مغترب-طبيب/ صيدلى/ تمريض اتفضل معانا

[movalentinos]

هو مصر الحجاز اللى بطلع الداخلية دى بتبقى توظيف سعودى

يعنى شركات توظيف سعودى بتشغل مستشفيات الداخلية

[hazemtara]

السلام عليكم جميعا وعلى كل من شارك فى الموضوع وارجو المعذرة لفتح الموضوع ثم انقطاعى المفاجئ عن منتدانا الحبيب و لكن ذلك كان لعذر خارج عن ارادتى وكم انا سعيد برؤية كم المشاركات التى اثبتت صحة فكرة فتح موضوع خاص بنا

وشكر للجميع

حضرتك فتحت الموضوع وما حطتش فية حرف واحد وقلت يا فكيك،، وسعوا لى الطريق :closedeyes: .

إن شاء الله يكون المانع خير.

[hazemtara]

هو مصر الحجاز اللى بطلع الداخلية دى بتبقى توظيف سعودى

يعنى شركات توظيف سعودى بتشغل مستشفيات الداخلية

هذا الكلام تسأل عنة وقت توقيع العقد وتشوف راتبك كام لو الراتب قليل والأجازة شهر والعقد سنتين يبقى دى شركة .

أما لو العقد كويس والراتب حلو والأجازة 45 يوم العقد سنة واحدة يبقى دة حكومى وليس شركة.

اتمنى تكون واضحة وسهلة.

[جحا]

حمد الله علي السلامة يا استاذ osososos

[rewsha]

ايه الاخبار طمنينا وصلتو لفين هل الدكتور عمل مقابلة انهارده ولا ايه ؟

نتمنى لكم التوفيق .

بس كان عندى سؤال اشمعنى عايزين الشغل فجدة ومش الرياض ؟

:closedeyes: :blink: :lol: :lol: :lol:

طبعا مشكوره جدا لسؤالك عننا والاطمئنان علينا . هوه راح النهرده وعملوا معاه زي زميله اللي راح امبارح . دخلوه وفي دكتور ساْله سؤال واحد عن حاله يشخصها ويقول احتمالاتها ايه ولو ماكانش كذا ممكن يكون ايه؟ بس في تخصصه .ولما ساْله هانعرف الرد امته قال له بعد 10 ايام كده لما اللجنه تخلص لكن هوه قال انه جاوب كويس وربنا يكرم . لكن بيقول ان ماكانش في تخصصات اللي بيروح بيدخل وهمه اتنين اللي بيمتحنوا الناس كلها في كل التخصصات. بصراحه مش عارفه ايه اللي بيحصل السنه دى .عموما كله بامر الله.

[rewsha]

أخيراً الواحد ممكن أرتاح والصبيان يشغلوا القهوة وأنا ألم الغلة بس ؟؟!!!أحمدك يا رب>>>>>>>>>>>>أكرمك الله أخش أريح لى شوية ما أنا سيب وراية ستات تكل الزلط >>الأرقام دى إية تعويزة دى يا مجدى >>>>>>بصراحة يادكتور حازم دمك زي العسل وليك تعليقات انا اول ما قراْت جملة الارقام دي تعويزه يا مجدي ..فطست على نفسي من الضحك لما البنات في البيت قالوا ماما جرالها ايه.قاعده تضحك لوحدها كده ...المره الجايه هانلاقيها بتتكلم مع نفسها :closedeyes: ...في ايه ياماما .انت في حد معاكي واحنا مش شايفينه(اصل انا كنت قاعده لوحدي في الريسبشن قدام الكمبيوتر).المهم والله يادكتور حازم احنا كلنا بندعي لك ربنا يكرمك ويجازيك خير على تعبك معانا هنا في المنتدى واهو الواحد بيحاول يساعد شويه برضه لان الواحد جرب لما بيكون محتار او مش عارف حاجه بيكون عامل ازاي علشان كده الواحد ما بيترددش انه يفيد غيره .لانه مجرب واهو ...نشيل عنك شويه .بس برضه الكبير كبير .....وانا باقترح نعمل انتخابات هنا في المنتدى وتخلليني (النايبه)قصدي النائبه بتاعتك ومش هاقول لك بالنص .خليها ثلتين وثلث

