ولا تحسب لك.

فترة الجيش محسوبة كلها.

أى أجازات بدون راتب لا تحسب خبرات إلا إذا كنت شغال فى مكان تانى وجبت ما يثبت ذلك.

لو جيت السعودية خبراتك ناقصة يوم واحد ما ينفعش لازم سنتين خبرة من مصر قبل التعاقد معاك واضحة وضوح الشمس.

مُش من صالحك عمل شهادات خبرة كتيرة واحدة بس من الصحة وجمع فيها كل حاجة أوفر وأفضل.

[hazemtara]

الأبليكاشن اللي حاتملاه اول ماتدخل انظر خلفه ........حتلاقي انهم مقسمين الممكة ل٣مناطق ا(الرياض،مكة...),ب(تبوك،طائف...),ج (الأطراف)حسب درجاتك في الأنترفيو بتروح واحدة منهم.

وطبعا مستشفيات الوزارات (داخلية-دفاع.....)بتبقى احسن من وزارة الصحة عشان طبعامافيهاش اماكن وحشة زي الصحة...زاي ماهوكدا عندنا (سكة حديد-زراعة-مصرللطيران).....

والنتيجة طبعا بتعرفها خلال اسبوعين بيتصلوا بيك (اكيد لما تكون جاوبت صح ...اكيد حاتنجح).......

واياكم و:

الكذب لأنهم واخدين خبرة انو احنا كدابين.

مش عارف حاجة ماتالفش وفي نفس الوقت ماتحسسوش انك ابيض!نقاط القوة اظهر فيها الثقة.

وطبعا البهوات اللي قاعدين في بيوتهم مستنين معاد المقابلة ويتصلوا يبقويقابلوني لأن الناس دي مابتهرجشي في عدد معين عاوزينو مش لسه حايدورو على كسلان ماسابشي ورقه هناك من ساعة مانزل الاعلان......واساسا انت مانتاش داخل من البوابة الا مايراجع اسمك في الكشف عنده (اللي هما الدكاترة اللي اتصلوا بيهم)وحايتاكدوا برضو من اسمك موجود في الناساللي اتصلوا بيهم لما تدخل الاستعلامات عشان تملى الابليكاشن

يعني موش زيطة اي حد يدخل!!!!!!!!

يبقو يروحو مصر الحجاز ماهو برضو بيسرقلوا كدا كم عقد...عشان في داكاترة مابتحبش من ابو بلاش!!!!!!!!!!!!!

وكانت سامع موظف في مكتبه عمال يتصل بالدكاترة ويقلهم على معاد المقابلة.....اكيد لسه في ايام تانية.......

النهاردة كان لل(للمارس العام+الباطنة) بس برضو مش متاكد.....بتاع٢٠-٣٠ دكتور

إية الجمال دة وأهو كدة معلومات فرش وطازة .

الله يكرمك wst:: .

السلام عليكم و رحمة الله و بركاته

جميل اوى ومفيد الموضوع ده بس انا لسه جديدة معاكم هنا وكنت عايزه اسال عن امتحان هيئة الصحة بدبى لترخيص مزاولة المهنة

انا طبيبة اسنان و اعذرونى لو السوال مكرر و ارجو منكم الافادة بكل التفاصيل....

وجزاكم الله خيرا

راجعى المُنتدى فى الأول الأخت جلاكسى تكلمت عن الإمارات من قبل.

[hazemtara]

ممكن سؤال

هو المكتب التوظيف رقمه كام

كمان سؤال

هو الاطباء اللى شركة مصر الحجاز اتصلوا بيهم علشان مقابلة وزارة الداخلية دى بتبقى تعاقد حكومى كليا ولا توظيف سعودى

راجع المنتدى فى الأول أنا ذكرت كل حاجة فى الأول وكل التليفونات موجودة.

[طبيبة مستجدة]

بالنسبة لموضوع شهادة التفرغ فى كل مديرية ناس بتظبط الحاجات دى وتديكى كل الشهادات الى محتاجها بس دة بيكون عاوز علقات فى المديرية علشان يديكى حاجة زى كدة.

