مغترب-طبيب/ صيدلى/ تمريض اتفضل معانا

[احمد العنانى]

دكتور حازم الله يكرمك ويعزك يارب بص يا سيادة العميد انا اللى يهمنى اوى موضوع السكن عشان انا متجوز طبعا اقصد البدل وهل اقدر اخد شقة محترمة ب 10 او 12 الف ريال المستوصف اللى انا رايحه اسمه الاتحاد الوطنى يارب تكون تعرفه !!!!!!!!! يعنى عاوز اعرف اسعار الايجارات هناك وتكاليف المعيشة عامة ممكن اصرفللى اد ايه شهريا وهل اخد بدل سكن ؟؟؟ اصل الكفيل عرض عليا يدينى شقة ملكه بيقول انها مؤسسة ومفروشة وللعلم بدل السكن 12 الف فى السنة العقد سنتين وسعادته رفض يخليهم سنة واحدة وانا بصراحة قلقت لانك فى مشاركة قبل كده ذكرت الموضوع ده يارب تفيدنى وبسرعة عشان كل حاجة هنا خلصت والتاشيرة طلعت على الباسبور فاضل ااقبض المكتب واحجز ايششش رايك ؟؟؟

أهلاً دكتور أحمد زملائى الى سائلتهم عم هذا المستوصف قالوا إنة مكان كويس وما يعرفوش عنة أكثر من كدة مكان مقبول وليس معروف عنة أنة بتاع مشاكل أو عمل مشاكلمع أحد؟؟؟؟؟!!!!!! بس لا أعرف أكثر من ذلك؟؟؟؟

يعنى توكل على الله بس ‘‘إعمل حسابك بأنك تعدل وضعك لمكان حكومى بعد ما تخلص معاهم مدة العقد إن شاء الله تكون مُراسلينا فى حائل؟؟!!!!.

كفيت ووفيت بارك الله فيك يبقى فاضل نقطة واحدة وهى ان العقد سنتين والكفيل مصمم على السنتين ومش راضى يخليهم سنة ان شاء الله هجيبلكم حائل هنا فى الموضوع صوت وصورة وكل اللى تحتاجوه هيكون تحت امركم فى الحال تقبل خالص تحياتى

[adrianocrespo]

السلام عليكم

محدش يعرف معلومات عن سمعه مستشفي المانع في الدمام و الخبر

[movalentinos]

هو بدل السكن يعطى كل سنة ولا عن التعاقد مرة واحدة

لو الانسان متعاقد سنتين يعطى كل سنة ولا فى النتين مرة واحدة

[dentogabalo]

هو بدل السكن يعطى كل سنة ولا عن التعاقد مرة واحدة

لو الانسان متعاقد سنتين يعطى كل سنة ولا فى النتين مرة واحدة

لأأ طبعا كل سنة .. لأنك بتفضل كل سنة تدفع اليجار .. فبالتالي منطقي انكك بتاخد بدل السكن كل سنة .. يمكن بدل التأثيث هوا اللي مرة واحدة في اول التعاقد

[dentogabalo]

شيء جميل التعاون اللي ما بينا ده يا جماعة

و ربنا يديمه نعمة

احب نبتدي كده بخطوة اولى في موضوع تظبيط الدكاترة اللي رايحين على قطاع خاص في السعودية

هنا عقد عمل انا عملته مستوحى من بتاع النقابة .. والقوى العاملة

واحب اسمع ملاحظاتكم عليه ... عششان نوصل لشكل نهائي ما نقلش عنه

علما بأن اكيد الشكل النهائي برده هيبقى فيه جزء فاضي في الاخر للي حابب برده يزود

يا ريت الردود تبقى على هيئة رقم البند + التعليق

http://BLOCKED2/files/241319786/_____________.pdf.html

يا جماعةعاوز تعليقاتكم على العقد ده وخصوصا الدكاترة اللي كانو شغالين في الخاص عشان نوصل لعقد نهائي للخاص في السعودية ما نقلش عنه

إزيك يا دنتو/

الفقرة رقم2-1 ( فترة التجربة):

أنت كاتب أنة يحق للطرف الثانى إنهاء العقد دون سابق إنذارأو تعويض للطرف الأول فى حالة عدم رغبتة فى إستكمال العقد.

هذة الفقرة جميلة جداً لكنى لا أرى أنة يكمن تحقيقها فى الوقت الحالى فى السعودية أو فى غيرها من دول الخليج الأخرى لأنك تتكلم عن إلغاء نظام بأكملة وهو نظام الكفالة ودة لا يبدو أنة شيئ قريب أو حتى سهل المنال.

