مغترب-طبيب/ صيدلى/ تمريض اتفضل معانا

[hazemtara]

السلام عليكم

شكرا ليك د.حازم لسرعة الرد بس أنا كان قصدي اني عايزة اشتغل طبيب مقيم اني استفيد لما اكون في القسم اللي انا فيه و فيه اخصائي و استشاري فأقدر أكتسب معرفة طبية أكثر و أمارس العمل في القسم اللي هأحضر فيه بعد كدة فهل دا ممكن يكون متاح ليا ؟؟وفين؟؟

العمل كطبيب مُقيم متاح طبعاً ودة ممكن حتى لو كونتى جاية متعاقدة على أنك GP لأن من سلطة مدير المديرية أنة يوزعك على حسب العجز الى عندة فى أى مكان وأى مستشفى وممكن تشتغلى مقيمة فى أى حاجة مفيش مشكلة.

الدمام حلوة يا دكتورة روشه

وفيها كورنيش ومصريين كتير

مُش دكتورة يا إبنى دة جوزها الى دكتور.

انا بصراحه شغال في القطاع الخاص من 3 سنوات و ما شفتش اي حاجة من الكلام ده و باخد كل حقوقي

اخصائي الاشعه قد يكون راتبه اعلي من اخصائي الباطنة بسبب الندرة يعني حضرتك كل دفعه بيطلع كام واحد فيها اخصائي اشعه و كام واحد اخصائي باطنة

الموضوع عرض و طلب

و برضه مش كل الناس متوفر لها العمل في الحكومه

و مش كل الناس ظروفها تسمح انها تقعد في مصر لاما حكومة يا اما بلاش

و الارزاق من عند الله

و علي فكرة من خبرتي انا معظم اصحاب المستوصفات الشغاله كويس سعوديين رجال اعمال و علي درجة عاليه من الوعي و الثقافه

و و الله فيه سعوديين عارفين ربنا

ده مجرد رأي عن تجربه

و ربنا يوفق الجميع في الغربه و في مصر

حظك حلو يا جُحا بس مُش كل الخاص حلو دى حُظوظ وعلى حسب المكان والكفيل لكن كل الحكومة حلوة لأن الأمور واضحة من أول يوم ومفيش فيها لعب ولا تغير.

ياريت د.جحا من خبرتك الطويلة دي

تدلنا عن المستوصفات الكويسة

ازاي نلاقيها

ليه بتختلف المرتبات من مستوصف للتاني

ايه المدن اللي ممكن نلاقي فيها المستوصفات الكويسة

زاي مالدكتور حازم شرح العام ياريت سيادتك تشرح الخاص من حيث طبيعة وعدد ساعات العمل وازاي اطالب بحقوقي واعرف الكفيل الكويس من الوحش

بعدين ليه كل المستوصفات في الجنوب وجدة والرياض مابنسماعشي عان المنطقة الشرقية خالص ولا بس بيعملو المستوصفات في الاماكن المزدحمة

انا كل اللي السمعتو عن الحكومة كويس يعني ممكن اروح مناطق نائية بس الخاص كل اللي اعرفه عنه الاغلبية سئ السمعة

القطاع الخاص الى ممكن تحصل فية عقد كويس غالباً فى البلاد الكبيرة زى الرياض والمنطقة الشرقية وجدة والقصيم والمدينة ومكة وأنصح بالمستشفيا ت الكبرى زى السعودى الألمانى وسعد التخصصى ودلة وسليمان فقية والحبيب وغيرة أو المستوصفات الكبيرة.

أما باقى مناطق المملكة أظن أنة فرصة العمل فى مكان خاص محترم وراتبة عالى قليلة مع مُراعة الأماكن الصغيرة حاول تتفاداها.

