مغترب-طبيب/ صيدلى/ تمريض اتفضل معانا

[student]

حمد لله على السلامة

المهم اطمنا عليك

منور يا باشا :roseop:

[ياره]

اولا السلام عليكم ورحمة الله وبركاته.........حمد الله ع سلامتك يا دكتور حازم يارب يكون المانع خير .ع فكره باين من ردود حضرتك انك مش في المود يعني مش ده دكتور حازم اللي اتعودنا عليه وحمدالله ع سلامتك مره اخري

بالنسبه لحضرتك يا ماما نونه اللي اعرفه ان مستشفي المللك فيصل التخصصي بالرياض محتاجه صيادله بس مش عارفه محتاجه كمان دكاتره ولا لا ممكن حضرتك تسالي في قسم الموارد البشريه التابع للمستشفي وربنا يوفقك

[rewsha]

حمد الله على السلامه يادكتور.نورت المنتدى .(وله انت غبت عننا بتتقل وعايز تعرف غلاوتك عندنا؟)انا حاسه اننا هنا كنا تايهين وعمالين ندور عليك .انا كل شويه كنت ادخل اشوف بس الدكتور نور( وله لسه الكهرباء قاطعه في المنتدى).

[icehell]

quoted from Daleel El_wezarah

مادة ( 9 ) : يعود الطبيب المقيم إلي جهة عمله الأصلية إذا رغب في إلغاء النيابة ، أو لم يتسلم العمل في المحافظة التي رشح لها ( خلال ستة أشهر ) ، وفي هذه الحالة يحرم من التقدم للنيابات حركتين متتاليتين

مادة (10) : يجوزللطبيب طلب تغيير الجهة التي رشح لها بعد قضاء سنتين عمل فعلي من إستلامه العمل بها وبشرط موافقة الجهتين و الإدارة المركزية للطب العلاجي .

[hazemtara]

بسم الله الرحمن الرحيم

يعلن برنامج مستشفى قوى الأمن بالرياض عن حاجتة لشغل الوظائف المؤقتة التالية لتشغيل المُستشفى الميدانى بمكة المكرمة خلال موسم الحج لعام 1430 هـ.

الأطباء:

1-إستشارى قلب عدد ( 1).

2- إستشارى باطنية (1).

3-إستشارى طوارئ أو جراحة عامة (1).

4- أخصائى قلب (1).

5- أخصائى باطنية 3).

6-أخصائى جراحة عظام 2 .

7-أخصائى تخدير 2.

8-أخصائى أشعة 1.

9-أخصائى أنف وأذن 1.

10-أخصائى عيون 1.

11-أخصائى جراحة عامة (2).

12- طبيب مُقيم ( عدد 11).

الفنين والأخصائين:

1-فنى أول مُختبر (1).

2- فنى مُختبر (3).

3- فنى أشعة (2).

4-صيدلى أول (1).

5- صيدلى (2).

6-فنى أو فنية أسنان (1).

7-أخصائى تغذية (1).

8-فنى كهرباء (1).

9-فنى سباكة ( 1).

10-فنى تكيف (1).

التمريض:

عدد(16) ممرض.

عدد (18) ممرضة.

ممرض أو ممرضة عناية مركزة عدد (3).

المزايا:

رواتب مغرية.

المواصلات والسكن والإعاشة موفرة.

الشروط:

1-أن يكون المتقدم مسلماً ومن داخل المملكة العربية السعودية.

2-موافقة مبدئية للتفرغ للعمل من مرجع المتقدم لغير السعودين.

3-إجادة اللغة الإنجليزية.

4- السيرة الذاتية موضحاً بها جميع عناوين الإتصال.

5-صورة من الشهادات العلمية والعملية.

6- صورة إثبات الهوية للسعودين عدد (2).

على من يجد فى نفسة الكفاءة لشغل إحدى هذة الوظائف أعلاة إرسال كامل أوراقة مع كتابة (( مستشفى مكة المكرمة الميدانى )) على المظروف من الخارج وإرسالة للعنوان التالى :

مستشفى قوى الأمن ((قسم التوظيف )) ص.ب 3643 الرياض 11481.

هذا الإعلان منشور فى صحيفة الرياض بتاريخ 3 مايو 2009 م الموافق الأحد 8 جمادى الأول لعام 1430 هـ الصفحة 23 باب ثقافة اليوم أسفل الصفحة على اليسار.

