مغترب-طبيب/ صيدلى/ تمريض اتفضل معانا

[Dr orl]

السلام عليكم

ياريت لو حد ممكن يفيدنى

كم تبلغ مصاريف تأسيس السكن

مثل أسعار الأجهزة الأساسية ,, ثلاجة ,,, غسالة,,,,,

و الأثاث تقريباً

و ياريت لو حد عنده فكرة عن مستوصفى الوطنى و الحربى فى بيشة

وعن محافظة الإحساء عموماً

مع جزييل الشكر

[hazemtara]

معلش سؤال بارك الله فيكم،

الصحة بمرتبها القليل افضل و لا الخاص بمرتبه العالي؟

مع العلم ان الصحة ممكن تودينا اي حتة الاسم المنطقة الشرقية لكن الواقع مدينة صغيرة مجهولة.

جزاكم الله خيرا...

د. أم حمزة

أى فرصة عمل فى الحكومة أفضل ألف مرة من أى قطاع خاص :

الأسباب:

1-الرواتب فى مُجملها أفضل فى الحكومة من القطاع الخاص.

2-حُقوقك مضمونة ولا توجد فرصة للتلعاب أو أكل هللة واحدة عليكى.

3-واجباتك وحقوقك معروفة ومضمونة بحكم القانون ولا مجال لضياع أى حق لك أو طلب أى عمل إضافى ليس من واجبات عملك.

4- تذاكر الطيران ولكى والأسرة ذهاباً وعودة وعلاجك على نفقة الدولة لكى والأسرة بحد أقصى 4 أفراد بما فيهم المُتعاقد نفسة.

5- سُهولة إستقدام الأولاد والأم والأب للحج والعُمرة دون مشاكل تُذكر.

6- مُدة الأجازة حوالى 50 يوم مدفوعة الأجر.

7-إمكانية النقل داخل المُديرية بسهولة وذلك على حسب علاقاتك مع الإدارة زى مصر تماماً ،،،يعنى لو نأخذ مثال المنطقة الشرقية والى حضرتك تكلمت عنها حضرتك من سُلطة المدير العام إنة ينقلك لأى مكان داخل المديرية يعنى ممكن بسهولة يشغلك فى الدمام أو الإحساء أو القطيف أو أى مكان داخل المديرية لكن ما رائيتة أنهم يحترمون جداً العوائل وتعليم الأولاد يعنى لو حضرتك ذكرتى لهم أنك عندك أولاد فى تعليم عالى أو مدارس دولية سوف يأخذوا هذا فى الحُسبان ،،،كمان لازم بيشغلوكى وزوجك فى نفس المكان وبيرتبوا لكم مواعيد عملكم بحيث لا يوجد تعارض بين عملك أنت وزوجك.

هذا الكلام على مسؤليتى الشخصية من واقع عملى الفعلى ومعرفتى بمشاكل العمل هنا،،، ولا تسمعى لأحد يُعقد لكى الأمور؟؟؟؟!!!!!!

إذاً كدة الحكومة تكسب وبكثير وخصوصاً لو ربنا وفقك بعقد فى الحرس الوطنى ،، أو الهيئة الملكية؟؟؟ قولى أمين :lol:

موفقة يا د / أم حمزة.

شكرا يا ام حمزة على اهتمامك

جزاكى اللة كل خير

بس جوزي جالة عرض قبل كدة فى سليمان فقية ورفضة لانة سمع عنها انهم بيطحنوا الواحد

وكمان جالة فى السعودى الالمانى فى المدينة وانا كان نفسى فيها قالى قبلت واحد صاحبى النهاردة

لسة راجع قعد 8 شهور ومقدرش يتعايش كان ساعات العمل 12 ساعة مع كول وعك

رفض الصراحة فرص كتير يعنى اكيد طبعا ما كانش فيها خير لينا

فانا قررت اشركوا معايا عشان ما خاب من استشار

دكتور حازم شكرا على ردك

بس مش عايزة اقوللك الحصول على عقد حكومى من مصر

حاجة كدة زى النيلة

مصاريف

ومقابلات خيالية وارقام كمان مش قوية

يعنى هو زوجى فى السنة التالتة بعد الماجستر لم تتم بعد

فعايزينوا نايب اساسي 4000 وكل سنة 200 من التخرج

دا غير عمولة الشركة

الخ الخ

كان بودى انة يكون مرافق ليا وبعدين يبحث عن حكومى من داخل السعودية

وفى نفس الوقت الناس بتقول ان دى بتبقى صعبة برضة

فالوضع اننا عايزين عقد مضمون لمدة سنتين او 3 بالكتيرلاننا لازم نرجع مصر تانى

عشان اجازة جوزى والفيلم دا

طولت جدا جدا بس هى دى كل الحكاية

برضة اللة يكرمكوا مسنية ردودكوا وانا ساوافيكم باحدث العروض عشان تشاركونا الاختيار