دة إحنا فى الحكومة حتى لا نستطيع الحركة أو السفر دون إذن وموافقة المدير ،،،ولهذا لا أظن القطاع الخاص ممكن يوافق على هذا الشرط قبل 20 سنة على أقل تقدير مع مُراعة أن ة حتى لو أُلغى نظام الكفالة ستكون السعودية أخر دولة خليجية

تُلغية؟؟؟!!!!!!!

ماهو يا دكتور انا قايل في فترة التجربة بس لكن بعد كده هيمشي النظام الطبيعي فهل ده برده مش هينفع في فترة التجربة ؟؟؟ 

الفقرة 4-1-2:

يحق للطرف الثانى ( إذا كانت إمرأة ) أجازة وضع 30 يوم براتب كامل ولا تحسب من الأجازة السنوية.

هذا الكلام صعب جداً حتى الحكومة لا تقبلة ولا تفعلة يعنى المتعاقدة التى تضع مولودها فى السعودية يعطوها أجازتها السنوية عن هذة السنة ومقدارها 45 يوم.

إذا كانت الحكومة لا تلتزم بهذا فهل القطاع الخاص سيلتزم ------أشك.

في النقطة دي لو هوا وافق على حاجة زي كده ... مش تبقى ملزمة ليه ... وبعدين انا اللي اقصده ان كل واحد يعرف الخيارات المتاحة  اللي ليه .. و بعدين ممكن تكون بدون راتب في مقابل انه يديها اجازتها السنوية... يعني لو 2 دكاترة متجوزين .. وهي خلفت ... لما تيجي اجازة جوزها يقضوها في السعودية ... هيا شغالة وهوا لأ ؟؟؟؟ ولا هوا يسافر و يسيبها ؟؟؟!!!!

الفقرة الخامسة:

والخاصة بتعويض ساعات العمل فى رمضان وغيرة لا يتم العمل بها فى كل الحالات يعنى على حسب مزاج المدير وفى مُعظم الأحوال لا نحصل على شيئ لا راحات إضافية ولا فلوس ولا يحزنون وعلى المتضرر أنة يخبط راسة فى أتخن حيطة ولو مُش عاجبك هو دة الى عندنا؟؟!!!!! wst::

الفقرة 7 -2:

صعب الكفيل يوافق على علاجك أنت والأسرة على حسابة الخاص جداً.

اللي اقصده هنا انه يوفر للطبيب و اسرته التأمين الصحي ... ويا ريت حضرتك تقولي اكتب صيغة الفقرة دي ازاي ؟؟؟

الفقرة 9-1:

الحكومة نفسها ألغت هذة الفقرة والأن نوقع على ورقة إسمها المادة 13 وتنص على أنة يحق للدولة ( ممثلة فى وزارة الصحة) إنهاء عقد معاليك دون إنذارك أو إعلامك المُسبق بمدة شهرين.

إذا كانت الدولة تتنصل من هذة البنود فهل ستُلزم الناس فى القطاع الخاص بها وهى أول من ضرب بها عرض الحائط.

الفقرات 11- 6 & 1-7:

صعب الكفيل يوافق على هذا الكلام.

اذا كان حضرتك تقصد  البند بتاع ان الكفيل يتكفل بالمصاريف الداخلية فده في ناس فعلا  من زمايلي ماشي معاهم بالنظام ده ... وبعدين كمان في واحدة زميلتنا حكتلنا  عن واح دكتور سوري .. ما كانش الكفيل راضي يمشيه .. وكان اول ما جه خصم منه المصاريف الداخلية .. لما اشتكاه في مكتب العمل خلال شهرين اضطر يديله مكافأة نهاية الخدمة ... وكمان المكتب الزمه يدفعله المصاريف الداخلية اللي كان خصمها منه .. وروح بلده ... انا مش عارف ايه البند 1-7.. ده اللي بيقول ايه ده ؟؟؟ 

هذا ما أراة من بنود تعتبر أحلام للأطباء سواء فى القطاع الخاص أو الحكومى وأمنى لو أتى اليوم الذى أرى ولو بعض هذة الأحلام تحقق؟؟؟؟!!!!!!!

*شوف حضرتك البنود اللي علقت عليها دي اكتبها بصيغة تانية ولا الغيها من اصله 

*مش عارف يا دكتور انا بعد التعليقات دي جالي احساس اني اطلع حملة لعدم سفر الدكاترة ال GPS من اصله ... وبهدلة ببهدلة يبقى بلدي ارحم ..على الاقل لا في محاكم .. ولا منع من السفر ولما ياخد شهادة تستاهل يبقى يسافر مكرم  خصوصا انهم بيقولوا ان المصاريف في السعودية بقت كتير مش قليلة ...