بالتوفيق للجميع.

[hazemtara]

لاء يا movalention الموضوع هوه ان في ناس فغلا بترضى وتسافر بالمرتبات دي يعني بلغني ان في دكتور اخصائي انف واذن مسافر على 8000 وموافق .فلما صاحب المستوصف يلاقي دكتور يوافق ب8000 وب 7000 ليه بقه يجيب ب10000تيجوا نتفق ماحدش يطلع اقل من 15000

ما هو دة مربط الفرس ، أحكى لكم قصة صغيرة مُش بعيدة عن الموضوع ومُش بس المُشكلة على مستوى الأفراد وأنهم هما سبب إنخفاض الأجور برة مصر.

السنة الى فاتت خرجت لجنة مبجلة من أكبر إستشارين السعودية وراحوا بنجلادش للتعاقد مع أطباء وكانوا عاملين نفسهم إنهم ها يروحوا يعبوا الطيارة ويرجعوا وكان معانة أكثر من إستشارى سعودى كانوا والله بيبصوا لنا مكدة من تحت لفوق بمعنى هتشفوا لما نرجع من بنجلادش؟؟؟!!!!!!!

هنعمل فيكم إية يا مصرين بالجزمة إن شاء الله طبعاً العبد لله صاحب فلسفة غريبة وهى لا تحاول التقرب للمدير أو حتى تقابلة كتير لية ؟؟؟؟؟

لأنة لو حبك هيمسكك شغل كتير وممكن تأخذ إمتيازات مش من حقك وبسببها زملائك هيكرهوك وتكون مش محبوب.

ولو المدير كرهك بقا يومك مش فايت من الغلاسة والرخامة ، ولهذا أفضل دائماً البعد عن الإدارة ليس لى علاقة بهم مش جبن لكن فعلاً كطبيب خليك فى عملك كطبيب وبس.

المهم البهوات بعد ما رجعوا من بنجلادش وإتفضحوا وما جبوش حد رجعوا مدلدلين إودانهم ومكسوفين إنهم يتكلموا فى الموضوع من أساسة ، وعلى مستوى المنطقة عندى يكاد يكون عدد لا يُذكر الى لإستلم ومارس العمل فعلاً.

يقوم وزير الصحة المُحترم بتاعنا بعدها مباشرة يوقع مع السعودية أن مصر ملتزمة بإعطاء السعودية كل سنة 2000 طبيب لس أى عجز فى مجال الرعاية الصحية الأولية فى مناطق المملكة.

ودول أطباء مصرين راح يشتغلوا فى الهجر السعودية ( الهجرة دى زى قرية صغيرة).

والحكومة المصرية موافقة على الرواتب الحالية الى رفضها البنجال؟؟؟!!!! حسبى الله ونعم الوكيل فيكى يا حكومة لا سيبنا جوة مصر ولا براها.

بنفس المبدأ الى حضرتك ذكرتية فى ناس بتوافق على مرتب قليل تخيلى لما تكون حكومة بلد بتبيع عيلها بالرخيص وما بتفكرش تعمل لهم قيمة وسط البلاد.

عارفة لما دة حصل السعودين قلوها لنا وفى وشنا المصرين بيجوا على أى رواتب وأى فلوس ممكن نروح نعبى من مصر ونيجى والدليل شوفى الى بيحصل فى مكتب التوظيف السعودى من الزحام الشديد والناس الى عاوزة تهج برة البلد.

لكى الله يا مصر

هو فعلا ده مشكلة الخاص

يلاقى ناس مستعدة تسافر باى حاجة

بس ساعات الرقم فى الخاص ممكن يكون اكذوبة

وخليكى شوية فى الحكومة لسه فى فرص قادمة وكمان لجنة الصحة جايه اخر الشهر

ودى بتبقى تقريبا كبيرة عن الداخلية وخلى الدكتور يكمل مذاكرة وربنا يوفق

فصبر جميل

أُحب هذا الكلام وهذا الرائى سليم لا داعى للتسرع

الجماعة اللي حاتموت عالسعودية خالي بالكم في جلد لاتفه الاسباب (حاد بياخد اللقمة من بقكم!!!!!)