يا دكتورة أنا أحب الناس العملية مُش الناس التى تسمع كلام يُحبط وخلاص؟؟؟ وتسلم لة ويبقى الدُنيا خربت على كدة؟؟

حضرتك أخذت بالأسباب وقدمت فى مكتب التوظيف السعودى أو فى بيونير أو مصر الحجاز ومثلاً رسبتوا؟؟؟

يا دكتورة قدمى أنت وزوجك وعلى أى وظيفة لكى وزوجك،،، لأن من السهل جداً أن يتم التعاقد مع زوجك على وظيفة أخصائى من مصر ،، ولو ما حصلش هذا الكلام بنسبة مليون فى المية لما يجى السعودية هنا هما راح يطلبوا منة أنة يعدل لأخصائى وهمة الى راح يبوسوا رجلة علشان يقبل أن يعمل أخصائى ،،،كلامى هذا لو فُرض عليكم فى مصر وظيفة طبيب مُقيم تخدير.

وبعدين كلام حضرتك مُناقض لبعضة منين حضرتك مستصغرة راتب وزارة الصحة وعندك إستعداد تقبلى راتب 7000 ألاف أو 8000 ريال .

ماهو راتب زوجك لو تعاقد مع وزارة الصحة على وظيفة مقيم تخدير هيكون حوالى 7000 ريال يبقى ما فرقتش كتير ،، الدنيا قريبة من بعضها.

يعنى خُلاصة الكلام علشان ألخص لك زوجك على أسوء الظروف لو شغالة مقيم هيكون راتبة حوالى 7000 ريال وحضرتك هيكون راتبك قريب منة يعنى على حسب الخبرة بعد البكالوريوس ممكن يبقى على أقل تقدير 5000 ريال = يعنى ممكن أنتم معاً توصلوا 12000 بسهولة جداً غير باقى المميزات من سكن وتذاكر وغيرة ، غير أنة أكيد زوجك سيُعدل وظيفتة لأخصائى من الداخل بسهولة جداً جداً جداً؟؟؟؟؟؟

مشكور يا دكتور حازم

انا الحمد لله اشتغلت في مستشفي خاص في ابها علي 12000 + سكن عائلي مؤثث + شهر اجازة + نص شهر مكافأة + تذكرة طيران واحده

و عملت العقد لمدة سنة واحده و اشترطت في العقد نقل الكفاله بعد انتهاء العقد

و اكون في المده ده ظبط احوالي و بعدين ابقي ادور براحتي

ألف مليون مببببببببببببببببببببببببببروك

الحمد لله ،، والشكر لله

مُوفق بإذن الله

طمنى عليك على طول

[rewsha]

السلام عليكم

ياريت لو حد ممكن يفيدنى

كم تبلغ مصاريف تأسيس السكن

مثل أسعار الأجهزة الأساسية ,, ثلاجة ,,, غسالة,,,,,

و الأثاث تقريباً

و ياريت لو حد عنده فكرة عن مستوصفى الوطنى و الحربى فى بيشة

وعن محافظة الإحساء عموماً

مع جزييل الشكر

السلام عليكم د/orl.

اولا :انا اسفه جدا لاني لم ارسل لك الاسئله اللي قلت لك عليها .بس والله حاولت ومش عارفه ابعتهم ازاي .مش راضيين يتحملوا علشان ابعتهم بس برضه هافضل وراهم لغاية ما الاقي طريقه ابعتهم بيها

ثانيا :بالنسبه لموضوع تكاليف السكن والمعيشه.اول ما تدخل على المغتربين المصريين هاتلاقي مواضيع مثبته فوق كده مكتوب فيها كل حاجه موضوع مثبت: صباح الخير يا سعودية وضوع مثبت: ملف كامل شامل عن المعيشة في السعودية *

وعموما انا بقه اقول لك معلومات عن بيشه لاني كنت رايحاها .