[rewsha]

مامه نونه احنا كنا بنفضل جده عن الرياض علشان قربها من مكه والواحد يهيص بق عمرات لحد مايقول بس .ولو ان الواحد مش هايقول بس .هايقول هل من مزيد عمره لماما وواحده لبابا وخاتي وجدي وهلما جره .كمان علشان جده قريبه من مصر والواحد ممكن ينزل مصر بالعربيه .وثالثا علشان جده تحسي فيها بالروح شويه مش مقفوله زي الرياض. وكمان لاني كنت في الرياض قبل كده .فده نوع من انواع التغيير.واخيرا الله اعلم هاترسى على فين .ممكن في الاخر نفضل هنا في مصر (ام الدنيا).

[د محمد عمر]

السلام عليكم

انا مرحتش النهارده لان عندى امتحان يوم الخميس

وبعدين انامش عارف عشان الداخليه هيوجعوا دماغا بالامنيات ويشددوا علينا فى مصر ولا ايه

فهستنى وزارة الصحه احسن ولا ايه صح ولا غلط

سلااااااااام[/size]

[rewsha]

انت قلقان من ايه بس طيب ياريت الداخليه تيجي .مافيش مشكله بالنسبه لك خالص ولا امنيات ولا حاجه .المشكله لم تكون انت بتشتغل هنا في مص في الاخليه او الجيش وبعدين تيجي تسلفر .(ده اللي الدكتور حازم يقصده)أهلاً روشة

أنا معاية هنا فى المستشفى صيدلى كان ضابط فى الجيش إحتياط وطالع من الجيش نقيب.

طلعوا روحة ما بين المخابرات والوحدة 13 أمام سينما طيبة فى مدينة نصر ومقر شؤن الظباط الى فى العباسية.

وفى الأخر بعد 3 شهور أعطوة الموافقة وهو الأن شغال معانا هنا بعد ما حلفوة على المصحف أنة ما يتخابر مع حدودى بيسموها التلقين .

خلية يحلف بس ويلقنوة وهما هيسبوة يشتغل فى السعودية ، .

شُفتى شغل المخابرات هتحلفوا يعنى هتحلفوا، الناس طلعت القمر وقسموة على بعض وإحنا لسة بنحلِف الناس على المصحف إنة ما يقل عقلة ويتخابر مع السعودية

[rewsha]

أهلاً روشة

أنا معاية هنا فى المستشفى صيدلى كان ضابط فى الجيش إحتياط وطالع من الجيش نقيب.

طلعوا روحة ما بين المخابرات والوحدة 13 أمام سينما طيبة فى مدينة نصر ومقر شؤن الظباط الى فى العباسية.

وفى الأخر بعد 3 شهور أعطوة الموافقة وهو الأن شغال معانا هنا بعد ما حلفوة على المصحف أنة ما يتخابر مع حدودى بيسموها التلقين .

خلية يحلف بس ويلقنوة وهما هيسبوة يشتغل فى السعودية ، .

شُفتى شغل المخابرات هتحلفوا يعنى هتحلفوا، الناس طلعت القمر وقسموة على بعض وإحنا لسة بنحلِف الناس على المصحف إنة ما يقل عقلة ويتخابر مع السعودية ان كان على قد الحلفان ممكن نجيب العيله والجيران ونقعد نحلف لهم لغاية ما ييجي ميعاد السفر بس هيه تيجي الداخليه دي يارب

[rewsha]

باقول لك يادكتور حازم .ان كان على قد الحلفان احنا ممكن نجيب العيله والجيران ونقعد نحلف لهم لغاية ميعاد السفر .بس هيه تيجي يارب

[movalentinos]

هو مصر الحجاز اللى بطلع الداخلية دى بتبقى توظيف سعودى

يعنى شركات توظيف سعودى بتشغل مستشفيات الداخلية

هذا الكلام تسأل عنة وقت توقيع العقد وتشوف راتبك كام لو الراتب قليل والأجازة شهر والعقد سنتين يبقى دى شركة .