وبعدين دي الداخلية يعني حاتكشفوا على ناس مساجين!!!

اتفضلوا اقراو http://www.masrawy.com/News/Egypt/Politics.../egysaudia.aspx

هذا الموضوع لمساعدة الناس على السفر وليس للتخويف ممكن نحذرهم أو نوعيهم بالقانون فى السعودية الى هو تطبيق الشريعة الإسلامية ، بس ممكن نفتح توبك تانى للموضوع دة علشان ما نخرجش عن السياق العام للموضوع.

تقبل تحياتى

انا عاوز اسال سؤال بالمره

دلوقتى انا استلمت العمل فى مارس 2006

اخدت نيابه فى مارس 2008

وسافرت السعوديه فى سبتمبر 2008

دلوقتى انا عاوز اغير النيابه فقالولى لازم تلغى وتستنى وتقدم تانى

هل هستنى سنتين ولا حركتين ؟؟

وكمان لما استنى هيكون فات 5 سنوات من تاريخ استلامى للعمل فهل لا يحق ليا انى اقدم نيابات تانى ولا سنوات السعوديه دى مش بتتحسب ؟؟

يعنى احل المشكله دى ازاى؟؟؟؟

أهلاً أحمد

ماهو سبب إنشغالك بموضوع النيابة كدة فى مصر هى لها قيمة كبيرة وفارقة معاك فى إية ما هو كلة زى بعضة فى مصر.

ماأنت لو الريف وما خدتش نيابة تعرف تسجل أى تخصص أنت عاوزة فى أى جامعة فيكى يا مصر وأنت فى الريف تعرف تروح أى مستشفى فيكى يا محروسة لو عاوز العلاجى ومش عاوز الريف.

ولو فى العلاجى ممكن ترجع الريف تانى.

حبيبى هو مصر فيها قانون مالوش حل؟؟؟!!!!!

لا أظن ولا أرى أن موضوع إلغاء النيابة دة مهم.

أحكى لك قصتى على عجل.

أنا حتى الأن وزارة الصحة المصرية لا تعلم أنى حاصل على ماجستير ولا مسجل تباعهم ولا أنا أخصائى من أساسة ولا أظن إنها فارقة معاية ولا معاهم فى الوزارة فى مصر.

أنا إشتغلت فى الريف وسجلت بعيد عن الوزارة وحصلت على الماستر ولا تعرف الوزارة حاجة عنى وبعدين قولت ما أخذ نيابة بعد 4 سنوات وأخذت نيابة وسجلت دبلوم تبعهم وقولت أتسلى حبتين وبعدين سيبت لهم الجمل بما حمل وجيت للسعودية.

لاأظن أن دة موضوع يحتاج لتفكير كبير منك.

مُوفق بإذن الله.

[hazemtara]

انا اصلا عاوز انزل الغى النيابه بتاعتى وارجع ريف

واسافر هنا تانى سنتين مثلا ولما ارجع ابقي اقدم فى حركه جديده

بس الى قالقنى انى تكليف 2006 يعنى لو لغيت فى 2009 يبقي هستنى لحد مثلا 2011 وبالتالى هيكون مر 5 سنوات من تكليفي

طيب ايه الحل انا عاوز اخلص من نيابه بتاعتى واحول لحاجه تانيه

ايه الحل؟؟؟

وايه الفرق بين حركتين واعلانين وسنتين؟؟؟

الزمالة المصرية أحسن لك من كل الكلام دة وأقوى من دة كله.

حمد لله على السلامة

المهم اطمنا عليك

منور يا باشا :lol:

شكراً أستودنت ، الله يكرمك

lo:: حمد الله على السلامه يادكتور.نورت المنتدى lo:: .(وله انت غبت عننا بتتقل وعايز تعرف غلاوتك عندنا؟)انا حاسه اننا هنا كنا تايهين وعمالين ندور عليك .انا كل شويه كنت ادخل اشوف بس الدكتور نور( وله لسه الكهرباء قاطعه في المنتدى).

ماشى يا روشة زغاريد لمين ؟؟؟!!!!!!

عارفة الواد الى عمل يزغرد فوق دة فكرنى بحلقة إبراهيم نصر بتاعة الكاميرا الخفية لما كانوا بيصوروا قدام الحمام .