في منتدى اسمه بيشه نت ادخل عليه هاتلاقي اللي انت عايزه من معلومات

وعلى فكره بيشه مالهاش دعوى خالص بمنطقه الاحساء لان الاحساء في المنطقه الشرقيه وبيشه تبع منطقه عسير

واي معلومه انا تحت امرك ابعت لي حتى على الخاص

وعلى فكره الدكتور عندي باعت لك السلام والله وبيقول لك ربنا يوفقك

[rewsha]

شكرا د/حازم

انا رجعت تاني اهو .وبحماس اكتر

انا ما سكيتش عليكوا ولا على المنتدى خالص بالعكس

حتى لو ماحصلش سفر فانا خلاص بقيت من ابناء قصدي بنات المنتدى خلاص

دعواتكم معانا

[enjisultan]

لا اناكلامى مش متناقض لانة اخرة مقيم فى الحكومة6200 ريال بكل سنوات الخبرة

ةالموسى دا مكان خاص عرض 7000 ريالوالاكاديمية 8000 ريال

انا شخصياراي من راى حضرتك اننا نجرب ونشوف يا دكتور حازم

بس جوزى كلاسيك جدا ونفسة المكان يكون مضمون

بس طبعا بعد اللف الكتير دا نفسة المكان يكون شبة مضمون

حتى لان الفترة المسموح لنا مش اكتر من 3 سنين غربة............ زى ما قولت لظروف خاصة

عرض الحكومة كان تبع مصر للحجاز على فكرة ونجح جوزى فى المقابلة

بس قالة الراجل انا عارف ان عرض المقيم هيكون اقل كتير منك لو اخصائى عندنا بس الروتين يا عزيزى

لازم السنة التالتة كنا وقتها لسة ما بداتش

يعنى لازم 3 سنين

فى المجمل شكرا على النصيحة

[rewsha]

الف الف مبرووووووووووك لدكتور/ جحا

وجاء خبر نقلك لابها متزامن كمان مع خبر تاني حلو لسه شايفاه امبارح وهوه ان مطار ابها بقى دولي مش داخلي

الخبر ده كتبه عضو معانا في المحاورات من المقيمين في ابها اسمهozoozo

بشري لاهالي الجنوب (ابها جيزان نجران بيشه) تم تحويل مطار ابها الي مطار دولي وستبدأ اولي الرحلات مباشره للقاهره يوم 17-6 -2009 وده طبعا احسن من بهدله الترانزيت والانتظار 7 و8 ساعات والرحله اسبوعيه كل يو م اربعاء الساعه 2 ظهرا والعوده يوم الجمعه

[jukass]

مررررررررررررررحبا دكتور حازم

دكتور في واحد بيسالني عن المقابلة الشخصية تبعت اختيار التخصص بعد امتحان الشامل تبع البورد السعودي

بتكون صعبة ؟

لانه انا ما عندي خبرة بهاي الامور قلت استفسر منك ؟

يسلموووووووووووووووووو

[hazemtara]

شكرا د/حازم

انا رجعت تاني اهو .وبحماس اكتر

انا ما سكيتش عليكوا ولا على المنتدى خالص بالعكس

حتى لو ماحصلش سفر فانا خلاص بقيت من ابناء قصدي بنات المنتدى خلاص

دعواتكم معانا

حمداً لله على السلامة ونورت المُنتدى من تانى :closedeyes: .

الف الف مبرووووووووووك لدكتور/ جحا

وجاء خبر نقلك لابها متزامن كمان مع خبر تاني حلو لسه شايفاه امبارح وهوه ان مطار ابها بقى دولي مش داخلي

الخبر ده كتبه عضو معانا في المحاورات من المقيمين في ابها اسمهozoozo

بشري لاهالي الجنوب (ابها جيزان نجران بيشه) تم تحويل مطار ابها الي مطار دولي وستبدأ اولي الرحلات مباشره للقاهره يوم 17-6 -2009 وده طبعا احسن من بهدله الترانزيت والانتظار 7 و8 ساعات والرحله اسبوعيه كل يو م اربعاء الساعه 2 ظهرا والعوده يوم الجمعه