أما لو العقد كويس والراتب حلو والأجازة 45 يوم العقد سنة واحدة يبقى دة حكومى وليس شركة.

اتمنى تكون واضحة وسهلة.

واضحة وزى الفل الف شكر يا دوكتور وربنا يكرمك وسلامى لاهل السعودية ومصر اللى معاك

[احمد العنانى]

متشكر جدا دكتور حازم ربنا يبارك فيك هو فى الحقيقة فعلا انا طبيب حر بجد مش كده وكده وفعلا معايا شهادة خبرة حديثة من قطاع خاص ووثقتها من نقابة الاطباء بس للاسف مفيش رقم تأمينى زى ما حضرتك بتقول لانه للاسف انا مش متمئن عليا يبقى ايه العمل دلوقتى انا روحت اوثقها من الخارجية بعد ما ختمتها من النقابة الموظف قاللى انى اوثقها من الشهر العقارى الاول وبعدين اجيبهالوا وديع اعتقد مفيهاش مشاكل المشكلة فى موضوع الرقم التامينى ده يا ترى ممكن اتصرررررررف ازاى فى انتظار ردك واسف على الاطالة

[طبيبة مستجدة]

لسلام عليكم

الاخت روشة انا معجبة اوى بحماسك وبحضورك على المنتدى واحب اسال حضرتك المهم اية خطوات بالظبط التقديم فى مكاتب التوظيف يعنى بينزلو امتى مصر وامتى اقدم واية الاوراق المفروض تبقى معاية وازاى اتابع بالظبط انا ماعنديش اى خبرة فى الموضوع دة ؟طبيبة اسنان عامة

وهل ممكن اتكلم مع مكتب التوظيف عن شروط الاماكن اللى انا عايزاها يعنى اقولة مثلا عايزة الحكومة وفى جدة مثلا او الرياض؟يعنى عايزة اعرف باختصار كل الخطوات من اول التقديم فى المكاتب لحد لو الواحد سافر؟

[dentogabalo]

دكتور دنتو طب بالنسبة للزمالة الصغيرة هل معترف بيها فى العمل؟وهل بيها امتحان عملى ولا نظرى بس؟

سؤال تانى هل لازم علشان اقدم نائب زائر يكون عدى عدد سنين معين من التخرج ولا مفتوحة؟وهل باخد شهادة بانى اخدت نائب زائر؟ طب لازم اكون من خريجة الجامعة علشان اقدم فيها؟ولو قدمت اندو ممكن اشتغل كمان حشو وتركيبات وامتى اقدم هل فقية وقت زى الماستر ولا اى وقت فى السنة؟

معلش لكثرة الاسئلة؟

طب هل عند حضرتك فكرة عن اى دورات ممكن ناخدها فى السعود ية او فى مصر؟ممكن نسال عنها فين؟

هي طبعا اكيد معترف بيها بس لسه مش متأكد هي بتساوي ايه .. هيا امتحانين نظري .. والتاني اسمه objective structural

يعني ناس بتمثل انها تعبانة و هما بيشوفوا تعاملك مع الحالة شكله عامل اواي

بس اعتقد ان لو امتحناها في انجلترا هتحسب على انها دبلومة من دول العالم (أ) على رأي د.حازم .. و مش فاكر بصراحة راتب دبلومة من العالم الاول يبقى كام

اه بتاخدي شهادة انك قضيتي نايب زاير في القسم الفلاني

ولا طبعا مش لازم تكوني من خريجة الجامعة نفسها عشان تقدمي نايب زاير فيها ... عادي خريج اي جامعة ممكن يقدم نايب زاير في اي جامعة تانية

ام بالنسبة لو قدمتي اندو ممكن تشتغلي حاجات تانية .. في القاهرة لأ كل حاجة لوحدها ... بس كل كلية ليها نظامها في الموضوع ده .. ممكن تقدمي في اي وقت بس غالبا هيخلوكي تبتدي النيابة من اول الشهر

و اهم حاجة موافقة رئيس القسم .. اما اذا كان مطلوب عدد سنين من التخرج .. انا اعتقد انه لأ بس مش متأكد