ويخرج الزبون يقبلوة بزفة حسب الله على باب الحمام ويقولوا لة مبروك كسبت مليون جنية علشان أنت :lol: الزبون الى كسب النهاردة أنت الزبون المحظوظ الى دخل الحمام يعمل زى الناس وكسب المليون والراجل يا عينى علية بيصدق وبيتهبل ويقول يا ريتنى جيت الحمام من زمان أنا هنام فية مش هعمل بس فية lo:: .

شكراً ليكى

[mama nona]

حمد الله عالسلامة يا دكتور حازم

قلقتناا عليك والله والمنتدى كان مضلم من غيرك.

المهم لما تغيب ابقى عرفنا قبلها .

:lol: :lol: lo:: lo:: lo::

[hazemtara]

ماما نونة موش لازم تنزلي مصر عشان تقدمي في مكتب التوظيف السعودي..................

في اعلانات كتير بتنزل في الجرائد السعودية وتخيلي طالبين بس من الاطباء المقيمين في السعودية.............

في مستشفى تابعة لقوى الامن في مكة وعاوزين دكاترة بس مقيمين في السعودية....

أنا نزلت لكى الإعلان اليوم بس دة العمل فى مكة والتقديم فى الرياض

حضرتكلازم تستغلى وجودك فى الرياض بطريقة كويسة يعنى أقول لك رائى وأنت صاحبة القرار.

أولاً فرصتك كبيرة للتقدم فى أكثر من مكان لأن جنبك كل المقار الرئسية من رئاسة الحرس الوطنى وقوى الأمن ووزارة الصحة والمقار الرئيسية لكل المعاهد الخاصة مثل السباعى والأكادمية الدولية للعلوم الصحية وهى معاهد خاصة.

وبسهولة تستطيعى التقديم فى أى منها، لكن رائي أنت تبحثى أولاً عن الأماكن الكبيرة والمتوفر بها البورد العربى والسعودى لأن عملك فى أى من هذة الأماكن يسهل عليكى جداً الدخول فى برامج البورد العربى والسعودى.

يعنى إبحثى عن الفرص المتاحة فى الملك فيصل التخصصى ومدينة الملك عبد العزيز للحرس الوطنى ، والشميسى و مستشفى اليمامة وهكذا.

لأن شرط أساسى لدخول البورد هو أن تكون المستشفى الذى تعمل بية تتبع البورد.

موفقة إن شاء الله.

ماما نونة موش لازم تنزلي مصر عشان تقدمي في مكتب التوظيف السعودي..................

في اعلانات كتير بتنزل في الجرائد السعودية وتخيلي طالبين بس من الاطباء المقيمين في السعودية.............

في مستشفى تابعة لقوى الامن في مكة وعاوزين دكاترة بس مقيمين في السعودية....

شكرا جزيلا لرد حضرتك

يا ريت لو فيه اعلانات زى دى للمقيمين تبلغنى بيها من فضلك بس تحديد فالرياض لانى مرافقة لزوجى

وشكرا

التقديم فى مكتب التوظيف السعودى عن طريق البريد أو باليد بس أهم شيئ ترك تليفون يتصلوا بيكى علية ، زى مثلاً تليفون مامتك فى مصر وهى تكلمك إذا إتصلوا يسألوا عنك.

حمد الله عالسلامة يا دكتور حازم

قلقتناا عليك والله والمنتدى كان مضلم من غيرك.

المهم لما تغيب ابقى عرفنا قبلها .

:lol: :lol: lo:: lo:: lo::

شكراً ماما نونا يا رب أشوفك معانة عن قريب فى وظيفة كويسة كدة يا رب.

[hazemtara]

أخبار غير سارة للتمريض

http://www.alriyadh.com/2009/05/05/article427047.html

http://www.alriyadh.com/2009/05/03/article426606.html

أسف على هذة الأخبار ولكن وجب التنوية لها حتى يُكيف كل شخص من السادة المعنين فى هذة القرارات من أمورة ولكى يُرتب أمور حياتة جيداً.

[طبيبة مستجدة]

انا اسفة دكتور حازم انا كنت بعت لحضرتك عاى الخاص عن الطبيب الحر بس حضرتك ماجاوبتنيش لعل المانع خير وحمد للة على سلامة حضرتك والف شكر مقدما

[hazemtara]

حركة=2 اعلان=اعلان اساسي+اعلان تكميلي

لازم يعدي عليك اعلانين بمعني كل سنة فيها اعلانين واحد اساسي و واحد تكميلي.............