يا عينى على الناس الى مذاكرة ، طيب تعرفى إنة المطار دة تعطل من يومين وما طلعتش منة ولا طيارة ولا حتى بسِكلتة ، معلش إحنا بنتكلم

http://al-madina.com/node/148505

[hazemtara]

مررررررررررررررحبا دكتور حازم

دكتور في واحد بيسالني عن المقابلة الشخصية تبعت اختيار التخصص بعد امتحان الشامل تبع البورد السعودي

بتكون صعبة ؟

لانه انا ما عندي خبرة بهاي الامور قلت استفسر منك ؟

يسلموووووووووووووووووو

أهلاً جوكاز /

مُعظم إختبارات المقابلات الشخصية فى السعودية فى مُجملها بتكون سهلة ، بس الممُتحنين يهمهم فى المقام الأول أنهم يشعروا أن الشخص الى أمامهم شخص مثقف ومُتفتح جداً وقارئ يعنى توقع أى سؤال ، بس غالباً الأسئلة تدور فى مجال عملك يعنى لن يبتعدوا كثيراً عن الطب ، مع مُراعة أنة الأسئلة ليس لها نظام ولا قانون بل تخضع لمزاج الممُتحن ، لكن الأسئلة ليست تعجيزية يعنى هما مُش داخلين لك تحدى ،؟؟!!!!

هذا ما أعلمة من زملائى السعودين هنا؟؟؟؟؟ والله أعلم

[hazemtara]

لا اناكلامى مش متناقض لانة اخرة مقيم فى الحكومة6200 ريال بكل سنوات الخبرة

ةالموسى دا مكان خاص عرض 7000 ريالوالاكاديمية 8000 ريال

انا شخصياراي من راى حضرتك اننا نجرب ونشوف يا دكتور حازم

بس جوزى كلاسيك جدا ونفسة المكان يكون مضمون

بس طبعا بعد اللف الكتير دا نفسة المكان يكون شبة مضمون

حتى لان الفترة المسموح لنا مش اكتر من 3 سنين غربة............ زى ما قولت لظروف خاصة

عرض الحكومة كان تبع مصر للحجاز على فكرة ونجح جوزى فى المقابلة

بس قالة الراجل انا عارف ان عرض المقيم هيكون اقل كتير منك لو اخصائى عندنا بس الروتين يا عزيزى

لازم السنة التالتة كنا وقتها لسة ما بداتش

يعنى لازم 3 سنين

فى المجمل شكرا على النصيحة

أهلاً أختى الفاضلة /

أتمنى أن يكون كلامى ما زعلكيش ، لكن زى ما شرحت لكى فرصة زوجك كبيرة جداً سواء تعاقد مقيم أو أخصائى من مصر هما فى المديرية هنا سوف يُعدلوا لة الوظيفة لأخصائى تخدير وراتبة زى ما قلت لك لن يقل عن 11000 ألف ريال بأى حال من الأحوال.

ومن السهل أنكم تشتغلوا فى مكان كبير ومركزى ، يعنى مدينة كبيرة مُش صغيرة.

تحياتى

[hazemtara]

سؤال عن المعاهد يا دكتور

هي دي فيها تخصصات

ممكن الواحد يتخصص فيها ويشتغل براتب

لاني سمعت عن الاكادمية الدولية بس مش عارف في ايش فايدتها ؟؟؟

كخريج من طب بشري طبعا السؤال عني انا

:happy:

أهلاً حبيبى /

شوف المعاهد التعليمية زى السباعى والأكاديمية الدولية للعلوم الصحية دى معاهد خاصة تُدرس للطلبة السعودين من خريجى المدارس الثانوية والذين لم يحصلوا على مجموع يسمح لهم بلإلتحاق بأحد الكليات أو المعاهد الحكومية فى تخصصات الطب المختلفة .

يعنى الطالب ممكن يتخصص فيها فى تمريض - صيدلة - مختبرات - أشعة ) ويمنح شهادة تسمح لة بالعمل فى الحكومة السعودية بوظيفة فنى ( فنى تخدير - فنى تحاليل -فنى تمريض -فنى أشعة)

طبعاً الطلبة دول بيدروسوا سنتين بعد الثانوية العامة والمواد التى تُدرس لهم كلام فارغ يعنى مثلاً بيدرسوا لهم بعض مواد الطب زى التشريح والفيسيولوجى والبيوكمسترى ، بس طبعاً قُشور من التى تُدرس لك فى طب والأن الطلبة عاوزين يعربوا هذة القُصاصات كمان لأنهم بيقولوا صعبة؟؟؟!!!!!!!! :closedeyes: .