انا معرفش دورات في السعودية بس اعتقد المجال هيبقى ضيق اوي الا لو جه شغلك في مدينة فيها جامعة و بيتعمل فيها مؤتمرات ممكن تتابعيها بقى

اما مصر فملياااااااااااااااانة دورات بس انتي حددي نوع الدورات اللي عايزاها .. و بعدين حضرتك شوفتي المقع اللي قلتلك عليه

تم تعديل 28 أبريل 2009 بواسطة dentogabalo

[طبيبة مستجدة]

شكرا دكتور دنتو وانا سعيدة انى لقيت حد اسنان بس سؤال تانى بسيط هو لازم موافقة رئيس القسم يعنى ممكن مايوافقش لية لازم تقدير؟

وانت قلت ان اقل حاجة تلات شهور يعنى ممكن اقدم تلات شهور bv:- بس ؟؟طب لازم اجيب زى الدبلوما شهاة تفرغ؟؟اسفة لالاطالة[ :lol:

[dentogabalo]

شكرا دكتور دنتو وانا سعيدة انى لقيت حد اسنان بس سؤال تانى بسيط هو لازم موافقة رئيس القسم يعنى ممكن مايوافقش لية لازم تقدير؟

وانت قلت ان اقل حاجة تلات شهور يعنى ممكن اقدم تلات شهور bv:- بس ؟؟طب لازم اجيب زى الدبلوما شهاة تفرغ؟؟اسفة لالاطالة[ :lol:

العفو يا دكتورة .. والله الواحد بيحس هنا اننه ما بين اخواته بجد .. واللي عنده حاجة اكيد ما بيبخلش على التاني

خلينا بقى نمحي الصورة اللي متاخدة عن المصريين ... واللي كلها اشاعات

اه طبعا لازم موافقة رئيس القسم .. واه اكيد التقدير بيدعم موقفك بس في جامعة القاهرة ما سمعتش انهم رفضوا حد الا لو كان العدد كبير اوي في القسم ده .. ساعتها بيحطوكي waiting list

واه طبعا ممكن تقدمي 3 شهور .. انا كنت مقدم برده 3 شهور .. ولا مش لازم تفرغ ولا حاجة .. و اسألي براحتك .. احنا كده بنوفر على بعض وقت .. وكله خير

[طبيبة مستجدة]

جزاك اللة خير وفعلا هنا انا لقيت الناس بتساعد بعض برغم الاشاعات ان المصريين فى الغربة بيكرهوا بعض بس ((ماحدش بياخد رزق حد)) ودة اكيد اللى مجمع المصريين فى المنتدى هنا وربنا يقدرنا نساعد برضة والف شكر ولو فية سؤال بعد اذنك مش هتردد اسال حضرتك :lol: bv:-

[hazemtara]

أخيراً الواحد ممكن أرتاح والصبيان يشغلوا القهوة وأنا ألم الغلة بس ؟؟!!!أحمدك يا رب>>>>>>>>>>>>أكرمك الله أخش أريح لى شوية ما أنا سيب وراية ستات تكل الزلط >>الأرقام دى إية تعويزة دى يا مجدى >>>>>>بصراحة يادكتور حازم دمك زي العسل وليك تعليقات :P انا اول ما قراْت جملة الارقام دي تعويزه يا مجدي ..فطست على نفسي من الضحك لما البنات في البيت قالوا ماما جرالها ايه.قاعده تضحك لوحدها كده ...المره الجايه هانلاقيها بتتكلم مع نفسها ;) bv:- ...في ايه ياماما .انت في حد معاكي واحنا مش شايفينه(اصل انا كنت قاعده لوحدي في الريسبشن قدام الكمبيوتر).المهم والله يادكتور حازم احنا كلنا بندعي لك ربنا يكرمك ويجازيك خير على تعبك معانا هنا في المنتدى واهو الواحد بيحاول يساعد شويه برضه لان الواحد جرب لما بيكون محتار او مش عارف حاجه بيكون عامل ازاي علشان كده الواحد ما بيترددش انه يفيد غيره .لانه مجرب واهو ...نشيل عنك شويه .بس برضه الكبير كبير .....وانا باقترح نعمل انتخابات هنا في المنتدى وتخلليني (النايبه)قصدي النائبه بتاعتك ومش هاقول لك بالنص .خليها ثلتين وثلث