بعدين ماتشتتش نفسك كده

عاوز تخصص=نيابة=نائب زائر في اي مستشفى جامعة او معهد

الا ازا كان حاظك كويس وجاتلك نيابة صحة في مستشفى كويسة فيها التخصص اللي انت عايزه(هوا عاوز انهي تخصص وانا اقولك تعمل ايه)

بعدين ياسيدي انت لو اخدت زائر ماتخافشي موش حاتصرف كتير زاي مانت متخيل ........هوا اول شهرين بعد كده زمايلك حايجبولك بريفت عالي

واحيانا مابيكونش في اي حل زاي تخصص الرمد غير انك تسيب الطب خالص وتعقد عالنت زاي مانا عامل..............

quoted from Daleel El_wezarah

مادة ( 9 ) : يعود الطبيب المقيم إلي جهة عمله الأصلية إذا رغب في إلغاء النيابة ، أو لم يتسلم العمل في المحافظة التي رشح لها ( خلال ستة أشهر ) ، وفي هذه الحالة يحرم من التقدم للنيابات حركتين متتاليتين

مادة (10) : يجوزللطبيب طلب تغيير الجهة التي رشح لها بعد قضاء سنتين عمل فعلي من إستلامه العمل بها وبشرط موافقة الجهتين و الإدارة المركزية للطب العلاجي .

شكراً أيس هيل:

على القانون الجميل دة .

الفاضل إم إم فرند:

الى أعرفة من أيام ما كُنت فى النيابة فى مصر أنة المقصود من الحركة هى إعلان النيابات ودى بينزل الإعلان الأساسى لها فى كل سنة مرة فى أبريل أو مايو من كل عام ودى الحركة الأساسية وهناك حركة تكميلية لها فى شهر أكتوبر من كل عام لكن الحرمان المقصود فى القانون أعلاة هو حرمانك مثلاً من دور أبريل ودور أكتوبر فى نفس العام وليس المقصود الحرمان لمدة عامين لأن الحركات التكميلية الموجودة فى أكتوبر من كل عام تعتبر حركة نيابات مستقلة أيضاً.

(السنة بها حركتين )يعنى حضرتك تُمنع لمدة سنة ميلادية واحدة فقط.

والله أعلم والأفضل التأكد من مصر قبل ما تلغى النيابة لما تنزل مصر تراجع الوزارة لكن أظن هذا هو الكلام الصحيح ولو كلامى خطأ حد يصحح لى.

[hazemtara]

انا اسفة دكتور حازم انا كنت بعت لحضرتك على الخاص عن الطبيب الحر بس حضرتك ماجاوبتنيش لعل المانع خير وحمد للة على سلامة حضرتك والف شكر مقدما wst::

أختى الفاضلة موضوع الطبيب الحُر دة أنا تكلمت عنة من قبل أكثر من مرة لكن أكرر لحضرتك.

الطبيب الحُر هو الطبيب الذى لا يعمل فى أى جهة حكومية أو الجيش أو الشرطة أو مستشفى شركة من الشركات زى هيئة قناة السويس أو الكهرباء أو ........!!!!!؟؟؟ولا قطاع خاص رسمى ( يعنى القطاع الخاص الذى يرتبط به بعقد موثق ويكون لة رقم تأمينى).

يعنى هذا الطبيب ممكن بسهولة يجى يحضر محاضرات ويأخذ طبيب زائر وفاضى وهو صاحب القرار فى عملة فى مستشفى الجامعة من عدمة ،مُش زى حضرتك أو مثلى لازم مُديرة يوافق الأول على التسجيل وعلى التفرغ للدراسة.

الطبيب الحر دى أسهل طريقة للتسجيل فى الدراسات العليا دون مشاكل تذكر.

الطبيب الحر نوعين طبيب حر بجد يعنى واحد إستقال بجد ودة أنا لا أحبة

وطبيب حر كدة وكدة ودة النوع المقصود هنا يعنى شهادة تعطيها للدراسات العليا علشان تسجلى بيها لكن حضرتك ما زالتى على رأس العمل.