شفت أنت غلبان أد إية يا جوكاز ؟؟؟!!!!! لو شفت المنهج الى بيقولوا علية صعب راح تموت على روحك من الضحك ،،، أعطيك مثال بسيط للتوضيح بس

خد عندك التشريح تلاقى مثلاً القلب لخصة لهم المدرس فى التقسيم بتاع الثانوى 4 غرف و4 صمامات ورسمة حلوة للقلب ويديهم علية السؤال الى جاى فى الإمتحان ومعى ذلك بيرسبوا ، ويقولوا صعب موت

ما يخصك فى الموضوع كطبيب حضرتك ممكن تشتغل كمدرس لهم تدرس أى مادة بمزاجك وعلى حسب الإتفاق معى الإدارة ، ورواتبهم حوالى 4500 ريال ، بس كل الناس الى أعرفهم لا يهتمون بالراتب أهم حاجة الدروس وعدد الرؤس الى بتأخذ عندة درس دة أهم حاجة لأن المنهج بيعطوة هنا فى التيرم بحوالى 1000 -إلى 2000 ريال للراس الواحدة والحسابة بتحسب ، وكلة على حسب عدد الرؤس؟؟؟!!!!!!

طبعاً حضرتك راح تدرس فى معاهد البنين بس ؟؟؟ ومفهوم طبعاً السبب

معظم مناطق السعودية بها معاهد للسباعى والأكاديمية الدولية بس بصراحة أن أنصح بها فقط كعمل مُؤقت على بال ما تُفرج بوظيفة أحسن ولا أحبها كوظيفة دائمة لأنك ببساطة هتكون مُش طبيب بعد فترة صغيرة !!! بقيت مُدرس وماسك الكُتب وبس يا واد وخُد يابنى :blush2:

تحياتى

[icehell]

ملخص مقابلتي مع مكتب التوظيف السعودي(للأطباء)26.04.2009

الانطباع الاول عند دخول المكان ....اناس بشوشين محترمين.......

الاسألة كلها في مجال الطب وليست هناك اسالة شخصية.

٢ اسالة كاسة ومناقشتك في الأختيارات من حيث التشخيص والمانجمنت.(سكر-هيباتيتس بي)

٣ اسالة في اكس راي صدر بس سبوت دياجنوسيس.

١ اسالة رسم قلب وكان انفاركشن وكانت عبارة عن كاسة ودياجنوسيس مع رسم القلب.

واخر سؤال تحب تشتغل في اية منطقة?

طبعا هذه الاسالة للمارس العام.

وكان في لجنة اخرى للاخصائيين والمقيم برضوا كان فيها رسم قلب واشعة.

ومن الاسالة للاخصائيين كوازاكي سيندروم.

الحمد لله نقول مبروك .

قول مبروك

في جنيور جايلك تبوك :closedeyes:

عندي كام سؤال

هوا الباسبورت بتاعي بيتاخد مني لما اوصل هناك!!!

ممكن اسافر دول الخليج التانية من غير باسبورت؟ عشان لو كدا اقدر اغير واروح الدمام او الظهران للفسحة

هوا ممكن اسافر من غير ماعمل تصريح العمل؟ اصل الاجازات ممنوعة في وزارة الصحة عشان انفلونزا الخنازير!!طاب اخد اجازة ازاي؟

ياريت ترد على الخاص برضوا

شكرا دكتور _حازم

[jukass]

يسلمو دكتورنا الكبير

هو زي ما انته عارف هادي هي مواضيعنا انا والشباب بالنسبة للاجانب المقيمين بالسعودية اصلا

كل يوم بنطلع بفكرة وخطة

انته عارف انه في امتياز النا كاجانب هناك بس للمقيمين والمولودين هناك

نظامه يا سيدي العزيز كيف ؟؟؟

انا احكيلك لانك مهم انك تعرف لو احد سالك

في حاجة اسمها اشراف اكاديمي ( academic supervision )