[ياره]

اولا السلام عليكم ورحمة الله وبركاته

ثانيا..بسم الله ما شاء الله الموضوع شغال عال ياريت يتثبت بقي

تسجيل متابعه مع الشكر لكل من ساهم بمعلومه خصوصا الدكتور حازم

[dr rora]

السلام عليكم و رحمة الله و يركاته

بجد الله يجزى كل من ساهم المنتدى ده كل خير على كل المعلومات المهمة جدا لاى واحد داخل على السفر..و ربنا يباركلكوا كلكم على روح التعاون الحلوة اللى بينكم اوى دى

انا كنت عايزة اسال على حاجة و يا ريت لو د/حازم او ماما نونة هما اللى يجاوبونى

انا كنت فى اجازة رعاية طفل من ساعة ما استلمت التكليف فى 2/2007 و انا لسه فى الاجازة لحد دلوقتى و ان شاء الله مسافرة اخر شهر 6 لزوجى فى دبى و كنت عرفت من المنتدى الرائع ده ان شهادة الخبرة ممكن تتظبط و لما سالت فى المديرية قالوا لى انها بتطلع من المنطقة اللى انا تابعة لها....

بس كنت شوفت ماما نونة بترد على دكتورة من الاعضاء و بتقول لها انه لما نطلع الشهادة ممكن نطلب من الموظف اللى هيطلعها لنا انه ميكتبش انها كانت فى اجازة

بس لازم تكون قاطعة الاجازة دى عشان تعرف تعمل كده

وانا دلوقتى هاستلم يوم واحد بس ساعة ما هاجى ان شاء الله اغير الاجازة من رعاية طفل الى مرافقة زوج....معنى كده انى مش هاعرف اطلعها و لا اعمل ايه

بجد فيدونى لان الموضوع ده عامل لى قلق جامد و هيا دى الورقة للى فاضلة لى فى كل اوراقى ومعلش انا طولت اوى عليكم بس حبيتكم تكونوا عارفين كل التفاصيل عشان تكونوا ملمين بكل القصة

و جزاكم الله خيرا و مستنية ردكم فى اقرب وقت :rolleyes:

[mama nona]

السلام عليكم و رحمة الله و يركاته

بجد الله يجزى كل من ساهم المنتدى ده كل خير على كل المعلومات المهمة جدا لاى واحد داخل على السفر..و ربنا يباركلكوا كلكم على روح التعاون الحلوة اللى بينكم اوى دى

انا كنت عايزة اسال على حاجة و يا ريت لو د/حازم او ماما نونة هما اللى يجاوبونى

انا كنت فى اجازة رعاية طفل من ساعة ما استلمت التكليف فى 2/2007 و انا لسه فى الاجازة لحد دلوقتى و ان شاء الله مسافرة اخر شهر 6 لزوجى فى دبى و كنت عرفت من المنتدى الرائع ده ان شهادة الخبرة ممكن تتظبط و لما سالت فى المديرية قالوا لى انها بتطلع من المنطقة اللى انا تابعة لها....

بس كنت شوفت ماما نونة بترد على دكتورة من الاعضاء و بتقول لها انه لما نطلع الشهادة ممكن نطلب من الموظف اللى هيطلعها لنا انه ميكتبش انها كانت فى اجازة

بس لازم تكون قاطعة الاجازة دى عشان تعرف تعمل كده

وانا دلوقتى هاستلم يوم واحد بس ساعة ما هاجى ان شاء الله اغير الاجازة من رعاية طفل الى مرافقة زوج....معنى كده انى مش هاعرف اطلعها و لا اعمل ايه

بجد فيدونى لان الموضوع ده عامل لى قلق جامد و هيا دى الورقة للى فاضلة لى فى كل اوراقى ومعلش انا طولت اوى عليكم بس حبيتكم تكونوا عارفين كل التفاصيل عشان تكونوا ملمين بكل القصة

و جزاكم الله خيرا و مستنية ردكم فى اقرب وقت :lol: :waf:

معلهش انا مش فاهمة يعنى ايه هتستلمى يوم واحد بس ال اعرفه انك عشان تقطعى الاجازة بتلفى ع كام مكتب كده لما تقطعيهاوبعدين تروحى تستلمى فمكان عملك

يمكن عشن انتى بتغيرى مسمى الاجازة فتختلف .