تمام كدة

هذة الشهادات بيعملها كتير جداً من موظفى الدولة فى مصر فى مديريات الصحة فى كل أرجاء المحروسة وكان ثمنها 300 جنية أيامى وسهلة جداً .

يعنى أنا يا ما جبت لزملاء لى شهادات من دى الى شغال مثلاً فى الشرقية ونعملة ورقة من دول أنة مستقيل من شمال سينا والى شغال فى القاهرة ومستقيل من الدقهلية وهكذا والموضوع دة معروف فى الجامعات والصحة والحياة ماشية كتير جداً وما شوفتش مشكلة منة للأن.

الناس الى كنت بتعامل معاهم من زمان معظمهم بطل والى إتنقل وهكذا ،أحسن حاجة حضرتك تشوفى الناس الى شغالة معاكى هتلاقى دة مسجل ودة مسجل مجرد إسألى بس هتعرفى 100 واحد بيعملوا الشهادات دى ، دة إحنا ممكن نعملك مُوردة لينا لهذة الشهادات فى المنتدى بعد كدة.

أنا مُش بحب أكتب عن الموضوع دة لأن هيطلع لى ناس تقولى حرام وكدة وأنا لاأحب الجِدال فى هذا الموضوع.

لكن لو حضرتك إنتظرتنى لما أنزل مصر أوعدك أرجع لك بأكثر من إسم شخص يخلص لك

الموضوع دة.

أنا نازل بعد شهر إن شاء الله.

[طبيبة مستجدة]

جزاك اللة خير يا دكتور حازم وارجو من حضرتك تخلى الموضوع على بالك واكيد انشاء اللة هتبقى على اتصال بينا من مصر ولا هتنسى المنتدى وتاخد اجازة wst:: بس احنا واكيد الكل متفق معايا مش هنديك اجازة طويلة ومانستغناش واللة كلام حضرتك طمنى شوية انا عارفة ان ممكن الكلام دة غلط زى ماحضرتك بتقول بس مجبر اخاك لا بطل انا سعيت فى كل الطرق المظبوطة بس لا فائدة وفى نفس الوقت الجامعة عارفة ان الورق دة عادى كدة وكدة بس روتين ومدام انا مش ناوية اشتغل انشاء اللة وانا بحضر يبقى اعتقد انى مش هاخد حاجة مش من حقى لانى هكمل فى اجازتى بس هو الروتين منهم للة :blush2:

[hazemtara]

السلام عليكم

انا اعرف ان الملحقية الثقافية بالقاهرة ده موقعها www.sacaegypt.org

وانا لما تابعتكم وعرفت موضوع التوظيف عن طريقها كل ما افتحها مش بلاقى وظايف اطباء كلها اعضاء هيئة تدريس فهل ليهم موقع تانى غير ده ولا ده اصلا مش تبع مكتب التوظيف

انا كنت اقصد يعنى ينفع اقدم للوظايف دى وانا هنا ولا لازم اكون فمصر واقدم هناك .

وشكرا wst:: :blush2: :unsure: :happy: smk:

ايه يا دكتور حازم

انتو نسيتونى فزحمة لجنة الداخلية والخارجية والصحة ومصر للحجاز ومكتب التوظيف وبايونير ومحدش رد ع سؤالى

ماششششششششششششششششششششششششششششششششششششششششششششششششششى

ليس من الضرورى الذهاب لمكتب التوظيف السعودى ممكن إرسال صورة من كل شهاداتك بدون توثيق داخل مظروف على عنوان مكتب التوظيف السعودى فى القاهرة 19 شارع عبد الله الكاتب - الدقى.

أو ممكن أو حد يرسلة لكى من مصر على هذا العنوان أو أى حد يروح يسلم الظرف باليد ما فيش فرق.

icehellكنت عايزه اقول لحضرتك نصيحه كده. ممكن ؟ ليه ما تاخدش نفسك بكره او يوم السبت وتركب اول طياره طالعه على مصر الحجاز ومعاك ورقك وتجرب حظك هناك. وعلى فكره غالبا يعني غالبا هايكون اللي بيمتحنوك في مصر الحجاز همه همه اللي امتحنوك في مكتب التوظيف. بس على راْي الدكتور حازم. (سوري)يعني خلليك لزقه ....بس من النوع اللي ما بيطلعش وجرب انت مش خسران حاجه. ده احنا ما حدش اتصل بينا لا في مكتب التوظيف ولافي مصر الحجاز . ومع كده باشا ياباشا باشا ياباشا باشا يباشا على راْى الدكتور حازم برضه.(زي محمد هنيدي في فيلم وش اجرام)

مظبوط الكلام لا تيأس بسهولة.