*لو حد من الدكاترة اللي كانو شغالين في القطاع الخاص هنا يا ريت لو ليهم تعليق يا ريت نقراه

تم تعديل 11 يونيو 2009 بواسطة dentogabalo

[enjisultan]

السادة الزملاء

حد سمع عن الاكاديمية الدولية للعلوم الصحية بالسعودية

يا ريت تفيدونى عنها باى معلومات

[Dr orl]

يعنى انا حاولت على قد مأقدر اذكر كل النقاط الاساسية وأعتذر عن ماغفلت عنه

وشكرا ليكم وانتظروا منى قائمة بإسماء الشركات والمكاتب للتوظيف فى مصر

من الاحسن للاسوا وطبعا بناءا على تجارب شخصية ليا وللاصدقاء عشان ميبقاش حرام عليا.

المصادر:قانون العمل السعودى-عقود خاصة-تجارب شخصية

مازلنا فى إنتظار وعدك يا كريـــم باشا

[ahmedbaklola]

بسم الله الرحمن الرحيم

السلام عليكم ورحمه الله وبركاته

انا وجدت كتاب الهيئه الصحيه للتخصصات الطبيه بالسعوديه الطبعه الخامسه

انا سأرسله هنا

http://scfhs.org.sa/ACC/Professional_Regis...Manual_vr.6.pdf

دليل التصنيف المهنى للتخصصات الصحيه

[وسط][/وسط]

[احمد العنانى]

السادة الزملاء

حد سمع عن الاكاديمية الدولية للعلوم الصحية بالسعودية

يا ريت تفيدونى عنها باى معلومات

بص يا دكتور الاكاديمية الدولية للعلوم الصحية ديه اكاديمية بتخرج ممرضين ومرضات وفنيين بيدخلوها الطلبة بعد الثانوية العامة تقريبا والاكاديمية ليها 40 فرع فى المملكة مقسمة الى 25 فرع بنين و 15 فرع بنات فى جميع انحاء المملكة راتبهم تقريبا ثابت وهو 4500 ريال بالنسبة للطبيب العام وبدل السكن بتاعهم 800 ريال للعازب و 1000 ريال للمتزوج بس اعتقد انك ممكن تدى دروس خصوصية للطلبة وده بمقابل لوحده وانت وشطارتك بس بصراحة انت هتنسى الطب لانك مش بتمارس لو عاوز فلوس وبس اوك دووووووس فى حاجة كمان انت بتتعاقد من هنا ومبتعرفش انت رايح تتوزع على اى فرع فى المملكة بس بما انك طبيب اكيد هتتوزع على فرع بنين بس فين ديه بتاعتهم هما هناك اللى اعرفه انك بتنزل فى بريدة وبيتحجزللك فى فندق تبعهم هناك لمدة 10 ايام لحد ما ييجى خطاب مباشرة العمل اجازة الاكاديمية فى 31 اغسطس الاكاديمية بتقفل ويا حلو عليك انك ترجع مصر لمدة شهرين اللى هما بتوع الاجازة يعنى لو سافرت دلوقتى يدوبك تروح تقعد شهرين وترجع وكمان لازم تمتحن امتحان الهيئة برده عشان الترخيص ولو فكرت وقلت انا لسه جاى هقعد شهرين وانزل لا انا اقعد هنا الشهرين بتوع الاجازة يبقى تقعد على حسابك بصراحة ولو عاوز رائى اخوك سيبك منها وكمان صعب انك تختار اى فرع تروح عليه من هنا يعنى انت وحظك ممكن تلبس فى فرع مش اد كده وتبقى كده لبست فى الحيطة بس برده للعلم فروع الاكاديمية انشئوها فى سنتر كل مدينة وعلى العموم استخير واستشير والقرار فى الاول والاخر بتاعك اتمنى انى اكون افدتك بقدر الامكان وربنا يوفقك الى حسن الاختيار

[enjisultan]

شكرا جدا

هو مبدئيا انا اسمى انجى طبيبة يعنى

ما فيش مشكلة ولا يهم حضرتك

اما عن الاكاديمية انا طبيبة عامة واتلمرتب المعروض عليا هو 4000 ريال

هو انا حاسة انها منايبة ليا عشان بناتى وبعدين العمل 6 ساعات ودوام واحد

بس جاى لجوزى كمان عقد هو دا بقى اللى قلقان

هو اخصائى تخدير ومعروض علية 8000 ريال وهو زى ما حضرتك بتقول كطبيب خايف بقى يريح وينسى الطب