ممكن دكتور حازم يدلك اكتر منى

بس اسألى موظف الاجازات انه ينفع ولا لأ

سلام

[rewsha]

إقتباس(Dr.mmfriend @ May 10 2009, 02:18 PM)

الدمام حلوة يا دكتورة روشه

وفيها كورنيش ومصريين كتير

مُش دكتورة يا إبنى دة جوزها الى دكتور خلاص يا د/حازم .د/mm friend قال دكتوره مش هاكسفه .هاحضر دكتوراه في الاثار(لان ده تخصصي)مخصوص علشان الكلمه دي .وبعدين هوه بس بحكم اني داخله معاكم هنا فالدكتور افتكر اني انا اللي دكتوره .بس اصل الدكتور عندي مش من هوات انه يدخل على محاورات .وبعدين المفاجاْه بقه يا د/حازم (هاتعجبك)موضوع السفر ده والمميزات اللي الواحد بيشوفها كل ماكان معاه شهادات اكتر شجع الدكتور عندي انه يدخل الزماله (البريطانيه)لانه وهوه بيذاكر علشان امتحان مكتب التوظيف وداخل على مواقع على النت وجد اعلان عن الزماله والامتحان بتاعها في مصر وفي سوريا وخلاص الفكره اتبلورت معاه وحاليا بيخطط لانه يدخل الامتحان ده سواء سافرنا وله لا.بس هيه زماله انف واذن بس واعتقد كمان في عيون دعواتك معانا.

[Dr.mmfriend]

إقتباس(Dr.mmfriend @ May 10 2009, 02:18 PM)

الدمام حلوة يا دكتورة روشه

وفيها كورنيش ومصريين كتير

مُش دكتورة يا إبنى دة جوزها الى دكتور خلاص يا د/حازم .د/mm friend قال دكتوره مش هاكسفه .هاحضر دكتوراه في الاثار(لان ده تخصصي)مخصوص علشان الكلمه دي .وبعدين هوه بس بحكم اني داخله معاكم هنا فالدكتور افتكر اني انا اللي دكتوره .بس اصل الدكتور عندي مش من هوات انه يدخل على محاورات .وبعدين المفاجاْه بقه يا د/حازم (هاتعجبك)موضوع السفر ده والمميزات اللي الواحد بيشوفها كل ماكان معاه شهادات اكتر شجع الدكتور عندي انه يدخل الزماله (البريطانيه)لانه وهوه بيذاكر علشان امتحان مكتب التوظيف وداخل على مواقع على النت وجد اعلان عن الزماله والامتحان بتاعها في مصر وفي سوريا وخلاص الفكره اتبلورت معاه وحاليا بيخطط لانه يدخل الامتحان ده سواء سافرنا وله لا.بس هيه زماله انف واذن بس واعتقد كمان في عيون دعواتك معانا.

سورى ماخدتش بالى من الموضوع ده !!!

ربنا يوفقك ويوفق الدكتور بخصوص الزماله

[rewsha]

متشكره جدا يا د/mmfriend وعلى فكره انا باْبلغ الدكتور عندي بتشجيعكم ودعواتكم دي وهوه عارف الناس اللي في المحاورات كويس .وبيشكركم بس هوه بيكون قاعد يذاكر على جهاز كمبيوتر وانا داخله على المحاورات من اللاب توب وكل شويه اقطع حبل افكاره واقول له د/فلان كاتب كذا.ود/فلان بيقول كذا .(ههههههههههه)يعني هوه بيذاكر تخصصه على جهاز وانا بذاكر المحاورات على الجهازالتاني .وتحياتي للجميع.

[rewsha]

على فكره يا جماعه انا ناويه اغير اسمي (روشه)وحبيت اقول لكم لان الموضوع بتاع مغترب طبيب صيدلي ده الموضوع الرئيسي اللي باكتب فيه والناس عارفاني كويس فيه .بس لسه ما اختارتش اسم جديد ابلغ بيه الاداره.ولو حد عنده اقتراح اسم كويس من فضلكم يكتبهولي .لان روشه لاقيت ان في ناس معترضه عليه .(وعندهم حق )لان في ناس بتعتبره اسم على مسمى .المهم انا مستنيه اقتراحاتكم قبل ما اغيره.