ماما نونه . اعتقد برضه ان موضوع انك تقدمي في مكتب التوظيف بيكون هنا في مصر والمقابله برضه هنا في مصر لان الاعلان نزل هنا في مصر .لكن د/حازم هوه اللي يقدر يفيدك في موضوع انك تشتغلى في الحكومه وتتعاقدي من داخل السعوديه ازاي . لان زوجته اتعاقدت في الحرس الوطني من داخل السعوديه .

الإعلان الى نازل فى مصر والمقابلة كلها فى مصر لأن دة يندرج تحت بند التعاقد الخارجى ( أى من خارج السعودية).

أما التعاقد من داخل المملكة فدة لة قصة أخرى على حسب الجهة الى حضرتك مقدمة فيها والمكان ومدى توفر أماكن وهل نجحتى فى إمتحان الهيئة أم لا.

علشان مش أتكلم كتير لازم قبل كل شيئ النجاح فى إختبار الهيئة ويكون معاكى تصنيف من الهيئة .

بعد ما تنجحى فى الهيئة تبدئى رحلة البحث عن عمل دة موال تانى.

كنت عايزه اقول لحضرتك نصيحه كده. ممكن ؟ ليه ما تاخدش نفسك بكره او يوم السبت وتركب اول طياره طالعه على مصر الحجاز ومعاك ورقك وتجرب حظك هناك. وعلى فكره غالبا يعني غالبا هايكون اللي بيمتحنوك في مصر الحجاز همه همه اللي امتحنوك في مكتب التوظيف. بس على راْي الدكتور حازم. (سوري)يعني خلليك لزقه ....بس من النوع اللي ما بيطلعش وجرب انت مش خسران حاجه. ده احنا ما حدش اتصل بينا لا في مكتب التوظيف ولافي مصر الحجاز . ومع كده باشا ياباشا باشا ياباشا باشا يباشا على راْى الدكتور حازم برضه.(زي محمد هنيدي في فيلم وش اجرام)

انا مع اني بس انا معترض على الاسلوب دا ...ماشي اه ممكن اروح مكتب التوظيف حتى لو ماتصلوش انما اعمل مقابلة مرتين لنفس الأعلان(يعني وزارة الداخلية!!)وبلاش الاسلوب دا بجد لأن السعوديين فاهمينو قوي..ومابيحبهوش..بيحبترمو الطبيعة الناشفة الجلفة ....انما الشغل دا ...ولا بلاش اقول.....

دا انا حتى ممكن اعمل فلوس في مصر اكتر من اللي حايدوليهالي في السعودية....بس النفس بقى!!!

لى أكثر من زميل دخل مع إستشارى فى بيونير ولم يوفق طلع على مصر الحجاز بعدها بيوم ولا إثنين ونجح والعكس وكلهم فى أماكن ممتازة فى السعودية ورواتب زى الفُل.

محدش يرف يقول لك لا متدخلش المقابلة أصل إنت رسبت أمس فى مكتب التوظيف أو بيونير.

إدخل كل الفرص المُتاحة أمامك علشان على الأقل يكون ضميرك مرتاح.

الأرقام دى إية تعويزة دى يا مجدى

مساء الخير يا باشا

لا تعويذة ولا ما يحزنون , ولكن خلال قراتي للموضع لفت أنتباهي الارقام هادي فحبيت اضعها

وتفضل الشرح تبعها

بحب اشكر الدكتور حازم على الارقام التالي

. 5 & 8 & 98 & 68

شرح هادي الارقام

الرقم 5 عدد المجالات الطبية يلي عم بنتحدث عنها لغاية الان : وهي الطب البشري . الصيدلة . المختبرات . الاسنان . التمريض

الرقم8عدد المعادلات يلي تم شرحها او شرح جز منها : المصرية . السعودية . الاسترالية . الامريكية . النمسا . الاإيطالية .الماليزية و وقصت الدكتور حازم حازم