انا مش فاهمة يعنى اية وهل ممكن يعنى اظبط شهادة تفرغ ومنين؟ لان انا بالنسبة ليا انا مايفرقش منين الدبلوما حتى لو من شلاتين بس انا ماينفعش السفر برة القاهرة فالمتاح ليا القاهرة-عين شمس-الازهر او الخاصة وهل الخاصة بتنفع؟

وهل لازم الحضور بانتظام فى الدبلوم؟

هل الزمالة البريطانية تغنى عن الدبلوم؟وهل نسب نجاحها عالية ولا زى ماسمعت ان نسب النجاح قليلة وناس كتير بيضيع عليها الفلوس وهل لازم فيها نسافر انجلترا؟

[rewsha]

/حازم ارجوك انا عايزه راْ يك بسرعه وراْي الاعضاء كلهم اللي يقدر يفيدني بحاجه يقول بسرررررعه. الموضوع ان مكتب التوظيف ما اتصلش بينا لغاية دلوقتي ومصر الحجاز كمان وعرفنا ان لجنه الانف والاذن في مكتب التوظيف يوم الاربعاء وبما ان الدكتورice hellقال انهم لازم بيتصلوا همه وان ما حدش بيدخل مكتب التوظيف الالما يبكون اسمه موجود عندهم وهمه اتصلوا بيه فالدكتور عندي ما راحش يساْل النهرده لكن واحدزميله راح النهرده ودخل عادي وقالوا له اتفضل وساْلوه كام سؤال كده بساط جدا وتقريبا اللي ساْلوه مش تخصص انف واذن لانهم ساْلوه اسئله عامه كده وبيقول سهله جدا وبعدين قالوا له هانرد عليك بعد ما اللجنه تمشي (مع مراعاة ان دي لجنه الداخليه لسه لجنه الصحه هاتيجي بعدها) المهم احنا بقه النهرده اتعرض علينا عرضين واحد في الرياض على 11 الف وشهر اجازه منهم 15 يوم مدفوعين الاجر و9 ساعات عمل وفي يومين جمعه بيداوم فيهم لكن بمقابل (افر تايم )واليومينالجمعه التانيين اجازه . العرض التاني في جده على 10 الاف وشهر اجازه منهم 21 يوم مدفوعين و8 ساعات عمل .احنا وقعنا عقد مع بتاع جده .بس لازم بكره نروح نودي الجوازات. لما رجعنا من المكتب عرفنا خبر انهم في مكتب التوظيف خللوا الدكتور (زميل جوزي)يدخل ويعمل مقابله عادي رغم انهم ما اتصلوش بيه.احنا دلوقتي تايهين ومش عارفين نفكر .موضوع جده ده يعتبر فرصه لان العروض بتاعت جده قليله جدا فاحنا مش عارفين نمشي في موضوع جده وله ما نروحش نودي الجوازات ونشوف بختنا ايه مع مكتب التوظيف .انا عارفه ان ناس كتير هاتقول خلليكوا مع مكتب التوظيف .بس همه ما اتصلوش بينا ولا بالدكتور زميل جوزي . ةفانا مش عارفه همه تصرفهم النهرده في مكتب التوظيف كان معناه ايه ؟ يعني اي حد يروح يقوم يدخل مقابله علطول وليه ما اتصلوش بزميل جوزي رغم انه مقدم من زمان لكن لما راح عملوا له مقابله وله همه مشوا حالهم معاه وله ايه ؟ اجوكم اللي عنده اي نصيحه يكتبها لي ضروري النهرده . وفي سؤال تاني هوه لو احنا اخدنا التاشيرات من المكتب بتاع عقد جده ده لكن في نفس الوقت جالنا عرض مكتب التوظيف ممكن ناخد الجوازات تاني منهم بعد طلوع التاْشيره وله مش هايدوها لنا ولو رفضوا ممكن نطلع جوازات تانيه ونسافر بيها؟

[rewsha]

ارجوكم يقدر يفيدني باي نصيحه يقولها بسرعه لان المفروض نقرر النهرده نكمل في عقد جده وله لا وله نكمل ونشوف مكتب التوظيف برضه بس هل ها يكون في مخرج من موضوع عقد جده بعد كده لو قررنا عدم السفر (ملحوظه مهمه ) هيه ان عقد جده المفروض السفر هايكون خلال 20 يوم والمكان في شارع قريش وهوه مكان جديد وصاحبه دكتور لغه عربيه في جامعه في جده واسمه د/رشيد البياضي