[doctor k]

كان عندي استفسار تاني لو حد يقدر يفيدني عن الجمعية الخيرية لرعاية المرضى (عناية) لو حد سمع عنها لأنهم طالبين أطباء و مش عارفة دوول ليهم مستوصف او مستشفى تبعهم لو حد يقدر يفيدني عن لو فيه مستوصفات تابعة للجمعية دي او اي حاجة عنهم و لو رحت المقابلة بتاعتهم ايه نوع الاسئلة اللي متوقعة في المقابلة

و يا ريت لو حد اتعامل قبل كدة مع شركة اسمها القصر في عمارات العبور أو سمع عنهم حاجة تعاملاتهم أخبارها ايه

و جزاكم الله خير

[dr rora]

شكرا يا ماما نونة على ردك عليا .انا قصدى هاستلم يوم واحد يعنى ساعة ما اجى اقطع اجازة رعاية الطفل هاستلم الشغل لمدة يوم واحد و اعمل فيه تغير الاجازة الى اجازة مرافقة زوج ....

عموما انا هاسال الموظف فى المنطقة ان شاء الله و انا باقطع الاجازة و ربنا يسهل و ينفع اعمل الشهادة و الا كل حاجة مش هتنفع من غيرها....ادعولى بجد كلكم يا جماعة ان ربنا ييسرها لى و يوفقنى فى الورق.

[rewsha]

:ninja: kنداء للمره التانيه حد عنده اخبار عت نتيجة مكتب التوظيف السعودي او مصر الحجاز wst:: معلش يا جماعه بس الواحد عايز يرسى بقه.

[Dr orl]

شكرا د/mmfriend .د/دنتوجابيلو .انا فعلا معاك في الراْي ان بالعقل كده اي حد بيشتغل في مكان عمره ما هايقول عايه وحش .بالاضافه ان ممكن الشخص اللي بتساْله ده يفتكر ان صاحب الشغل وازك عليه وعامل له كامين .فممكن يقعد يشكر في المكان وصاحبه علشان يوصل المعلومه لصاحب الشغل .بالاضافه لوجهة نظر د/دنتوجابلو وهي انه ممكن تكون انت بديل له فلو هوه عايز يسيب المكان هايشكرلك فيه والعكس صحيح لو هوه ماسك في المكان وصاحب الشغل عايز يغيره لاي سبب من الاسباب .يقوم يذم لك في المكان علشان يفضل هوه فيه.الافضل بقه وبصراحه انا جربتع واثبت نجاحه.ان لما اتعرض علي زوجي شغل في العليا في الرياض انا قعدت ادور هنا في المنتدى على اي عضو يكون ساكن او بيشتغل في العليا وفعلا وجد (سي السيد)وبصراحه الراجل مااتاْخرش وراح ساْل لي على المكان ورد عله بمنتهى الامانه.لان مش من مصلحته يضحك عليه وكمان اتعرض علينا شغل في جده وكتبت لبعض الاعضاء هنا في المنتدى عن المكان وهمه مش عارفينه بس بصراحه وجدت تعاون رهيب منهم .وهو ان كل واحد طلب بس يومين يحاول يساْل لي على المكان ويرد عيه .وبصراحه ماكنتش متوقعه ان الاعضاء دول( رغم ان لم يسبق لي الحوار معاهم)ممكن يهتموا قوي كده . ومن هنا انا انادي ان كل واحد في المغتربين يكتب مكان اقامته في الغربه واي حد يجي له شغل في منطقه احد الاعضاء يبعت يساْله وبكده يكون عارف ان ماحدش (ان شاء الله)هايضحك عليه.