أوكية روشة طالما ماشين على الشرع للذكر مثل حظ الأنثيين يبقى مُتفقين خلاص. :lol:

السلام عليكم

انا مرحتش النهارده لان عندى امتحان يوم الخميس

وبعدين انامش عارف عشان الداخليه هيوجعوا دماغا بالامنيات ويشددوا علينا فى مصر ولا ايه

فهستنى وزارة الصحه احسن ولا ايه صح ولا غلط

سلااااااااام[/size]

أنا قولت لك ما تروحش يا إبنى

يا حبيبى حضرتك لو سمعت عن أى لجنة تبع الخارجية ولا الداخلية ولا الزراعة ولا الطب البيطرى حتى ومأدمتش تبقى غلطان وضاع منك فُرصة أول الناس دى ما يبعتوا أى لجنة حضرتك تشد كُرسى وتأقعد فى خِلقت المُمتحن يا إما يخدك يا إما تجننة ويرجع السعودية ويقلع راسة ويحلف ما يقعد فى حتة أنت فيها لو دبحوة ( عارف الفيلم بتاع باشا ، باشا ، باشا، باشا ، باشا ، باشا ، باشا ،باشا، باشا،!!!!!!؟؟؟؟؟ عاوز إية يا :D ؟)

باقول لك يادكتور حازم .ان كان على قد الحلفان احنا ممكن نجيب العيله والجيران ونقعد نحلف لهم لغاية ميعاد السفر .بس هيه تيجي يارب

:lol: :) عارف بدون حلفان أن أول ما قلولى مراتك هتحلف ضحكت وأعدوها زى التلاميذ كدة وقالوا لها قولى وارى

وأنا فطسان من الضحك وهموت من المنظر وأقول فى نفسى بالله لو واحد عاوز يبقى جاسوس دة الى هيوجعة ويخلية ما يتجسسش على البلد.

الى زمته يرمح فيها حمار الحلفان دة الى هيمنعة من التجسس.

الطرق المصرية المُبتكرة لمنع التجسس mf-: .

متشكر جدا دكتور حازم ربنا يبارك فيك هو فى الحقيقة فعلا انا طبيب حر بجد مش كده وكده وفعلا معايا شهادة خبرة حديثة من قطاع خاص ووثقتها من نقابة الاطباء بس للاسف مفيش رقم تأمينى زى ما حضرتك بتقول لانه للاسف انا مش متمئن عليا يبقى ايه العمل دلوقتى انا روحت اوثقها من الخارجية بعد ما ختمتها من النقابة الموظف قاللى انى اوثقها من الشهر العقارى الاول وبعدين اجيبهالوا وديع اعتقد مفيهاش مشاكل المشكلة فى موضوع الرقم التامينى ده يا ترى ممكن اتصرررررررف ازاى فى انتظار ردك واسف على الاطالة

خد الشهادة الى معاك وحاول توثقها من الخارجية لو نفعت يبقى ممكن الموضوع يعدى فى السفارة.

لكن لو وقفت فى أى مرحلة يبقى لازم الرقم التأمينى لك من أى مستشفى مُحترم ويكون لك علاقة بيهم.

نصيحة لو تعرف تلاقى شغل فى أى مكان محترم فى مصر زى مستشفى شركة كبيرة أو حكومة خدوة الأن على الأقل هينفعك فى موضوع الخبرات دة.

المستشفيات الخاصة عذاب.

[طبيبة مستجدة]

يا دكتور حازم هو انا عايزة اسال لو انا جايبة شهادة خبرة بس متظبطة علشان الاجازات بتاعة مرافقة الزوج وكدة متبانش فيها وقدمتها فى وزارة الصحة السعودية عاى انها شهادة خبرة ممكن يكتشفوا انها ملعوب فى عدد الايام وكدة ولا تعدى ؟طب لو اكتشفوها اية العواقب وهل ممكن يلغوا ترخيص الهيئة؟؟؟؟؟؟؟؟