[rewsha]

معلش نسيت اقول يا د/ حازم ان ظروف الدكتور زميل جوزي هيه نفسها (شهاده الخبره من مستشفيات القوات المسلحه برضه) وانهم في مكتب السفريات النهرده اتكلموا معانا في موضوع شهادة الخبره وانهم هايعملوا لناشهاده (من عندهم )لزوم السفر علشان بتاعت مستشفيات الجيش دي مش هاتنفع

[rewsha]

clp:: :harp: jdw::

[icehell]

clp:: :harp: jdw::

اظاهر بقى انهم موش لاقيين دكاترة!!بس في حاجة مهمة انهم محتاجين دكاتة كتار عشان الناس اللي هناك تنزل اجازات

وزاي ماقال د.حازم انهم بيعملو مقابلات للأي حاجة(صحة-داخلية...)بس امتى السفر ماحدش يعرف!!!!

انا من راي انو اي حاجة برا الحكومة اوالمستشفيات الكبيرة الخاصة (سعودي الماني-سعد...)ما تروحش عشان في استغلال للعيانين وقلة ادب وقيمة دا لوطبعا الدكتور عند ضمير عممرو ماحيفكر يروح او يشتغل كده!!!! زاي مامعظم الدكاترة بتعمل كده في عيادتها هنا في مصر ومابيحتاجوش يسافرو الخليج من كتر الفلوس اللي بيعملوها اقدي اللي بيسرقوها!!!!!!!!

ماهو صاحب المستشفى الخاص دا اليوم متكلف عليه يجي ٥٠٠٠ ج مصاريف تشغيل فأي زبون يغلط ويدخل لازم يقلعوه هدوموه عشان يجيب مصاريف المشروع اللي فاتحة ويكسب كمان....

[dentogabalo]

سؤال رفيع يا جماعة و عاجل لو سمحتوا

انا تاريخ تعييني في المديرية 10-12-2006

و تاريخ استلامي للعمل في المستشفى 28-1-2007

هوا لما اقدم ورقي للهيئة السعودية .. هيحسبوا خبرتي من انهي تاريخ ؟

وبعدين انا كنت في الجيش .. وعرفت ان طبعا الفترة دي بتتحسب في الخبرة .. هل لازم اجيب شهادة من الجيش بالفترة دي وتتختم من الخارجية والسفارة طبعا ؟

وشكرا

برده زيادة في التوضيح انا خدت اجازة رعاية اسرة من 5-1-2009

و عليه فالو حسبولي الخبرة من ساعت التعيين فيبقى اوكي انا كده كملت السنتين المطلوين

اما لو حسبولي من اول تاريخ الاستلام فيبقى لسه بقيلي 23 يوم على السنتين

وهنا يطلع سؤال .. هو ينفع اكملهم هناك قبل الامتحان مثلا في المستوصف اللي هشتغل فيه .. و اجيبلهم شهادة منه متوثقة اني اشتغلت عنده ال 23 يوم دول ؟

وخصوصا ان التأشيرة بقت في جوازي و انا على وش سفر

انا حاليا رجعت استلمت العمل الحكومي بس مستني ردكم عشان اعمل الاجازة بتاعت العمل بالخارج ولا اقنعه بقى اني اقعد 23 يوم ؟ و اعتقد ان ده مش هيبقى شكله ظريف

يا دنتو

تحسب الخبرة من تاريخ إستلامك فى المديرية.

المسؤل عن عمل شهادة الخبرة مُجمعة على بعضها كدة مديرية الصحة وحضرتك خارج من الجيش بتجيب شهادة خبرة تعطيها لهم فى المديرية وهم بيكتبوا لك فى الشهادة ،،!!!

المذكور عمل لدينا من تاريخ !!!!كذا إلى تاريخ كذا فى قطاع الريف،

والفترة من كذا إلىى كذا فى الجيش كطبيب( وتحسب خبرة).