فكرة حلوة يا دكتورة ... و عايزالها موضوع منفصل

بس نجمع الافكار و بعدين نعملها مواضيع منفصلة

أضم صوتى ليكم

فكرة رائعة و ياريت تتنفذ فى باب خاص

[hazemtara]

نُشر فى صحيفة الرياض أخبار عن الهيئة السعودية للتخصصات الصحية.

http://www.alriyadh.com/2009/05/12/article428649.html

http://www.alriyadh.com/2009/05/12/article428649.html

http://scfhs.org.sa/index.php

رعاية الملك لحفل خريجى الهيئة السعودية للتخصصات الصحية لهذا العام

http://www.alriyadh.com/2009/05/13/article429166.html

[hazemtara]

اولا السلام عليكم ورحمة الله وبركاته

ثانيا..بسم الله ما شاء الله الموضوع شغال عال ياريت يتثبت بقي

تسجيل متابعه مع الشكر لكل من ساهم بمعلومه خصوصا الدكتور حازم

شكراً لكى أختى يارة وإن شاء الله مُوفقة على طول.

لكى منى التحية :closedeyes: .

[hazemtara]

http://www.alriyadh.com/2009/05/12/article428649.html

هذا الرابط مُهم لذلك وجب إعادة إدخالة بطريقة صحيحة مرة أخرى.

[hazemtara]

السلام عليكم و رحمة الله و يركاته

بجد الله يجزى كل من ساهم المنتدى ده كل خير على كل المعلومات المهمة جدا لاى واحد داخل على السفر..و ربنا يباركلكوا كلكم على روح التعاون الحلوة اللى بينكم اوى دى

انا كنت عايزة اسال على حاجة و يا ريت لو د/حازم او ماما نونة هما اللى يجاوبونى

انا كنت فى اجازة رعاية طفل من ساعة ما استلمت التكليف فى 2/2007 و انا لسه فى الاجازة لحد دلوقتى و ان شاء الله مسافرة اخر شهر 6 لزوجى فى دبى و كنت عرفت من المنتدى الرائع ده ان شهادة الخبرة ممكن تتظبط و لما سالت فى المديرية قالوا لى انها بتطلع من المنطقة اللى انا تابعة لها....

بس كنت شوفت ماما نونة بترد على دكتورة من الاعضاء و بتقول لها انه لما نطلع الشهادة ممكن نطلب من الموظف اللى هيطلعها لنا انه ميكتبش انها كانت فى اجازة

بس لازم تكون قاطعة الاجازة دى عشان تعرف تعمل كده

وانا دلوقتى هاستلم يوم واحد بس ساعة ما هاجى ان شاء الله اغير الاجازة من رعاية طفل الى مرافقة زوج....معنى كده انى مش هاعرف اطلعها و لا اعمل ايه

بجد فيدونى لان الموضوع ده عامل لى قلق جامد و هيا دى الورقة للى فاضلة لى فى كل اوراقى ومعلش انا طولت اوى عليكم بس حبيتكم تكونوا عارفين كل التفاصيل عشان تكونوا ملمين بكل القصة

و جزاكم الله خيرا و مستنية ردكم فى اقرب وقت :closedeyes:

معلهش انا مش فاهمة يعنى ايه هتستلمى يوم واحد بس ال اعرفه انك عشان تقطعى الاجازة بتلفى ع كام مكتب كده لما تقطعيهاوبعدين تروحى تستلمى فمكان عملك

يمكن عشن انتى بتغيرى مسمى الاجازة فتختلف .

ممكن دكتور حازم يدلك اكتر منى

بس اسألى موظف الاجازات انه ينفع ولا لأ

سلام

حضرتك مُمكن تسافرى إلى جوزك وأنت ما زلت فى أجازة رعاية طفل لأنة فى المطار مافيش حد بيقول لك ورينى قرار الأجازة بتاعك أنت طالعة مرافقة زوج ولا رعاية طفل ولا أى حاجة من دى.

لكن الأجازة مُرافقة الزوج أريح وأضمن من حيث أنها أجازة تُجدد أُتوماتيك مُجرد ما زوجك يُرسل للمُديرية عقدة الجديد تُجدد أجازتك وأجازة الزوج مُباشرة.