وكمان التوزيع دا قلقنا اوى يعنى احنا معانا اطفال ولازم يكون حتة فيها مدارس وكدة كويسة

عموما لو حضرتك تعرف حد بيشتغل فيها معلش تبلغوا اننا عايزين نستشيروا ولو وافق حضتك تبعت لى نمرتة على الخاص

عشان بس يبقى الموضوع اوضح بالنسبة لنا

وشكرا جدا على الرد السريع دا

هو بس مافهمتش حتة ان كل اكاديمية فى سنتر يعنى اية ؟

وشكرا مرة تانية

[enjisultan]

رجاء لو حضرتك تعرف اي فروع تكون كويسة ياريت تفيدنا

[Dr Ayman]

السلام عليكم و رحمة الله،

أريد بارك الله فيكم أن أستفسر عن مدينة الأحساء (المبرز) مستشفى الموسى العام. لو في حد سمع عنها او عنده معلومات عن المبرز عامة يبقى جزاه الله الجنة لو ساعدني.

حفظكم الله

د. أم حمزة

[enjisultan]

مستشفى الموسي بامبرز اغلبها مصريين

انا اخويا عايش فى مبرز ودى المستشفى اللى بيتعاملوا معاها

وسمع من دكاترة مصريين انهم ملتزمين فى الفلوس ومش بتوع حركات

واخويا جاب لنا عرض عمل انا وزوجى من 3 شهور بس كان قليل يعنى زوجى اخصائى تخدير ب7000 ريال

لو عرض حضرتك مناسب ليك استخير والكلام اللى انا سمعتوا عنها صراحة مشجع

ربنا يوفق الجميع

[enjisultan]

عفوا ماخدتش بالى ان حضرتك ام حمزة

عفوا عشان مكتوب دكتور ايمن

[احمد العنانى]

شكرا جدا

هو مبدئيا انا اسمى انجى طبيبة يعنى

ما فيش مشكلة ولا يهم حضرتك

اما عن الاكاديمية انا طبيبة عامة واتلمرتب المعروض عليا هو 4000 ريال

هو انا حاسة انها منايبة ليا عشان بناتى وبعدين العمل 6 ساعات ودوام واحد

بس جاى لجوزى كمان عقد هو دا بقى اللى قلقان

هو اخصائى تخدير ومعروض علية 8000 ريال وهو زى ما حضرتك بتقول كطبيب خايف بقى يريح وينسى الطب

وكمان التوزيع دا قلقنا اوى يعنى احنا معانا اطفال ولازم يكون حتة فيها مدارس وكدة كويسة

عموما لو حضرتك تعرف حد بيشتغل فيها معلش تبلغوا اننا عايزين نستشيروا ولو وافق حضتك تبعت لى نمرتة على الخاص

عشان بس يبقى الموضوع اوضح بالنسبة لنا

وشكرا جدا على الرد السريع دا

هو بس مافهمتش حتة ان كل اكاديمية فى سنتر يعنى اية ؟

وشكرا مرة تانية

dh يا دكتورة معلش انا اسف مخدتش بالى اوى من الاسم انا اقصد فى سنتر المدينة يعنى فو وسط البلد فى وسط الرياض مثلا فى وسط جدة وهكذا يعنى ممكن ان شاء الله متقلقيش لان اكيد وسط البلد هيبقى متوفر فيها كافة الخدمات والمرافق بالنسبة للدكتور وبما انه اخصائى تخدير اعتقد ميقلقش لانه هيروح هناك يحاضر ويدرررس اما هو لو حاسس انه هينسى الطب فخليه براحته بس للعلم اللى بيروح الاكاديمية بيروح بهدف مادى فقط انا كان معروض عليا العرض ده من 4 شهور بس مستريحتش ورفضته وكمان كان المكتب اللى جايب العرض طلباته كتير وكمان كانوا هيحملونى تمن الاقامة والتاشيرة على اقساط هناك بالتاكيد المدن الكبيرة فروع الاكاديمية فيها هتبقى احسن لو اعرف حد انا مش هتأخر وهقولكم علطول لو تعرفوا حد فى السعودية خليه يسالكم عن كل حاجة وكمان ياريت تفكروووووا كويس حضرتك طبيبة عامة لازم تكونى معاكى سنتين خبرة بعد الامتياز عشان امتحان الهيئة اتمنى لكم التوفيق

[enjisultan]