هههههههههههههه

الرقم 98 : عدد صفحات الويرد يلي صرت طابعها عن المعادلات الاجنية يلي تم ذكرها مع حذف السعودية و المصرية لأنهم ليسوا معادلات اجنبية

الرقم 68 : عدد الصفحات التي الوصول لها في هذا التوبك والان صارت 73

ههههههههههههههه

شايف شو انا فاضي

الان نأتي للجد وانسيب الهزار على حنب

انا في براسي فكرة عم بطبخها و أول ما تنضج راح اطرحها هون ونشوف شو أي الاطباء الكرام فيها

وتحياتي للجميع

دكتور حازم يا ريت اتكمل شرح المعادلات واتكمل قصة حضرتك لانوا بصراحة كلامك حكم وزي العسل وربنا يزقك ببنت عشان اتغير جو البيت لانوا الصبان لحالهم ما بنفع لازم يكون في بنوتة حلوة معاهم

شكراً مجدى والله إنت 100 مية أنا راح أكمل لك قصتى عن قريب بس أنا سيب الأعضاء الكرام علشان هوجة المقابلات الى فى مكتب التوظيف دى لما تخلص أكمل لك كل حاجة إن شاء الله.

بس أن عندى أخبار قد تكون مو كويسة لك أنت وجوكاز.

إلى لقاء قريب بإذن الله.

[hazemtara]

جزاك اللة خير يا دكتور حازم وارجو من حضرتك تخلى الموضوع على بالك واكيد انشاء اللة هتبقى على اتصال بينا من مصر ولا هتنسى المنتدى وتاخد اجازة wst:: بس احنا واكيد الكل متفق معايا مش هنديك اجازة طويلة ومانستغناش واللة كلام حضرتك طمنى شوية انا عارفة ان ممكن الكلام دة غلط زى ماحضرتك بتقول بس مجبر اخاك لا بطل انا سعيت فى كل الطرق المظبوطة بس لا فائدة وفى نفس الوقت الجامعة عارفة ان الورق دة عادى كدة وكدة بس روتين ومدام انا مش ناوية اشتغل انشاء اللة وانا بحضر يبقى اعتقد انى مش هاخد حاجة مش من حقى لانى هكمل فى اجازتى بس هو الروتين منهم للة :blush2:

قريباُ بإذن الله أكون عرفت لك كام إسم كدة وأبلغك بيهم على طول

[rewsha]

يا دكاتره مافيش اخبار عن مكتب التوظيف او مصر الحجاز؟ماحدش اتصل بيهم او همه اتصلوا بيه وقالوا له نجحت .او اي معلومه تصبر الواحد

[د محمد عمر]

السلام عليكم

انا قررت اسمع كلام حضرتك من الاول واركز فى الماستر وبعدين اهرب من البلد دى ان شاء الله

وسلااااااااااااااااااااامى لكل الاصدقاء بالمنتدى والدعاء لامتحانات الفرست حاليا

وجزاك الله خيرا

[movalentinos]

لسه مفيش اتصالات ليه يا روشة؟

لان لجنة الداخلية مشيت يوم الاحد بعد المقابلة الجى بى

يعنى لسه كان اخر يوم الاحد

على ميجمعوا الورق ويشوفوا الناس

ولو حد من زمايلى اتصلوا بيه هقولك على طول

[rewsha]

لسه مفيش اتصالات ليه يا روشة؟

لان لجنة الداخلية مشيت يوم الاحد بعد المقابلة الجى بى

يعنى لسه كان اخر يوم الاحد

على ميجمعوا الورق ويشوفوا الناس

ولو حد من زمايلى اتصلوا بيه هقولك على طول

ربنا يخليك. معلش انا بس باساْل علشان الظروف الخاصه بتاعتنا .اصل همه ما اتصلوش بالدكتور علشان يعمل المقابله بس لما راح بيقول جاوب كويس . .بس مش عارفين موضوع الشهادة اياها دي اخبارها ايه معاهم. علشان كده عايزه اعرف لو بدؤا يتصلوا باللي نجحوا نشوف هايتصلوا بينا وله لا.لكن لو اتصلوا بحد من الناجحين وما اتصلوش بينا فطبعا ده معروف معناه.......انه نجح بس شهادة الخبره دي ما تمشيش معاهم