لكن الأجازة لرعاية الطفل أقصى مدة لها سنتين لكل طفل على ما أذكر و بحد أقصى 6 سنوات طول فترة عملك أو 7 سنوات تقريباً.

لكن أظن الأفضل لكى خليكى على أجازة رعاية الطفل لأنك ممكن لما تروحى للإمرات وتجدى عمل تضرى تغيرى تانى أجازة للتعاقد.

موضوع إنك تستلمى يوم واحد دة موش منطقى لأن حضرتك علشان تقطعى الأجازة وترجعى للعمل بتقدمى طلب لسعادة مدير عام المديرية أو وكيل الوزارة عندك ويُعرض علية الطلب وسعادتة بعد يومين على ما يوفق وتبدأى إجرائات العودة للعمل فيها أسبوع على الأقل ثم تبدأى تانى تعملى أجازة لمرافقة الزوج بعد ما تجيبى عقد زوجك ودى تأخذ على الأقل أسبوع كمان.

إقتباس(Dr.mmfriend @ May 10 2009, 02:18 PM)

الدمام حلوة يا دكتورة روشه

وفيها كورنيش ومصريين كتير

مُش دكتورة يا إبنى دة جوزها الى دكتور خلاص يا د/حازم .د/mm friend قال دكتوره مش هاكسفه .هاحضر دكتوراه في الاثار(لان ده تخصصي)مخصوص علشان الكلمه دي .وبعدين هوه بس بحكم اني داخله معاكم هنا فالدكتور افتكر اني انا اللي دكتوره .بس اصل الدكتور عندي مش من هوات انه يدخل على محاورات .وبعدين المفاجاْه بقه يا د/حازم (هاتعجبك)موضوع السفر ده والمميزات اللي الواحد بيشوفها كل ماكان معاه شهادات اكتر شجع الدكتور عندي انه يدخل الزماله (البريطانيه)لانه وهوه بيذاكر علشان امتحان مكتب التوظيف وداخل على مواقع على النت وجد اعلان عن الزماله والامتحان بتاعها في مصر وفي سوريا وخلاص الفكره اتبلورت معاه وحاليا بيخطط لانه يدخل الامتحان ده سواء سافرنا وله لا.بس هيه زماله انف واذن بس واعتقد كمان في عيون دعواتك معانا.

إشطة يا عم لا دة إحنا كدة عال جداً زمالة على طول مية مية.

ربنا يكرمة ويوفقة إن شاء الله. :lol:

إقتباس(Dr.mmfriend @ May 10 2009, 02:18 PM)

الدمام حلوة يا دكتورة روشه

وفيها كورنيش ومصريين كتير

مُش دكتورة يا إبنى دة جوزها الى دكتور خلاص يا د/حازم .د/mm friend قال دكتوره مش هاكسفه .هاحضر دكتوراه في الاثار(لان ده تخصصي)مخصوص علشان الكلمه دي .وبعدين هوه بس بحكم اني داخله معاكم هنا فالدكتور افتكر اني انا اللي دكتوره .بس اصل الدكتور عندي مش من هوات انه يدخل على محاورات .وبعدين المفاجاْه بقه يا د/حازم (هاتعجبك)موضوع السفر ده والمميزات اللي الواحد بيشوفها كل ماكان معاه شهادات اكتر شجع الدكتور عندي انه يدخل الزماله (البريطانيه)لانه وهوه بيذاكر علشان امتحان مكتب التوظيف وداخل على مواقع على النت وجد اعلان عن الزماله والامتحان بتاعها في مصر وفي سوريا وخلاص الفكره اتبلورت معاه وحاليا بيخطط لانه يدخل الامتحان ده سواء سافرنا وله لا.بس هيه زماله انف واذن بس واعتقد كمان في عيون دعواتك معانا.

سورى ماخدتش بالى من الموضوع ده !!!

ربنا يوفقك ويوفق الدكتور بخصوص الزماله

لا خُد بالك بعدين

قفشتك يا إم إم فرند :lol: .