والفترة من كذا إلى كذا أجازة بدون راتب ولا تحسب لك.

فترة الجيش محسوبة كلها.

أى أجازات بدون راتب لا تحسب خبرات إلا إذا كنت شغال فى مكان تانى وجبت ما يثبت ذلك.

لو جيت السعودية خبراتك ناقصة يوم واحد ما ينفعش لازم سنتين خبرة من مصر قبل التعاقد معاك واضحة وضوح الشمس.

مُش من صالحك عمل شهادات خبرة كتيرة واحدة بس من الصحة وجمع فيها كل حاجة أوفر وأفضل.

الف شكر يا دكتور حازم ..

انا كنتك فاكرك تعبت مني ..

بس بجد من القلب والله ربنا يجازيك كل خير انت وقفت معاي وقفة لاتنسى

[د محمد عمر]

السلام عليكم

انا اتصلت النهارده بمكتب التوظيف وقالى هات ورقك وتعالى بكره بس اللى كلمته بتاع الداخليه كان سعودى

بس المشكله قالى مش عايزين صيادله وانا كنت عاوز اسافر بعقد انا وزوجتى

فمش عارف اروح وبعدين تبقى تروح هيا لما لجنة وزارة الصحه تيجى ولا اعمل ايه

ومش عارف هل اللجنه بتاعة وزارة الصحه هتبقى عايزه صيدلانيه ولا لا

افيدونييييييييييييييييييييييى سرييييييييييييييعا

[mama nona]

الاخت العزيزة

انا مش عارفة انتو متوهين نفسكم ليه

لو عايزة الحكومى يبقى خلى الدكتور يروح بكرة يعمل مقابلة وكمتن يروح الاربعاء ع موعد تخصصه

اذا عمل له مقابلة يبقى خيروبركة ويستفسر من الممتحن هل قبلوهولالأ

وممكن يقوله انه مرتبط بسفر تانى عشان يرد عليه

وطولى بالك ع بتاع جدة شوية قولو ان لسه جواز السفر مش جاهز مثلا لغاية ما تقررى

وبعدين السفر الخاص كتير والحكومى افضل وراحة بال

ربنا يوفقكم

[د محمد عمر]

"]وكنت عايز اعرف انا لمل اروح امتحن همتحن على انى نائب اطفال معايا الفرست ولا على انى جى بى

والاساله اللى ممكن يسالوها للصيادله ايه

[د محمد عمر]

يارييييييييييت حد من الموجدين يفدنى[/ size]

[غريب الخبر]

ارجوكم يقدر يفيدني باي نصيحه يقولها بسرعه لان المفروض نقرر النهرده نكمل في عقد جده وله لا وله نكمل ونشوف مكتب التوظيف برضه بس هل ها يكون في مخرج من موضوع عقد جده بعد كده لو قررنا عدم السفر (ملحوظه مهمه ) هيه ان عقد جده المفروض السفر هايكون خلال 20 يوم والمكان في شارع قريش وهوه مكان جديد وصاحبه دكتور لغه عربيه في جامعه في جده واسمه د/رشيد البياضي

احسن حاجة تعمليها تاجلى عقد جدة لو تقدرى شهر ولا اتنين يمكن مكتب التوظيف يتصل فى اى وقت لان دى فترة التعاقد حاليا وبعدين لازم تعرفى يا دكتورة انهم محتاجين تخصصات كتير ومش كل اللى بيتعاقدوا معاهم بيسافروا يعنى ممكن يتصلوا بعد فترة

سيبها على الله ولا تتصلى ولاحاجة وهى هتيجى لوحدها وبعدين عقد جدة مش فرصة ولا حاجة اعتقد 90% من العقود بتكون بنفس المستوى ولازم لازم تسالى على المكان كويس اهم من الراتب.

الاستعجال وحش اسالى كويس لو العمل فى قطاع خاص وسيبك منهم لو قالولك 20 يوم ممكن تقعدى شهرين وهما بارضو هيحتاجوكى .

اما بالنسبة للصحة او الداخلية او اى قطاع حكومى فهى عملية نصيب مش اكتر ومش محتاجة منك تتصلى ولا حاجة .لانك لو عملتيها واتصلتى هيردوا ويقولوا احنا هنتصل بيكى لو فيه فرصة .