بتسجل بجامعة تحت الاشراف الاكاديمي وبيمتحنوك امتحان ولو عديته بيعطيك ورقة تروح فيها على اي مستشفى تعليمي عاوز تتدرب فيه للامتياز

مثلا احنا بجدة بنروح يا لجامعة الملك ابو عزو او ام القرى بمكة ونفدم ورقنا ونمتحن وبنشوف وين نروح على اي مستشفى حكومي او جامعي واذا عندهم مكان بنخش وبنسجل

عاد احنا هناك عندنا شوية اختيارات مثلا مستشفى الملك فهد او مستشفى جامعة الملك عبدالعزيز جدة

وممكن بمكة في مستشفى النور <<< طبعا مشهورة هالمستشفى

بالنسبة للرياض بعرف في مستشفى الشميسي التعليمي

وكان برضو خطر على بالنا موضوع التدريب بالمدن الطبية زي مدينة الملك عبدالله بالمدينة المنورة

بس طبعا قبل التقديم بيطلبو ورقة عدم ممانعة وورقة افادة من الجامعة

واي خدمة بالمواضيع هادي انا موجود

سؤال لو عندك خلفية عنه

ايش رايك بالمدن الطبية زي اللي حكيت عنها

شكررررررررررررررررررا :sad: :unsure: :D :D

[mama nona]

مشكور يا دكتور حازم

انا الحمد لله اشتغلت في مستشفي خاص في ابها علي 12000 + سكن عائلي مؤثث + شهر اجازة + نص شهر مكافأة + تذكرة طيران واحده

و عملت العقد لمدة سنة واحده و اشترطت في العقد نقل الكفاله بعد انتهاء العقد

و اكون في المده ده ظبط احوالي و بعدين ابقي ادور براحتي

الف مبرووووك وربنا يوفقك ان شاء الله

ودعواتك لنا

[enjisultan]

لا اناكلامى مش متناقض لانة اخرة مقيم فى الحكومة6200 ريال بكل سنوات الخبرة

ةالموسى دا مكان خاص عرض 7000 ريالوالاكاديمية 8000 ريال

انا شخصياراي من راى حضرتك اننا نجرب ونشوف يا دكتور حازم

بس جوزى كلاسيك جدا ونفسة المكان يكون مضمون

بس طبعا بعد اللف الكتير دا نفسة المكان يكون شبة مضمون

حتى لان الفترة المسموح لنا مش اكتر من 3 سنين غربة............ زى ما قولت لظروف خاصة

عرض الحكومة كان تبع مصر للحجاز على فكرة ونجح جوزى فى المقابلة

بس قالة الراجل انا عارف ان عرض المقيم هيكون اقل كتير منك لو اخصائى عندنا بس الروتين يا عزيزى

لازم السنة التالتة كنا وقتها لسة ما بداتش

يعنى لازم 3 سنين

فى المجمل شكرا على النصيحة

أهلاً أختى الفاضلة /

أتمنى أن يكون كلامى ما زعلكيش ، لكن زى ما شرحت لكى فرصة زوجك كبيرة جداً سواء تعاقد مقيم أو أخصائى من مصر هما فى المديرية هنا سوف يُعدلوا لة الوظيفة لأخصائى تخدير وراتبة زى ما قلت لك لن يقل عن 11000 ألف ريال بأى حال من الأحوال.

ومن السهل أنكم تشتغلوا فى مكان كبير ومركزى ، يعنى مدينة كبيرة مُش صغيرة.

تحياتى

شكرا دكتور حازم

مافيش زعل خالص شكرا على سعة صدركم

ودعاوتكم ربنا ييسر لنا الخير وبرضة لو عندى سؤال لازم هازعجكوا معايا

وشكرا مرة تانية

[enjisultan]

عندى سؤال عن تحاليل المعامل المركزية

اجنا حللنا ويها بعرض السفر

وعدين النتيجة على النت بعد 48 ساعة

وطلعت نمذج 10

ورقة كدة متشقلبة

باسم السفير

هو اللى انا فهمتوا ان النموذج دا يعنى انك clear

ولا انا فهمت غلط

ولا لازم اجيب النتيجة بنفسى

معلش هو سؤال ساذج بس اول مرة اعمل الاجراءات دى اعذورونى

[jukass]