متشكره جدا يا د/mmfriend وعلى فكره انا باْبلغ الدكتور عندي بتشجيعكم ودعواتكم دي وهوه عارف الناس اللي في المحاورات كويس .وبيشكركم بس هوه بيكون قاعد يذاكر على جهاز كمبيوتر وانا داخله على المحاورات من اللاب توب وكل شويه اقطع حبل افكاره واقول له د/فلان كاتب كذا.ود/فلان بيقول كذا .(ههههههههههه)يعني هوه بيذاكر تخصصه على جهاز وانا بذاكر المحاورات على الجهازالتاني .وتحياتي للجميع.

طيب بلغية سلامى وقولى لة شد حيلك البنات بتذاكر أحسن منك :sad: .

على فكره يا جماعه انا ناويه اغير اسمي (روشه)وحبيت اقول لكم لان الموضوع بتاع مغترب طبيب صيدلي ده الموضوع الرئيسي اللي باكتب فيه والناس عارفاني كويس فيه .بس لسه ما اختارتش اسم جديد ابلغ بيه الاداره.ولو حد عنده اقتراح اسم كويس من فضلكم يكتبهولي .لان روشه لاقيت ان في ناس معترضه عليه .(وعندهم حق )لان في ناس بتعتبره اسم على مسمى .المهم انا مستنيه اقتراحاتكم قبل ما اغيره. md2:

عال قوى خدى عنك الإسم دة ، ودة إسم الدلع الى ديماً أقول للماد علية وهى حامل أنى نفسى يجينى بنت علشان أسميها الإسم دة.

؟؟؟؟

!!!!

!!!!

!!!!!

؟؟؟؟؟

****

@@@@

!!!!!!

مِستِكة :lol: .

[rewsha]

مِستِكة md2: لا بجد يا د/حازم ده اسم (قشطه).. :lol: ..ايه ده خلاص انا ها سمي نفسي( قشطه).وله بلاش لاحسن ده اسخم من روشه.الناس هاتقول عليه ايه؟انا هاخدلي بتاع 3_4 _20 يوم افكر :closedeyes: وابقى اكتب لكم الاسم الجديد. .......والله وحشتنا قفشاتك يادكتور .

[jukass]

السلام عليكم و رحمة الله و بركاته

الاخوة الاعزاء

انا طبيب مصرى حديث التخرجيعنى مبقاليش 6 شهور

شائت الظروف ان اسافر مع العائلة الى المملكة بمنطقة جيزان ابتداءا من شهر سبتمبر 2009

و قد كنت قررت اختيار تخصص العظام

لذا قررت الالتحاق ببرنامج البورد السعودى

فارجو ان تفيدنى من خبرتك

و تنصحنى ماذا افعل لتأمين القبول بالبرنامج

علما باننى ساقوم بالامتحان فى مصر قبل السفر

علما بأننى سأقيم بجيزان على اغلب الظن

و كذلك ارجو منك ان تطلعنى على العائد المادى اثناء التدريب

و طريقة الالتحاق بالتدريب

و ياريت كمان سؤال مهم

لو واحد نجح فى الامتحان فى مصر

ينفع يشتغل ممارس من غير خبرة فى الحكومة

لأنهم لا يشترطون خبرة لدخول الامتحان من مصر

و لكم منى جزيل الشكر

________________________________________________________________________________

_______________________

اللي اعرفه ان سنتين خبره ناقصين يوم واحد يبقى ماينفعش (ماينفعش)ماينفعش.والباقي بقه د/حازم يرد عليه.بس حاول تفضل في مصر لغاية ماتظبط نفسك ويكون معاك خبره .افيد لك بكتير .بعدين ناس كتير بتقعد في مصر لوحدها من غير اهلها علشان الدراسه.(فعادي يعني)وبلاش تاخد خطوه تاْثر على مستقبلك :rolleyes: تحت اي ظروف .دي كلها سنتين ....يعدوا هوى.ولك مني الف تحيه.