ربنا يوفقك ويوفقك زوجك مع العلم انى ما زلت ارجح العمل فى القطاع الحكومى

دمتى بخير

[احمد العنانى]

السلام عليكم ورحمة الله وبركاته عندى سؤال بسيط موجه للدكتور حازم واتمنى انه يفيدنى فيه انا طبيب بشرى مصرى حر ( يعنى مستقيل من وزارة الصحة المصرية دفعة ديسمبر 2005 وخبرتى سنتين بعد الامتياز وجايللى عقد عمل فى حائل كطبيب ممارس عام او جى بى عاوز اعرف طبيعة عمل الجى بى ايه بالظبط هنا فى الخاص وايه الحاجات المطلوبة منه بالظبط فى العمل وهل هو مطالب بمهارات يدوية غير الاستيتش مثلا كمان سؤال بسيط جدا انا معاى شهادة خبرة سنتين من عيادات تخصصية هنا وختمتها من نقابة الاطباء هل لازم اوثقها من الخارجية برده على العلم ان الكفييييييييييل مطلبهاش منى وانا مستغرب ياريت ترد عليا بسرعة جذاك الله خيرا

[rewsha]

الاخت العزيزه ماما نونه انا متشكره جدا لردك والاخالدكتور غريب الخير .متشكره جدا لاهتمامكم وسرعة ردكم .ومن الواضح اننا فعلا هانكنسل موضوع جده ده اللي ما لحقناش نفكر فيه .او بمعنى اصح همه ما ادوناش فرصه نفكر . لكن الفرصه بالنسبه لينا هيه ان العروض الخاصه اللي جت لنا كلها على 10 الاف او11 بالكتير في الخاص ومش هاتزيد عن كده .لكن احنا لينا مشكله مع مكتب التوظيف وهي في شهادة الخبره وده اللي مخلينا مش حاطين امل كبير عليه لان شهادة خبره الدكتور عندي طالعه من القوات المسلحه ومكتوب فيها انه علشان يشتغل في حكومة او قوات امن بلد تاني لازم ياْخد موافقه مباشره من الريس . واللي قالوه لينا في كل مكاتب السفر انهم هايظبطوا لنا شهادة خبره من عندهم علشان نعرف ناخد التاْشيره فده اللي مخلينا مش حاطين امل على مكتب التوظيف ده السبب شهادة الخبره .علشان كده قلنا ننسى الحكومه ونشوف الخاص .بس هوه اللي قالقني ان المكان ده اللي في جده لسه بيفتح جديد يعني لسه مالوش اسم معروف وصاحب المكان اكيد هايكربج الدكاتره اللي عنده علشان يدخلوا له فلوس لانه مكلف المكان وعايز يلم فلوسه .مش كده برضه صح؟عموما متهياْلي لما الاحد يقف قدام موضوعين مش عارف يختار ايه فيهم يبقى لايا خد ده ولا ده طالما هوه مرتاح على وضعه.لغاية ماتيجي له فرصه. فرصه يعني فرصه بكل معانيها. انا بس اللي حيرني هوه اننا مش ضامنين مكتب التوظيف 10% وكمان عقود جده قليله جدا لكن الرياض عقودها كتير . بس في الاخر كل شيْ نصيب

[rewsha]

الدكتور محمد عمر .الدكتور عندي قرر انه يروح مكتب التوظيف بكره ويشوف هايعملوا معاه ايه؟ ياتري ممكن حضرتك لو رحت بكره تقول لنا ايه اللي حصل معاك وانا كمان هاقول اللي حصل معانا . وبعدين ممكن لو اتعاقدوا معاك زوجتحضرتط تطلع معاك وتتعاقد من داخل السعوديه ده عادي جدا .ادعي ربنا بس انك تقبل معاهم.اما بالنسبه لاسئله الصيادله لو عملت سيرش على الجوجول هايطلع لك مواقع كتير خاصه بالصيادله هاتلاقي فيها حوارات وناس ممكن يفيدوك.بس ركز دلوقتي في اللجنه الموجوده .وممكن لما تروح تساْلهم امته لجنه الصيادله ؟