حبي يا دكتور حازم ازيك

انا لقتلك حاجة خفيفة تفرفش الناس على اخر الاسبوع

وهاف نايس وييك اند

صورة ستاربكس بعرعر

هاذي صورة لستاربكس بعرعر

كيف بس اجيبلك صورة حلوة تفرفش وتنعنش

استمتعو يا ايها المقيمون بالسعودية

استمتعو

دعواتكم عشان علي امتحانات

واكيد مجدي يا بوب

[rewsha]

السلام عليكم

د/حازم .من فضلك عندي سؤال عن مدينه حفر الباطن .اخبارها ايه ؟

جاي لنا عرض هناك في مستشفى نور خان صاحبها باكستاني معاه الجنسيه السعوديه .المرتب 12000مستشفى دي

كنت عايزه راْي حضرتك وراْي الاخوه الافاضل في المنتدى

لو حد يعرف حاجه عن مدينه حفر الباطن

ولو حد يعرف حاجه عن المستشفى دي ياريت يمدني بالمعلومات اللي يعرفها

وشكرا

[hazemtara]

السلام عليكم

د/حازم .من فضلك عندي سؤال عن مدينه حفر الباطن .اخبارها ايه ؟

جاي لنا عرض هناك في مستشفى نور خان صاحبها باكستاني معاه الجنسيه السعوديه .المرتب 12000مستشفى دي

كنت عايزه راْي حضرتك وراْي الاخوه الافاضل في المنتدى

لو حد يعرف حاجه عن مدينه حفر الباطن

ولو حد يعرف حاجه عن المستشفى دي ياريت يمدني بالمعلومات اللي يعرفها

وشكرا

أهلاً روشة /

مُش معقول أخيراً هتكونى جارتى الحفر بينى وبينها حوالى 580 كيلومتر بس يعنى حوالى 5 إلى 6 ساعات بالعربية وههى موازية لعرعر تقريباً على نفس خط العرض تقريباً وتقع فى أقصى الشمال الشرقى للسعودية وأقرب ما تكون لحدود الكويت.

أولاً هى مدينة كبيرة وجميلة وبها مُعظمالأسولق والمحلات الكبرى والوكلات الكبرى زى توكيلات السيارات والأجهزة الكهربائية والمولات الكبرى لزوم التسوق وصرف الفلوس يعنى ذة ن المُميزات.

أما أخطر عيب بها هو ( العَجْ ) يعنى الواصف التُرابية وإسم البلد على ما أسمع من بعض أهلها الذين يأتون لنا هنا وهو حفر الباطن مُشتق من الحُفرة حيث أنها مكان مُنخفض نسبياً ، لكن هذا ليس بالعيب الكبير بدليل أن كثير من زملائنا مبسوطين جداً هناك،، وبعدين إن شاء الله لما تحبى تسافرى لو نزلتى برى لازم هاتعدى علىَّ فى عرعر ( هتدفعى كرتة نظير السماح لكى بالمُرور طبعاً ).

لى واحد من أعز زملائى هناك بس تليفونة ضايع منى فى خلال أسبوع على أكثر حال هجيب رقمة بإذن الله و أسئلة عن كل حاجة أنت عاوزها وأخليكى تكلمية كمان.

مُوفقة يا رب.

يا رب تيجى الحفر ،،،،،!!!!!!!!!!!!!!!! يا رب الحفر يا رب الحفر !!!!!!!! ولد يا رب !!!!!! ولد يا رب mft:

[hazemtara]

حبي يا دكتور حازم ازيك

انا لقتلك حاجة خفيفة تفرفش الناس على اخر الاسبوع

وهاف نايس وييك اند

صورة ستاربكس بعرعر

هاذي صورة لستاربكس بعرعر

كيف بس اجيبلك صورة حلوة تفرفش وتنعنش

استمتعو يا ايها المقيمون بالسعودية

استمتعو

دعواتكم عشان علي امتحانات

واكيد مجدي يا بوب

:)

يا إبنى سيبك منى وركز فى مذاكرتك أنت ومجدى اليومين دول أنتم على مقربة من الإمتحانات mft: أنا راجل فاضى .

أما عن الصورة الإستربتيز الى أنت منزلها لى بخصوص عرعر حبيبتى أبشرك أنها ما فتحتش معاية ولا راضية تفتح ولا باين عليها هتفتح فى يومها الأبيض دة ;) وشكلك كدة ها تبوظ علينا الويك إند .