________________________________________________________________________________

________________________

كل الكلام الى اتقال ان انا مينفعش ادخل امتحان الهيئة فى السعودية غير بسنتين خبرة

انما فى مصر مبيشترطش الخبرة

السؤال بقى هو انا لو عديت امتحان الهيئة بردوا هيطلبوا منى خبرة

المشكلة ان انا لازم كده كده اسافر لظروف خاصة

و بعدين انا اساا سؤالى عن البورد السعودى

ادخله ازاى

و دى قائمة المستشفيات الى فيها برنامج البورد للعظام

http://scfhs.org.sa/index.php?option=com_c...&Itemid=152

ياريت لو حد عنده معلومات عن كيفية التعاقد معاها

البورد السعودى مش بيشترط اجتياز الهيئة

للتعاقد مع المستشفيات لازم تجتاز اختبار القبول الشامل (SLE)وده اختبار عام اسئلة mcqs

فكل التخصصات وبعدالنجاح فيه بتعمل مقابلة مع مجموعة استشاريين مفيهاش اسئلة دى مجرد انترفيو عامة كده

بعدها بيعطول لسته بالمستشفيات ال فالمنطقة ال انت تابع لها للتقديم فيها

بتروح فكل مستشفى وتقابل رئيس القسم وتقوله انك حابب تلتحق بالبورد وطبعا الافضلية للسعوديين وبالنسبة لمنظقة جيزان انا معرفش نظامها ايه بس يمكن تكون بلد صغيرة مفيش عليها اقبال من السعوديين عالبوردج السعودى وممكن تحصل مكان فأى بروجرام

تاخد راتب وبتدفع للهيئة 8000 ريال سنوى بعدد السنوات المطلوب منك الاقامة فيها

ثواني ثواني

هو انا لما بخش البورد وانا شغال بالمستشفى بقبض راتب يا مامانونا

ازاي <<<< اذا حازم حكالي انه مافيش راتب

الموضوع مش سهل ممكن تعمل كل ده ومتلقيش مكان لك فأى مستشفى

فالافضل انه انك هتطلع تشتغل الاول وتدور ع موضوع البورد ده براحتك

وبما انك مخلصتش سنتين الخبرة ال هما شرط الهيئة فصعل انك هتلاقى شغل بس ممكن تسأل عن مستشفيات ال فيها التشغيل الذاتى دى مش بتدقق عالهيئة اوى زى اى مكان تانى

ويستثنى من السنتين الخبرة لو محل ميلادك السعودية او اخدت ثانيوية عامة منها

حلو حلو <<< انا مولود بالسعودية ووماخذ شاهدة الميلاد منها ومعاي ثانوية هامة من السعودية

بعنب في اللزيز يا رايق <<< صح ؟

وبالتوفيق

[dr rora]

شكرا يا د/حازم على نصيحتك بخصوص الاجازة

و كويس ان حضرتك لفت انتباهى الى ان موضوع تغيير الاجازة ده هياخد وقت و اجاراءات طويلة كده عشان ابدا من دلوقتى ..يا دوب

انا اصلى كنت باتكلم من منطلق الاجراءات و الخطوات اللى عملتها قبل كده لما كنت باجى اجدد اجازة رعاية الطفل.

و جزاك الله خيرا و بجد ربنا يكرمك و يجعلك سبب كده دايما فى مساعدة عباده...

و ادعووووووووووووا لى كلكم بالله عليكم انا بجد قلقانة اوى.

[Dr orl]

كنت عايز أسأل بالنسبة للمعاهد و الأكاديميات الصحية السعودية ممكن تشغل أطباء كمدرسين فيها

و لا لازم يكونوا من ستاف الجامعات

يعنى ينفع طبيب دبلوم أو بكالوريوس يقدم على وظيفة مدرس هناك

طب ياترى معاهد زى إيه

و بيكون التقديم إزاى, مباشر اليهم ( لو خاص)

و لا فى منهم حكومى عن طريق مكتب التوظيف ؟؟