عشان كدة حضرتك على دراية بالتفاصيل صح

هما طلباتهم كتير اوى

اولا الاقامة احنا اللى بندفعها ودا اول مكان اسمع فى كدة

تانيا التاشيرة 2000 ريال هيتخصموا من جوزى على اربع اقساط

تالتا التذاكر اول على حسابى وتاخدهم بعد سنة وقدرها 3000 ريال واحنا اربع افراد

دا بقى غير عمولة الشركة على عقدنا مع بعض 3800+2700

فيها مصاريف كتير ودا ما عنديش خلفية عن مدى طبيعة كل المصاريف دى فيها مبالغة ولا دا النظام اللى ماشى

وشكرا

[احمد العنانى]

عشان كدة حضرتك على دراية بالتفاصيل صح

هما طلباتهم كتير اوى

اولا الاقامة احنا اللى بندفعها ودا اول مكان اسمع فى كدة

تانيا التاشيرة 2000 ريال هيتخصموا من جوزى على اربع اقساط

تالتا التذاكر اول على حسابى وتاخدهم بعد سنة وقدرها 3000 ريال واحنا اربع افراد

دا بقى غير عمولة الشركة على عقدنا مع بعض 3800+2700

فيها مصاريف كتير ودا ما عنديش خلفية عن مدى طبيعة كل المصاريف دى فيها مبالغة ولا دا النظام اللى ماشى

وشكرا

صح الكلام كده بالظبط يعنى انتو كده تقريبا شايلين كل حاجة وده اللى اتعرض عليا بالظبط بصراحة كده مش جايبة همها خالص انا شايف ان فرص الدكتور وانتى كمان معاه احسن بكتير سواء فى الحكومة او فى الخاص العادى اللى هى مستشفيات خاصة او مستوصفات واكيد الدكتور مقتنع بكده خليه براحته وخليه هو يقرر لانه اكيد رائيه صححح وبلاش تحاولى تقنعيه يوافق لان بصراحة العرض ده مش مناسب ليه وليكى عشان انا ايام العرض ده برده زوجتى وهى طبيبة امتياز كانت برده بتحاول تقنعنى لان البلد هنا سيئة اوى انا اعرف مكتب كويس فى مصر الجديدة وعنده عروض كتير لو تحبوا والله الموفق

[احمد العنانى]

عشان كدة حضرتك على دراية بالتفاصيل صح

هما طلباتهم كتير اوى

اولا الاقامة احنا اللى بندفعها ودا اول مكان اسمع فى كدة

تانيا التاشيرة 2000 ريال هيتخصموا من جوزى على اربع اقساط

تالتا التذاكر اول على حسابى وتاخدهم بعد سنة وقدرها 3000 ريال واحنا اربع افراد

دا بقى غير عمولة الشركة على عقدنا مع بعض 3800+2700

فيها مصاريف كتير ودا ما عنديش خلفية عن مدى طبيعة كل المصاريف دى فيها مبالغة ولا دا النظام اللى ماشى

وشكرا

ده اسمه استعباط مش طلبات ومفيش كده ومش ده النظام ومحدش بيعمل كده بيتهيئللى مش محتاجين تتعبوا دماغكوا وتفكروا

[jukass]

شكرا جدا

هو مبدئيا انا اسمى انجى طبيبة يعنى

ما فيش مشكلة ولا يهم حضرتك

اما عن الاكاديمية انا طبيبة عامة واتلمرتب المعروض عليا هو 4000 ريال

هو انا حاسة انها منايبة ليا عشان بناتى وبعدين العمل 6 ساعات ودوام واحد

بس جاى لجوزى كمان عقد هو دا بقى اللى قلقان

هو اخصائى تخدير ومعروض علية 8000 ريال وهو زى ما حضرتك بتقول كطبيب خايف بقى يريح وينسى الطب

وكمان التوزيع دا قلقنا اوى يعنى احنا معانا اطفال ولازم يكون حتة فيها مدارس وكدة كويسة

عموما لو حضرتك تعرف حد بيشتغل فيها معلش تبلغوا اننا عايزين نستشيروا ولو وافق حضتك تبعت لى نمرتة على الخاص

عشان بس يبقى الموضوع اوضح بالنسبة لنا

وشكرا جدا على الرد السريع دا

هو بس مافهمتش حتة ان كل اكاديمية فى سنتر يعنى اية ؟

وشكرا مرة تانية

اهلا بيكي يا انجي

انا عاوز اسالك على الاكادمية ديه

نظامها ايه

؟؟؟؟؟؟؟؟؟

[enjisultan]

اهلا يا دكتور نظامها بانسبة للفلوس انا كتبتوا بالتفصيل

فى مداخلة سابقة

وكمان اللى هتدفعوا لو ربنا اراد وهتسافر